အခန်း ၁၄၂၅

အခန်း (၁၄၂၅) ချင်းဟွာရဲ့အရေးပါတဲ့ စွမ်းရည်

"မင်းတို့အားလုံးကို ငါ အမိန့်ပေးတယ်...။"

"ဒူးထောက်လိုက်စမ်း။"

စွမ်းအားကြီးမားသော တောင်ထွတ်များအလား၊ လက်ချောင်းငါးချောင်းက ဖြည်းညှင်းစွာပိတ်သွားပြီး၊ သူ၏ဆုပ်ကိုင်ထားမှုအတွင်းတွင် ခြောက်သွေ့နေသော အတိတ်ဗုဒ္ဓက အားစိုက်ထုတ်စရာမလိုဘဲ ကြိတ်ခြေ ဖျက်ဆီးခံလိုက်ရပုံရသည်။

သို့သော် ထိုဘုန်းကြီးက သူ၏ခေါင်းကို အေးအေးလူလူမော့လိုက်ရင်း မျက်လုံးများတွင် ရယ်ချင်စိတ်များပြည့်နှက်နေခဲ့၏။

"ဂိုဏ်းချုပ်ပြောတာ မှန်တယ်။"

"နိယာမတွေဆိုတာ သက်မဲ့ပဲဖြစ်သင့်တယ် စက္ကူစာရွက်တွေအနေနဲ့ မသေမျိုးခုံရုံးဆီကို ပြန်သွားသင့်တယ်။ ခင်ဗျားကို လောကထဲမှာလျှောက်လှမ်းခွင့်ပေးလိုက်တာက ကောင်းကင်တာအိုရဲ့ ဂုဏ်သိက္ခာကို ညစ်ညမ်းစေရုံသက်သက်ပဲ။"

"မောက်မာတဲ့ အရူး။"

အတိတ် ဗုဒ္ဓ၏သိမ်မွေ့သော လှောင်ပြောင်ရယ်မောသံက မသေမျိုး ဗုဒ္ဓများနှင့် အစစ်အမှန် နတ်ဘုရားများအကြားရှိ ယဉ်ကျေးပျူငှာမှု၏နောက်ဆုံး အရိပ်အယောင်ကို လုံးဝ ဆုတ်ဖြဲပစ်လိုက်သည်။

အသံ ဆုံးသွားသည်နှင့်တပြိုင်နက်၊ ရွှေရောင်ကြာပန်းပလ္လင်ငါးခုပေါ်ရှိ အစစ်အမှန်ဗုဒ္ဓများက တစ်ပြိုင်နက်တည်း အေးစက်သောအပြုံးများကို ဖော်ပြလာကြပြီး၊ သူတို့၏တောက်ပသော အနီရောင်သင်္ကန်းများက မြင့်မားစွာလွင့်ဝဲကာ၊ တောင်ပိုင်း ဍုမေဏုကို လွှမ်းခြုံသွားပြီး၊ ရွှေရောင်ကြာပန်းပွင့်ဖတ်များက ကြီးမားလှသောလက်မောင်းကြီးများအဖြစ် စုစည်းသွားကာ၊ ဧရာမ ပုံရိပ်ကြီး၏ဂျိုင်းအောက်နှင့် ဒူးကွေးရာနေရာများသို့ ပြင်းထန်စွာ ထိုးဖောက်ဝင်ရောက်ပြီး၊ သူ၏ခြေလက်များကိုတင်းကျပ်စွာဆုပ်ကိုင်ကာ၊ သူ့ကို နောက်ပြန်လန်ကျသွားစေရန် တိုက်ရိုက်ဆွဲချလိုက်သည်။

"ဟူး..."

ဘိုးဘေးနတ်ဘုရားက မိုးခြိမ်းသံအလား ဟိန်းဟောက်လိုက်ပြီး၊အောက်သို့ မယုံကြည်နိုင်စွာကြည့်လိုက်သည်။

သူ၏ခန္ဓာကိုယ်ကား ကောင်းကင်တာအို၏အရိုးများဖြစ်သော်လည်း၊ အတုအယောင်ဂုဏ်ကျက်သရေများဖြင့်သရဖူဆောင်းထားသော ဤမျောက်များက ကောင်းကင်တာအိုကို လှုပ်ခတ်နိုင်စွမ်း ရှိနေကြ၏။

သူ၏ဆုပ်ကိုင်ထားမှုအတွင်းမှ အတိတ်ဗုဒ္ဓက မြင့်တက်လာပြီး၊ ဤမီးအကျဉ်းထောင်မှ အလွယ်တကူလွတ်မြောက်ကာ၊ ပိုမိုမြင့်မားသော နေရာသို့ တက်လှမ်းသွားပြီး၊အနည်းငယ် အရှက်ရနေသော ဘိုးဘေးနတ်ဘုရားကို နောက်တစ်ကြိမ် အထက်စီးမှ ကြည့်နေခဲ့သည်။

ကောင်းကင်နိယာမသည် သေမျိုးလောကကို အုပ်ချုပ်ရန်၊ ဤနယ်ပယ်၏လည်ပတ်မှုကို ထိန်းသိမ်းရန် ရည်ရွယ်ထားသည့် ဂိုဏ်းနှစ်ခုစလုံးကိုအစားထိုးရန်စွမ်းဆောင်နိုင်စွမ်းမရှိသော သက်မဲ့ကိရိယာတစ်ခုမျှသာ ဖြစ်သည်။

ဂိုဏ်းနှစ်ခုစလုံးက စည်းမျဉ်းများနှင့် နိယာမများထက်သာလွန်ပြီး၊ ကန့်သတ်ချုပ်ချယ်မှု ကင်းမဲ့ကာ၊ လောက၏အရှင်သခင်များဖြစ်ကြသည်။

ဤရှေးဟောင်းသမိုင်းမှတ်တမ်းက စာမျက်နှာသစ် တစ်ခုကို လှန်သင့်လေပြီ။

"ဒူးထောက်ရမှာက ခင်ဗျားပဲ။"

အတိတ် ဗုဒ္ဓက ပြုံးလိုက်ပြီး၊ သင်္ကန်းစကို ပေါ့ပေါ့ပါးပါးဝှေ့ယမ်းလိုက်ရာ၊ လွှမ်းမိုးနိုင်သော ဖိအားတစ်ခုကကမ်းပါးပေါ်သို့ ကျဆင်းလာခဲ့ပြီး၊ အစစ်အမှန် နတ်ဘုရားတစ်ပါးပြီးတစ်ပါးဖြူရော်သွားကာ၊ သူတို့ထံမှ တိုးညှင်းသောညည်းတွားသံများထွက်ပေါ်လာပြီး၊ ဗုဒ္ဓ၏စွမ်းအားကို မခံနိုင်တော့ဘဲ၊မြေပြင်ပေါ်တွင် ဒူးထောက်လိုက်ကြရ၏။

သူတို့က ဂုဏ်ယူဝင့်ကြွားသော်လည်း၊ ပုဂ္ဂိုလ်ရေး ရည်ရွယ်ချက်များကို ဘယ်သောအခါမှ မထားရှိခဲ့ကြသလို၊ သတ္တဝါများနှင့် မကြာခဏ အပြန်အလှန်ဆက်သွယ်ခြင်းလည်း မရှိခဲ့ပေ။

လောကကြီး၏လည်ပတ်မှုကို ထိန်းသိမ်းရန်သာ လုံ့လစိုက်ထုတ်ခဲ့ကြပြီး၊ လောကီရေးရာများတွင် ဝင်ရောက်စွက်ဖက်ခဲယင်းလှသည်။

နတ်ဘုရားများက သူတို့၏အရှေ့ရှိ ဘုန်းကြီးများကဲ့သို့သော ဤနယ်ပယ်အတွင်းရှိနာခံမှုရှိသော သတ္တဝါများ အပါအဝင်၊ လောကကြီးကိုသာ ကာကွယ်ပေးကြသည်။

ယခုအခါ... ဤလူများ၏အရှေ့တွင် ဒူးထောက်ရန် သူတို့ အတင်းအကျပ် ဖိအားပေးခံနေရ၏။

"မင်းတို့က ကောင်းကင်နိယာမထက် သာလွန်ချင်တာပဲ။ သေချာပေါက် ဖရိုဖရဲဖြစ်မှုတွေကို ဖန်တီးပြီး လောကကြီးကို မတည်မငြိမ် ဖြစ်စေလိမ့်မယ်။"

ကျင့်ကြံသူများ၏တိုးတက်မှုနှင့်အတူ သူတို့က အတိတ်ကကဲ့သို့ ဘိုးဘေး နတ်ဘုရား အပေါ် မျက်နှာချိုသွေးခြင်းမျိုးနောက်တစ်ကြိမ်ပြုလုပ်နိုင်တော့မည် မဟုတ်ကြောင်းကို ချီဖုန်း သိထားသော်လည်း၊ ဤအုပ်စုက ကောင်းကင်နိယာမကို သိမ်းပိုက်ရန် အတွေးများကို ထားရှိရဲလိမ့်မည်ဟု သူဘယ်သောအခါမှ မမျှော်လင့်ထားခဲ့ပေ။

အကယ်၍ ကောင်းကင်နိယာမပင်လျှင် မဟန့်တားနိုင်သော အုပ်စုတစ်စုပေါ်ထွက်လာပါက၊ ၎င်းသည်လုံးဝဖျက်ဆီးခံလိုက်ရခြင်းနှင့် မည်သို့ ကွာခြားမည်နည်း။

သို့သော် နောက်တစ်ခဏတွင်၊ မြင့်မားလှသောကမ်းပါးတစ်ရာက လက်သည်းများအလား ရုတ်တရက်မြင့်တက်လာပြီး၊ အတွင်းရှိ အစစ်အမှန်နတ်ဘုရားများကို အလျင်အမြန် ဖမ်းဆုပ်လိုက်ကာ၊ တောင်ပိုင်း ဍုမေဏုရှိ ကြာပန်းများကလည်း အားကောင်းစွာပွင့်လန်းလာပြီး၊ နွယ်ပင်များက ဗုဒ္ဓကမ်းပါးထံတက်သွားကာ၊ သံကြိုးများအလားကမ်းပါးတစ်ခုစီ၏အက်ကွဲကြောင်းများအကြား ရစ်ပတ်သွားခဲ့သည်။

"ငါ့အတွက် ပြိုကွဲလိုက်စမ်း။"

ကောင်းကင်တာအိုနိယာမများကို ကိုယ်စားပြုသော အစစ်အမှန်နတ်ဘုရားများက ဤသတ္တဝါများအုပ်စု၏အရှေ့တွင် ဒူးထောက်နေကြသည်ကို ဘိုးဘေးနတ်ဘုရားက အကူအညီမဲ့စွာ စောင့်ကြည့်နေခဲ့ရပြီး၊ သူ၏မျက်လုံးများက ယခင်ကမကြုံစဖူးသော ဒေါသများဖြင့် တောက်လောင်နေကာ၊ သူ၏ ကြီးမားလှသော ခန္ဓာကိုယ်က ရူးသွပ်နေသောနွားသိုးတစ်ကောင်အလား တုန်ယင်နေခဲ့သည်။

၎င်းက ပထမအဆင့်အစစ်အမှန် ဗုဒ္ဓငါးပါး ပြုလုပ်ထားသော ကန့်သတ်ချက်ကို အင်အားသုံး၍ ရုတ်တရက် ဆုတ်ဖြဲပစ်လိုက်သည်။

ရွှေရောင်လက်မောင်းများက ကြာပန်းပွင့်ဖတ်များအဖြစ်သို့ ကွဲကြေသွားပြီး၊အဆုံးအစမရှိသော မီးပင်လယ်၏ဝါးမျိုခြင်းကို ခံလိုက်ရသည်။

အစစ်အမှန် ဗုဒ္ဓများက တစ်ပြိုင်နက်တည်း တိုးညှင်းသောညည်းတွားသံများကို ထုတ်ဖော်လိုက်ကြပြီး၊ သူတို့၏အသက်ရှူသံများ အနည်းငယ် ကမောက်ကမဖြစ်သွားကာ၊ ဧရာမပုံရိပ်ကြီးကို သတိထား၍ စောင့်ကြည့်နေကြသည်။

သို့သော်၊ သူတို့၏နှုတ်ခမ်းများ အားလုံးတွင် အပြုံးများကို ဖော်ပြနေခဲ့ကြ၏။

ဗုဒ္ဓကမ်းပါး တစ်ရာမှ ဖန်တီးထားသော အကျဉ်းထောင်က ပုံသဏ္ဌာန်ထွက်ပေါ်လာခဲ့ပြီဖြစ်ပြီး၊ အရပ်မျက်နှာအသီးသီးမှ ရေတွက်၍မရနိုင်သော နွယ်ပင်များက ထိပ်သို့တက်လာကြကာ၊ အထက်ရှိအပေါက်တွင် စုဆုံသွားပြီး၊ ဧရာမကြာပန်းဖြူတစ်ပွင့်အဖြစ်သို့ ပြောင်းလဲသွားကာ၊ ဤထွက်ပေါက်ကို လုံးဝ ပိတ်ဆို့ထားလိုက်သည်။

"ဒါက ဗောဓိဂိုဏ်းက ခင်ဗျားကို ပေးတဲ့ ရှင်းလင်းချက်ပဲ။"

"ခင်ဗျား ကျေနပ်ရဲ့လား။"

အတိတ် ဗုဒ္ဓက ကြာပန်းပလ္လင်အသစ်စက်စက်တစ်ခုပေါ်တွင်ထိုင်လိုက်ပြီး၊ ဗုဒ္ဓကမ်းပါး အတွင်းရှိ နတ်ဘုရားများကိုနောက်ပြောင်သကဲ့သို့ ကြည့်နေခဲ့ရာ၊ သူ၏အကြည့်အောက်တွင် အေးစက်ပြီး ခံစားချက်ကင်းမဲ့မှုများဖုံးကွယ်နေပြီး၊ တိရစ္ဆာန် တစ်အုပ်ကို စောင့်ကြည့်နေသည့်အလားပင်။

မဟာကပ်ဘေးကြီး ပြီးဆုံးသွားသည်နှင့်တပြိုင်နက် ဤအရာများက ဂိုဏ်းနှစ်ခုစလုံး၏လက်ဖြင့် ဆွဲငင်ရာလိုက်ရသော ကြမ်းကြုတ်သည့် ခွေးများဖြစ်လာမည်ဖြစ်ပြီး၊ သူတို့ကို အမိန့်ပေးသမျှနာခံမှုရှိစွာ ကိုက်ကြရပေလိမ့်မည်။

"ဝုန်း.."

ဘိုးဘေး နတ်ဘုရားက ဗုဒ္ဓကမ်းပါး အတွင်းရှိ နွယ်ပင်ကို ဆွဲကိုင်လိုက်ရာ၊ ရွှေရောင်အလင်းတဖျပ်ဖျပ်လင်းလက်သွားပြီး၊ ၎င်း၏လက်မောင်းကို ကြာပွတ်တစ်ခုအလား ရိုက်ခတ်သွားကာ၊ ပြင်းထန်သောနာကျင်မှုများကြားတွင်၊ ၎င်း၏သူငယ်အိမ်များ ကျုံ့သွားပြီး၊ ဤဘုန်းကြီးများ၏ဗုဒ္ဓဓမ္မနည်းလမ်းက မည်မျှအထိတိုးတက်လာခဲ့ပြီဖြစ်ကြောင်းကို အံ့အားသင့်သွားခဲ့သည်။

၎င်းက လက်သီးဖြင့် ရုတ်တရက်ထိုးချလိုက်သော်လည်း အချိန်အတော်ကြာသည်အထိ နွယ်ပင်များမှာပြောင်းလဲခြင်းမရှိဘဲ၊ ၎င်း၏လက်မောင်းများတွင် အမာရွတ်များသာကျန်ရစ်ကာ၊ ခွန်အားများ လုံးဝကုန်ခမ်းလုနီးပါးဖြစ်သွားခဲ့သည်။

ဘိုးဘေး နတ်ဘုရားက အံများကို ကြိတ်ကာ၊ အထက်သို့ နက်ရှိုင်းစွာကြည့်လိုက်၏။

ယနေ့ ကို့ကိုယ်သာအားကိုးရုံဖြင့် ဤကိစ္စကို မဖြေရှင်းနိုင်ရာ၊ ဤလောကအတွင်းရှိကပ်ဘေးများကို အသစ်တဖန်ပြန်လည်ရှင်းလင်းရန် ကျန်ရှိနေသော ဘိုးဘေးနတ်ဘုရားများကို ဆင့်ခေါ်ရန်လိုအပ်ပေသည်။

"ခင်ဗျားရဲ့ခွန်အားတွေကို ချွေတာလိုက်စမ်းပါ။"

အတိတ် ဗုဒ္ဓက သူ၏အပြုံးကို ရုပ်သိမ်းလိုက်ပြီး၊ ၎င်း၏အတွေးများကို ထိုးဖောက်မြင်နေရပုံရကာ၊ တည်ငြိမ်စွာ ပြောလိုက်သည်။

"ခင်ဗျားက ခင်ဗျားရဲ့ညီအစ်ကိုတွေ အုပ်စုထဲမှာ ကံအကောင်းဆုံး ဖြစ်ကောင်းဖြစ်နိုင်တယ်၊ အနည်းဆုံးတော့... ခင်ဗျားဘယ်လိုပျောက်ကွယ်သွားလဲဆိုတာကို မြင်နိုင်သေးတယ်။ အခြားကိစ္စတွေအတွက်တော့ မျှော်လင့်မနေပါနဲ့။"

မီးဘိုးဘေးနတ်ဘုရား၏မျက်လုံးများ အနည်းငယ် မှေးသွားပြီး၊ အခြားဘိုးဘေးနတ်ဘုရားများဆီသို့ အလိုအလျောက် သတင်းပို့ကာ၊ သူတို့ကို အတင်းအကျပ်နိုးထလာစေရန် ရည်ရွယ်လိုက်သည်။

သို့သော် နောက်တစ်ခဏတွင်၊ ၎င်းနှင့် ကောင်းကင်တာအိုအကြား ဆက်သွယ်မှုက ထို ကြာဖြူကြောင့် လုံးဝဖြတ်တောက်ခံလိုက်ရပြီဖြစ်ကြောင်း ၎င်း တွေ့ရှိလိုက်ရသည်။

တစ်ချိန်တည်းမှာပင် အတိတ် ဗုဒ္ဓ၏ဦးဆောင်မှုဖြင့်၊ အခြားသောအစစ်အမှန် ဗုဒ္ဓများ အားလုံးသည် မတ်မတ် ထိုင်လိုက်ကြပြီး၊ သူတို့၏ နှုတ်ခမ်းများ လှုပ်ရှားသွားကာ နက်ရှိုင်းသော ဗုဒ္ဓ၏အသံပ ဗုဒ္ဓကမ်းပါး၏ အက်ကွဲကြောင်းများမှတစ်ဆင့် စီးဆင်းသွားခဲ့သည်။

အခြား ရှစ်ပါးက အိပ်စက်ခြင်းသို့ရောက်ရှိနေပြီဖြစ်ပြီး၊ ဤတစ်ပါးသာ ကျန်ရှိတော့ရာ ကိစ္စရပ်များကိုများစွာ ပိုမိုလွယ်ကူသွားစေသည်။

ဗောဓိဂိုဏ်း၏ အခြေခံအုတ်မြစ်ဖြင့် ၎င်းကို အိပ်စက်ခြင်းသို့ အတင်းအကျပ်ပို့ဆောင်ရန်မှာ လုံလောက်ပါသည်။

'ငါတို့လုပ်ဖို့လိုတာက ဒီဘိုးဘေးနတ်ဘုရားကို ဖရိုဖရဲအခြေအနေထဲကို အရင်ကျရောက်သွားစေဖို့ပဲ၊ ပြီးတော့ ပစ္စုပ္ပန်ဗုဒ္ဓက အဲဒီကိစ္စတွေကို ကိုင်တွယ်ဖြေရှင်းပြီး ရှန်းယီကို ဖြေရှင်းဖို့ သေမျိုးလောကကို ကိုယ်တိုင်ကိုယ်ကျဆင်းသက်တဲ့အခါ၊ သူက ဒီမီးဘိုးဘေးနတ်ဘုရားကို ကောင်းကင်တာအိုဆီ ပြန်လည်ပို့ဆောင်ပေးနိုင်ပြီး၊ ဒီ လောကကြီး ကို ခေတ်အဆက်ဆက်မပြောင်းလဲဘဲ ထာဝရ တည်တံ့နေစေနိုင်တယ်။'

"ဟာ..."

ဗုဒ္ဓ၏အသံကြောင့် တိုက်စားခံနေရသော ဧရာမပုံရိပ်ကြီးက အနည်းငယ် တွေဝေနေပုံရသည်။

၎င်းက ကျောက်ကမ်းပါးများကြားတွင် မိုးခြိမ်းသံအလားနောက်ပြန်ထိုင်ချလိုက်ပြီး၊ ၎င်း၏ပတ်ဝန်းကျင်ရှိ အလားတူ ဇဝေဇဝါဖြစ်နေသော အစစ်အမှန်နတ်ဘုရားများကို မှင်သက်စွာ စိုက်ကြည့်နေကာ၊ ၎င်း၏မျက်လုံးများတွင် အကြောက်တရားအရိပ်အယောင်တစ်ခု တဖြည်းဖြည်း ပေါ်လာခဲ့၏။

ဤတစ်ကြိမ်တော့၊ ပို၍ကြောက်မက်ဖွယ်ကောင်းသောအရာတစ်ခုကို ကြိုတင်မြင်လိုက်ရသဖြင့်၊ ဘိုးဘေးနတ်ဘုရားက အစစ်အမှန်နတ်ဘုရား၏ဂုဏ်သိက္ခာဆိုသည်ကို နောက်ဆုံးတွင် ဘေးဖယ်ထားလိုက်သည်။

ယခုအချိန်အထိတည်ငြိမ်စွာလည်ပတ်နေသော ဤလောကကြီးက အမှန်တကယ် ဖရိုဖရဲမှုအခြေအနေထဲသို့ ကျဆင်းသွားတော့မည့်ပုံရသည်။

ကောင်းကင်နိယာမမရှိတော့သောအခါ၊ ဤလောကကြီးက ဂိုဏ်းနှစ်ခုစလုံး၏ကစားစရာအဖြစ် လုံးဝပြောင်းလဲသွားပါလိမ့်မည်။

ထို့အတူ ဤဖြစ်ရပ်မဖြစ်ပေါ်ခင်က၊ ၎င်းသည် အရေးမပါသည့်ကိစ္စလေးတစ်ခုဟု ထင်မှတ်ခဲ့ပြီး၊ လုံးဝသတိမထားမိခဲ့ကြပေ။

"ဘိုးဘေးနတ်ဘုရား"

ဗုဒ္ဓ၏အသံအောက်တွင် အစစ်အမှန် နတ်ဘုရားများ၏ခေါ်သံများက အလွန်အားနည်းနေပုံရသည်။

"ငါတို့ကြံစည်ခံလိုက်ရပြီ။" အသိအမှတ်မပြုချင်သော်လည်း၊ ဘိုးဘေးနတ်ဘုရားက ခါးသီးသော အပြုံးတစ်ခုကိုသာ ဖန်တီးနိုင်ခဲ့ပြီး၊ ဤမသေမျိုး ဗုဒ္ဓများက ၎င်းကိုအချိန်အတော်ကြာကတည်းက ကြံစည်နေခဲ့ပြီး၊ အခြားဘိုးဘေးနတ်ဘုရားများ၏ အိပ်စက်ခြင်းပလည်း သူတို့နှင့် ဆက်စပ်နေနိုင်သည်ကို ကြောက်ရွံ့နေခဲ့၏။

ယခင်က အရေးမပါသောကိစ္စဟု ဆိုထားသောအရာမှာ တစ်စုံတစ်ဦးက ၎င်းကိုသတိပေးရန် ကြိုးစားနေခြင်းသာဖြစ်ကောင်းဖြစ်နိုင်ပါသည်။

သို့သော်နှစ်ပေါင်းများစွာ မောက်မာလာမှုက ၎င်းကို လုံးဝလျစ်လျူရှုသွားစေခဲ့သည်။

"အနာဂတ်..."

တစ်ခုခုကိုတွေးမိရာ ဘိုးဘေးနတ်ဘုရားက အလိုအလျောက် ခေါင်းမော့ကြည့်လိုက်သည်။

အကယ်၍ အနာဂတ်ဗုဒ္ဓက အကူအညီ ပေးမည်ဆိုလျှင် ယခုအချိန်တွင်တစ်ဖက်လူက အကျပ်အတည်းကိုဖြတ်ကျော်ရန်ကူညီပေးနိုင်မည်လော။

သို့သော် ဟာလာဟင်းလင်း ကောင်းကင် ကန့်လန့်ကာကို ငေးကြည့်ရင်း၊ ၎င်း၏မျက်လုံးများထဲရှိ မီးတောက်များထပ်မံ မှေးမှိန်သွားခဲ့သည်။

ထိုဘုန်းကြီးက လောကကြီးအားရပ်တန့်နေသည့်အခြေနေမျိုးတွင်မမြင်ချင်သည်မှာသေချာသော်လည်း သွယ်ဝိုက်သည့်သတိပေးချက်တစ်ခုကပင် ကန့်သတ်ချက်ဖြစ်နေပုံရ၏။

အကယ်၍ သူသာ အစစ်အမှန်နတ်ဘုရားများ၏ ဘက်တွင် ရပ်တည်ရဲမည်ဆိုလျှင် သူကား ဤအချိန်ထိ မျက်ကွယ်ပြုနေမည်မဟုတ်ပေ။ သူ၏ကိုယ်ပိုင် တောင်ပိုင်းဍုမေဏုဆီကိုပင် ပြန်မလာချင်တာမျိုးဖြစ်နေမည်မဟုတ်ပေ။

ရလဒ်က ဆုံးဖြတ်ပြီးသွားလေပြီ လောကကြီးလည်း ကျဆုံးရပါတော့မည်။

အဆုံးမဲ့သောခေတ်အဆက်ဆက်များတွင် အစစ်အမှန်နတ်ဘုရားများ ကာကွယ်ပေးခဲ့သည့် အရာများက နောက်ဆုံးတွင် ၎င်းတို့၏ကိုယ်ပိုင် လက်ဖြင့် သူတို့ကိုပြန်လည်ဖျက်ဆီးတော့မည်။

အာရုံလွင့်နေစဉ်အတွင်း၊ ဗုဒ္ဓ၏အသံက ပိုပို၍ကျယ်လောင်လာပြီး၊ ဘိုးဘေး နတ်ဘုရား၏ အမူအရာပ တဖြည်းဖြည်းထုံကျင်လာကာ၊ ထာဝရ အိပ်စက်ခြင်းသို့ ကျရောက်သွားတော့မည့်အလား၊ ထိုမြင့်မားသော ကျောက်တိုင်ကြီးအဖြစ်သို့ ပြန်လည်ပြောင်းလဲသွားတော့မည့်ပုံရပါသည်။

"ဘိုးဘေး နတ်ဘုရား။"

ဤအခိုက်အတန့်တွင် ချီဖုန်းက ၎င်း၏ဘေးသို့ ရောက်ရန် ရုန်းကန်နေခဲ့ရသည်။

"ငါ့မှာ ဖြေရှင်းနည်းမရှိဘူး။" ဘိုးဘေး နတ်ဘုရား၏မျက်လုံးများ မှေးကျလာပြီး၊ ညင်သာစွာ တုံ့ပြန်လိုက်သည်။

"ကျုပ်တို့အကူအညီတောင်းလို့ ရနိုင်သေးတယ်။" ဗုဒ္ဓ၏အသံထဲမှ ၎င်းကိုဆွဲထုတ်နိုင်ရန် မျှော်လင့်လျက် ချီဖုန်းက တစ်ဖက်လူ၏တုတ်ခိုင်သော လက်ချောင်းများကို အားကုန်ဆွဲလိုက်၏။

"အနာဂတ်ဗုဒ္ဓတောင်မှ သူ့ကိုယ်သူပါဝင်ပတ်သက်ဖို့ မဝံ့ရဲတာ၊ ဒီလောကမှာ ရှေ့ထွက်ဖို့ ရဲတဲ့သူ ဘယ်မှာရှိမှာလဲ။" ဘိုးဘေးနတ်ဘုရားက ထိုသေးငယ်သော ပုံရိပ်ကို ဖယ်ရှားလိုက်သည်။

ထို့အပြင်၊ ၎င်းက သတင်းစကားတစ်ခုကိုပင် မပို့နိုင်တော့ပေ။

"ရှိရမယ်။"

ချီဖုန်းက ခေါင်းလှည့်လိုက်ပြီး၊ လူအုပ်ထဲရှိ ထင်ရှားမှုမရှိသော ရွှေရောင်ခန္ဓာကိုယ်တစ်ခုဆီသို့ ကြည့်လိုက်၏။

ချန်ချင်းမသေမျိုးစစ်သူကြီးမှာ တတိယအဆင့် ရာထူးကိုကိုင်ဆောင်ထားပြီး၊ ကျယ်ပြောလှသော မသေမျိုးခုံရုံးတွင်ပင်လျှင်၊ ထိပ်တန်းစစ်သည်တော် တစ်ဦး ဖြစ်ပေလိမ့်မည်။

သို့သော် လက်ရှိအခိုက်အတန့်တွင်၊ တတိယအဆင့်မသေမျိုးတံဆိပ်မျှသာဖြစ်သော ကျင့်ကြံခြင်းက ကွာခြားမှုတစ်ခုခုကို ဖန်တီးနိုင်ရန်လုံးဝမဖြစ်နိုင်ပေ။

အစစ်အမှန် နတ်ဘုရားအများစုက ဇဝေဇဝါ ဖြစ်နေသော အမူအရာများဖြစ်သွားကြသည်။

နတ်ဘုရားများနှင့်နတ်ဆိုးများ အုပ်စုငယ်လေး တစ်စုကသာတစ်ခုခုကို မှတ်မိသွားပုံရပြီး၊ သူတို့၏မျက်လုံးများသည် ရုတ်တရက် ပြင်းထန်မှုများဖြင့် တောက်လောင်လာခဲ့၏။

ချန်ချင်းက ဤတတိယအဆင့်မသေမျိုးရာထူးကို ရရှိရန်တွက် အနည်းငယ်မျှသာအားထုတ်ခဲ့ရကြောင်းကို ၎င်းတို့သိထားသည်။ ဤအရာကို သူမက စွမ်းရည်တစ်ခုတည်းဖြင့်သာ အောင်မြင်ခဲ့ခြင်း ဖြစ်သည်။

၎င်းမှာ စစ်ကူခေါ်နိုင်သည့်စွမ်းရည်ဖြစ်ပြီး၊ သူမ ခေါ်လိုက်သော သူများက လုံလောက်သည်ထက် ရက်စက်ကြမ်းကြုတ်ကြ၏။

မည်မျှအတိုင်းအတာထိလည်းဆိုလျှင် ချန်ချင်းကို ရန်စရဲတဲ့သူမည်သူမဆို၊ သူတို့၏အဆင့်အတန်း သို့မဟုတ် သူတို့က မသေမျိုးဖြစ်စေ နတ်ဆိုးဖြစ်စေမည်သည့်အရာကိုမျှဂရုမစိုက်ဘဲ၊ ထိုလူ ပေါ်လာသည်နှင့် အသက်ရှင်ကျန်ရစ်သူ တစ်ယောက်မျှ မချန်ထားခဲ့ပေ။

"တစ်ယောက်ယောက်ရှိသေးလား။" ချီဖုန်းက ထို ရွှေရောင်ခန္ဓာကိုယ်ဆီသို့ တင်းမာစွာကြည့်လိုက်သည်။

"..."

လူတိုင်း၏အကြည့်အောက်တွင်၊ ချင်းဟွာ သခင်မက သူမ၏ခေါင်းကိုဖြည်းညှင်းစွာ မော့လိုက်သည်။

သူမက မျက်ခုံးကိုညင်သာစွာ ပင့်လိုက်၏။

"သေချာတာပေါ့။"