အခန်း ၁၅၄

အခန်း ၁၅၄ - ခရမ်းရောင်ဝိညာဉ်ဆေးလုံးထိရောက်မှု

ဆရာဖြစ်သူ ဒေါသထွက်နေသည်ကို မြင်

လိုက်ရသဖြင့် လုယွမ်ဖုန်းသည် ချက်ချင်းပင် အရှုံးပေးလိုက်ပြီး ဆရာဖြစ်သူအား အမြန်ဆုံး တောင်းပန်လိုက်သည်။

"ဆရာ... စိတ်လျှော့ပါဦး။ တပည့်အမှားလုပ်မိတာကို သိပါတယ်။ အခုကစပြီး တပည့်ကြိုးစားပြီး ပညာသင်ယူပါ့မယ်၊ မနားမနေ ကြိုးပမ်းပြီး ကိုယ့်ကိုယ်ကိုယ် တိုးတက်အောင် လုပ်ပါ့မယ်။ ဆရာ့ကို စိတ်ပျက်အောင် ဘယ်တော့မှ မလုပ်တော့ပါဘူး..."

"ကောင်းပြီ၊ ကောင်းပြီ... စကားပဲ များမနေနဲ့တော့။ အခုကစပြီး တကယ်လုပ်ပြဖို့ လိုတယ်။ ဆရာက မင်းကို အမြဲကြည့်နေမှာ။"

တကယ်တော့ လျိုယွမ်လည်း သိပါသည်။

ကျောက်ဖေးကို တခြားတပည့်များနှင့် နှိုင်းယှဉ်နေခြင်းမှာ မမျှတမှန်း သူသိပါသည်။

သို့သော် ကျောက်ဖေးကို မြင်လိုက်တိုင်း ကျန်သည့်တပည့်များမှာ အရူးများသာ ဖြစ်နေသယောင် သူခံစားမိနေသည်။

ယခုလို ဆူပူလိုက်မိမှပင် သူ၏အမှားကို သတိပြုမိတော့သည်။

သို့သော် ဆရာတစ်ယောက်၏ ဂုဏ်သိက္ခာအရ သူ၏အမှားကို ဝန်မခံရဲပေ။

အမှန်တကယ်တွင် လုယွမ်ဖုန်းနှင့် တခြားတပည့်များသည်လည်း အလုပ်ကြိုးစားကြပါသည်။

အနည်းဆုံးတော့ ၎င်းတို့၏နေ့စဉ်တာဝန်များကို အမှားအယွင်းမရှိ ပြီးမြောက်အောင် လုပ်ဆောင်ကြသည်။

လုယွမ်ဖုန်းသည် တဟီးဟီး ရယ်မောလိုက်၏

ထို့နောက် လျူချင်းရွှမ်အား ဆက်မေးလိုက်သည်။

"ဒုတိယအစ်မကြီး... ခရမ်းရောင်ဝိညာဉ်ဆေးလုံးက ဘာအတွက် အသုံးဝင်တာလဲဆိုတာကို အစ်မ ခုထိ မပြောပြရသေးဘူးနော်?"

လျူချင်းရွှမ်၏ မျက်နှာအမူအရာကို ကြည့်ခြင်းအားဖြင့် ထိုဆေးလုံးမှာ ရိုးရိုးရှင်းရှင်းလေး မဟုတ်ကြောင်း သူရိပ်မိလိုက်သည်

လျူချင်းရွှမ် မျက်ဝန်းများမှာ စိတ်အားထက်သန်မှုဖြင့် တောက်ပသွားသည်။ သူမသည် ရယ်မောလိုက်ပြီး ရှင်းပြလိုက်သည်။ “ဒီခရမ်းရောင်ဝိညာဉ်ဆေးလုံးက သာမန်မဟုတ်ဘူး။ ငါတို့လို ကျင့်ကြံသူတွေအတွက်တော့ ဒါဟာ အသက်ကယ်ဆေးတစ်လက်ပဲ။"

"ငါတို့ ကျင့်ကြံသူတွေ တိုက်ပွဲမှာ အကြောက်ဆုံးအရာက ပြင်ပဒဏ်ရာတွေ မဟုတ်ဘူး။ တာအိုအခြေခံနဲ့ ဝိညာဉ်

ရေးရာထိခိုက်မှာကို အကြောက်ဆုံးပဲ။ အဲဒါက အဆိုးဆုံးပဲ..."

"သာမန်ဆေးလုံးတွေက ပြင်ပဒဏ်ရာကိုပဲ ကုသပေးနိုင်ပေမဲ့ ဒီ ခရမ်းရောင်ဝိညာဉ်ဆေးလုံးက တာအိုအခြေခံကို ပြန်လည်ပြုပြင်ပေးနိုင်ပြီး ပျက်စီးနေတဲ့ ဝိညာဉ်ရေးရာကိုလည်း ပြန်လည်ဆက်သွယ်ပေးနိုင်တယ်။ ချီ လမ်းကြောင်းမှားယွင်းလို့ ဝိညာဉ်ရေးရာမှာ အက်ကွဲကြောင်းတွေ ဖြစ်ခဲ့ရင်တောင် ဝိညာဉ်သုံးပါးနဲ့ ခန္ဓာခုနစ်ပါးလုံးဝ ပျက်စီးမသွားသေးသရွေ့ ဒီဆေးက ပြန်ကုပေးနိုင်တယ်”

"အရေးကြီးတာက ကျင့်ကြံသူတွေအတွက် တာအိုအခြေခံဆိုတာ အသက်ပဲ။ အဲဒါ ထိခိုက်သွားရင် အကောင်းဆုံးဖြစ်မှ ကျင့်ကြံမှု တန့်သွားမှာ၊ အဆိုးဆုံးဆိုရင်တော့ တောင်ခံအခြေခံ ပြိုကွဲပြီး မသန်မစွမ်း ဖြစ်သွားလိမ့်မယ်။ “

“ဝိညာဉ်ရေးရာကလည်း ကျင့်ကြံသူရဲ့ အဓိကအချက်အချာပဲ။ အဲဒါ ထိခိုက်သွားရင် စိတ်ဖောက်ပြန်တာကနေ အသက်ဝိညာဉ် လွင့်စဉ်ပျောက်ကွယ်သွားတဲ့အထိ ဖြစ်နိုင်တယ်။

“ဒါကြောင့် ဒီဆေးလုံးရှိတာဟာ အပိုအသက်တစ်ချောင်း ပိုင်ဆိုင်ထားသလိုပဲ”

ဤသို့ကြားရသောအခါ လုယွမ်ဖုန်းမှာ အံ့ဩတကြီး ဖြစ်သွားပြီး "ဒီလောက်ထိ စွမ်းဆောင်ရည်ရှိတာလား? ဒါဆို ဒီဆေးကို ဖော်စပ်ဖို့ အရမ်းခက်ခဲမှာပဲနော်”ဟု ပြောလိုက်သည်။

လျူချင်းရွှမ်သည် ခေါင်းငြိမ့်လိုက်ပြီးမှ ပြန်ခါလိုက်သည်။ "ခက်တဲ့အပိုင်းလည်း ရှိသလို မခက်တဲ့အပိုင်းလည်း ရှိတယ်။ ခက်တာကတော့ ပါဝင်ပစ္စည်းတွေကို ရှာရတာပဲ၊ အထူးသဖြင့် ပင်မပါဝင်ပစ္စည်းဖြစ်တဲ့ ခရမ်းရောင်ဝိညာဉ်သွေးနွယ်ပင်ကို ရှာဖို့က ခက်တယ်။ ကျန်တဲ့ပစ္စည်းတွေကတော့ လွယ်ပါတယ်။ ငါတို့ ရွှမ်ယွင်ဂိုဏ်းမှာ အလုံအလောက် ရှိပါတယ်။"

"ဆေးဖော်စပ်တဲ့ နည်းလမ်းနဲ့ ပညာရပ်ပိုင်းဆိုင်ရာမှာတော့ ဒီဆေးလုံးက သိပ်မခက်ပါဘူး။ ဒါပေမဲ့ ဆရာ့ရဲ့ အကူအညီနဲ့ဆိုရင် ပိုပြီး စိတ်ချရမယ်လို့ ထင်တယ်။"

သူမတွင် ယုံကြည်မှု ရှိသော်လည်း ဤဆေးမျိုးကို ယခင်က မဖော်စပ်ဖူးသေးပေ။

ထို့ကြောင့် ဆရာဖြစ်သူ၏ ကြီးကြပ်မှုနှင့် အကူအညီကို ရယူလိုခြင်းဖြစ်သည်။

လျူချင်းရွှမ်သည် ဆေးဖော်စပ်ခြင်းတွင် အလွန်ထူးချွန်ပြီး သူမ၏ အရည်အချင်းသည် လျူယွမ်ထက်ပင် သာလွန်ကြောင်း သူကိုယ်တိုင် ဝန်ခံထားပြီးဖြစ်သည်။

သို့သော်လည်း ဆရာတစ်ယောက်၏ အတွေ့အကြုံနှင့် ဗဟုသုတမှာ တပည့်များထက် သာလွန်မြဲ ဖြစ်သည်။

"မင်းတို့ လေးတွေကတော့..." လျူယွမ် ရယ်မောရင်း ခေါင်းခါလိုက်သည်။

သူသည် တပည့်ဖြစ်သူ၏ အခွင့်အရေးကို လုယူလိုခြင်း မရှိပေ

သူ၏ ကျောက်တုံးဆူပွက်နည်းစနစ်သည်လည်း တိုးတက်ပြီးသားဖြစ်ရာ တပည့်ဖြစ်သူကိုပင် လေ့ကျင့်ခွင့်ပေးလိုက်တော့သည်။

တကယ်တော့ ရွှမ်ယွင်ဂိုဏ်းတွင် လျူချင်းရွှမ်တစ်ယောက်တည်း ဆေးဖော်စပ်ခြင်းကို စိတ်ဝင်စားနေခြင်း မဟုတ်ပေ

ဂိုဏ်း၏ ထူးခြားသော ကျောက်တုံးဆူပွက်နည်းကြောင့် ဂိုဏ်းသူဂိုဏ်းသားအားလုံး ဆေးဖော်စပ်ခြင်းကို အနည်းငယ်စီ တတ်မြောက်ကြသည်။

ကျောက်ဖေးက ဝင်ရောက်ပြောကြားလိုက်သည်။

"တပည့်က စာကြည့်တိုက်မှာ ဝိညာဉ်ဆေးဝါးမှတ်တမ်းကို ဖတ်ရင်း ဒီဆေးလုံးအကြောင်း တွေ့ခဲ့တာပါ။ အခုတစ်ခေါက် တိမ်နီတပ်မတော်က သင်္ချိုင်းဖောက်သူတွေကို နှိမ်နင်းရာကနေ ဒီသွေးနွယ်ပင်ကို ရလာလို့ ဂိုဏ်းကို ဆက်သလိုက်တာပါ။ “

“ခရမ်းရောင်ဝိညာဉ်ဆေးလုံးကိုသာ ဖော်စပနိုင်ရင် ကျွန်တော်တို့ ရွှမ်ယွင်ဂိုဏ်းအတွက် အများကြီး အကျိုးရှိမှာပါ။"

လျူယွမ်သည် သူ၏ မုတ်ဆိတ်မွှေးကို ပွတ်သပ်ရင်း သက်ပြင်းချလိုက်သည်။ “ဒီလို ဝိညာဉ်ပစ္စည်းတွေက တန်ဖိုးမဖြတ်နိုင်ဘူး၊ မင်းကိုယ်တိုင်ပဲ သိမ်းထားလိုက်ပါတော့..."

ကျောက်ဖေးက လေးနက်သော အသံဖြင့် ပြန်ပြောလိုက်သည်။

"ဆရာ့ရဲ့ စေတနာကို ကျေးဇူးတင်ပါတယ်။ ဒါပေမဲ့ တပည့်က ရွှမ်ယွင်ဂိုဏ်းဝင်တစ်ယောက် ဖြစ်နေပြီဖြစ်တဲ့အတွက် ဂိုဏ်းတိုးတက်ရေးအတွက် အကျိုးပြုဖို့ပဲ ကြိုးစားရမှာပေါ့။"

"ပြီးတော့ တပည့်အရင်က သုံးခဲ့တဲ့ ဝိညာဉ်ပစ္စည်းတွေကရော ဂိုဏ်းထဲက ဆရာကြီးတွေ၊ ဆရာတွေ၊ တပည့်ဝမ်းကွဲတွေနဲ့ တခြားသူတွေက အချိန်အကြာကြီး ပင်ပင်ပန်းပန်း စုဆောင်းထားခဲ့ကြတာ မဟုတ်ဘူးလား?"

သူသည် ခေတ္တရပ်လိုက်ပြီး မျက်နှာတွင် စနောက်သော အပြုံးတစ်ခု ပေါ်လာကာ "ပြီးတော့ ဒုတိယအစ်မကြီး... ဆေးဖော်စပ်တာကို အရမ်း စွဲလမ်းတာလေ။ သူသာ ဝိညာဉ်ဆေးဝါးတွေ သိမ်းထားတာ သိသွားရင် တပည့်ကို ဆေးပေါင်းအိုးနဲ့ ပစ်ပေါက်မှာ သေချာတယ်" ဟု ပြောလိုက်ရာ

အားလုံး ရယ်မောကုန်ကြသည်။

လျူချင်းရွှမ်သည် သူ့ကို ရိုက်မည့်ဟန် ပြုလိုက်သော်လည်း သူမ၏ မျက်ဝန်းများတွင် ပျော်ရွှင်မှုများ ပြည့်နှက်နေသည်။

ထိုအချိန်တွင်ပင် အကြီးဆုံးတပည့်ကြီး ကျိုးယွမ်ရှန်းနှင့် စတုတ္ထတပည့် လီရှို့ယီတို့သည် အပြင်ဘက်မှ ဝင်လာကြသည်။

ခြံဝင်းထဲသို့ ဝင်လာသည်နှင့် တစ်ပြိုင်နက် အရင်ကနှင့်မတူဘဲ ပျော်ရွှင်တက်ကြွနေသည့် လေထုကို မြင်လိုက်ရသဖြင့် အားလုံး အံ့ဩသွားကြသည်။

ဖြစ်ကြောင်းကုန်စင်ကို သိလိုက်ရသောအခါ သူတို့နှစ်ဦးမှာ အလွန်အံ့ဩပြီး စိတ်လှုပ်ရှားသွားကြသည်။

ကျိုးယွမ်ရှန်းက စိတ်လှုပ်ရှားစွာဖြင့် "ကောင်းလိုက်တာ၊ တိမ်နီတပ်မတော်က ဒီလောက်တောင် ရက်ရောတာ၊ ဒါဆို ငါတို့ ရွှမ်ယွင်ဂိုဏ်းက..." ဟု အော်ပြောလိုက်သည်။

လျူယွမ်က ကျိုးယွမ်ရှန်းကို စူးရဲစွာ ကြည့်လိုက်ပြီး "ယွင်ရှန်း၊ အဓိပ္ပာယ်မရှိတာတွေ လျှောက်မပြောနဲ့" ဟု ဆိုသည်။

"ဒါတွေက တိမ်နီတပ်မတော်က ကျောက်ဖေးကို ပုဂ္ဂိုလ်ရေးအရ ပေးလိုက်တာ။ အဲဒီအပေါ်မှာ မလျော်ကန်တဲ့ အကြံအစည်တွေ မထားနဲ့။ သူပုန်တပ်ကို ငါတို့ ရွှမ်ယွင်ဂိုဏ်းရဲ့ ဆေးပင်ရှာဖွေရေးအဖွဲ့လို့ မှားယွင်းတွက်ဆနေလို့လား?"

ကျိုးယွမ်ရှန်းသည် အဆင်မပြေစွာ ရယ်မောလိုက်ပြီး ခေါင်းကို ကုတ်ကာ "ဆရာ... တပည့်က စကားအရမ်း ပြောမိသွားတာပါ၊ စိတ်ထဲ မထားပါနဲ့" ဟု ဆိုလိုက်သည်။

လျူယွမ်၏ မျက်နှာထားမှာ နောက်ဆုံးတွင် ပျော့ပြောင်းသွားသည်။

ခရမ်းရောင်ဝိညာဉ်သွေးနွယ်ပင်ကို တိုက်ရိုက်ဆေးအဖြစ် အသုံးပြု၍မရချေ။ ဦးစွာ ပြုပြင်ရန် လိုအပ်သည်။

လူအုပ်ကြီးသည် ခြံဝင်းထဲတွင် ခရမ်းရောင်ဝိညာဉ်သွေးနွယ်ပင် အကြောင်းကို ခေတ္တမျှ စကားစမြည်ပြောဆိုပြီးနောက် လူစုခွဲလိုက်ကြသည်။

ခြံဝင်းထဲတွင် လျူချင်းရွှမ်တစ်ယောက်တည်း ကျန်ရစ်ခဲ့ပြီး စိတ်အားထက်သန်စွာဖြင့် ဆေးမြစ်များကို ပြုပြင်နေသည်။

မကြာမီပင် ကျောက်ဖေးသည် လျူယွမ်နောက်သို့ လိုက်၍ တိတ်ဆိတ်သော အခန်းထဲသို့ ဝင်သွားသည်။

သူတို့နှစ်ဦးသည် ကိုယ်စီနေရာယူထားသော ထိုင်ခုံများတွင် ထိုင်လိုက်ကြသည်။

"မင်းက ရေထိန်းချုပ်ခြင်း နည်းပညာနဲ့ လျှပ်စီးကျခြင်း နည်းပညာကို ကျွမ်းကျင်ပြီးပြီ။ နောက်ထပ် ဘယ်ပညာရပ်ကို သင်ယူချင်သေးလဲ?"

လျိုယွမ်က ကျောက်ဖေးကို ကြည့်၍ ပြုံးကာ မေးလိုက်သည်။

ကျောက်ဖေးထံမှ ရွှမ်ယွင်ဂိုဏ်း၏ ထူးခြားသော ပညာရပ်များကို လေ့လာသင်ယူမည်ဟူသော စကားကို သူ မမေ့ပေ

ဆရာတစ်ယောက်အနေဖြင့် တပည့်ဖြစ်သူကို ဝှက်ထားစရာအကြောင်း မရှိပေ။

ရွှမ်ယွင်ဂိုဏ်းတွင် သင်ကြားပေးသော ပညာရပ်ငါးမျိုးအနက် ကျောက်ဖေးသည် နှစ်မျိုးကို ကျွမ်းကျင်ပြီး ဖြစ်သည်။

ကျန်ရှိနေသည့် မီးဒဏ်ခံနည်းစနစ်၊ ချီစုစည်းပြီး လွတ်မြောက်ခြင်းနှင့် စက္ကူငှက်ဖြင့် ခြေရာခံခြင်း နည်းတို့ကိုမူ မသင်ယူရသေးပေ။

တကယ်တော့ အခြားတပည့်သာဆိုလျှင် အခြေခံမျှသာ သင်ကြားပေးပြီး ကျွမ်းကျင်အောင် မလုပ်သေးပါက လျူယွမ်

သည် နောက်ထပ်ပညာရပ်တစ်ခုကို ဆက်သင်ပေးလိမ့်မည် မဟုတ်ပေ။

“အရာရာကို တီးမိခေါက်မိရှိခြင်းထက် တစ်ခုတည်းကို ကျွမ်းကျင်ခြင်းက ပိုကောင်းသည်" ဟု သူယူဆသည်။

သို့သော်လည်း ကျောက်ဖေးကိုမူ သာမန်တပည့်တစ်ယောက်ကဲ့သို့ ဆက်ဆံရန် မလိုဟု သူခံစားမိသည်။

ကျောက်ဖေး၏ အရည်အချင်းဖြင့် မည်သည့်ပညာရပ်ကိုမဆို အလွယ်တကူ သင်ယူနိုင်ပြီး နောက်ထပ်အများအပြား သင်ယူလျှင်

ပင် သူ့အတွက် အနှောင့်အယှက် ဖြစ်မည်

မဟုတ်ပေ။

ကျောက်ဖေးသည် စဉ်းစားမနေတော့ဘဲ "ဒီတစ်ခါတော့ တပည့် ချီစုစည်းပြီး လွတ်မြောက်ခြင်းနည်းကို သင်ယူချင်ပါတယ်" ဟု ပြောလိုက်သည်။

သူအတွက် ကျန်ရှိနေသော ပညာရပ်သုံးမျိုးမှာ နောက်မှသင်သည်ဖြစ်စေ၊ အခုသင်သည်ဖြစ်စေ အတူတူပင်ဖြစ်၍ စဉ်းစားစရာမလိုပေ။

"ကောင်းပြီ၊ ဒါဆိုရင် ဒီနေ့ ချီစုစည်းပြီး လွတ်မြောက်ခြင်းနည်းကို သင်ပေးမယ်" ဟု အဘိုးအိုက ခေါင်းငြိမ့်လိုက်သည်။

သူ၏ မျက်ဝန်းများတွင် ကျောက်ဖေးသည် ဤပညာရပ်ကို မည်မျှမြန်မြန် သင်ယူနိုင်မည်ကို သိလိုသည့် မျှော်လင့်ချက်

အရိပ်အယောင်များ ပေါ်လွင်နေသည်။

"တစ်လလား? ဒါမှမဟုတ် လဝက်လောက်ပဲ ကြာမလား? “

“ဒါပေမဲ့ ဒီလောက်တော့ ကြာလိမ့်မယ်လို့ မထင်ပါဘူး..."