အခန်း ၂၉၆

အပိုင်း ၂၉၆

"ဥက္ကဋ္ဌကြီး၊ ဒါက လွန်ခဲ့တဲ့ တစ်လအတွင်း သုတေသနစင်တာရဲ့ ရလဒ်တွေပါ။"

ခဏအကြာတွင် ရွှီလီသည် ဖိုင်တွဲတစ်ခုကို ကိုင်ဆောင်ကာ သီးသန့်စမ်းသပ်ခန်း ဧရိယာထဲသို့ လမ်းလျှောက်ဝင်ရောက်လာခဲ့သည်။

"အော်. ခင်ဗျားအဲဒါကို ကြည့်ပြီးပြီလား။"

လင်းဖန်သည် ခေါင်းကို အနည်းငယ်မော့လိုက်ပြီး ရွှီလိီကို တစ်ချက်ကြည့်ကာ၊ ထို့နောက် အနောက်သို့လှည့်၍ စမ်းသပ်ခုံပေါ်ရှိ စာရွက်စာတမ်းများကို ဘေးသို့ ဖယ်ထုတ်လိုက်သည်။

"ဘာပြဿနာမှမရှိသရွေ့ ကျုပ်အဲဒါကို ဖတ်ဖို့ မလိုပါဘူး။ အခုကစပြီး သုတေသနစင်တာရဲ့ ကိစ္စရပ်အားလုံးကို ခင်ဗျားဆီပဲ လွှဲအပ်ပါ့မယ်။"

လင်းဖန်သည် တစ်စုံတစ်ဦးက ကုမ္ပဏီ၏ စာရင်းဇယားများကို လိမ်လည်ပြင်ဆင်မည်ကို မစိုးရိမ်ပေ၊ အဘယ်ကြောင့်ဆိုသော် ရှုံ့တာက သူ့ကို စောင့်ကြည့်နေခြင်းကြောင့် ဖြစ်ပြီး၊ မည်သူမဆို ကုမ္ပဏီ၏ စာရင်းဇယားများကို လိမ်လည်ပြင်ဆင်ပါက သူ အလွန် ကောင်းကောင်း သိရှိနေမည် ဖြစ်သည်။

"အဲဒီလိုလုပ်လို့ ဘယ်ဖြစ်ပါ့မလဲ။"

"ဘာလို့ မဖြစ်ရမှာလဲ။ အခုကျုပ်ကို အကူအညီတစ်ခုလောက် ပေးစမ်းပါ။"

ပြောပြောဆိုဆိုနှင့် လင်းဖန်သည် သူ့လက်ကို ဝှေ့ယမ်းကာ စမ်းသပ်ခုံဆီသို့ တန်းတန်းမတ်မတ် လမ်းလျှောက်သွားပြီး စမ်းသပ်ခုံပေါ်ရှိ ပတ်တီးစကို မလိုက်သည်။

မနေ့ကမှ အောင်မြင်စွာ တပ်ဆင်ပြီးစီးခဲ့သော စက်ရုပ်သည် ရွှီလိီ၏ ရှေ့မှောက်တွင် ပေါ်ထွက်လာခဲ့သည်။

မိမိရှေ့မှောက်ရှိ စက်ရုပ်ကို မြင်တွေ့ရချိန်တွင် ရွှီလိသည် ပါးစပ်အဟောင်းသားနှင့် ဆွံ့အမှင်သက်သွားခဲ့ရသည်....။

လင်းဖန်သည် စက်ရုပ်များကို သုတေသနပြုလုပ်နေကြောင်း သူ သိရှိသော်လည်း၊ သူ ယခင်က ဤနေရာသို့ လာခဲ့စဉ်က ၎င်းမှာ အရိုးစုတစ်ခုမျှသာ ရှိသေးသည်။ ယခု သူ ဤနေရာသို့ လာချိန်တွင်မူ ၎င်းကို တပ်ဆင်ပြီးစီးသွားခဲ့ပြီ ဖြစ်သည်။

ဤစက်ရုပ်သည် ရုပ်ရှင်ထဲက စက်ရုပ်နှင့် တစ်ပုံစံတည်း တူညီသော်လည်း၊ ရုပ်ရှင်ထဲကကဲ့သို့ မိုက်မဲသော ဆေးသုတ်ထားခြင်းမျိုးတော့ မရှိပေ။

"ဒါက ဥက္ကဋ္ဌကြီး ကိုယ်တိုင် အပြီးသတ်ထားတဲ့ စက်ရုပ်လား။"

ရွှီလိီသည် သူ့လက်ကို ဆန့်ထုတ်ကာ စက်ရုပ်၏ ကိုယ်ထည်ကို တို့ထိကြည့်လိုက်သည်။

"ဒါက တစ်ဝက်တစ်ပျက် ထုတ်ကုန်ပါပဲ၊ ချိန်ညှိဖို့ လိုအပ်တဲ့ နေရာတွေ အများကြီး ရှိပါသေးတယ်၊ ဒါကြောင့် ခင်ဗျားကိုကူညီခိုင်းတာပါ။"

လင်းဖန်သည် စက်ရုပ်၏ စတင်ခြင်း ခလုတ်ကို ဖွင့်လိုက်ရာ ၎င်း၏ မျက်လုံးများနှင့် ရင်ဘတ်ရှိ အာရုံခံကိရိယာများသည် ချက်ချင်းပင် အနီရောင်အလင်းတန်းများ လင်းထိန်သွားခဲ့သည်။

"ဥက္ကဋ္ဌကြီး၊ ကျွန်တော် ဘာလုပ်ပေးရမလဲ။"

ရွှီလီသည် စက်ရုပ်ကို စူးစိုက်ကြည့်နေခဲ့ပြီး ၎င်းက သူ့ကို စုစုစပ်စပ် ဖြစ်မှုများဖြင့် ပြည့်နှက်သွားစေသည်။

"၎င်းက အခုထိ လမ်းမလျှောက်နိုင်သေးဘူး ကျုပ်အနေနဲ့ လူတစ်ယောက်ရဲ့ လှုပ်ရှားမှု ဒေတာတွေ လိုအပ်တယ်၊ ဒါကြောင့် ခင်ဗျညးကို ကူညီဖို့ တောင်းဆိုတာပါ ခင်ဗျားရဲ့ လှုပ်ရှားမှု ဒေတာတွေကို ကျုပ်စုဆောင်းပြီး ၎င်းထဲကို ထည့်သွင်းမှာ ဖြစ်တယ်၊ ဒါမှ ၎င်းက လွတ်လွတ်လပ်လပ် လှုပ်ရှားနိုင်မှာ"

"ကောင်းပါပြီ။" ခဏမျှ စဉ်းစားပြီးနောက် ရွှီလီက ခေါင်းညိတ်လိုက်သည်။

"ဘယ်လို စမ်းသပ်ရမလဲ။"

"အရင်ဆုံး ခင်ဗျားရဲ့ အားကစားဝတ်စုံကို လဲလိုက်ပါ။"

လင်းဖန်သည် ဘေးနားရှိ အိတ်ကို ညွှန်ပြလိုက်သည်။

"ကောင်းပါပြီ။"

"အင်း။"

လင်းဖန်က ခေါင်းညိတ်လိုက်ပြီး လူသားလှုပ်ရှားမှု စမ်းသပ်ခြင်း ကိရိယာအားလုံးကို ယူဆောင်လာရန် သူ့ကို ခိုင်းလိုက်သည်။ ဤကိရိယာများသည် အဓိကအားဖြင့် အာရုံခံကိရိယာများနှင့် အလင်းဆိုင်ရာ စကင်နာများဖြစ်ကြသည်။

လူသား၏ လှုပ်ရှားမှုသည် အဆစ်ပေါင်း ၂၀၀ ကျော်ဖြင့် ဖွဲ့စည်းထားပြီး အလွန်အမင်း ရှုပ်ထွေးသော လှုပ်ရှားမှုများကို အပြီးသတ်နိုင်ကာ ဤလှုပ်ရှားမှုများတွင် မြင့်မားသော ဟန်ချက်ညီ ညှိနှိုင်းဆောင်ရွက်မှု ရှိသည်။

စက်ရုပ်ဒီဇိုင်းနှင့် အသိဉာဏ်ရှိသော ထိန်းချုပ်မှု ရှုထောင့်အရဆိုလျှင် လူသား၏ လှုပ်ရှားမှုသည် သုတေသနလုပ်ငန်း၏ အဓိက အချက်အချာနေရာ ဖြစ်သည်။

လင်းဖန်သည် အာရုံခံ ခေါင်းပတ်ကို ရွှီလီ၏ ခေါင်းတွင် ပတ်ပေးလိုက်ပြီး၊ ထို့နောက် အပြေးစက်ပေါ်တွင် မတ်တပ်ရပ်ခိုင်းရန် သူ၏ အဆစ်တစ်ခုစီတွင် အာရုံခံကိရိယာများကို တပ်ဆင်ပေးလိုက်သည်။

စမ်းသပ်ခုံပေါ်ရှိ စက်ရုပ်ကို အခြားအပြေးစက်တစ်ခုပေါ်သို့ တင်လိုက်ပြီးနောက် လင်းဖန်သည် အာရုံခံကိရိယာ၏ ဒေတာချိတ်ဆက်မှုကို ဖွင့်လိုက်သည်။

"အခု ဒေတာ စုဆောင်းဖို့ အဆင်သင့် ဖြစ်နေပြီ။"

လင်းဖန်က ပြောလိုက်သည်။- "အဆင်သင့် ဖြစ်ပြီလား။"

"အခု လမ်းအနည်းငယ် လျှောက်ကြည့်။"

စတင်ခြင်း ခလုတ်ကို နှိပ်ပြီးနောက် လင်းဖန်၏ မျက်လုံးများသည် ကွန်ပျူတာ စခရင်ပေါ်တွင် ရှိနေခဲ့သည်။

သူ စကားပြောပြီးသည်နှင့်တစ်ပြိုင်နက် ရွှီလီသည် အပြေးစက်ပေါ်တွင် တဖြည်းဖြည်းချင်း လမ်းလျှောက်ခဲ့သည်။ ကွန်ပျူတာပေါ်ရှိ ဒေတာများသည် အဆက်မပြတ် ပေါ်ထွက်လာပြီး ရှည်လျားလာခဲ့သည်။

"ရပ်လိုက်တော့။"

လင်းဖန်သည် ရွှီလီကို ရပ်တန့်ခိုင်းလိုက်ပြီး ကွန်ပျူတာ စခရင်ကို ကြည့်ရှုလိုက်သည်။

"ငါ အခု မင်းရဲ့ လမ်းလျှောက်တဲ့ ဒေတာတွေကို စက်ရုပ်ဆီ ပေးပို့ဖို့ စမ်းသပ်ကြည့်မယ်။"

ဒေတာ ပေးပို့ခြင်း ပြီးဆုံးသည်နှင့်တစ်ပြိုင်နက် ရွှီလိနှင့် မလှမ်းမကမ်းရှိ စက်ရုပ်သည် စတင် လမ်းလျှောက်ခဲ့သည်။

လင်းဖန်သည် စက်ရုပ်၏ ဘေးနားတွင် သေချာစွာ စောင့်ကြည့်နေခဲ့သည်။ ခြေလှမ်းများ၏ အကွာအဝေးမှာ ရွှီလိနှင့် အတူတူနီးပါး ဖြစ်သော်လည်း လှုပ်ရှားမှုများမှာ စက်မှုဆန်နေဆဲဖြစ်ကာ ခြေလက်အင်္ဂါများသည် တောင့်တောင့်တင်းတင်းသာ လှုပ်ရှားနေခဲ့သည်။ စစ်မှန်သော ဟန်ချက်ညီ ညှိနှိုင်းဆောင်ရွက်မှု မရှိသေးပေ။

နှိုင်းယှဉ်ချက်အရ ပြောရလျှင် ၎င်းက များစွာ ပိုမိုကောင်းမွန်လှသည်၊ အဘယ်ကြောင့်ဆိုသော် ဒါက အစပျိုးခြင်းမျှသာ ဖြစ်ပြီး ထိုကဲ့သို့သော ရလဒ်များ ရှိနေခြင်းကပင် အလွန် ကောင်းမွန်နေပြီ ဖြစ်ခြင်းကြောင့် ဖြစ်သည်။

"ရွှီလီ ဆက်ပြီး လမ်းလျှောက်ပါ ကျုပ် ခင်ဗျားရဲ့ ဒေတာတွေကို စက်ရုပ်ဆီ တစ်ပြိုင်တည်း ချိတ်ဆက်ပေးမယ်။"

လင်းဖန်သည် ကွန်ပျူတာဆီသို့ ပြန်လည်လမ်းလျှောက်သွားပြီး ဒေတာတစ်ပြိုင်တည်း ချိတ်ဆက်ခြင်းသို့ ပြောင်းလဲလိုက်သည်။

ရွှီလီလမ်းလျှောက်လိုက်သည့် အခိုက်အတန့်တွင် စက်ရုပ်သည်လည်း အခြားအပြေးစက်ပေါ်တွင် စတင် လမ်းလျှောက်ခဲ့သည်။ ခေါင်းလှည့်သည့် လှုပ်ရှားမှုများပင် တူညီနေခဲ့ရာ ယင်းက ရွှီလီကို အံ့ဩတုန်လှုပ်သော အမူအရာ ဖြစ်သွားစေခဲ့သည်။

"အရှိန်မြှင့်လိုက်။" လင်းဖန်က စက်ရုပ်၏ လှုပ်ရှားမှုကို ကြည့်ရှုရင်း ပြောလိုက်သည်။

စက်ရုပ်အတွင်း၌ ဂျိုင်းရိုးစကုပ် အစုံတစ်ခု လည်ပတ်နေပြီး ၎င်းက ဟန်ချက်ကို အလိုအလျောက် ချိန်ညှိပေးနိုင်သည်။ ထို့ပြင် ရှုံ့တာသည် ခန္ဓာကိုယ်၏ လှုပ်ရှားမှုများကို အစဉ်မပြတ် ဟန်ချက်ညီစေရန် အလိုအလျောက် သင်ယူ ချိန်ညှိနိုင်သည်။ မကြာမီ စက်ရုပ်၏ ခြေလက်အင်္ဂါများသည် သဘာဝကျကျ စတင် လှုပ်ရှားလာခဲ့သည်။ ၎င်းက များစွာ ပိုမို ချောမွေ့လာခဲ့သည်။

"ဆက်ပြီး အရှိန်မြှင့်ပြီး ဖြည်းဖြည်းချင်း ပြေးလိုက်။" လင်းဖန်သည် ကွန်ပျူတာ စခရင်ပေါ်ရှိ ရှည်လျားလာသော ဒေတာများကို စူးစိုက်ကြည့်နေခဲ့သည်။

လင်းဖန်၏ စကားကို ကြားပြီးနောက် ရွှီလီသည်လည်း အရှိန်မြှင့်လိုက်ပြီး အပြေးစက်ပေါ်တွင် ဖြည်းဖြည်းချင်း စတင်ပြေးခဲ့သည်။

ရှုံ့တာကို သူ့ဘာသာသူ လမ်းလျှောက်ခြင်းအား တုပခိုင်းပြီး လူသားခန္ဓာကိုယ် လှုပ်ရှားမှု ဒေတာများကို အသုံးပြု၍ လိုက်လံတုပခိုင်းခြင်းနှင့် နှိုင်းယှဉ်ပါက၊ ဤနည်းလမ်းသည် စက်ရုပ်၏ လှုပ်ရှားမှုများကို သာ၍ ဟန်ချက်ညီစေပြီး လူသားများနှင့် သာ၍ နီးစပ်သွားစေနိုင်သည်။

မိနစ်သုံးဆယ်အကြာတွင် ရွှီလီသည် အလွန် မောပန်းသွားခဲ့သဖြင့် ရပ်တန့်လိုက်ပြီး အမောတကောဖြင့် လင်းဖန်ကို ကြည့်ရှုလိုက်သည်။

"ခဏနားလိုက်ဦး။"

လင်းဖန်က သူ့ကို ရေဘူးကို အဆင်ပြေပြေ ကမ်းပေးလိုက်ပြီး၊ ထို့နောက် စက်ရုပ်ဆီသို့ သူ၏ အာရုံကို ပြောင်းလဲလိုက်သည်။

- "ကနဦး လှုပ်ရှားမှု ဒေတာတွေကို အောင်မြင်စွာ စုဆောင်းပြီးပါပြီ။ ခဏနားပြီး ခင်ဗျားရဲ့ ဒီနေ့ ပင်ပန်းခံ ကြိုးစားမှုရဲ့ ရလဒ်တွေကို ကြည့်လိုက်ဦး။"

ရွှီလီသည် ယနေ့ နံနက်ခင်းတစ်ခုလုံး သူ စမ်းသပ်ခဲ့သော ဤစက်ရုပ်အပေါ် ယခုအခါ အလွန် စူးစမ်းလိုစိတ် ပြင်းပြနေခဲ့သည်။ ဒါက သူ ဤကဲ့သို့သော အဆင့်မြင့် နည်းပညာနှင့် အနီးကပ်ဆုံး ထိတွေ့ဖူးခြင်း ပထမဆုံးအကြိမ် ဖြစ်သည်။ သူသည် ယခင်က ၎င်းကို ရုပ်ရှင်များထဲတွင်သာ မြင်တွေ့ဖူးခဲ့ခြင်း ဖြစ်သည်။

"ဥက္ကဋ္ဌကြီး၊ ဒီစက်ရုပ်က ဘာလုပ်နိုင်မှာလဲ။"

မည်သို့မျှ တွေဝေမနေဘဲ ရွှီလိသည် သူ့စိတ်ထဲရှိ အကြီးမားဆုံးသော မေးခွန်းကို မမေးဘဲ မနေနိုင်ခဲ့ပေ။

"ဒါလား။ ၎င်းက သာမန်လူတွေ လုပ်နိုင်တဲ့အရာ အားလုံးကို လုပ်ဆောင်နိုင်ပါတယ်။ ဒေတာ စမ်းသပ်မှုတွေအားလုံး ပြီးစီးသွားသရွေ့ ၎င်းက ကျုပ်ရဲ့ စက်ရုပ်လက်ထောက် ဖြစ်လာမှာပါ။" လင်းဖန်က ပြောလိုက်သည်။

"ဥက္ကဋ္ဌကြီးက ဒီစက်ရုပ်ကို သူ့ရဲ့ လက်ထောက်ဖြစ်လာဖို့ သက်သက်အတွက်ပဲ သုတေသနပြုနေတာလား။"

"ဒါက အကြောင်းပြချက်တွေထဲက တစ်ခုပါပဲ။ လူတိုင်းက ကျုပ်ရဲ့ စမ်းသပ်ခန်းထဲကို ဝင်လို့မရပါဘူး။ အယုံကြည်ရဆုံးလူတွေပဲ ဝင်လို့ရတာပါ။ ဒါမှမဟုတ်ရင်လည်း ကျုပ်က အမျိုးသမီး အတွင်းရေးမှူးတစ်ယောက် ရှာလိုက်မှာပေါ့။" လင်းဖန်က ပြုံးလျက် ပြောလိုက်သည်။

သူ သုတေသနပြုလုပ်ချိန်တွင် သူ့တွင် ရှုံ့တာ၏ ကူညီပံ့ပိုးမှု ရှိရမည်ဖြစ်ပြီး၊ ထိုအခါ သုတေသန အရှိန်အဟုန်မှာ ရေတွက်မရနိုင်လောက်အောင် အဆမတန် မြန်ဆန်လာလိမ့်မည် ဖြစ်သည်။

အကယ်၍ သူက လက်ထောက်တစ်ဦး ရှာဖွေမည်ဆိုပါက အရာများစွာ ပေါ်ပေါက်သွားလိမ့်မည် ဖြစ်သောကြောင့် သူ့တွင် လောလောဆယ် ထိုကဲ့သို့သော အကြံအစည် မရှိဘဲ၊ အသိဉာဏ်အဖြစ် လုပ်ဆောင်ရန် စက်ရုပ်များကို အသုံးပြုခြင်း ဖြစ်သည်။

ရှုံ့တာသည် ဤအခန်းကဏ္ဍအတွက် အကောင်းဆုံး ကိုယ်စားလှယ်လောင်း ဖြစ်သောကြောင့် သူက စက်ရုပ်လက်ထောက်ကို တွေးတောခဲ့ခြင်း ဖြစ်သည်။

"အင်း ဟုတ်သားပဲ။"

ဤစကားကို ကြားရချိန်တွင် ရွှီလီသည် အနည်းငယ် ဆွံ့အမှင်သက်မတတ် ဖြစ်သွားခဲ့ရသည်။

သူ့တွင် လက်ထောက်တစ်ဦး လိုအပ်ခြင်းကြောင့်သာ သူက စက်ရုပ်ကို တီထွင်ခဲ့ခြင်း ဖြစ်သည်။ ဤအပေါ်ယံကြည့်လျှင် ရယ်စရာကောင်းသော အဆိုပြုချက်က အမှန်စင်စစ်တွင်တော့ အမှန်တရားတစ်ခု ဖြစ်လာခဲ့သည်။

"စမ်းသပ်ခန်းထဲမှာ ကိစ္စရပ်တွေ အလွန်များပြားပြီး ၎င်းတို့ထဲက အများစုကို လျှို့ဝှက်ထားရပါတယ်။ အခြားသူတွေကို အသုံးပြုဖို့ ကျုပ်မယုံကြည်ဘူး ဒါကြောင့် ကျုပ်က စက်ရုပ်လက်ထောက်တစ်ဦးကို လိုချင်တာ ဒါက သာမန်လူတွေ လုပ်နိုင်တဲ့အရာ အားလုံးကို လုပ်ဆောင်နိုင်သလို၊ ကျုပ်ကို စမ်းသပ်မှုတွေ လုပ်ဖို့လည်း ကူညီပေးနိုင်တယ်။" လင်းဖန်က ပြုံးလျက် ပြောလိုက်သည်။

စက်ရုပ်များအပြင် တစ်ကိုယ်ရေ သီးသန့်စမ်းသပ်ခန်းတစ်ခုလုံးတွင် ဟိုလိုဂရပ်ဖစ် ပရိုဂျက်တာစသည်တို့ အပါအဝင် အချို့သော လျှို့ဝှက်နည်းပညာများလည်း ရှိနေသေးသည်။ ဤအရာများသည် အပြင်သို့ ပေါ်ပေါက်မသွားသေးသော အဓိက အနှစ်သာရ နည်းပညာများ ဖြစ်ကြသည်။

ထို့ကြောင့် မည်သူပင်ဖြစ်စေ၊ လင်းဖန် ကိုယ်တိုင်မှလွဲ၍ ပြင်ပတွင် ဆက်သွယ်နိုင်ခြင်း မရှိချေ။

...........................................................