အခန်း ၉၃

အခန်း (၉၃) မီးတောက်တစ်သောင်း အလောင်းဘုရင်... မီးတောက် နတ်ဆိုး ကျောက်တိုင်များ ဧရိယာ

နှစ်ဆသော အကျိုးအမြတ်များကို ထည့်သွင်း တွက်ချက်လိုက်ပါက ကူညီထောက်ပံ့မှု အမှတ် ၃၀၀၀ ရရှိမည် ဖြစ်ပြီး...

ကူညီထောက်ပံ့မှု အမှတ် ၁၀၀၀၀ သို့ ရောက်ရှိရန် ပိုမို နီးကပ်လာမည် ဖြစ်သည်။

ကျိုးဟန် က ဖန်သားပြင်ကို ပိတ်လိုက်ပြီး ချက်ချင်း တက်ကြွလာသည်။

"ကြည့်လို့ ပြီးပြီလား... ဆိုင်ထဲက ပစ္စည်း တွေကို သဘောကျရဲ့လား..."

အကြီးအကဲလင်း က အခြား အကြီးအကဲ များနှင့် စကားပြောနေသော်လည်း ကျိုးဟန် ဘက်မှ လှုပ်ရှားမှုကို မြင်လိုက်ရသဖြင့် အလျင်အမြန် မေးလိုက်သည်။

"သဘောကျတော့ သဘောကျပါတယ်... ဒါပေမဲ့ အရမ်း ဈေးကြီးလွန်းတယ်... ကူညီထောက်ပံ့မှု အမှတ် တွေ အများကြီး ရအောင် ကြိုးစားရဦးမယ်..."

"အင်း... အဲဒါဆိုလည်း စမ်းသပ်မှု နဲ့ ပတ်သက်ပြီး မင်းတို့ နှစ်ယောက် သေချာ တိုင်ပင်ကြဦး... ငါတို့က အနှောင့်အယှက် မပေးတော့ဘူး..."

အကြီးအကဲလင်း ထွက်မသွားခင် သူ၏ မျက်နှာပေါ်တွင် ထူးဆန်းသော အပြုံးတစ်ခု ထွက်ပေါ်နေသည်။

ကျိုးဟန် အနည်းငယ် နားမလည်နိုင် ဖြစ်သွားသော်လည်း အများကြီး မစဉ်းစားတော့ပေ။

"ဟေ့... သွားရအောင်... တာဝန် စလုပ်ရမယ်... ဘာတွေ ငေးနေတာလဲ..."

ကျိုးဟန် က ယခုအချိန်တွင် ကူညီထောက်ပံ့မှု အမှတ် များ ရရှိရန် အချိန်လုနေရသဖြင့် တစ်မိနစ်လေးပင် အချိန်မဖြုန်းချင်တော့ပေ။

"နင် ဘယ်သူ့ကို ဟေ့ လို့ ခေါ်တာလဲ... ငါ့မှာ နာမည် မရှိဘူးလို့ ထင်နေလား... ယဉ်ကျေးမှု ကို မရှိဘူး..."

ဝမ်ယွိဟယ် ၏ မျက်မှောင်များ ကြုံ့သွားပြီး မျက်နှာထား တင်းမာစွာဖြင့် ဒေါသတကြီး ပြောလိုက်သည်။

"နင် လာမှာလား မလာဘူးလား... မလာရင် ငါ အရင် သွားနှင့်မယ်နော်... အကူအညီ တောင်းနေရင် နှိမ့်ချပြီး နေတတ်အောင် ကြိုးစား..."

ကျိုးဟန် က သူမ၏ အကျင့်ဆိုးများကို အလိုလိုက်နေမည် မဟုတ်ပေ။ ဤကဲ့သို့သော သခင်မလေး မျိုးကို သူမထက် ပိုမို မာကျောစွာ ဆက်ဆံမှသာ ရမည် ဖြစ်သည်။

"ဘယ်သူက နင့် အကူအညီ ကို လိုချင်လို့လဲ... ငါ့အမေ အတင်း ခိုင်းလို့သာ... နင့်ကိုယ်နင် အရမ်း အစွမ်းထက်တယ် လို့ ထင်နေတာလား..."

သူမ၏ မျက်နှာပေါ်တွင် မကျေနပ်မှုများ အပြည့်အဝ ရှိနေသည်။ မည်သို့ပင်ဖြစ်စေ သူမကလည်း ထူးချွန်သော ပါရမီရှင် တစ်ယောက် ဖြစ်ရာ... တစ်ဖက်လူကို အတင်းအဓမ္မ တွယ်ကပ်နေရသကဲ့သို့ ဖြစ်နေသည်။

"ဟွန့်... ပြောတော့ တစ်ကမ္ဘာလုံး ကို အနိုင်ယူတော့မယ့် အတိုင်းပဲ... တကယ် စွမ်းအား ရှိတယ် ဆိုရင် သက်သေပြစမ်းပါ..."

"ငါက ဘယ်လို သက်သေပြရမှာလဲ..."

"ဒါလေးတောင် မသိဘူးလား... အဲဒီ ရောက်ရင် ငါတို့ နှစ်ယောက် ခွဲပြီး ပစ္စည်း တွေ ရှာကြမယ်... ဘယ်သူ ပိုမြန်မြန် စုဆောင်းနိုင်မလဲ ဆိုတာ ယှဉ်ကြည့်ကြတာပေါ့..."

ကျိုးဟန် ၏ မျက်နှာပေါ်တွင် လိမ္မာပါးနပ်သော အပြုံးတစ်ခု ထွက်ပေါ်လာပြီး ဤမိန်းမမိုက်လေး ကို အဆင့်ဆင့် မြှူဆွယ်လိုက်သည်။

"ကောင်းပြီလေ... ကတိပေးတယ်... ငါ့ကို အထင်မသေးနဲ့နော်... နင့်ကို သေချာပေါက် အံ့သြသွားစေရမယ်..."

ဝမ်ယွိဟယ် ၏ မျက်နှာပေါ်တွင် မဖြစ်မနေ အနိုင်ရမည် ဟူသော ယုံကြည်မှုများ ပြည့်နှက်နေသည်။ မနေ့ညက ကျိုးဟန် နှင့် တိုက်ပွဲတွင်...

သူမ အရှုံးကြီး ရှုံးသွားခဲ့ပြီး ထိုကဲ့သို့ အရှက်ခွဲခံခဲ့ရသည်။

ထိုမြင်ကွင်းကို ပြန်တွေးမိတိုင်း သူမ၏ ရင်ထဲတွင် ရှက်စိတ်နှင့် ဒေါသများ ပြည့်နှက်နေဆဲ ဖြစ်သည်။

မည်သို့ပင်ဖြစ်စေ သူမက အရင် စတင် ရန်စခဲ့ခြင်း ဖြစ်ရာ သူမ၏ မိခင် ဖြစ်သော ဓားဧကရာဇ် ကလည်း သူမဘက်မှ ဝင်ပါပေးမည် မဟုတ်ပေ။

ထို့ကြောင့် သူမက မိမိ၏ ဂုဏ်သိက္ခာကို အချိန်တိုင်း ပြန်လည် ရယူချင်နေခဲ့ပြီး... ယခု အခွင့်အရေး ရလာသဖြင့် သေချာပေါက် လက်လွတ်ခံမည် မဟုတ်ပေ။

"ကောင်းပြီလေ... နင့်မှာ ဘာစွမ်းရည် တွေ ရှိလဲ ဆိုတာ ငါ စောင့်ကြည့်နေပါ့မယ်..."

ကျိုးဟန် ၏ မျက်နှာပေါ်တွင် အထင်သေးသော အပြုံးတစ်ခု ထွက်ပေါ်လာသော်လည်း ရင်ထဲတွင်တော့ အလွန် ပျော်ရွှင်နေသည်။

သူမ တစ်ယောက်တည်း တာဝန်ကို ပြီးမြောက်အောင် လုပ်နိုင်ပါက အတော်လေး ကောင်းမွန်သည်။ သူ က အခြား တာဝန် ၃ ခုကို အာရုံစိုက်ပြီး ပြီးမြောက်အောင် လုပ်ဆောင်နိုင်မည် ဖြစ်သည်။

ဤသို့ဖြင့် သူမနှင့် ပြဿနာ ဖြစ်စရာ မလိုတော့ဘဲ အချိန်လည်း အများကြီး သက်သာသွားမည် ဖြစ်သည်။

မကြာမီ သူတို့ နှစ်ဦး ပြင်ဆင်ပြီးနောက် တိုက်ရိုက် ထွက်ခွာခဲ့ကြသည်။

ဓားနတ်ဘုရား ကျောင်းတော် အတွင်းတွင် မီးဝိညာဉ် ကျွန်းစု ၏ အဝင်ပေါက် ရှိနေသည်။

အဖြူရောင် အလင်းတန်း နှစ်ခု ဖြတ်သန်းသွားပြီးနောက် ကျိုးဟန် နှင့် ဝမ်ယွိဟယ် တို့ ဝင်ရောက်လာကြပြီး... သဘောတူညီချက် အတိုင်း လမ်းခွဲခဲ့ကြသည်။

"လက်ရှိ နေရာ - မီးဝိညာဉ် ကျွန်းစု ... ဤနေရာသည် တိုက်ပွဲ ဧရိယာ ဖြစ်ပါသဖြင့် သင့်ကိုယ်ပိုင် ဘေးကင်းရေးကို ဂရုစိုက်ပါ..."

"သတိပြုရန် - ဤနေရာသည် အများပြည်သူ ဧရိယာ ဖြစ်ပါသဖြင့် အခြား အဖွဲ့အစည်း များမှ လူများ ဝင်ရောက်လာနိုင်ပါသည်... ကျေးဇူးပြု၍ သတိထားပါ..."

"အခြား အဖွဲ့အစည်း တွေ က လူတွေ ဟုတ်လား..."

သတိပေးချက်ကို ကြားပြီးနောက် ကျိုးဟန် ချက်ချင်း သဘောပေါက်သွားသည်။

နတ်ဘုရားနှင့် နတ်ဆိုး ကမ္ဘာကြီး တွင် အဖွဲ့အစည်း များစွာ ရှိပြီး အလွန် ရှုပ်ထွေးလှသည်။

သူ အများကြီး မသိသော်လည်း... သူ သိထားသည်မှာ ဓားသမား များအတွက် ဓားနတ်ဘုရား ကျောင်းတော်၊ သိုင်းသမား များအတွက် သိုင်းနတ်ဘုရား ကျောင်းတော်၊ သူတော်စင် များအတွက် မြင့်မြတ်သော နန်းတော်၊

အမှောင် သံတမန် များအတွက် အမှောင် ဝိညာဉ် ကျောင်းတော်၊ မှော်ဆရာ များအတွက် မှော်နတ်ဘုရား ကျောင်းတော်၊ လေးသမား များအတွက် လေးနတ်ဘုရား ကျောင်းတော်၊ နဂါး စီးသူရဲကောင်း များအတွက် နဂါး စီးသူရဲကောင်း နန်းတော် ဟူ၍ အဓိက အလုပ်အကိုင် ၇ ခု နှင့် သက်ဆိုင်သော အဖွဲ့အစည်း များ ရှိကြောင်းကိုတော့ သိထားသည်။

သေချာပေါက် ကျိုးဟန် မသိသော လျှို့ဝှက် အဖွဲ့အစည်း များစွာလည်း ရှိနေနိုင်သည်။

"ဘယ်လိုပဲဖြစ်ဖြစ် ငါ သေချာပေါက် သတိထားရမယ်..."

ကျိုးဟန် က စိတ်ထဲတွင် မိမိကိုယ်ကိုယ် သတိပေးလိုက်သည်။

တစ်ချိန်တည်းမှာပင် သူက ရိုးရှင်းသော အချက်အလက် အချို့ကိုလည်း စစ်ဆေးကြည့်လိုက်သည်။

မီးဝိညာဉ် ကျွန်းစု

အခက်အခဲ အဆင့် - စိန် ကြယ် ၉ ပွင့်

သားရဲ စွမ်းအား - ပလက်တီနမ် မှ စိန် အထိ

လျှို့ဝှက် အဖွဲ့အစည်း - မီးဝိညာဉ် မျိုးနွယ်

ထွက်ရှိသော ပစ္စည်းများ - မီးဝိညာဉ် လက်ကောက်၊ ကောင်းကင်မီး မှော်တုတ်၊ မီးတောက် ချီလင် လှံ ရှည် စသည်ဖြင့်...

ဖော်ပြချက် - စိုစွတ် ပူပြင်းသော အငွေ့အသက်များ ပြည့်နှက်နေသော ကျွန်းစု ဖြစ်ပြီး မီးဓာတ် ကျင့်ကြံသူ များအတွက် အချက်အလက်များ အားလုံး ၅ ရာခိုင်နှုန်း တိုးလာမည်... အဆင့် ၆၀ အထက် ၄ ယောက်နှင့် အထက် ပါဝင်သော အဖွဲ့များသာ ဝင်ရောက်ရန် အကြံပြုသည်...

ပူပြင်းသော လေလှိုင်းများ အဆက်မပြတ် ရိုက်ခတ်လာသော်လည်း...

ကျိုးဟန် က လေထဲတွင် ပျံသန်းနေသဖြင့် ကြီးမားသော သက်ရောက်မှု မရှိခဲ့ပေ။

မကြာမီ မီးတောက် နတ်ဆိုး ကျောက်တိုင်များ ဧရိယာ အတွင်းသို့ ရောက်ရှိလာခဲ့သည်။

ကျိုးဟန် မြေပြင်သို့ ဆင်းသက်လိုက်ချိန်တွင် ပိုမို ပူပြင်းသော အပူချိန်ကို ခံစားလိုက်ရသည်။

မျက်စိရှေ့တွင် ကျောက်တိုင်များ အစီအရီ ရှိနေပြီး ကျောက်တိုင် တစ်ခုစီ ပေါ်တွင် အနက်ရောင် မီးတောက်များ လောင်ကျွမ်းနေသည်။

မြေအောက်မှ အဆုံးမရှိသော စွမ်းအားများက ဤ အနက်ရောင် မီးတောက်များ အတွက် စွမ်းအင်များကို ထောက်ပံ့ပေးနေသည်။

မြေပုံ၏ ညွှန်ကြားချက် အရ အရည်အသွေးမြင့် မီးကျောက်သလင်း ကို ရယူရန်...

ဤကျောက်တိုင်များကို အရင် ဖျက်ဆီးပြီး မြေအောက်တွင် ပုန်းအောင်းနေသော အစွမ်းထက်သည့် သတ္တဝါ ကို သတ်ဖြတ်ရမည် ဖြစ်သည်။

"ငါက လေ ရဲ့ ဆန္ဒ ပဲ... အဆုံးမဲ့ လေနယ်မြေ..."

ကျိုးဟန် က နိုးထပြီးနောက် ရရှိလာသော စွမ်းရည်ကို တိုက်ရိုက် အသုံးပြုလိုက်သည်။

ဤအရာများက မီးဓာတ် ခံနိုင်ရည် အလွန် မြင့်မားသဖြင့် ကြာနီ ဝတ်စုံ ၏ ထိခိုက်မှု ပမာဏ က သိပ်မများလှပေ။

ကောင်းကင် တစ်ခွင် လွှမ်းမိုးသွားသော လေပြင်းများ တိုက်ခတ်လာပြီး လေထု ပင်လျှင် ဤအရှိန်အဝါ အောက်တွင် ပုံပျက်သွားသည်။

မရေမတွက်နိုင်သော လေဓား များက အရပ်မျက်နှာ အနှံ့ ခုတ်ထစ်နေပြီး ၁ မိနစ်ပင် မပြည့်ခင်မှာ ကျောက်တိုင်များ အားလုံး ဖျက်ဆီးခံလိုက်ရသည်။

"ဘယ်သူလဲ... ငါ့ရဲ့ အနားယူချိန် ကို လာနှောင့်ယှက် တာ..."

"ခွင့်မလွှတ်နိုင်ဘူး..."

ထို့နောက် မြေအောက်မှ ကြောက်မက်ဖွယ်ကောင်းသော အရှိန်အဝါ တစ်ခု ကောင်းကင်သို့ ထိုးတက်လာသည်။

ပုပ်သိုးနေသော အနံ့နှင့် ပူပြင်းသော အငွေ့အသက်များ ရောနှောလာသဖြင့် ကျိုးဟန် ၏ မျက်မှောင်များ ကြုံ့သွားသည်။

မျက်စိရှေ့ရှိ သတ္တဝါ မှာ တစ်ကိုယ်လုံး ပုပ်ပွနေသော်လည်း ခန္ဓာကိုယ် ပေါ်တွင် အနက်ရောင် မီးတောက် တစ်လွှာ ဖုံးအုပ်ထားသည်။

ကျိုးဟန် က အကဲဖြတ်ခြင်း စွမ်းရည်ကို တိုက်ရိုက် အသုံးပြုလိုက်သည်။

မီးတောက်တစ်သောင်း အလောင်းဘုရင်

အရည်အသွေး - စိန်အဆင့် Boss

အဆင့် - ၇၅

သွေးပမာဏ - ၇၀၀၀၀

တိုက်ခိုက်မှု - ၇၀၀၀

အကာအကွယ် - ၅၀၀၀

စွမ်းရည် ၁ - အနက်ရောင် မီးတောက် နေမင်း ဖောက်ထွင်းခြင်း (မြေအောက် အနက်ရောင် မီးတောက်များကို ဆင့်ခေါ်ကာ ပစ်မှတ်ကို ဖျက်ဆီးနိုင်စွမ်း ပြည့်ဝသော တိုက်ခိုက်မှု ပေးစွမ်းသည်)

စွမ်းရည် ၂ - မီးတောက်တစ်သောင်း ကိုယ်ထည် (အဆုံးမဲ့ မီးတောက်များဖြင့် နေ့ညမပြတ် သန့်စင်ထားသော ခန္ဓာကိုယ် ဖြစ်ပြီး ၅၀ ရာခိုင်နှုန်း ထိခိုက်မှု လျှော့ချသည့် အကျိုးသက်ရောက်မှု ပါဝင်သည်)

စွမ်းရည် ၃ - အလောင်းဘုရင် ၏ လွှမ်းမိုးနိုင်စွမ်း (ထိန်းချုပ်မှု စွမ်းရည်များကို ခုခံနိုင်စွမ်း ရှိပြီး အချိန်တို အတွင်း အချက်အလက်များ အားလုံးကို ၃၀၀ ရာခိုင်နှုန်း တိုးမြှင့်ပေးသည်)

ဖော်ပြချက် - အစွမ်းထက်သော အချက်အလက်များ အားလုံးကို ပိုင်ဆိုင်ထားပြီး စိန်အဆင့် တွင် ထိပ်တန်း အဆင့် သတ်မှတ်ခံရသည်... အားနည်းချက် - ရေဓာတ် နှင့် ရေခဲဓာတ်...

"သြော်... အလောင်း တစ်လောင်း ဖြစ်နေလို့ ဒီလောက် နံစော်နေတာကိုး..."

ဖတ်ရှုပြီးနောက် ကျိုးဟန် လည်း နားလည်သွားတော့သည်။

"သေနာ လူသား... ငါ့ရဲ့ ပိုင်နက် ထဲကို ဘာလို့ ကျူးကျော်လာတာလဲ..."

"အလောင်းဘုရင် ရဲ့ အရှိန်အဝါ ကိုတောင် အထင်သေးရဲတယ်ပေါ့လေ... သေလိုက်တော့..."

ကြောက်မက်ဖွယ်ကောင်းသော အနက်ရောင် မီးတောက်များက ကောင်းကင်ကို ဖုံးကွယ်သွားပြီး အရာအားလုံးကို အရည်ပျော်စေမည့် အလား ပြင်းထန်သော အပူချိန် ထွက်ပေါ်လာသည်။

ကျိုးဟန် က တစ်ချက် ကြည့်လိုက်ရုံဖြင့် ဤမီးတောက် က သာမန် မဟုတ်ကြောင်း သိလိုက်ပြီး... ယခင်က သူ ကြုံတွေ့ခဲ့ဖူးသော အဆုံးမဲ့ ကောင်းကင် မီးတောက် နှင့်ပင် ယှဉ်နိုင်ကြောင်း ခန့်မှန်းမိလိုက်သည်။

ခန္ဓာကိုယ် ပေါ်သို့ ကျရောက်လာပါက မည်မျှ နာကျင်မည်ကို မဆိုထားနှင့်... အဓိက က ဤအလောင်းကြီး က အရမ်း ရွံစရာ ကောင်းနေခြင်း ပင်။

ထို့ကြောင့် သူလည်း တုံ့ဆိုင်းမနေတော့ဘဲ အဆုံးစွန် - ဓားတစ်သောင်း မူလသို့ ပြန်လည်ရောက်ရှိခြင်း ကို တိုက်ရိုက် အသုံးပြုလိုက်သည်။

"ဓားနတ်ဘုရား ၏ နာမည် ဖြင့်... လောကရှိ ဓားများ အားလုံး ငါ့အမိန့်ကို နာခံစေ..."

ကျိုးဟန် ၏ စကားသံ အဆုံးတွင် သူ၏ အရှိန်အဝါများ ချက်ချင်း ပေါက်ကွဲထွက်လာပြီး...

ကောင်းကင်ထက်ရှိ အနက်ရောင် မီးတောက်များ မှာ ချက်ချင်း လွင့်စင်သွားတော့သည်။

သူ၏ နောက်ကျောဘက်တွင် စက်ဝိုင်း တစ်ခုအလား မရေမတွက်နိုင်သော ဓားအရိပ်များ လှည့်ပတ်နေကြသည်။

ကျိုးဟန် က လက်ညှိုး ဖြင့် အရှေ့သို့ ညွှန်ပြလိုက်သည်နှင့် တစ်ပြိုင်နက်... ကောင်းကင် တစ်ခွင် လွှမ်းမိုးနေသော ဓားအလင်းတန်း များက အလောင်းဘုရင် ထံသို့ ဖျက်ဆီး၍ မရနိုင်သော အရှိန်အဝါများဖြင့် လှိမ့်ဝင်သွားတော့သည်။

"ဘာ... ဒါ... ဒါက ဘာသိုင်းကျင့်စဉ် လဲ..."

"မင်းကိုယ်မင်း မီးတောက်တစ်သောင်း လို့ ခေါ်တယ် မဟုတ်လား... ငါ့ရဲ့ ဓားတစ်သောင်း ရှေ့မှာ ဘာလို့ ကြောက်သွားရတာလဲ..."

စောစောက မောက်မာနေသော မီးတောက်တစ်သောင်း အလောင်းဘုရင် မှာ ခန္ဓာကိုယ် တုန်ယင်သွားပြီး မျက်စိရှေ့ရှိ မြင်ကွင်းကို အံ့အားသင့်စွာ ကြည့်နေမိသည်။

သူ ဘယ်လောက်ပဲ အတွေ့အကြုံ များပါစေ ယခု မြင်ကွင်းကြောင့် ကြောက်လန့်သွားခဲ့သည်။

သို့သော် သူ လျင်မြန်စွာ သတိဝင်လာသည်။ ဤကဲ့သို့သော စွမ်းအားမျိုးကို တားဆီးရန် မဆိုထားနှင့်...

အနည်းငယ် ထိမိရုံဖြင့်ပင် သူ၏ ခန္ဓာကိုယ် အစိတ်စိတ်အမွှာမွှာ ဖြစ်သွားမည်မှာ သေချာသည်။

အခု ချက်ချင်း ထွက်မပြေးရင် ဒီနေရာမှာ သေဖို့ စောင့်နေရမှာပေါ့။

အနက်ရောင် အလင်းတန်း တစ်ခု ဖြတ်သန်းသွားပြီး သူက နောက်ကိုပင် လှည့်မကြည့်တော့ဘဲ မြေအောက်သို့ တိုးဝင်သွားတော့သည်။

"ဟက်... မြေအောက်မှာ ပုန်းနေလို့ ရမယ် ထင်နေတာလား..."

"ငါ့အတွက် အစွမ်းကုန် တိုက်ခိုက်စမ်း... ဒီနေ့ ဒီမြေပြန့်ကြီး ကို ချောက်ကမ်းပါး အဖြစ် ပြောင်းပစ်မယ်..."