အခန်း ၄၂၀

အပိုင်း (၄၂၀) - ကပ်ဆိုးနတ်ဘုရားအားသတ်ဖြတ်ခြင်း

မူလဝိညာဉ် စွမ်းအားများက ယုရှီအာ ကို သံကြိုးများအလား ဖုံးလွှမ်း ချည်နှောင်ထားလေသည်။ သူသည် ရုန်းကန်ရန် ကြိုးစားသော်လည်း အချည်းနှီးသာ ဖြစ်ခဲ့သည်။

ယုရှီအာ က အလျင်အမြန်ပင် ဆိုသည်။

"ကူမော့... ငါတို့ သဘောတူညီချက် တစ်ခု လုပ်ရအောင်လေ... မီးဝိညာဉ်မျိုးနွယ်စု ကို ကယ်တင်ပေးပါ၊ အဲဒီအစား ငါက ကန်နိုင်ငံ ကို ပျက်သုဉ်းသွားစေနိုင်တဲ့ အကျပ်အတည်း တစ်ခုနဲ့ နိယာမ တွေရဲ့ လျှို့ဝှက်ချက်တွေကို မင်းကို ပြောပြပါ့မယ်..."

ကူမော့က သံသယဖြင့် မေးလိုက်သည်။

"ခင်ဗျားက နိယာမ တွေရဲ့ လျှို့ဝှက်ချက်တွေကို သိလို့လား..."

ယုရှီအာ က ဆိုသည်။

"သရဲအိုကြီးချီ... အဲ... မင်းတို့ ခေါ်နေတဲ့ အဲဒီ မသေမျိုး လေ... သူက နှစ်ပေါင်းများစွာ အသက်ရှင်လာခဲ့တဲ့ မိစ္ဆာအိုကြီး တစ်ကောင်ပါ... သူက အချိန်အတော်ကြာ ဖိနှိပ်ခံထားရတဲ့အတွက် စိတ်က အရမ်းကို ဖောက်ပြန်နေတာ... သူက လူတွေကို လှည့်စားရတာ သဘောကျပြီး၊ သူ့ရဲ့ ထူးဆန်းတဲ့ လိုအင်ဆန္ဒတွေကို ဖြည့်ဆည်းဖို့အတွက် ဇာတ်ကောင် အမျိုးမျိုးကို သရုပ်ဆောင်ရတာ နှစ်သက်တယ်..."

"ဒါပေမဲ့ အဲ့ဒီလူက အရမ်းကို မောက်မာပြီး အတွင်းစိတ်ကလည်း ကြွားဝါချင်နေတာလေ... သူက သူ့ကိုယ်သူ ကောင်းကင်တာအို လို့ သတ်မှတ်ထားပြီး လောကကြီး တစ်ခုလုံးက သူ့လက်အောက်မှာ ရှိတယ်လို့ ထင်နေတာ...”

“ ဒါကြောင့်မို့လို့၊ ငါတို့ အတူတကွ ဖြတ်သန်းခဲ့ရတဲ့ နှစ်ပေါင်း ရာနဲ့ချီတဲ့ အချိန်တွေမှာ သဘာဝတရား ရဲ့ နိယာမ လျှို့ဝှက်ချက်တွေ အပါအဝင် လျှို့ဝှက်ချက် အတော်များများကို သူ့ဆီကနေ ငါ သိခဲ့ရတယ်..."

ယုရှီအာ သည် ကူမော့ကို မော့ကြည့်ကာ လေးနက်သော လေသံဖြင့် ဆိုသည်။

"ကူမော့... သရဲအိုကြီးချီ ကို အလုပ်အကျွေးပြုဖို့ ငါ့ဘဝ တစ်ခုလုံးကို မြှုပ်နှံခဲ့ရတဲ့ အကြောင်းရင်းက သူက ငါ့ရဲ့ မူလဝိညာဉ် ကို ထိန်းချုပ်ထားပြီး ငါ့အသက်ကို အချိန်မရွေး ယူနိုင်လို့ မဟုတ်ပါဘူး”

“ ငါ့ကို မျှော်လင့်ချက် ပေးခဲ့လို့ပါ... မီးဝိညာဉ်မျိုးနွယ်စု ကို ကယ်တင်ဖို့နဲ့ သူတို့ရဲ့ ကျိန်စာ ကို ဖယ်ရှားပေးဖို့လေ..."

"မင်းက အခု ငါ့ကို သေချာပေါက် လွှတ်ပေးမှာ မဟုတ်ဘူးဆိုတာ ငါ သိပါတယ်၊ ငါ့ကို လွှတ်ပေးဖို့လည်း မတောင်းဆိုပါဘူး... သရဲအိုကြီးချီ ကလည်း လာကယ်မှာ မဟုတ်ဘူးလေ... မီးချီလင် ရဲ့ စွမ်းအားကို ထိန်းချုပ်နိုင်မယ့် နည်းလမ်းကို သူအတွက် ငါ ရှာဖွေပေးပြီးကတည်းက၊ သူ့မျက်လုံးထဲမှာ ငါက အသုံးမကျတဲ့သူ တစ်ယောက် ဖြစ်သွားပြီး..."

"ကူမော့... မင်း ဒီသဘောတူညီချက် ကို လက်ခံမှာလား..."

ကူမော့က မေးလိုက်သည်။

"ငါ မီးဝိညာဉ်မျိုးနွယ်စု ကို ဘယ်လို ကူညီပေးနိုင်မှာလဲ..."

ယုရှီအာ က ဝမ်းသာအားရဖြင့် ဆိုသည်။

"အရမ်း လွယ်ပါတယ်... ငါ 'နတ်ဝိညာဉ် ဝါးမြိုခြင်း လက်ဝါး' လို့ ခေါ်တဲ့ သိုင်းပညာ တစ်ခုကို ဖန်တီးထားပါတယ်... အဲဒါက ဒဏ္ဍာရီလာ မိစ္ဆာပညာ ဖြစ်တဲ့ 'လောဘကြီးသော နတ်ဘုရား စွမ်းရည်' နဲ့ ဆင်တူပေမဲ့၊ ပိုပြီး သန့်စင်ပါတယ်... "

“ လောဘကြီးသော နတ်ဘုရား စွမ်းရည် က တခြားသူတွေရဲ့ အတွင်းအား တွေကို စုပ်ယူပေမဲ့၊ ငါ့ရဲ့ နတ်ဝိညာဉ် ဝါးမြိုခြင်း လက်ဝါး ကတော့ နေနဲ့ လရဲ့ အနှစ်သာရတွေကို စုပ်ယူပြီး၊ ကျင့်ကြံသူကို အဆုံးမရှိတဲ့ ဒန်ထျန်း စွမ်းအင်ကို ရရှိစေပါတယ်..."

"မင်းရဲ့ အဆင့်နဲ့ဆိုရင်တော့၊ အဲဒါကို တစ်ချက်ကြည့်ရုံနဲ့တင် သင်ယူနိုင်မှာပါ... ငါ့ဆီမှာ ရာစုနှစ် တစ်ခုတိုင်တိုင် အချိန်ယူပြီး ထွင်းထုထားတဲ့ ချီလင် အရိုး တစ်ချောင်းလည်း ရှိပါတယ်...”

“ အဲဒီအရိုးကို ကြားခံအဖြစ် အသုံးပြုပြီး၊ နတ်ဝိညာဉ် ဝါးမြိုခြင်း လက်ဝါး က မီးဝိညာဉ်မျိုးနွယ်စုဝင် တွေရဲ့ ခန္ဓာကိုယ်ထဲက ချီလင် ရဲ့ ဝိညာဉ် စွမ်းအားတွေကို စုပ်ယူပြီး၊ သူတို့ကို သာမန် လူသားတွေအဖြစ် ပြောင်းလဲပေးနိုင်ပါတယ်... “

“အဲဒီအခါကျရင်တော့ မျိုးဆက် တစ်ခုပြီး တစ်ခု ကျိန်စာ တိုက်ခံရတဲ့ ဒုက္ခကနေလည်း ကင်းဝေးသွားမှာပါ..."

"ဒါ့အပြင်၊ အဲဒီ ချီလင် အရိုး ရတနာ တစ်ခုပါ... မီးဝိညာဉ်မျိုးနွယ်စု ရဲ့ ဝိညာဉ် စွမ်းအားတွေကို စုပ်ယူပြီးသွားရင်တော့ သာမန်လူတွေအတွက် အသုံးမဝင်တော့ပေမဲ့၊ မင်းရဲ့ သူငယ်ချင်းကောင်း ယဲ့ကျင့်လန် အတွက်တော့ ကြီးမားတဲ့ အခွင့်အရေး တစ်ခုပဲ...”

”သူ့ကိုယ်ထဲမှာရှိတဲ့ ချီလင် စွမ်းအား ပမာဏက သိပ်မများလှပေမဲ့၊ သူသာ အဲဒီ ချီလင် အရိုး ကို သန့်စင်နိုင်မယ် ဆိုရင်၊ သေချာပေါက် အဆင့်မြင့်သွားမှာပါ... တစ်နေ့ကျရင် သူက အဲ့ဒါရဲ့ နိယာမ လျှို့ဝှက်ချက်တွေကို နားလည်သွားမယ် ဆိုရင်၊ သူက လောကမှာ ချီလင် အသစ် တစ်ကောင်တောင် ဖြစ်လာနိုင်ပါတယ်..."

ကူမော့သည် ခေတ္တမျှ တွေးတောလိုက်ပြီး မေးလိုက်သည်။

"အဲဒါ ဘယ်မှာလဲ..."

"ကျေးဇူးတင်ပါတယ်၊ ကျေးဇူးတင်ပါတယ်၊ ကူမော့..."

ယုရှီအာ က စိတ်လှုပ်ရှားစွာဖြင့် ဆိုသည်။

"ချီလင် အရိုး နဲ့ နတ်ဝိညာဉ် ဝါးမြိုခြင်း လက်ဝါး ကျမ်းစာ တို့ဟာ ချန်အန်းမြို့ အောက်က တစ္ဆေမြို့တော် ထဲမှာရှိတဲ့ အလောင်းပိုးအိမ် လိုဏ်ဂူ ဆိုတဲ့ နေရာမှာ ရှိပါတယ်... အဲဒီတုန်းက မင်း တစ္ဆေမြို့တော် ကို နှစ်ကြိမ်တိုင်တိုင် သတ်ဖြတ်ခဲ့တယ်လေ... ပထမတစ်ကြိမ်က အလောင်းပိုးအိမ် လိုဏ်ဂူ မှာပေါ့”

“ အဲဒီမှာ မင်းက မကောင်းဆိုးဝါး ဆယ်ပါး ထဲက ပြုံးရွှင်နေသော ဗုဒ္ဓ နဲ့ မျက်နှာတစ်ထောင် မင်းသား တို့ကို သတ်ခဲ့တယ်လေ... အဲဒီအချိန်တုန်းက အဲဒီလူတွေက မင်း လိုက်ဖမ်းနေချိန်မှာ အလောင်းပိုးအိမ် လိုဏ်ဂူ မြို့ဘေးက ချောက်ကမ်းပါး ထဲကို ခုန်ချဖို့ လုပ်နေကြတာ၊ ဒါပေမဲ့ မင်းက သူတို့ကို ကြားဖြတ် တားဆီးခဲ့တယ်လေ... ငါက အဲဒီအချိန်တစ်လျှောက်လုံး အလောင်းပိုးအိမ် လိုဏ်ဂူ ထဲမှာ ရှိနေခဲ့တာ..."

ကူမော့၏ သူငယ်အိမ်များမှာ အနည်းငယ် ကျုံ့ဝင်သွားသည်။

"ဒါဆို... အဲဒီမှာ ငါ တိုက်ခိုက်နေတာကို ခင်ဗျား လျှို့ဝှက်စွာ စောင့်ကြည့်နေခဲ့တာပေါ့..."

"အဲဒီလောက်တင် မကပါဘူး..."

ယုရှီအာ က ဆိုသည်။

"မင်းအနားကို ချဉ်းကပ်ဖို့ နောက်လိုက် တစ်ယောက်အနေနဲ့တောင် ငါ ရုပ်ဖျက်ခဲ့သေးတယ်... မင်းနဲ့ ယဲ့ကျင့်လန် တို့ လှေစီးနေတုန်း ငါ ကူညီပေးခဲ့ဖူးတယ်..."

ကူမော့ မျက်ခုံးပင့်လိုက်မိသည်။

ထိုအချိန်က သူ၏ ခွန်အားဖြင့် ယုရှီအာ နှင့် တိုက်ခိုက်ခဲ့ရလျှင် အသက်ရှင်ရန်ပင် ခက်ခဲပေလိမ့်မည်။

ပြန်တွေးကြည့်လျှင် သူ၏ ဘဝတွင် အန္တရာယ်အများဆုံး အခိုက်အတန့်မှာ သူ လုံးဝ သတိမထားမိခဲ့သော အချိန်တစ်ခု ပင် ဖြစ်လေသည်။

ယုရှီအာ က ဆက်ပြောသည်။

"ငါက ချီလင် အရိုး နဲ့ နတ်ဝိညာဉ် ဝါးမြိုခြင်း လက်ဝါး ကျမ်းစာ ကို ချောက်ကမ်းပါး ထဲမှာ ထားခဲ့တယ်... မင်း အောက်ဆင်းသွားရင် ငါ့ရဲ့ နေအိမ်ကို တွေ့ရပါလိမ့်မယ်... ဒါပေမဲ့ အဲဒီမှာ အဆိပ်ရှိတဲ့ သတ္တဝါတွေနဲ့ ရှားပါး ရတနာတွေ အများကြီး ရှိသလို၊ နှစ်ပေါင်းများစွာ ဆေးပညာကို လေ့လာခဲ့တဲ့ ငါ့ရဲ့ ထိုးထွင်းသိမြင်မှုတွေလည်း ရှိပါတယ်... “

“ ငါ သိရသလောက်တော့ မင်းရဲ့ ဆေးပညာနဲ့ အဆိပ်ပညာက အတော်လေး မြင့်မားတယ်ဆိုတာ... မင်း စိတ်ဝင်စားတယ် ဆိုရင်တော့ အဲဒီအရာတွေကို မင်းအတွက် ယူသွားနိုင်ပါတယ်..."

ကူမော့သည် ခေါင်းအနည်းငယ် ညိတ်လိုက်ပြီး မေးလိုက်သည်။

"နိယာမ တွေရဲ့ လျှို့ဝှက်ချက် ဆိုတာ ဘာလဲ..."

ယုရှီအာ က ဆိုသည်။

"အဲဒါက တက်လှမ်းခြင်းနယ်ပယ် ရဲ့ အလွန်မှာရှိတဲ့ လမ်းကြောင်း တစ်ခုပါပဲ... တက်လှမ်းခြင်းနယ်ပယ် ကို ကျော်လွန်ဖို့အတွက်၊ လောကကြီးကို ထိန်းချုပ်ထားတဲ့ နိယာမ တွေကို နားလည်သဘောပေါက်ဖို့ နည်းလမ်း ရှာရမယ်၊ အဲဒါက မူလအစကို ပြန်သွားတာပါပဲ၊ ဥပမာ - ဒြပ်စင်ငါးပါး ရဲ့ စွမ်းအား မျိုးပေါ့..."

"စကြဝဠာအတွင်းမှာ ဒြပ်စင်ငါးပါး လည်ပတ်နေတဲ့ နိယာမ တွေကို မင်း နားလည်သဘောပေါက်ရမယ်... ဥပမာအားဖြင့်၊ မီးချီလင် ရဲ့ ဘိုးဘေး မီးတောက် ဟာ စကြဝဠာအတွင်း လည်ပတ်နေတဲ့ မီး နိယာမ ပဲ...”

“ နိယာမ တွေကို ဖျက်ဆီးလို့ မရဘူး၊ ထိတွေ့လို့ မရဘူး... သရဲအိုကြီးချီ ကလည်း နိယာမ တွေကို နားလည်ထားလို့ သူက ဘိုးဘေး မီးတောက် ကို သူ့ရဲ့ နိယာမ တွေထဲကို ဆွဲသွင်းပြီး ဖမ်းဆီး ပိတ်လှောင်နိုင်ခဲ့တာပေါ့..."

"အတိုချုပ် ပြောရရင် အားလုံးက အနှစ်သာရ အပေါ်မှာပဲ မူတည်နေတာပါ... မင်းက နဂါး တစ်ကောင်အဖြစ် ပြောင်းလဲနိုင်ပေမဲ့၊ နဂါးရဲ့ ပုံသဏ္ဌာန်ပဲ ရှိပြီး အနှစ်သာရ မရှိဘူး၊ ဘာလို့လဲဆိုတော့ မင်းက နဂါးရဲ့ အနှစ်သာရ ကို မရှာတွေ့သေးလို့လေ... မင်းရဲ့ နဂါးက စကြဝဠာ ရဲ့ နိယာမ တွေကို မလိုက်နာဘူး..."

ကူမော့က သံသယအနည်းငယ်ဖြင့် မေးလိုက်သည်။

"ခင်ဗျားက နိယာမ တွေရဲ့ လျှို့ဝှက်ချက်တွေကို သိနေမှတော့၊ အဲဒါတွေကို မလေ့လာခဲ့ဘူးလား..."

"ငါ ဘယ်လိုလုပ်လေ့လာနိုင်မှာလဲ..."

ယုရှီအာ က ဆိုသည် ။

"သရဲအိုကြီးချီ က ငါ့ရဲ့ မူလဝိညာဉ် အပေါ်မှာ ကန့်သတ်ချက် တစ်ခု ထားခဲ့လို့ပါ... ငါ့ရဲ့ လှုပ်ရှားမှုတိုင်းက သူ့ရဲ့ စောင့်ကြည့်မှုအောက်မှာ ရှိနေတာလေ... သူက ငါ့ရဲ့ အတွင်းစိတ်ကိုတောင် ခံစားနိုင်တယ်၊ ဒါကြောင့် ငါ့ရဲ့ လေ့လာမှုက အချည်းနှီး ဖြစ်ဖို့ပဲ ကံကြမ္မာ ဖန်တီးထားတာပေါ့..."

ကူမော့က ထပ်မံ မေးလိုက်သည်။

"ကောင်းပြီလေ၊ ဒါဆို ကန်နိုင်ငံ ရဲ့ အကျပ်အတည်းက ဘာလဲဆိုတာ ပြောပြပါဦး..."

"အဲဒါက သရဲအိုကြီးချီ ကစားခဲ့တဲ့ ကစားပွဲ တစ်ခုပါ..."

ယုရှီအာ က ဆိုသည်

"ငါနယ်မြေစွမ်းအားကို အသုံးပြုတုန်းက အဲ့ဒါကဟင်းလင်းပြင်ဝင်္ကပါ အပေါ် မှီခိုနေတယ်ဆိုတာ မင်း ခံစားမိမှာပါ... အဲဒီအထဲမှာ အဆိပ်ပုလဲ တစ်လုံးကို ငါ ထည့်ထားခဲ့တယ်... ဒီပုလဲက ကမ္ဘာပေါ်က အရှားပါးဆုံး အဆိပ်တွေကို စုစည်းထားတာဖြစ်ပြီး၊ မူလဝိညာဉ် ကိုတောင် အဆိပ်သင့်စေနိုင်လောက်အောင် အစွမ်းထက်တယ်..."

"ဒါပေမဲ့ အဲဒါကို ဖန်တီးနေတုန်းမှာ၊ သရဲအိုကြီးချီ က ရုတ်တရက် စိတ်ကူးပေါက်ပြီး ငါ့ကို နှစ်လုံး ဖန်တီးခိုင်းခဲ့တယ်... တစ်လုံးကိုတော့ ငါ သိမ်းထားပြီး၊ နောက်တစ်လုံးကိုတော့ သူက ကစားပွဲ တစ်ခု ကစားဖို့ ယူသွားခဲ့တယ်...”

“ သူက ရတနာမြေပုံ တစ်ခုကို အတုအယောင် ဖန်တီးပြီး၊ တိုင်းပြည် အသီးသီးကို ဖြန့်ကျက်ကာ၊ အတုအယောင် ဒဏ္ဍာရီတွေကို ဖန်တီးခဲ့တယ်၊ သိုင်းလောကမှာ ပဋိပက္ခတွေကို လှုံ့ဆော်ပြီး ကြီးမားတဲ့ ရတနာရှာဖွေမှု ကြီးကို စတင်ခဲ့တယ်လေ..."

"သူက အဲဒီ အဆိပ်ပုလဲ ကို ချန်အန်းမြို့ မှာ ဝှက်ထားခဲ့တာ..."

" ဘယ်မှာ ရှိနေလဲ ဆိုတာကိုတော့ ငါလည်း မသိဘူး... ဒါပေမဲ့ သူ့ရဲ့ ရည်ရွယ်ချက်က အဲဒါလောက်တင် မဟုတ်ဘူး... ဒုတိယ အပိုင်းကတော့ အဲဒီ အဆိပ်ပုလဲ ကို ရှာတွေ့ပြီးရင် တစ်ယောက်ယောက်ကို ပေါက်ကွဲအောင် လုပ်ခိုင်းဖို့ပါ၊ အဲဒီအခါကျရင် ချန်အန်းမြို့ တစ်ခုလုံးဟာ အဆိပ်မြို့တော် တစ်ခု ဖြစ်သွားပြီး၊ အထဲမှာ ရှိတဲ့လူ အားလုံး သေဆုံးသွားမှာ…. သူက သမိုင်းမှာ အဖြေမပေါ်တဲ့ လျှို့ဝှက်ချက် တစ်ခုကို ဖန်တီးလိုက်မှာဖြစ်ပြီး၊ အဲဒါက ပုံပြင်တွေ အများကြီးကို ဖြစ်ပေါ်စေလိမ့်မယ်..."

"ပြီးတော့ နှစ်ပေါင်းများစွာ ကြာတဲ့အခါ၊ သူက သိုင်းလောက ရဲ့ သူရဲကောင်း လူငယ်လေး တစ်ယောက် အနေနဲ့ အထောက်အထား အသစ်ကို ခံယူပြီး လျှို့ဝှက်ချက်ကို ဖော်ထုတ်တဲ့ ဒဏ္ဍာရီ အသစ် တစ်ခုနဲ့ စတင်လိမ့်မယ်...”

“ ဒီကစားပွဲကို အရင်ကလည်း အကြိမ်ကြိမ် ကစားခဲ့ဖူးတယ်၊ သူက အမြဲတမ်း ဇာတ်ကောင် အမျိုးမျိုးကို သရုပ်ဆောင်နေတာလေ... သူ့မှာ အထောက်အထား ဘယ်နှခု ရှိလဲဆိုတာတောင် သူကိုယ်တိုင် သိမှာ မဟုတ်ဘူး..."

ကူမော့ မျက်ခုံးပင့်လိုက်မိသည်။

ချီမြောင်ရွှမ် တွင် ဝရမ်းပြေး တစ်ဦး၏ အထောက်အထား သေချာပေါက် ရှိလေသည်။ သို့သော်လည်း စနစ်၏ စည်းမျဉ်းများအရ၊ ဝရမ်းပြေး တစ်ဦး၏ အထောက်အထားကို သိရှိမှသာ စနစ်က ၎င်းကို မှတ်တမ်းတင်နိုင်မည် ဖြစ်လေသည်။

ဥပမာအားဖြင့်၊ စနစ်က တာဝန်ခံချုပ် ကို ဝရမ်းပြေး တစ်ဦးအဖြစ် မှတ်တမ်းတင်ထားသော်လည်း၊ တာဝန်ခံချုပ် က ကူမော့ရှေ့တွင် မစ္စတာ တုန်းကျင့် ဟူသော အထောက်အထားဖြင့် ပေါ်လာချိန်တွင်မူ စနစ်က မစ္စတာ တုန်းကျင့် ကို ဝရမ်းပြေး တစ်ဦးအဖြစ် မှတ်တမ်းတင်မည် မဟုတ်ပါချေ။

"ကြည့်ရတာ ချီမြောင်ရွှမ် ရဲ့ ရုပ်ဖျက်မှုတွေကို ငါ ရှာဖွေရတော့မယ့် ပုံပဲ..."

ကူမော့သည် စိတ်ထဲမှ တွေးလိုက်ရင်း ချီမြောင်ရွှမ် မှာ အဆင့် မည်မျှရှိသော ဝရမ်းပြေး တစ်ဦး ဖြစ်နိုင်သည်ကိုလည်း စောင့်မျှော်နေမိလေသည်။

ကူမော့က မေးလိုက်သည်။

"အဲဒီ ရတနာမြေပုံ နဲ့ ပတ်သက်ပြီး ဘာတွေ ဖြစ်ခဲ့တာလဲ..."

ယုရှီအာ က ဆိုသည်

"ဒီကိစ္စက မင်းနဲ့လည်း နည်းနည်း သက်ဆိုင်ပါတယ်... ကျန်းနိုင်ငံ မှာ၊ မင်းက ယဲ့နန်ထျန်း နဲ့ သူ့ရဲ့ လူ အများအပြားကို သတ်ခဲ့တယ်လေ၊ အဲဒါကြောင့် လကိုးကွယ်ခြင်းဂိုဏ်း ဟာ ညတွင်းချင်း ပြိုကျလုနီးပါး ဖြစ်သွားပြီး ကစဉ့်ကလျား ဖြစ်သွားခဲ့တာပေါ့..."

"အဲဒီအခိုက်အတန့်မှာ၊ သရဲအိုကြီးချီ က ဂိုဏ်း ထဲကို ရတနာမြေပုံ တစ်ခု ထည့်လိုက်ပြီး၊ လွန်ခဲ့တဲ့ နှစ်ပေါင်း နှစ်ရာက ဂိုဏ်း ရဲ့ ခေါင်းဆောင် ထျဲ့ဟန်ဆန်း ရဲ့ သိုင်းပညာ အမွေအနှစ် အဖြစ် အတုအယောင် ဒဏ္ဍာရီတစ်ခုကို ဖန်တီးခဲ့တာ”

“ အဲဒါကတော့ ရတနာမြေပုံ ရှစ်ခုလုံးကို စုဆောင်းနိုင်ရင်၊ ကြွယ်ဝတဲ့ စည်းစိမ်ချမ်းသာတွေသာမက၊ ပြိုင်ဘက်ကင်းတဲ့ သိုင်းပညာတွေနဲ့ လောကမှာ အစွမ်းအထက်ဆုံး နတ်ဘုရား လက်နက် တွေ ပါဝင်တဲ့ ဟန်ဆန်း ရတနာတိုက် ကို ရှာတွေ့နိုင်မယ် ဆိုတာပါပဲ..."