အခန်း ၁၆၁

အခန်း (၁၆၁) အဆတစ်သောင်း ဆွဲငင်အား

"သောက်ကျိုးနည်း ဆယ်ဆ ဆွဲငင်အား ဆိုတော့ နည်းနည်း ကြောက်စရာ ကောင်းတယ်"

"ဘုရားရေ ဆယ်ဆ ဆွဲငင်အား ကို ခံပြီး မီတာ တစ်သောင်း ပြေးရမယ် ဆိုတော့ လူကို အသေခံခိုင်းနေတာပဲ"

"ကောင်းကင် နိယာမ စမ်းသပ်မှု ဆိုတဲ့ အတိုင်းပဲ တကယ်ကို အံ့မခန်းပဲ"

လူအများ မျက်နှာများ ဖြူရော်သွားကြပြီး ခန္ဓာကိုယ် များမှာလည်း တုန်ယင်လာကာ ရှေ့သို့ မသွားရဲကြတော့ပေ။

"နင်တို့ ဘာလုပ်နေကြတာလဲ စမ်းသပ်မှု ကို မစသေးရင် အဆနှစ်ဆယ် ဆွဲငင်အား ကို ပြောင်းလိုက်တော့မယ်" ရွှမ်ယွမ်မုန့် က တိုက်တွန်းလိုက်လေသည်။

ထိုစကားကို ကြားလိုက်ရသောအခါ လူအများ ထိတ်လန့်သွားကြပြီး အပြေးအလွှား သွားကြလေသည်။

သို့သော် ဤနေရာသို့ လာနိုင်သူတိုင်း မှာ အားနည်းသူများ မဟုတ်ကြရာ အနည်းငယ် နာကျင်ရသော်လည်း နောက်ဆုံးတွင် ဤဆွဲငင်အား ကို ကျင့်သားရသွားပြီး ပြေးလမ်း ထဲတွင် ခက်ခဲစွာ လျှောက်လှမ်းနေကြလေသည်။

လူတိုင်း ဖုတ်ကောင် များ လမ်းလျှောက်နေသကဲ့သို့ အလွန် နှေးကွေးနေလေသည်။

"ကျိုးဟန် နင် ဘာလို့ မဝင်သေးတာလဲ"

ကျိုးဟန် က နေရာတွင် ရပ်နေပြီး မလှုပ်မရှား ဖြစ်နေသည်ကို မြင်သောအခါ ရွှမ်ယွမ်မုန့် ၏ မျက်နှာပေါ်တွင် အပြုံးတစ်ခု ထွက်ပေါ်လာလေသည်။

သူမ က အကြောင်းပြချက် ရှာပြီး ဒုက္ခပေးရန် ပြင်ဆင်နေချိန်တွင်

ယခုတော့ တွေးနေစရာ မလိုဘဲ အသင့် ရှိနေလေပြီ။

"နင့်ရဲ့ ဆွဲငင်အား ကို အဆသုံးဆယ် ပြောင်းလိုက်မယ်"

"ဟူး ရက်စက်လိုက်တာ"

"ကျိုးဟန် တော့ ငိုရတော့မယ် ထင်တယ်"

"ဘယ်သူက သူ့ကို ဂုဏ်ဆာပြီး ရွှမ်ယွမ်မုန့် ရဲ့ အာရုံစိုက်မှု ကို ရအောင် လုပ်ခိုင်းလို့လဲ"

"ဟဲဟဲ ခံပေါ့ အစ်မမုန့် ကို ကျိုးဟန် လို အရုပ်ဆိုးတဲ့ ကောင် က မျှော်လင့်လို့ ရမလား"

ယွီရီ က အလွန် မကျေမနပ် ဖြစ်နေလေသည်။ သူတို့ ကမ္ဘာတွင် သူက

လွန်ခဲ့သော အချိန်တို အတွင်းကမှ နှစ်လေးထောင် အတွင်း တစ်ခါ ပေါ်ထွက်လာသော အချောမောဆုံး အမျိုးသား အဖြစ် ရွေးချယ်ခံခဲ့ရသူ ဖြစ်သည်။

ကျိုးဟန် က ရွှမ်ယွမ်မုန့် ကို အထင်သေးစွာ ပြုံးပြပြီး ပြေးလမ်း ထဲသို့ တိုက်ရိုက် ပြေးဝင်သွားလေသည်။

"ရွံစရာ ယောက်ျား နင်က ရယ်ရဲသေးတယ်ပေါ့ ခဏနေရင် နင် မျက်ရည်ကျအောင် လုပ်ပြမယ်" ရွှမ်ယွမ်မုန့် က ရင်ထဲတွင် ရက်စက်စွာ တွေးလိုက်လေသည်။

"စနစ် သတိပေးချက် - သင်၏ ပတ်ဝန်းကျင်တွင် ဆွဲငင်အား ဓာတ်စင် များ ပြည့်နှက်နေပါသည်"

"စနစ် သတိပေးချက် - သင်သည် အဆသုံးဆယ် သော ဆွဲငင်အား ၏ ဖိနှိပ်မှုကို ခံစားနေရပါသည်"

ဝင်ဝင်ချင်းပင် ကျိုးဟန် က စနစ်၏ သတိပေးသံ ကို ကြားလိုက်ရလေသည်။

"ဖြောင်း"

ကျိုးဟန် ၏ ကိုယ်တွင်းမှ တုန်ခါသံ ထွက်ပေါ်လာပြီးနောက် မည်သည့် ပြဿနာမျှ မရှိတော့ပေ။

"ဟင် သူက ဘာလို့ မလဲကျသွားတာလဲ ဆွဲငင်အား မထည့်ထားတာလား"

"မြန်မြန် ကြည့် ကျိုးဟန် က အထဲမှာ ရူးသွပ်စွာ ပြေးနေတယ် ဆော့နေတာလား"

"ကျွတ်ကျွတ်ကျွတ် ကျိုးဟန် က ရွှမ်ယွမ်မုန့် ကို အဝေးကနေ အနမ်း ပေးလိုက်တယ် တကယ်ကို ရန်စနေတာပဲ"

လူအများမှာ ခရု များ အလား တွားသွားနေကြချိန်တွင်

ကျိုးဟန် ပြေးနေသော အမြန်နှုန်း က သူတို့ကို ကြောင်အမ်းသွားစေသည်။

ဆယ်ဆ ဆွဲငင်အား ကိုပင် သူတို့ ဤသို့ မလုပ်နိုင်ကြပေ။

အဆသုံးဆယ် ဆွဲငင်အား ဆိုလျှင် ပို၍ပင် မပြောနှင့်တော့။

"သောက်ကျိုးနည်း ဘယ်ကောင် က ငါ့ကို စွပ်စွဲနေတာလဲ ငါက ဘယ်တုန်းက အနမ်း ပေးလိုက်လို့လဲ"

ကျိုးဟန် က ထိုမမှန်မကန် ပြောဆိုနေသော ကောင်ကို ဆွဲထုတ်ပြီး ရိုက်ပစ်ချင်စိတ် ပေါက်သွားလေသည်။

"သောက်ကျိုးနည်း ငါက ဘောင်းဘီ ခါးပတ် ကို ဖြေပြီး ရွှမ်ယွမ်မုန့် ကို ရန်စနေတာ ဟုတ်ပြီလား"

ယခုအချိန်တွင် ရွှမ်ယွမ်မုန့် ၏ မျက်နှာ အမူအရာကို ရှင်းပြနေစရာ မလိုတော့ပေ။ လှပသော မျက်နှာလေး မှာ ရှက်ရွံ့ပြီး အလွန် အေးစက်နေလေသည်။

ဤကောင် က ဤမျှ ညစ်ညမ်းသော လုပ်ရပ်ကို လုပ်ရဲသည်လား။

မာနထောင်လွှားနေသော တောင်တန်းကြီး မှာ အဆက်မပြတ် လှုပ်ရှားနေပြီး

ရင်ထဲတွင် မည်မျှ ဒေါသထွက်နေမည်ကို မှန်းဆကြည့်နိုင်ပေသည်။

"နင့်ကို ဂုဏ်ဆာခိုင်းဦးမယ် အဆတစ်ရာ ဆွဲငင်အား သာ လုပ်လိုက်" ရွှမ်ယွမ်မုန့် ဒေါသတကြီး သွားကြိတ်ကာ တိုက်ရိုက် အမိန့်ပေးလိုက်လေသည်။

"ဘုန်း"

ကြမ်းတမ်းသော ဆွဲငင်အား က တိုက်ခိုက်လာပြီး ကျိုးဟန် လည်း ညည်းတွားလိုက်ရလေသည်။

ကိုယ်တွင်းရှိ စစ်မှန်သော နဂါး စွမ်းအား က ရုတ်တရက် ပွက်ပွက်ဆူလာပြီး

တစ်ကိုယ်လုံးကို ပြည့်နှက်သွားလေသည်။

"စနစ် သတိပေးချက် - သင်သည် အပြင်ဘက်မှ ကြီးမားသော ဖိအားကို ခံစားရသဖြင့် သင်၏ ခန္ဓာကိုယ် အရည်အသွေး က ပိုမို အစွမ်းထက်လာပါသည်"

"စနစ် သတိပေးချက် - သင်၏ စစ်မှန်သော နတ်နဂါး သွေးမျိုးဆက် သည် တဖြည်းဖြည်း စုပ်ယူခံနေရပါသည်"

စနစ်၏ သတိပေးသံကို ကြားလိုက်ရသဖြင့် ကျိုးဟန် ဝမ်းသာသွားလေသည်။

လက်မောင်းပေါ်ရှိ ရွှေနဂါး တက်တူး သည် ပူလောင်သော အပူရှိန် များ ထွက်ပေါ်လာပြီး ပြင်းထန်သော ရွှေရောင် အလင်းတန်းများ တောက်ပနေလေသည်။

"ဆွဲငင်အား က ခန္ဓာကိုယ် ကြံ့ခိုင်မှုကို တိုးလာစေနိုင်မယ်လို့ မထင်ထားခဲ့ဘူး"

ခန္ဓာကိုယ် ကြံ့ခိုင်မှု ပြည့်မီသွားပါက စစ်မှန်သော နတ်နဂါး သွေးမျိုးဆက် ကို ပိုမို ခံနိုင်ရည် ရှိလာမည် ဖြစ်သည်။

"စနစ် သတိပေးချက် - လက်ရှိ စစ်မှန်သော နတ်နဂါး သွေးမျိုးဆက် စုပ်ယူမှု ၀.၀၁ ရာခိုင်နှုန်း"

"စနစ် သတိပေးချက် - လက်ရှိ စစ်မှန်သော နတ်နဂါး သွေးမျိုးဆက် စုပ်ယူမှု ၀.၀၂ ရာခိုင်နှုန်း"

"စနစ် သတိပေးချက် - လက်ရှိ စစ်မှန်သော နတ်နဂါး သွေးမျိုးဆက် စုပ်ယူမှု ၀.၀၃ ရာခိုင်နှုန်း"

...

"အရမ်း နေလို့ ကောင်းတာပဲ မုန်တိုင်း တွေ ဒီထက် ပိုပြင်းထန်ပါစေ" ကျိုးဟန် အသံကျယ်ကျယ်ဖြင့် အော်ဟစ်လိုက်ပြီး ခန္ဓာကိုယ် အစွမ်းထက်လာသော ခံစားချက် က အလွန် သာယာလှပေသည်။

တစ်ချိန်တည်းမှာပင် ရွှမ်ယွမ်မုန့် ကို လှုံ့ဆော်ရန် လည်း ဖြစ်သည်။ သူမ က ဆွဲငင်အား ကို အဆက်မပြတ် တိုးပေးမှသာ ကျိုးဟန် က ပိုမို လျင်မြန်စွာ စုပ်ယူနိုင်မည် ဖြစ်သည်။

"သောက်ကျိုးနည်း ကျိုးဟန် က ရယ်နေတယ် အရမ်း သာယာနေတဲ့ ပုံစံပဲ အခု ဆွဲငင်အား က အဆ ၅၂၀ ရောက်နေပြီနော်"

"ဒါ လူရော ဟုတ်ရဲ့လား မကောင်းဆိုးဝါး တစ်ကောင် လိုပဲ"

"ကြောက်စရာ ကောင်းလိုက်တာ ဒီ ကျိုးဟန် က ဘယ်ကမ္ဘာက လူလဲ ဒီလောက်တောင် အစွမ်းထက်ရတာလဲ"

"တိရစ္ဆာန် ပဲ ဒီလောက် အစွမ်းထက်နေတာ ငါတို့ သူနဲ့ ယှဉ်လိုက်ရင် အမှိုက် ပဲ"

...

လူအများ မှာ အံ့အားသင့် နေကြပြီး ရင်ထဲတွင် အလွန် စိတ်ပျက်နေကြလေသည်။

ဘာကြောင့် စမ်းသပ်မှု တွင် ဤကဲ့သို့သော ရူးသွပ်သူ နှင့် အတူတူ ကျရောက်ရသနည်း။

လူကို အရမ်း စိတ်ဓာတ်ကျစေသည်။

"ဖူး"

သာယာသော ခံစားချက် ရနေချိန်တွင် ပိုမို ကြောက်မက်ဖွယ် ကောင်းသော ဆွဲငင်အား က တိုက်ခိုက်လာသဖြင့်

ကျိုးဟန် က သွေးဟောင်း တစ်လုတ် အန်ချလိုက်လေသည်။

"စနစ် သတိပေးချက် - သင်သည် အဆ တစ်ထောင် သော ဆွဲငင်အား ကို ခံစားရသဖြင့် ခန္ဓာကိုယ် ၏ ခံနိုင်ရည် ကန့်သတ်ချက် ကို ကျော်လွန်သွားပါသည်"

"စနစ် သတိပေးချက် - သင်၏ စစ်မှန်သော နတ်နဂါး သွေးမျိုးဆက် စုပ်ယူမှု ရပ်တန့်သွားပါပြီ"

"စနစ် သတိပေးချက် - လက်ရှိ စုစုပေါင်း စုပ်ယူမှု အခြေအနေ မှာ ၂၄.၃၃ ရာခိုင်နှုန်း ဖြစ်ပါသည်"

"ဟီးဟီး နောက်ဆုံးတော့ ဒဏ်ရာ ရသွားပြီလား"

"ကျိုးဟန် နင် အရမ်း မာနကြီးနေတယ် မဟုတ်လား"

ဤတစ်ကြိမ်တွင် ရွှမ်ယွမ်မုန့် က ဂုဏ်ဆာခွင့် ရသွားပြီ ဖြစ်ပြီး ကိုယ်လုံးလေး လှုပ်ရှားကာ အလင်းတန်း ဒိုင်းလွှား ကို ကျော်ဖြတ်ပြီး ကျိုးဟန် ၏ ဘေးသို့ ရောက်လာကာ လှောင်ပြောင်လိုက်လေသည်။

"အခု ခေါင်းငုံ့ပြီး ငါ့ကို အမှား ဝန်ခံရင် နင့်ရဲ့ ဆွဲငင်အား ကို ပြန်ရုပ်သိမ်းပေးမယ်" မိန်းမပျိုလေး ၏ စိတ်နေစိတ်ထား အရ ဤဂုဏ်သိက္ခာ ကို အနိုင်ရလိုခြင်း ပင်ဖြစ်သည်။

"ဟဲဟဲ မဖြစ်နိုင်ဘူး ငါက မင်းရဲ့ အနိုင်ကျင့်မှု အောက်မှာ လုံးဝ ဒူးထောက်မှာ မဟုတ်ဘူး" ကျိုးဟန် က ငြင်းပယ်လိုက်လေသည်။

"ဒါဆိုရင် ငါ အားနာမနေတော့တာ ကို အပြစ်မတင်နဲ့နော် နင် သေချာ တွေးကြည့်ပါ နင် အမှား ဝန်ခံလိုက်တာနဲ့ ငါ အတိတ်က ကိစ္စတွေကို ပြန်မဖော်တော့ဘူး" ရွှမ်ယွမ်မုန့် က ခြိမ်းခြောက် ဖြားယောင်းကာ ကျိုးဟန် ကို အရှုံးပေးစေချင်နေလေသည်။

"ငါက ဒီလောက် ဆွဲငင်အား ကို ကြောက်မယ်လို့ မင်း တကယ် ထင်နေတာလား" ကျိုးဟန် တည်ငြိမ်စွာ ပြုံးလိုက်ပြီး ဂရုမစိုက်ပေ။

"ကောင်းပြီ ဒါဆို နင် ဘယ်လောက် မာကျောလဲ ဆိုတာ ငါ ကြည့်ရသေးတာပေါ့"

ပြောပြီးသည်နှင့် ရွှမ်ယွမ်မုန့် က ဆွဲငင်အား စက်ကွင်း ၏ ထိန်းချုပ်မှု မျက်နှာပြင် ပေါ်တွင် အဆက်မပြတ် နှိပ်လိုက်လေသည်။

တစ်ကြိမ်လျှင် +၁၀ နှုန်းဖြင့် အဆက်မပြတ် တိုးမြှင့်နေလေသည်။

"ဂျစ် ဂျစ် ဂျစ်"

ရုတ်တရက် အထိန်းချုပ်စက် မှ ချို့ယွင်းနေသော အသံ တစ်သံ ထွက်ပေါ်လာပြီး

ဂဏန်းများက အဆ ၁၂၁၀ မှ အဆ ၁၀၀၀၀ သို့ တိုက်ရိုက် ပြောင်းလဲသွားလေသည်။

"အာ ဒါ..."

ရွှမ်ယွမ်မုန့် အံ့အားသင့်စွာ အော်ဟစ်လိုက်ပြီး အဆက်မပြတ် နှိပ်နေခြင်းကြောင့် ချို့ယွင်းမှု ဖြစ်သွားမည်ဟု မထင်ထားခဲ့ပေ။

ဤ အဆ တစ်သောင်း သော ဆွဲငင်အား သည် လူသေနိုင်လေသည်။

သူမ၏ မူလ ရည်ရွယ်ချက်မှာ ကျိုးဟန် ကို ခေါင်းငုံ့စေလိုရုံသာ ဖြစ်ပြီး

ကျိုးဟန် ကို သတ်ပစ်ရန် စိတ်ကူး လုံးဝ မရှိခဲ့ပေ။

ဤသို့ တွေးမိသည်နှင့် သူမ ၏ ကြောက်ရွံ့နေသော အကြည့်များက တုံ့ဆိုင်းစွာဖြင့် ကျိုးဟန် ထံသို့ ရောက်သွားလေသည်။

အကယ်၍ မတော်တဆမှု မရှိပါက သူ သေချာပေါက်...

ဘာကြောင့်မှန်း မသိဘဲ ရင်ထဲတွင် အနည်းငယ် နာကျင်သွားလေသည်။

"ကျိုးဟန် နင် နင်က..."

မကြာမီ ရှင်းလင်းစွာ မြင်လိုက်ရသောအခါ သူမ ကြောင်အမ်းသွားပြီး မျှော်လင့်ထားသော သွေးထွက်သံယို မြင်ကွင်း များ ထွက်ပေါ်မလာပေ။

"မိန်းမ မင်းက တော်တော် ရက်စက်တာပဲ ဒါက ငါ့ကို သေစေချင်နေတာပဲ"

ကျိုးဟန် က ထိုနေရာတွင် တက်ကြွစွာ ရပ်နေပြီး ကြောက်လန့်တကြား ပြောလိုက်လေသည်။

အကယ်၍ စမ်းသပ်ရေး ကတ် ကို အဆင့်မြှင့်တင် မထားခဲ့ပါက သူ သေချာပေါက် ကြမ်းတမ်းသော ဆွဲငင်အား ကြောင့် အမှုန့် ဖြစ်သွားလောက်ပေပြီ။

စမ်းသပ်ရေး ကတ် (အချိန်ကန့်သတ်) (၁၀ ကြိမ်မြှင့်)

ဖော်ပြချက် - ဆွဲငင်အား ပြေးလမ်း ၏ အချိန်ကို အလိုအလျောက် မှတ်သားနိုင်သော ကတ်။

အကျိုးသက်ရောက်မှု - ကွင်း အတွင်း ခံစားရသော ဆွဲငင်အား ဓာတ်စင် အားလုံးကို ခုခံပေးသည်။ ဤပစ္စည်း ကို သယ်ဆောင်ထားပါက ထိတွေ့မိသော အရာ အားလုံး ကိုလည်း ဤအကျိုးသက်ရောက်မှု ဖြစ်ပေါ်စေမည်။

ရှင်းလင်းချက် - အချိန်ကန့်သတ် ပစ္စည်း ဖြစ်ပြီး တစ်ပတ် ပြေးပြီးသည်နှင့် အလိုအလျောက် ပျက်စီးသွားမည် ဖြစ်သည်။

ဆွဲငင်အား ကို ခုခံနိုင်သော အကျိုးသက်ရောက်မှု ရှိပြီး အဆုံးမရှိ အဆင့်မြှင့်တင်ခြင်း သည် တကယ်ကို အစွမ်းထက်လှသည်။

တကယ်တော့ ခန္ဓာကိုယ် ၏ ကန့်သတ်ချက် ဖြစ်သော အဆ တစ်ထောင် သော ဆွဲငင်အား ကို ကျော်လွန်သွားချိန်တွင်

ကျိုးဟန် က ဤပစ္စည်းကို အဆင့်မြှင့်တင် ခဲ့သဖြင့် ဤမျှ တည်ငြိမ်နေခြင်း ဖြစ်သည်။

ရွှမ်ယွမ်မုန့် က တောင်းပန်စကား ဆိုရန် နှင့် ရှင်းပြရန် ပြင်လိုက်သော်လည်း

မကြာမီ သူမ သတိဝင်လာပြီး သူမ၏ မာန နှင့် အဆင့်အတန်း အရ ထိုသို့ ပြောရန် ခွင့်မပြုပေ။