အခန်း ၃၇၄
Vol. 38 Ch. 374
အခန်း ၃၇၄ - ပထမဆုံး အကြိမ် ရယူလိုက်ခြင်း
မိန်းမများ အချင်းချင်း ဆုံတွေ့ကြသောအခါ တကျီကျီ တကျာကျာဖြင့် စတင် စကားပြောဆိုကြလေတော့သည်။ ဝူမုန်ရှင်း သည် ဆွန်ဖုန်း၏ ကလေး သုံးယောက်ကို မြင်သည်နှင့် တစ်ပြိုင်နက် မိခင်မေတ္တာများ ချက်ချင်း ပေါက်ကွဲလာပြီး ဒီတစ်ယောက်ကို ချီလိုက်၊ ဟိုတစ်ယောက်ကို နမ်းလိုက်၊ ဒီတစ်ယောက်ကို ချော့လိုက်ဖြင့် အလုပ်ရှုပ်နေလေသည်။ သို့သော် အချောအလှလေး ဆိုတော့လည်း မတူပါဘူးလေ၊ ဤကလေး သုံးယောက်လုံးက ဝူမုန်ရှင်း ကို အလွန် သဘောကျကြလေသည်။
အထူးသဖြင့် ဆွန်ဖုန်း၏ သားဖြစ်သူမှာ ဝူမုန်ရှင်း သူ့ကို ချီလိုက်သည်နှင့် ရှေ့သို့ လက်လှမ်းကာ ကိုင်တွယ်ရန် ကြိုးစားရင်း "နို့စို့မယ်..." ဟု စကားမပီတပီဖြင့် ပြောလိုက်လေသည်။ ဤအပြုအမူကြောင့် ဝူမုန်ရှင်း ၏ မျက်နှာလေး ချက်ချင်း ရဲသွားပြီး အလွန် ရှက်ရွံ့သွားလေသည်။ ဟယ်မင်ယီ က ဤအခြေအနေကို မြင်သောအခါ သားဖြစ်သူကို အလျင်အမြန် ပြန်လုယူကာ တင်ပါးကို ရိုက်လျက် ပြောလိုက်လေသည်။
"ဘာစို့မှာလဲ လျှောက်စို့လို့ မရဘူး အဲဒါ ဖေဖေ စို့ဖို့ မင်းနဲ့ ဘာဆိုင်လို့လဲ"
ဟယ်မင်ယီ က ခါးထောက်ကာ သားဖြစ်သူကို ဆူပူလိုက်လေသည်။
"ဖူး..."
ဟယ်မင်ယီ၏ စကားကြောင့် လျန်ယင်း နှင့် ယန်ရွှယ် တို့ နှစ်ယောက် ချက်ချင်း ရယ်ချလိုက်ကြလေသည်။ သူတို့ နှစ်ဦးက ပါးစပ်ကို အုပ်ကာ ဝူမုန်ရှင်း ကို တစ်လှည့်၊ ဆွန်ဖုန်းကို တစ်လှည့် ကြည့်ရင်း မျက်နှာတွေ ရဲလာသည်အထိ ရယ်မောကြရာ ဗိုက်ပင် အောင့်သွားကြလေသည်။
"မင်ယီ နင် ဘာတွေ လျှောက်ပြောနေတာလဲ"
ဝူမုန်ရှင်း မှာ ယခုအခါ အရှက်လွန်နေပြီ ဖြစ်ပြီး ဆွန်ဖုန်းကိုပင် မကြည့်ရဲအောင် မျက်လုံးများ လွှဲဖယ်ထားရလေသည်။
"အဟမ်း အဟမ်း ဟယ်မင်ယီ က တမင် ပြောတာ မဟုတ်ပါဘူး နင် စိတ်ထဲ မထားနဲ့နော်"
ဆွန်ဖုန်းက ဤအခြေအနေတွင် ဟယ်မင်ယီ ကို စိတ်ထဲမှ အကြိမ်သုံးဆယ်ခန့် ချီးကျူးလိုက်လေသည်။ 'သောက်ကျိုးနည်း တကယ်ကို ပါးနပ်တာပဲ စကားပြော တကယ် တတ်တာပဲ'
"သိပါတယ်"
ဝူမုန်ရှင်း က ခေါင်းငုံ့ထားပြီး ဆွန်ဖုန်းကိုပင် မကြည့်ရဲချေ။
"လာ လာ လာ ငါတို့ တခြား အကြောင်း ပြောကြရအောင် မုန်ရှင်း အခု နင့်မှာ ရည်းစား ရှိနေပြီလား"
လျန်ယင်း က ဝူမုန်ရှင်း ကို ဆွဲထိုင်ခိုင်းပြီး တီးတိုး မေးလိုက်လေသည်။ သူတို့ နှစ်ဦးက ဤညီအစ်မများထဲတွင် အရင်းနှီးဆုံး ဖြစ်လေသည်။ အရင်က သူတို့က ဆွန်ဖုန်းနှင့် အစောဆုံး လိုက်ပါ လုပ်ကိုင်ခဲ့သော မိန်းမများ ဖြစ်ပြီး ဆွန်ဖုန်း အတွက် အမြဲ ပေးဆပ်ခဲ့ကြသည်။ အင်း သူတို့ နှစ်ဦး၏ လစာများကလည်း မနည်းလှပေ။ သို့သော် သူတို့ နှစ်ဦးက အတူတူ အလုပ်လုပ်ရသော အချိန် အများဆုံး ဖြစ်သဖြင့် ညီအစ်မ အရင်းများကဲ့သို့ ဖြစ်နေကြလေသည်။
"မ မရှိသေးပါဘူး"
ဝူမုန်ရှင်း က ပြန်ဖြေလိုက်လေသည်။
"အော် ကောင်းတာပေါ့ အင်း လူပျို ဖြစ်တာ ကောင်းပါတယ်"
လျန်ယင်း ၏ ရှေ့တစ်ပိုင်း စကားကြောင့် ဝူမုန်ရှင်း အနည်းငယ် အံ့သြသွားပြီး နောက်မှ အလျင်အမြန် ရှင်းပြလိုက်လေသည်။
"လူပျို ဖြစ်တာ ကြာလာရင်လည်း အထီးကျန်တာပဲ"
ဝူမုန်ရှင်း က ညည်းတွားသလို ပြောလိုက်လေသည်။
"ဒါဆိုလည်း ရည်းစား တစ်ယောက် ရှာပေါ့"
"အဆင်ပြေတဲ့ သူ မတွေ့သေးလို့ပါ ဟူး"
ဝူမုန်ရှင်း က သက်ပြင်းချလိုက်ပြီး ရုတ်တရက် မနီးမဝေးတွင် ရှိနေသော ဆွန်ဖုန်းကို ခိုးကြည့်လိုက်လေသည်။ ဤလှုပ်ရှားမှုကို လျန်ယင်း က အထင်းသား မြင်တွေ့လိုက်ရပြီး ဝူမုန်ရှင်း ၏ ရင်ထဲတွင် ဆွန်ဖုန်းကို သေချာပေါက် သဘောကျနေကြောင်း သိလိုက်လေသည်။ ဤအချက်တွင် မိန်းမများ အချင်းချင်း၏ အလိုလို သိစိတ်က အမှန်ကန်ဆုံး ဖြစ်လေသည်။
"ဘာလို့ အဆင်ပြေတဲ့ သူ မတွေ့ရတာလဲ"
လျန်ယင်း က သိချင်စိတ်ဖြင့် မေးလိုက်လေသည်။
"အဆင်ပြေတဲ့ သူ မတွေ့သေးလို့ပေါ့"
ဝူမုန်ရှင်း ၏ လေသံတွင် အနည်းငယ် ဝမ်းနည်းမှုလေး ရောယှက်နေလေသည်။
"ဟားဟား ပြဿနာ မရှိပါဘူး နင် သေချာပေါက် တွေ့မှာပါ ငါ နင့်ကို ယုံတယ်"
လျန်ယင်း က နောက်ပြောင်လိုက်လေသည်။
ညဘက် ရောက်သောအခါ မိန်းမများက ဝူမုန်ရှင်း ကို တမင်တကာ အရက်များ ဆက်တိုက် တိုက်ကြလေသည်။ ဟီးဟီး ဆွန်ဖုန်းက သူတို့ကို ဒီလို လုပ်ခိုင်းတာ မဟုတ်ပေ။ ဒါတွေ အားလုံးက ဟယ်မင်ယီ ၏ သွေးထိုးမှုများသာ ဖြစ်လေသည်။
"လာ ငါတို့ ညီအစ်မတွေ တွေ့ရခဲတယ် ခွက်ချင်း တိုက်ကြမယ်"
ဟယ်မင်ယီ က အရက်ခွက်ကို မြှောက်ကာ အားလုံးကို ပြောလိုက်လေသည်။
"လာ သောက်မယ်"
လျန်ယင်း ကလည်း ရဲရင့်စွာ ပြောလိုက်လေသည်။ အိမ်တွင်းပုန်းလေး ဖြစ်သော ယန်ရွှယ် ပင်လျှင် ယနေ့ည အရက် သောက်လေသည်။ ဆွန်ဖုန်းနှင့် တွဲပြီးကတည်းက သူမက အရက်သောက်လေ့ အလွန် နည်းပါးခဲ့သည်။
"သောက်မယ်"
အရှက်အကြောက် ကြီးသော ဝူမုန်ရှင်း မှာလည်း ရဲရင့်လာပြီး အရက်ခွက်ကို မြှောက်ကာ တစ်ကျိုက်တည်း မော့သောက်လိုက်လေသည်။
"ငါတို့ အားလုံး ပျော်ရွှင်ရမယ်"
ဟယ်မင်ယီ တို့၏ အကြံအစည်ဖြင့် သိပ်မကြာခင်မှာပင် ဝူမုန်ရှင်း မှာ မသိမသာဖြင့် အရက်များ တိုက်ခံလိုက်ရပြီး စားသောက်ပြီးချိန်တွင် ဝူမုန်ရှင်း မှာ အတော်လေး မူးယစ်နေလေပြီ။ သူမ၏ လှပသော မျက်နှာလေးပေါ်တွင် နီရဲသော အရောင်လေး နှစ်ခု ပေါ်နေပြီး အလွန် လှပနေလေသည်။
"သွားစို့ ငါတို့ ရေသွားချိုးရအောင်"
ဟယ်မင်ယီ လည်း အနည်းငယ် မူးနေပြီ ဖြစ်ပြီး မိန်းမ တစ်စုကို ဆွဲခေါ်ကာ ရေချိုးခန်းထဲသို့ ဝင်သွားလေသည်။
"အို ဒီလို လုပ်လို့ ကောင်းပါ့မလား ငါတို့ အတူတူလား"
ဝူမုန်ရှင်း က အနည်းငယ် အနေရခက်နေလေသည်။ သူမက ဒီလို အခြေအနေမျိုး တစ်ခါမှ မကြုံဖူးချေ။
"ဘာကြောက်စရာ ရှိလို့လဲ ယောကျာ်းမှ မပါတာ ငါတို့ မိန်းကလေးတွေ ချည်းပဲ မကြောက်ပါနဲ့ လာ"
လျန်ယင်း က ဝူမုန်ရှင်း ကို ဆွဲခေါ်ပြီး သူမ ပြောခွင့် မပေးဘဲ အတူတူ ဝင်သွားကြလေသည်။
"သောက်ကျိုးနည်း တကယ် မိုက်တာပဲ ငါကော အတူတူ လိုက်လို့ ရမလား"
ဆွန်ဖုန်းမှာ ယခုအချိန်တွင် ဆိုဖာပေါ်တွင် ထိုင်ကာ ဆေးလိပ် တစ်လိပ် သောက်ရင်း ဤသတင်းကောင်းကို ကြားလိုက်ရသောအခါ ပါးစပ် အဟောင်းသား ဖြစ်သွားပြီး သွားရည်များပင် ကျလာမတတ် ဖြစ်သွားလေသည်။
"ထွက်သွား"
"......"
သို့သော် ငါးမိနစ်ပင် မပြည့်ခင်မှာပင် ဆွန်ဖုန်းက အတင်း ဝင်ရောက်သွားပြီး အတင်းအဓမ္မ သိမ်းပိုက်လိုက်တော့သည်။ အဟမ်း အဟမ်း။
နောက်ဆုံးတော့ ဤတစ်ကြိမ်တွင် ဆွန်ဖုန်းသည် မိန်းမ အများအပြားနှင့် အတူ အိပ်စက်ခြင်းကို စမ်းသပ်ခွင့် ရသွားပြီး ဝူမုန်ရှင်း ၏ ပထမဆုံး အကြိမ်ကိုလည်း ရယူနိုင်ခဲ့လေသည်။
နောက်နေ့ မနက်တွင် ဆွန်ဖုန်း နိုးလာသောအခါ အခြား မိန်းမ သုံးယောက်က ထသွားကြပြီ ဖြစ်ပြီး ဝူမုန်ရှင်း တစ်ယောက်သာ အိပ်နေဆဲ ဖြစ်ကြောင်း တွေ့လိုက်ရလေသည်။ မနေ့ညက သူမက အဓိက အင်အားစု အဖြစ် ပါဝင်ခဲ့ရသဖြင့် အလွန် ပင်ပန်းသွားခဲ့ပုံ ရသည်။
ထိုသို့ဖြင့် ဆွန်ဖုန်းသည် အိပ်မောကျနေသော အလှလေး ဝူမုန်ရှင်း ကို တိတ်တဆိတ် ကြည့်နေလေသည်။ ဤတစ်ကြိမ်တော့ ဝူမုန်ရှင်း ကို သူ တကယ်ပဲ ရယူနိုင်ခဲ့ပြီ ဖြစ်သည်။ 'ဟားဟား' အရေးအကြီးဆုံးမှာ နောက်ပိုင်းတွင် ဤကဲ့သို့ မိန်းမ အများအပြားနှင့် အတူ အိပ်စက်ခွင့်များ ပိုမို များပြားလာမည် ဖြစ်လေသည်။
အိပ်မက်ထဲတွင် ဝူမုန်ရှင်း ၏ မျက်ခုံးလေးများက အနည်းငယ် တွန့်ကွေးနေပြီး မျက်နှာပေါ်တွင် နာကျင်မှုနှင့် ပျော်ရွှင်မှုတို့ ရောယှက်နေကာ ပျော်ရွှင် ကျေနပ်မှုနှင့်အတူ ဆန္ဒ ပြည့်ဝသွားသော ခံစားချက်မျိုးလည်း ပါဝင်နေလေသည်။ သူမ၏ မျက်နှာလေးက အရင်အတိုင်း ဖြူစင် သန့်ရှင်းပြီး ချစ်စရာ ကောင်းနေသဖြင့် ဆွန်ဖုန်း အလွန် သဘောကျနေမိသည်။
"အင်း"
သိပ်မကြာခင်မှာပင် ဝူမုန်ရှင်း နိုးလာပြီး ဆွန်ဖုန်းက သူမကို ဒီအတိုင်း စိုက်ကြည့်နေသည်ကို မြင်သောအခါ အနည်းငယ် အနေရခက်သွားလေသည်။ မနေ့ညက ကိစ္စကို သတိရသွားပြီး မျက်နှာလေး ချက်ချင်း ရဲသွားကာ "ဘာလို့ အဲဒီလို ကြည့်နေတာလဲ" ဟု မေးလိုက်လေသည်။
"လှလို့ပေါ့"
ဆွန်ဖုန်းက အနည်းငယ် ကောက်ကျစ်စွာ ပြုံးလျက် ပြောလိုက်လေသည်။ ယခု ဝူမုန်ရှင်း က ဆွန်ဖုန်း အပေါ်တွင် စိတ်ပါနေပြီ ဖြစ်သည်။ မိမိ အနေဖြင့် ညီအစ်မ တစ်စုနှင့် ယောကျာ်း တစ်ယောက်ကို မျှဝေခံစားရမည် ဆိုလျှင်တောင် သူမက ကျေနပ်နေပြီ ဖြစ်ကြောင်း သိထားလေသည်။
"တကယ်လား"
"သေချာတာပေါ့ လာ ငါတို့ ထပ်ပြီး လေ့ကျင့်ခန်း လုပ်ကြရအောင်"
ဆွန်ဖုန်းက အော်ဟစ်လိုက်ပြီး အပေါ်သို့ ခုန်အုပ်လိုက်ပြန်လေသည်။
"မ... မကောင်းပါဘူး ထင်တယ် ကျွန်မ... ကျွန်မ မခံနိုင်တော့ဘူး"
ဆွန်ဖုန်း၏ လုပ်ရပ်ကြောင့် ဝူမုန်ရှင်း တစ်ယောက် ညည်းတွား အော်ဟစ်လိုက်ရလေသည်။
နောက်ထပ် နာရီဝက် အကြာတွင် ဆွန်ဖုန်းက ဝူမုန်ရှင်း ကို ဖက်ထားရင်း မိန်းမများ အကြားချင်ဆုံး ချိုသာသော စကားများကို ပြောနေလေသည်။
"မုန်ရှင်း ကိုယ် မင်းကို တာဝန်ယူပါ့မယ် မင်း မိဘတွေကလည်း ကိုယ်နဲ့ မင်း အတူတူ နေတာကို သဘောကျပုံ ရတယ် နောက်ပိုင်း ကိုယ့်နောက်ကို လိုက်ခဲ့ပါလား ဘယ်လိုလဲ"
"အင်း"
ဝူမုန်ရှင်း က ရှက်သွေးဖြာစွာဖြင့် ခေါင်းငုံ့ကာ နှာခေါင်းသံလေးဖြင့် တိုးတိုးလေး ညည်းလိုက်လေသည်။
"ကောင်းပြီ ဒါဆို မနက်ဖြန် ကိုယ်တို့ ဗန်ကူးဗား ကို ဟန်းနီးမွန်း သွားထွက်ကြမယ် ဟားဟား မင်းက အေဗရယ် ရဲ့ ဖျော်ဖြေပွဲ ကြည့်ချင်တယ် ဆို ကိုယ် မင်းကို ခေါ်သွားမယ် အတူတူ ကြည့်ကြမယ်"
"ဟုတ်"
ထိုသို့ဖြင့် သူတို့ နှစ်ဦးသည် နောက်နေ့တွင် ဗန်ကူးဗား သို့ ဟန်းနီးမွန်း ထွက်သွားကြလေသည်။ ကျန်ရစ်သော မိန်းမများကလည်း သူတို့ နောက်သို့ မလိုက်တော့ဘဲ သူတို့ နှစ်ဦးတည်း လွတ်လွတ်လပ်လပ် နေခွင့် ပေးလိုက်ကြလေသည်။
ဗန်ကူးဗား တွင် တစ်ပတ်ကျော်ကြာ လည်ပတ်ပြီးနောက် နောက်ဆုံးတော့ ဟန်းနီးမွန်း ခရီးစဉ် ပြီးဆုံးသွားလေသည်။ နောက်ဆုံးတွင် ဝူမုန်ရှင်း မှာ မျက်နှာပေါ်တွင် ပျော်ရွှင်မှု အပြည့်ဖြင့် လီယာဒက်ဘတ် သို့ ပြန်သွားပြီး ဆွန်ဖုန်းလည်း အလုပ်များ စတင် လုပ်ဆောင်ရန် ပြန်လာခဲ့လေသည်။
ဂျားလော့ ရေနံမြေတွင် လွန်ခဲ့သော နှစ်လကတည်းက X အမျိုးအစား ကမ်းလွန် ရေနံတူးဖော်ရေး စင်မြင့်ကို စတင် တပ်ဆင်နေပြီ ဖြစ်သည်။ မကြာမီတွင် ဤ ဂျားလော့ ရေနံမြေကို တရားဝင် စတင် တူးဖော်နိုင်တော့မည် ဖြစ်ကြောင်း ဆွန်ဖုန်း သိထားလေသည်။
ထိုအချိန်ကျလျှင် သူက အောင်မြင်မှုများ ပြသနိုင်ပါက ပြင်ပမှ အသိအမှတ်ပြုမှုကို ရရှိမည် ဖြစ်ပြီး အရေးအကြီးဆုံးမှာ ကျင်းချန် ရေနံကုမ္ပဏီ နှင့် ဖီးလက်စ် တို့၏ အသိအမှတ်ပြုမှုကို ရရှိမည် ဖြစ်လေသည်။
ထိုအခါကျလျှင် ’ ဟီးဟီး... ' အဖွဲ့ သုံးဖွဲ့ ပူးပေါင်းကာ နယူးဖောင်လန် အနောက်ပိုင်းရှိ မြေလွှာကျောက် ရေနံမြေများ ဖွံ့ဖြိုးတိုးတက်ရေး အတွက် ဆွေးနွေးနိုင်ပြီ ဖြစ်လေသည်။
ဆွန်ဖုန်းသည် ဗန်ကူးဗား မှ ပြန်ရောက်ပြီး အိမ်တွင် တစ်ရက်သာ နားကာ ဂျားလော့ ရေနံမြေ ဘက်သို့ ထွက်သွားလေသည်။ လက်ရှိတွင် စူးမေး က ထိုနေရာတွင် တာဝန်ယူ ကြီးကြပ်နေပြီး၊ စိန့်ဖုန်း ရေနံမြေ ဘက်တွင်တော့ လက်ရှိ အခြေအနေများ အတော်လေး တည်ငြိမ်နေပြီ ဖြစ်သဖြင့် စူးမေး အနေဖြင့် ထိုနေရာတွင် နေ့စဉ် သွားထိုင်နေရန် မလိုအပ်တော့ချေ။