အခန်း ၉၆

အခန်း (၉၆) မင်းက တိရစ္ဆာန်ပဲ... မူလ ကာမဂုဏ် ရမ္မက်

ဤအရုပ်ဆိုးသော အမျိုးသားသည် သာမန် လူသား တစ်ယောက် မဟုတ်ပေ။

သူသည် နတ်ဘုရားနှင့် နတ်ဆိုး ကမ္ဘာကြီး၏ မျိုးနွယ်စု တစ်သောင်း အနက်မှ ပုံရိပ်ယောင် မျိုးနွယ် တစ်ဦး ဖြစ်သည်။

ထို့ကြောင့် သူ၏ အရာအားလုံးက ဤမျှလောက် ထူးဆန်းနေခြင်း ဖြစ်သည်။

သို့သော် ကျိုးဟန် တွင် အဆင့်မြှင့်တင်ထားသော အကဲဖြတ်ခြင်း စွမ်းရည် ရှိနေသည်။

တစ်ဖက်လူ၏ လျှို့ဝှက်ချက်များ အားလုံးက သူ့ရှေ့တွင် ထင်ရှားစွာ ပေါ်လွင်နေသည်။

ပုံရိပ်ယောင် မျိုးနွယ် - အနီရောင် ပုံရိပ်ယောင် သားရဲ။

အရည်အသွေး - ကြယ်ရောင်အဆင့် Boss၊

အဆင့် - ၈၀

သွေးပမာဏ - ၂၀၀၀၀၀

တိုက်ခိုက်မှု - ၂၁၀၀၀

အကာအကွယ် - ၈၀၀၀

စွမ်းရည် ၁ - မူလ ကာမဂုဏ် ရမ္မက် (ပန်းရောင် အငွေ့အသက်များကို ထုတ်လွှတ်သည်။ မိမိထက် ဝိညာဉ် စွမ်းအား နိမ့်ကျသော ပစ်မှတ်ကို မူလ ကာမဂုဏ် ရမ္မက်များ ဖြစ်ပေါ်လာစေသည်)

စွမ်းရည် ၂ - မြူခိုး အဖြစ် ပြောင်းလဲခြင်း (ခန္ဓာကိုယ်ကို မြူခိုးအဖြစ် ပြောင်းလဲနိုင်သည်။ ခံစားရသော ထိခိုက်မှု ၅၀ ရာခိုင်နှုန်း လျှော့ချကာ မြူခိုးများကို ထိန်းချုပ်၍ ပစ်မှတ်ကို တိုက်ခိုက်နိုင်သည်)

စွမ်းရည် ၃ - ပုံရိပ်ယောင် လေဟာနယ် (ပစ်မှတ်ကို ပုံရိပ်ယောင် လေဟာနယ်ထဲသို့ ဆွဲခေါ်နိုင်သည်။ ပစ်မှတ်၏ ဝိညာဉ် စွမ်းအား နိမ့်ကျလေ အောင်မြင်နိုင်ခြေ မြင့်မားလေ ဖြစ်သည်)

ဖော်ပြချက် - မူလ ခန္ဓာကိုယ်က အနီရောင် မြူခိုးများကြားတွင် လွတ်လပ်စွာ သွားလာနိုင်သည်။

ပုံသဏ္ဌာန် မရှိသဖြင့် ဓာတ် စွမ်းရည် အများစုကို ခုခံနိုင်စွမ်း ရှိသည်။

အားနည်းချက် - စိတ်ပိုင်းဆိုင်ရာနှင့် ဝိညာဉ်ပိုင်းဆိုင်ရာ တိုက်ခိုက်မှုများ။

"တကယ်ကို နတ်ဘုရားနဲ့ နတ်ဆိုး ကမ္ဘာကြီးက ထူးဆန်းတာတွေ အများကြီး ရှိတာပဲ"

"ဘာမျိုးနွယ်တွေမဆို ရှိနိုင်တာပဲ"

အဆက်မပြတ် လေ့ကျင့်မှုများနှင့်အတူ ကျိုးဟန် ယုံကြည်ချက် ရှိလာသည်။

အနာဂတ်တွင် ပိုမို အစွမ်းထက်သော မျိုးနွယ်စုများနှင့် ကြုံတွေ့ရမည် ဖြစ်သည်။

သို့သော် ၎င်းက နောင်မှ ဖြစ်လာမည့် ကိစ္စများ ဖြစ်သည်။

လောလောဆယ် ပြဿနာကို အရင် ဖြေရှင်းရမည်။

"ဟေ့ကောင်... အလကား ကြွားမနေနဲ့... သတ္တိရှိရင် လာခဲ့လေ"

ကျိုးဟန်၏ စကားကို ကြားပြီးနောက် ပုံရိပ်ယောင် သားရဲက အရေးမလုပ်ပေ။

အဆင့်နိမ့် လူငယ်လေး တစ်ယောက်က သူ၏ အားနည်းချက်ကို ရှာတွေ့လိမ့်မည်ဟု သူ လုံးဝ မယုံကြည်ပေ။

"လာလေ... မရဲတော့ဘူးလား"

"မင်းတို့ လူသားတွေက တကယ်ကို သတ္တိကြောင်တာပဲ"

ပုံရိပ်ယောင် သားရဲ၏ မျက်လုံးများထဲတွင် လှောင်ပြောင်မှုများ ပြည့်နှက်နေသည်။

ကျိုးဟန် ဒေါသထွက်လာစေရန် တမင် ရန်စသော စကားများဖြင့် အော်ဟစ်နေသည်။

ဤကဲ့သို့သော အဆင့်နိမ့် မြှူဆွယ်မှုမျိုးကို ကျိုးဟန်က အလွယ်တကူ ကျော်လွှားနိုင်သည်။

သူ၏ မျက်လုံးများထဲတွင် အေးစက်သော အကြည့်များသာ ရှိနေသည်။

"တစ်ခုခုတော့ မှားနေပြီ"

"ဒီကောင်က ငါ့ကို ဒေါသထွက်အောင် လုပ်ပြီး သူ့ဆီ လာတိုက်ခိုက်စေချင်နေတာလား"

"ဒါက သဘာဝ မကျဘူး... သူ တစ်ခုခု အကြံအစည် ရှိလို့များလား"

တစ်ဖက်လူ၏ နည်းလမ်းများက အလွန် ထူးဆန်းလှသည်။

ကျိုးဟန် အနေဖြင့် ဂရုစိုက် သတိထားရန် လိုအပ်သည်။

သူက စိတ်ထဲတွင် လျင်မြန်စွာ တွေးတောနေသည်။

"ငါ အခု ပုံရိပ်ယောင် လေဟာနယ် ထဲကို ရောက်နေတာ များလား"

သူ၏ ဝိညာဉ် စွမ်းအားက အလွန် မြင့်မားသည်။

ထို့ကြောင့် အောင်မြင်နိုင်ခြေ နည်းပါးသော်လည်း ပုံရိပ်ယောင် လေဟာနယ်ထဲသို့ ဆွဲခေါ်ခံရနိုင်ခြေ ရှိသေးသည်။

ထိုသို့ တွေးမိသည်နှင့် "ခွပ် ခွပ် ခွပ်" ကွဲအက်သံများ ထွက်ပေါ်လာသည်။

ထိုအတွေး ဝင်လာသည်နှင့် တစ်ပြိုင်နက် ပတ်ဝန်းကျင်ရှိ ကမ္ဘာကြီးက ကွဲကြေသွားသည်။

မျက်စိရှေ့ရှိ မြင်ကွင်းက ကျိုးဟန် မြင်တွေ့ခဲ့ရသည်များနှင့် လုံးဝ ကွာခြားသွားသည်။

သူ၏ မျက်စိရှေ့တွင် ချော်ရည်များ ပြည့်နှက်နေသော ချိုင့်ဝှမ်းကြီး တစ်ခု ရှိနေသည်။

ကြောက်မက်ဖွယ်ကောင်းသော အပူချိန်က လူကို ထိတ်လန့်သွားစေသည်။

အကယ်၍ စောစောကသာ ကျိုးဟန်က ဒေါသထွက်ပြီး တိုက်ခိုက်ရန် ပြေးသွားခဲ့မည် ဆိုပါက...

သူသည် သေချာပေါက် ချော်ရည်ကန်ထဲသို့ ကျသွားမည် ဖြစ်သည်။

ကျောပြင် တစ်လျှောက် ချွေးစေးများပင် ထွက်လာသည်။

ကျိုးဟန်၏ ရင်ထဲတွင် ဒေါသများ ပေါက်ကွဲထွက်လာသည်။

မိမိကို ဤကဲ့သို့ ကစားသွားသဖြင့် အသက်ပင် ဆုံးရှုံးရလုနီးပါး ဖြစ်သွားသည်။

"မင်း ငါ့ကို ဖောက်ထွင်း သိမြင်သွားလိမ့်မယ်လို့ မထင်ထားဘူး"

"ဒါပေမဲ့ မင်း ဒေါသထွက်နေလည်း အပိုပဲ... မင်း ငါ့ကို ဘာမှ လုပ်နိုင်မှာ မဟုတ်ဘူး"

ပုံရိပ်ယောင် သားရဲ၏ မျက်နှာပေါ်တွင် နှမြောတသ ဖြစ်သွားသော အရိပ်အယောင် အချို့ ထွက်ပေါ်လာသည်။

"ဝိညာဉ်ရိပ် ထိုးနှက်ချက်... သေလိုက်တော့ ခွေးကောင်"

ကျိုးဟန်က ဒေါသတကြီး အော်ဟစ်လိုက်ပြီး ဝိညာဉ်ဆူး ၃ ချောင်း ပြေးထွက်သွားသည်။

"ဟင်... ဒါ ဝိညာဉ်ပိုင်းဆိုင်ရာ သိုင်းကျင့်စဉ်လား"

ပုံရိပ်ယောင် သားရဲ၏ မျက်နှာထား ပြောင်းလဲသွားသည်။

ခန္ဓာကိုယ်က ချက်ချင်း သေးငယ်သွားကာ ဝိညာဉ်ဆူး ၃ ချောင်းလုံးက မထိမှန်ခဲ့ပေ။

တကယ်တမ်း ပြောရလျှင် ဝိညာဉ်ရိပ် ထိုးနှက်ချက်က အနီးကပ် တိုက်ပွဲတွင် အလွန် အစွမ်းထက်သည်။

သို့သော် အဝေးမှ တိုက်ခိုက်ရာတွင်တော့ အနည်းငယ် အားနည်းနေသည်။

သေချာပေါက် ထိမှန်စေမည့် အကျိုးသက်ရောက်မှု မပါဝင်ပေ။

ထို့ကြောင့် မြန်နှုန်းမြင့်သော ပြိုင်ဘက်မျိုးက အလွယ်တကူ ရှောင်တိမ်းသွားနိုင်သည်။

"ဟားဟား... ဒီလောက်ပဲလား"

"ငါ ပြောသားပဲ အချိန်မဖြုန်းပါနဲ့လို့... ဒီနေ့ မင်းကို လွှတ်ပေးလိုက်မယ်... မြန်မြန် ထွက်သွားလိုက်တော့"

ပုံရိပ်ယောင် သားရဲ၏ အသံတွင် အထင်သေးမှု အချို့ ပါဝင်နေသည်။

တကယ်တော့ သူကိုယ်တိုင်လည်း ကျိုးဟန်ကို ဘာမှ မလုပ်နိုင်သဖြင့် ဤကဲ့သို့ ပြောလိုက်ခြင်း ဖြစ်သည်။

"ဘာ... မင်းက ဆက်ပြီး တိုက်ခိုက်ချင်သေးတာလား... အလကား အလုပ်တွေပဲ"

ကျိုးဟန်က စွမ်းရည်များကို အဆက်မပြတ် အသုံးပြုနေသည်။

ပုံရိပ်ယောင် သားရဲက ပိုမို ကျေနပ်သွားပြီး မောက်မာမှုများ တိုးလာသည်။

"စနစ် သတိပေးချက် - သင်၏ ဝိညာဉ်ရိပ် ထိုးနှက်ချက်၏ ကျွမ်းကျင်မှု အမှတ် ပြည့်သွားပါပြီ"

"စနစ် သတိပေးချက် - စွမ်းရည်သစ်ကို ဖွင့်လှစ်မည်လား"

ကျိုးဟန် ဤသို့ လုပ်ဆောင်နေခြင်းက အလကား မဟုတ်ပေ။

သူသည် ကျွမ်းကျင်မှု အမှတ်များကို ဖြည့်တင်းနေခြင်း ဖြစ်သည်။

နောက်ဆုံးတွင် ကျွမ်းကျင်မှု အမှတ် ပြည့်သွားပြီး စွမ်းရည်သစ် ပွင့်လာခဲ့သည်။

"ဖွင့်လှစ်မယ်"

ကျိုးဟန်က စိတ်ထဲတွင် ပြောလိုက်သည်။

"စနစ် သတိပေးချက် - သင်၏ ဝိညာဉ် စုပ်ယူခြင်း လှိုင်း စွမ်းရည်ကို အောင်မြင်စွာ ဖွင့်လှစ်နိုင်ပါပြီ"

"စနစ် သတိပေးချက် - ကျေးဇူးပြု၍ အချက်အလက်များကို စစ်ဆေးကြည့်ပါ"

ကျိုးဟန်က တိုက်ရိုက် မကြည့်သေးဘဲ ၅ ကြိမ် အဆင့်မြှင့်လိုက်သည်။

ဝိညာဉ် စုပ်ယူခြင်း လှိုင်း (၅ ကြိမ်မြှင့်)။

အရည်အသွေး - ရွှေအဆင့်

ပိုင်ဆိုင်မှု - ဝိညာဉ် ထိန်းချုပ်ခြင်း သိုင်း။

အမျိုးအစား - တိုက်ခိုက်ရေး။

ဖော်ပြချက် - ဝိညာဉ်ကို စုပ်ယူပြီး ကြမ်းတမ်းသော ဝိညာဉ် လှိုင်းများကို ထုတ်လွှတ်သည်။

အကျိုးသက်ရောက်မှု - ၁ သန်း ကုဗမီတာ ပတ်လည်ရှိ လေဟာနယ်တွင် ၁၄ ဆသော ဝိညာဉ်ပိုင်းဆိုင်ရာ တိုက်ခိုက်မှုကို ပေးစွမ်းနိုင်သည်။

ပြန်လည် အသုံးပြုရန် အချိန် ၂၀ စက္ကန့်။

ဒါက တကယ်ကို မိုက်တာပဲ။

နတ်ဆိုး မျိုးနွယ်ထံမှ ရရှိသော သိုင်းကျမ်းက ဘယ်လိုလုပ် ညံ့ဖျင်းနိုင်မည်နည်း။

ရွှေအဆင့်သာ ဖြစ်သော်လည်း တိုက်ခိုက်မှု စွမ်းအားက အတော်လေး ကောင်းမွန်နေဆဲ ဖြစ်သည်။

"ဘာလို့ ဆက်မတိုက်တော့တာလဲ... မင်းက အရမ်း စွမ်းတယ် ဆို"

"လာလေ... ငါ့ကို လာရိုက်ပါလား"

ပုံရိပ်ယောင် သားရဲက သားရဲ တစ်ကောင် အဖြစ် ပြောင်းလဲသွားသည်။

ဖင်ကို လှုပ်ခါကာ အဆက်မပြတ် လှောင်ပြောင်နေတော့သည်။

"ကောင်းပြီလေ... ငါ မင်းရဲ့ ဆန္ဒကို ဖြည့်ဆည်းပေးရတာပေါ့"

ကျိုးဟန်၏ မျက်လုံးများ ကျုံ့ဝင်သွားပြီး အန္တရာယ်ရှိသော အလင်းတန်းများ ဖြတ်သန်းသွားသည်။

"ဝိညာဉ် စုပ်ယူခြင်း လှိုင်း... မင်းရဲ့ ဝိညာဉ်ကို အမှုန့်ဖြစ်အောင် လုပ်ပစ်မယ်"

ဒေါသတကြီး အော်ဟစ်သံနှင့်အတူ ကျိုးဟန်၏ ပတ်လည်တွင် ကြမ်းတမ်းသော လှိုင်းလုံး တစ်ခု ဖြစ်ပေါ်လာသည်။

ရေလှိုင်း တစ်ခုအလား ဝိညာဉ်များကို စုပ်ယူနိုင်သော အငွေ့အသက်များနှင့်အတူ အရပ်မျက်နှာအနှံ့သို့ ပြန့်နှံ့သွားသည်။

ဤကြမ်းတမ်းသော လှိုင်းလုံးများကို ကျိုးဟန်သာလျှင် ခံစားနိုင်သည်။

"ဟားဟားဟား... မင်း သိုင်းကျင့်စဉ်တွေ ထုတ်သုံးလိုက်လေ... လက်လျှော့လိုက်ပြီလား"

"မင်း... မင်း... ဒါက ဘာလဲ... အား"

-၂၃၀၀၀၀

ဤသည်မှာ ကာကွယ်မှုများကို လျစ်လျူရှုနိုင်သော သေချာပေါက် ထိခိုက်မှု ဖြစ်သည်။

တစ်ချက်တည်းဖြင့် သတ်ဖြတ်လိုက်ခြင်း ဖြစ်သည်။

ပုံရိပ်ယောင် သားရဲ၏ ရယ်မောသံများ ချက်ချင်း ရပ်တန့်သွားသည်။

သူ၏ မျက်နှာထားက ခဲယဉ်းသွားကာ ထိုနေရာတွင်ပင် တစ်ချက်မှ မလှုပ်ရှားနိုင်တော့ပေ။

ခန္ဓာကိုယ်ပေါ်ရှိ အသက်ဓာတ်များက တဖြည်းဖြည်း လျော့ကျသွားတော့သည်။

"စနစ် သတိပေးချက် - သင်သည် ကြယ်ရောင်အဆင့် Boss အနီရောင် ပုံရိပ်ယောင် သားရဲ ကို အောင်မြင်စွာ သတ်ဖြတ်နိုင်ပါသည်"

စနစ်၏ သတိပေးသံကို ကြားလိုက်ရသဖြင့် ကျိုးဟန်လည်း သက်ပြင်းချလိုက်သည်။

ဤခက်ခဲသော ပြိုင်ဘက်ကြီး နောက်ဆုံးတော့ သေဆုံးသွားပြီ ဖြစ်သည်။

ပစ္စည်း ၂ ခု ကျလာပြီး ကျိုးဟန်လည်း လေပြင်းများကို အသုံးပြုကာ ဆွဲယူလိုက်သည်။

မကြည့်တော့ဘဲ အာကာသ ကျောပိုးအိတ်ထဲသို့ တိုက်ရိုက် ထည့်လိုက်သည်။

ယခု ဝမ်ယွိဟယ်၏ အခြေအနေက မည်သို့ ရှိနေသည်ကို သူ မသိသေးပေ။

ထို့ကြောင့် သေချာ ကြည့်ရှုရန် အချိန် မရှိသေးပေ။

"သူမ မူလ နေရာမှာပဲ ရှိနေသေးတယ် ဆိုတော့ အသက်အန္တရာယ်တော့ မရှိလောက်သေးဘူး"

မြေပုံ၏ ညွှန်ကြားချက်အတိုင်း ကျိုးဟန်က တိုက်ရိုက် လျှောက်သွားလိုက်သည်။

"အား... အို"

အနားသို့ မရောက်သေးခင်မှာပင် ကျိုးဟန်က ညည်းတွားသံ တစ်ခုကို ကြားလိုက်ရသည်။

ဤအသံက လူကို စိတ်ကူးယဉ်သွားစေသည်။

"သောက်ကျိုးနည်း... ဒါက ဘာလုပ်နေတာလဲ"

သူ့ရှေ့တွင် ဝမ်ယွိဟယ်က ကိုယ့်ကိုယ်ကိုယ် ပွတ်သပ်နေသည်ကို သူ တွေ့လိုက်ရသည်။

သာယာသော အသံများလည်း ထွက်ပေါ်နေသည်။

ကျိုးဟန်လည်း ရင်ထဲရှိ ပူလောင်မှုများကို ထိန်းချုပ်ကာ ပတ်ဝန်းကျင်ကို ကြည့်ရှုလိုက်သည်။

"အား... အစ်ကိုဟန်... နင် နောက်ဆုံးတော့ ရောက်လာပြီပဲ"

"ငါ... ငါ အရမ်း လိုချင်နေပြီ"

ယောက်ျားလေး တစ်ယောက်၏ အငွေ့အသက်ကို ခံစားလိုက်ရသဖြင့် ဝမ်ယွိဟယ်၏ မှုန်ဝါးဝါး မျက်လုံးများက အရောင်တောက်လာသည်။

သူမသည် အဆုံးမရှိသော ဆန္ဒများဖြင့် ပြည့်နှက်သွားပြီး ကျိုးဟန်ထံသို့ တိုက်ရိုက် ခုန်ဝင်လာတော့သည်။

"နင် ငါ့အနား မလာနဲ့နော်... မိန်းမယုတ်"

"မင်းရဲ့ အစစ်အမှန်ကို ထုတ်ပြစမ်း"

ကျိုးဟန်၏ မျက်နှာထားက လေးနက်သွားပြီး အလွန် သတိထားနေသည်။

ထို့နောက် ဝမ်ယွိဟယ်က အဝတ်အစားများကို ချွတ်ချလိုက်သည်။

ကြွေသားအလား ဖြူဖွေးသော အစစ်အမှန် ခန္ဓာကိုယ် ထွက်ပေါ်လာတော့သည်။

"သောက်ကျိုးနည်း... ငါ ပြောတဲ့ အစစ်အမှန်က ဒါမျိုးကို ပြောတာ မဟုတ်ဘူး"

ကျိုးဟန်လည်း အလျင်အမြန် မျက်နှာလွှဲလိုက်သည်။

သို့သော် ဝမ်ယွိဟယ်၏ ခေါင်းပေါ်ရှိ နာမည်ကို မြင်လိုက်ရချိန်တွင် အခြေအနေကို နားလည်သွားသည်။

ဤသည်က ပုံရိပ်ယောင် မဟုတ်ဘဲ သူမ 'မူလ ကာမဂုဏ် ရမ္မက်' စွမ်းရည် ထိသွားခြင်း ဖြစ်သည်။

"ဒါကို ဘယ်လို ပြန်ဖြည်ရမလဲ"

ကျိုးဟန်က စိတ်ထဲတွင် လျင်မြန်စွာ စဉ်းစားနေသည်။

သို့သော် ဝမ်ယွိဟယ်က သူ့ထံသို့ ခုန်ဝင်လာပြီး ရေဘဝဲ တစ်ကောင်အလား ကျိုးဟန်၏ ခန္ဓာကိုယ်တွင် ရစ်ပတ်ကာ...

နီရဲနေသော နှုတ်ခမ်းများဖြင့် နမ်းရှိုက်လာတော့သည်။

"အွန်း... နင်... အွန်း"

ကျိုးဟန်က အသက် ၂၀ တောင် မပြည့်သေးသော လူပျိုလေး တစ်ယောက် ဖြစ်ရာ ရှက်ရွံ့နေသည်။

သူက လက်ကို ဓားအဖြစ် ပြောင်းလဲကာ သူမ၏ လည်ပင်းကို ရိုက်ချလိုက်သည်။

သတိလစ်သွားစေရန် ကြိုးစားသော်လည်း အဖွဲ့ဝင်ကို တိုက်ခိုက်၍ မရကြောင်းကို သူ မေ့သွားခဲ့သည်။

ဝမ်ယွိဟယ်၏ ခွန်အားက ထူးဆန်းစွာ ကြီးမားနေသည်။

သူမက ကျိုးဟန်ကို မြေပြင်ပေါ်သို့ ချက်ချင်း လှဲချလိုက်ပြီးနောက်...

"ကောင်းပြီလေ... ပြန်ခုခံလို့ မရတော့မှတော့ ငြိမ်ငြိမ်လေးပဲ ခံစားလိုက်တော့မယ်"

ကျိုးဟန်က အရှက်တကွဲ မျက်ရည်များ ကျလာတော့သည်။

၃ နာရီ အကြာ...

"ကျိုးဟန်... နင်က တိရစ္ဆာန်ပဲ... ငါ နင့်ကို သတ်ပစ်မယ်"

ဝမ်ယွိဟယ်က အဝတ်အစားများဖြင့် ခန္ဓာကိုယ်ကို ဖုံးကွယ်ထားသည်။

လှပသော မျက်နှာလေးပေါ်တွင် ရှက်စိတ်နှင့် ဒေါသများ ပြည့်နှက်နေသည်။

"နင်က အရင် စပြီး လုပ်တာလေ... အခုကျတော့ အပြစ် လာတင်နေတယ်"

"မိန်းမတွေက တကယ်ကို ပြဿနာ များတာပဲ"

ကျိုးဟန်က အဝတ်အစားများကို ပြန်ဝတ်ရင်း ပြောလိုက်သည်။

ဝမ်ယွိဟယ်က ဒေါသတကြီးဖြင့် ကျိုးဟန်၏ ပခုံးကို အတင်း ကိုက်ရန် ကြိုးစားတော့သည်။

ကျိုးဟန်က သူမကို အလျင်အမြန် ဟန့်တားလိုက်သည်။

အဝတ်အစားများကို ဆွဲဖွင့်ပြကာ သူမကို ခြောက်လိုက်မှသာ သူမ ငြိမ်ကျသွားတော့သည်။

"နင်... နင် ဒီအတိုင်း ထွက်သွားတော့မလို့လား"

"ဒါဆို ဘယ်လို လုပ်ရမလဲ... ဒီမှာ ဆက်ပြီး ညအိပ်ရဦးမှာလား"

"နောက်တစ်ကြိမ် ထပ်လုပ်ဖို့ ဆိုရင်တော့ လုံးဝ မစဉ်းစားနဲ့တော့... ငါ လုံးဝ သဘောမတူနိုင်ဘူး"

"လစ်စမ်း... ဘယ်သူက နင်နဲ့ အဲဒီလို ကိစ္စ လုပ်ချင်လို့လဲ"

ဝမ်ယွိဟယ်က အနားရှိ အဝတ်အစားကို ကောက်ယူကာ ပစ်ပေါက်လိုက်သည်။

ကျိုးဟန်က သူမ၏ ဖီးနစ် အမွေး အတွင်းခံကို ပြန်ပေးလိုက်သည်။

သူမက ဓားဧကရာဇ်နှင့် တိုင်မည်ဟု ခြိမ်းခြောက်လိုက်သဖြင့် ကျိုးဟန်လည်း မျက်နှာချိုသွေးရတော့သည်။

"ယွိဟယ်... ဟယ်လေး... အချစ်လေး... ဘယ်သူက ထွက်သွားမယ်လို့ ပြောလို့လဲ"

"သေချာပေါက် နင့်အတွက် စားစရာ သွားရှာပေးမလို့လေ"

ကျိုးဟန်က ပြုံးစိစိဖြင့် ပြောလိုက်ရာ ဝမ်ယွိဟယ်လည်း ရှက်ပြုံးလေး ပြုံးသွားတော့သည်။

"ကောင်းပါပြီ ကောင်းပါပြီ... ဒါဆို ဒီမှာ ခဏ စောင့်နေနော်... ငါ သွားပြီး စားစရာ ရှာလိုက်ဦးမယ်"

ကျိုးဟန်က ပုံရိပ်ယောင် လေဟာနယ်ထဲမှ ထွက်ခွာလာသည်။

သူက အနီးဆုံးရှိ မီးဘဲ ဧရိယာသို့ ဘဲကင် လုပ်စားရန် ထွက်ခွာခဲ့တော့သည်။