အခန်း ၁၉၇

အခန်း ၁၉၇ နတ်ဘုရား သားရဲ ထောက်ထျဲ့

ကျိုးဟန် ကျေနပ်စွာ ခေါင်းညိတ်လိုက်ပြီး ဆက်ပြောလိုက်သည်

"အခု အပိုင်းအစ ရှိတဲ့ နေရာကို သေချာ ပြောပြစမ်း လှည့်ကွက် တွေ သုံးဖို့ မစဉ်းစားနဲ့..."

ကျိုးဟန် ၏ သတိပေးမှုကို ရင်ဆိုင်ရချိန်တွင် ဝိညာဉ်မျိုချသားရဲ ၏ မျက်လုံးများက တောက်ပသွားပြီး ဘာတွေ ကြံစည်နေမှန်း မသိနိုင်ပေ။

"မင်း ခေါင်းအထက် ကောင်းကင်ယံမှာ သွေးနီရောင် ကျောက်စိမ်း သေတ္တာ တစ်လုံး ရှိတယ် ဝိညာဉ် တံခွန် ရဲ့ အပိုင်းအစ က အဲဒီထဲမှာ သိမ်းထားတာ..."

ဝိညာဉ်မျိုချသားရဲ က မျက်နှာသေဖြင့် ပြောလိုက်သည်။

ကျိုးဟန် ခေါင်းမော့ ကြည့်လိုက်ရာ မီတာ ရာချီ မြင့်မားသော လိုဏ်ဂူ မျက်နှာကြက် ပေါ်တွင် အလွန် ပြန့်ပြူးနေပြီး ဧရာမ သားရဲကြီး တစ်ကောင်၏ ပုံကို ရေးဆွဲထားလေသည်။

ထိုပုံသည် ဝိညာဉ်မျိုချသားရဲ နှင့် အနည်းငယ် ဆင်တူပြီး အသက်ဝင်ကာ ခမ်းနားထည်ဝါသော အရှိန်အဝါ များကို ပေးစွမ်းနေလေသည်။

စက္ကန့် အနည်းငယ်ကြာ အာရုံစိုက် ကြည့်ရှုပြီးနောက် ကျိုးဟန် သည် ထူးခြားမှုကို သတိထားမိသွားသည်

"ဒီကောင် ပစ္စည်း ဝှက်တာ တော်တော် တော်တာပဲ..."

ဝိညာဉ်မျိုချသားရဲ ပြောသော ကျောက်စိမ်း သေတ္တာ သည် သားရဲ ပုံကြမ်း ၏ မျက်လုံးများ အတွင်းတွင် မြှုပ်နှံထားခြင်း ဖြစ်သည်။

သွေးနီရောင် ကျောက်စိမ်း သေတ္တာ နှင့် အနီရောင် သားရဲ မျက်လုံး တို့သည် တစ်သားတည်း ကျနေလေသည်။

ကျိုးဟန် ၏ အာရုံခံနိုင်စွမ်း ထက်မြက်လွန်း၍သာ မဟုတ်ပါက လုံးဝ ရှာတွေ့နိုင်မည် မဟုတ်ပေ။ ဤသည်မှာ လူအုပ်ကြီး လိုဏ်ဂူ ထဲတွင် အနှံ့ ရှာဖွေခဲ့သော်လည်း မည်သည့် သဲလွန်စ မှ မတွေ့ရခြင်း ၏ အကြောင်းရင်း ပင်ဖြစ်သည်။

"အရင်ဆုံး ကျောက်စိမ်း သေတ္တာ ကို ယူပြီး ငါ့လက်ထဲ ထည့်ပေးစမ်း..."

ကျိုးဟန် သည် ဝိညာဉ်မျိုချသားရဲ ကို လက်ညှိုးထိုးကာ အမိန့်ပေးလိုက်သည်။

မည်သို့ပင်ဆိုစေ သူသည် ရှေးဟောင်း ခေတ်မှ အစွမ်းထက်သူ တစ်ယောက် ဖြစ်သဖြင့် သတိထားရမည် ဖြစ်သည်။

ကျိုးဟန် သည် ကိုယ့်ကိုယ်ကိုယ် ပြိုင်ဘက်ကင်း သည်ဟု မောက်မာနေသူ မဟုတ်ပေ။ ဝိညာဉ်မျိုချသားရဲ တွင် အခြားသော နည်းလမ်းများ ရှိနေမည်ကို သူ စိုးရိမ်သဖြင့် သတိကြီးကြီး ထားခြင်းက ပိုကောင်းလေသည်။

ကျိုးဟန် သည် ဝိညာဉ်မျိုချသားရဲ ၏ အချက်အလက် များ စွမ်းရည် များနှင့် မှော်လက်နက် များ အပါအဝင် အားလုံးကို မြင်တွေ့နိုင်သော်လည်း သူ၏ ကိုယ်ပေါ်တွင် မရှိသော သို့မဟုတ် ဝတ်ဆင် မထားသော ပစ္စည်း များကိုမူ မြင်တွေ့နိုင်စွမ်း မရှိပေ။

ဝိညာဉ်မျိုချသားရဲ က ဘာမှမပြောဘဲ ခေါင်းညိတ်လိုက်သည်။

ကျောခိုင်း လိုက်ချိန်တွင် သူ၏ မျက်နှာပေါ်၌ ယုတ်မာသော အပြုံးတစ်ခု ဖြတ်ပြေးသွားပြီး မကြာမီ ပုံမှန် အတိုင်း ပြန်ဖြစ်သွားလေသည်။

ထို့နောက် သွေးနီရောင် လက်ကြီး တစ်ဖက် အဖြစ် ပြောင်းလဲသွားပြီး ကျောက်စိမ်း သေတ္တာ ကို အလွယ်တကူ ယူဆောင်လိုက်လေသည်။

"အခု ငါ သွားလို့ ရပြီမလား..."

ဝိညာဉ်မျိုချသားရဲ က တောင်းပန်သော မျက်နှာထား ဖြင့် ပြောလိုက်သည်။

"ကျောက်စိမ်း သေတ္တာ ကို အရင် ဖွင့်လိုက် လှည့်ကွက် တွေ သုံးဖို့ မစဉ်းစားနဲ့ ဝိညာဉ် တံခွန် အပိုင်းအစ ကို ငါ့လက်ထဲ တိုက်ရိုက် ပေးစမ်း..."

ကျိုးဟန် ၏ မျက်လုံးများ သည် ဝိညာဉ်မျိုချသားရဲ ကို စိုက်ကြည့်နေပြီး သူ၏ မျက်နှာ အမူအရာ မှ တစ်ခုခု ထူးခြားမှု ရှိမရှိ ရှာဖွေနေသော်လည်း ဘာမှ မတွေ့ရပေ။

"ဘာလဲ ဒီလောက်တောင် သတ္တိ မရှိဘူးလား..."

ဝိညာဉ်မျိုချသားရဲ က တီးတိုး ရေရွတ်လိုက်ပြီး ကျောက်စိမ်း သေတ္တာ ကို ဖြည်းဖြည်းချင်း ဖွင့်လိုက်လေသည်။

"အစ်ကိုကျိုး ဝိညာဉ်မျိုချသားရဲ ရဲ့ လှည့်ကွက် တွေကို သတိထားဦး..."

ကျောက်ရှင်း က အလျင်အမြန် သတိပေးလိုက်သည်။ သူ၏ ဝိညာဉ် ကို အပ်ဖြင့် ထိုးခံရသကဲ့သို့ မသက်မသာ ခံစားလိုက်ရလေသည်။

ပြောနေစဉ်မှာပင် အမှောင် အလင်းတန်း တစ်ခု ပစ်ထွက်လာပြီး ဝိညာဉ် ကို ဆွဲယူမည့် စွမ်းအား မျိုး လှုပ်ရှားလာလေသည်။

နဂါးလှံ ဂိုဏ်း မှ တပည့်များ အားလုံး တုန်လှုပ်သွားကြသော်လည်း ကျိုးဟန် ၏ မျက်နှာတွင် အပြုံး တစ်ခု ထွက်ပေါ်လာသည်။

ဤအမှောင် အလင်းတန်း ၏ အငွေ့အသက် ကို အခြားသူများ အာရုံ မခံနိုင်သော်လည်း သူ၏ ကိုယ်ပေါ်တွင် ဝိညာဉ် တံခွန် အပိုင်းအစ ၃ ခု ရှိနေသော ကျိုးဟန် အဖို့တော့ အလွန် ရင်းနှီးနေလေသည်။

ဝိညာဉ် တံခွန် အပိုင်းအစ မဟုတ်လျှင် ဘာမှ ဖြစ်နိုင်စရာ မရှိပေ။

"ရော့ ယူလိုက်..."

အပိုင်းအစ ကို ထုတ်ယူပြီးနောက် ဝိညာဉ်မျိုချသားရဲ က တိုက်ရိုက် ပစ်ပေးလိုက်သည်။

ကျိုးဟန် က လေစွမ်းအင် များကို စုစည်းကာ အပိုင်းအစ ကို ဖမ်းဆုပ်လိုက်လေသည်။

သို့သော် တစ်ခဏချင်း အတွင်းမှာပင် ကျိုးဟန် ၏ မျက်နှာ အကြီးအကျယ် ပျက်သွားလေသည်။

ဝုန်း...

ထိတွေ့လိုက်သည် နှင့် စိတ်နှလုံး ကို တုန်လှုပ်စေသော ပေါက်ကွဲသံကြီး ထွက်ပေါ်လာပြီး ခေါင်းအထက် ကောင်းကင်ယံ မှ ဧရာမ သားရဲကြီး ၏ ပုံရိပ် သည် အသက်ဝင်လာသကဲ့သို့ ဖြစ်သွားလေသည်။

ထို့နောက် ယခင်က မကြုံဖူးသော ကြီးမားလှသည့် စုပ်ယူအား ကြီး တစ်ခု က ကျိုးဟန် တစ်ကိုယ်လုံး ကို လွှမ်းခြုံသွားလေသည်။

"ဒါက..."

"အပိုင်းအစ ပေါ်မှာ တကယ်ပဲ ထူးဆန်းမှု တွေ ရှိနေတာကိုး အရမ်း ယုတ်မာတဲ့ အကြံအစည် ပဲ..."

"ကျိုးဟန် က အပိုင်းအစ ကို လက်နဲ့တောင် မထိသေးတာကို ဘယ်လို လုပ်ပြီး မျိုချခံလိုက်ရတာလဲ..."

လူအုပ်ကြီး ၏ မျက်နှာများ အကြီးအကျယ် ပျက်သွားကြသည်။

ဤ သားရဲကြီး က ဘာလဲ ဆိုတာ သူတို့ မသိသော်လည်း ၎င်း ထံမှ ထွက်ပေါ်နေသော ကြီးမားလှသည့် အရှိန်အဝါ သည် ဝိညာဉ်မျိုချသားရဲ ထက် အဆပေါင်းများစွာ သာလွန်နေလေသည်။

၎င်း သည် ကျိုးဟန် ထုတ်လွှတ်ထားသော လေစွမ်းအင် လမ်းကြောင်း အတိုင်း တိုက်ရိုက် ပြေးဝင်လာခြင်း ဖြစ်သည်။

အကွာအဝေး က အရမ်း နီးကပ်လွန်းသဖြင့် ကျိုးဟန် လုံးဝ တုံ့ပြန်ရန် အချိန်မရလိုက်ဘဲ မရေမတွက်နိုင်သော ရေဘဝဲ လက်တံ ကဲ့သို့သော အရာများက သူ့ကို ရစ်ပတ်သွားလေသည်။

ကြီးမားလှသော စွမ်းအား များကြောင့် အချိန်တို အတွင်း ရုန်းထွက်ရန် ဆိုသည်မှာ လုံးဝ မဖြစ်နိုင်သလောက် ပင်ဖြစ်သည်။

"စွမ်းအား တွေ ငါ့ဆီမှာ အညံ့ခံလိုက်စမ်း လောဘတကြီး စားသောက်ခြင်း စွမ်းအား..."

ရှေးဟောင်း နှင့် အိုမင်းနေသော အသံ တစ်သံ ထွက်ပေါ်လာပြီး အဆုံးမရှိသော ဘုန်းတန်ခိုး အာဏာ များ ပြည့်နှက်နေလေသည်။

"သတိပေးချက် သင်သည် နတ်ဘုရား သားရဲ ထောက်ထျဲ့ ၏ ထိန်းချုပ်မှုကို ခံလိုက်ရပါသည် ထိန်းချုပ်ခံထားရသော အခြေအနေ ကြောင့် ဖြစ်သည်"

"သင်၏ ဧကရာဇ် အဆင့် အောက် အရည်အသွေး ရှိသော ပစ္စည်း များ နှင့် စွမ်းရည် များ အားလုံး အသုံးမဝင်တော့ပါ"

"သင်သည် နတ်ဘုရား သားရဲ ထောက်ထျဲ့ ၏ လောဘတကြီး စားသောက်ခြင်း စွမ်းအား ၏ တိုက်ခိုက်မှုကို ခံလိုက်ရပါသည်"

ကျိုးဟန် ၏ မျက်နှာသည် အုံ့မှိုင်းသွားလေသည်။

နတ်ဘုရား သားရဲ ၏ စွမ်းအား သည် တကယ်ကို နာမည် နှင့် လိုက်ဖက်လွန်းလှသည်။

ပိုဆိုးသည်မှာ သူ ယခု ထိန်းချုပ် ခံလိုက်ရပြီး ဧကရာဇ် အဆင့် အောက် ရှိ ပစ္စည်း များ နှင့် စွမ်းရည် များကို အသုံးပြု၍ မရတော့ခြင်း ပင်ဖြစ်သည်။

ခန္ဓာကိုယ် ထဲရှိ စွမ်းအင် များသည် အလျင်အမြန် ဆုံးရှုံးနေလေသည်။

မကြာမီ သတိပေးချက် အချက်အလက် များသည် ဖန်သားပြင် ပေါ်တွင် အဆက်မပြတ် ရွေ့လျားလာလေသည်။

"နတ်ဘုရား သားရဲ ထောက်ထျဲ့ သည် သင်၏ သွေးပမာဏ ၁ သောင်း ကို မျိုချလိုက်ပါသည် သင်၏ သွေးပမာဏ ၁ သောင်း ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ သွေးပမာဏ ၁ သောင်း ကို မျိုချလိုက်ပါသည် သင်၏ သွေးပမာဏ ၁ သောင်း ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ သွေးပမာဏ ၁ သောင်း ကို မျိုချလိုက်ပါသည် သင်၏ သွေးပမာဏ ၁ သောင်း ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ သွေးပမာဏ ၁ သောင်း ကို မျိုချလိုက်ပါသည် သင်၏ သွေးပမာဏ ၁ သောင်း ထာဝရ ဆုံးရှုံးသွားပါသည်"

...

"နတ်ဘုရား သားရဲ ထောက်ထျဲ့ သည် သင်၏ တိုက်ခိုက်မှု ၅ ထောင် ကို မျိုချလိုက်ပါသည် သင်၏ တိုက်ခိုက်မှု ၅ ထောင် ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ တိုက်ခိုက်မှု ၅ ထောင် ကို မျိုချလိုက်ပါသည် သင်၏ တိုက်ခိုက်မှု ၅ ထောင် ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ တိုက်ခိုက်မှု ၅ ထောင် ကို မျိုချလိုက်ပါသည် သင်၏ တိုက်ခိုက်မှု ၅ ထောင် ထာဝရ ဆုံးရှုံးသွားပါသည်"

"နတ်ဘုရား သားရဲ ထောက်ထျဲ့ သည် သင်၏ တိုက်ခိုက်မှု ၅ ထောင် ကို မျိုချလိုက်ပါသည် သင်၏ တိုက်ခိုက်မှု ၅ ထောင် ထာဝရ ဆုံးရှုံးသွားပါသည်"

...

"ထာဝရ ဆုံးရှုံးသွားတာလား..."

"သောက်ကျိုးနည်း ဒါ ဘာအခြေအနေ ကြီးလဲ..."

ကျိုးဟန် ၏ ရင်ထဲတွင် လန့်သွားလေသည်။

သွေးပမာဏ နှင့် တိုက်ခိုက်မှု များ မျိုချခံလိုက်ရသည် သာမက တစ်ချိန်တည်း လိုလို တွင်ပင် အကာအကွယ် များ မျိုချခံရကြောင်း သတိပေးချက် များလည်း အဆက်မပြတ် ထွက်ပေါ်လာလေသည်။

သူသည် အချက်အလက် ဖန်သားပြင် ကို ဖွင့်ကြည့်လိုက်ရာ သွေးပမာဏ တိုက်ခိုက်မှု နှင့် အကာအကွယ် ဆိုသော အခြေခံ အချက်အလက် ၃ ခု သည် ဖန်သားပြင် ပေါ်တွင် အဆက်မပြတ် ကျဆင်းနေပြီး ခန္ဓာကိုယ် မှ ကြီးမားသော အားနည်းမှု များကို ခံစားနေရလေသည်။

ရှီးယောင် နှင့် တိုက်ပွဲ ဝင်ခဲ့ရသကဲ့သို့ ခန္ဓာကိုယ် ကြီး တစ်ခုလုံး ဟာလာဟင်းလင်း ဖြစ်သွားလေသည်။

"မင်း တကယ်ကို သတိထားတာပဲ ဒါပေမဲ့ မင်း အကွက်ထဲ ဝင်သွားပြီ မင်းက ခန္ဓာကိုယ်ချင်း မထိတွေ့ရင် ဘာမှ မဖြစ်ဘူးလို့ ထင်နေတာလား..."

"ဟက် မင်းက ငါတို့ ထောက်ထျဲ့ မျိုးနွယ်စု ရဲ့ အစွမ်းထက်မှု ကို လုံးဝ နားမလည်သေးဘူးပဲ..."

"မင်းရဲ့ အငွေ့အသက် ဖြစ်ဖြစ် မင်းရဲ့ စွမ်းအား ဖြစ်ဖြစ် ထောက်ထျဲ့ နဲ့ ထိတွေ့မိပြီ ဆိုတာနဲ့ ရူးသွပ် တဲ့ မျိုချခံရမှု ကို မင်း ရင်ဆိုင်ရလိမ့်မယ်..."

"ဟားဟားဟား ထောက်ထျဲ့ ရဲ့ မျိုချခံရတဲ့ အရသာ ဘယ်လို နေလဲ အရမ်း ကောင်းနေပြီ မလား မကြာခင် မင်း အရိုးပြာ တောင် မကျန်တော့တဲ့ အထိ စုပ်ယူခံရတော့မယ်..."

ယခုအချိန်တွင် ဝိညာဉ်မျိုချသားရဲ သည် သွေးဆာနေသော အပြုံးကို ပြသနေပြီး အလွန် ဂုဏ်ယူဝင့်ကြွား နေကာ အေးစက်သော အသံဖြင့် ကျိုးဟန် ကို သေဒဏ် စီရင်လိုက်လေသည်။

ယခင်က ကြောက်ရွံ့နေသည့် အမူအရာ များ လုံးဝ မရှိတော့ဘဲ ထိုအရာများ အားလုံးသည် သူ ဟန်ဆောင်ထားခြင်း သာ ဖြစ်ကြောင်း သိလိုက်ရလေသည်။

သူသည် ကျိုးဟန် ၏ တိုက်ခိုက်မှု ကြောင့် အပြင်းအထန် ဒဏ်ရာ ရပြီးကတည်းက စတင် ကြံစည်နေခဲ့ခြင်း ဖြစ်သည်။

မိမိ၏ နောက်ဆုံး လက်နက် ကို စောစီးစွာ ထုတ်ပြမိပါက ကျိုးဟန် ကို ထိရောက်သော တိုက်ခိုက်မှု မပြုလုပ်နိုင်မည် ကို စိုးရိမ်ခဲ့ခြင်း ဖြစ်သည်။

မည်သို့ပင်ဆိုစေ ကျိုးဟန် ၏ စွမ်းအား သည် အလွန် အစွမ်းထက်ကြောင်း သူ သိထားပြီး ထောက်ထျဲ့ ဝိညာဉ်ကိုယ်ထည် ထွက်ပေါ်လာလျှင်တောင် ကျိုးဟန် သည် မနိုင်ပါက အတင်း ထွက်ပြေးနိုင်စွမ်း ရှိလေသည်။

ထို့ကြောင့် သူသည် အမြဲတမ်း သည်းခံနေခဲ့ပြီး အနီးကပ် တွင်မှ တိုက်ခိုက်ရန် ရွေးချယ်ခဲ့ခြင်း ဖြစ်သည်။

ဤသို့ဆိုလျှင် လုံးဝ အမှားအယွင်း မရှိဘဲ တစ်ချက်တည်း နှင့် အသေအချာ ထိမှန်မည် ဖြစ်သည်။

နောက်ဆုံးတွင် သူ၏ အစီအစဉ် သည် အလွန် ချောမွေ့စွာ အောင်မြင်သွားခဲ့ပြီး ကျိုးဟန် ကို အောင်မြင်စွာ ထိန်းချုပ် နိုင်ခဲ့လေသည်။

"နတ်ဘုရား ချည်နှောင်ခြင်း ကြိုး..."

ကျိုးဟန် က ကျယ်လောင်စွာ အော်ဟစ်လိုက်သည်။

သူ အသေခံ၍ မရဘဲ နည်းလမ်း တစ်ခုခု ကို မဖြစ်မနေ အသုံးပြုရမည် ဖြစ်သည်။