အခန်း ၇၃၄

အပိုင်း၇၃၄:လုံယန်ကသူမကိုသေရည်သောက်စေချင်တယ်

လုံယန်ရဲ့စကားတွေကသူမအပေါ်သက်ရောက်မှုရှိလို့ဖြစ်မည်။သူမကပစ်မှတ်ကိုထိအောင်ပစ်နိုင်ပေမယ့်အားနည်းနေတုန်းပင်။

လုံယန်ကသူမနောက်မှရပ်ကာပြောလိုက်သည်။

``ဒါကကောင်းပါတယ်။ဒီနေ့ရပ်လိုက်ကြတာပေါ့”

လုလျန့်ဝေကခေါင်းငြိမ့်ကာလေးနှင့်မြှားကိုသူ့ထံပေးလိုက်သည်။သူမကလက်မောင်းအနည်းငယ်နာကျင်နေသည်။

လုံယန်ကဒါကိုမြင်တော့သူမကိုမေးလိုက်သည်။

``လက်မောင်းကအရမ်းနာနေလား”

လုလျန့်ဝေကခေါင်းငြိမ့်လိုက်သည်။

``နည်းနည်းပါ”

လုံယန်ကလေးနှင့်မြှားကိုချူကျီ့ဆီပေးလိုက်ပြီးသူမလက်ကိုနှိပ်ပေးလိုက်သည်။

ဒါကအမဲလိုက်ပွဲရဲ့နောက်ဆုံးလဖြစ်လို့မြက်ခင်းပြင်မှာမီးပုံပွဲကျင်းပနေခဲ့သည်။

ဤသည်မှာ ချန်အင်ပါယာတော်ဝင်မိသားစုရဲ့ရိုးရာဓလေ့တစ်ခုပင်ဖြစ်သည်။

အားလုံးကသူတို့ရဲ့အောင်မြင်မှုအကြောင်းကိုကြွားဝါပြောဆိုကြသည်။

အဲ့ဒီနောက်မှာတော့ထိုနေရာကိုရှင်းလင်းကာမီးပုံကိုပတ်၍ကပြဖျော်ဖြေကြသည်။

အကသမားများပြီးနောက်အမတ်ကြီးများ၏သမီးများမှလဲသူတို့၏ကျွမ်းကျင်မှုကိုပြသကာဖျော်ဖြေကြသည်။

လုလျန်ဘဝေကလုံယန်၏ဘေးတွင်ထိုင်နေကာအသားကင်နေရင်းအကအဆိုများကိုကြည့်နေခဲ့သည်။

သူမကသေရည်ကိုတော့မသောက်ပေ။

လုံယန်ကဒါကိုမြင်တော့သူတို့သူမရဲ့အိမ်ကပြန်လာစဉ်ကဝူဟောက်မင်နဲ့အတူသောက်ခဲ့တာကိုသတိရသွားသည်။ထိုစဥ်က သူမကအတော်သောက်နိုင်ခဲ့တာကိုသူပြန်သတိရသွားသည်။

ထို့ကြောင့် သူကသေရည်ခွက်ကိုယူကာသူမနှုတ်ခမ်းနားတေ့ပေးလိုက်သည်။

လုလျန့်ဝေကသောက်ရန်ပြင်နေစဉ်သေရည်နံ့ရသောကြောင့်ပါးစပ်ကိုပိတ်လိုက်ကာလုံယန့်ကိုကြည့်လိုက်သည်။

လုလျန့်ဝေကအသီးပန်းကန်ထဲမှအသီးကိုကောက်ယူကာစားလိုက်ပြီး။

``မထိန်းနိုင်လို့မဟုတ်ပါဘူး။များများသောက်မိရင်အမူးသမားလိုဖြစ်မှာစိုးလို့ပါ”

``အမူးသမားလိုဖြစ်မယ်တဲ့လား။မင်းမူးနေရင်ဘယ်လိုလဲဝေဝေ”

ဘာလို့မင်းကြီးကဒီလိုပြုမူနေတာလဲ။

သူမကသူ့ကိုငြင်းရန်ပြင်နေစဉ်တွင်ရှုဖေးကမတ်တပ်ရပ်လိုက်သည်ကိုတွေ့လိုက်ရသည်။

သူမ မတိုင်ခင်အခြားတစ်ယောက်ကလဲ ဗျပ်စောင်းနှင့်ဖျော်ဖြေခဲ့သည့်အတွက်သူမရဲ့အစွမ်းပြမှုကမထင်ရှားတော့ပေ။

လူတွေက အစတွင်သိပ်အာရုံမစိုက်မိကြပေမယ့်သူမဖျော်ဖြေနေတာမို့သူမကိုတော့အာရုံစိုက်နေကြသည်။

သံစဉ်ကသာယာကာသီချင်းကလဲရင်းနှီးနေသည်။မင်းကြီးကသူမကိုတီးပြဖူးတာနဲ့တူပေသည်။

သူမမျက်ဝန်းများကခံစားချက်များနှင့်ပြည့်နေကာသူမဖွင့်မပြောနိုင်သည့်ခံစားချက်များကိုဖော်ပြနေသည်နှင့်တူလှသည်။