အခန်း ၁၇၃

အခန်း ၁၇၃ မြေဓာတ်ဆိုင်ရာ တန်ခိုးစွမ်းအင်

တိမ်နီ တပ်ဖွဲ့ဝင်များ ဝိုင်းရံထားသည့် အိမ်နှင့် အရှေ့တောင်ဘက် ဆယ်လံခန့်အကွာတွင် စွန့်ပစ်ထားသော အိမ်တစ်လုံးရှိသည်။

ထိုနေရာတွင် ကျူစုန်ယွင် မြေပြင်အောက်မှ ပေါ်ထွက်လာသည်။

သူ၏မျက်နှာမှာ အနည်းငယ် ဖြူဖျော့နေသည်။ တစ်ညလုံး မြေပြင်ခရီးနှင်

ခြင်းကို အဆက်မပြတ် အသုံးပြုခဲ့ရသဖြင့် သူ၏ ဝိညာဉ်စွမ်းအင်များမှာ အတော်ပင် ကုန်ခန်းနေပြီဖြစ်သည်။

လီချင်းမင်မှာ ထိုနေရာတွင် စောင့်ဆိုင်းနေသည်မှာ ကြာပြီဖြစ်သည်။

ကျူစုန်ယွင်ကို မြင်လိုက်သည်နှင့် ကြောက်ရွံ့မှုများ ကျန်ရှိနေသေးသည့် လေသံဖြင့် "အစ်ကိုကြီး... တိမ်နီ ဓားပြတွေက ဘယ်လိုလုပ်ပြီး ဒီလောက်မြန်မြန် လိုက်လာနိုင်တာလဲ။ ဒါက... ဖြစ်နိုင်ပါ့မလား။" ဟု မေးလိုက်သည်။

သူပြောနေစဉ်အတွင်း သူ၏ အကြည့်များမှာ မသိစိတ်ဖြင့် ကျူစုန်ယွင်ဆီသို့ ရောက်သွားသည်။ သူ တိုက်ရိုက်မပြောသော်လည်း သူ၏ သံသယမှာ ထင်ရှားနေသည်။

ကျူစုန်ယွင်၏ မျက်နှာမှာ အေးစက်သွားပြီး "ငါ့ရဲ့ မြေပြင်ခရီးနှင်ခြင်း ပညာရပ်က အကြီးအကဲဝမ်ရဲ့ တကယ့် အစစ်အမှန် သင်ကြားပေးချက်ပဲ။ ဒီလို သာမန်လူတွေက ဘယ်လိုလုပ်ပြီး သဲလွန်စကို ရှာတွေ့နိုင်မှာလဲ။" ဟု အေးစက်စက် လေသံဖြင့် ပြန်ပြောသည်

သို့သော် သူလည်း မျက်မှောင်ကြုတ်လျက် အကြောင်းရင်းကို မတွေးတတ်အောင် ဖြစ်နေသည်။

တစ်ချိန်တည်းမှာပင် လီချင်းမင်အပေါ်တွင်လည်း သံသယအကြည့်များ ရောက်ရှိသွားသည်။

အကယ်၍ အပြစ်က သူ့ဘက်မှာ မဟုတ်လျှင် လီချင်းမင်ဘက်မှာ ရှိနေရမည်ဟု သူ တွေးလိုက်သည်။

ကျူစုန်ယွင်၏ အကြည့်ကို ခံစားမိလိုက်သည့်လီချင်းမင်၏ ရင်ထဲမှာ တုန်လှုပ်သွားပြီး အတင်းပြုံးကာ "ကျွန်တော်က အစ်ကိုကြီးရဲ့ တန်ခိုးစွမ်းအားကို သံသယဝင်တာ မဟုတ်ရပါဘူး။ ကျွန်တော် သံသယဖြစ်မိတာက အရင်က အိမ်မှာကတည်းက တိမ်နီ ဓားပြတွေရဲ့ ထောက်လှမ်းရေးကွန်ရက်ထဲ ရောက်နေပြီးသား ဖြစ်နိုင်တယ်လို့ တွေးမိတာပါ။"

ထိုစကားကို ကြားသောအခါ ကျူစုန်ယွင်၏ မျက်နှာအမူအရာမှာ အနည်းငယ် ပြေလျော့သွားသည်။

တကယ်တမ်းဆိုရသော် လီချင်းမင်၏ စကားတွင်လည်း အချက်အလက် ရှိနေသည်။

သူ ချင်းဟယ်ခရိုင်တွင် နှစ်ရက်ကြာ နေခဲ့မိသဖြင့် မတော်တဆ သဲလွန်စ ပေါက်ကြားသွားသည်ကိုလည်း ဖြစ်နိုင်သည်။

ကျူစုန်ယွင်က အေးစက်စက် နှာခေါင်းရှုံ့လိုက်ပြီး "ဘာပဲဖြစ်ဖြစ် ဒီနေရာကနေ အရင် ထွက်သွားကြရအောင်၊ ဒီတိမ််နီဓားပြတွေက ငါထင်ထားတာထက် ပိုပြီး လက်စွမ်းပြနိုင်တယ်။ မနက်ဖြန် မနက်လင်းတာနဲ့ မြို့ထဲကနေ ထွက်သွားပြီး သူတို့အကြောင်းကို အရင် စုံစမ်းရမယ်။ ရန်သူကို သိပြီး ကိုယ့်ကိုကိုယ် သိမှသာ သူတို့ကို ပြန်လည် တုံ့ပြန်ဖို့ အချိန်

နောက်မကျသေးဘူး။"

"ဟုတ်ကဲ့၊ အစ်ကိုကြီး ပြောတဲ့အတိုင်းပဲ လုပ်ပါ့မယ်။"

လီချင်းမင်က အမြန်ခေါင်းညိတ်လိုက်သည်။

ကျူစုန်ယွင်၏ အစီအစဉ်ကို သူ သိပ်သဘောမကျသော်လည်း ဤအချိန်တွင် အစ်ကိုကြီးက သူ့ကို စွန့်ပစ်သွားမည်ကိုသာ ကြောက်ရွံ့နေသဖြင့် အခြားမည်သည့် အကြံဉာဏ်မှ မပေးရဲတော့ပေ။

လီချင်းမင် သက်ပြင်းချလိုက်ပြီး လည်ပင်းတင်းနေသည်ကို ခံစားမိကာ ပွတ်သပ်လိုက်

သည်။

သူ မတော်တဆ အပေါ်ကို မော့ကြည့်လိုက်ရာ ခေါင်မိုးတန်းပေါ်တွင် အဖြူရောင် အရာဝတ္ထုတစ်ခုကို တွေ့လိုက်ရသည်။

ပတ်ဝန်းကျင်မှာ ဟောင်းနွမ်းပျက်စီးနေသဖြင့် ထိုအဖြူရောင်အစက်အပြောက်မှာ ပို၍ပင် ထင်ရှားနေသည်။

"ဟေး... အစ်ကိုကြီး၊ ဟိုမှာ ကြည့်လိုက်ပါဦး။ အဲဒါ ဘာလဲ။"

လီချင်းမင်မှာ စူးစမ်းလိုစိတ်နှင့် သတိကြီးစွာဖြင့် ခေါင်မိုးတန်းပေါ်ကို လက်ညှိုးထိုးပြလိုက်သည်။

ကျူစုန်ယွင်လည်း ချက်ချင်းပင် မော့ကြည့်လိုက်သည်။

လမင်းကြီး၏ အလင်းရောင်မှာ ခေါင်မိုးအပေါက်များမှတစ်ဆင့် ဝင်ရောက်လာပြီး ထိုနေရာတွင် တိတ်ဆိတ်စွာ နားနေသော စက္ကူငှက်တစ်ကောင်ပေါ်သို့ ကျရောက်နေသည်။

စက္ကူငှက်မှာ မျက်လုံးတစ်ဝိုက်တွင် အနီရောင်အစက်နှစ်ခုရှိသည်မှလွဲလျှင် တစ်ကိုယ်လုံး ဖြူဖွေးနေပြီး မှောင်မိုက်နေသော ညဉ့်အချိန်တွင် ကြောက်မက်ဖွယ်ကောင်းအောင် ထူးဆန်းနေသည်။

ကျူစုန်ယွင်၏ ရင်ထဲတွင် 'ဗြန်း' ခနဲ ဖြစ်သွားသည်။

သူ လေထဲသို့ ခုန်တက်လိုက်ပြီး ခြေဖဝါးမှ ဝိညာဉ်စွမ်းအားကို စုစည်းလိုက်ရာ တစ်မီတာကျော်အထိ အလွယ်တကူ မြင့်တက်သွားသည်။

ကျင့်ကြံသူတို့သည် သွေးဓာတ်စွမ်းအားကို သီးသန့် မလေ့ကျင့်ထားလျှင်ပင် သူတို့၏ ဝိညာဉ်စွမ်းအားမှာ ကိုယ်ခံပညာရှင်များထက် မညံ့ဖျင်းဘဲ အံ့ဖွယ်နည်းလမ်းပေါင်းစုံဖြင့် အသုံးပြုနိုင်သည်။

သို့သော် သာမန်အချိန်များတွင်မူ ကျင့်ကြံသူတို့သည် ဝိညာဉ်စွမ်းအားကို ထိုကဲ့သို့ အလဟဿ မသုံးစွဲကြပေ။

မှော်ပညာရပ်များကို အသုံးပြု၍ ကောင်းကင်နှင့် မြေကြီး၏ စွမ်းအားကို ငှားရမ်းခြင်းကသာ ကျင့်ကြံသူတို့၏ စစ်

မှန်သော လမ်းစဉ်ဖြစ်သည်။

မဟုတ်ပါက ရွှေစင်ကို ကြေးပြားအဖြစ် သုံးစွဲသကဲ့သို့ အလွန်ပင် နှမြောစရာကောင်းလှသည်။

အန္တရာယ်ကို ကြိုတင်သိရှိသည့်အလား စက္ကူငှက်မှာ တောင်ပံခတ်ကာ အဝေးသို့ ပျံသန်းသွားသည်။

သို့သော် စက္ကူငှက်ကလေးတစ်ကောင်က ကျူစုန်ယွင်၏ လက်မှ မည်သို့ လွတ်မြောက်နိုင်ပါ့မည်နည်း။

ကျူစုန်ယွင် လက်ကို ဝေ့ယမ်းလိုက်ရာ လေဆင်နှာမောင်းတစ်ခု ဖြစ်ပေါ်လာပြီး စက္ကူငှက်ကို သူ၏ လက်ထဲသို့ အရောက် ဆွဲယူလိုက်သည်။

မြေပေါ်သို့ ဆင်းသက်ပြီးနောက်

ကျူစုန်ယွင်သည် စက္ကူငှက်ကို အနီးကပ် စစ်ဆေးကြည့်လိုက်သည်။

သူ၏ မျက်နှာအမူအရာမှာ ချက်ချင်းပင် ပြောင်းလဲသွားသည်။ "ဒါ... ဒါ 'စက္ကူငှက်

ခြေရာခံခြင်းပညာမလား”

လီချင်းမင်လည်း ဤစက္ကူငှက်မှာ သာမန်မဟုတ်ကြောင်း၊ အဆောင်စက္ကူများဖြင့် ခေါက်ထားပြီး ဝိညာဉ်စွမ်းအင်များ စီးဆင်းနေကြောင်း သတိထားမိလိုက်သည်။

ကျူစုန်ယွင်၏ စကားကို ကြားသောအခါ သူ၏ မျက်နှာမှာ သွေးပျက်သွားသည်။

သူကိုယ်တိုင် ဤပညာကို မသင်ဖူးသော်လည်း ဝိညာဉ်စွမ်းအင် အငွေ့အသက်ကို အသုံးပြု၍ အဝေးကြီးမှနေ၍ ခြေရာခံနိုင်သည့် အဆင့်မြင့် ခြေရာခံပညာရပ်ဖြစ်ကြောင်း ကြားဖူးသည်။

ထိုခဏ၌ နှစ်ယောက်စလုံး၏ သံသယများမှာ အဖြေပေါ်သွားသည်။

တိမ်နီ တပ်ဖွဲ့က သူတို့ကို ဘာကြောင့် ဤမျှမြန်မြန် ရှာတွေ့နိုင်သလဲဆိုသည်မှာ အဖြေထွက်သွားပြီဖြစ်သည်။

သူတို့၏ ရန်သူများကြားတွင် စက္ကူငှက် ခြေရာခံခြင်းပညာကို ကျွမ်းကျင်သူတစ်ဦး ရှိနေခြင်းပင် ဖြစ်သည်။

"ခွေးမသား...”

နှစ်ယောက်စလုံးမှာ အံ့အားသင့်ပြီး ဒေါသထွက်နေကြသည်။

ယခု စက္ကူငှက်က ဤနေရာကို ရှာတွေ့သွားပြီ ဆိုသည်မှာ

"တစ်ယောက်တစ်လမ်းစီ ခွဲထွက်ကြမယ်။ မနက်ဖြန် မြို့ပြင်မှာ ပြန်ဆုံကြမယ်။ သတိထား၊ အရင်ဆုံး ရေရှိတဲ့နေရာကို ရှာပြီး ပုန်းနေကြ”

ကျူစုန်ယွင်က ကြမ်းတမ်းသော လေသံဖြင့် အမိန့်ပေးလိုက်သည်။

ရန်သူသည် စက္ကူငှက်ခြေရာခံခြင်းပညာကို အသုံးပြု၍ လိုက်လံခြေရာခံနေခြင်းဖြစ်ရာ ဝိညာဉ်စွမ်းအင်အငွေ့အသက်မှာ လီချင်းမင်ထံတွင် ရှိနေခြင်းမှာ သေချာသည်။

လီချင်းမင်ကို ဆက်လက်ခေါ်ဆောင်သွားမည်ဆိုပါက သူတို့နှစ်ဦးလုံးအတွက် ဝန်ထုတ်ဝန်ပိုး ဖြစ်စေလိမ့်မည်။

ကံကောင်းသည်မှာ စက္ကူငှက်ခြေရာခံခြင်းပညာမှာ မကျော်လွှားနိုင်သော အရာမဟုတ်ပေ။

ငါးမျိုးဓာတ်နည်းလမ်းကို အသုံးပြု၍ မိမိ၏ ဝိညာဉ်အငွေ့အသက်ကို ခွဲထုတ်လိုက်ပါက ဤခြေရာခံခြင်းကို အလွယ်တကူ ဖျက်ဆီးနိုင်သည်။

"အစ်ကိုကြီး..."

လီချင်းမင်၏ မျက်နှာအမူအရာမှာ ပြောင်းလဲသွားပြီး တစ်စုံတစ်ခု ပြောရန် ပါးစပ်ဟလိုက်သည်။

ထိုအချိန်တွင်ပင်...

"ဒုန်း ဒုန်း ဒုန်း”

ပြင်းထန်သော ပေါက်ကွဲသံများနှင့်အတူ ပြတင်းပေါက်နှစ်ခုနှင့် အဓိကတံခါးမှာ အပိုင်းပိုင်းအစစ ဖြစ်သွားသည်။

ဓားလက်နက်များကို ကိုင်ဆောင်ထားသော လူအချို့ အခန်းထဲသို့ အရှိန်အဟုန်ဖြင့် ပြေးဝင်လာကြသည်။

'ငါ အရင်သွားမယ်’

ကျူစုန်ယွင်မှာ လက်ကွက်များဖြင့် အဆောင်ပညာကို အလျင်အမြန် စီရင်ပြီးသား ဖြစ်သည်။

အပြင်ဘက်မှ လူများ ဝင်လာသည်နှင့် တစ်ပြိုင်နက် သူ၏ ခန္ဓာကိုယ်မှာ မြေပြင်

အတွင်းသို့ နစ်ဝင်သွားတော့သည်။

ခဏအကြာတွင် သူသည် မြေကြီးထဲသို့ လုံးဝ ပျောက်ကွယ်သွားပြီး မည်သည့်နေရာသို့ ရောက်သွားသည်ကို မည်သူမျှ မသိတော့ပေ။

လီချင်းမင်မှာ ဒေါသထွက်လွန်းသဖြင့် ကျိန်ဆဲချင်စိတ် ပေါက်သွားသည်။

ကျူစုန်ယွင်မှာ သူထွက်မပြေးခင် သူ့အတွက် အစားထိုးရုပ်သေးရုပ်လေး တစ်ရုပ်တောင် ချန်မထားခဲ့ပေ။

သို့သော် ဤအခြေအနေတွင် သူ လက်မြှောက် အရှုံးပေး၍လည်း မရပေ။

လီချင်းမင်၏ နှုတ်ခမ်းများ လှုပ်ရှားလိုက်

သည်။

မျက်တောင်တစ်ခတ်အတွင်းမှာပင် သူ့လက်ထဲတွင် ခေါင်းသုံးလုံးပါသော ဘီလူးမြွေတစ်ကောင် ပေါ်လာသည်။

ထိုမြွေမှာ ကြောက်မက်ဖွယ်ကောင်းပြီး ဟိန်းဟောက်ကာ အခန်းထဲသို့ ဝင်လာသူများထံသို့ အရှိန်ပြင်းစွာဖြင့် တိုးဝင်လာသည်။

သို့သော် ထိုသူများမှာ ထိုထူးဆန်းသော မြွေကို ရှောင်တိမ်းခြင်းမပြုဘဲ သူတို့၏ ကိုယ်ခန္ဓာကို အကိုက်ခံလိုက်ကြသည်။

သူတို့ထဲမှ တစ်ယောက်ဆိုလျှင် မြွေကို တိုက်ရိုက်ပင် အားပါးတရ ဝင်တိုက်လိုက်

သည်။

ရလဒ်မှာမူ ထိုထူးဆန်းသော မြွေမှာ အိပ်မက်တစ်ခုသဖွယ်၊ ပူဖောင်းတစ်ခုကဲ့သို့ ချက်ချင်းပင် ပျောက်ကွယ်သွားသည်။

လက်ဝါးမှော်ပညာဖြင့် ဖန်တီးထားသော ပုံရိပ်ယောင်သာ ဖြစ်သည်။

ထိုသူတို့မှာ ကျောက်ဖေး၏ ကိုယ်ပွားများပင် ဖြစ်ကြသည်။

ကျောက်ဖေးကိုယ်တိုင်က လက်ဝါးမှော်ပညာကို ကျွမ်းကျင်ပိုင်နိုင်သူ ဖြစ်ရာ လီချင်းမင်၏ ဤကဲ့သို့သော အလိမ်အညာအောက်တွင် သူတို့ မည်သို့မျှ မလှည့်စားနိုင်ပေ။

လီချင်းမင် နောက်လှည့်ကာ ထွက်ပြေးရန် ကြိုးစားသော်လည်း မလှည့်လိုက်ရခင်မှာပင် သူ့လည်ပင်းဆီသို့ ဓားရှည်ကြီး တစ်လက် ရောက်ရှိလာသည်။

"မင်းကို မေးခွန်းတစ်ခု မေးမယ်။ အမှန်အတိုင်းဖြေ။ တစ်ခွန်းပဲ လိမ်ပြောရဲရင် မင်းခေါင်း ပြုတ်ကျဖို့သာ ပြင်ထားတော့”

ကိုယ်ပွားက အေးစက်စက် လေသံဖြင့် ခြိမ်းခြောက်လိုက်သည်။

လီချင်းမင်သည် ခေါင်းငုံ့ကာ စိတ်ပျက်လက်ပျက်ဖြင့် "မေးပါ..." ဟု ဆိုသည်။

ကိုယ်ပွားက မေးသည်။ "အဲဒီလူက မင်းရဲ့ ဂိုဏ်းတူအစ်ကိုပဲ မဟုတ်လား။"

လီချင်းမင် - "ဟုတ်ပါတယ်..."

ကိုယ်ပွား - "သူ့နာမည်က ဘာလဲ။"

လီချင်းမင် - "ကျူစုန်ယွင်..."

နှစ်ယောက်သား အမေးအဖြေ စတင်ကြသည်။

လီချင်းမင်မှာ အပိုစကား တစ်ခွန်းမျှ မပြောလိုသော်လည်း အသက်နှင့် ရင်းနေရသဖြင့် မည်သည့်အရာကိုမျှ မဖုံးကွယ်ရဲတော့ပေ။

ဤအမေးအဖြေများကြောင့် ကျောက်ဖေးမှာ လီချင်းမင်၏ ဂိုဏ်းတူအစ်ကိုအကြောင်းကို အမြန်ပင် သိရှိသွားသည်။

ထိုသူမှာ ကျူစုန်ယွင် ဖြစ်သည်။ နတိဆိုးတစ်သောင်းဂိုဏ်း၏ အဖွဲ့ဝင်ဖြစ်ပြီး ပဉ္စမမြောက် အကြီးအကဲ ဝမ်ပယန်၏ တပည့်ဖြစ်သည်။ သူသည် မြေပြင်ခရီးနှင်ခြင်းတန်ခိုးစွမ်းအားကို ပိုင်ဆိုင်ထားသည်။

ထို့အပြင် မြေပြင်မှ လေကို ဖန်တီးနိုင်သည့် လေထုဖန်တီးခြင်းပညာလည်း တတ်ကျွမ်း၏

ရန်သူကို မီးဖြင့် လောင်ကျွမ်းစေနိုင်သော မီးလျှံမှုတ်ထုတ်ခြင်းပညာပါတတ်၏

အခိုင်မာဆုံးသော မြေပြင်ပေါ်၌ပင် နက်ရှိုင်းသော ရွှံ့နွံအိုင်ကြီးကို ဖန်တီးကာ ရန်သူကို ဖမ်းဆီးနိုင်သည့် မြေကြီးကို ရွှံ့အိုင်အဖြစ် ပြောင်းလဲခြင်းပညာတို့ကို တတ်မြောက်ထားသည်။

"ဒီပညာရပ် နှစ်ခုတည်းလား။ တခြားဟာတွေကရော ဘာရှိသေးလဲ။" ကိုယ်ပွားက အေးစက်စက် ထပ်မေးသည်။

လီချင်းမင်က မျက်နှာကို ရှုံ့မဲ့လျက် "တကယ်ပါ... ကျွန်တော် သိသလောက် ဒါပဲ ရှိပါတယ်။ တကယ်တော့ ကျွန်တော်တို့က တစ်ဂိုဏ်းတည်းဆိုပေမဲ့ တစ်နှစ်ကိုမှ နှစ်ခေါက်၊ သုံးခေါက်ပဲ တွေ့ရတာပါ..."

ကိုယ်ပွားမှာ လီချင်းမင်ကို ခဏတာ ဆက်လက် စစ်ဆေးမေးမြန်းနေသည်။

သံချပ်ကာများ တိုက်ခိုက်သံနှင့် ဆူညံသံများဖြင့် အခန်းထဲမှာ ရှုပ်ထွေးနေသည်။

မကြာမီပင် တိမ်နီ တပ်ဖွဲ့၏ အဓိကတပ်သားများ ရောက်ရှိလာပြီး အပြင်ဘက်မှ ဝိုင်းရံလိုက်သည်။

အနီရောင်တိမ်တိုက် တပ်ဖွဲ့ဝင်များ အခန်းထဲသို့ အလုံးအရင်းဖြင့် ဝင်ရောက်လာကြသည်။

ကိုယ်ပွားများကို မြင်သောအခါ ဦးဆောင်သူ တပ်မှူးမှာ အမြန်ပင် ဦးညွှတ် အလေးပြုသည်။

"ဒီကောင်ကို အကျဉ်းထောင်ထဲ ခေါ်သွားပြီး တင်းတင်းကျပ်ကျပ် ထိန်းသိမ်းထားလိုက်”

ကိုယ်ပွားက အမိန့်ပေးလိုက်သည်။

လီချင်းမင်မှာ စိတ်ပျက်လက်ပျက်ဖြင့် ခေါင်းငိုက်စိုက်ကျသွားသည်။

နတ်ဆိုးတစ်သောင်းဂိုဏ်းအကျဉ်းထောင်မှ ခက်ခက်ခဲခဲ လွတ်မြောက်လာပြီး လွတ်လပ်ခွင့်ရတော့မည်ဟု ထင်မှတ်ထားခဲ့သော်လည်း၊ ယခုမူ ဝံပုလွေဘေးမှ လွတ်မြောက်ပြီး ကျားပါးစပ်သို့ ရောက် သကဲ့သို့ ဖြစ်သွားခဲ့သည်။

ထောင်ထဲသို့ ပြန်ပို့ခံရတော့မည်ကို တွေးမိကာ လီချင်းမင်၏ အနာဂတ်မှာ မှောင်မိုက်သွားသလို ခံစားလိုက်ရသည်။

သူ နောင်တရနေမိသည်။

အစကတည်းက ချင်းဟယ်ခရိုင်သို့ မလာခဲ့သင့်ခဲ့ပေ။

ယခုမူ သူ၏ အသက်မှာ သူနှင့် မသက်ဆိုင်တော့ဘဲ သူတစ်ပါးလက်ထဲ ရောက်ရှိသွားပြီဖြစ်သည်။

ကျူစုန်ယွင်မှာ အလွန်တကိုယ်ကောင်းဆန်သူ ဖြစ်ရာ သူ ပြန်လာကယ်ဆယ်ပါ့မလားဟုပင် မသေချာပေ။

သတိနှင့် အလေးထားသည့်အနေဖြင့် ကိုယ်ပွားတစ်ဦးသည် လီချင်းမင်အား အကျဉ်းထောင်သို့ ကိုယ်တိုင်ဦးဆောင်ကာ လိုက်ပို့လေတော့သည်။