အခန်း ၂၆၈

အခန်း ၂၆၈ - ရေခဲတောင်၏ ထိပ်စွန်း

"ပြောမယ်... ငါ ပြောမယ်"

ဆွန်ဖုန်းက ဘေ့စ်ဘောတုတ် တစ်ချောင်းကို ကိုင်ကာ နံပါတ် ၃ ၏ မျက်စိရှေ့တွင် ယမ်းပြလိုက်သောအခါ သူမ တံတွေး တစ်ချက် မျိုချလိုက်ပြီး တုန်ရီသော အသံဖြင့် ပြောလိုက်သည်။

"ဟားဟား... မင်းက တော်တော် ပါးနပ်တာပဲ... ပြော... ဒါပေမဲ့ ငါ့ကို လိမ်ဖို့တော့ မကြိုးစားနဲ့... မင်းသာ လိမ်ပြောရင် မင်းကို အဆိုးရွားဆုံး သေနည်းနဲ့ သေခိုင်းမယ်"

ဆွန်ဖုန်းက ပြုံးစိစိဖြင့် ပြောလိုက်ပြီး ဘေ့စ်ဘောတုတ်ကို ဘယ်လက်ဖြင့် ဖွဖွလေး ရိုက်နေသည်။

ဒီအမျိုးသမီးက သူ တကယ် လုပ်တော့မည်ကို မြင်သောအခါ အဆုံးတွင်တော့ အရှုံးပေးသွားခဲ့ပြီ။ သူ့ရဲ့ နည်းလမ်းက အမျိုးသမီးတွေ အပေါ်မှာ တကယ်ကို အလုပ်ဖြစ်ကြောင်း ဆွန်ဖုန်း သဘောပေါက်သွားသည်။

"မင်းရဲ့ အဖွဲ့အစည်း နာမည်က ဘာလဲ... မင်း နာမည်က ဘယ်သူလဲ... ပြီးတော့ မင်းတို့ရဲ့ လက်နက်တွေက ဘာလဲ... ဘာလို့ အဲဒီလောက် အဆင့်မြင့်နေရတာလဲ... နောက်တစ်ခုက ငါ့ သုတေသနဌာနကို ဘာလို့ လာခိုးတာလဲ..."

ဆွန်ဖုန်းက ဆောင့်ကြောင့်ထိုင်ကာ နံပါတ် ၃ ၏ မျက်လုံးများကို စိုက်ကြည့်ရင်း မေးလိုက်သည်။ သူမသာ တစ်ခွန်း လိမ်ပြောသည်နှင့် ဆွန်ဖုန်းက သူမကို အလွတ်ပေးမည် မဟုတ်ပေ။

"ငါတို့ အဖွဲ့အစည်းရဲ့ နာမည်က ကမ္ဘာဦး ဖန်ဆင်းရှင် လို့ ခေါ်တယ်... ငါ့ရဲ့ ကုဒ်နာမည်က နံပါတ် ၃... ငါ့မှာ နာမည် မရှိဘူး... အဖွဲ့အစည်းထဲက လူတွေ အားလုံးမှာ ကုဒ်နာမည်ပဲ ရှိတယ်... နာမည် မရှိဘူး..."

"ငါတို့ရဲ့ လက်နက်တွေကို အထက်က လူတွေက ချပေးတာ... သုံးဖို့ပဲ သင်ပေးပြီး ဘယ်လို လုပ်ထားလဲ ဆိုတာတော့ မပြောပြဘူး... အဲဒီ ကိစ္စတွေကို ငါတို့ မေးပိုင်ခွင့်လည်း မရှိဘူး... အရင်က နံပါတ် ၂၁ ဝင်ခိုးတာက ရှင်တို့ရဲ့ X2 စုပ်ယူပစ္စည်းကို လိုချင်လို့ပါ..."

နံပါတ် ၃ က မျက်တောင်လေး ပုတ်ခတ်ပုတ်ခတ်ဖြင့် ဖြေလိုက်သည်။

သူမ ပြောသည့် စကားများကို ဆွန်ဖုန်း အနေဖြင့် အားလုံး အမှန်လား၊ တစ်ဝက်အမှန် တစ်ဝက်အလိမ်လား၊ သို့မဟုတ် အားလုံး အလိမ်လား ဆိုသည်ကို မသိနိုင်ပေ။

"မင်းတို့ အဖွဲ့အစည်းက အဓိက ဘာလုပ်တာလဲ... ပြီးတော့ ငါ့ရဲ့ X2 စုပ်ယူပစ္စည်းကို ဘာလုပ်ဖို့ ခိုးတာလဲ..." ဆွန်ဖုန်းက ဆက်မေးသည်။

"ငါတို့ အဖွဲ့အစည်းက ကြေးစား ကုမ္ပဏီ တစ်ခုလိုမျိုးပဲ... ဖောက်သည်က ပိုက်ဆံပေးရင် ငါတို့က အလုပ် လုပ်ပေးတယ်..."

နံပါတ် ၃ က ရှင်းပြသည်။

"ငါ့ရဲ့ X2 စုပ်ယူပစ္စည်းကို လိုချင်တဲ့ ဖောက်သည်ရဲ့ အချက်အလက်တွေကို မင်း သိလား..."

ဆွန်ဖုန်း ဤစကားကို ကြားသောအခါ မျက်လုံးထဲတွင် ရက်စက်မှုများ ပေါ်လာသည်။

"မသိဘူး... ငါတို့က အလုပ် လက်ခံပြီး လုပ်ပေးဖို့ပဲ တာဝန်ရှိတယ်... ဖောက်သည်ရဲ့ အချက်အလက်တွေကို အထက်ပိုင်းက လူတွေပဲ သိတယ်... ငါတို့လို လူသတ်သမား တွေက သိခွင့် မရှိဘူး..."

နံပါတ် ၃ က ဖြေလိုက်သည်။

ယခုအခါ နံပါတ် ၃ ၏ စိတ်ထဲတွင် အနည်းငယ် ထိတ်လန့်နေပြီ ဖြစ်သည်။ အပြင်ပန်းတွင် တည်ငြိမ်သယောင် ဟန်ဆောင်ထားသော်လည်း သူမ၏ နှလုံးခုန်နှုန်းက အနည်းငယ် မြန်ဆန်နေသည်။ အကြောင်းမှာ သူမ ပြောလိုက်သော စကားများက တစ်ဝက်အမှန်၊ တစ်ဝက်အလိမ် ဖြစ်နေသောကြောင့်ပင်။

သူမ အားလုံး လိမ်မပြောရဲပေ။ ဆွန်ဖုန်း အလွယ်တကူ ရိပ်မိသွားမည်ကို စိုးရိမ်သောကြောင့် ဖြစ်သည်။ သူမ ထုတ်ဖော်လိုက်သော အမှန်တရားများကလည်း သိပ်အရေးမကြီးသော အချက်အလက်များသာ ဖြစ်သည်။ အမှန်တစ်ဝက် အလိမ်တစ်ဝက် ဆိုလျှင် တစ်ဖက်လူကို ပို၍ ဇဝေဇဝါ ဖြစ်စေနိုင်မည် မဟုတ်ပါလား။

"မင်း လိမ်နေတယ်"

ဆွန်ဖုန်း၏ ပြုံးရွှင်နေသော မျက်နှာက ချက်ချင်း အေးစက်သွားပြီး နံပါတ် ၃ ကို စိုက်ကြည့်လိုက်သည်။

"ငါ မလိမ်ဘူး... ငါ ပြောတာ အကုန် အမှန်တွေချည်းပဲ"

နံပါတ် ၃ က ဆွန်ဖုန်း၏ ရုတ်တရက် အပြောင်းအလဲကို မကြောက်မရွံ့ဘဲ တည်ငြိမ်စွာ ပြန်ပြောလိုက်သည်။

"ဟားဟား... အမှန်တွေ ဟုတ်လား နတ်ဆိုးတောင် မင်းကို ယုံမှာ မဟုတ်ဘူး... မင်း ဟန်ဆောင်တာ တော်တော် ကောင်းပါတယ်... ဒါပေမဲ့ မင်းရဲ့ နှလုံးခုန်သံက မင်းကို သစ္စာဖောက်သွားပြီ"

ဆွန်ဖုန်းက နံပါတ် ၃ ၏ လည်ပင်းကို ညှစ်ကာ အေးစက်စက် ရယ်မောလိုက်သည်။

သူ၏ စွမ်းရည်များက လူသားများ၏ အထွတ်အထိပ်ကို ကျော်လွန်နေပြီ ဖြစ်ရာ ဤမျှ နီးကပ်သော အကွာအဝေးတွင် တစ်ဖက်လူ၏ နှလုံးခုန်နှုန်း မြန်လာသည်ကို သူ ကောင်းကောင်း ကြားနိုင်သည်။ ဆိုလိုသည်မှာ တစ်ဖက်လူ လိမ်ပြောနေခြင်းပင်

နံပါတ် ၃ ၏ ရင်ထဲတွင် ဒိန်းခနဲ ဖြစ်သွားသော်လည်း မျက်နှာပေါ်တွင်တော့ တည်ငြိမ်နေဆဲပင်။

ဆွန်ဖုန်းက သူမကို အမှန်တွေ ပြောလာအောင် ခြောက်လှန့်နေခြင်းသာ ဖြစ်မည်ဟု သူမ ထင်မှတ်ကာ လုံးဝ အလျှော့မပေးဘဲ ပြန်ပြောလိုက်သည်။

"နိုး... နိုး... နိုး... ငါ ပြောတာတွေ အားလုံးက အမှန်တွေချည်းပဲ... ယုံတာ မယုံတာက နင့်အပိုင်းပဲ..."

"ဟီးဟီး... ဒါဆိုလည်း မင်း အပြစ်ဒဏ်ကို ခံယူဖို့ ပြင်ထားလိုက်တော့"

နောက်တစ်စက္ကန့်တွင် ဆွန်ဖုန်းသည် ချက်ချင်း တိုက်ခိုက်မှု စတင်လိုက်တော့သည်။

ထိုည ဆယ့်တစ်နာရီမှ နောက်တစ်နေ့ မနက် ခုနစ်နာရီအထိ ၈ နာရီတိတိ နံပါတ် ၃ ကို ဆွန်ဖုန်းက အပြင်းအထန် အပြစ်ပေးခဲ့သည်။ လုံးဝ မရပ်နားခဲ့ပေ။

ဤမျှ ကြောက်မက်ဖွယ်ကောင်းသော အပြစ်ဒဏ်ကြောင့် နံပါတ် ၃ မှာ သေချင်စိတ်ပင် ပေါက်လာခဲ့သည်။ နာကျင်မှုက အရိုးထဲထိ စိမ့်ဝင်နေသည်။ သူမ အကြိမ်ကြိမ် မေ့မျောသွားခဲ့ပြီး ပြန်နိုးလာလိုက်၊ ပြန်မေ့သွားလိုက်နှင့် မနက်လင်းသည်အထိ သံသရာလည်နေခဲ့သည်။ သူမ၏ အော်ဟစ်သံများက တစ်ညလုံး မပြတ်ခဲ့ပေ။

ယခု သူမ မျက်လုံးဖွင့်လိုက်သည်နှင့် ဆွန်ဖုန်း၏ ကြောက်မက်ဖွယ် မျက်နှာကို မြင်သောအခါ နတ်ဆိုး တစ်ကောင်ကို မြင်ရသလို ခံစားနေရသည်။ မဟုတ်ဘူး... နတ်ဆိုးထက်တောင် ပိုဆိုးသေးသည်။ သူက လူယုတ်မာပဲ သူမ စိတ်ဓာတ်တွေ အားလုံး ပြိုလဲသွားပြီဟု ခံစားရပြီး သေချင်စိတ်သာ ရှိတော့သည်။

အရေးအကြီးဆုံးမှာ ဆွန်ဖုန်းက ဘေ့စ်ဘောတုတ်ကို စတင် အသုံးမပြုရသေးခြင်းပင်။

ဆွန်ဖုန်းက နံပါတ် ၃ ၏ လည်ပင်းကို မောက်မာစွာ ညှစ်ထားပြီး...

"အခု မင်း အမှန်တိုင်း ပြောမလား... မပြောဘူးလား... မပြောရင်တော့ ငါ တကယ် ဘေ့စ်ဘောတုတ် သုံးတော့မှာနော်" ဟု အေးစက်စက် မေးလိုက်သည်။

နံပါတ် ၃ ၏ စိတ်အခြေအနေမှာ လုံးဝ ကမောက်ကမ ဖြစ်နေပြီး မျက်လုံးများက အသက်မပါတော့ပေ။ ဆံပင်များ ရှုပ်ပွနေပြီး မျက်နှာတွင်လည်း ဖူးယောင်နေသည်။ ယခုအခါ သူမသည် ဆွဲဆောင်မှု ရှိသော အမျိုးသမီး တစ်ဦး မဟုတ်တော့ဘဲ သေလုမျောပါး သူတောင်းစား တစ်ယောက်လို အလွန် သနားစရာ ကောင်းနေသည်။

သူမတွင် ဝိညာဉ် မရှိတော့ဘဲ ခန္ဓာကိုယ်သာ ကျန်တော့သကဲ့သို့ ဖြစ်နေသည်။ ငိုစရာ မျက်ရည်လည်း မရှိတော့ပေ။ အားအင်လည်း လုံးဝ ကုန်ခန်းသွားပြီ ဖြစ်ပြီး အသက်ရှင်လိုစိတ်လည်း မရှိတော့ပေ။

"အခု ပြောမလား... မပြောဘူးလား... မပြောရင် ငါ ဒီဘေ့စ်ဘောတုတ်နဲ့ မင်းကို ထိုးသတ်ပစ်မယ်"

ဆွန်ဖုန်းက ဘေ့စ်ဘောတုတ်ကို ယူကာ နံပါတ် ၃ ၏ အသက်မပါသော မျက်လုံးများ ရှေ့တွင် ဝှေ့ယမ်းပြလိုက်သည်။

"ပြောပါ့မယ်... ငါ ပြောပါ့မယ်"

နံပါတ် ၃ ၏ မျက်လုံးများက အသက်မပါသေးသော်လည်း အားနည်းသော အသံဖြင့် တောင်းပန်လိုက်သည်။

"အရမ်း ကောင်းတယ်... ပြော... အကုန်ပြော... ဒါဆို မင်း အလောင်းကို သေသေချာချာ ငါ မြှုပ်ပေးမယ်"

ဆွန်ဖုန်းက အေးစက်စက် ရယ်မောလိုက်သည်။ သူ၏ အမှောင်မိုက်ဆုံး စိတ်နေသဘောထားများ အားလုံး ပေါ်ထွက်လာပြီ ဖြစ်ကြောင်း သူ သတိထားမိလိုက်သည်။

"ငါ့ နာမည်က တကယ်ပဲ နံပါတ် ၃ ပါ... ငါက မိဘမဲ့ တစ်ယောက်မို့လို့ မှတ်မိကတည်းက အဖွဲ့အစည်းရဲ့ လေ့ကျင့်ပေးတာကို ခံခဲ့ရတာ... ဒီအဖွဲ့အစည်းရဲ့ နာမည်က ထာဝရ မဟာမိတ် လို့ ခေါ်တယ်... အဖွဲ့အစည်းမှာ လူသတ်ဌာန... စီးပွားရေးဌာန နဲ့ သုတေသနဌာန ဆိုပြီး သုံးခု ရှိတယ်..."

"လူသတ်ဌာနက အဖွဲ့အစည်းရဲ့ လက်ရုံးတွေနဲ့ ကာကွယ်ရေး အင်အားစုတွေပေါ့... စီးပွားရေးဌာနကတော့ အဖွဲ့အစည်းအတွက် ရန်ပုံငွေ ရှာပေးဖို့ စီးပွားရေး လုပ်တာ... သုတေသနဌာန အကြောင်းကိုတော့ ငါ အသေးစိတ် မသိဘူး... ဒါပေမဲ့ ငါတို့ သုံးနေတဲ့ လက်နက်တွေ အကုန်လုံးက သုတေသနဌာနကနေ ထုတ်ပေးတာ... တခြား ဌာန နှစ်ခု အကြောင်းလည်း ငါ သိပ်မသိပါဘူး..."

"ငါတို့ လူသတ်ဌာနက ကိုယ့်အဖွဲ့အစည်းအတွက် အလုပ်လုပ်ပေးရုံသာမက တခြား အပြင်က အလုပ်တွေလည်း လက်ခံတယ်... ဥပမာ - ဒီတစ်ခေါက် နံပါတ် ၂၁ လာခိုးတာက ဖောက်သည် တစ်ယောက်အတွက် အလုပ်လုပ်ပေးတာ... ငါတို့က ဖောက်သည်ရဲ့ အချက်အလက်တွေကို မသိရဘူး... ခေါင်းဆောင်ပဲ သိတယ် ငါတို့ လူသတ်ဌာနမှာ လူ အယောက် တစ်ရာ ရှိတယ်... အားလုံးက နံပါတ် ၁ ကနေ ၁၀၀ အထိ ကုဒ်နာမည်နဲ့ပဲ ခေါ်ကြတယ်... လူသတ်ဌာနရဲ့ ခေါင်းဆောင် ကုဒ်နာမည်က ငွေရောင်ဝံပုလွေ တဲ့..."

နံပါတ် ၃ က အားလုံးကို ပြောပြလိုက်သည်။

ဆွန်ဖုန်းက နံပါတ် ၃ ၏ စကားများကို နားထောင်ရင်း ဤတစ်ကြိမ်တွင်တော့ ဤအမျိုးသမီး တကယ် လိမ်မပြောတော့ကြောင်း သိလိုက်သည်။

မူလက ဤအဖွဲ့အစည်း၏ နာမည်မှာ ထာဝရ မဟာမိတ် ဟု ခေါ်ကြောင်း သိလိုက်ရသည်။ လူသတ်ဌာနနှင့် စီးပွားရေးဌာန အကြောင်းကိုတော့ ဆွန်ဖုန်း သိပ်ဂရုမစိုက်ပေ။ ဤအဖွဲ့အစည်းက အကြမ်းဖက် အဖွဲ့အစည်းလား၊ ဘာအဖွဲ့အစည်းလဲ ဆိုသည်ကိုလည်း သူ ဂရုမစိုက်ပေ။

ယခု သူ အသိချင်ဆုံးမှာ ဤအဖွဲ့အစည်း၏ သုတေသနဌာနက ဘာကြောင့် ဤမျှ အဆင့်မြင့်သော လက်နက်များကို တီထွင်နိုင်ခဲ့သနည်း ဆိုသည်ကိုပင်။

ဤအဖွဲ့အစည်းက ကြည့်ရသည်မှာ မရိုးရှင်းသော်လည်း ဆွန်ဖုန်း အမြင်တွင်တော့ သိပ်ပြီး မကြောက်စရာ မကောင်းပေ။ အဘယ်ကြောင့်ဆိုသော် သူက ပို၍ အစွမ်းထက်နေသောကြောင့်ပင်။

ဤအဖွဲ့အစည်းက လက်နက်ပိုင်းဆိုင်ရာ အဆင့်မြင့်ရုံသာ ရှိသည်။ သို့သော် သူ၏ ရှေ့တွင်တော့ ဤလက်နက်များက ဘာမှ မဟုတ်ပေ။

ဒုတိယ အနေဖြင့် သူ သိချင်သည်က မိမိ၏ X2 စုပ်ယူပစ္စည်းကို ခိုးယူရန် မည်သူက ဤလူသတ်ဌာနကို ငှားရမ်းခဲ့သနည်း ဆိုသည်ကိုပင်။ အကယ်၍ သူသာ သိလိုက်ပါက ထိုသူကို သေချာပေါက် ပညာပေးမည် ဖြစ်သည်။

"ဒါဆို ဒီလက်နက်တွေကို ဘယ်လို တီထွင်ထားလဲ ဆိုတာ မင်း မသိဘူးပေါ့... ဒီလက်နက်တွေက လက်ရှိ ကမ္ဘာ့ နည်းပညာထက် အများကြီး အဆင့်မြင့်နေတယ် ဆိုတာကိုရော မင်း မသိဘူးလား... ပြီးတော့ ဒီအဖွဲ့အစည်းရဲ့ သမိုင်းက ဘယ်လောက်တောင် ကြာပြီလဲ..."

ဆွန်ဖုန်းက မေးလိုက်သည်။

"လက်နက်တွေကို ဘယ်လို တီထွင်ထားလဲ ဆိုတာ ငါ တကယ် မသိဘူး... ဒီလက်နက်တွေက အရမ်း အဆင့်မြင့်တယ် ဆိုတာတော့ သိတယ်... ဒါပေမဲ့ ငါ့ အဆင့်နဲ့ ဒီလို လျှို့ဝှက်ချက်တွေကို ဘယ်လိုမှ သိခွင့် မရှိပါဘူး... အဖွဲ့အစည်းရဲ့ သမိုင်းကိုတော့ ငါ နည်းနည်း သိတယ်... အတွင်းလူတွေ ပြောပြချက်အရ ဆိုရင် ဒီအဖွဲ့အစည်းက နှစ်ပေါင်း တစ်ရာလောက် သမိုင်း ရှိနေပြီတဲ့"

နံပါတ် ၃ က ဖြေလိုက်သည်။

"အော်... အဲဒီလိုလား..."

ဆွန်ဖုန်း ဤစကားကို ကြားသောအခါ အလေးအနက် စဉ်းစားခန်း ဝင်သွားသည်။

ဤအဖွဲ့အစည်းက နှစ်ပေါင်း တစ်ရာတောင် သမိုင်း ရှိနေပြီဟု သူ လုံးဝ မထင်မှတ်ထားခဲ့ပေ။ ရှေးဟောင်း အဖွဲ့အစည်း တစ်ခု ဖြစ်ပုံရသည်။ ယခင်က ဤကဲ့သို့သော အဖွဲ့အစည်း ရှိကြောင်း သူ လုံးဝ မကြားဖူးခဲ့ပေ။ ဘာကြောင့်များ ရာစုနှစ် တစ်ခုလုံး ကြာအောင် မပျောက်ပျက်ဘဲ တည်ရှိနေနိုင်ရသနည်း။

သို့သော် ဤအဖွဲ့အစည်းက မည်သည့် နိုင်ငံနှင့်မျှ မသက်ဆိုင်သဖြင့် ဆွန်ဖုန်း အနေဖြင့် သိပ်ပြီး စိုးရိမ်စရာ မလိုပေ။ ထို့အပြင် သူတို့က ဆွန်ဖုန်းကို ရည်ရွယ်ချက် ရှိရှိ တိုက်ခိုက်ခြင်း မဟုတ်ဘဲ ငွေရလို့ အလုပ်လုပ်ပေးခြင်းသာ ဖြစ်သည်။ ဤသို့ဆိုလျှင် ကိစ္စက သိပ်မရှုပ်ထွေးတော့ပေ။

သို့သော် ဤအဖွဲ့အစည်းက ဤမျှ အဆင့်မြင့်သော လက်နက်များကို တီထွင်နိုင်ပြီး အဆင့်နိမ့် စွမ်းအင်ကိုပင် စတင် အသုံးပြုနေပြီ ဖြစ်ရာ ဆွန်ဖုန်း အနေဖြင့် အလွန် သိချင်စိတ် ဖြစ်မိသည်။ ယခု လက်ရှိတွင် အပြည့်အဝ အသုံးမချနိုင်သေးသော်လည်း အခွင့်အရေး ရပါက သွားရောက် စူးစမ်းကြည့်ရန် သူ ဆုံးဖြတ်လိုက်သည်။

"ဒါနဲ့... သုတေသနဌာနက ငါတို့ကို ပေးတဲ့ လက်နက်တွေက အရမ်း နည်းတယ်... ဒီလို လက်နက်တွေကို အများကြီး တီထွင်ဖို့ ခက်ခဲပုံ ရတယ်... ဒါကြောင့်လည်း ငါတို့ လူသတ်ဌာနက လူ ၁၀၀ လောက်ပဲ ရှိတာ... အဖွဲ့အစည်းကို ထပ်တိုးချဲ့လို့ မရဘူး... အကြောင်းရင်းကတော့ အဆင့်မြင့် လက်နက်တွေ မလုံလောက်လို့ လူအများကြီးကို တပ်ဆင် မပေးနိုင်လို့ပဲ..."

နံပါတ် ၃ က နောက်ထပ် အရေးကြီးသော အချက် တစ်ခုကို ထုတ်ပြောလိုက်သည်။

"အော်... အဲဒီလိုကိုး..."

ဆွန်ဖုန်း ဤစကားကို ကြားသောအခါ သိပ်မအံ့ဩတော့ပေ။ ဤလက်နက်များက အဆင့်နိမ့် စွမ်းအင်ကို အသုံးပြုထားခြင်း ဖြစ်ရာ သူတို့က လက်နက်များ ထပ်မထုတ်လုပ်နိုင်ခြင်း မဟုတ်ဘဲ အဆင့်နိမ့် စွမ်းအင် လိုအပ်နေခြင်း ဖြစ်မည်။

ကမ္ဘာမြေပေါ်တွင် အဆင့်နိမ့် စွမ်းအင် မရှိကြောင်း သူ ကောင်းကောင်း သိသည်။ သူ ကိုယ်တိုင်ပင် မတော်တဆ ရရှိခဲ့ခြင်းသာ ဖြစ်သည်။ တစ်ဖက်လူလည်း ဤပြဿနာနှင့် ကြုံနေရမည်မှာ သေချာသည်။

"ဒါကြောင့်ကိုး... ဒီလိုမှ မဟုတ်ရင် တစ်ဖက်လူက ဒီလောက် အဆင့်မြင့်တဲ့ လက်နက်တွေကို အများကြီး ထုတ်နိုင်ခဲ့ရင် ဒီအဖွဲ့အစည်းက ဒီလောက် တိတ်တိတ်ဆိတ်ဆိတ် နေမှာ မဟုတ်ဘူး... နှစ်ပေါင်း တစ်ရာတောင် သမိုင်း ရှိနေတာ... ကမ္ဘာကြီးကို တုန်လှုပ်စေမယ့် ကိစ္စတွေ လုပ်ပြီးလောက်ပြီ..."

ဆွန်ဖုန်းက စိတ်ထဲတွင် တွေးလိုက်သည်။

"ပိုင်ရှင်... ကြည့်ရတာ ဒီအဖွဲ့အစည်းက ဂြိုဟ်သားတွေရဲ့ နည်းပညာ တစ်ချို့ကို ရထားတာ ဖြစ်နိုင်တယ်... ဒါကြောင့် အဆင့်နိမ့် စွမ်းအင်ကို သုံးပြီး စွမ်းအင် လက်နက်တွေကို ကနဦး တီထွင်နိုင်ခဲ့တာ... ကျွန်တော် တော်တော် စိတ်ဝင်စားသွားပြီ... ဒီအဖွဲ့အစည်းရဲ့ လျှို့ဝှက်ချက်တွေကို ဖော်ထုတ်ချင်စိတ် ပေါက်လာပြီ..."

အသံလက်ထောက်က ဝင်ပြောသည်။

"အင်း... ငါလည်း အရမ်း စိတ်ဝင်စားတယ်"

ဆွန်ဖုန်းက ခေါင်းညိတ်လိုက်သည်။

လွန်ခဲ့သော အကြိမ်က ဘာမြူဒါ တြိဂံတွင် ဂြိုဟ်သား အာကာသယာဉ်ကို သူ ရှာတွေ့ခဲ့သည် မဟုတ်ပါလား။ ဆိုလိုသည်မှာ အခြား ဂြိုဟ်သား ယာဉ်များလည်း ကမ္ဘာမြေပေါ်သို့ ကျရောက်ပြီး အခြားလူများ ရှာတွေ့သွားနိုင်သည်ဟု ကောက်ချက်ချနိုင်သည်။ သူ အကျိုးအမြတ် ရနိုင်သလို သူများလည်း ရနိုင်သည် မဟုတ်ပါလား။

"နံပါတ် ၃... မင်းတို့ အဖွဲ့အစည်းရဲ့ ဌာနချုပ် ဘယ်မှာရှိလဲ သိလား..."

"အဲဒါတော့ ငါ မသိဘူး... လူသတ်ဌာနရဲ့ ဌာနချုပ် ဘယ်မှာ ရှိလဲဆိုတာတောင် ငါ မသိဘူး... ငါ နေတဲ့ ဌာနခွဲက နယူးယောက်မှာ ရှိတယ်... ဒီ လူသတ်သမား ၁၀၀ ထဲမှာ ငါ မြင်ဖူးတာ အယောက် ၂၀ လောက်ပဲ ရှိတယ် ကျန်တဲ့ လူတွေကို မမြင်ဖူးဘူး... နေရာအနှံ့မှာ၊ ဌာနခွဲ အသီးသီးမှာ ခွဲနေကြတာ ဖြစ်မယ်..."

နံပါတ် ၃ က ဖြေလိုက်သည်။

"အင်း... ဟုတ်ပြီ... ဒါဆို မင်း နေတဲ့ ဌာနခွဲက နယူးယောက်က ဘယ်နေရာမှာလဲ..."

ဆွန်ဖုန်း၏ နှုတ်ခမ်းထောင့်များ တွန့်ကွေးသွားသည်။

"နယူးယောက် ဆင်ခြေဖုံးက ဘေ့စ် ခြံရဲ့ မြေအောက်မှာ"

"အော်... သိပြီ... မင်း ပူးပေါင်းပေးတဲ့အတွက် ကျေးဇူးပါပဲ... အခု မင်း သေလို့ ရပြီ"

ဆွန်ဖုန်းက ရက်စက်စွာ ပြုံးကာ ဤအမျိုးသမီးကို သတ်ရန် ပြင်လိုက်သည်။ သူမက အများကြီး သိသွားပြီ ဖြစ်သည်။ သူ၏ စက်ရုပ် ကိုယ်ရံတော်များကို ပစ်ခတ်၍ မသေကြောင်း မြင်သွားသလို၊ အပြာရောင် လေဆာ၏ စွမ်းအားနှင့် ဆွန်ဖုန်း၏ စွမ်းရည်များကိုပါ မြင်သွားခဲ့ပြီ ဖြစ်သည်။ ဤအမျိုးသမီး... အလှဆုံး ဖြစ်နေလျှင်တောင်မှ သေရမည်သာ။

"နိုး... နိုး... နိုး... ငါ့ကို မသတ်ပါနဲ့... ငါ... ငါ နင့်နောက် လိုက်မယ်... နင့်အတွက် အိပ်ရာ နွှေးပေးလို့ ရတယ်... နင့်အတွက် အလုပ်တွေ အများကြီး လုပ်ပေးမယ်... နင့်အတွက် လူသတ်ပေးမယ်... နင့်အတွက် အလုပ် လုပ်ပေးမယ်..."

နံပါတ် ၃ သည် ဤမျှများပြားသော အဖြစ်အပျက်များကို ကြုံတွေ့ပြီးနောက် အရင်ကလို တည်ငြိမ်ပြီး မာနကြီးမနေတော့ပေ။ ယခုအခါ သူမ အသက်ရှင်ချင်ရုံသာ ရှိတော့သည်။

"မဟုတ်ဘူး... မင်းက အရမ်း သိသွားပြီ... နောက်ပြီး... ငါ့မှာ မိန်းမ မရှားဘူး အထူးသဖြင့် လှပပြီး အရည်အချင်း ရှိတဲ့ မိန်းမတွေပေါ့ ဒါကြောင့် မင်း အေးအေးဆေးဆေး သွားလိုက်ပါ... ငါနဲ့ လာတွေ့မိတာကိုပဲ အပြစ်တင်လိုက်တော့"

နောက်တစ်စက္ကန့်တွင် ဆွန်ဖုန်းသည် နံပါတ် ၃ နိုင်ငံခြားသူ အလှလေး၏ လည်ပင်းကို ချိုးလိုက်သည်။ သူမ၏ မျက်လုံးများ ပြူးကျယ်သွားပြီး အလွန် မကျေမနပ် ဖြစ်နေသော မျက်နှာဖြင့်... ဤသို့ဖြင့် အလွန် လှပသော အမျိုးသမီး တစ်ဦး အသက်ပျောက်သွားလေတော့သည်။

ဆွန်ဖုန်းသည် လှပသော အမျိုးသမီးကို မြင်တိုင်း လက်မပါရဲသော သူ မဟုတ်ပေ။ ရက်စက်ရမည့် အချိန်တွင် ရက်စက်ရမည်သာ။ မဝံ့မရဲ ဖြစ်နေသူများက ကြီးမားသော အောင်မြင်မှုများ မရနိုင်ပေ။ ဤအမျိုးသမီးနှင့် ၈ နာရီတိတိ အချစ်ကြမ်းခဲ့ရသော်လည်း သတ်သင့်လျှင် သတ်ရမည်သာ။

"ပိုင်ရှင်... ငါတို့ နယူးယောက်က ရန်သူ့ စခန်းကို အခုပဲ သွားကြည့်ကြမလား..."

အသံလက်ထောက်က မေးလိုက်သည်။

"မလောနဲ့ဦး... တစ်ဖက်လူ ဘယ်လို တုံ့ပြန်မလဲ အရင် စောင့်ကြည့်ရအောင်... သူတို့က ဆက်တိုက် လူ သုံးယောက်တောင် ငါတို့ လက်ထဲမှာ သေသွားတာ ဆိုတော့ သူတို့ ဘယ်လို တုံ့ပြန်မလဲ ငါ တော်တော် သိချင်နေပြီ..."

ဆွန်ဖုန်းက ရယ်မောလိုက်သည်။

ယခုအခါ ဆွန်ဖုန်း အနေဖြင့် ထာဝရ မဟာမိတ် အဖွဲ့အစည်း၏ ရေခဲတောင် ထိပ်စွန်းလေးကိုသာ သိရသေးသော်လည်း သိပ်ပြီး ဂရုမစိုက်ပေ။ သူ့တွင် အကြွင်းမဲ့ တိုက်ခိုက်ရေး စွမ်းရည် ရှိနေသည် မဟုတ်ပါလား။ ဘာကို ကြောက်ရမည်နည်း။ ကြောက်စရာ မလိုဘူး... တိုက်ဖို့ပဲ ရှိတယ်။

ဆွန်ဖုန်းက စက်ရုပ် အချို့ကို အလောင်းများ ရှင်းလင်းခိုင်းလိုက်ပြီး လူစီကို ခေါ်ကာ ဟိုတယ် တစ်ခုသို့ သွားရောက် အိပ်စက်လိုက်သည်။ မနေ့ညက တစ်ညလုံး တိုက်ပွဲဝင်ခဲ့ရသဖြင့် တကယ်ကို ပင်ပန်းနေပြီ ဖြစ်သည်။

နောက်တစ်နေ့ နံနက် ဆယ်နာရီကျော်မှ ဆွန်ဖုန်း အိပ်ရာက နိုးလာသည်။ လူစီနှင့်အတူ မနက်စာ စားပြီးနောက် ဖုန်းရွေ့ သုတေသနဌာနသို့ ပြန်လာခဲ့သည်။ မနေ့က ဖြစ်ရပ်များကြောင့် ရဲတွေ ရောက်လာခဲ့သော်လည်း ဘာသဲလွန်စမှ မတွေ့ရသဖြင့် အမှုပိတ်သွားခဲ့သည်။

ဆွန်ဖုန်းသည် လာမည့်ရက်များတွင် ဤနေရာ၌ အခြေစိုက်ကာ တစ်ဖက်လူ၏ တုံ့ပြန်မှုကို စောင့်ကြည့်ရန် ဆုံးဖြတ်လိုက်သည်။ လောလောဆယ်တွင် သူ့အတွက် အလုပ် သိပ်မရှိတော့ပေ။ အလုပ်အများဆုံး သူမှာ စူးမေး ဖြစ်သည်။ ဖုန်းရွေ့ ပင်လယ်ရေ ယူရေနီယမ် ထုတ်ယူရေး စက်ရုံ တည်ဆောက်ရေး အတွက် သူမ အတော်လေး အလုပ်များနေမည် ဖြစ်သည်။

...

နယူးယောက်၊ ဆင်ခြေဖုံးရှိ သိပ်ပြီး လူမသိသူမသိ လယ်ကွင်း တစ်ခု၏ အောက်တွင် ကြီးမားသော မြေအောက်စခန်း တစ်ခု ရှိနေသည်ကို မည်သူမျှ မသိကြပေ

"နံပါတ် ၅... နံပါတ် ၆... နံပါတ် ၃၊ နံပါတ် ၇ နဲ့ နံပါတ် ၂၁ တို့ဆီက သတင်း မရသေးဘူးလား..."

နံပါတ် ၁၀ က မျက်မှောင်ကြုတ်ကာ နံပါတ် ၉ ကို မေးလိုက်သည်။

"ဟုတ်တယ်... သူတို့ သုံးယောက် နယူးဖောင်လန်ကို တာဝန် ထမ်းဆောင်ဖို့ သွားတာ... အခုထိ ဘာသတင်းမှ ပြန်မရသေးဘူး... နံပါတ် ၂၁ ရဲ့ တာဝန်က နည်းနည်း ခက်ခဲပေမဲ့ ကျန်တဲ့ နှစ်ယောက်ကတော့ ပြန်ရောက်နေသင့်ပြီလေ..."

နံပါတ် ၉ က သံသယဖြင့် ပြန်ဖြေသည်။

"သူတို့ တစ်ခုခု ဖြစ်သွားပြီလို့ ငါ ခံစားနေရတယ်... အခု သူတို့ကို ဆက်သွယ်လို့လည်း မရဘူး... ဒီအခြေအနေကို အထက်ကို မြန်မြန် အစီရင်ခံကြရအောင်..."

"ကောင်းပြီ... ငါ သဘောတူတယ်"

မကြာမီ ဤသတင်းသည် လူသတ်ဌာန၏ ဌာနချုပ်သို့ ရောက်ရှိသွားသည်။ လူသတ်ဌာန ဌာနချုပ်၏ အမိန့်မှာ နယူးယောက် ဌာနခွဲမှ လူများကို အမိန့် ထပ်မံ မရမချင်း မလှုပ်ရှားရန်နှင့် အခြေအနေကို စောင့်ကြည့်ရန် ဖြစ်သည်။ တစ်ခဏချင်းမှာပင် ဖုန်းရွေ့ သုတေသနဌာနသည် ထာဝရ မဟာမိတ် အဖွဲ့အစည်း၏ အဓိက စောင့်ကြည့်ရမည့် ပစ်မှတ် ဖြစ်လာတော့သည်။

ဆွန်ဖုန်းသည် မျှော်လင့်ချက် ကြီးစွာဖြင့် စောင့်ဆိုင်းနေခဲ့သော်လည်း လဝက်ခန့် ကြာသည်အထိ ရန်သူဘက်မှ ဘာလှုပ်ရှားမှုမှ မတွေ့ရပေ။ နောက်ဆုံးတွင် သူ သည်းခံစိတ် ကုန်ဆုံးသွားပြီး ဤနေရာတွင် စက်ရုပ် ကိုယ်ရံတော် နှစ်ဆယ်ကျော် စောင့်ကြပ်နေသဖြင့် ဘာမှ မဖြစ်နိုင်ဟု ယုံကြည်ကာ ရှန်းဖုန်း ရေနံမြေသို့ သွားရောက် စစ်ဆေးရန် ထွက်ခွာလာခဲ့လေသည်။