အခန်း ၇၁၇

အခန်း (၇၁၇)။

တော်ဝင်ချန်မင်းဆက်၏ ပြည်နယ်ကိုးဆယ့်ကိုးခုအနက်၊ ဖန်းပြည်နယ်သည် အကျယ်ဝန်း ဆုံးနှင့် အကြွယ်ဝဆုံးဖြစ်သည်။ ဖန်းပြည်နယ်၏ မြေဧရိယာနှင့် လူဦးရေသည် အလယ်ပိုင်း ကောင်းကင်ပြည်နယ်ထက်ပင် ပိုမိုကြီးမားပြီး လူဦးရေ အနည်းဆုံး သန်းခုနစ်ဆယ်မှ ရှစ်ဆယ်အထိ ရှိသည်။ ယင်းမှာ တော်ဝင်ချန်မင်းဆက် စုစုပေါင်း လူဦးရေ၏ အပုံ နှစ်ဆယ်ပုံ တစ်ပုံခန့် ရှိသည်။ အဘယ်ကြောင့်ဆိုသော် ဖန်းပြည်နယ်တွင် ပြည်နယ်ခွဲပေါင်း နှစ်ဆယ့်ခြောက်ခု ပါဝင်သောကြောင့် ဖြစ်သည်။

သို့ရာတွင် တော်ဝင်ချန် နန်းတွင်းသည် ဖန်းပြည်နယ်၏ ပြည်နယ်ခွဲ နှစ်ဆယ့်ခြောက်ခု အပေါ် လုံလောက်သော ထိန်းချုပ်မှု မရှိပေ။ ဖန်းပြည်နယ်၏ ဘုရင်ခံနှင့် ပြည်နယ်ခွဲ နှစ်ဆယ့်ခြောက်ခုမှ အုပ်ချုပ်သူများသည် ပညာရှင် သူတော်စင်တစ်ရာ၏ အထွတ်အထိပ် ပထမဆုံးပညာရှင် သူတော်စင်ဖြစ်သော ဖန်းသူတော်စင်၏ သားမြေးများကို ဆန့်ကျင်နိုင် စွမ်း မရှိကြပေ။

တကယ်တမ်းတွင် မည်သည့်မင်းဆက်မှ ဧကရာဇ်များဖြစ်စေ၊ တော်ဝင်ကျိုးမင်းဆက်ကို တည်ထောင်ခဲ့သည့် ကျိုးထိုက်ကျူပင်ဖြစ်စေ ဖန်းမိသားစုကို ဘာမှမတတ်နိုင်ခဲ့ကြပေ။ သူတို့ပေးဆောင်ရမည့် အခွန်အခများပင် နှစ်အလိုက် ကြွေးကျန်များ ရှိနေခဲ့သည်။ ဖန်းပြည်နယ်ကဲ့သို့ နယ်မြေမျိုးတွင် ဒေသခံ အထက်တန်းလွှာ မိသားစုများကသာ အသာစီး ရနေပြီး နန်းတွင်း၏ အာဏာမှာမူ အလွန်တရာ အားနည်းလှသည်။

ဟုန်ယွိနှင့် ကော့လီနတ်ဘုရားဘုရင်မတို့သည် ဖန်းမြို့တော်သို့ ဆင်းသက်လာပြီး လမ်းမ များထက်တွင် ပေါ့ပေါ့ပါးပါး လမ်းလျှောက်နေကြသည်။

လမ်းမများပေါ်တွင် လူများဖြင့် စည်ကားသိုက်မြိုက်နေသည်။ အရောင်းဆိုင် အမျိုးမျိုး၊ ကုန်သည်များ၊ ပညာရှင်များ၊ သိုင်းပညာရှင်များ၊ တာအိုကျင့်ကြံသူများ၊ ဘုန်းကြီးများ စသဖြင့် အစုံအလင် ရှိနေကြသည်။ အလွှာပေါင်းစုံမှ လူများ တသီတတန်းကြီး သွားလာ လှုပ်ရှားနေကြသည်။ ကမ္ဘာအရပ်ရပ်မှ ကုန်ပစ္စည်းများ၊ ပင်လယ်ရပ်ခြားမှ ရှားပါးပစ္စည်း များ၊ လွင်ပြင်ဒေသ၊ အနောက်ဘက်ဒေသနှင့် လူသူကင်းမဲ့သော တောရိုင်းကန္တာရ ဒေသ များမှ ထွက်ကုန်များကိုပင် ဖန်းမြို့တော်၌ ရောင်းချနေကြသည်။

ဖန်းမြို့တော်မှာ ကျောက်စိမ်းမြို့တော်ထက်ပင် ပို၍ စည်ကားနေသေးသည်။ ကုန်ပစ္စည်း အမျိုးအစားများလည်း ပိုမိုစုံလင်လှသည်။ တော်ဝင်ချန်မင်းဆက်၏ နောက်ထပ် မြို့တော် တစ်ခုဟုပင် ခေါ်ဆိုနိုင်ပေသည်။

"ဟူး... ရှေးဦးခေတ်တုန်းကတော့ လူသားမျိုးနွယ်ဟာ ဒီလောက်အထိ မစည်ပင်သေးဘူး" ကော့လီနတ်ဘုရားဘုရင်မက မြင်ကွင်းကိုကြည့်ရင်း သက်ပြင်းချလိုက်သည်။ "အဲဒီတုန်း က ရှေးဦးလူသားမျိုးနွယ်က ကျွမ်းကျင်သူတွေဟာ ကိုယ့်ဘာသာကိုယ် ကျင့်ကြံကြတာ များတယ်။ တခြားသူတွေရဲ့ ဘဝတွေကို ဂရုမစိုက်ကြဘူး။ မြို့တစ်မြို့ တည်ဆောက်ဖို့ အတွက် ဒီလောက်ကြီး အားထုတ်ကြလိမ့်မယ်လို့ ဘယ်သူက ထင်မှာလဲ"

"လွန်ခဲ့တဲ့ နှစ်သောင်းကျော်အတွင်း လူသားတာအိုလမ်းစဉ်က တိုးတက်လာခဲ့တယ် ဆိုပေ မယ့် ဗဟိုကမ္ဘာနဲ့ ယှဉ်ရင်တော့ အများကြီး လိုနေသေးတာပါ" ဟုန်ယွိက ခေါင်းယမ်းလိုက် သည်။ "တကယ်လို့ လူသားတာအိုလမ်းစဉ်သာ မှန်ကန်တဲ့ လမ်းကြောင်းပေါ်ရောက်ပြီး ကောင်းကောင်း တိုးတက်လာမယ်ဆိုရင် တာအိုပညာရပ်တွေရဲ့ အရင်းအမြစ်ဖြစ်တဲ့ မဟာ ကမ္ဘာလောကကြီးဟာ အခုထက် အနည်းဆုံး ဆယ်ဆလောက် ပိုကြီးလာလိမ့်မယ်။ ဒဏ္ဍာရီလာ မသေမျိုးတွေရဲ့ ကမ္ဘာကြီးက လူဦးရေဟာလည်း ဗဟိုကမ္ဘာထက် အနည်းဆုံး ဆယ်ဆလောက် များနေလိမ့်မယ်။ ဘီလီယံ ရာနဲ့ချီပြီး ရှိနေမယ်။ ဘယ်လောက်တောင် ခမ်းနားလိုက်မလဲ။ သူရဲကောင်းတွေလည်း အများကြီးပဲ"

"လူတွေများလာတာနဲ့အမျှ အရာရာတိုင်းက ရှုပ်ထွေးလာမှာပဲ။ လူသားတာအိုလမ်းစဉ်မှာ ပြီးပြည့်စုံတဲ့ အပြောင်းအလဲတွေ မြင်တွေ့ရဖို့ဆိုတာ ခက်ခဲလိမ့်မယ်။ အရင်တုန်းက ဧကရာဇ်ချန်ရှန်းနဲ့ ဧကရာဇ်ဖန်တို့က ပြီးပြည့်စုံတဲ့ လူသားတာအိုလမ်းစဉ်ကို ဖန်တီးချင်ခဲ့ ကြတာ။ ဝမ်းနည်းစရာက ဗဟိုကမ္ဘာရဲ့ အပြောင်းအလဲတွေဟာ သူတို့ မျှော်မှန်းထားသလို ဖြစ်မလာခဲ့ဘူး။ သူတို့ရဲ့ ကျရှုံးမှုကို ကြည့်ပြီး ငါ တော်တော်လေး ဝမ်းသာမိတယ်။ မင်းနဲ့ ပတ်သက်လို့တော့... ဟုန်ယွိ၊ အနာဂတ်မှာ လူသားတာအိုလမ်းစဉ်ကို မင်း ဘယ်လို ဦးဆောင်သွားမလဲ ငါ စောင့်ကြည့်ချင်သေးတယ်" ကော့လီနတ်ဘုရားဘုရင်မက သူမ၏ အပြာရောင်ပိုးသားဝတ်ရုံလေး လွင့်ခါသွားရင်း ပြုံးကာ ပြောလိုက်သည်။

"ဒါတွေက အနာဂတ် ကိစ္စတွေပါ။ ဖန်းနန်းတော်ကိုရော မင်း ဘယ်လိုထင်လဲ" ဟုန်ယွိက မြို့လယ်ခေါင်သို့ လက်ညှိုးထိုးပြလိုက်သည်။ ထိုနေရာတွင် ဧကပေါင်း သိန်းနှင့်ချီ ကျယ်ဝန်းသော နန်းတော်ကြီးတစ်ခု ရှိနေပြီး သူက ဆက်၍ "ဒါက ဖန်းနန်းတော်ပဲ။ ဧကရာဇ်နန်းတော်ထက်တောင် ပိုပြီး ခမ်းနားထည်ဝါတဲ့ တစ်ခုတည်းသော နန်းတော်ပေါ့။ ဧကရာဇ်တွေရဲ့ အတိုင်းအတာထက်ကို ကျော်လွန်နေတယ်"

မြေပြင်မှနေ၍ ဧရာမ နန်းတော်ကြီးတစ်ခု မြင့်မားစွာ ထွက်ပေါ်နေ၏။

နို့နှစ်ရောင်ရှိသော မြင့်မားသည့် နံရံကြီးများပေါ်တွင် လှပသေသပ်သော နံရံဆေးရေး ပန်းချီများ၊ ကဗျာအမျိုးမျိုးနှင့် ပညာရှိများ၏ အဆိုအမိန့်များဖြင့် ပြည့်နှက်နေသည်။ ခိုင်မာသော ပညာရှင် အငွေ့အသက်များ လွှမ်းခြုံနေပြီး ပညာရှင် သူတော်စင်မိသားစု၏ မွန်မြတ်မှုနှင့် စံပြဆရာတစ်ဦး၏ ဟန်ပန်ကို ဖော်ပြနေပေသည်။

နံရံများ၏ အတွင်းဘက်တွင် နန်းဆောင်များနှင့် စေတီပုထိုးများစွာ ရှိသည်။ "ကောင်းကင် ကြည့်ရှုလေ့လာရေးစင်မြင့်"၊ "ကြယ်ကြည့်မျှော်စင်"၊ "လမင်းခံစားရာစင်မြင့်"၊ "နတ်မင်း စေတီ"၊ "တောင်တန်းမြစ်ဝှမ်းစေတီ"၊ "ရှစ်ထောင့်စေတီ" စသည်တို့သည် တိမ်တိုက်များ ဆီသို့ ထိုးထွက်နေကြသည်။

ဤ "ဖန်းနန်းတော်" ၏ အပြင်ဘက်ရှိ လူတိုင်းမှာ ဖန်မိသားစုဝင်များသာ ဖြစ်ကြသည်။ သောင်းနှင့်ချီသော လူများ သွားလာလှုပ်ရှားနေကြသည်။

ကောလာဟလများအရ ဆောင်းဦးရာသီ စပါးရိတ်သိမ်းချိန်ရောက်လျှင် ဖန်းမိသားစုသည် ပြည်နယ်များဆီသို့ အခွန်ကောက်ခံရန် သွားရောက်လေ့ရှိသည်ဟု ဆိုသည်။ အစေခံများ နှင့် ကြီးကြပ်သူ သိန်းနှင့်ချီ ရှိပြီး စစ်တပ်တစ်တပ် ဖွဲ့စည်းရန်ပင် လုံလောက်ပေသည်။ အထွတ်အထိပ် အချိန်တွင် ရှိခဲ့သော ဒိုင်ဇင်ဘုရားကျောင်းပင်လျှင် သူတို့ကို ယှဉ်နိုင်မည် မဟုတ်ပေ။

ဤသည်မှာ နှစ်ထောင်ပေါင်းများစွာ တည်ရှိခဲ့သော ပညာရှင် သူတော်စင်တို့၏ မိသားစုပင် ဖြစ်သည်။ ဧကရာဇ်နန်းတော်မှာ မင်းဆက်များနှင့် အုပ်စိုးရှင်ဧကရာဇ်များ မကြာခဏ ပြောင်းလဲခဲ့သည်။ အချို့က ကျိုးမျိုးရိုး၊ အချို့က ယန်မျိုးရိုး ဖြစ်ကြသည်။ သို့သော် ဤဖန် နန်းတော်မှာမူ နှစ်ထောင်ပေါင်းများစွာ လေမိုးဒဏ်ကို ကြံ့ကြံ့ခံရင်း "ဖန်း" ဟူသော မျိုးရိုး ဖြင့် အမြဲတမ်း တည်ရှိနေခဲ့သည်။

"လာ... အထဲဝင်ကြရအောင်။ ဒီနန်းတော်ရဲ့ အနက်ရှိုင်းဆုံး နေရာမှာ အလွန်တရာ အစွမ်းထက်တဲ့ မှော်ရတနာ တစ်ခုကို ငါ မြင်နေရတယ်။ ဘီးတစ်ဘီးနဲ့ တူပြီး အဲဒီအထဲမှာ သိပ်သည်းလှတဲ့ အနှစ်သာရ မူလစွမ်းအင်တွေ ကိန်းဝပ်နေတယ်။ ရှေးဦးခေတ်ကတောင် ဒါကို သန့်စင်နိုင်တဲ့သူ သိပ်များများစားစား ရှိမှာမဟုတ်ဘူး"

ကော့လီနတ်ဘုရားဘုရင်မက "ဖန်းနန်းတော်" ၏ အနက်ရှိုင်းဆုံးနေရာသို့ လှမ်းကြည့် လိုက်သည်။ သူမမျက်လုံးထဲတွင် နေနှင့်လကို ဆင်တူသော အဖြူရောင် ဘီးစက်ဝန်းတစ်ခု ထွက်ပေါ်လာသည်။ အဖြူရောင် ဘီးစက်ဝန်းကြီး ဖြည်းညင်းစွာ လည်ပတ်နေစဉ်တွင် ဟင်းလင်းပြင်ပေါင်း မြောက်မြားစွာ ပွင့်ဟလာပြီး အဆုံးမဲ့သော မူလစွမ်းအင်များ စုဝေး လာကြသည်။ ၎င်းမှာ ဖန်ဆင်းရှင်နတ်ဘုရားအဆင့် မှော်ရတနာတစ်ခုပင် ဖြစ်ပေသည်။

ဟုန်ယွိ၏ အကြည့်မှာလည်း သူမနောက်သို့ လိုက်ပါသွားပြီး ထိုစက်ဝန်းကြီးကို မြင်လိုက်ရ သည်။

"လမ်းစဉ်ခြောက်သွယ် ဗြဟ္မာစက်ဝန်းဘီး"

ဤရတနာသည် ဖန်းမိသားစု၏ အဓိက အမှတ်သင်္ကေတ ရတနာဖြစ်ကြောင်း ဟုန်ယွိ သိသည်။ ထိုအချိန်က ကွန်ဖြူးရှပ်ကျောင်းတော်၏ ပထမဆုံး ပညာရှင် သူတော်စင်ဖြစ်သူ သူတော်စင်ဖန်းကိုယ်တိုင် " လမ်းစဉ်ခြောက်သွယ် ဗြဟ္မာစက်ဝန်းဘီး " ကို ဖန်တီးခဲ့ခြင်း ဖြစ်သည်။ ဟုန်ရွှန်ကျိ၏ အမြင့်ဆုံး သိုင်းပညာဖြစ်သော ကောင်းကင်ဘုံ သေမင်းဘီးသည် လမ်းစဉ်ခြောက်သွယ် ဗြဟ္မာစက်ဝန်းဘီး၏ ဒဏ္ဍာရီများနှင့် ပေါင်းစပ်ထားခြင်း ဖြစ်နိုင်ပေ သည်။

ဤ "လမ်းစဉ်ခြောက်သွယ် ဗြဟ္မာစက်ဝန်းဘီး" သည် "အမှောင်ကြယ်" နှင့် အဆင့်အတန်း တူညီသည်။ တကယ်တမ်းဆိုရလျှင် ပို၍ပင် စွမ်းအားကြီးမားသည်။ မည်သို့ပင်ဆိုစေ "အမှောင်ကြယ်" ကို ရှေးဟောင်း ယန်နတ်ဘုရား "ရွှမ်" က ဖန်တီးခဲ့ခြင်း မဟုတ်ပေ။ ဤ "လမ်းစဉ်ခြောက်သွယ် ဗြဟ္မာစက်ဝန်းဘီး" ကိုမူ ဖန်သူတော်စင်က ထာဝရနိုင်ငံတော်နှင့် ဖန်ဆင်းခြင်းသင်္ဘောတို့ကို အတုယူကာ ဖန်တီးခဲ့ခြင်း ဖြစ်သည်။

၆ ကြိမ်မြောက် မိုးကြိုးကပ်ဘေး ကျွမ်းကျင်သူတစ်ဦးပင်လျှင် ဤ လမ်းစဉ်ခြောက်သွယ် ဗြဟ္မာစက်ဝန်းဘီးကို အသုံးပြုနိုင်ပါက ဖန်ဆင်းရှင်တစ်ဦးကို တိုက်ခိုက်နိုင်စွမ်း ရှိပေလိမ့် မည်။

ဝှစ်… ဝှစ်…

အတွေးတစ်ချက်တစ်ခုနှင့်အတူ ဟုန်ယွိနှင့် ကော့လီနတ်ဘုရား ဘုရင်မတို့သည် "ဖန်းနန်းတော်" အတွင်းသို့ ပျံသန်းဝင်ရောက်သွားပြီး "လမ်းစဉ်ခြောက်သွယ် ဗြဟ္မာ စက်ဝန်းဘီး" ဖန်တီးထားသော ကမ္ဘာအတွင်းသို့ ဝင်ရောက်သွားကြသည်။ ထို့နောက် ဟုန်ယွိ၏ အစွမ်းထက်လှသော နတ်ဘုရားစိတ်အာရုံက ၅ ကြိမ်မြောက် မိုးကြိုးကပ်ဘေး ကို ဖြတ်ကျော်ထားပြီး အနည်းဆုံး "ရုတ်တရက် ထိုးထွင်းသိမြင်ခြင်း နယ်ပယ်" (အန္တရာယ် အငွေ့အသက်ကို ရုတ်တရက်ခံစားနိုင်ခြင်း) တွင် ရှိနေသော ဖန်းမိသားစုမှ ကျွမ်းကျင်သူ အားလုံးဆီသို့ ပျံ့နှံ့သွားတော့သည်။

"ပညာရှင်သူတော်စင် လာရောက်လည်ပတ်တာကို ကျွန်တော်ယွန်ထောင်း အပြင်ထွက် မကြိုဆိုနိုင်ခဲ့တဲ့အတွက် ခွင့်လွှတ်ပေးပါ"

စွမ်းအားကြီးမားသော နတ်ဘုရားအသိစိတ် ဒါဇင်ပေါင်းများစွာ တစ်ခုပြီးတစ်ခု ထွက်ပေါ် လာသည်။ ဟုန်ယွိက ဖန်းမိသားစု၏ ခေါင်းဆောင် ဖန်းယွန်ထောင်မှ ရှေးဟောင်း ပညာရှင်များကဲ့သို့ ခေါင်းဆောင်းအမြင့်ကြီးများနှင့် ချောင်ချောင်ချိချိ ဝတ်ရုံပွပွများကို ဝတ်ဆင်ထားသော မိသားစုအကြီးအကဲ ဒါဇင်ပေါင်းများစွာကို ဦးဆောင်ကာ ဧည့်သည် များကို ကြိုဆိုရန် တောင်တန်းများနှင့်မြစ်ရေပြင်များရှိသော ရှုခင်းအလယ်ရှိ ရင်ပြင်တစ်ခု တွင် ပေါ်ထွက်လာသည်ကို မြင်လိုက်ရသည်။

ဤနေရာသည် "လမ်းစဉ်ခြောက်သွယ် ဗြဟ္မာစက်ဝန်းဘီး" ၏ ကမ္ဘာပင် ဖြစ်သည်။

ဤကမ္ဘာအတွင်းရှိ ရှုခင်းမှာ အလွန်လှပပြီး ကောင်းကင်ယံ၌ တောက်ပသော နေမင်းကြီး ထွန်းလင်းနေသည်ကို ဟုန်ယွိ သတိပြုမိလိုက်သည်။ သို့သော် ထိုနေမင်းမှာ အစစ်အမှန် နေမဟုတ်ဘဲ လမ်းစဉ်ခြောက်သွယ် ဗြဟ္မာစက်ဝန်းပင် ဖြစ်သည်။ ဤအထွက်အထိပ် နတ်ဘုရားရတနာကြီးမှာ အဆက်မပြတ် လည်ပတ်နေပြီး အဆုံးအစမဲ့ တောက်ပသော အလင်းရောင်များ ဖြာကျနေရာ နေရာတိုင်းမှာ လန်းဆန်းတောက်ပပြီး ကြည်နူးဖွယ် ကောင်းလှသည်။

ဤကမ္ဘာတွင် "လမ်းစဉ်ခြောက်သွယ် ဗြဟ္မာစက်ဝန်းဘီး" သည် နေမင်းနေရာတွင် အစားထိုးကာ တောင်တန်းများနှင့် မြေပြင်ကို အလင်းပေးနေခြင်း ဖြစ်သည်။

"ဖန်းမျိုးနွယ်စုက တကယ်ကို အင်အားကြီးမားတာပဲ။ နှစ်ပေါင်းထောင်ချီ သမိုင်းကြောင်းရှိ တဲ့ နံပါတ်တစ် မိသားစုဆိုတဲ့ နာမည်နဲ့ တကယ်ကို ထိုက်တန်ပါတယ်။ ငါသာ ဖန်းမိသားစု ကို အပြည့်အဝ သိမ်းသွင်းနိုင်ပြီး သူတို့က ငါ့ကို ထောက်ခံမယ်ဆိုရင်၊ တခြားမျိုးနွယ်စုကြီး တွေ အားလုံးလည်း သေချာပေါက် လိုက်ပါလာကြမှာပဲ။

ဟုန်ယွိသည် ဖန်းမိသားစု ခေါင်းဆောင် ဖန်းယွန်ထောင် သူ့ကို လာရောက်ကြိုဆိုသည်ကို ကြည့်လိုက်သည်။ သူ၏ဘေးတွင် အကြီးအကဲများစွာ ရှိနေသည်။ ၄ ကြိမ်မြောက် မိုးကြိုး ကပ်ဘေး ကျွမ်းကျင်သူ ၁၃ ဦးနှင့် ၅ ကြိမ်မြောက် မိုးကြိုးကပ်ဘေး ကျွမ်းကျင်သူ ၅ ဦး ရှိသည်။ ပို၍ အံ့သြစရာကောင်းသည်မှာ ဖန်းယွန်ထောင်း ကိုယ်တိုင်က ၆ ကြိမ်မြောက် မိုးကြိုးကပ်ဘေး ကျွမ်းကျင်သူ ဖြစ်နေခြင်းပင်။

ထိုသို့သော အင်အားသည် လွန်ခဲ့သော နှစ် ၃၀ က ရှိခဲ့သည့် ဒိုင်ဇင်ဘုရားကျောင်းထက် ဆယ်ဆမျှ ပို၍ စွမ်းအားကြီးမားပေသည်။

"ဖန်းမိသားစုခေါင်းဆောင်... ခင်ဗျားရဲ့ ကျင့်ကြံမှုတွေ ထပ်ပြီး တိုးတက်လာပြန်ပြီပဲ" ဟုန်ယွိက ပြုံးလျက် ရင်ပြင်ပေါ်သို့ ဆင်းသက်ရင်း ပြောလိုက်သည်။

"လမ်းစဉ်ခြောက်သွယ် ဗြဟ္မာစက်ဝန်း" ကမ္ဘာအတွင်းရှိ ရင်ပြင်ကြီးကို တောက်ပနေသော ကျောက်စိမ်းဖြူများဖြင့် ပြုလုပ်ထားပြီး အလွန်လှပသေသပ်သည်။ ရင်ပြင်ပေါ်တွင် ထိုင်ခုံတန်းများကို စီစဉ်ထားပုံမှာ ဒဏ္ဍာရီလာ နတ်ဘုရားတို့၏ ကျောက်စိမ်းရေကန် မဟာအစည်းအဝေးကြီးအလားပင်။

ကောင်းကင်ယံတွင် ဥဒေါင်းများနှင့် ငှက်များမှာ မကြာခဏ ပျံသန်းသွားလာနေကြပြီး သာယာသော တေးသီချင်းများကို သီကြူးနေကြသည်။

ဟုန်ယွိသည် ဧည့်သည်များအတွက် သတ်မှတ်ထားသော ဂုဏ်ထူးဆောင် နေရာတွင် ဝင်ထိုင်လိုက်ပြီး၊ သူ့ကို လာရောက်ကြိုဆိုကြသော အကြီးအကဲများလည်း တစ်ဦးပြီး တစ်ဦး နေရာအသီးသီး ယူလိုက်ကြသည်။ လူတိုင်းနီးပါးက ဟုန်ယွိ၏ ဘေးတွင်ရှိသော ကော့လီနတ်ဘုရားဘုရင်မကို အကဲခတ် ကြည့်ရှုနေကြသည်။ သူမက မည်သို့သော ပုဂ္ဂိုလ်ထူးဖြစ်ပြီး မည်သည့်နေရာမှ ရောက်လာသည်ကို သူတို့ မသိကြပေ။

"ဒါတွေအားလုံးက သခင်လေးယွိရဲ့ ပြောင်းလဲခြင်းကျမ်းကို ပြုစုရာမှာ ပါဝင်ခဲ့လို့ ရရှိလား တဲ့ အသိပညာ အသီးပွင့်တွေကြောင့်ပါ" ဖန်းယွန်ထောင်က အလျင်အမြန် ပြောလိုက် သည်။ "သခင်လေးယွိရဲ့ အပြောင်းအလဲကျမ်း ထွက်ပေါ်လာတာနဲ့ မဟာကမ္ဘာလောက ကြီးရဲ့ ယဉ်ကျေးမှု အခင်းအကျင်းကို ချက်ချင်း ပြောင်းလဲပစ်လိုက်တာပဲ။ တကယ်တော့ လွန်ခဲ့တဲ့ နှစ်နှစ်အတွင်း ကျွန်တော်တို့ မျိုးနွယ်စုကထဲက အကြီးအကဲတွေရဲ့ ကျင့်ကြံမှု တွေဟာ အဆမတန် တိုးတက်လာခဲ့ပါတယ်။ အားလုံးက ဒီပြောင်းလဲခြင်းကျမ်းကြောင့်ပါ ပဲ။ ဒါ့အပြင် ကျွန်တော်တို့ ဖန်းမိသားစုထဲမှာ နှစ်ပေါင်း ၂၀၀၀ ကျော် ကျင့်ကြံလာခဲ့တဲ့ ဘိုးဘေးတစ်ဦး ရှိပါတယ်။ သူ့ရဲ့သက်တမ်းက ကုန်ဆုံးတော့မလို ဖြစ်နေပေမယ့် ပြောင်းလဲခြင်းကျမ်းကို ဖတ်ရှုပြီးနောက်မှာတော့ ၇ ကြိမ်မြောက် မိုးကြိုးကပ်ဘေးကို ရုတ်တရက် ဖြတ်ကျော်နိုင်ခဲ့ပြီး ဒဏ္ဍာရီလာ ဖန်ဆင်းရှင်တစ်ပါး ဖြစ်လာခဲ့ပါတယ်။ သူ့ရဲ့ သက်တမ်းလည်း ထပ်မံ ရှည်ကြာသွားခဲ့ပါပြီ။ ဒါတွေအားလုံးက သခင်လေးယွိ ကျေးဇူးကြောင့်ပါပဲ"

"ဘာ၊ ဖန်းမိသားစုမှာ ဖန်ဆင်းရှင်တစ်ပါး ရှိသေးတယ်လား" ဖန်းယွန်ထောင်၏ စကားကို ကြားလိုက်ရသောအခါ ဟုန်ယွိ၏ ရင်ထဲတွင် ဒိန်းခနဲ ဖြစ်သွားသည်။

ဖန်ယွန်ထောင်က ဟုန်ယွိ၏ မျက်နှာအမူအရာကို သတိထားမိသွားပုံရသည်။ သူက ဟုန်ယွိအား ကြွားလုံးထုတ်လိုဟန်ဖြင့် မတ်တပ်ရပ်ကာ "ဘိုးဘေး... သခင်လေးယွိ လာရောက်လည်ပတ်ပါတယ်" ဟု ပြောလိုက်သည်။

"ဟားဟားဟား... ဟားဟားဟား... ဒါက ဟုန်ယွိဆိုတဲ့ ကောင်လေးလား။ အချိန် ကြာလာတာနဲ့အမျှ မျိုးဆက်သစ်တွေက ငါတို့ကို ကျော်တက်သွားတော့မှာပဲ။"

ထိုအချိန်မှာပင် ကောင်းကင်ယံရှိ လမ်းစဉ်ခြောက်သွယ် ဗြဟ္မာစက်ဝန်းထဲမှ ခမ်းနား ထည်ဝါသော ရယ်မောသံကြီး ထွက်ပေါ်လာသည်။ ထို့နောက် ပုံရိပ်တစ်ခု ဖြည်းညင်းစွာ ဆင်းသက်လာသည်။ ထိုပုံရိပ်သည် ပြိုင်ဘက်ကင်းသော ဖိအားကြီးတစ်ခုကို သယ်ဆောင် လာသည်။ ဧည့်ခန်းမဆောင်အတွင်းသို့ ဆင်းသက်လာသည်နှင့် ဟုန်ယွိသည် ထိုသူ၏ မျက်နှာကို ရှင်းလင်းစွာ မြင်လိုက်ရ၏။ သူ့တွင် နှင်းကဲ့သို့ ဖြူဖွေးသော မျက်ခုံးမွှေးများနှင့် မုတ်ဆိတ်မွေးရှည်များ ရှိသည်။ ခေါင်းပေါ်တွင် ကျောက်စိမ်းသရဖူကို ဆောင်းထားသည်။ သူ၏ပုံစံမှာ နတ်ဘုရားတစ်ပါး၊ သက်ရှည်ကျန်းမာခြင်း နတ်ဘုရားတစ်ပါး သို့မဟုတ် အလွန်ကြီးကျယ်ခမ်းနားသော ပညာရှင် သူတော်စင်ကြီးတစ်ဦးနှင့် တူနေသည်။ သူ၏ လက်ထဲတွင် ကြိုးကြာဖြူ၏ အမွေးများဖြင့် ပြုလုပ်ထားပုံရသည့် ယပ်တောင်တစ်ချောင်း ကို ကိုင်ဆောင်ထားသည်။

ဤပုဂ္ဂိုလ်သည် အမှန်တကယ်ပင် ဖန်ဆင်းရှင်တစ်ဦး၏ ကျင့်ကြံမှုကို ပိုင်ဆိုင်ထားပေ သည်။ လူ့လောကကို အထင်သေးဟန်ရှိသော ထိုသို့သော မာနထောင်လွှားမှု၊ ကျမ်းစာများ နှင့် ပြည့်နှက်နေသော ဟန်ပန်တို့က လူသားတာအိုလမ်းစဉ်တစ်ခုလုံးကို တုန်လှုပ်သွားစေ နိုင်ပေသည်။

"ဖန်းမိသားစုမှာ ဖန်ဆင်းရှင်တစ်ပါး အမှန်တကယ် ရှိနေတာပဲ။ သူတို့ရဲ့ အဆင့်အတန်းက အရမ်းကို မြင့်တက်သွားပြီ။ ဒီသတင်းသာ အပြင်ကို ပေါက်ကြားသွားရင် နန်းတွင်းက တောင် သတိထားနေရလိမ့်မယ်။ ဒါပေမဲ့ ဖန်ဆင်းရှင်ဆိုတာ ဘာမှမဟုတ်ပါဘူးလေ" ဟုန်ယွိက စိတ်ထဲမှ တွေးလိုက်သည်။ "ကျွန်တော့်ရဲ့ ပြောင်းလဲခြင်းကျမ်း တစ်စောင် တည်းနဲ့တင် လူပေါင်းများစွာကို သူတို့ရဲ့ အကန့်အသတ်တွေ ကျော်ဖြတ်နိုင်အောင် စွမ်းအောင်ပေးနိုင်ခဲ့တာပဲ၊ ဒီကျမ်းက ဘယ်လို လျှို့ဝှက်ပညာရပ်မျိုးထက်မဆို ပိုပြီး အစွမ်းထက်ပါတယ်"

"ဒီအဘိုးကြီးကတော့ ဖန်းရှိုးပါ"

ဖန်းမိသားစု၏ ဘိုးဘေးဖြစ်သူ ဖန်းရှိုးက သူ့ကိုယ်သူ မိတ်ဆက်လိုက်သည်။ သူ၏ လက်ထဲ မှ ယပ်တောင်ကို ညင်သာစွာ ခါယမ်းရင်း ဟုန်ယွိကို ညွှန်ပြလိုက်သော်လည်း ‘သူတော်စင် ယွိ’ ဟု မခေါ်ဆိုခဲ့ပေ။ ဟုန်ယွိကို သူတော်စင်တစ်ပါးအဖြစ် မသတ်မှတ်လိုကြောင်း သိသာ လှသည်။

"တွေ့ရတာ ဝမ်းသာပါတယ်" ဟုန်ယွိက ထိုင်ခုံမှ မထဘဲ အေးအေးဆေးဆေး ပြောလိုက် သည်။

ဖန်းရှိုးသည် ဟုန်ယွိ နေရာမှ မလှုပ်မယှက်ရှိနေသည်ကို မြင်သောအခါ မျက်ခုံးပင့်လိုက်ပြီး ဖန်ယွန်ထောင်းကို ပြုံးပြလိုက်သည်။

"ဒီခေတ်က လူငယ်တွေက အရည်အချင်းရှိကြပေမယ့် နည်းနည်းတော့ မာနကြီးကြတယ်"

ရှင်းလင်းစွာပင် သူက ဟုန်ယွိကို မျိုးဆက်သစ် လူငယ်တစ်ဦးအနေဖြင့် အရိုအသေ မပေးလိုကြောင်း သွယ်ဝိုက်ပြောဆိုလိုက်ခြင်း ဖြစ်သည်။

ဟုန်ယွိက တည်ငြိမ်စွာပင် "ထျန်းကူ၊ ဒီကျန်း၊ မန်တီ... မင်းတို့ ဆယ့်နှစ်ယောက် ဘိုးဘေးကြီး ဖန်းရှိုးကို အရိုအသေပေးလိုက်ကြ" ဟု ပြောလိုက်သည်။

"ဟုတ်ကဲ့ပါသခင်"

ဝုန်း…

ဟင်းလင်းပြင်ထဲမှ အသံဆယ့်နှစ်ခု ထွက်ပေါ်လာသည်။ ရုတ်တရက်ဆိုသလို ပျက်သုဉ်း ခြင်း နတ်ဘုရား ဆယ့်နှစ်ပါးသည် ဖန်းရှိုး၏ရှေ့ ခြေတစ်လှမ်းအကွာတွင် ပေါ်ထွက်လာ ကြသည်။

ပျက်သုဉ်းခြင်းနတ်ဘုရား တစ်ပါးသည် အထွတ်အထိပ် လူသားအင်မော်တယ် သို့မဟုတ် ဖန်ဆင်းရှင်တစ်ပါးနှင့် ညီမျှသည်။ ယခုအခါ ပျက်သုဉ်းခြင်းနတ်ဘုရား ဆယ့်နှစ်ပါး တိုင်တိုင် ရှိနေပြီး သူတို့၏ အစွမ်းထက်လှသော အငွေ့အသက်များက လမ်းစဉ်ခြောက် သွယ် ဗြဟ္မာစက်ဝန်း ကမ္ဘာတစ်ခုလုံးကို တုန်လှုပ်သွားစေသည်။

ဒိန်း… ဒိန်း… ဒိန်း… ဖန်ရှိုးမှာ နောက်သို့ ခြေလှမ်းအနည်းငယ် ဆုတ်သွားမိပြီး သူ့ကို အရိုအသေပေးနေသော ပျက်သုဉ်းခြင်းနတ်ဘုရား ဆယ့်နှစ်ပါးကို ကြည့်လိုက်သည်။ သို့သော် သူ၏ရင်ထဲတွင်တော့ မည်သည့် မာနထောင်လွှားမှုမျှ မကျန်ရှိတော့ပေ။

ဖန်ဆင်းရှင်တစ်ပါးသည် စွမ်းအားကြီးမားသည် ဆိုသော်လည်း ထိုမျှ စွမ်းအားကြီးမား သော တည်ရှိမှု ဆယ့်နှစ်ခုကို ရင်ဆိုင်ရချိန်တွင်တော့ ထိတ်လန့်သွားမည်သာ ဖြစ်သည်။

"အင်း… ကျုပ် မိတ်ဆက်ပေးပါရစေ" ဟုန်ယွိက ဖန်းရှိုးဘက်သို့ လှည့်ကာ ပြောလိုက် သည်။ "ဒီသခင်မလေးရဲ့ နာမည်က ကော့လီတဲ့။ ရှေးဟောင်း နတ်ဘုရားဘုရင် ငါးပါးထဲက တစ်ပါးပေါ့။ တစ်ချိန်တုန်းက မဟာဧကရာဇ်ချန်ရှန်းရဲ့ ချိတ်ပိတ်တာကို ခံခဲ့ရပြီး အခုတော့ နောက်ဆုံးမှာ အပြင်ထွက်လာခဲ့ပြီ။ သခင်ကြီး ဖန်းရှိုးက သူတော်စင်ဖန်းရဲ့ အဆုံးအမတွေ ကို ဆက်ခံထားသူဆိုတော့ ဒီလျှို့ဝှက်ချက်အချို့ကို သိထားသင့်ပါတယ်"

"ကော့လီ... ကော့လီနတ်ဘုရားဘုရင်မလား၊ အင်မော်တယ် နတ်ဘုရားဘုရင်၊ မဟာ ဖျက်ဆီးခြင်းနတ်ဘုရားဘုရင်၊ အနန္တထိတ်လန့်ခြင်း နတ်ဘုရားဘုရင်၊ အသက်ချွေ နတ်ဘုရားဘုရင်၊ ကော့လီနတ်ဘုရားဘုရင်မဆိုတဲ့ ရှေးဟောင်း နတ်ဘုရားဘုရင် ငါးပါး ထဲက တစ်ပါး... ဧကရာဇ်ဖန်ရဲ့ ဘိုးဘေး... မဟာဧကရာဇ်ချန်ရှန်း..." ဖန်းရှိုးက ကော့လီ နတ်ဘုရားဘုရင်မကို ကြည့်ကာ နောက်သို့ ခြေလှမ်းအနည်းငယ် ထပ်ဆုတ်သွားတော့ သည်။ ထို့နောက် ပျက်သုဉ်းခြင်းနတ်ဘုရား ဆယ့်နှစ်ပါးကို ကြည့်ကာ ပါးစပ်ဟလိုက် သော်လည်း မည်သည့်စကားမှ ထွက်မလာခဲ့ပေ။

"ကောင်းပါပြီ... သခင်ကြီး ဖန်းရှိုး... ခင်ဗျားက ပြောင်းလဲခြင်းကျမ်းကို ဖတ်ရှုပြီး သက်တမ်း ကန့်သတ်ချက်ကို ကျော်လွှားကာ ဖန်ဆင်းရှင်တစ်ပါး ဖြစ်လာခဲ့တယ်။ ဒါက ဂုဏ်ပြုသင့်တဲ့ ကိစ္စပါ။ ဒါပေမဲ့ အခု အခြေအနေတွေက ရှုပ်ထွေးနေပြီး ဖန်ဆင်းရှင် တစ်ပါးရဲ့ ကျင့်ကြံမှုနဲ့တောင် ခင်ဗျားကိုယ်ခင်ဗျား ကာကွယ်နိုင်ဖို့ဆိုတာ မသေချာဘူး။ ဒီတစ်ခေါက် ကျုပ်လာခဲ့တာက ဖန်မိသားစုနဲ့ ဆွေးနွေးဖို့ပါ။ နန်းတွင်းက အထက်တန်းလွှာ မျိုးနွယ်စု ကြီးတွေကို အင်အားချည့်နဲ့အောင် လုပ်ချင်နေတယ်။ ချန်ဧကရာဇ် ယန်ဖန်က လည်း အသက်မဲ့ အနာဂတ်ကျမ်းကို ကျွမ်းကျင်တတ်မြောက်ထားပြီး အနာဂတ်သခင် တစ်ပါး ဖြစ်လာခဲ့ပြီ။ အထက်တန်းလွှာ မျိုးနွယ်စုကြီးတွေကို အင်အားချည့်နဲ့အောင် လုပ်ဖို့ဆိုတာ ခက်ခဲတဲ့ကိစ္စ မဟုတ်တော့ဘူး။ ဖန်မိသားစုအနေနဲ့ မင်းသားယုကို ထောက်ခံ ဖို့ ကျုပ် အကြံပြုချင်တယ်။ ဒါက အနာဂတ်မှာ ခင်ဗျားတို့အတွက် အကျိုးရှိလိမ့်မယ်" ဖန်မိသားစု မှာ ခြိမ်းခြောက်ခံလိုက်ရပြီဖြစ်ကြောင်း မြင်သောအခါ ဟုန်ယွိက လက်ဝှေ့ ယမ်းကာ ပြောလိုက်သည်။ "ဒီနေ့ သခင်မကော့လီလည်း ဒီကိုရောက်နေတယ်။ ရှေးဦး နတ်ဘုရား ဘုရင်မတစ်ပါးဆိုတဲ့ သူမရဲ့ဂုဏ်ပုဒ်နဲ့ ကျုပ်တို့ ဆွေးနွေးကြည့်ကြရင်ရော ဘယ်လိုလဲ"

...

ကျောက်စိမ်းမြို့တော်၊ ဝူဝမ်မြို့စား စံအိမ်တော်တွင်။

စံအိမ်တော်၏ ပင်မအဆောက်အအုံတွင် အိမ်ရှေ့စံမင်းသား ယန်ယွမ်နှင့် မဒမ်ကျောက် တို့သည် မျက်နှာချင်းဆိုင် ထိုင်ကာ လျှို့ဝှက်ကိစ္စတစ်ခုကို ဆွေးနွေးနေပုံရသည်။

"အိမ်ရှေ့စံမင်းသား... အခုတော့ မင်းသားယုက အိမ်ရှေ့စံမင်းသားရဲ့ ဧကရာဇ်ရာထူးကို ခြိမ်းခြောက်နိုင်တဲ့လူ မဟုတ်တော့ဘူး။ အခု သူ့ကို ဧကရာဇ်က မဟာကောင်စီကနေ ထုတ်ပယ်လိုက်ပြီဆိုတော့ ဝန်ကြီးဌာနကြီးခြောက်ခုက အရာရှိတွေအားလုံးက အိမ်ရှေ့စံ မင်းသားဆီကို မှီခိုလာကြတော့မှာပဲ။ အခြေအနေတွေ တည်ငြိမ်သွားတာနဲ့ သူ့နောက်က ဟုန်ယွိက သူ့ကို ဆက်ပြီး ထောက်ခံဖို့အတွက် ပုန်ကန်လောက်တဲ့အထိ စွန့်စားရဲပါ့မလား ဆိုတာ ကျွန်မ သိချင်မိတယ်"

သခင်မကျောက်က အိမ်ရှေ့မင်းသား ယန်ယွမ်ကို ပြောလိုက်သည်။

"အဲဒါ အမှန်ပဲ။ အခု ဟုန်ယွိက သူတော်စင်တစ်ဦး ဖြစ်နေပြီဆိုတော့ သူ့ရဲ့ ဂုဏ်သတင်းက သူ့ကို ဝန်ထုတ်ဝန်ပိုး ဖြစ်စေမှာ သဘာဝပဲ။ ဆရာ့ရဲ့လုပ်ရပ်က တကယ်ကို အံ့သြစရာပဲ။ မင်းသားယုကို မဟာကောင်စီကနေ ထုတ်ပယ်ပြီး သူ့အာဏာကို ဖြိုခွဲလိုက်တာပဲ။ ဟုန်ယွိ က သူ့ကို ဘယ်လို ဆက်ထောက်ခံမလဲ ကြည့်ကြသေးတာပေါ့။ ဘာပဲဖြစ်ဖြစ် ခမည်းတော် က ဧကရာဇ်တစ်ပါးလေ" အိမ်ရှေ့စံမင်းသား ယန်ယွမ်က မဒမ်ကျောက်ကို ပြုံးပြလိုက် သည်။ "သခင်မကြီး... မကြာသေးခင်က သခင်မကြီးရဲ့ ကျင့်ကြံမှုတွေ တော်တော်လေး တိုးတက်လာခဲ့တယ်။ သခင်မကြီးအတွက် လက်ဆောင်တချို့ ကျွန်တော် ယူလာခဲ့တယ်၊ လက်ခံပေးပါ"

"ကိစ္စမရှိပါဘူး" မဒမ်ကျောက်က ပြုံးလိုက်ပြီးနောက် သူမ၏ မျက်နှာအမူအရာမှာ ခက်ထန်သွားသည်။ "ဟိုကောင်စုတ်လေး ဟုန်ယွိကို နှိမ်နှင်းဖို့ နည်းလမ်းတွေ စဉ်းစားပေး သရွေ့ပေါ့"

"အဲဒါက ပြဿနာမရှိပါဘူး။ ကျွန်တော် ဧကရာဇ်ရာထူးကို ဆက်ခံပြီးတာနဲ့ သူ့ကို နှိမ်နှင်း ဖို့ နည်းလမ်းပေါင်း ထောင်ချီ ရှိပါတယ်" အိမ်ရှေ့စံမင်းသား ယန်ယွမ်က ရယ်မောလိုက် သည်။

"အိမ်ရှေ့စံမင်းသား... သတင်းဆိုးပါ"

"သခင်မကြီး... သတင်းဆိုးပါ"

ထိုအချိန်မှာပင် နှစ်ဖက်စလုံးမှ သတင်းပေး ထောက်လှမ်းရေးများသည် တစ်ပြိုင်နက် တည်း ဝင်ရောက်လာကာ ဒူးထောက်၍ အစီရင်ခံစာ တစ်စောင်စီကို တင်ပြလာကြသည်။

"ဘာ… အနောက်ဘက်ဒေသ အောင်နိုင်သူ ရှောင်ရှိူက်က မင်းသားယုကို မဟာကောင်စီ ခေါင်းဆောင်အဖြစ် ခန့်အပ်ဖို့ နန်းတွင်းကို လျှောက်လွှာတင်ပြီး ဖိအားပေးတယ်။ ဟုတ်လား။ ဒါ ပုန်ကန်တာပဲ၊ ဒါက လုံးဝကို ပုန်ကန်တာပဲ" မဒမ်ကျောက်က အစီရင်ခံစာ ကို ပစ်ချလိုက်သည်။

"ချန်ပီယံမြို့စားကလည်း လျှောက်လွှာတစ်စောင် တင်ပြီး မင်းသားယုကို ထောက်ခံထား တယ်..."

"ဖန်ပြည်နယ်ရဲ့ ဘုရင်ခံနဲ့ ပြည်နယ်ခွဲ ၂၆ ခုက အုပ်ချုပ်ရေးမှူးတွေလည်း ဧကရာဇ်ရဲ့ စာကြည့်ဆောင်ကို ရောက်နေကြပြီ"

အစီရင်ခံစာ တစ်စောင်ပြီး တစ်စောင် သူတို့ထံ ရောက်ရှိလာသည်။

မဒမ်ကျောက်နှင့် အိမ်ရှေ့စံမင်းသား ယန်ယွမ်တို့သည် သူတို့လက်ထဲရှိ အစီရင်ခံစာကို ကြည့်ကာ တစ်လောကလုံးက ပုန်ကန်နေကြပြီဟု ချက်ချင်းပင် ခံစားလိုက်ရသည်။ အခြေအနေကြီး တစ်ခုလုံးမှာ နေ့ချင်းညချင်း ပြောင်းပြန်လန်သွားခဲ့သည်။

တော်ဝင်ချန်မင်းဆက်၏ ၆၅ နှစ်မြောက်၊ ကိုးလပိုင်း ၁၃ ရက်နေ့တွင် ချန်ဧကရာဇ် ယန်ဖန် က မင်းသားများ ဦးဆောင်သော မဟာကောင်စီကို ဖွဲ့စည်းခဲ့သည်။ ထိုအထဲတွင် မင်းသား ယု မပါဝင်ခဲ့ပေ။

တစ်ခဏချင်းမှာပင် ကမ္ဘာအရပ်ရပ်မှ သတင်းများ ထွက်ပေါ်လာခဲ့သည်။ မြို့တော်ရှိ အရာရှိများက သတင်းဖြန့်ကြပြီး မင်းသားယု၏ အိမ်ရှေ့တွင် လူသူကင်းမဲ့သွားခဲ့ကြသည်။

သို့သော် တစ်လအကြာတွင် အနောက်ဘက်ဒေသ အောင်နိုင်သူ ရှောင်ရှိူက်က ရုတ်တရက် နန်းတွင်းသို့ အစီအရင်ခံစာတစ်စောင် တင်သွင်းလာခဲ့သည်။ ထိုအစီရင်ခံစာ တွင် ရှင်းလင်းစွာ ဖော်ပြထားသည်မှာ "မင်းသားယု၏ စာပေနှင့် စစ်ရေး မဟာဗျူဟာများ မှာ ခေတ်အဆက်ဆက် ကြီးမားသော အရည်အချင်းတစ်ရပ် ဖြစ်သည်။ ဤအရာရှိအနေ ဖြင့် သူ့အား စစ်တပ်ကို ဦးဆောင်စေလိုပါသည်တဲ့..."

ဤအစီအရင်ခံစာကြောင့် ဆူညံပွက်လောရိုက်သွားချိန်မှာပင် ချန်ပီယံမြို့စားကလည်း တူညီသော အစီအရင်ခံစာတစ်စောင်ကို တင်သွင်းလာခဲ့ပြန်သည်။

ထို့နောက် အနောက်ဘက်ဒေသရှိ နတ်ဘုရားတန်ခိုးရှင် ဘုရင်ယန်တူးကလည်း မင်းသား ယုအား မဟာကောင်စီကို ဦးဆောင်စေရန် အကြံပြုသည့် အစီအရင်ခံစာတစ်စောင် တင်သွင်းလာခဲ့သည်။

ထို့နောက် ဖန်ပြည်နယ် ဘုရင်ခံ၊ ပြည်နယ်ခွဲ ၂၆ ခု၏ အုပ်ချုပ်ရေးမှူးများ၊ ဝူယွမ်ရှန် အုပ်ချုပ်ရေးမှူး၊ ရွှီပြည်နယ် အုပ်ချုပ်ရေးမှူး၊ ချွီပြည်နယ် အုပ်ချုပ်ရေးမှူး၊ ချန်ပြည်နယ် အုပ်ချုပ်ရေးမှူး၊ လန်ပြည်နယ် အုပ်ချုပ်ရေးမှူးနှင့် အခြားသော အုပ်ချုပ်ရေးမှူး ဒါဇင် ပေါင်းများစွာတို့က မင်းသားယုအား မဟာကောင်စီကို ဦးဆောင်ခွင့်ပြုရန် နန်းတွင်းသို့ အစီအရင်ခံစာများ အသီးသီး တင်သွင်းလာကြသည်။

တစ်ချိန်တည်းမှာပင် တော်ဝင်ချန်မင်းဆက်၏ လက်အောက်ခံ နိုင်ငံများဖြစ်သော ယွမ်ထူနိုင်ငံနှင့် ကောင်းကင်လေပြေနိုင်ငံတို့ကလည်း မင်းသားယုအား မဟာကောင်စီကို ဦးဆောင်ခွင့်ပြုရန် အစီအရင်ခံစာ တင်သွင်းလာကြသည်။

ထို့နောက် ပညာရှင် သူတော်စင်မိသားစု လေးခုဖြစ်သော ဖန်းမိသားစု၊ ဝမ်မိသားစု၊ ဆန်းမိသားစု၊ ဝူမိသားစုတို့၏ ခေါင်းဆောင်များသည်လည်း နယ်စားများ ဟူသော သူတို့၏ ဂုဏ်ပုဒ်ကို အသုံးပြုကာ မင်းသားယုအား မဟာကောင်စီကို ဦးဆောင်ခွင့်ပြုရန် နန်းတွင်း သို့ အကြံပြုလာကြသည်။

တစ်ခဏချင်းမှာပင် နန်းတွင်းရှိ အခြေအနေကြီး တစ်ခုလုံးက မီးတောက်ပေါ် ဆီလောင်းချ လိုက်သကဲ့သို့ ပြင်းထန်စွာ လောင်ကျွမ်းသွားတော့သည်။

ဝန်ကြီးဌာနကြီးခြောက်ခုမှ အရာရှိများ၊ မှူးမတ်များနှင့် ဝန်ကြီးများ အပါအဝင် မြို့တော်ရှိ လူတိုင်း၏ ပါးစပ်များမှာ နောက်တစ်ကြိမ် ဟသွားရပြန်သည်။ သူတို့သည် နေ့ရောညပါ သတင်းများကို စုံစမ်းနေခဲ့ကြသည်။ အာဏာစွန့်လွှတ်လိုက်ရပြီဟု ထင်ရသော မင်းသားယု သည် ဤမျှ ကြီးမားလှသော အင်အားများဖြင့် ပေါက်ကွဲထွက်လာလိမ့်မည်ဟု မည်သူကမျှ မထင်ထားခဲ့ကြပေ။ တော်ဝင်ချန်မင်းဆက်ရှိ ဘုရင်ခံများနှင့် အုပ်ချုပ်ရေးမှူး တစ်ဝက်နီး ပါးက သူ့ကို ထောက်ခံခဲ့ကြသည်။

အိမ်ရှေ့စံမင်းသား အပါအဝင် မည်သည့်မင်းသားတွင်မျှ ဤမျှ ကြီးမားသော ဂုဏ်သတင်း မျိုး မရှိခဲ့ပေ။

ကမ္ဘာပေါ်ရှိ နယ်စားများ၊ ဘုရင်ခံများ၊ အုပ်ချုပ်ရေးမှူးများ အားလုံးက နေ့ချင်းညချင်း မင်းသားယုထံသို့ သူတို့၏ ကံကြမ္မာကို ပုံအပ်လိုက်သကဲ့သို့ပင်။ မင်းသားယုသည် မဟာ ကမ္ဘာလောကကြီးတွင် လူအများ၏ ထောက်ခံမှုကို ရရှိသော နံပါတ်တစ် ပုဂ္ဂိုလ်၊ ထောက်ခံ မှုအခံရဆုံး ဧကရာဇ်လောင်း တစ်ပါး ဖြစ်လာခဲ့လေပြီ။