အခန်း ၉၈၃

အခန်း ၉၈၃ - ရိုက်သင့် မရိုက်သင့်

တကယ်ကို စိတ်ဝင်စားဖို့ ကောင်းတယ်။ ယီယွင် ရဲ့ စကားတွေက ငါ့ကိုတောင် အံ့အားသင့်စေတယ် ဟု မင်္ဂလာမိုးစက် နတ်ဘုရား က ရယ်မောရင်း ပြောသည်။ သူ၏ အမြင်တွင် ယီယွင် ဖြေရှင်းပုံမှာ လွန်စွာ ထက်မြက်လှသည်။ သို့သော် ပြဿနာ တစ်ခု ရှိသေးသည်။

သူသည် ရှီ ဖေး နှင့် ရှီ ဖင်း တို့မှာ အရှက်ခံပြီး လက်တွေ့ လုပ်ဆောင်ရဲမည် မဟုတ်ဟု အလောင်းအစား လုပ်နေခြင်း ဖြစ်သည်။ အကယ်၍ သူတို့သာ အရှက်ကို ဖိထားပြီး လုပ်ဆောင်လိုက်ပါက ယီယွင် မှာ အကျပ်ရိုက်သွားမည် မဟုတ်လော။

ထိုအချိန်တွင် လူတိုင်းမှာ ရှီ ဖေး နှင့် ရှီ ဖင်း တို့ကို ကြည့်နေကြသည်။ သူတို့၏ မျက်နှာမှာ လွန်စွာ အကျည်းတန်နေသည်။ ယီယွင် ၏ တောင်းဆိုချက်မှာ အလွန်အကျွံ ဖြစ်သည်ဟု ထင်ရသော်လည်း အမှန်တကယ်တော့ မဟုတ်ပေ။ ယီယွင် ကို ငရဲသွားစွယ် ဥပဒေသဝါးမြိုသတ္တဝါ နှင့် ရင်ဆိုင်စေခြင်းမှာ သူ့အသက်ကို အန္တရာယ် ပေးခြင်း ဖြစ်သည်။ ထို့ကြောင့် ၎င်းတို့အတွက် ဒူးထောက်ခြင်း သို့မဟုတ် ပါးရိုက်ခြင်းမှာ အရှက်တကွဲ ဖြစ်ရုံသာ ဖြစ်သည်။

ယီယွင် ကို အမြစ်ပြတ်အောင် ဖျက်ဆီးနိုင်မည့် အခွင့်အရေးကို လက်လွတ်မခံနိုင်ပေ။ သို့သော်လည်း လူအများရှေ့တွင် ဒူးထောက်ရမည်လော သို့မဟုတ် ပါးရိုက်ရမည်လော အသံကျယ်ကျယ်နှင့် ရိုက်ရမည်ဆိုတော့ နောက်ပိုင်းတွင် သူတို့ မည်သို့ မျက်နှာပြရဲတော့မည်နည်း။

ထိုစဉ် ချန်ရှန်း ၏ အသံလှိုင်းက သူတို့၏ နားထဲသို့ ရောက်လာသည်။ ဒါဟာ အကောင်းဆုံး အခွင့်အရေးပဲ။ ယီယွင် က သူ့ကိုယ်သူ မြေမြှုပ်နေတာ။ မင်းတို့ အနည်းငယ် စွန့်လွှတ်လိုက်တာနဲ့ သူ နောက်ဆုတ်စရာ လမ်းမရှိတော့ဘူး။ ဂိုဏ်းက ပေးထားတဲ့ တာဝန်ကို မေ့မသွားနဲ့။ မင်းတို့ အောင်မြင်ရင် မင်းတို့ရဲ့ အနာဂတ်မှာ ကန့်သတ်ချက် မရှိတော့ဘူး။ ဒီလို အခွင့်အရေးကို အရှက်လေး နည်းနည်းကြောင့် လက်လွတ်ခံမှာလား။

ဒါပေမဲ့... ကြီးမြတ်သောဆရာသခင် ဉီးလေး၊ တပည့်တို့က... ရှီ ဖေး ၏ မျက်နှာမှာ ရှုံ့မဲ့သွားသည်။ သူ အလွန် အရှက်ရနေသည်။

ယီယွင် ကမူ သူတို့ကို ကြည့်ကာ ဘာလို့ မရဲတာလဲ ငါ့ကို လှုံ့ဆော်တုန်းကတော့ သတ္တိတွေ ရှိသလိုနဲ့၊ အခုကျတော့ ဘာမှ မဟုတ်ဘူး။ ငါ ငရဲသွားစွယ် ဥပဒေသဝါးမြိုသတ္တဝါ ကိုတောင် မကြောက်ဘဲ ရင်ဆိုင်ဖို့ အသင့်ရှိနေတာ။

မင်းတို့ကတော့ ဒီလောက် အသေးအဖွဲ ကိစ္စလေးကိုတောင် မလုပ်ရဲဘူးလား။ ပါးစပ်နဲ့ လေတိုက်ရုံကလွဲရင် ဘာမှ မဟုတ်တဲ့ ကောင်တွေပဲ ဟု လှောင်ပြောင်သည်။

ယီယွင် ၏ စကားမှာ ထိရှလွန်းသဖြင့် ရှီ ဖင်း နှင့် ရှီ ဖေး တို့၏ မျက်နှာများမှာ နီရဲသွားသည်။ မျှော်စင်ကြီး၏ ခန်းမထဲတွင် လူငယ်များမှာ ကျယ်လောင်စွာ ရယ်မောနေကြသည်။

ဟားဟား အဲဒီ ရူးသွပ်သူ နှစ်ယောက်က အရင်ကတော့ မာနကြီးလိုက်တာ။ အခုတော့ အဲဒီလောက်လေးတောင် မလုပ်ရဲဘဲနဲ့ သူများကိုတော့ အသက်အန္တရာယ် ရှိတဲ့ စမ်းသပ်မှု လုပ်ခိုင်းနေတယ်

လူအများ၏ လှောင်ပြောင်သံများနှင့် ယီယွင် ၏ အကြည့်များကြောင့် ရှီ ဖင်း နှင့် ရှီ ဖေး တို့မှာ ဒေါသပေါက်ကွဲတော့မလို ဖြစ်လာသည်။ သူတို့သည် ယီယွင် ကို အရှက်ရစေချင်သဖြင့် စွန့်စားရန် ဆုံးဖြတ်လိုက်သည်။

ရှီ ဖေး သည် သွားကို ကြိတ်ကာ ရှီ ဖင်း ၏ ပါးကို ချက်ချင်း ရိုက်ချလိုက်သည်။

ဖြောင်း.....

ဖြောင်း......

ဖြောင်း.......

ပါးရိုက်သံမှာ လွန်စွာ ကျယ်လောင်သည်။ ရှီ ဖင်း မှာ အံ့အားသင့်သွားပြီး ခဏအကြာတွင် ဒေါသထွက်သွားကာ ရှီ ဖေး ၏ ပါးကို သုံးချက် ပြန်ရိုက်လိုက်သည်။

ပါးရိုက်ချက် ခြောက်ချက်မှာ ပြီးဆုံးသွားသည်။ ထိုအခါ သူတို့၏ မျက်နှာမှာ ရောင်ရမ်းပြီး အရောင်မျိုးစုံ ဖြစ်နေသည်။ ထိုမြင်ကွင်းကို ကြည့်ရှုသူအားလုံးမှာ အံ့အားသင့်သွားကြသည်။

ထိုမြင်ကွင်းကို နိမိတ်ဖတ်ဖေးတိုင်းပြည် တစ်ခုလုံးတွင် ပုံရိပ်ယောင် အစီအရင်ဖြင့် ပြသနေသဖြင့် သန်းပေါင်းများစွာသော လူများက မြင်တွေ့လိုက်ကြသည်။ အင်မော်တယ်မိုးစက်ဂိုဏ်း မှ ပါရမီရှင်များက ယီယွင် ကြောင့် တစ်ယောက်ကို တစ်ယောက် ပါးရိုက်နေရခြင်းမှာ အလွန် အံ့ဩစရာ ကောင်းသည်။

တကယ်ကို ထူးခြားတဲ့ သတင်းပဲ။ နောက်ရက်တွေမှာ ဂိုဏ်းပေါင်းစုံဆီ ဒီသတင်း ပျံ့သွားမှာပဲ။

လူတိုင်း စိတ်လှုပ်ရှားစွာ ဆွေးနွေးနေကြသည်။ သို့သော် လူအများမှာ ယီယွင် အတွက် စိုးရိမ်နေကြသည်။ ယီယွင် ၏ ဥပဒေသနယ်ပါယ် က အစွမ်းထက်မည် မဟုတ်ဟု သူတို့ ထင်ထားကြသည်။

မင်းတို့ရဲ့ ဆန္ဒအတိုင်း လုပ်ပေးပြီးပြီ။ မင်းရဲ့ ကတိအတိုင်း လုပ်တော့ ဟု ရှီ ဖေး နှင့် ရှီ ဖင်း က ဒေါသတကြီး ပြောသည်။

ယီယွင် က မင်းတို့ နှစ်ယောက် တစ်ယောက်ကို တစ်ယောက် ရိုက်တာ တကယ်ကို သေသပ်တယ် ဟု လှောင်ပြောင်သည်။

ရှီ ဖေး နှင့် ရှီ ဖင်း မျက်နှာများ တင်းမာသွားသည်။

စကားများ မနေနဲ့တော့.....

ယီယွင် က ခေါင်းခါကာ ငရဲသွားစွယ် ဥပဒေသဝါးမြိုသတ္တဝါ ရှေ့သို့ ဖြည်းဖြည်းချင်း လျှောက်သွားသည်။ ထိုတိရစ္ဆာန်မှာ ငရဲခန်းမှ လာသော နတ်ဆိုးကဲ့သို့ ကြောက်မက်ဖွယ် ကောင်းသည်။ ချန်ရှန်း က မင်္ဂလာမိုးစက် နတ်ဘုရား၊ ယီယွင် က သဘောတူထားပြီးပြီ။ မင်းအနေနဲ့ ကြားဝင် မကူညီနဲ့တော့နော် ဟု ပြောသည်။

မင်္ဂလာမိုးစက် နတ်ဘုရား မျက်မှောင် ကြုတ်လိုက်သည်။ ထိုအချိန်တွင် ယီယွင် က ဒီစာမေးပွဲက လူငယ်တွေရဲ့ ကိစ္စပါ။ တရားမျှတမှု ရှိစေဖို့အတွက် စီနီယာ မင်္ဂလာမိုးစက် နတ်ဘုရား လည်း ဝင်မပါပါနဲ့။ ဒါပေမဲ့... ရှီ ဖင်း နဲ့ ရှီ ဖေး တို့ကိုပါ ငရဲသွားစွယ် ဥပဒေသဝါးမြိုသတ္တဝါ နဲ့ အတူ စမ်းသပ်ပေးစေချင်တယ်။

အခြေအနေကို ကြည့်ပြီးမှသာ ရပ်တန့်ပေးပါ ဟု ပြောလိုက်သည်။

မင်္ဂလာမိုးစက် နတ်ဘုရား ရှိနေသရွေ့ အသက်အန္တရာယ် မရှိနိုင်ဟု ယီယွင် ယုံကြည်သည်။ ရှီ ဖင်း နှင့် ရှီ ဖေး တို့လည်း သူ့နည်းတူ ရင်ဆိုင်ရမည်ဆိုပါက သူ ကြောက်စရာ မလိုတော့ပေ။