အခန်း ၁၃၁၂

အခန်း (၁၃၁၂) အရှေ့ပိုင်း ဍုမေဏု

သို့သော် နတ်ဘုရားမင်းဆက်က ဤအပေါ်ယံလွှာကို အမှန်တကယ်စွန့်လွှတ်ပြီး မသေမျိုးများကို နှင်ထုတ်ရန်ဆိုသည်မှာ... ရှန်းယီက တရားဝင်တာ့လော်ရွှေမသေမျိုးတစ်ပါး ဖြစ်နေလျှင်ပင်၊ သူက ကပ်ဘေးစွမ်းအားများ ကုန်ခမ်းပြီးရှည်လျားသော အိပ်စက်ခြင်းသို့ကျရောက်သွားသည်အထိ မသေမျိုးသုံးပါးဂိုဏ်းမှ ကျင့်ကြံသူများ၏အကြိမ်ကြိမ် တိုက်ခိုက်ခြင်းကို ခံရနိုင်ဖွယ်ရှိသည်။

လူသားခွန်အားတွင် ကန့်သတ်ချက်များစွာရှိသည်။

ယိုယောင်ကို သတ်ဖြတ်ပြီးကတည်းက၊ ရှန်းယီက အချိန်အတော်ကြာအောင် ဇဝေဇဝါဖြစ်နေခဲ့ပြီး၊ အခြားတိုက်ကြီးများ၏အခြေအနေကို မေးမြန်းရန် နတ်ဘုရားမင်းဆက်ထံသို့ စာတစ်စောင် ပေးပို့ခဲ့သည်။

သို့သော် သူသိသွားလျှင်ပင် ဘာလုပ်ရမည်နည်း။

အကယ်၍ သူက အခြားတိုက်ကြီးများဆီသို့ သွားရောက်ပြီး ဤလုပ်ရပ်များကို ထပ်မံ လုပ်ဆောင်မည်ဆိုလျှင်ပင်၊ လူတစ်ယောက်တည်းက ဤမျှနေရာများစွာကို မည်ကဲ့သို့လုပ် စီမံနိုင်မည်နည်း။

တစ်ချိန်တည်းမှာ နေရာများစွာမှာရှိနေဖို့ဆိုတာ မဖြစ်နိုင်ဘူးလေ...

ဤအခိုက်အတန့်သို့ ရောက်လာသောအခါ ရှန်းယီသည် လူသားဧကရာဇ်၏ အတွေးအချို့ကို နောက်ဆုံးတွင် စတင် နားလည်လာခဲ့၏။ သာမန်ထက်ထူးကဲသော စွမ်းအားကို ကိုင်စွဲထားလျှင်ပင်။ လောကကြီး၏ဒီရေလှိုင်းများကို ရင်ဆိုင်ရချိန်တွင် အကူအညီမဲ့မှုကို ခံစားရနိုင်သည်။

အတိတ်က မည်သည့်ပြဿနာများ ပေါ်ပေါက်လာပါစေ၊သူက နတ်ဆိုးများကိုသတ်ဖြတ်ပြီး သက်တမ်းကို လုယူကာ သူ၏ကျင့်ကြံခြင်းနယ်ပယ်ကို မြှင့်တင်နိုင်သရွေ့ အဖြေတစ်ခု အမြဲတမ်း ရှိနေခဲ့သည်။

သို့သော် ဒုတိယအဆင့်သို့ ရောက်ရှိသွားပြီးကတည်းက၊ ရှန်းယီက ထိုလမ်းကြောင်းကို လုံးဝ အဆုံးသတ်သွားစေခဲ့ပြီ ဖြစ်သည်။

မူလဖရိုရဲတာ့လော်ရွှေမသေမျိုး၊ မဟာလွတ်လပ်ခြင်းဗောဓိသတ္တတို့သည် လောကကြီး၏အထွတ်အထိပ်တွင် ရပ်တည်နေကြပြီဖြစ်ပြီး၊ ပုံမှန် ရွှေမသေမျိုးများနှင့် နှိုင်းယှဉ်ပါက၊ ထို ရေခဲတောင်အတွင်းသို့ ဝင်ရောက်သွားခဲ့ပြီးဖြစ်ရာ သူ၏လှုပ်ရှားမှုတိုင်းက စစ်မှန်သော ကောင်းကင် တာအိုစွမ်းအားကို ပါဝင်နေသည်။

တာအို နှင့် ထိတွေ့လုနီးပါးဖြစ်နေပြီဖြစ်ရာ တိုးတက်ရန်နေရာ ဘယ်မှာ ရှိနိုင်တော့မည်နည်း။

မသေမျိုးကတိသစ္စာ နှင့် ကြီးမားသောဆန္ဒနှင့်ပက်သက်၍ ရှန်းယီက လောလောဆယ်တွင် မည်သို့ လုပ်ဆောင်ရမည်ကို အစအနမျှမသိရှိသလို၊ ၎င်းကို မည်သို့ဖြည့်ဆည်းရမည်ကိုလည်း မသိရှိပေ။

အခြေခံအုတ်မြစ်ကို ခိုင်မာစေရန်အတွက် ဝိညာဉ် ရတနာများကိုသာ စတင် အားကိုးရတော့မည်ပုံ ပေါ်သည်။

ကျောက်စိမ်းချန်ရတနာအမိန့်တော်တွင်လည်း ဝိညာဉ် ရတနာများကို ကပ်ဘေးစွမ်းအားဖြင့် မည်သို့ သန့်စင်ရမည်ကို မှတ်တမ်းတင်ထားသော်လည်း၊ ကံမကောင်းစွာဖြင့် အောင်မြင်နိုင်ခြေမှာ အလွန် နည်းပါးလှ၏။ သူ၏တာအို အောင်မြင်မှုမှ စုဆောင်းထားသော ကပ်ဘေးစွမ်းအားနှစ်သိန်းကို သွန်းလောင်းထည့်လိုက်ခြင်းကပင် လှိုင်းဂယက်လေးတစ်ခုမျှ ဖြစ်ပေါ်စေနိုင်မည်မဟုတ်ပေ။

သူ သေမျိုးကပ်ဘေး နှင့် ရင်ဆိုင်ရပါက၊ နတ်ဆိုးတစ်သောင်းခန်းမတွင် သူ၏ ပုံသဏ္ဌာန်ကို ပြန်လည် ပုံဖော်ရန်အလောင်းအစားလုပ်နိုင်ရန်အတွက် ၎င်းကို သိမ်းဆည်းထားခြင်းက ပိုကောင်းပေလိမ့်မည်။

ကံကောင်းထောက်မစွာဖြင့် သူ၏လက်ထဲတွင် ငါးကြိမ် သွေးသန့်စင်ခြင်း နက်ရွှေရောင် ဇင်တောင်ဝှေးတစ်ခုနှင့် သုံးကြိမ် သွေးသန့်စင်ခြင်း အသက်မဲ့ဓား တစ်လက် ရှိနေ၏။ ရွှေမသေမျိုး တစ်ပါးအနေဖြင့် ဆင်းရဲနွမ်းပါးလှသော်လည်း အနည်းဆုံးတော့ တိုက်ခိုက်ခြင်းကိရိယာများကို ပိုင်ဆိုင်ထားပါသည်။

"ဖြည်းဖြည်းချင်း စတင်ရမှာပေါ့။" ရှန်းယီက သူ့ကိုယ်သူ နှစ်သိမ့်ရန်ဤစကားစုကို အကြိမ်များစွာ အသုံးပြုခဲ့ဖူးသော်လည်း၊ ဤတစ်ကြိမ်တွင်မူ သူ၏မျက်လုံးများတွင်ပင် သံသယရိပ် ယှက်နေခဲ့၏။

အသိဉာဏ်ရှိသူတိုင်း သိရှိထားသလိုပင်။ အချိန်များကုန်ဆုံးသွားသည်နှင့်အမျှ ဂိုဏ်းနှစ်ခုကြားရှိ အခြေအနေများမှာ ပိုမိုတည်ငြိမ်လာမည်ဖြစ်ပြီး၊ ထိုအချိန်ရောက်မှ ထိုးဖောက်ဝင်ရောက်ရန် ကြိုးပမ်းခြင်းက အချည်းနှီးအိပ်မက်တစ်ခုသာ ဖြစ်ပေလိမ့်မည်။

ထိုအခိုက်အတန့်တွင် ရှန်းယီက ရုတ်တရက် မော့ကြည့်လိုက်၏။

ကောင်းကင်မျှော်စင်တောင်ကို ဖြတ်သန်းသွားသောမရေမတွက်နိုင်သော အလင်းတန်းများထဲမှ တစ်ခုက တိတ်ဆိတ်စွာကျဆင်းလာပြီး၊ အစစ်အမှန်အရှင် ထိုက်ရွှီ ဗိမာန်၏ အပြင်ဘက်တွင် ဝဲပျံနေသည်။

...

မသေမျိုးကြိုးကြာငှက်က ၎င်း၏တောင်ပံများကို ဖြန့်ကာပါးလွှာသော မြူခိုးများကို ဖယ်ရှားလိုက်၏။

ခမ်းနားကြီးကျယ်သော ခန်းမဆောင်ကြီးတစ်ခု၏ ပုံရိပ်ယောင်တစ်ခုကို ကို ထုတ်ဖော်ပြသလိုက်ရာ ၎င်းအတွင်းတွင် မင်္ဂလာတိမ်တိုက်များစွာ စုစည်းနေပြီးနောက်ကွယ်တွင် မသေမျိုးသုံးပါးဂိုဏ်းမှ မူလဖရိုဖရဲတာ့လော်ရွှေမသေမျိုးများ ထိုင်နေကြသည်။

သူတို့က ခန်းမဆောင်၏အထက်တွင် မြင့်မားစွာ ထိုင်နေကြပြီး၊ သူတို့၏ပတ်လည်ရှိ လျင်မြန်စွာ ချဉ်းကပ်လာသောပုံရိပ်များကို ငုံ့ကြည့်နေကြ၏။

တတိယအဆင့်တပည့်များအားလုံးကို ခေါ်ယူခြင်းကဲ့သို့ မြောက်ပိုင်းတိုက်ကြီးတွင် ဤမျှကြီးကျယ်ခမ်းနားသောလှုပ်ရှားမှုမျိုး မတွေ့ရသည်မှာ ကြာမြင့်ပြီ ဖြစ်သည်။

တပည့်တစ်ဦးချင်းစီက လေးနက်သော အမူအရာများဖြင့် ခန်းမဆောင်အတွင်းသို့ အလျင်အမြန်ဝင်ရောက်လာကြရင်း သူတို့က အလိုအလျောက်နှစ်ဖက်တွင် တန်းစီရပ်လိုက်ကြရာ၊ကျယ်ပြန့်သော တာအိုခန်းမဆောင်ကြီးမှာ လုံးဝ တိတ်ဆိတ်သွားတော့သည်။

"တပည့်လီရှန်း၊ အကြီးအကဲတွေကို ဂါရဝပြုပါတယ်။"

"တပည့် ချီရှန်း၊ အကြီးအကဲတွေကို ဂါရဝပြုပါတယ်။"

ဤအလင်းတန်းနှစ်ခုက ဘယ်နှင့်ညာမှ အသီးသီး ထွက်ပေါ်လာပြီး၊ တပည့်များ၏အရှေ့ဆုံးတွင် ရပ်လိုက်သောအခါ၊ ရွှေမသေမျိုးအုပ်စုကြီးက အလယ်ဗဟိုရှိ ချီယွင်၏ပုံရိပ်ဆီသို့ သူတို့၏ အကြည့်များကို လှည့်လိုက်ကြ၏။

"..."

ချီယွင်ကျစ်က အိပ်ပျော်ချင်ယောင်ဆောင်ကာ သူ၏မျက်လုံးများကို မှိတ်ထားပြီး တိတ်ဆိတ်နေ၏။

အနီးအနားတွင် ချင်းကွမ်းဇီက တည်ငြိမ်စွာထိုင်နေပြီး သူ၏မျက်လုံးထဲတွင် လှောင်ပြောင်မှု အရိပ်အယောင်လေးတစ်ခု ရှိနေပါသည်။

အခြား ရွှေမသေမျိုးများက ဤနှစ်ဦးကြားရှိ မကြာသေးမီကရန်ငြိုးကို သိရှိထားကြသဖြင့် အကူအညီမဲ့စွာ ခေါင်းခါရုံသာ တတ်နိုင်ကြ၏။

ဆိုရိုးစကားအတိုင်း ကံဆိုးမှုက အဆင်ခြင်မဲ့သူများကို ရှာဖွေတတ်သည်။ လျှော်ကြိုးကအပါးဆုံးနေရာမှ ပြတ်တတ်၏။ သို့သော် ဤအရာ လွန်စွာပင် မကြာခဏပြတ်နေလေပြီ။

တပည့်အများစုက ကျောက်စိမ်းပြားများမှတစ်ဆင့် အခြေအနေကိုသိရှိထားပြီးဖြစ်ရာ၊ ယခုအခါအားလုံးက ခန်းမဆောင်၏အလယ်ဗဟိုသို့ လှမ်းကြည့်လိုက်ကြ၏။ ထိုနေရာတွင် သွေးရောင်လွှမ်းနေသောမျက်လုံးများဖြင့် အသက်ပြင်းပြင်း ရှူကာ ဒူးထောက်နေသော လူတစ်ယောက်က ပြတ်တောက်နေသောနေရာမှ ရွှေရောင်အလင်းတန်းများဖြာထွက်နေသည့် အပိုင်းပိုင်းပြတ်နေသော အလောင်းတစ်ခု၏ဘေးတွင် ရှိနေသည်။

"ကျေးဇူးပြုပြီး အကြီးအကဲတို့၊ ကျွန်တော်တို့အတွက် တရားမျှတမှုကိုရှာပေးပါ"

"အစ်ကို ချူရှီး အတွက် တရားမျှတမှုကိုပေးပါ"

အစစ်အမှန်အရှင် ချူရှီးက ချီယွင်ဂူ၏ ထိပ်တန်းတပည့် ဖြစ်ပြီး၊တစ်ချိန်က မြောက်ပိုင်းတိုက်ကြီး တွင် လီရှန်း၊ယိုယောင် နှင့် အခြားသူများ၏ နောက်တွင် ဒုတိယ နေရာ၌ရှိခဲ့ကာ၊ မဟာ စီရင်စု နှစ်ခုကို ကိုင်စွဲထားသူ ဖြစ်သည်။ ကျဆုံးသွားသော ဂျူနီယာညီအစ်ကိုမောင်နှမ များအတွက် ဒေါသထွက်ပေါက်ပေးရန် အရှေ့ပိုင်းတိုက်ကြီးသို့ သွားရောက်ရန် မိမိဆန္ဒအလျောက်သွားရောက်ခဲ့သော်လည်း၊ ယခုအခါ အသက်ရှင်ခြင်းလက္ခဏာ အားလုံး ဆုံးရှုံးသွားခဲ့ပြီ ဖြစ်သည်။

မသေမျိုးသုံးပါးဂိုဏ်း နှင့် ဗောဓိဂိုဏ်း တို့သည် အရွယ်အစား တူညီကြပါသည်။

နောက်တစ်ခုက တိုက်ကြီးသုံးခုလုံးကို သိမ်းပိုက်ထားပြီး၊ ပထမတစ်ခု၏တပည့်များကမူ မြောက်ပိုင်းတိုက်ကြီးတွင် ကျပ်ညပ်နေကြ၏။ သူတို့က ဘုန်းကြီးများကို မအနိုင်ယူနိုင်၍မဟုတ်ဘဲ၊ သက်တောင့်သက်သာရှိသော သူတို့၏မွေးရပ်မြေမှ မထွက်ခွာလိုခြင်းကြောင့်သာ ဖြစ်သည်။

ပြီးခဲ့သည့်အကြိမ် အဖြစ်အပျက်မတိုင်မီအထိ၊ ဤကိစ္စမှာ စတင်လာနေပြီဖြစ်၏။

တကယ်တမ်းတော့ အခြေအနေက လွန်စွာမဆိုးခဲ့ပေ။

ခေတ္တမျှအသားကျရန်အချိန်ယူပြီးနောက်၊ နာကြည်းမှုများပြည့်နှက်နေသော မသေမျိုးသုံးပါးဂိုဏ်း၏ တပည့်များက အခြားတိုက်ကြီးများ တွင် လျင်မြန်စွာ ခြေကုပ်ယူနိုင်ခဲ့ကြသည်။ အတူတကွ ပူးပေါင်းလုပ်ဆောင်ခြင်းဖြင့် သူတို့က ထိုဘုန်းကြီးများကို လျင်မြန်စွာအနိုင်ယူပြီး တစ်လှမ်းချင်း နောက်ဆုတ်သွားစေခဲ့ကာ၊ ဗောဓိဂိုဏ်းထံမှ တာအိုနယ်မြေအများအပြားကို သိမ်းယူနိုင်ခဲ့ကြ၏။

သို့သော် ပြဿနာမှာ ဤသို့စတင်ခဲ့ခြင်းပင်။

"ဍုမေဏုတောင်က မဟာလွတ်လပ်ခြင်းတွေက အရှက်မရှိဘူး။ တပည့်တို့ရဲ့တရားမျှတတဲ့ ယှဉ်ပြိုင်မှု အတွင်းမှာ၊သူတို့က အဲဒီဗောဓိသတ္တတွေကို လျှို့ဝှက်စွာမကြာခဏကူညီပေးခဲ့တယ်။"

"တပည့်တို့ သူတို့ကိုတွေ့ခဲ့ရင်တောင်။သူတို့က တာဝန်ယူမှုကိုရှောင်လွှဲဖို့ဆင်ခြေတွေကိုပဲအသုံးပြုကြတယ်။"

"တပည့်တွေရဲ့ကျင့်ကြံခြင်းက အထောက်အထားတွေကိုဆုပ်ကိုင်ထားဖို့ အရမ်းနိမ့်ကျနေတော့။ ဒီ ဖုံးကွယ်နေတဲ့ဆုံးရှုံးမှုကိုပဲ တပည့်တို့ခံစားရတော့တယ်။"

ဤအကြောင်းကို ပြောဆိုရင်း တတိယအဆင့် တာ့လော်မသေမျိုးဖြစ်သော တပည့်၏အသံတွင် ဝမ်းနည်းမှု အရိပ်အယောင်အချို့ ထပ်မံပါဝင်လာခဲ့၏။ "ဒါပေမယ့် ဘယ်သူကထင်မှာလဲ။ သူတို့က ပိုပြီးအဆင်အခြင်မဲ့လာလိမ့်မယ်လို့။"

အစစ်အမှန်အရှင် ချူရှီးက ကိုးနှင့်ကိုး အသွင်ပြောင်းလဲခြင်း၏ အထွတ်အထိပ်သို့ ရောက်ရှိနေပြီး၊ သူ၏ကျင့်ကြံခြင်း နှင့် နတ်ဘုရားစွမ်းရည်များမှာ ထူးချွန်ပြောင်မြောက်ပါသည်။

သေဆုံးသွားသူများမှာ သူ၏ဂျူနီယာ ညီအစ်ကို မောင်နှမများ ဖြစ်ကြသဖြင့် သူ၏ရင်ထဲတွင် သတ်ဖြတ်လိုသော ရည်ရွယ်ချက်တစ်ခုရှိနေသည်မှာ သဘာဝကျပြီး၊ ဤကဲ့သို့အရှက်ရမှုကို ခံစားခဲ့ရသဖြင့် သူ၏လုပ်ရပ်များမှာ အနည်းငယ် ရက်စက်ကြမ်းကြုတ်ပုံ ပေါ်နေခြင်းမှာ ရှောင်လွှဲ၍မရနိုင်ပေ။

သို့သော် မည်သို့ပင်ဖြစ်စေ၊အစမှ အဆုံးတိုင်အောင် သူကစည်းမျဉ်းများကို လိုက်နာခဲ့ပြီး ပွင့်လင်းစွာ တိုက်ခိုက်ခဲ့၏။

"အရှေ့ပိုင်း ဍုမေဏုက မဟာလွတ်လပ်ခြင်းကြာပန်းပုတီးစေ့ဗောဓိသတ္တက၊ ယှဉ်ပြိုင်မှုမှာ တပည့်တွေရှုံးနိမ့်သွားပြီးတဲ့နောက်၊ သူတို့ကိုကယ်တင်ဖို့ ဝင်ရောက်စွက်ဖက်ရုံသာမက သူရဲ့ဒေါသကို ထုတ်ဖော်ဖို့ အခွင့်အရေးယူပြီး စီနီယာအစ်ကို ချူရှီးကို လက်ဝါးတစ်ချက်တည်းနဲ့ သတ်ပစ်ခဲ့တယ်"

"သူက အရမ်းစိုးရိမ်လွန်ပြီး သူ့ရဲ့အင်အားကို မထိန်းချုပ်နိုင်ခဲ့ဘူးလို့ပြောခဲ့တယ်။"

တပည့်၏စကားများ အဆုံးသတ်သွားပြီးနောက်၊ တိမ်တိုက်များပေါ်ရှိ ရွှေမသေမျိုးများ၏ မျက်နှာအမူအရာများတွင်ပင် အေးစက်မှုအရိပ်အယောင် အနည်းငယ် ပိုမို ထင်ဟပ်လာခဲ့သည်။

ပြီးခဲ့သည့် အဖြစ်အပျက်မှနေ၍ ထိုဗောဓိသတ္တ များသည် စည်းမျဉ်းများကိုမလိုက်နာကြောင်း ရှင်းလင်းနေသော်လည်း။ ဤထိပ်ပြောင်များက ဖုံးကွယ်ထားခြင်းမရှိဘဲ ဤမျှဗြောင်ကျကျ လုပ်လာလိမ့်မည်ဟု မည်သူမျှ မမျှော်လင့်ထားခဲ့ပေ။

"သူတို့က တိုက်ကြီးသုံးခုလုံးကို ဗောဓိဂိုဏ်းရဲ့ ပိုင်ဆိုင်မှုတွေအဖြစ် ပြောင်းလဲလိုက်ပြီလို့ ထင်နေတာလား။" ရွှေမသေမျိုးတစ်ပါးက လှောင်ပြောင်လိုက်သည်။

နတ်ဘုရားမင်းဆက် နှင့် မဟာဂိုဏ်းကြီးများကြားရှိ စွမ်းအားကွာခြားချက်မှာ အလွန် ကြီးမားသောကြောင့် မသေမျိုးသုံးပါးဂိုဏ်းက အခြား တိုက်ကြီးများ၏ကိစ္စရပ်များကို အာရုံမစိုက်ခဲ့ခြင်း ဖြစ်သည်။ ယုံကြည်သူများက ၎င်းကိုသိမ်းပိုက်ပြီးနောက် ဖြည်းဖြည်းချင်းယှဉ်ပြိုင်ကြမည်ဖြစ်ရာ အလွန်အမင်း အလေးအနက်ထားရန် မလိုအပ်ပေ။

၎င်းက မသေမျိုးသုံးပါးဂိုဏ်းက မြောက်ပိုင်းတိုက်ကြီး တစ်ခုတည်းဖြင့်သာ ကျေနပ်နေမည်ဟု မဆိုလိုပေ။

"မင်းတို့အားလုံး ဘယ်လိုထင်လဲ။" လင်းရွှီကျစ် က လည်ချောင်းရှင်းပြီး ပတ်ဝန်းကျင်ကို ဝေ့ကြည့်လိုက်၏။

ချီယွင်ကျစ်က အစမှ အဆုံးတိုင်အောင် စကားမပြောခဲ့သော်လည်း သူ့ကို မည်သူကမျှလျစ်လျူမရှုရဲပေ။ ဤအခိုက်အတန့်တွင် သူ၏သတ်ဖြတ်လိုသော ရည်ရွယ်ချက် မည်မျှအားကောင်းနေကြောင်းကို လူတိုင်း သိရှိကြသည်။ အကယ်၍ ယနေ့ ကျေနပ်ဖွယ်အစီအစဉ်တစ်ခုကို မပေးအပ်ပါက အရှေ့ပိုင်းတိုက်ကြီးသို့ ချုပ်တည်းမှုကင်းမဲ့သော ရွှေမသေမျိုးတစ်ပါးရောက်သွားနိုင်ပြီး၊ ကျေနပ်မှုရရှိရန်အတွက်သာ သတ်ဖြတ်ခြင်းများကို ပြုလုပ်သွားနိုင်ရာ၊၎င်းက မဟာကပ်ဘေးကို ထိခိုက်စေနိုင်ပြီး ဂိုဏ်းချုပ်ကို အမျက်ထွက်စေနိုင်သည်။

ရွှေမသေမျိုးများက အချင်းချင်း အပြန်အလှန် ကြည့်လိုက်ကြပြီး၊ သူတို့၏အသံများကို ဖုံးကွယ်ရန် အင်္ကျီလက်များကို ဝှေ့ယမ်းကာ သူတို့အချင်းချင်းတီးတိုး စကားပြောဆိုလာကြ၏။

ထိုအတောအတွင်း အောက်ဘက်တွင်..

တပည့်အများအပြားမှာ သံမဏိလိုပြာနှမ်းနေသော မျက်နှာများဖြင့် မြေပြင်ပေါ်ရှိ အလောင်းကို မှင်တက်စွာ စိုက်ကြည့်နေကြ၏။

မဟာလွတ်လပ်ခြင်း ဗောဓိသတ္တက အားနည်းသူများကို အနိုင်ကျင့်ကာ တိုက်ခိုက်ခဲ့သည်။ အကယ်၍ တန်ပြန်တိုက်ခိုက်မှု မပြုလုပ်ပါက၊ ဤမဟာကပ်ဘေးက အနာဂတ်တွင် သူတို့နှင့် မည်သို့မျှ သက်ဆိုင်တော့မည် မဟုတ်ပေ။

သို့သော် ဤကိစ္စကို အဆိုပြုရန်အတွက် မည်သူက ဦးဆောင်သင့်သနည်း။

ချီယွင်ဂူက ဖန်တီးခဲ့သော ဥပမာမှာ သူတို့၏မျက်စိရှေ့တွင် ရှိနေပြီး၊ စီနီယာအစ်ကို ချူရှီးမှာလည်း သေဆုံးသွားခဲ့ပြီဖြစ်သည်။ သူတို့၏ဂျူနီယာညီလေးကလည်း တာအိုနယ်မြေတွင် နတ်ဆိုးများ၏ပိတ်လှောင် သတ်ဖြတ်ခြင်းကို ခံခဲ့ရပြီး၊ စီနီယာအစ်မယိုယောင်ကပင် ထိုသူမှာ အပြစ်ကင်းကြောင်း ရှင်းလင်းစွာပြောဆိုခဲ့သည်။

အကယ်၍ သူတို့သာ အရှေ့ပိုင်းတိုက်ကြီးသို့ သွားရောက်ခဲ့ပါက၊ မြောက်ပိုင်းတိုက်ကြီး တွင် ခက်ခဲစွာရယူထားခဲ့သော အရာအားလုံးက..

"..."

ချီရှန်းက သူ၏မျက်နှာကို တိတ်ဆိတ်စွာ လှည့်ကာ သူ၏ မျက်နှာချင်းဆိုင်ရှိ လီရှန်းကို လှမ်းကြည့်လိုက်သည်။

သူ၏မျက်လုံးထဲရှိ နက်နဲသော အဓိပ္ပာယ်ကို မြင်သောအခါ၊ လီရှန်းက ခေတ္တမျှရပ်တန့်သွားပြီးနောက် မျက်ခုံးများကိုပင့်လိုက်၏။ တပည့်အများအပြားကြားတွင် ထင်ရှားစွာရပ်တည်နိုင်သူ တစ်ဦးအနေဖြင့် တစ်ဖက်လူ၏ရည်ရွယ်ချက်များကို သူ ဘယ်လိုလုပ် နားမလည်ဘဲ နေမည်နည်း။

ယုံကြည်သူများ၏လက်ရှိ ဒေါသကို အသုံးပြုကာ ဤကဲ့သို့သော ယုတ်မာသည့် နည်းလမ်းများကို လုပ်ဆောင်ခြင်းမှာ အလွန်အရှက်မဲ့လွန်းသည်ဟုသာ သူ ခံစားရ၏။

"ဟွန့်။" ချီရှန်း က လှောင်ပြောင်မှုဖြင့် သူ၏အကြည့်ကို ရုပ်သိမ်းလိုက်သည်။

သူ ယခင်က ပြောခဲ့သော အခွင့်အရေး ဆိုသည်မှာ ဤမြင်ကွင်းကို သူ ကြိုတင်မြင်တွေ့ခဲ့သောကြောင့် ဖြစ်၏။

ဤမျှအရှက်ရမှုကို ခံစားခဲ့ရသဖြင့် ဂိုဏ်းက သေချာပေါက် လက်တုံ့ပြန်ပေလိမ့်မည်။

ထို့အပြင် ထင်ပေါ်ကျော်ကြားနေသော ထို ဂျူနီယာညီလေး ထိုက်ရွှီက လောလောဆယ်တွင် စီရင်စုငါးခုကို ကိုင်စွဲထားပြီး၊ မသေမျိုးသုံးပါးဂိုဏ်း၏ ဦးဆောင်တပည့် ဖြစ်လာမည့် အရိပ်အယောင်များကို ပြသနေသည်။

ဤအခြေအနေတွင် အကယ်၍ တစ်စုံတစ်ယောက်က သူ့ကိုရှေ့သို့ တွန်းပို့လိုက်မည်ဆိုပါက...

သူက သေချာပေါက်သွားရန် ဆန္ဒရှိမည် မဟုတ်ပေ။ မည်သို့ပင်ဆိုစေ သူ ထွက်ခွာသွားပါက အနာဂတ်တွင် စီရင်စုငါးခုက မည်သူ့အပိုင် ဖြစ်လာမည်ကို မသေချာတော့ပေ။ ထို့အပြင် သူသည် တိုးတက်ရန်အရေးကြီးသော အချိန်အခါတွင် ရှိနေပြီး၊ အနည်းငယ်နှောင့်နှေးမှုကပင် ဤတစ်သက်တွင် တစ်ခါသာရနိုင်သော အခွင့်အရေးကို လွဲချော်သွားစေနိုင်၏။

ထို့အပြင် သူက ဗောဓိဂိုဏ်း နှင့် ရန်ငြိုးရှိကြောင်း ချီရှန်း ကြားသိထားခဲ့သည်။ အကယ်၍ သူသာ ရှေ့ထွက်ပြီး မြောက်ပိုင်းတိုက်ကြီးမှ ထွက်ခွာရဲပါက၊ သူသည် မဟာလွတ်လပ်ခြင်း ဗောဓိသတ္တ များ၏ပစ်မှတ်ထားခြင်းကို သေချာပေါက် ခံရမည်ဖြစ်ပြီး သူ၏အသက်ကို အန္တရာယ်ပြုပေလိမ့်မည်။

ဤအကြောင်းရင်း အားလုံးကြောင့်၊ ထိုဂျူနီယာညီလေး ထိုက်ရွှီ ငြင်းဆိုရန် ဆင်ခြေတစ်ခုကို သေချာပေါက် ရှာဖွေပေလိမ့်မည်။

ချီရှန်းက သူ့ကို အရှေ့ပိုင်းတိုက်ကြီးသို့ အမှန်တကယ် စေလွှတ်ရန် မရည်ရွယ်ခဲ့ပေ။ သူ့ကို ငြင်းဆိုစေလိုခြင်းဖြစ်၏။ တပည့်များ ဒေါသထွက်နေချိန်တွင် သူက ဤစကားကိုပြောရဲသရွေ့၊ ဗောဓိဂိုဏ်းထံမှ သူ ရရှိထားသော ဂုဏ်သတင်းမှာ လုံးဝ မြှုပ်နှံခံရပေလိမ့်မည်။

၎င်းက ဤလူငယ်လေး၏မာနကို ဖိနှိပ်ရန်လည်း အသုံးဝင်နိုင်ပြီး သူ၏အနာဂတ်ကို ဤစီရင်စုငါးခု တွင် ကန့်သတ်ထားနိုင်ပေလိမ့်မည်။

ဤအချက်ကို စိတ်ထဲတွေးလျက် ချီရှန်းက တိတ်ဆိတ်စွာ ရှေ့သို့လှမ်းထွက်လိုက်၏။ "အကြီးအကဲတို့။ ကျွန်တော့်မှာ အကြံပြုချက် တစ်ခု ရှိပါတယ်။"