ဖျက်ဆီးခြင်းကျောက်တုံး

ဒီနည်းလမ်းအားဖြင့် ဆည်းဆာကျောက်တုံးတွေကို တစ်ရာ့ငါးဆယ်ထရီလီယံနဲ့ လီဖူချန်းက ပိုင်ဆိုင်နိုင်ခဲ့တယ်။

"ဒါ ဆည်းဆာကျောက်တုံးလား"

ကျောက်စိမ်းသေတ္တာထဲရှိ ဆည်းဆာကျောက်တုံးကို ကြည့်ရင်း လီဖူချန်းက ဂရုတစိုက်လေ့လာခဲ့တယ်။

ဆည်းဆာကျောက်တုံးက ရောင်ခြည်စက်ဝန်းစီးဆင်း‌နေပြီး မျက်နှာပြင်က ဆည်းဆာနဲ့တူတဲ့ မီးခိုးရောင်ကျောက်တုံးတစ်တုံးဖြစ်တယ်။

၎င်းမှ အချိန်နဲ့ပျက်သုန်းခြင်းအရှိန်အဝါကို လီဖူချန်းက ခံစားရတယ်။

သူက သူ့ရဲ့စိတ်ဝိညာဉ်စွမ်းအားကို ထုတ်လွှတ်ပြီး ဆည်းဆာကျောက်တုံးထဲရှိအချိန်ဥပဒေသကို နားလည်တော့မယ့်အခိုက် လေလံပစ်သူရဲ့အသံက ထွက်လာတယ်။

"သုံးဆယ့်ခြောက်ခုမြောက်လေလံပစ္စည်း၊ ဒီလေလံပွဲရဲ့နောက်ဆုံးမတိုင်ခင်ဒုတိယမြောက်ပစ္စည်း၊ ဖျက်ဆီးခြင်းကျောက်တုံးတစ်တုံး။ ကြမ်းခင်းဈေးက အညံ့စားနတ်ဘုရားကျောက်တုံးခြောက်ဆယ်ထရီလီယံ။ တစ်ခါတိုးတိုင်း သန်းတစ်ရာထက် လျော့နည်းလို့မရဘူး"

"ဘာ၊ ဖျက်ဆီးခြင်းကျောက်တုံးလား"

"ဒီတစ်ခုက ဆည်းဆာကျောက်တုံးထက် ပိုရှားတာပဲ။ ၎င်းက နတ်ဘုရားကမ္ဘာတွေ သေတော့မှ မွေးဖွားတယ်လို့ ပြောကြတယ်"

"ဒါ စစ်မှန်တဲ့ဖျက်ဆီးခြင်းကျောက်တုံးမဟုတ်ဘူး။ အစစ်အမှန်ဖျက်ဆီးခြင်းကျောက်တုံးက နတ်ဘုရားကမ္ဘာအပြီးတိုင်ပျက်ဆီးမှပဲ မွေးဖွားမှာ။ လက်ရှိအချိန်ထိ ဆည်းဆာနတ်ဘုရားကမ္ဘာက အပြီးတိုင်ပျက်ဆီးဖို့ စောပါသေးတယ်"

"ဒါက အစစ်အမှန်ဖျက်ဆီးခြင်းနတ်ဘုရားကျောက်တုံးမဟုတ်ရင်တောင် အလွန်တန်ဖိုးရှိတယ်။ ရှေးဟောင်းစာအုပ်တွေအရ ဖျက်ဆီးခြင်းကျောက်တုံးမှာ ဖျက်ဆီးခြင်းဥပဒေသတွေ ပါဝင်ပြီး ဖျက်ဆီးခြင်းဥပဒေသက ထိပ်တန်းအဆင့်ဥပဒေသဖြစ်တယ်။ ၎င်းက ဖျက်ဆီးခြင်းအားလုံးရဲ့အရင်းမြစ်ဖြစ်တယ်။ ဥပဒေသအားလုံးကို ဖျက်ဆီးခြင်းဥပဒေသအရိပ်ထဲမှာ မြင်နိုင်တယ်"

"တကယ်ပဲ၊ ဖျက်ဆီးခြင်းဥပဒေသက ‌နေရာတိုင်းမှာ ရှိပြီး ရှာတွေ့ဖို့ မခက်ခဲပေမယ့်  နားလည်မှုအခက်အခဲက အချိန်ဥပဒေသအထက်မှာ ရှိတယ်"

လေလံခန်းမမှာ ဆွေးနွေးသံတွေနဲ့ ဆူပွက်နေတော့တယ်။

"ဖျက်ဆီးခြင်း‌ကျောက်တုံးလား"

လူတိုင်းရဲ့ဆွေးနွေးချက်ကို ကြားပြီးနောက် လီဖူချန်းရဲ့မျက်လုံးတွေက လင်းလက်သွားတယ်။

ဆည်းဆာကျောက်တုံးနဲ့ နှိုင်းယှဉ်ရင် ဖျက်ဆီးခြင်းကျောက်တုံးက ပိုကောင်းတယ်။

သူက ဖျက်ဆီးခြင်းဥပဒေသရဲ့စွမ်းအားကို ဘယ်သူထက်မဆို ကောင်းကောင်းသိတယ်။

"ယွမ်တစ်ဂိုဏ်းက ဖျက်ဆီးခြင်းကျောက်တုံးကိုတောင် ယူထုတ်ခဲ့တာလား။ သူတို့ ဘာလုပ်ချင်တာလဲ"

သီးသန့်ခန်းထဲမှာ မီးတိမ်ဂိုဏ်းရဲ့လက်ထောက်ခေါင်းဆောင်ဖုန်းလန်ထျန်းနဲ့ဦးခေါင်းခွံရွာရဲ့လက်ထောက်ခေါင်းဆောင်မန်ဒက်တို့က ပဟေဠိဖြစ်‌နေကြတယ်။

ဖျက်ဆီးခြင်းကျောက်တုံးထဲရှိဖျက်ဆီးခြင်းဥပဒေသတွေကို နားလည်ရတာ ခက်ခဲပေမယ့် ဖျက်ဆီးခြင်းဥပဒေသကို နားမလည်နိုင်ရင်တောင် ဖျက်ဆီးခြင်းကျောက်တုံးက အရမ်းအသုံးဝင်တယ်။ တိုက်ခိုက်ရာမှာ မင်းရဲ့ကျင့်ကြံခြင်းဥပဒေသကို ပိုထင်ရှားပေါ်လွင်အောင် ပြုလုပ်ပေးနိုင်တယ်။

ဥပမာအားဖြင့် သတ္တုတာအိုကို လေ့ကျင့်တဲ့ နတ်ဘုရားတစ်ယောက်က ဖျက်ဆီးခြင်းကျောက်တုံးကို နားလည်နိုင်ရင် သူ့ရဲ့ကိုယ်ပိုင်ဥပဒေသကို ပိုဖျက်ဆီးနိုင်စွမ်းရှိအောင် ပြုလုပ်ပေးနိုင်တယ်။

သစ်သားတာအိုဥပဒေသကို လေ့ကျင့်ထားတဲ့ နတ်ဘုရားတစ်ယောက်၊ သူက ဖျက်ဆီးခြင်းကျောက်တုံးကို နားလည်နိုင်ရင် သူ့ရဲ့ကိုယ်ပိုင်သစ်သားတာအိုဥပဒေသအပြင် ခြောက်သွေ့ညှိုးနွမ်းခြင်းဥပဒေသ၊ ဆွေးမြည့်ခြင်းဥပဒေသတို့လို ဆက်စပ်တဲ့ဥပဒေသတွေကို ကောက်ချက်ချနိုင်တယ်။

"ပစ္စည်းကောင်းပဲ၊ စုဆောင်းဖို့ ထိုက်တန်တယ်"

စစ်ဟိုင်ဝူယာက အနည်းငယ်စိတ်ဝင်စားလာတယ်။

"ဘာပဲဖြစ်ဖြစ်၊ အဲဒါကို အရယူရမယ်၊ ကျန်တာတွေ နောက်မှ ပြောကြတာပေါ့"

ဖုန်းလန်ထျန်းနဲ့မန်ဒက်တို့ကို လျို့ဝှက်ဆုံးဖြတ်ချက်ချခဲ့ကြတယ်။

"ခြောက်ဆယ့်ငါးထရီလီယံ"

"ခုနှစ်ဆယ်ထရီလီယံ"

"ရှစ်ဆယ်ထရီလီယံ"

"ကိုးဆယ်ထရီလီယံ"

"တစ်ရာထရီလီယံ"

ဖျက်ဆီးခြင်းကျောက်တုံးအတွက် လေလံက ဆည်းဆာကျောက်တုံးထက် ပိုပြင်းတာပဲ။

တန်ဖိုးက ဒုံးပျံတစ်ခုအလား မြင့်တက်လာနေတယ်။

"တစ်ရာ့ငါးထရီလီယံ" အမျိုးသမီးခြောက်သွေ့ညှိုးနွမ်းခြင်းမြက်က အော်လိုက်တယ်။

ခြောက်သွေ့ညှိုးနွမ်းခြင်းဥပဒေသက သစ်သားဥပဒေသနဲ့ ဆက်စပ်တယ်ဆိုတာ သူမက သိတယ်။ နားလည်ဖို့အတွက် သူမမှာ ဖျက်ဆီးခြင်းကျောက်တုံးတစ်တုံးရှိရင် သူမရဲ့ခြောက်သွေ့ညှိုးနွမ်းခြင်းဥပဒေသက ပိုသန်မာလာပြီး ပိုသတ်ဖြတ်နိုင်စွမ်းကောင်းလာလိမ့်မယ်။

"တစ်ရာ့တစ်ဆယ်ထရီလီယံ"

ဖုန်းလန်ထျန်းက လေလံပေးလိုက်တယ်။

သူ့အသံက မကျယ်ပေမယ့် လေလံပွဲမှာ မည်သူမဆို အဲဒါကို ရှင်းရှင်းလင်းလင်း ကြားနိုင်တယ်။

လေလံပေးဖို့ပြင်ဆင်နေတဲ့ထိပ်တန်းအဆင့်အစစ်အမှန်နတ်ဘုရားအချို့က လက်လျော့လိုက်ကြတယ်။

တစ်ယောက်ချင်းစီတိုက်ခိုက်ရင် သူတို့က ဘယ်သူကိုမှ မကြောက်ပေမယ့် ဂိုဏ်းကြီးသုံးဂိုဏ်းနဲ့ ရင်ဆိုင်တဲ့အခါမှာတော့ သူတို့က အလေးအနက်ထားရတယ်။ ပြီးတော့ ဖျက်ဆီးခြင်းကျောက်တုံးက ဂိုဏ်းကြီးသုံးဂိုဏ်းနဲ့တိုက်ခိုက်ရလောက်တဲ့အထိ ထိုက်တန်တဲ့အရာတစ်ခုမဟုတ်ဘူးလေ။

"ထားလိုက်ပါတော့လေ" အမျိုးသမီးခြောက်သွေ့ညှိုးနွမ်းခြင်းမြက်က လက်လျော့လိုက်လေတယ်၊ သူမက မီးတိမ်ဂိုဏ်းရဲ့လက်ထောက်ခေါင်းဆောင်ကို မဆန့်ကျင်ချင်ပါဘူးလေ။

"ဟမ့်"

နောက်ထပ်သီးသန့်ခန်းတစ်ခုအထဲမှာ ယွမ်တစ်ဂိုဏ်းရဲ့ဒု‌ခေါင်းဆောင်လောရှီကွမ်းက အေးစက်စွာ နှာခေါင်းရှုံ့လိုက်တယ်။

ဒီမီးတိမ်က ဖျက်ဆီးခြင်းကျောက်တုံးက ‌ဈေးနိမ့်နိမ့်နဲ့ ဝယ်ယူနိုင်မယ်လို့ ထင်ရင် အမှားကြီးမှားပေလိမ့်မယ်။ ဖျက်ဆီးခြင်းကျောက်တုံးရဲ့တန်ဖိုးက ယွမ်တစ်ဂိုဏ်းရဲ့မျှော်မှန်းချက်ထက် နိမ့်ကျ‌ရင် သူက လေလံဝင်ဆွဲပြီး ဖျက်ဆီးခြင်းကျောက်တုံးကို ပြန်ယူရမှာပါ။

"တစ်ရာ့ငါးဆယ်ထရီလီယံ"

ဦးခေါင်းခွံရွာရဲ့လက်ထောက်ခေါင်းဆောင်မန်ဒက်ကလဲ လေလံ‌ပေးလာခဲ့တယ်။

ဒါကို မြင်ပြီး အတွေးအချို့ရှိနေသေးတဲ့ထိပ်တန်းအဆင့်အစစ်အမှန်နတ်ဘုရားတွေက လုံးဝလက်လျော့လိုက်ကြတော့တယ်။

"နှစ်ယောက်လုံး လက်လျော့လိုက်ရင် အကောင်းဆုံးပဲ၊ တစ်ရာ့နှစ်ဆယ်ထရီလီယံ"

စစ်ဟိုင်ဝူယာအနေနဲ့ မီးတိမ်ဂိုဏ်းနဲ့ဦးခေါင်းခွံရွာတို့ကို ဂရုစိုက်စရာဘာအကြောင်းရှိလို့လဲ။

"ဒီကောင်လေးက ဘယ်သူလဲ"

လေလံဝင်ဆွဲသူတွေ ရှိသေးတာကို မြင်ပြီး လူတိုင်းက မှင်တက်သွားကြတယ်။

မီးတိမ်ဂိုဏ်းနဲ့ဦးခေါင်းခွံရွာတို့က ဖျက်ဆီးကျောက်တုံးကို စိတ်ဝင်စားနေတာ ဘယ်သူက မသိလို့လဲ၊ ဒီလူက လေလံပေးရဲတယ်ပေါ့လေ၊ သူက ခေါင်းမပါတာလား ဒါမှမဟုတ် မှီခိုအားထားစရာတစ်ခုခုရှိနေလို့လား။

ဖုန်းလန်ထျန်းနဲ့မန်ဒက်တို့ရဲ့စိတ်ဝိညာဉ်စွမ်းအားက စစ်ဟိုင်ဝူယာရဲ့သီးသန့်ခန်းထဲသို့ လွှမ်းခြုံလာခဲ့တယ်။

"ဘယ်လိုတောင်အားကောင်းတဲ့နတ်ဘုရားစွမ်းအားအညွှန်းကိန်းလဲ"

ဆစ်ခဏကြာတဲ့အထိ သူတို့နှစ်ယောက်က စစ်ဟိုင်ဝူယာရဲ့နတ်ဘုရားစွမ်းအားအညွှန်းကိန်းကို မခန့်မှန်းနိုင်ခဲ့ဘူး။

ဒါပေမယ့် သေချာတာကတော့ ရန်သူရဲ့နတ်ဘုရားစွမ်းအားအညွှန်းကိန်းက ဆယ်သန်းကို ကျော်လွန်တာ၊ အဆင့်မြင့်အစစ်အမှန်နတ်ဘုရားတစ်ယောက်ရဲ့ပုံမှန်တန်ဖိုးထက် ကျော်လွန်မှာ သေချာတယ်။

"မင်း ဒီလောက် ယုံကြည်ချက်ရှိနေတာ အံ့ဩစရာမရှိဘူးပဲ၊ ဒါပေမယ့် ကံမကောင်းစွာနဲ့ ဒါက ဆည်းဆာစတုရန်းမြို့ပဲ၊ သူတို့ဂိုဏ်းသုံးဂိုဏ်းရဲ့ကမ္ဘာပဲ"

ဖုန်းလန်ထျန်နဲ့မန်ဒက်တို့က နှာခေါင်းရှုံ့လိုက်တယ်။

တစ်ယောက်ယောက်က သူ့ကို နတ်ဘုရားစိတ်ဝိညာဉ်နဲ့ ချောင်းကြည့်နေတာကို မြင်ပြီး စစ်ဟိုင်ဝူယာရဲ့နတ်ဘုရားစိတ်ဝိညာဉ်စွမ်းအားက ပေါက်ကွဲသွားပြီး လေပွေတစ်ခုပမာ ရိုက်ခတ်လာတယ်။

အုန်း.....

မမြင်နိုင်တဲ့တိုက်ခိုက်မှုတစ်ခု ဖြစ်သွားတယ်၊ ဖုန်းလန်ထျန်နဲ့မန်ဒက်တို့က ထိခိုက်ခံစားသွားရပြီး သူတို့ရဲ့မျက်နှာက ဖြူရော်သွားတယ်။

"ဘယ်လိုအားကောင်းတဲ့စိတ်ဝိညာဉ်တစ်ခုလဲ"

ဖုန်းလန်ထျန်နဲ့မန်ဒက်တို့ရဲ့မျက်နှာတွေက အလေးအနက်ဖြစ်လာတယ်။

"တစ်ရာသုံးဆယ့်ငါးထရီလီယံ"ဖုန်းလန်ထျန်က သန်းငါးရာပေါင်းထည့်လိုက်တယ်။

"တစ်ရာသုံးဆယ့်ရှစ်ထရီလီယံ"

မန်ဒက်က သန်းသုံးရာပေါင်းထည့်လိုက်တယ်။

ဘယ်သူက အဆုံးထိ ထိန်းနိုင်မလဲ။

လောရှီကွမ်းက ဒီလေလံစည်းချက်နဲ့ ပတ်သက်ပြီး မကျေနပ်တာ သေချာတယ်၊ သူက လေလံမှာ ပါဝင်ဖို့ ပြင်ဆင်နေတယ်။

"တစ်ရာ့ငါးဆယ်ထရီလီယံ"

လီဖူချန်းက တစ်ခါတည်းနဲ့ ဆယ့်နှစ်ထရီလီယံပေါင်းထည့်ကာ ဈေးပေးလိုက်တယ်။

"မလောက်လေးမလောက်စားအလယ်ဆင့်နတ်ဘုရားတစ်ယောက်က ရဲတင်းနေတာပဲ" အစက မ‌ပျော်မရွှင်ဖြစ်နေတဲ့ဖုန်းလန်ထျန်နဲ့မန်ဒဏ်တို့က လီဖူချန်းရှိရာသာမန်အခန်းကို တစ်ပြိုင်နက်တည်း ကြည့်လိုက်မိတယ်။

စစ်ဟိုင်ဝူယာက ဘယ်လောက်ပဲ မောက်မာနေပါစေ ပြဿနာမရှိဘူး၊ တစ်ဖက်လူက မောက်မာဖို့ ထိုက်တန်တယ်၊ သူ့ရဲ့နတ်ဘုရားစွမ်းအားက တကယ်အားကောင်းတယ်။ အလယ်ဆင့်နတ်ဘုရားတစ်‌ယောက်ဖြစ်တဲ့လီဖူချန်း‌ မောက်မာနေတာ‌ကတော့ သူတို့ရဲ့မျှော်လင့်ချက်ကို ကျော်လွန်နေတာပဲ။

"ဒီလူက ဘယ်သူလဲ။ သူက မီးတိမ်ဂိုဏ်းနဲ့ဦးခေါင်းခွံရွာတို့ကို ဘယ်လိုတောင် ယှဉ်ပြိုင်ရဲရတာလဲ"

"အရင်လူက အဆင်ပြေပါတယ်၊ တကယ်တော့ သူက အဆင့်မြင့်အစစ်အမှန်နတ်ဘုရားတစ်ယောက်လေ၊ ဒါက အလယ်ဆင့်အစစ်အမှန်နတ်ဘုရားတစ်‌ယောက်သာပဲ၊ သူ့ရဲ့ယုံကြည်ချက်တွေက ဘယ်ကနေ လာတာလဲ"

"သူက ဘယ်သူပဲ ဖြစ်ဖြစ်၊ သူ့ရဲ့နောက်ခံက ဘာပဲဖြစ်ဖြစ်၊ သူ သေရမှာပဲ"

အဆင့်မြင့်အစစ်အမှန်နတ်ဘုရားရဲ့အသက်အရှိန်အဝါနဲ့အလယ်ဆင့်အစစ်အမှန်နတ်ဘုရားရဲ့အသက်အရှိန်အဝါက အကြည့်တစ်ချက်နဲ့ ရှင်းလင်းတယ်။ အဲဒါကို ဖုံးကွယ်ဖို့ အထူးနည်းလမ်းမရှိရင် နတ်ဘုရားစိတ်ဝိညာဉ်စွမ်းအားနဲ့နတ်ဘုရားစွမ်းအားမရှိဘဲ အလွယ်တကူသိမြင်နိုင်ပါတယ်။

ဒါကြောင့် လီဖူချန်းက အခန်းထဲမှာ ရှိရင်တောင် သူက အလယ်ဆင့်အစစ်အမှန်နတ်ဘုရားတစ်ယောက်ဆိုတာ လူတိုင်းက အလွယ်တကူသိနိုင်ပါတယ်။ တကယ်တော့ ဒီအခန်းက သာမန်နတ်ဘုရားဝင်္ကပါအချို့ပဲရှိတဲ့သာမန်အခန်းတစ်ခုသာ ဖြစ်ပြီး အထူးသက်ရောက်မှုတွေ မရှိပါဘူး။

"ငါ့ကိုယ်ငါ မောက်မာနေပြီးလို့ တွေးထားတာ။ ငါ့ထက် ပိုမောက်မာတဲ့သူ ရှိလိမ့်မယ်လို့ ငါ မမျှော်လင့်ထားဘူး။ ကောင်းပြီလေ၊ ဆည်းဆာကျောက်တုံးနဲ့ဖျက်ဆီးခြင်းကျောက်တုံးတို့ကို မင်းနဲ့ပဲ အရင်ဆုံးထားရမယ်" စစ်ဟိုင်ဝူယာက ဆက်ပြီးလေလံဆွဲဖို့ ပျင်းရိနေပြီ၊ ဘယ်လိုပဲဖြစ်ဖြစ်၊ အဆုံးမှာတော့ ဒီဟာတွေက သူ့လက်ထဲ ရောက်လာမှာပဲလေ။

"တစ်ရာငါးဆယ့်ငါးထရီလီယံ" ဖုန်းလန်ထျန်က ဒါကို တွေးလိုက်မိပြီး နောက်ဆုံးလေလံဈေးပေးဖို့ ဆုံးဖြတ်ခဲ့တယ်။

မီးတိမ်ဂိုဏ်းကပဲ ဖျက်ဆီးခြင်းကျောက်တုံးကို စောင့်ကြည့်နေတာ မဟုတ်ဘူးလေ။

"တစ်ရာ့ခြောက်ဆယ်ထရီလီယံ"

မန်ဒဏ်လဲ ဖုန်းလန်ထျန်နဲ့ အတွေးအတူတူပါပဲ။

"တစ်ရာ့ခုနှစ်ဆယ်ထရီလီယံ"

လီဖူချန်းက နောက်ထပ်တစ်ဆယ်ထရီလီယံကို ပေါင်းထည့်လိုက်တယ်။

အပွင့်လင်းဆုံးပြောရရင် သူ့နှလုံးသားက အနည်းငယ်တုန်လှုပ်‌နေမိတယ်။ ဆည်းဆာကျောက်တုံးကို ယူပြီးနောက် သူ့ခန္ဓာကိုယ်ပေါ်ရှိ အညံ့စားနတ်ဘုရားကျောက်တုံးတွေရဲ့အရေအတွက်က တစ်ရာ့ကိုးဆယ်ထရီလီယံပဲ ကျန်တော့တာလေ၊ ဒီတော့ နောက်ထပ်နည်းလမ်းတစ်ခုကို ရှာရမှာ၊ အစစ်အမှန်နတ်ဘုရားအသုံးအဆောင်ပစ္စည်းအချို့ကို ရောင်းမလား ဒါမှမဟုတ် အဆင့်နိမ့်နတ်ဘုရား‌ကျောက်တုံးကို အညံ့စားနတ်ဘုရားကျောက်တုံးနဲ့ ဖလှယ်မလား။

ဒါပေမယ့် အကြွင်းမဲ့မလိုအပ်ရင် သူက ဒုတိယနည်းလမ်းကို ရွေးချယ်မှာ မဟုတ်ဘူး။

အဆင့်နိမ့်နတ်ဘုရားကျောက်တုံးတွေက အလွန်အမင်း တန်ဖိုးရှိတယ်။ အလတ်စားချီလီယိုခါဇန်နတ်ဘုရားကမ္ဘာကလွဲပြီး ဘယ်အသေးစားချီလီယိုခါဇန်နတ်ဘုရားကမ္ဘာမှာမှ မရှိဘူး၊ ဒါကြောင့် ဖြုန်းတီးလို့ မရနိုင်ဘူးလေ။

ကံကောင်းစွာနဲ့ လီဖူချန်းက စိုးရိမ်မှုများသွားခဲ့တာပဲ။

အဆုံးမှာ လီဖူချန်းက ဖျက်ဆီးခြင်းကျောက်တုံးကို အောင်မြင်စွာ ရယူနိုင်ခဲ့တယ်။