အခန်း ၁၇၂

အခန်း (၁၇၂) ဟိုင်ပေါ်လွန်း မှော်ကျောက်တုံး

သေချာ စဉ်းစားကြည့်ပါက ဟိုင်ပေါ်လွန်း နားကပ် သည် လျှို့ဝှက်နယ်မြေ မှ ကျလာခြင်း ဖြစ်ပြီး အောက်ကျိန်း ၏ လက်မှ တစ်ဆင့် ရရှိခဲ့ခြင်း ဖြစ်သည်။

အခြား အဆင်တန်ဆာ များမှာ ဝမ်ယွီဟယ် ပေးသော အရာ တစ်ခု နှင့် ရတနာသိုက် မှ ရွေးချယ်ထားသော အရာ တစ်ခု ဖြစ်သည်။

ရရှိရန် အလွန် ခက်ခဲလေသည်။ ယခု ပိုက်ဆံ ရှိနေပြီ ဖြစ်ရာ ဝယ်လိုက်ရုံသာ ဖြစ်သည်။

"ညီလေး က တကယ်ကို အဆင်ပြေတာပဲ" အဆင်တန်ဆာ အမျိုးအစား လက်နက် များမှာ တန်ဖိုးကြီး သဖြင့် ဂါဘရီယယ် ပိုမို ပျော်ရွှင်သွားလေသည်။

"ဒီတစ်ခု ပဲ ယူလိုက်မယ်"

ဂါဘရီယယ် ကုန်သည် ပီပီ ကျိုးဟန် ကို စိတ်မပျက်စေဘဲ ထင်သည့်အတိုင်း ပစ္စည်း အဆင်သင့် ရှိနေလေသည်။

"အရှုံးခံပြီး ရောင်းပေးလိုက်မယ် ရွှေပြား သန်း ၂၀ ပါ" ဂါဘရီယယ် က ကောက်ကျစ်သော ကုန်သည် ၏ အကျင့် ကို ထပ်မံ ပြသလိုက်လေသည်။

"အပိုတွေ ပြောမနေနဲ့ ငါ့မှာ ရွှေပြား ၁၀ သန်း ပဲ ရှိတယ် ပိုရင် မဝယ်နိုင်ဘူး" ကျိုးဟန် အပို စကား မပြောချင်တော့ပေ။ ဤကောင် က အမြဲတမ်း ဈေးကို မိုးပေါ် ထောင်ခေါ်နေလေသည်။

"တကယ်လား ညီလေး ဆီမှာ ပစ္စည်းကောင်း တွေ အများကြီး ရှိတာပဲ ရွှေပြား ဒီလောက်လေးပဲ ရှိဖို့ မဖြစ်နိုင်ပါဘူး" ဂါဘရီယယ် က မယုံကြည်စွာ ပြောလိုက်လေသည်။

သို့သော် သူ မသိသည်မှာ ကျိုးဟန် ဤကမ္ဘာ သို့ ရောက်ရှိလာသည်မှာ ဆယ်ရက်ကျော် သာ ရှိသေးပြီး အချိန် ကြာမြင့်စွာ စုဆောင်းထားသော နတ်ဘုရားနှင့် နတ်ဆိုး ကမ္ဘာကြီး မှ ဌာနေ လူသားများ နှင့် ယှဉ်၍ မရနိုင်သေးပေ။

"တစ်ခွန်းပဲ ရောင်းမလား မရောင်းဘူးလား" ကျိုးဟန် က ဝိညာဉ် ကျောက်တုံး ဖြင့် ရွှေပြား အချို့ ကို လဲလှယ်၍ ရသော်လည်း မလိုအပ်ပေ။

ဂါဘရီယယ် နှင့် အရောင်းအဝယ် လုပ်ပါက ဈေးကို ထက်ဝက်တိတိ ဖြတ်ရမည် ဖြစ်သည်။

"ကောင်းပြီ ယူလိုက်ပါ ညီလေး က တကယ်ကို ဈေးဆစ် တတ်တာပဲ"

"ငါ့ဆီမှာ ဈေးဆစ်ခြင်း အစီအစဉ် ရှိတယ် စမ်းကြည့်ချင်လား" ဂါဘရီယယ် က အစောပိုင်းက မျက်နှာပျက်နေသော်လည်း ယခုတော့ ပြုံးရွှင်စွာဖြင့် လာရောက် ရောင်းချနေလေသည်။

ဤကောင် က ရွှေပြား ၁၀ သန်း ဖြင့် ရောင်းချလိုက်သော်လည်း အမြတ် အများကြီး ကျန်နေသေးသည်ဟု ကျိုးဟန် သံသယ ဝင်သွားလေသည်။

သို့သော် ကျိုးဟန် လည်း နောင်တ မရပေ။ သူ၏ စိတ်ထဲတွင် ဟိုင်ပေါ်လွန်း မှော်ကျောက်တုံး က ဤမျှ တန်ဖိုး ရှိလေသည်။

"စနစ် သတိပေးချက် - သင်သည် ရွှေပြား ၁၀ သန်း အသုံးပြုပြီး ဟိုင်ပေါ်လွန်း မှော်ကျောက်တုံး ကို ဝယ်ယူလိုက်ပါသည်"

"စနစ် သတိပေးချက် - သင်၏ နှလုံးသား ရွှင်လန်းမှု အဖွဲ့ဝင် ကတ် ၏ ကြီးထွားမှု တန်ဖိုး မှာ ၁၀၈၀ သို့ ရောက်ရှိသွားပါသည်"

"စနစ် သတိပေးချက် - သင်၏ အဖွဲ့ဝင် အခွင့်အရေး မှာ VIP 1 သို့ တက်သွားပါပြီ"

"စနစ် သတိပေးချက် - သင်သည် အဆင့် ၁ VIP လက်ဆောင် ထုပ် ကို ရရှိပါသည်၊ အာကာသ အိတ် ထဲသို့ ပို့ဆောင်ပြီး ဖြစ်သဖြင့် စစ်ဆေးကြည့်ပါ"

"နည်းနည်းတောင် မေ့နေပြီ ငါ့မှာ နှလုံးသား ရွှင်လန်းမှု အဖွဲ့ဝင် ကတ် ရှိသေးတာပဲ" ကျိုးဟန် မျက်ခုံး များ ပင့်တက်သွားပြီး ဝမ်းသာသွားလေသည်။

ဤလက်ဆောင်ထုပ် က မထင်မှတ်ထားသော အကျိုးအမြတ် ပင်ဖြစ်သည်။

"ဘာပစ္စည်းကောင်း တွေ ရမလဲ မသိဘူး"

ကျိုးဟန် အလျင်အမြန် ထုတ်ယူကာ လက်ထဲတွင် ကိုင်၍ သေချာ ကြည့်ရှုလိုက်လေသည်။

လက်ဆောင်ထုပ် မှ ရွှေရောင် အလင်းတန်း များ ထွက်ပေါ်နေသဖြင့် ပစ္စည်းကောင်း များ ထွက်လာနိုင်သည် ဟု ခံစားမိလေသည်။

နှလုံးသား ရွှင်လန်းမှု VIP 1 လက်ဆောင် ထုပ်

ဖော်ပြချက် - ပိုက်ဆံ မသွင်းဘဲ ပိုအစွမ်းထက်လာချင်သေးလား

ရှင်းလင်းချက် - ဖွင့်လိုက်ပါက ပစ္စည်း ၃ မှ ၅ ခု အထိ ကျပန်း ရရှိမည် ဖြစ်သည်

တစ်ခါသုံး ပစ္စည်း ဖြစ်ပြီး အသုံးပြုပြီးသည်နှင့် အလိုအလျောက် ပျက်စီးသွားမည် ဖြစ်သည်

"ဒါလည်း အဆင့်မြှင့်တင် လို့ ရလောက်တယ် ဘယ်နှစ်ကြိမ် ရမလဲ ဆိုတာတော့ မသိဘူး"

မကြာမီ ရလဒ် ထွက်ပေါ်လာပြီး ၈ ကြိမ် သာ အဆင့်မြှင့်တင် နိုင်လေသည်။

အချက်အလက် အသစ် များ ထွက်ပေါ်လာလေသည်။

နှလုံးသား ရွှင်လန်းမှု VIP 1 လက်ဆောင် ထုပ် (၈ ကြိမ်မြှင့်)

ဖော်ပြချက် - ပိုက်ဆံ မသွင်းဘဲ ပိုအစွမ်းထက်လာချင်သေးလား

ရှင်းလင်းချက် - ဖွင့်လိုက်ပါက ပစ္စည်း ၁၀ မှ ၁၈ ခု အထိ ကျပန်း ရရှိမည် ဖြစ်သည်

တစ်ခါသုံး ပစ္စည်း ဖြစ်ပြီး အသုံးပြုပြီးသည်နှင့် အလိုအလျောက် ပျက်စီးသွားမည် ဖြစ်သည်

"အနည်းဆုံး ပစ္စည်း အချိန်ပိုင်း လောက်တော့ ရနိုင်မယ် ဒီခံစားချက် က တကယ် မိုက်တာပဲ"

"ဖွင့်လိုက် VIP လက်ဆောင် ထုပ်" ကျိုးဟန် ရင်ထဲတွင် တိတ်တဆိတ် ပြောလိုက်လေသည်။

"သင်သည် VIP 1 လက်ဆောင် ထုပ် ကို ဖွင့်လိုက်ပါသည်"

"သင်သည် ရွှေပြား ၅ သောင်း ရရှိပါသည်"

"သင်သည် ဝိညာဉ် ကျောက်တုံး ၃ သောင်း ရရှိပါသည်"

"သင်သည် ရွှေပြား ၆ သောင်း ရရှိပါသည်"

"သင်သည် ဝိညာဉ် ကျောက်တုံး ၁ သောင်း ရရှိပါသည်"

"သင်သည် ဘုရင်အဆင့် လက်နက် ၂ ခု ရရှိပါသည်"

"သင်သည် ဝိညာဉ် ကျောက်တုံး ၇ သောင်း ရရှိပါသည်"

"သင်သည် ဧကရာဇ်အဆင့် အဆင်တန်ဆာ (အချိန်ကန့်သတ်) ၁ ခု ရရှိပါသည်"

"သင်သည် မှော်လက်နက် · အလွန်အေးမြသော မုန်တိုင်း (စမ်းသပ် ကတ်) ကို ရရှိပါသည်"

"သင်သည် ပို့ဆောင်ရေး မှော်စာရွက် ၅ ရွက် ရရှိပါသည်"

"သင်သည် ဝတ်စုံ · အာဏာရှင် ၏ ဒေါသ (စမ်းသပ် ကတ်) ကို ရရှိပါသည်"

"သင်သည် ရွှေပြား ၁ သိန်း ၂ သောင်း ရရှိပါသည်"

"သောက်ကျိုးနည်း အချိန်ကန့်သတ် မဟုတ်ရင် စမ်းသပ် ကတ် တွေချည်းပဲ"

"ဒီလှည့်ကွက် က တော်တော် နက်နဲတာပဲ"

ကျိုးဟန် အနည်းငယ် စကားမပြောနိုင် ဖြစ်သွားလေသည်။

ဘုရင်အဆင့် လက်နက် နှစ်ခု မှ လွဲ၍ အမြဲတမ်း ပစ္စည်း များ မရှိတော့ပေ။

မဆိုးပါဘူး ဒါက ကျိုးဟန် အတွက် အခက်အခဲ မဟုတ်ပေ။

သူသည် SSS အဆင့် ပါရမီ ဖြစ်သော အဆုံးမရှိ အဆင့်မြှင့်တင်ခြင်း ကို ပိုင်ဆိုင်ထားသူ မဟုတ်ပါလား။

တစ်ကြိမ် အဆင့်မြှင့်တင် ၍ မရနိုင်သော အရာ မရှိပေ။

အကယ်၍ ရှိပါက နောက်ထပ် တစ်ကြိမ် ထပ်မံ အဆင့်မြှင့်တင် လိုက်မည် ဖြစ်သည်။

ပထမဦးစွာ ကျိုးဟန် က ဧကရာဇ်အဆင့် အဆင်တန်ဆာ (အချိန်ကန့်သတ်) ကို စစ်ဆေးကြည့်လိုက်လေသည်။

လေနဂါး ဆွဲကြိုး (အချိန်ကန့်သတ်)

အရည်အသွေး - ဧကရာဇ်အဆင့်

အချက်အလက် - တိုက်ခိုက်မှု ၁ သောင်း တိုးလာမည်၊ လေဓာတ် ထိခိုက်မှု ၁၀၀ ရာခိုင်နှုန်း တိုးလာမည်

အထူး အာနိသင် - လေဓာတ် ခုခံမှု ၅၀ ရာခိုင်နှုန်း တိုးလာမည်

ဖော်ပြချက် - လေနဂါး ၏ ကြွင်းကျန်ရစ်သော ဝိညာဉ် ကို ပိတ်လှောင်ထားပြီး ဝတ်ဆင်သူ ၏ လေဓာတ် ထိခိုက်မှု ကို ကြီးမားစွာ တိုးမြှင့်ပေးနိုင်သည်

ရှင်းလင်းချက် - အချိန်ကန့်သတ် ပစ္စည်း ဖြစ်ပြီး အသက်သွင်း ပြီးနောက် ၃ ရက် အသုံးပြုခွင့် ရှိသည်

"ဆွဲကြိုး က ပစ္စည်းကောင်း ပဲ အဲဒီ နေရာ လွတ်နေတာနဲ့ အတော်ပဲ"

၁၀ ကြိမ် အဆင့်မြှင့်တင် ပြီးနောက် အချက်အလက် အသစ် များ ထွက်ပေါ်လာလေသည်။

လေနဂါး ဆွဲကြိုး (အချိန်ကန့်သတ်) (၁၀ ကြိမ်မြှင့်)

အရည်အသွေး - ဧကရာဇ်အဆင့်

အချက်အလက် - တိုက်ခိုက်မှု ၁ သိန်း ၂ သောင်း တိုးလာမည်၊ လေဓာတ် ထိခိုက်မှု ၆၀၀ ရာခိုင်နှုန်း တိုးလာမည်

အထူး အာနိသင် ၁ - လေဓာတ် ခုခံမှု ၁၀၀ ရာခိုင်နှုန်း တိုးလာမည်

အထူး အာနိသင် ၂ - တိုက်ခိုက်ရေး အခြေအနေ တွင် အမြန်နှုန်း ၂၀၀ ရာခိုင်နှုန်း တိုးလာမည်

အထူး အာနိသင် ၃ - တိုက်ခိုက်ခံရသော ပစ်မှတ် သည် သွေးပြန်ဖြည့်မှု ၆၀ ရာခိုင်နှုန်း လျော့ကျသွားမည်

ဖော်ပြချက် - လေနဂါး ၏ ကြွင်းကျန်ရစ်သော ဝိညာဉ် ကို ပိတ်လှောင်ထားပြီး ဝတ်ဆင်သူ ၏ လေဓာတ် ထိခိုက်မှု ကို ကြီးမားစွာ တိုးမြှင့်ပေးနိုင်သည်

ရှင်းလင်းချက် - အချိန်ကန့်သတ် ပစ္စည်း ဖြစ်ပြီး အသက်သွင်း ပြီးနောက် ရက် ၃၀၀ အသုံးပြုခွင့် ရှိသည်

၁၀ ကြိမ် အဆင့်မြှင့်တင် ပြီးနောက် ဧကရာဇ်အဆင့် အရည်အသွေး က ပေါ်လွင်လာလေသည်။

ထို့ပြင် ကျိုးဟန် သည် လေဓာတ် ကို ထိန်းချုပ်ထားသူ ဖြစ်ရာ ဤဆွဲကြိုး ဖြင့် လေဓာတ် သည် ထပ်မံ၍ အစွမ်းပြနိုင်မည် ဖြစ်သည်။

"ရက် ၃၀၀ သုံးလို့ ရတယ် လုံလောက်ပါတယ်" ရှင်းလင်းချက် ကို ကြည့်ပြီး ကျိုးဟန် ကျေနပ်စွာ ခေါင်းညိတ်လိုက်လေသည်။

ထိုအချိန် ရောက်ပါက ဧကရာဇ်အဆင့် အရည်အသွေး မှာ ဂေါ်ဖီထုပ် ကဲ့သို့ ပေါများနေလောက်ပြီ ဖြစ်သည်။

ထို့နောက် မှော်လက်နက် · အလွန်အေးမြသော မုန်တိုင်း (စမ်းသပ် ကတ်) ဖြစ်ပြီး တစ်ကြိမ်သာ အသုံးပြုခွင့် ရှိလေသည်။

ကျိုးဟန် အဆင့်မြှင့်တင် ပြီးနောက် ၃ ကြိမ် အသုံးပြုနိုင်လေသည်။

ဤသည်မှာ ရေခဲဓာတ် မှော်လက်နက် တစ်ခု ဖြစ်ပြီး ကျိုးဟန် ၏ အားနည်းချက် ကို အတိအကျ ဖြည့်ဆည်းပေးလေသည်။

အကယ်၍ တစ်နေ့နေ့တွင် ရေခဲဓာတ် ကို မဖြစ်မနေ အသုံးပြုရမည့် အခြေအနေ နှင့် ကြုံတွေ့ရပါက ဤပစ္စည်း က အသုံးဝင်လာမည် ဖြစ်သည်။

အလွန်အေးမြသော မုန်တိုင်း (စမ်းသပ် ကတ်) (၁၀ ကြိမ်မြှင့်)

အရည်အသွေး - ကြယ် ကိုးပွင့် ဧကရာဇ်အဆင့်

အမျိုးအစား - ဘက်စုံသုံး မှော်လက်နက်

ဖော်ပြချက် - အလွန်အေးမြသော နေရာ မှ နှစ်ပေါင်းများစွာ ကြာမြင့်သော အေးခဲ သံမဏိ ဖြင့် ပြုလုပ်ထားသည့် မှော်လက်နက် ဖြစ်ပြီး ကြောက်မက်ဖွယ် ကောင်းသော ရေခဲ စွမ်းအား များကို သိုလှောင်ထားသည်

တိုက်ခိုက်ရေး အခြေအနေ - ရေခဲဓာတ် ထိခိုက်မှု အများအပြား ကို ဖြစ်စေပြီး အမြန်နှုန်း ၉၀ ရာခိုင်နှုန်း လျှော့ချကာ ပစ်မှတ် ကို အေးခဲသွားစေရန် ရာခိုင်နှုန်း အချို့ ရှိသည်

အကာအကွယ် အခြေအနေ - လက်ရှိ ပတ်ဝန်းကျင် ရှိ ရေခဲ စွမ်းအား များလေ အကာအကွယ် ပိုမို အစွမ်းထက်လေ ဖြစ်သည်

ရှင်းလင်းချက် - စမ်းသပ် ကတ် တွင် အသုံးပြုခွင့် သုံးကြိမ် ရှိသည်

ကျိုးဟန် တွင် မှော်လက်နက် များပြားစွာ ရှိပြီး တိုက်ခိုက်မှု အတွက် နေမီးတောက် မှော်ကြေးမုံ နှင့် နတ်ဘုရား သတ်ဖြတ်ခြင်း ပုဆိန် တို့ ရှိပြီး

အကူအညီ အတွက် နတ်ဘုရား ချည်နှောင်ခြင်း ကြိုး ကို အသုံးပြုနိုင်ကာ အကာအကွယ် အတွက် ရွှမ်ဝူ သံချပ်ကာ ကို ထားရှိထားလေသည်။

ထို့ကြောင့် မည်သို့ပင်ဖြစ်စေ အလွန်အေးမြသော မုန်တိုင်း ကို အသုံးပြုရန် အလှည့်မရောက်နိုင်ပေ။

ဤပစ္စည်း သည် သီးသန့် အခြေအနေ မျိုးတွင်သာ အသုံးပြုရန် နေရာ ရှိသဖြင့် ကျိုးဟန် အများကြီး မကြည့်တော့ဘဲ အာကာသ အိတ် ထဲသို့ ပစ်ထည့်လိုက်လေသည်။

ထို့နောက် ပို့ဆောင်ရေး မှော်စာရွက် ဖြစ်ပြီး မူလ က ကီလိုမီတာ တစ်ရာ သာ ပို့ဆောင်နိုင်သော်လည်း အဆင့်မြှင့်တင် ပြီးနောက် ကီလိုမီတာ တစ်သောင်း အထိ ပို့ဆောင်နိုင်လေသည်။

အကျိုးသက်ရောက်မှု မှာ အလွန် ဝမ်းသာစရာ ကောင်းသော်လည်း ၅ ရွက်သာ ရှိသဖြင့် တစ်ရွက် သုံးပါက တစ်ရွက် လျော့သွားမည် ဖြစ်ရာ ကျိုးဟန် လွယ်လွယ် နှင့် စမ်းသပ် အသုံးပြုမည် မဟုတ်ပေ။

"ဟင် ဒါက ဝတ်စုံ လား" ကျိုးဟန် တစ်ချက် ကြည့်လိုက်ပြီး အနည်းငယ် အံ့အားသင့်သွားလေသည်။

စနစ် ၏ သတိပေးသံ ထွက်ပေါ်လာလေသည်။

"ဝတ်စုံ သည် သင့်ကို ပိုမို ကြည့်ကောင်းစေရုံ သာမက အစွမ်းထက်သော အချက်အလက် များကိုလည်း တိုးမြှင့်ပေးနိုင်သည်"

"နှလုံးသား ရွှင်လန်းမှု VIP လက်ဆောင် ထုပ် မှသာ ရရှိနိုင်ပြီး အခြား ရရှိနိုင်သော နည်းလမ်း မရှိပါ"