အခန်း ၉၈၀

အခန်း ၉၈၀ - ဥပဒေသဝါးမြိုသတ္တဝါ

မျက်ခုံးဖြူ အကြီးအကဲ၏ အရှိန်အဝါမှာ မည်သူမျှ မယှဉ်နိုင်အောင် ကြီးမားလှသည်။ ၎င်းမှာ ကောင်းကင်နှင့် မြေကြီး တစ်ခုလုံးနှင့် ပေါင်းစပ်နေသကဲ့သို့ပင်။ ထိုအရှိန်အဝါ၏ ဖိအားကြောင့် ယီယွင် ၏ သွေးများမှာ အေးခဲသွားသကဲ့သို့ ခံစားရပြီး အတွင်းအင်္ဂါများမှာလည်း ပုံမှန် အလုပ်မလုပ်နိုင်တော့ပေ။

အို... ယီယွင် မျက်မှောင် ကြုတ်လိုက်သည်။ ထိုအကြီးအကဲ၏ မျက်လုံးများထဲတွင် သူ့ကို အထင်သေးသည့် အရိပ်အယောင်ကို သူ မြင်လိုက်ရသည်။ လူငယ်... မင်းနာမည်က ယီယွင် ဟုတ်လား။ မင်းရဲ့ စွမ်းဆောင်ချက်တွေကို ငါ ကြားဖူးပါတယ်။ ဒီ ဂိုဏ်းငယ်လေး ခြောက်ခုထဲမှာ မင်းကို ပါရမီရှင်လို့ ခေါ်နေကြတာပေါ့လေ။

အဲဒီ ချီးကျူးစကားတွေက မင်းကို မာနကြီးပြီး ကိုယ့်ကိုယ်ကိုယ် မေ့လျော့သွားစေတယ်၊ ဒါကလည်း ဖြစ်လေ့ဖြစ်ထရှိတဲ့ ကိစ္စပါပဲ။

တကယ်တမ်းတော့ မင်းရဲ့ အရည်အချင်းက ငါ့မျက်စိထဲမှာ ဘာမှ မဟုတ်ဘူး။

ဒီတစ်ခါ မင်္ဂလာမိုးစက် နတ်ဘုရား ရဲ့ တပည့် ခေါ်ယူခြင်းမှာ ငါ့ရဲ့ အင်မော်တယ်မိုးစက်ဂိုဏ်း နဲ့ သက်ဆိုင်နေတယ်။ မင်္ဂလာမိုးစက် နတ်ဘုရား က ငါတို့ဂိုဏ်းက ထွက်လာတာဆိုတော့ ဒီကိစ္စက ငါတို့ ဂိုဏ်းရဲ့ အတွင်းရေး ကိစ္စပဲ သူပိုင်ဆိုင်တဲ့ ဖေးတစ်သောင်းနတ်သခင်ကျမ်းစာ စာမျက်နှာကို မင်း ရနိုင်မယ်လို့ ထင်နေတာလား မင်းရဲ့ အခြေခံ အားနည်းချက်နဲ့ အဲဒီလို တန်ပစ္စည်းကို လိုချင်တာက မင်းအတွက် အန္တရာယ်ကြီးတယ်ဆိုတာ သတိထား။

မင်း အသိဉာဏ် ရှိရင်တော့ ဒီကနေ နုတ်ထွက်လိုက်တာ အကောင်းဆုံးပဲ။ ဒါဆိုရင် ရှီဖေး နဲ့ ရှီဖင်း ကို မင်း ထိခိုက်အောင် လုပ်ခဲ့တဲ့ ကိစ္စကို ငါ လျစ်လျူရှုပေးမယ်။ မင်းကိုလည်း အကျိုးအမြတ်တွေ အများကြီး ပေးမယ် သေချာ စဉ်းစားကြည့်။

ထိုအကြီးအကဲ၏ စကားများမှာ ယီယွင် ၏ နားထဲတွင် မိုးချုန်းသံကဲ့သို့ ပေါက်ကွဲသွားသည်။ ထိုအရှိန်အဝါမှာ သူ၏ ဝိညာဉ်ကို တိုက်ရိုက် ထိမှန်သွားသဖြင့် ယီယွင် ၏ မျက်နှာမှာ ဖြူဖျော့သွားသည်။ သို့သော် ယီယွင် သည် သူ၏ ဓားဆန္ဒ ကို ချက်ချင်း စုစည်းကာ အခိုးအငွေ့များကို ဖြတ်တောက်လိုက်သည်။

ခွပ်....ချွင်....

ဝိညာဉ်ထဲတွင် ပဲ့တင်ထပ်နေသော အသံလှိုင်းများကို ယီယွင် ဖြတ်တောက်လိုက်နိုင်သဖြင့် သူ ပြန်လည် သက်သာလာသည်။ သူသည် အင်မော်တယ်မိုးစက်ဂိုဏ်း မှ လူတစ်ယောက်ကို အလွန် ဒေါသထွက်မိသည်။ သူသည် အကြီးအကဲ တွမ့်မု တို့ ပြောပြချက်အရ အင်မော်တယ်မိုးစက်ဂိုဏ်း ၏ အင်အားကို သိရှိထားသည်။

သို့သော်လည်း အင်အားကြီး ပုဂ္ဂိုလ်တစ်ဦးက သူ့ကို ယခုကဲ့သို့ အနိုင်ကျင့်ခြင်းမှာ ယီယွင် ၏ တော်လှန်ချင်စိတ်ကို ပိုမို နှိုးဆွလိုက်သည်။

ထိုအချိန်တွင် ရှီ ချန်ရှန်း ၏ အာရုံစိုက်မှုမှာ ယီယွင် ထံမှ ရောက်သွားသည်။ သူသည် မင်္ဂလာမိုးစက် နတ်ဘုရား ကို ကြည့်လိုက်သည်။ မင်္ဂလာမိုးစက် နတ်ဘုရား က ရှီ ချန်ရှန်း ကို အေးစက်စက် အကြည့်ဖြင့် ရှီ ချန်ရှန်း၊ ဒါ ငါ့နယ်မြေပဲ။ မင်း နောက်တစ်ကြိမ် ထပ်လုပ်ရဲရင် ငါ့ဓားက မင်းကို အလွတ်မပေးဘူး ဟု သတိပေးလိုက်သည်။

ရှီ ချန်ရှန်း မှာ ဒေါသ မထွက်ဘဲ ရယ်မောလိုက်သည်။ မင်္ဂလာမိုးစက် နတ်ဘုရား၊ ဘာလို့ ဒီလောက် အသည်းအသန် ဖြစ်နေရတာလဲ ငါက ဒီကလေးရဲ့ စိတ်စွမ်းအားကို စမ်းသပ်ကြည့်တာပါ။ မင်းက ဒီကောင်လေးကို ဒီလောက်ထိ ကာကွယ်ပေးနေတာလား။

မင်္ဂလာမိုးစက် နတ်ဘုရား က ဘာမျှ ပြန်မပြောဘဲ အေးစက်စွာသာ ကြည့်နေသည်။ ရှီ ချန်ရှန်း က ငါတို့ အင်မော်တယ်မိုးစက်ဂိုဏ်း က လူတွေ မင်းဆီမှာ ဝင်ပြိုင်မယ်ဆိုတာ မင်း ခွင့်ပြုမှာ မဟုတ်ဘူးလား အားလုံးက တရားမျှတစွာ ယှဉ်ပြိုင်ကြတာပဲ။ နောက်ဆုံး အဆင့်က ဥပဒေသနယ်ပါယ် ကို စမ်းသပ်တာ မဟုတ်လား ဟု မေးသည်။

ဥပဒေသနယ်ပါယ် ကို စမ်းသပ်ဖို့ဆိုရင် ဥပဒေသဝါးမြိုသတ္တဝါ တစ်ကောင် လိုတယ်။ ငါ့မှာ နှစ်ပေါင်း တစ်သိန်းကျော်တဲ့ ဥပဒေသဝါးမြိုသတ္တဝါ တစ်ကောင် ရှိတယ်...

မလိုဘူး ငါ့မှာ ရှိပြီးသား ......

မင်္ဂလာမိုးစက် နတ်ဘုရား က ပြောလိုက်သည်။

သူသည် အိတ်ငယ် တစ်ခုကို ထုတ်လိုက်သည်။ ထိုအိတ်ကို ဖွင့်လိုက်သောအခါ အမည်းရောင် အငွေ့တန်းများ ပျံ့လွင့်လာပြီး ကောင်းကင်တွင် အရိပ်တစ်ခု ဖြစ်ပေါ်လာသည်။

ဒါက ဥပဒေသဝါးမြိုသတ္တဝါ ပေါ့။ သူက ဟင်းလင်းပြင် စွမ်းအားရှိတဲ့ ဖေးသားရဲ တစ်မျိုးပဲ။ သူက အထူအပါး မရှိသလို ဖြစ်ပေမဲ့ အရာရာကို ဝါးမြိုနိုင်တယ်။ ရှေးဟောင်း ဒဏ္ဍာရီတွေအရ ဥပဒေသဝါးမြိုသတ္တဝါ တွေက လောကငယ်လေးတွေကိုတောင် ဝါးမြိုနိုင်တယ်လို့ ဆိုကြတယ်။

ဒါပေမဲ့ သူတို့ အနှစ်သက်ဆုံးကတော့ ဥပဒေသ ကို ဝါးမြိုတာပဲ။ သူတို့က အစီအရင်တွေနဲ့ ပစ္စည်းတွေထဲက ဥပဒေသ အစီအရင် တွေကို ထုတ်ယူနိုင်သလို စစ်သည်တော် တွေ ရရှိထားတဲ့ ဥပဒေသ ကိုပါ ဝါးမြိုနိုင်တယ်။ သူတို့ အသက်ရှည်လေ ဝါးမြိုထားတဲ့ ဥပဒေသ က များလေပဲ။ သူတို့ကိုယ်တိုင်က တန် ပစ္စည်းတွေ ဖြစ်ပေမဲ့ ရှာရတာ အလွန် ခက်ခဲတယ်။

ငါတို့ နိမိတ်ဖတ်ဖေးတိုင်းပြည် မှာ ဥပဒေသဝါးမြိုသတ္တဝါ မရှိဘူး ဟု နိမိတ်ဖတ် တော်ဝင်ဘိုးဘေး က ပြောပြသည်။

ဥပဒေသဝါးမြိုသတ္တဝါ နဲ့ ဥပဒေသနယ်ပါယ် ကို ဘယ်လို စမ်းသပ်မှာလဲ။

ဝါးမြိုခြင်းပေါ့..... ဥပဒေသဝါးမြိုသတ္တဝါ တွေက ဥပဒေသ ကို ကြိုက်တယ်။ ဒါကြောင့် စစ်သည်တော် တွေရဲ့ ဥပဒေသနယ်ပါယ် ကို သူတို့ကို ဝါးမြိုခိုင်းမယ်။ ဝါးမြိုခံလိုက်ရရင်တော့ ကျရှုံးတယ်လို့ သတ်မှတ်တယ် ဟု မင်္ဂလာမိုးစက် နတ်ဘုရား က ရှင်းပြသည်။

ထိုအခါ လူငယ်များမှာ အံ့အားသင့်သွားကြသည်။ ဥပဒေသနယ်ပါယ် တွေ ဝါးမြိုခံရရင် ပျက်စီးသွားမှာလား တစ်ယောက်ယောက်က ရုတ်တရက် မေးလိုက်သည်။ ဥပဒေသနယ်ပါယ် ပျက်စီးသွားရင် သူတို့ သင်ယူထားတဲ့ သိုင်းပညာတွေ အားလုံး အလဟဿ ဖြစ်သွားမှာလား။ ထိုသို့ဖြစ်ပါက သိုင်းလောကအတွက် အကြီးအကျယ် ထိခိုက်မှု ဖြစ်လာနိုင်သည်။