အခန်း ၁၄၁၁

အခန်း (၁၄၁၁) အတုမဲ့ပုဂ္ဂိုလ်များ၏ တိုက်ပွဲ

ထိုသွေးနီရောင် အစင်းကြောင်းက လွန်စွာစူးရှနေသလိုပင်။

ဤအရာကြောင့် ဗုဒ္ဓများပင်လျှင် သွေးထွက်တတ်ကြောင်း သေမျိုးများသိသွားစေသည်။

သွေးစက်များမြေကြီးပေါ်သို့ ပြန့်ကျဲသွားသည့် အခိုက်အတန့်တွင် လူတိုင်း၏နှလုံးခုန်နှုန်းက အလိုအလျောက်မြန်ဆန်လာခဲ့၏။ နတ်ဘုရားမင်းဆက်၏ သာမန်ပြည်သူများဖြစ်စေ၊ သေမျိုးလောကသို့ ကျဆင်းလာသော မသေမျိုးအရာရှိ များဖြစ်စေ အားလုံးခေါင်းမော့ကာ ကျောက်သားလှံရှည်ဖြင့် မြဲမြံစွာဖိနှိပ်ခံထားရသော ပုံရိပ်ဆီသို့ မယုံကြည်နိုင်စွာကြည့်နေခဲ့ကြသည်။

မသေနိုင်မပျက်စီးနိုင်သောနတ်ဘုရားစွမ်းရည်များကို ပိုင်ဆိုင်ထားသည့် ရွှေမသေမျိုးဗောဓိသတ္တ များပင်လျှင် ပြဿနာများဖြေရှင်းရာတွင် တိုက်ခိုက်ခြင်းဖြင့် မကျွမ်းကျင်ဟုဆိုရလျှင်၊ တစ်ဆင့် ပိုမိုမြင့်မားသော အစစ်အမှန်ဗုဒ္ဓနှင့်ဧကရာဇ်များအကြားတွင် ဤကဲ့သို့သောအရာမျိုး ဘယ်သောအခါမှ မဖြစ်ပေါ်ခဲ့ဖူးဟုဆိုရမည်။

သူတို့သည် အုပ်စိုးသူ၊ မိုးကောင်းကင်နှင့် မြေပြင်၏ အုပ်ထိန်းသူများဖြစ်ကြပြီး၊လှုပ်ရှားမှုတိုင်းမှာ ကောင်းကင်တာအိုကို ကိုယ်စားပြုနေကြ၏။ အကယ်၍ သူတို့ကအင်အားသုံး၍အနိုင်ယူရန် ကြိုးစားပါက၊၎င်းသည် သူတို့၏ အဆင့်အတန်းနှင့် မထိုက်တန်သလိုဖြစ်လိမ့်မည်။

ဟိုထူဧကရီကဲ့သို့သော ပြဿနာများနှင့် ရင်ဆိုင်ရချိန်တွင်ပင်။ အရှေ့ပိုင်း ဍုမေဏု၏ ဗုဒ္ဓသုံးပါးက တိုက်ရိုက်မလှုပ်ရှားခဲ့ကြပေ။

ယင်းအစား သူတို့က ပထမအဆင့်ဧရာမပုဂ္ဂိုလ်ကြီးများ အားလုံးကိုဆင့်ခေါ်ခဲ့ကြ၏။ တိုင်ပင်ဆွေးနွေးပြီးနောက် ဟိုထူဧကရီအား ခုခံရန် မည်သည့် အခွင့်အရေးမျှမပေးဘဲ အတူတကွဖိနှိပ်ခဲ့ကြပြီး သင့်လျော်ပြီး မှန်ကန်သောနည်းလမ်းဖြင့် လုပ်ဆောင်ကာ အခြားသူများထံမှမလိုအပ်သော ပြဿနာများနှင့် လှောင်ပြောင်မှုများကို ရှောင်ရှားခဲ့ကြသည်။

ဤဧရာမပုဂ္ဂိုလ်ကြီး ဆယ့်ခုနစ်ပါးက စကြာဝဠာကြီး၏အစိတ်အပိုင်းတစ်ခု ဖြစ်ပါသည်။

အတွင်းရေးတွင်တိုက်ခိုက်ခြင်းခြင်း ဧရာမပုဂ္ဂိုလ်ကြီးတစ်ဦး၏လက်မောင်းများ အချင်းချင်း အပြန်အလှန် ပြန်ထိုးနှက်နေခြင်းနှင့် ညီမျှပြီး လုံးဝ အဓိပ္ပာယ်မရှိပေ။

သို့သော် ရှန်းယီ၏ပြတ်သားသော လုပ်ရပ်က ဤလုပ်ထုံးလုပ်နည်းကို ချိုးဖျက်ပစ်လိုက်၏။ လွတ်မြောက်ခြင်း အောက်တွင် တူညီသော ပထမအဆင့်ပင်လျှင်၊ ကွာဟချက်များရှိနေကြောင်း လောကကို ကြေညာလိုက်သည်။

ကွာဟချက်က အတော်လေးသိသာထင်ရှားနေခဲ့၏။

"..."

အရှေ့ဘက်အစွန်းဧကရာဇ်က အစပိုင်းတွင် နောက်ကွယ်တွင် ပုန်းအောင်းနေပြီး ရွှင်ပျော် အစစ်အမှန် ဗုဒ္ဓဖြင့် ရှန်းယီ၏အတိမ်အနက်ကို ဦးစွာ စမ်းသပ်ခိုင်းစေချင်ခဲ့သည်။

သို့သော် လူတိုင်းက ကောင်းကင်တာအို၏လမ်းကြောင်းတစ်လျှောက်တက်လှမ်းလာကြပြီး၊ ဧကရာဇ်များ နှင့် ဗုဒ္ဓများ ဖြစ်လာရန် သူတို့၏ မသေမျိုးသစ္စာ နှင့် မဟာဆန္ဒကို ဖြည့်ဆည်းရန်အတွက် ဤဧရာမသားရဲကြီး၏ အာရုံစိုက်မှုကို ဆွဲဆောင်ခဲ့ကြ၏။

တူညီသောလမ်းကြောင်းပေါ်တွင် အဝေးသို့ ရောက်ရှိနေပြီဖြစ်သော်လည်း၊ ဤယခုမှတက်လှမ်းလာသော လူငယ်လေးနှင့် ရင်ဆိုင်ရချိန်တွင်၊ သူတို့ကိုယ်သူတို့ ဤမျှထိအားနည်းနေလိမ့်မည်ဟု မမျှော်လင့်ဘဲတွေ့ရှိလိုက်ကြရသည်။

ကောင်းကင်တာအိုမှာ ဘက်လိုက်မှုကင်းသည်မဟုတ်လော။ တစ်စုံတစ်ယောက်က အဘယ်ကြောင့် ကောင်းချီးနှစ်ဆပင် ရရှိထားသနည်း။

အရှေ့ဘက်အစွန်းဧကရာဇ်က မလှုပ်ရှားဘဲ မနေဝင့်တော့ပေ။ အကယ်၍ သူသာ ရွှင်ပျော် အစစ်အမှန်ဗုဒ္ဓကို အခက်အခဲမှ မကူညီပါက သူတစ်ယောက်တည်းဆိုလျှင် ဤလူငယ်လေးကို ဖိနှိပ်ရန်ခက်ခဲလိမ့်မည်။

သူက သူ၏လက်များကို ရှေ့သို့ဝှေ့ယမ်းလိုက်ရာ၊ ကောင်းကင်ကန့်လန့်ကာကို အားစိုက်ထုတ်စရာမလိုဘဲ အသာဆုတ်ဖြဲလိုက်၏။

မိုးကြိုးများက နဂါးရိုင်းတစ်ကောင်အလား ဟိန်းဟောက်လိုက်၏။ ကြောက်မက်ဖွယ်ကောင်းသောအက်ကွဲကြောင်းထဲမှ ခမ်းနားသောအငွေ့အသက်တစ်ခုကို သယ်ဆောင်လာသည့် အလွန်လှပသော ကိုးလွှာရတနာမျှော်စင်တစ်ခုက သေမျိုးလောကပေါ်သို့ ဆင်းသက်လာခဲ့သည်။

၎င်း၏မြင့်မားပြီး ကြီးကျယ်ခမ်းနားသော ကိုယ်ထည်က လျှပ်စစ်အလင်းတန်းများကို ချေမွပစ်လိုက်ပြီး ၎င်း၏အရိပ်က အင်ပါယာမြို့တော် တစ်ခုလုံးကို လွှမ်းခြုံသွားပါသည်။

၎င်း၏စွမ်းအားများက ဧကရာဇ်ချီ၏ဖိနှိပ်ခြင်းကို ခံထားရသော အခြေအနေမျိုးတွင်ပင် ဤ ဧကရာဇ်က မွေးရာပါဝိညာဉ်ရတနာတစ်ခုဖြင့် လှုပ်ရှားလိုက်ခြင်းဖြစ်သည်။

စကြာဝဠာ စတင်ဖြစ်တည်လာချိန်ကတည်းက မွေးဖွားလာသော ဤကဲ့သို့သောရတနာများသာလျှင် သူတို့နှစ်ဦးကြားရှိကွာဟချက်ကို ပေါင်းကူးပေးနိုင်သည်။

မျှော်စင်က ရှုပ်ထွေးသောအငွေ့အသက်များဖြင့် ဖုံးလွှမ်းနေပြီး၊ ရှန်းယီကို ဖိနှိပ်ရန်တိုက်ရိုက် ဦးတည်သွား၏။ သူ့ကို ချက်ချင်းအတင်းအကျပ် ဖိချလိုက်သည်။

တစ်ချိန်တည်းမှာပင် မျှော်စင်ထိပ်ရှိ တံခါးများက အနည်းငယ်ပွင့်သွားပြီး ရွှင်ပျော်အစစ်အမှန်ဗုဒ္ဓ ဆီသို့ အလင်းတန်းတစ်ခုပစ်လွှတ်ကာ သူ့ကို မျှော်စင်၏ ကိုယ်ထည်အတွင်းသို့ဦးစွာ ခေါ်ဆောင်သွားရန် ရည်ရွယ်ခဲ့သည်။

"ဟူး"

ရွှင်ပျော် အစစ်အမှန်ဗုဒ္ဓက သူ၏နှလုံးသားထဲရှိ မငြိမ်မသက်ဖြစ်မှုကို ယာယီဖိနှိပ်ထားလိုက်၏။ ရှန်းယီက မသေမျိုး နှင့် ဗုဒ္ဓလမ်းကြောင်း နှစ်ခုစလုံးကို ကျင့်ကြံထားပြီး၊လက်ရှိ လျှို့ဝှက်ဆန်းကြယ်သော သဘာဝနှစ်မျိုးကိုဖန်တီးထားသော်လည်း၊ အရှေ့ဘက်အစွန်းဧကရာဇ် နှင့် သူစိတ်နှလုံး အပြည့်အဝပူးပေါင်းဆောင်ရွက်သရွေ့၊ အကျပ်အတည်းကိုဖြတ်ကျော်မည့် နည်းလမ်းကို သူတို့ ရှာတွေ့နိုင်လိမ့်မည်။

သူက သွေးတစ်လုတ်ထွေးထုတ်လိုက်ပြီး၊ မျှော်စင်၏အလင်းတန်းပေါ်သို့ တက်လှမ်းရန်ရည်ရွယ်လိုက်၏။

ထိုအခိုက်အတန့်တွင် သန့်ရှင်းသောဖိနပ်တစ်ရံက သူ၏အမြင်အာရုံထဲတွင် ရုတ်တရက်ကြီးမားလာခဲ့သည်။

ဘုန်း

ရှန်းယီ ဗုဒ္ဓ၏ရင်ဘတ်ကို နင်းလိုက်၏။ မျှော်စင်၏အလင်းတန်းက သူ့ကိုထိခိုက်မှုမှ ကာကွယ်ပေးထားသော်လည်း ၎င်းကို ခြေအောက်မှ မလွတ်မြောက်စေနိုင်ခဲ့ပေ။

"ဖယ်စမ်း"

ရွှင်ပျော်အစစ်အမှန် ဗုဒ္ဓက ခေါင်းကိုရုတ်တရက် မော့လိုက်ပြီး အလျင်အမြန်ကျဆင်းလာနေသော မျှော်စင်ကို စိုက်ကြည့်လိုက်၏။ နောက်ဆုံးတွင် သူ၏နှလုံးသားထဲတွင် အကြောက်တရား အရိပ်အယောင်တစ်ခု ပေါ်လာခဲ့သည်။

အစစ်အမှန် ဗုဒ္ဓ တစ်ပါး၏ခန္ဓာကိုယ်က လျှောက်လောကခရီးသည်၏အထွတ်အထိပ်ကို ကိုယ်စားပြုနိုင်သော်လည်း ဧကရာဇ်တစ်ပါးကိုင်ဆောင်ထားသော မွေးရာပါဝိညာဉ်ရတနာတစ်ခုကို သူ၏ခန္ဓာကိုယ်တတ်တတ်ဖြင့်တော့ ခုခံရန်ဘယ်သောအခါမှ မရည်ရွယ်ခဲ့ပေ။

အဝေးမှ အရှေ့ဘက်အစွန်းဧကရာဇ်၏ အမူအရာ အနည်းငယ်ပြောင်းလဲသွားသော်လည်း၊ မကြာမီတွင် ကြမ်းကြုတ်ပြီးရက်စက်သော အရိပ်အယောင်တစ်ခု ပေါ်လာခဲ့သည်။

အစစ်အမှန် ဗုဒ္ဓက မျှော်စင်၏ အောက်တွင် ရှိနေသော်လည်း၊ သူက ဤအကောင်းဆုံးအခွင့်အရေးကို လက်လွှတ်မခံလိုပေ။

ရှန်းယီသည် ကောင်းကင်တာအိုကို လွှမ်းမိုးနိုင်ပြီး ၎င်းအတွင်းရှိ တာအိုအသီးအပွင့်များကို ဖျက်ဆီးပစ်နိုင်စွမ်းရှိကြောင်း သံသယဝင်ခြင်းခံနေရသည်။ ဧကရာဇ်က ဤကဲ့သို့သောအန္တရာယ်ကို လောင်းကြေးထပ်ရန် ဆန္ဒမရှိပေ။

'ငါ့ကိုဆန့်ကျင်ဖို့ ဒီဘုန်းကြီးကိုအသုံးချဖို့ ကြိုးစားနေတာလား၊ ဒီကောင်လေးက သေချာပေါက် ရူးသွပ်နေတာပဲ'

"ကျစမ်း"

စူးရှသောအော်ဟစ်သံတစ်ခုနှင့်အတူ အရှေ့ဘက်အစွန်းဧကရာဇ်က နောက်မဆုတ်သည့်အပြင် ကောင်းကင်တာအို နှင့် ဆက်သွယ်ရန်ကြိုးပမ်းလိုက်ရာ တာအိုအသံလှိုင်းများ ပဲ့တင်ထပ်သွားစေခဲ့၏။

ကောင်းကင်တာအို၏ကောင်းချီးမင်္ဂလာအောက်တွင် အလွန်လှပသောရတနာမျှော်စင်က လေဟာနယ်ကိုကြိတ်ချေပစ်လိုက်ပြီး၊ အင်ပါယာမြို့တော်အထက်ရှိ ကောင်းကင်ကိုပင် အစိတ်စိတ်အမွှာအမွှာ ကွဲထွက်သွားစေခဲ့သည်။

ဒုန်း...

၎င်း၏တိုက်ရိုက် ဖိချေတိုက်ခိုက်မှုအောက်၊ ထို ကြောက်မက်ဖွယ်ကောင်းသော အငွေ့အသက် အောက်တွင် မျှော်စင်အောက်ရှိ ပုံရိပ်နှစ်ခု၏ပုံရိပ်များက ပုံပျက်သွားပြီးမှုန်ဝါးသွားခဲ့သည်။

ဧကရာဇ်၏ခြိမ်းခြောက်နေသော တည်ရှိမှုနှင့် မွေးရာပါဝိညာဉ်ရတနာ၏စွမ်းအင်အပြည့်အဝအောက်တွင် သာမန်သတ္တဝါများကို မဆိုထားနှင့် တူညီသော ပထမအဆင့်မှ ရွှင်ပျော်အစစ်အမှန်ဗုဒ္ဓပင်လျှင် မျက်လုံးပြူးသွားပြီး၊ သူ့ကိုနင်းထားသော ရှန်းယီကို ဂရုမစိုက်နိုင်တော့ဘဲ မျှော်စင်၏ကျဆင်းမှုကို နှောင့်နှေးစေရန် ဗုဒ္ဓအလင်းတန်းကို အပြည့်အဝအသက်သွင်းလိုက်ရ၏။

"ရပ်..."

မူလက နက်ရှိုင်းပြီးတည်ငြိမ်နေသော ဗုဒ္ဓ၏ အသံက ယခုအခါ စူးရှသောအော်ဟစ်သံတစ်ခုအဖြစ်သို့ ပြောင်းလဲသွားခဲ့သည်။

အမြဲတစေအပြုံးတစ်ခုကိုဆောင်ထားပြီးအရာအားလုံးကို ထိန်းချုပ်ထားနိုင်ပုံရသော ထိုမျက်နှာက ယခုအခါချွေးများဖြင့်ရွှဲနစ်နေပြီး၊ မျက်လုံးများတွင် ကြမ်းကြုတ်မှုများပြည့်နှက်နေကာ၊ ပါးရိုးများတစ်ဖက်ချိုင့်ဝင်နေမှုက ကြောက်မက်ဖွယ်ကောင်းသည့် အရိပ်အယောင်တစ်ခုကို ထပ်မံ ပေါင်းထည့်ပေးနေခဲ့သည်။

ထိုအခိုက်အတန့်တွင် ကွေ့ကောက်နေသောမြစ်တစ်စင်းအလားလွင့်ပျံနေသော ရှန်းယီ၏လျှို့ဝှက်ဆန်းကြယ်သည့် ဝတ်ရုံက ရုတ်တရက်အစစ်အမှန် နက်မှောင်သည့်မြစ်တစ်စင်းအဖြစ်သို့ ပြောင်းလဲသွားခဲ့သည်။

ကောင်းကင်ထောက်တိုင်ကြီးများပမာ ဧရာမ လက်မောင်းကြီးများက ၎င်းအတွင်းမှ ထိုးထွက်လာခဲ့ပြီး ကောင်းကင်ယံထက်သို့ ပျံတက်သွားကာ မျှော်စင်၏အောက်ခြေကို မြဲမြံစွာထောက်ခံထားလိုက်၏။

တူညီသောစွမ်းအားကြီးမားသည့် ကောင်းကင်တာအိုစွမ်းအားများ ထိပ်တိုက် တွေ့ဆုံသွားကြတော့သည်။

ယခင်က ဧရာမအရိပ်ကြီးက ၎င်း၏ပုံသဏ္ဌာန်ကို နောက်တစ်ကြိမ်ဖော်ပြလာခဲ့ပြီး၊ ၎င်း၏တစ်ကိုယ်လုံးက မှင်များဖြင့်ပက်ဖြန်းထားသည့်အလား မျက်နှာသွင်ပြင်ကိုခွဲခြား၍မရနိုင်သော်လည်း၊ ယခင်ကထက် အဆပေါင်းများစွာ ပိုမိုခိုင်မာနေခဲ့သည်။

၎င်း၏ဗုဒ္ဓခန္ဓာကိုယ်ဘွဲ့အမည်မှာ မယိုင်းမယိုင်လှုပ်ရှားခြင်းမဲ့မဟုတ်လော။ မျှော်စင်တစ်ခုတည်းက ၎င်းကို မည်ကဲ့သို့ လှုပ်ခတ်နိုင်မည်နည်း။

"ဟမ်..."

ဤကဲ့သို့သော အကြိတ်အနယ်အခြေအနေမျိုးဖြစ်ပေါ်လာလိမ့်မည်ဟု အရှေ့ဘက်အစွန်းဧကရာဇ်လုံးဝ မျှော်လင့်မထားခဲ့ပေ။