အခန်း ၂၃၉

အခန်း ၂၃၉ ကိုယ်ပျောက်နေသော ရန်သူ

[မြေကမ္ဘာနှလုံးသား (၈ ကြိမ်မြှင့်)]

[အရည်အသွေး - ကြယ်ရောင်အဆင့်]

[အမျိုးအစား - ကောင်းကင်နှင့် မြေကြီး၏ အဖိုးတန်ရတနာ]

[ဖော်ပြချက် - မြေကမ္ဘာစွမ်းအင် အနှစ်သာရများ စုစည်းထားခြင်းဖြစ်ပြီး ခန္ဓာကိုယ်ကြံ့ခိုင်မှုကို တိုးတက်စေကာ ဝိညာဉ်စွမ်းအားကို မြှင့်တင်ပေးနိုင်ပါသည်]

[အကျိုးသက်ရောက်မှု - စားသုံးပြီးနောက် ဝိညာဉ်စွမ်းအား နှစ်သောင်း နှင့် သွေးပမာဏ ငါးသိန်း တိုးလာမည်ဖြစ်ပါသည်]

[ရှင်းလင်းချက် - ဤပစ္စည်းအမျိုးအစားကို အလုံးတစ်ရာသာ စားသုံးခွင့်ရှိပြီး ထိုပမာဏထက် ကျော်လွန်ပါက အာနိသင် မရှိတော့ပါ]

စစ်ဆေးကြည့်ပြီးနောက် ဤပစ္စည်းသည် အသုံးဝင်ရုံသာမက အကျိုးသက်ရောက်မှုလည်း အလွန်ကြီးမားကြောင်း တွေ့လိုက်ရလေသည်။

ဝိညာဉ်စွမ်းအားကို တိုးမြှင့်ပေးနိုင်ခြင်းမှာ ကျိုးဟန် ထင်မထားခဲ့သောအရာ ဖြစ်လေသည်။

[ရှင်းလင်းချက်] ကို မြင်လိုက်ရသောအခါ ကျိုးဟန် ပို၍ ဝမ်းသာသွားလေသည် အလုံးတစ်ရာအထိ စားသုံးနိုင်သည်ဆိုတော့...

ဝိညာဉ်စွမ်းအား နှစ်သန်းအထိ တိုးလာမည်ဆိုပါက တကယ်ကို ဇိမ်ကျလှပေသည်။

သို့သော် လောလောဆယ် သူ့လက်ထဲတွင် တစ်လုံးသာ ရှိသေးပြီး နောက်ထပ် ရှာဖွေရန် သဲလွန်စ မရှိသေးပေ။

ကျိုးဟန်သည် [မြေကမ္ဘာနှလုံးသား (၈ ကြိမ်မြှင့်)] ကို တိုက်ရိုက် မျိုချလိုက်လေသည် ထို့နောက် စနစ်၏ သတိပေးချက် ထွက်ပေါ်လာလေသည်။

[သင်သည် ကြယ်ရောင်အဆင့် ကောင်းကင်နှင့် မြေကြီး၏ အဖိုးတန်ရတနာ မြေကမ္ဘာနှလုံးသား (၈ ကြိမ်မြှင့်) ကို စားသုံးလိုက်ပါသည်... သင်သည် သွေးပမာဏ ငါးသိန်း နှင့် ဝိညာဉ်စွမ်းအား နှစ်သောင်း ကို ရရှိလိုက်ပါသည်... ဤပစ္စည်းအမျိုးအစားကို နောက်ထပ် ကိုးဆယ့်ကိုးကြိမ် စားသုံးနိုင်ပါသေးသည်]

[သင်၏ ကိုယ်ပိုင် အချက်အလက်များ အသစ်ပြုပြင်ပြီးပါပြီ... ကျေးဇူးပြု၍ အချက်အလက်အသစ်များကို စစ်ဆေးကြည့်ပါ]

ကျိုးဟန် ခေါင်းညိတ်လိုက်ပြီး အချက်အလက် မျက်နှာပြင်ကို ဖွင့်လိုက်လေသည်။

[လေပြင်း ဓားနတ်ဆိုး ကျိုးဟန်]

[အဆင့် - ၅၆ အဆင့် (၈၀.၁၀ ရာခိုင်နှုန်း)]

[သွေးပမာဏ - ၆၇.၈၂ သန်း]

[တိုက်ခိုက်မှု - ၅.၃၀ သန်း]

[ကာကွယ်မှု - ၃.၉၀ သန်း]

[ဝိညာဉ်စွမ်းအား - ၁၄၆၂၀၀]

[ပင်ကိုစွမ်းရည် - အကန့်အသတ်မရှိ အဆင့်မြှင့်တင်ခြင်း (စကြဝဠာ တစ်ခုလုံး တွင် တစ်ခုတည်း)]

[ဘွဲ့အမည် - နံပါတ်တစ် ပါရမီရှင် (၁၀ ကြိမ်မြှင့်) (ကံကြမ္မာ လုယူခြင်း)]

[လက်နက် - အေးစက်သော လေပြင်းနှင့် လျှပ်စီး (၁၀ ကြိမ်မြှင့်) (စွမ်းရည် ထိခိုက်မှု... လျင်မြန်မှု လျှော့ချ... လေပြင်းနှင့် လျှပ်စီး)]

[ဒုတိယ လက်နက် - မီးလျှံ နဂါး (၉ ကြိမ်မြှင့်) (မီး ဓာတ်... စွမ်းရည် ထိခိုက်မှု... သွေးပြန်ဖြည့်မှု လျှော့ချ)]

[လက်စွပ် - ပေါ့ပါးသွက်လက်သော လက်စွပ် (၈ ကြိမ်မြှင့်) (ကာကွယ်မှု ဖျက်... ပြင်းထန်သော တိုက်ခိုက်မှု... သွက်လက်မှု)]

[လက်ပတ် - ကြယ်နံနက်ခင်း လက်ပတ် (၉ ကြိမ်မြှင့်) (မဖြစ်မနေ ထိမှန်... ခုခံနိုင်စွမ်း... ပြင်းထန်သော တိုက်ခိုက်မှု ခုခံ)]

[ဆွဲကြိုး - လေပြင်း မြွေ ဆွဲကြိုး (၁၀ ကြိမ်မြှင့်) (ခုခံနိုင်စွမ်း... သွားလာမှု အမြန်နှုန်း... သွေးပြန်ဖြည့်မှု လျှော့ချ)]

[နားကပ် - ဟိုင်ပေါ်လွန် နားကပ် (၉ ကြိမ်မြှင့်) (စွမ်းရည် ထိခိုက်မှု... ခုခံနိုင်စွမ်း... ပြင်းထန်သော တိုက်ခိုက်မှု)]

[အကူ - ဘုရင် မဟုတ်သော သရဖူ (၉ ကြိမ်မြှင့်) (ထိခိုက်မှု ခံနိုင်ရည်... ခုခံနိုင်စွမ်း... ပြန်လည် ဖြည့်တင်းမှု)]

[မှော်ကျောက်တုံး - ဟိုင်ပေါ်လွန် မှော်ကျောက်တုံး (၉ ကြိမ်မြှင့်) (စွမ်းရည် ထိခိုက်မှု... ခုခံနိုင်စွမ်း... သွေးပြန်ဖြည့်မှု)]

[ဝတ်စုံ - သန့်ရှင်းသော အလင်းတန်း ဝတ်စုံ (၉ ကြိမ်မြှင့်) (ဘုရင်အဆင့်)]

[မှော်လက်နက် - နေမီးတောက် မှန် (၁၀ ကြိမ်မြှင့်)... နတ်ကြိုး (၁၀ ကြိမ်မြှင့်)... ရွှမ်ဝူ လိပ်ခွံ (၁၀ ကြိမ်မြှင့်)... ဝိညာဉ် တံခွန် (၁၀ ကြိမ်မြှင့်)... ပြန်လည်ရှင်သန်ခြင်း ဒိုင်းလွှား (၁၀ ကြိမ်မြှင့်)... နတ်သတ် ပုဆိန် (၂၀ ကြိမ်မြှင့်)]

[ကျောက်မျက် - တိုက်ခိုက်ရေး ကျောက်မျက် (၉ ကြိမ်မြှင့်) (ဘုရင်အဆင့်)... အသိပညာ ကျောက်မျက် (၉ ကြိမ်မြှင့်) (ဘုရင်အဆင့်)]

[ဂိုဏ်း အထောက်အကူ - သွေးပမာဏ ၅ သိန်း... တိုက်ခိုက်မှု ၁ သိန်း ၈ သောင်း]

[ဘုရင် တံဆိပ် - သွေးပမာဏ ၇ သန်း... ကာကွယ်မှု ၃ သန်း]

[ဖက်ရှင် - အာဏာရှင် ၏ ဒေါသ (အစမ်း) (၁၀ ကြိမ်မြှင့်)]

[တိုက်ပွဲဝင်စွမ်းရည်အဆင့် - ကြယ် ၂၆၀ ဘုရင်အဆင့်]

လျှို့ဝှက်နယ်မြေ အတွင်းရှိ မိစ္ဆာများ အားလုံးကို သတ်ဖြတ်ပြီးနောက် အဆင့်မှာ ၅၆ အဆင့် ၏ ၈၀ ရာခိုင်နှုန်းကျော်သို့ ရောက်ရှိလာပြီး မကြာမီ ၅၇ အဆင့်သို့ တက်လှမ်းနိုင်တော့မည် ဖြစ်လေသည်။

သွေးပမာဏမှာလည်း သန်း ၇၀ နီးပါး ရောက်ရှိလာပြီး အခြား အခြေခံစွမ်းရည်များလည်း တိုးတက်လာကာ အလွန် အစွမ်းထက်လှပေသည်။

ကျိုးဟန် ကျေနပ်စွာ ပြုံးလိုက်ပြီး မျက်နှာပြင်ကို ပိတ်လိုက်ကာ ဘုရင်အဆင့် အရည်အသွေးရှိသော နေမီးတောက်ကျောက်တုံး ကို ကြည့်လိုက်လေသည်။

[နေမီးတောက်ကျောက်တုံး (၉ ကြိမ်မြှင့်)]

[အရည်အသွေး - ဘုရင်အဆင့်]

[အမျိုးအစား - ကောင်းကင်နှင့် မြေကြီး၏ အဖိုးတန်ရတနာ]

[ဖော်ပြချက် - နေမီးတောက်၏ စွမ်းအားများ ကျောက်တုံးအတွင်းသို့ စုစည်း၍ ပြောင်းလဲဖြစ်တည်လာခြင်း ဖြစ်သည်]

[အကျိုးသက်ရောက်မှု - စားသုံးပြီးနောက် မီးဓာတ်စွမ်းအားအတွင်း၌ နေမီးတောက်စွမ်းအား အနည်းငယ် ပါဝင်လာမည်]

[ရှင်းလင်းချက် - တစ်ကြိမ်သာ စားသုံးခွင့်ရှိပြီး အကြိမ်ကြိမ် စားသုံးပါက အာနိသင် မရှိပါ]

'ကြည့်ရတာ ခုနက ကြမ်းတမ်းတဲ့ စွမ်းအားတွေက နေမီးတောက်စွမ်းအား တွေဆီက ထွက်လာတာ ဖြစ်ရမယ်...'

ဖတ်ရှုပြီးနောက် ကျိုးဟန် နောက်ဆုံးတွင် နားလည်သွားလေသည် အမှန်အတိုင်း ပြောရလျှင် ဤပစ္စည်းသည် သူ့အတွက်လည်း အကျိုးရှိလေသည်။

သို့သော် ကျိုးဟန်၏ ရင်းနှီးမှု အမှတ်များ မြင့်မားသဖြင့် အစောင့်အရှောက်သားရဲ ထံမှ ရရှိနိုင်သော စွမ်းအား အချိုးအစားမှာလည်း အတော်လေး မြင့်မားလေသည်။

ထို့ကြောင့် အစောင့်အရှောက်သားရဲ ၏ စွမ်းအား တိုးတက်လာပါက သူ အသုံးပြုနိုင်မည့် စွမ်းအားမှာလည်း သိပ်ကွာခြားမည် မဟုတ်ပေ ထို့အပြင် အဖွဲ့ဝင်များလည်း အစောင့်အရှောက်သားရဲ ၏ စွမ်းအား အထောက်အကူကို ခံစားခွင့် ရရှိမည်ဖြစ်ရာ ရွေးချယ်ရန် အလွန် လွယ်ကူလှပေသည်။

အချိန်ဆွဲမနေဘဲ ကျိုးဟန်သည် တိုက်ရိုက် အစာကျွေးခြင်းကို စတင်လိုက်လေသည်။

[သင်သည် အစာကျွေးခြင်း လုပ်ဆောင်ချက်ကို အသုံးပြုလိုက်ပါသည်... မီးလျှံနှင်းရည် (၈ ကြိမ်မြှင့်) ၁ ခု ကုန်ကျပါသည်... အစာကျွေးခြင်း အောင်မြင်သွားပါပြီ... အစောင့်အရှောက်သားရဲ ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာ တစ်သောင်းခွဲ တိုးလာပါသည်]

[သင်သည် အစာကျွေးခြင်း လုပ်ဆောင်ချက်ကို အသုံးပြုလိုက်ပါသည်... နှစ်တစ်ထောင် မီးလျှံရည် (၇ ကြိမ်မြှင့်) ၅ ခု ကုန်ကျပါသည်... အစာကျွေးခြင်း အောင်မြင်သွားပါပြီ... အစောင့်အရှောက်သားရဲ ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာ တစ်သောင်းတစ်ထောင့်နှစ်ရာ တိုးလာပါသည်]

[သင်သည် အစာကျွေးခြင်း လုပ်ဆောင်ချက်ကို အသုံးပြုလိုက်ပါသည်... သွေးပူ ကျောက်မည်း (၆ ကြိမ်မြှင့်) ၁၃ ခု ကုန်ကျပါသည်... အစာကျွေးခြင်း အောင်မြင်သွားပါပြီ... အစောင့်အရှောက်သားရဲ ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာ ခုနစ်ထောင့်တစ်ရာ့ငါးဆယ် တိုးလာပါသည်]

[သင်သည် အစာကျွေးခြင်း လုပ်ဆောင်ချက်ကို အသုံးပြုလိုက်ပါသည်... မီးလျှံတောက်ပ ဝိညာဉ်ကျောက်စိမ်း (၆ ကြိမ်မြှင့်) ၁၅ ခု ကုန်ကျပါသည်... အစာကျွေးခြင်း အောင်မြင်သွားပါပြီ... အစောင့်အရှောက်သားရဲ ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာ ရှစ်ထောင့်နှစ်ရာငါးဆယ် တိုးလာပါသည်]

အချက်အလက် မျက်နှာပြင်ပေါ်တွင် သတိပေးချက်များ အဆက်မပြတ် ရွေ့လျားနေပြီး ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာမှာ အလျင်အမြန် တိုးတက်လာနေလေသည်။

"ဟာ ခုနစ်သောင်းကျော်ပဲ တက်တာလား တိုးလာတာ တော်တော် နှေးတာပဲ..."

"နေမီးတောက်ကျောက်တုံး ကို မကျွေးရသေးဘူးလေ ဆင့်ကဲပြောင်းလဲမှု အတိုင်းအတာ ဘယ်လောက် တက်လာမလဲ မသိဘူး..."

လူတိုင်းသည်လည်း သတိပေးချက်များကို မြင်တွေ့နေရပြီး အချင်းချင်း ဆွေးနွေးနေကြလေသည်။

[သင်သည် အစာကျွေးခြင်း လုပ်ဆောင်ချက်ကို အသုံးပြုလိုက်ပါသည်... နေမီးတောက်ကျောက်တုံး (၉ ကြိမ်မြှင့်) ၅ ခု ကုန်ကျပါသည်... အစာကျွေးခြင်း အောင်မြင်သွားပါပြီ... အစောင့်အရှောက်သားရဲ ကောင်းကင် မီးလျှံ နဂါး သိန်းငှက် ၏ ဆင့်ကဲပြောင်းလဲမှု အတိုင်းအတာ နှစ်သိန်း တိုးလာပါသည်]

[အစောင့်အရှောက်သားရဲ ကောင်းကင် မီးလျှံ နဂါး သိန်းငှက် သည် နေမီးတောက်စွမ်းအား အနည်းငယ်ကို အောင်မြင်စွာ နားလည်သဘောပေါက်သွားပါပြီ]

"ဘုရင်အဆင့် ကောင်းကင်နဲ့ မြေကြီးရဲ့ အဖိုးတန်ရတနာ က တကယ်ကို မိုက်တာပဲ တစ်လုံးတည်းနဲ့ ဆင့်ကဲပြောင်းလဲမှု အတိုင်းအတာ လေးသောင်းတောင် တက်တယ်..."

"သောက်ကျိုးနည်း ဆင့်ကဲပြောင်းလဲမှု အတိုင်းအတာ လေးသိန်းကျော်သွားပြီကွ ဘုရင်အဆင့် ကို ပြောင်းလဲဖို့ နောက်ထပ် တစ်သိန်းပဲ လိုတော့တယ် အားလုံး သေချာ ကြိုးစားကြဟေ့..."

"ပျံသန်းနိုင်ပြီဟေ့ ငါတို့လည်း နေမီးတောက်စွမ်းအား ကို သုံးပြီး ပိုအစွမ်းထက် လာတော့မယ်..."

နောက်ထပ် တစ်သိန်း လိုအပ်နေသေးသည်ကို မြင်သောအခါ ကျိုးဟန်တွင်လည်း နည်းလမ်း မရှိတော့ပေ။

မီးဓာတ်ပါဝင်သော ပစ္စည်းများ အားလုံး ကုန်ဆုံးသွားပြီ ဖြစ်လေသည် သို့သော် လိုအပ်ချက် သိပ်မများတော့သဖြင့် အားလုံး၏ စွမ်းအားများကို ပေါင်းစပ်လိုက်ပါက အချိန်အများကြီး ယူရမည် မဟုတ်ကြောင်း သူ ယုံကြည်လေသည်။

စီစဉ်ပြီးနောက် ဤလျှို့ဝှက်နယ်မြေကို အကုန်ရှာဖွေပြီးပြီဖြစ်ကာ မည်သည့်အရာမှ ကျန်ရှိမနေတော့သဖြင့် လူတိုင်းသည် ကျိုးဟန်၏ နောက်သို့လိုက်ကာ လျှို့ဝှက်နယ်မြေ၏ ထွက်ပေါက်သို့ အလျင်အမြန် ထွက်ပြေးလာခဲ့ကြလေသည်။

ထွက်ပေါက်အပြင်ဘက်တွင်မူ အဖွဲ့သုံးဖွဲ့သည် စိတ်ရှည်စွာဖြင့် စောင့်ဆိုင်းနေကြလေသည်။

ရုတ်တရက် သူတို့သည် ရယ်မောနေခြင်းများကို ရပ်တန့်လိုက်ပြီး မျက်နှာထားများ လေးနက်သွားကြလေသည်။

"ရှူး ခြေသံတွေ နီးလာပြီ သူတို့ လာနေကြပြီ..."

လုဆယ် က အလျင်အမြန် အသံတိတ်ကာ တိုးတိုးလေး ပြောလိုက်လေသည်။

"နောက်ဆုံးတော့ ထွက်လာပြီပေါ့ ငါတို့ကို ဒီလောက်ကြာအောင် စောင့်ခိုင်းထားတာ ခဏနေရင် သူတို့ကို အသေသတ်ရမယ်..."

ရှာဘီ က မျက်လုံးများထဲတွင် ကြမ်းတမ်းသော အလင်းတန်းများ တောက်ပကာ ပြောလိုက်လေသည်။

"မြန်မြန် ဖုံးကွယ်ခြင်း အစီအရင် ကို ရွှေ့ပြီး တိတ်တဆိတ် ကပ်သွား အနောက်ကနေ ဝင်တိုက်မယ်..."

မေဘီ က စိတ်လှုပ်ရှားစွာဖြင့် တိုက်တွန်းလိုက်လေသည်။

သူတို့ အချင်းချင်း မျက်လုံးချင်း ဆုံလိုက်ကြပြီး အဓိပ္ပာယ်ပါသော အပြုံးများကို ပြုံးလိုက်ကြလေသည်။

သူတို့တွင် အင်အားပြည့် အဖွဲ့သုံးဖွဲ့ ရှိနေပြီး ခိုးကြောင်ခိုးဝှက် တိုက်ခိုက်မည် ဖြစ်ရာ ဤတိုက်ပွဲသည် သူတို့အမြင်တွင် မည်သည့် မရေရာမှုမျှ မရှိတော့ပေ။

[အရှေ့ဘက် မီတာ ၅၀၀ အတွင်း ကိုယ်ပျောက်နေသော ရန်သူ အမြောက်အမြား ရှိနေကြောင်း စစ်ဆေးတွေ့ရှိရပါသည်... ပစ်မှတ်များကို စစ်ဆေးကြည့်ရှုမည်လား]

စနစ်၏ သတိပေးချက်ကြောင့် ကျိုးဟန် အနည်းငယ် အံ့အားသင့်သွားလေသည်။