အခန်း ၇၀၂

အခန်း (၇၀၂)။

“မင်းက ဘယ်သူလဲ”

နေမီးလျှံကြယ်သခင်မှာ အံ့အားသင့် ထိတ်လန့်သွားတော့သည်။ သူ၏ ခန္ဓာကိုယ်မှာ မြင့်မားသော တောင်ကြီးတစ်လုံးကဲ့သို့ မတ်မတ်ရပ်လိုက်၏။ ခုနက ပျက်သုဉ်းခြင်း နတ်ဘုရား၏ တိုက်ခိုက်မှုကြောင့် ဒဏ်ရာရခဲ့သော်လည်း သူသည် ပြင်းပြင်းထန်ထန် ဒဏ်ရာရရှိထားခြင်း မရှိပေ။ သေမင်းတိတ်ဆိတ်ခြင်းကြယ် အကျဉ်းထောင်အတွင်း မိမိကိုယ်ကို မည်သို့ ကာကွယ်ရမည်ကို သူ ကောင်းကောင်း သိထားသည်။

သူသည် ခန္ဓာကိုယ်ကို မတ်လိုက်သည်နှင့် သူ၏ စွမ်းအားများမှာ အလွန်ပင် ကြီးမားနေဆဲ ဖြစ်ကြောင်း ပြသနေသည်။ သူသည် အချိန်မရွေး မိုးကြိုးအလား ပြင်းထန်သော တိုက်ကွက်များကို ထုတ်ဖော်နိုင်သည်။

“ခင်ဗျားတို့ကို လွတ်မြောက်အောင် ကူညီပေးမယ့်လူပါ”

ဟုန်ယွိ၏ အသံနှင့်အတူ သူ၏ပုံရိပ်မှာ နေမီးလျှံကြယ်သခင် ရှေ့၌ ပေါ်လာသည်။

“မင်းက ဘယ်သူလဲ။ သေမင်းတိတ်ဆိတ်ခြင်းကြယ်ထဲကို ဘယ်သူကများ ဝင်လာနိုင်မှာ လဲ။ ကြယ်ရဲ့အပြင်ဘက် ဟင်းလင်းပြင်မှာ ရှေးဦးခေတ်က အစီအရင်တွေ အပြည့်ရှိနေ တာ။ ယန်နတ်ဘုရားအဆင့် ပညာရှင် မဟုတ်ရင် ခန္ဓာကိုယ် အရေခွံတစ်ခုလုံး ကွာကျသွား မှာပဲ။ အော်... မင်းက တကယ့်ရုပ်ခန္ဓာယ်ကိုယ်နဲ့ လာတာ မဟုတ်ဘဲ ‘စိတ်ဝိညာဉ် ပုံရိပ် ယောင်’ ပညာရပ်ကို သုံးထားတာကိုး။” နေမီးလျှံကြယ်သခင်က ဟုန်ယွိကို အကဲခတ် ကြည့်ရှုပြီးနောက် ရုတ်တရက် လက်ဖြင့် လှမ်းဖမ်းလိုက်သော်လည်း လေဟာနယ်ကိုသာ ဆုပ်ကိုင်မိသွားသည်။

သူ၏ထူးခြားလှသော အာရုံခံစွမ်းရည်ဖြင့် ဟုန်ယွိက သူ၏အစစ်အမှန် ခန္ဓာကိုယ်ဖြင့် အကျဉ်းထောင်ထဲသို့ ဝင်ရောက်လာခြင်း မဟုတ်ဘဲ အစွမ်းထက် စိတ်စွမ်းအားဖြင့် ဖန်တီး ထားသော ကိုယ်ပွားပုံရိပ်သာဖြစ်ကြောင်း ချက်ချင်း သိလိုက်သည်။

“ဒီစိတ်ဝိညာဉ် ပုံရိပ်ယောင်ပညာရပ်က အနန္တထိတ်လန့်ခြင်း နတ်ဘုရားဘုရင်ရဲ့ ထူးခြား တဲ့ စွမ်းရည်ပဲ။ မင်းက အနန္တထိတ်လန့်ခြင်း နတ်ဘုရားဘုရင်လား။ မဟုတ်ဘူး... သူ့ရဲ့ အထက်ပိုင်းကိုယ်က လူသား၊ အောက်ပိုင်းက ကင်းမြီးကောက်ပဲ။ မင်းက ဘယ်သူလဲ။ ဒီလို စွမ်းရည်မျိုး ရှိဖို့ဆိုတာ အနည်းဆုံးတော့ ရှစ်ကြိမ်မြောက် မိုးကြိုးကပ်ဘေးကို ဖြတ်ကျော် ပြီး၊ စိတ်ဝိညာဉ်ကို နတ်ဘုရားအဆင့်အထိ သန့်စင်ပြီးသား ဖြစ်ရမယ်။ ဗဟိုကမ္ဘာမှာပဲ မိုးကြိုးကပ်ဘေးတွေကို ကျော်ဖြတ်ပြီး တာအိုကျင့်စဉ်တွေကို ကျင့်ကြတာ။ မင်းက ဗဟိုကမ္ဘာကလား၊ ဒီသေမင်းတိတ်ဆိတ်ခြင်း ကောင်းကင်အကျဉ်းထောင်က ဗဟိုကမ္ဘာရဲ့ အကျဉ်းထောင်ပဲ။ မင်း ဘယ်လိုဝင်လာတာလဲ။ စစ်ဘက်ရေးရာဝန်ကြီးတောင် ဒီထဲကို ဝင်လို့မရဘူး။”

ရုတ်တရက်၊ ဘေးအကျဉ်းထောင်မှ စန်းလန်ကြယ်သခင်မှာလည်း ထရပ်လိုက်သည်။ သူတို့ကြားတွင် ကျောက်နံရံ အလွှာများစွာနှင့် ခိုင်မာသော ဟင်းလင်းပြင် အလွှာများစွာ ခြားနေသော်လည်း သူ၏ သိုင်းဆန္ဒဖြင့် ဟုန်ယွိ၏ တည်ရှိမှုကို ခံစားမိနေသည်။ အထွက်အထိပ် လူသားအင်မော်တယ်နှင့် ကြယ်သခင်တစ်ဦးအဖို့ အကျဉ်းသား ဖြစ်နေ သော်လည်း သူတို့တွင် လျှို့ဝှက်စွမ်းရည်အချို့ ရှိနေဆဲ ဖြစ်သည်။

“ကျွန်တော်က မဟာကမ္ဘာကပါ။ ကျွန်တော့်နာမည် ဟုန်ယွိဆိုတာကိုပဲ မှတ်ထားပေးပါ။” ဟုန်ယွိက စန်းလန်ကြယ်သခင်ကို ကြည့်လိုက်ရင်း သူ၏ နှလုံးသားထဲတွင် အတွေးတစ်ခု ပေါ်လာသည်။ အကယ်၍ ဤပညာရှင်ကြီး နှစ်ဦးသာ သူ့ကို ထောက်ခံပေးမည်ဆိုပါက မဟာကမ္ဘာသို့ သူပြန်ရောက်သည့်အခါ သူ၏အင်အားမှာ ဆယ်ဆခန့် ချက်ချင်း မြင့်တက် သွားလိမ့်မည်။ ထိုအခါ သူ၏ဩဇာနှင့် တိုက်ခိုက်ရေးစွမ်းရည်မှာ မည်မျှအထိ ကြီးမားသွား မည်နည်း။

ထို့အပြင် ဤစန်းလန်ကြယ်သခင်မှာ အသိအမြင် အလွန်ကျယ်ပြောလှသည်။ သူသည် အနန္တထိတ်လန့်ခြင်း နတ်ဘုရားဘုရင် အကြောင်းကိုပင် သိရှိနေပေသည်။

“ဟုန်ယွိ… မင်းနာမည်မှာ ‘ယွိ’ ဆိုတဲ့ စကားလုံး ပါနေတာလား။ ဗဟိုကမ္ဘာရဲ့ အထူးကဲဆုံး ခေါင်းဆောင် နာမည်ကလည်း ရွှီယွိပဲ” ဝတ်ရုံဖြူအဘိုးကြီး နေမီးလျှံကြယ်သခင်မှာ နောက်သို့ တစ်လှမ်းဆုတ်သွားသည်။ သူသည် ‘ယွိ’ ဟူသော စကားလုံးကြောင့် ထိတ်လန့် သွားပုံရသည်။

“မင်းက မဟာကမ္ဘာလောက မသေမျိုးနယ်မြေကလား” စန်းလန်ကြယ်သခင်မှာလည်း အံ့အားသင့်သွားရသည်။ “မထူးဆန်းပါဘူး... မသေမျိုးနယ်မြေက လူတွေက အမြဲတမ်း နက်နဲလွန်းကြတာပဲ။ မင်း ငါတို့ကို တကယ်ပဲ ကယ်ချင်တာလား။ ဒါပေမဲ့ မင်းက ရှစ်ကြိမ် မြောက် မိုးကြိုးကပ်ဘေး ကျော်ဖြတ်ပြီး စိတ်ဝိညာဉ်ကို နတ်ဘုရားအဖြစ် သန့်စင်ပြီးတဲ့ အဆင့်မှာပဲ ရှိသေးတာ။ သေမင်းတိတ်ဆိတ်ခြင်း ကောင်းကင်အကျဉ်းထောင်ထဲကို တိတ်တဆိတ် ဝင်လာနိုင်တာကတင် အံ့ဖွယ်ထဲက အံ့ဖွယ်ဖြစ်နေပါပြီ။ ဒါပေမဲ့ ငါတို့ကို ကယ်ဖို့ကျတော့ အောင်မြင်ဖို့ မဖြစ်နိုင်ဘူး ထင်တယ်။ မင်း အမြန်ပြန်တာ ပိုကောင်းမယ်။ ဒီအကျဉ်းထောင်ကို စောင့်ကြပ်နေတဲ့လူက ‘စွမ်းအင်ဘုရင်’ လို့ ခေါ်တဲ့ ရွှီဝူယွိပဲ။ သူရဲ့ သိုင်းပညာက မှန်းဆလို့မရတဲ့ အဆင့်ကို ရောက်နေပြီ။ ကိုးကြိမ်မြောက် မိုးကြိုးကပ်ဘေး ပညာရှင်တောင် သူ့ကို မယှဉ်နိုင်ဘူး။ အခု သူ ဒီမှာ မရှိလို့သာ မင်း ဒီအထိ ရောက်လာတာ၊ အဖမ်းခံရရင်တော့ မင်းလည်း အကျဉ်းသား တစ်ယောက် ထပ်တိုးလာတာပဲ ရှိမယ်။”

“စန်းလန်ကြယ်သခင်... ခင်ဗျားက တကယ်ကို စိတ်ရင်းကောင်းတဲ့သူပဲ။” ဟုန်ယွိက ပြုံးရင်း ပြောလိုက်သည်။ “ဒါပေမဲ့ ကျွန်တော်သာ အဖမ်းခံရရင် ခင်ဗျားတို့နဲ့အတူ အပျင်းဖြေလို့ ရတာပေါ့၊ မဟုတ်ဘူးလား”

“ဟုန်ယွိ... ပေါ့ပေါ့ဆဆ မလုပ်ပါနဲ့။ ဒီနေရာက ဘယ်လောက် အန္တရာယ်များလဲဆိုတာ ငါတို့ပဲ သိတယ်။ ဒီအထဲကို ယန်နတ်ဘုရား တစ်ပါးဝင်လာရင်တောင် အရေခွံ တစ်လွှာချင်း ကွာကျသွားမှာ။ မင်းက မသေမျိုးနယ်မြေကနေ ဒီသေမင်းတိတ်ဆိတ်ခြင်း ကောင်းကင် အကျဉ်းထောင် အကြောင်းကို မတော်တဆ သိသွားပြီး ငါတို့ကို ကယ်ပြီး မင်းရဲ့ အင်အား အဖြစ် အသုံးချချင်နေတာ နေမှာပါ။ ဒါပေမဲ့ အလိုမကြီးပါနဲ့၊ မင်းပါ အဖမ်းခံရလိမ့်မယ်” စန်းလန်ကြယ်သခင်က ထပ်မံ သတိပေးလိုက်သည်။

“ကျွန်တော် ခင်ဗျားတို့ကို တကယ် ကယ်နိုင်ရင် ခင်ဗျားတို့ ကျွန်တော့်ကို တကယ်ပဲ ထောက်ခံပေးမှာလား” ဟုန်ယွိက တည်ငြိမ်စွာ ပြုံးလိုက်သည်။ “အခု မဟာကမ္ဘာလောက နဲ့ ဗဟိုကမ္ဘာတို့ ထိပ်တိုက်တွေ့တော့မယ်။ ခင်ဗျားတို့ သဘောတူရင် ကျွန်တော် ခင်ဗျား တို့ကို မဟာကမ္ဘာလောကဆီ ခေါ်သွားပြီး အဆုံးမဲ့ လွတ်လပ်ခွင့်ကို ခံစားစေရမယ်။”

“ငါတော့ မယုံဘူး။” စန်းလန်ကြယ်သခင်က တင်ပလ္လင်ခွေ ပြန်ထိုင်လိုက်သည်။

“နေဦး” နေမီးလျှံကြယ်သခင်က ဟုန်ယွိကို စိုက်ကြည့်လိုက်သည်။ “မင်းသာ ငါတို့ကို တကယ် ခေါ်ထုတ်သွားနိုင်ရင် မင်းကို ထောက်ခံဖို့မပြောနဲ့ မင်းရဲ့ အစေခံအဖြစ်တောင် ငါ ခံယူမယ်။ ငါတို့ဟာ တစ်ချိန်က လူသန်းပေါင်းများစွာရဲ့ အသက်တွေကို အုပ်စိုးနိုင်တဲ့ ‘ကြယ်သခင်’ တွေ ဖြစ်ခဲ့ပေမဲ့ အခုတော့ အကျဉ်းသားတွေ ဖြစ်ပြီး မျှော်လင့်ချက်တွေ အကုန် ပျောက်ဆုံးနေတာ။ မင်းက ငါတို့ကို မျှော်လင့်ချက် ပေးလာပြီဆိုမှတော့ ငါတို့ရဲ့ ပူးပေါင်းဆောင်ရွက်မှုကို လိုချင်လို့ နေမှာပေါ့။ ဒါပေမဲ့ ငါတို့ ရှုံးနိမ့်ရင်တော့ အသေပဲ။ မင်း ငါတို့ကို တကယ် ကယ်နိုင်တယ်ဆိုရင် မင်းရဲ့ စွမ်းရည်အစစ်အမှန်ကို ငါတို့ကို ပြပါဦး၊ မင်းမှာ ဒဏ္ဍာရီလာ ထာဝရနိုင်ငံတော် ဒါမှမဟုတ် ဖန်ဆင်းခြင်းသင်္ဘော လိုမျိုး ရတနာ တွေ ရှိလို့လား”

...

“ထာဝရနိုင်ငံတော်နဲ့ ဖန်ဆင်းခြင်းသင်္ဘောက တကယ်ကို နာမည်ကြီးတာပဲ။ ရာစုနှစ်ချီပြီး အကျဉ်းကျနေတဲ့ ရှေးဟောင်းပညာရှင်တွေတောင် အဲဒီအကြောင်းကို သိနေကြတာပဲ။ ငါ့ရဲ့ သူတော်စင်ပေါင်းစုံခန်းမက အခု တရားဝင် အသိအမှတ်ပြုခံထားရပေမဲ့ ကောင်းကင် အပြင်ပနယ်မြေအထိ နာမည် မပျံ့သေးတာ နှမြောစရာပါပဲ”

သူတော်စင်ပေါင်းစုံခန်းမ အတွင်းရှိ ဟုန်ယွိက သက်ပြင်းချလိုက်သည်။ မဟာကမ္ဘာ လောကနှင့် ကောင်းကင်အပြင်ပနယ်မြေမှာ အလွန်ဝေးကွာသော်လည်း ထာဝရနိုင်ငံတော် နှင့် ဖန်ဆင်းခြင်းသင်္ဘော၏ နာမည်မှာ ပျံ့နှံ့နေပေသည်။ ဤသည်မှာ အလယ်ခေတ် ပညာရှင်များကြောင့် ဖြစ်ပေလိမ့်မည်။ ကောင်းကင်အပြင်ပနယ်မြေရှိ သန်းပေါင်းများစွာ သော သက်ရှိများကို ခြောက်လှန့်နိုင်ခြင်းမှာလည်း ကြီးကျယ်သော ဂုဏ်ပုဒ်တစ်ခုပင်။

“ကျွန်တော့် စွမ်းရည်အစစ်အမှန်ကို မြင်ချင်ရင်လည်း ပြရတာပေါ့” ရုတ်တရက် ဟုန်ယွိ သည် ‘စိတ်ဝိညာဉ်မုန်တိုင်း’ ကို ထုတ်ဖော်လိုက်ရာ စန်းလန်ကြယ်သခင်နှင့် နေမီးလျှံ ကြယ်သခင်တို့၏ ရှေ့တွင် ဧရာမ မုန်တိုင်းကြီးတစ်ခု တိုက်ခတ်သွားပြီး မြင်ကွင်းပေါင်း များစွာ ပေါ်ထွက်လာပါတော့သည်။

“ဟင်…”

“ဟာ…”

“အိုး…”

ထိုမြင်ကွင်းများကို မြင်လိုက်ရသည့်အခါ နေမီးလျှံကြယ်သခင်နှင့် စန်းလန်ကြယ်သခင် တို့သည် မအံ့ဩဘဲ မနေနိုင်ကြပေ။ အထွက်အထိပ် လူသားအင်မော်တယ် ပညာရှင် နှစ်ဦး စလုံးမှာ သူတို့၏ တည်ငြိမ်မူများ လုံးဝ ပျောက်ဆုံးသွားခဲ့ပြီ။

အကြောင်းရင်းမှာ ဟုန်ယွိ ပြသလိုက်သော မြင်ကွင်းမှာ စစ်ဘက်ရေးရာဝန်ကြီးကို သတ်ဖြတ်ပြီး သန့်စင်လိုက်သည့် မြင်ကွင်း ဖြစ်နေသောကြောင့်ပင်။

ထို့အပြင် ဟုန်ယွိသည် စွမ်းအင်ဘုရင် ရွှီဝူယွိနှင့် တိုက်ခိုက်ခဲ့သည့် မြင်ကွင်းကိုလည်း ပြသခဲ့သည်။ ထိုကဲ့သို့သော တိုက်ပွဲမျိုးမှာ သိုင်းပညာ၏ အထွက်အထိပ် တိုက်ပွဲပင် ဖြစ်ပေသည်။

အထူးသဖြင့် အသွင်မျိုးစုံပြောင်းလဲနိုင်သော နတ်ဘုရားစွမ်းရည်များနှင့် သိုင်းဆန္ဒ တိုက်ပွဲ များမှာ မဟာကမ္ဘာလောက၏ သမိုင်းတစ်လျှောက်မှာပင် မကြားဖူးသလောက်ပင်။

အဆုံးသတ်တွင် ဟုန်ယွိက နတ်ဘုရားလက်နက်ဘုရင် သူတော်စင်ပေါင်းစုံခန်းမကို အသုံးပြုကာ ရွှီဝူယွိ ထွက်ပြေးအောင် တိုက်ခိုက်လိုက်သည့် မြင်ကွင်းမှာ မြေကမ္ဘာ တုန်ဟည်းလောက်သည့် စွမ်းရည်မျိုး ဖြစ်သည်။ ထိုမြင်ကွင်းကို မြင်လိုက်ရသည့်အခါ အထွက်အထိပ် လူသားအင်မော်တယ် နှစ်ဦးသာမက မုန့်ရှန်းကျီပင်လျှင် ထိတ်လန့်သွား ပေလိမ့်မည်။

“စစ်ဘက်ရေးရာဝန်ကြီးကို မင်း တကယ်ပဲ သတ်ပစ်လိုက်တာလား” နေမီးလျှံကြယ်သခင် ၏ ဒူးများ တုန်ယင်လာပြီး၊ သူသည် မသိလိုက်ဘဲ ဒူးထောက်ကျသွားတော့သည်။ သူ၏ ထိတ်လန့်မှုမှာ လီဖူယန်လော့ထက်ပင် ပိုမိုပြင်းထန်နေသည်။

“အသွင်မျိုးစုံပြောင်းလဲခြင်း အဆင့်... ဒါဟာ အစစ်မှန် သိုင်းပညာပဲ။ ဒါက သိုင်းပညာရဲ့ အထွတ်အထိပ်ပဲ။ ကောင်းကင်ကြီးက ငါ့ကို သစ္စာမဖောက်ဘူး၊ သိုင်းပညာရပ်တွေကို သစ္စာမဖောက်ခဲ့ဘူး။”

စန်းလန်ကြယ်သခင်မှာလည်း ဒူးထောက်လိုက်တော့သည်။ သူသည် ဟုန်ယွိကို ဒူးထောက် ကိုးကွယ်နေခြင်း မဟုတ်ဘဲ သိုင်းပညာ၏ အသွင်မျိုးစုံပြောင်းလဲခြင်း အဆင့်ကို ကိုးကွယ် နေခြင်း ဖြစ်သည်။ ၎င်းမှာ သိုင်းတာအိုအပေါ် အမြင့်မြတ်ဆုံးသော ကြည်ညိုလေးစားမှုပင် ဖြစ်သည်။ သိုင်းပညာရှင်များအတွက် မျှော်လင့်ချက် ပေးသနားသော ကောင်းကင်ကြီးကို ကိုးကွယ်ခြင်း ဖြစ်သည်။ မျှော်လင့်ချက် အရှိန်အဝါများမှာ စတင် ပျံ့နှံ့လာတော့သည်။

...

ဟုန်ယွိသည် စကားတစ်လုံးမှ မပြောဘဲ ထိုအရာအားလုံးကို တိတ်ဆိတ်စွာ ကြည့်နေမိ သည်။ အထွက်အထိပ် လူသားအင်မော်တယ် ပညာရှင်နှစ်ဦးမှာ သူတို့၏ နှလုံးသား အတွင်းရှိ မျှော်လင့်ချက်များဖြင့် လေးစားကြည်ညိုနေမူကို သူ ခွင့်ပြုထားသည်။

နှစ်နာရီခန့် ကြာပြီးနောက်တွင်မှ အထွက်အထိပ် လူသားအင်မော်တယ် နှစ်ဦးမှာ စိတ်တည်ငြိမ်သွားကြသည်။ ဟုန်ယွိက စစ်ဘက်ရေးရာဝန်ကြီးကို သတ်ဖြတ်ခြင်းနှင့် ရွှီဝူယွိကို မောင်းထုတ်ခြင်း ပုံရိပ်ယောင်များမှာလည်း ပျောက်ကွယ်သွားခဲ့ပြီ။

ယခုအချိန်တွင် စန်းလန်ကြယ်သခင်နှင့် နေမီးလျှံကြယ်သခင်တို့၏ ဟုန်ယွိ အပေါ် ကြည့် သည့်အကြည့်များမှာ ပြောင်းလဲသွားခဲ့ကြပြီ။ ထိုအကြည့်များမှာ နှလုံးသားထဲမှ လာသော ရိုသေလေးစားမှုပင် ဖြစ်သည်။ သူတို့သည် လီဖူယန်လော့ထက်ပင် ဟုန်ယွိကို ပိုမို ရိုသေနေကြသည်။ လီဖူယန်လော့မှာ ဤပညာရှင် နှစ်ဦးနှင့် မတူပေ။ သူမမှာ တစ်ခါမှ အကျဉ်းမကျဖူးသော်လည်း ဤပညာရှင်နှစ်ဦးမှာမူ ရာစုနှစ်ချီ၍ အကျဉ်းကျနေသူများ ဖြစ်သည်။ သူတို့၏ စိတ်နေစိတ်ထားမှာ သဘာဝအတိုင်းပင် ကွဲပြားနေပေမည်။

“တာအိုမိတ်ဆွေယွိ... အခု မင်းကို ငါတို့ လုံးဝ ယုံကြည်သွားပါပြီ။ ရှေးဦးခေတ် ဧကရာဇ်ချန်ရှန်းရဲ့ ဟောကိန်းတစ်ခု ရှိခဲ့ဖူးတယ်... ‘ပြောင်းလဲခြင်းတာအို’ ပေါ်ထွန်းလာ တဲ့အခါ လူသားမျိုးနွယ်ရဲ့ လမ်းစဉ်ဟာ ပြောင်းလဲလိမ့်မယ်’ တဲ့။ ငါတို့အားလုံးက ဒါဟာ ဗဟိုကမ္ဘာရဲ့ ခေါင်းဆောင် ‘ရွှီယွိ’ ကို ရည်ညွှန်းတာလို့ ထင်ခဲ့ကြတာ၊ ဒါပေမဲ့ တကယ်တမ်း ကျတော့ တာအိုမိတ်ဆွေယွိ ရည်ညွှန်းနေတာ ဖြစ်လိမ့်မယ်လို့ ငါတို့ တစ်ခါမှ မတွေးမိခဲ့ ဘူး။ အခုတော့ မင်း ဘာပဲပြောပြော ငါတို့ လိုက်နာပါ့မယ်”

စန်းလန်ကြယ်သခင်မှာလည်း သူ၏ယုံကြည်ချက်အားလုံး ပြန်လည်ရရှိလာဟန် တူလေ သည်။ သူ၏တစ်ကိုယ်လုံးမှာ သိသိသာသာ ထုထည်ကြီးမားလာသယောင် ရှိပြီး ကြံ့ခိုင် ထွားကျိုင်းသော ခန္ဓာကိုယ်အတွင်းမှ အဆုံးမဲ့ ပေါက်ကွဲထွက်လုနီးပါး စွမ်းအင်များကို ထုတ်ဖော်ပြသနေတော့သည်။

“မှန်တယ်၊ ကျွန်တော်လည်း တာအိုမိတ်ဆွေယွိရဲ့ စကားကိုပဲ မြေဝယ်မကျ နားထောင် တော့မယ်” နေမီးလျှံကြယ်သခင်က ဒေါသတကြီး အော်ပြောလိုက်သည်။ သူ၏ ခန္ဓာကိုယ် ရှိ အပ်စိုက်မှတ်တိုင်းမှ ‘နေမီးလျှံ အစစ်မှန်စွမ်းအင်’ များ ပေါက်ကွဲထွက်လာပြီး မီးလျှံလှိုင်း များအဖြစ် တောက်လောင်နေတော့သည်။ “စစ်ဘက်ရေးရာဝန်ကြီးက တာအိုမိတ်ဆွေ ယွိ လက်ထဲမှာ သေခဲ့ရတယ်၊ ရွှီဝူယွိတောင် ရှုံးနိမ့်ခဲ့ရတယ်။ ဒီလောကမှာ တာအိုမိတ်ဆွေ ယွိ ကို ဘယ်သူ ယှဉ်နိုင်ဦးမှာလဲ။”

“ကောင်းပြီ၊ အခု ကျွန်တော် တခြား ပညာရှင်တွေကို သွားပြီး ဆက်သွယ်လိုက်ဦးမယ်။ ဒီ သေမင်းတိတ်ဆိတ်ခြင်း ကောင်းကင်အကျဉ်းထောင်ထဲမှာ ပညာရှင် ဘယ်လောက်ရှိလဲဆို တာ ကြည့်ရမယ်။ သူတို့ကို စုစည်းပြီးရင် အတူတူ ဆူပူအုံကြွကြတာပေါ့” ဟုန်ယွိက ပြောသည်။

“တာအိုမိတ်ဆွေ ယွိ... အဲဒါတော့ လုပ်မနေပါနဲ့တော့” စန်းလန်ကြယ်သခင်က အမြန် တားလိုက်သည်။ “ဒီအကျဉ်းထောင်ထဲမှာ ငါတို့လို ပညာရှင်တွေတင် ရှိတာ မဟုတ်ဘူး၊ ဗဟိုကမ္ဘာက ပညာရှင်တွေလည်း ရှိနေတယ်။ တကယ်လို့ သူတို့ကို တစ်ဦးချင်းစီ သွားဆက်သွယ်နေရင် မကြာခင် သတင်းပေါက်ကြားသွားလိမ့်မယ်၊ အကောင်းဆုံး နည်းလမ်းကတော့ တာအိုမိတ်ဆွေယွိက ခင်ဗျားရဲ့ စွမ်းအားကို ထုတ်ဖော်လိုက်ပါ၊ အဲဒီအချိန်မှာ ငါတို့က အတူတူ ဝိုင်းတိုက်ပြီး ဒီအကျဉ်းထောင်ကို ဖောက်ထွက်ကြမယ်။ အပြင်က ပျက်သုဉ်းခြင်းနတ်ဘုရား ၁၂ ကောင်ကိုတော့ တာအိုမိတ်ဆွေ ယွိက ရင်ဆိုင်ပေး ရလိမ့်မယ်။ ငါတို့က အချိန်မဖြုန်းဘဲ မိုးကြိုးအလျင်လို ပြင်းထန်တဲ့ အရှိန်ဟုတ်နဲ့ တိုက်ခိုက်ပြီး ဖောက်ထွက်ကြရမယ်။”

“ညတာရှည်ရင် အိမ်မက်များတတ်တယ်။ ဒီသေမင်းတိတ်ဆိတ်ခြင်း ကောင်းကင် အကျဉ်း ထောင်က ဗဟိုကမ္ဘာနဲ့ လျှို့ဝှက် ဆက်သွယ်ထားတာ။ တစ်ခုခုဖြစ်တာနဲ့ ဗဟိုကမ္ဘာက ချက်ချင်း သိသွားပြီး ပညာရှင်တွေ လွှတ်လိမ့်မယ်။ ဒါ့အပြင် ပျက်သုဉ်းခြင်းနတ်ဘုရား တွေတင်မကဘဲ ဒီမှာ လျှို့ဝှက်ဆန်းကြယ်တဲ့ စွမ်းအားတစ်ခုလည်း ရှိနေသေးတယ်။” နေမီးလျှံကြယ်သခင်ကလည်း ပြောသည်။ “ဒီမှာ ရှေးဦးခေတ်က နတ်ဘုရားဘုရင် တစ်ပါး တောင် အကျဉ်းကျနေတယ်လို့ ငါ ကြားဖူးတယ်။”

“ဘာ၊ ဒီမှာ ရှေးဦးခေတ်က နတ်ဘုရားဘုရင်တစ်ပါး အကျဉ်းကျနေတာလား၊ ဘယ်သူလဲ” ဤစကားကို ကြားလိုက်ရသည့်အခါ ဟုန်ယွိမှာ ထိတ်လန့်သွားရသည်။ သူသည် အနန္တ ထိတ်လန့်ခြင်း နတ်ဘုရားဘုရင် မည်မျှ အစွမ်းထက်ကြောင်း မြင်ဖူးသည်။ သူသည် အင်မော်တယ် ကျောက်စာတိုင်အတွင်း၌ ချိပ်ပိတ်ခံထားရပြီး သူ၏ စွမ်းအား ထက်ဝက်ခန့် လျော့နည်းနေချိန်မှာတောင် အနှိုင်းမဲ့နေဆဲပင်။ သူသတ်လိုသူကို သူသတ်လိုသူကို စိတ်အလိုရှိသလို သတ်ဖြတ်နိုင်စွမ်း ရှိပေသည်။

“ငါ့အမေနဲ့ ရုပ်ချင်းတူတဲ့ အဲဒီလျှို့ဝှက်ဆန်းကြယ်တဲ့ အမျိုးသမီး လက်ထဲမှာလည်း အင်မော်တယ် ကျောက်စာတိုင် တစ်ခု ရှိနေတာပဲ။ အဲဒီကျောက်စာတိုင်ထဲမှာ ဖျက်ဆီးခံရ တဲ့ သို့မဟုတ် ချိပ်ပိတ်ခံထားရတဲ့ နတ်ဘုရားဘုရင် တစ်ပါးပါမှာပဲ။ ရှေးဦးခေတ်က နတ်ဘုရားဘုရင်လိုမျိုး အစွမ်းထက်တဲ့ တည်ရှိမှုတစ်ခု ဒီသေမင်းတိတ်ဆိတ်ခြင်း ကောင်းကင်အကျဉ်းထောင်ထဲမှာ အကျဉ်းကျနေတယ်ဆိုတာ မထူးဆန်းပါဘူး။” ဟုန်ယွိ က အမြန် စဉ်းစားလိုက်သည်။ “ရှေးဦး နတ်ဘုရားဘုရင်တွေဟာ အလွန် ကောက်ကျစ်ပြီး အစွမ်းထက်ကြတယ်။ ငါသာ သူနဲ့ ကောင်းကောင်း မဆက်သွယ်ဘဲ သွားလုပ်မိရင် ငါပါ အန္တရာယ်ရှိနိုင်တယ်။”

ခေတ္တမျှ တွက်ချက်ပြီးနောက် ဟုန်ယွိက ဆုံးဖြတ်ချက် ချလိုက်ပြီး စတင် လှုပ်ရှားရန် ပြင်ဆင်လိုက်သည်။ သူသည် သေမင်းတိတ်ဆိတ်ခြင်း ကောင်းကင်အကျဉ်းထောင် တစ်ခု လုံးကို ဖျက်ဆီးပစ်ချင်နေသည်။ ပညာရှင်အားလုံးကို ကယ်ထုတ်ရန်မှာ လက်တွေ့မကျ သော်လည်း အချိန်အကြာကြီး ဆက်သွယ်နေလျှင်လည်း ပြဿနာ တက်နိုင်ပေသည်။ စန်းလန်ကြယ်သခင်နှင့် နေမီးလျှံကြယ်သခင်တို့ နှစ်ဦးကို ကယ်ထုတ်နိုင်ခြင်းမှာပင် ကြီးမားသော ဆုလာဘ်ကြီး ဖြစ်ပေသည်။

စန်းလန်ကြယ်သခင်၊ နေမီးလျှံကြယ်သခင်နှင့် လီဖူယန်လော့စသည့် အထွက်အထိပ် လူသားအင်မော်တယ် သုံးဦးလုံးက သူ့ကို ထောက်ခံမည်ဆိုလျှင် သူ မဟာကမ္ဘာလောက သို့ ပြန်ရောက်သည့်အခါ ခိုင်မာသော အခြေခံအုတ်မြစ်ကို တည်ဆောက်နိုင်မည်ဖြစ်ပြီး သူ၏ အာဏာမှာ ဟုန်ရွှန်ကျိနှင့် အင်ပါယာဧကရာဇ် ယန်ဖန်တို့ကိုပင် ကျော်လွန်သွားလိမ့် မည်။ သူ၏ စွမ်းအားနှင့် ကျော်ကြားမှုမှာ တော်ဝင်နန်းတော်ကိုပင် လွှမ်းမိုးသွားလိမ့်မည်။ မင်းဆက်တစ်ခု ပြောင်းလဲရန်မှာ မဝေးတော့ပေ။

“ဒီတစ်ခါ ငါသာ အောင်မြင်ခဲ့ရင် ဒီထိပ်သီး လူသားအင်မော်တယ်တွေ ငါ့ကို လုံးဝ ထောက်ခံအောင် လုပ်နိုင်မယ်။ အဲဒီအခါကျရင် တော်ဝင်နန်းတော်နဲ့ စာရင်းရှင်းရမယ့် အချိန်ပဲ” ဟုန်ယွိ စိတ်ထဲ၌ တွေးလိုက်သည်။ ဤအတွေးကြောင့် သူ၏ စိတ်နှလုံးမှာ စိတ်လှုပ်ရှားမှုများဖြင့် ပြည့်နှက်နေသည်။

“အရင်က မြောက်ပြန်ကြယ်သခင်မ ယွိပေ့ယောင် ဘယ်မှာ အကျဉ်းကျနေလဲ ခင်ဗျားတို့ သိလား” ဟုန်ယွိက ရုတ်တရက် မေးလိုက်သည်။

“မြောက်ပြန်ကြယ်သခင်မ ယွိပေ့ယောင်လား။ ငါတို့ သိတာပေါ့!” နေမီးလျှံကြယ်သခင်က ပြောသည်။ “သူမက တတိယမြောက် မိစ္ဆာအကျဉ်းထောင်ထဲမှာ ရှိနေတာ။ သူမက လွန်ခဲ့ တဲ့ ဆယ်စုနှစ် အနည်းငယ်ကမှ အဖမ်းခံခဲ့ရတာ၊ ငါတို့ သူမနဲ့ ရံဖန်ရံခါ ဆက်သွယ်ဖြစ် တယ်။ သူမက ငါတို့နဲ့ သိပ်မဝေးဘူး၊ ဒါပေမဲ့ တခြားသူတွေ အကြောင်းတော့ ငါ မသိဘူး။”

“အော်”

ဟုန်ယွိ၏ ပုံရိပ်မှာ ထိုပညာရှင် နှစ်ဦးရှေ့မှ ရုတ်တရက် ပျောက်ကွယ်သွားသည်။ ထို့နောက် သူသည် တတိယမြောက် မိစ္ဆာအကျဉ်းထောင်ကို စတင် ရှာဖွေတော့သည်။ ခဏအကြာတွင် အကျဉ်းထောင်တစ်ခုကို သူ တွေ့ရှိသွားသည်။ အကြောင်းရင်းမှာ ဟုန်ယွိသည် လီဖူယန်လော့ ပြောပြခဲ့သော မြောက်ပြန်ကြယ်၏ ‘အစစ်မှန်စွမ်းအင်’ အငွေ့အသက်များကို ခံစားမိလိုက်သောကြောင့်ပင်။

အာရုံစိုက်ကြည့်လိုက်သည့်အခါ အကျဉ်းထောင်အတွင်းရှိ အမျိုးသမီးတစ်ဦးကို မြင်လိုက် ရသည်။ သူမမှာ အစိမ်းနုရောင် ဝတ်စုံကို ဝတ်ဆင်ထားပြီး တင်ပလ္လင်ခွေ ထိုင်ကာ အိပ်ပျော်နေသကဲ့သို့ ငြိမ်သက်နေ၏။ သူမ၏ ခန္ဓာကိုယ်မှာ ဝေဝေဝါးဝါး ဖြစ်နေပြီး ‘အတွေးမဲ့ ငြိမ်သက်ခြင်း’ အခြေအနေသို့ ရောက်ရှိနေပုံရသည်။

ဟုန်ယွိ၏ ထိုက်ကျိမူလစိတ်ဝိညာဉ် လှုပ်ရှားလိုက်ပြီး ‘စိတ်ဝိညာဉ် မုန်တိုင်း’ တစ်ခုက ထိုအမျိုးသမီးကို လွှမ်းခြုံသွားသည်။ ထိုအမျိုးသမီးသည် တစ်ခုခုကို ခံစားမိသွားပြီး မျက်လုံးများ ပွင့်လာသည်။ “ပေယွီ၊ ပေယွီ၊ ငါ လီဖူပါ၊ နင့်ကို ကယ်ဖို့ လာတာ” သူမ မျက်လုံးဖွင့်လိုက်သည်နှင့် သူမ၏ နားထဲတွင် ထိုစကားသံများကို ကြားလိုက်ရလေသည်။

“လီဖူ၊ နင် ဘယ်လိုလုပ်ပြီး သေမင်းတိတ်ဆိတ်ခြင်း ကောင်းကင်အကျဉ်းထောင်ထဲ ဝင်လာတာလဲ။ အခုချက်ချင်း ပြန်တော့။” ယွိပေယောင်၏ မျက်လုံးများတွင် မယုံကြည် နိုင်မှုများဖြင့် ပြည့်နှက်နေ၏။ သူမက ၎င်းကို စိတ်ကူးယဉ် အိမ်မက်တစ်ခုဟု ထင်မှတ် နေမိသည်။

“အခု စကားပြောနေဖို့ အချိန်မရှိဘူး။ အခုပဲ လှုပ်ရှားတော့။ ငါတို့ နင့်ရဲ့ အကျဉ်းခန်းကို ဖောက်ပြီး အတူတူ ထွက်ကြမယ်။ နင့်ရဲ့ အင်အားရှိသမျှနဲ့ တိုက်ခိုက်ပါ။” လီဖူယန်လော့ က ဟုန်ယွိ၏ စွမ်းအားကို အသုံးပြု၍ ပြောလိုက်သည်။

“စန်းလန်ကြယ်သခင်၊ နေမီးလျှံကြယ်သခင်၊ ငါ စတင် လှုပ်ရှားတော့မယ်”

လီဖူယန်လော့နှင့် ယွိပေယောင်တို့ ဆက်သွယ်ပြီးသည်ကို မြင်လိုက်ရသည့်အခါ ဟုန်ယွိက အချိန်မဆွဲတော့ပေ။ ထုထည်ကြီးမားလှသော သူတော်စင်ပေါင်းစုံခန်းမသည် သေမင်း တိတ်ဆိတ်ခြင်း ကောင်းကင်အကျဉ်းထောင်၏ အထက်ကောင်းကင်ယံ၌ အစစ်အမှန် ထင်ရှား ပေါ်ထွက်လာတော့သည်။

အဆုံးမဲ့ စွမ်းအားများမှာ နေရာတိုင်းကို တုန်ခါသွားစေသည်။

မူလစွမ်းအင်များမှာ မကြုံစဖူးသော စွမ်းအားများဖြင့် တစ်စက္ကန့်အတွင်းမှာပင် စကြာဝဠာ ကြီး တစ်ခုလုံးကို လွှမ်းခြုံသွားပါတော့သည်။

အကယ်၍ သူသည် ဤထိပ်သီး လူသားအင်မော်တယ် သုံးဦးကို ကယ်တင်နိုင်မည်ဆိုလျှင်၊ လီဖူယန်လော့၊ မကြာမီ ဖန်ဆင်းရှင် ဖြစ်လာတော့မည့် ကောင်းကင်သံစဉ် နတ်သမီး၊ ကျီရှန်းထျန်းနှင့် ယွမ်ရှန်းရှန်းတို့နှင့် ပေါင်းလိုက်ပါက သူ၏ အင်အားမှာ တကယ်ပင် ကြီးမားသွားလိမ့်မည်။

ထို့အပြင် ဟုန်ယွိသည် ယနေ့တွင် ပျက်သုဉ်းခြင်းနတ်ဘုရား အချို့ကိုလည်း ချိပ်ပိတ် ယူသွားချင်သေးသည်။

သေမင်းတိတ်ဆိတ်ခြင်း ကောင်းကင်အကျဉ်းထောင်မှာ အကျဉ်းထောင်တစ်ခု ဖြစ်သော် လည်း ၎င်းမှာ ရတနာတိုက်ကြီး တစ်ခုလည်း ဖြစ်နေပေသည်။ သူ၏ အနာဂတ်ကို ဆုံးဖြတ်ပေးမည့် ရတနာတိုက်ကြီးပင်။ ယခုအချိန်တွင် ဟုန်ယွိသည် ထိုရတနာတိုက်၏ တံခါးကို ဖွင့်လှစ်တော့မည် ဖြစ်သည်။ ဤသည်မှာ သူ၏ နောက်ဆုံး အင်အားစုဆောင်း မှုပင် ဖြစ်သည်။ သူ၏ အင်အားကို နောက်ဆုံးအကြိမ် ချဲ့ထွင်ခြင်းပင် ဖြစ်သည်။ သူ၏ အနာဂတ် အောင်မြင်ခြင်း သို့မဟုတ် ရှုံးနိမ့်ခြင်းမှာ ဤခြေလှမ်းတစ်ခုအပေါ်၌သာ မူတည် နေတော့သည်။