အခန်း ၂၂၇၂

အခန်း (၂၂၇၂) လိုဏ်ခေါင်းကြီး၏ အနောက်ဘက်ရှိ ခြုံခိုတိုက်ခိုက်မှု

မျက်တောင်တစ်ခတ်မျှ အချိန်လေးအတွင်းမှာပင်၊ သံရိုက်ခတ်သံကြီးများနှင့်အတူ၊ လေဟာနယ်မှာ ပြင်းထန်စွာ တုန်ခါသွားခဲ့ပြီး ယခင်ကထက် အဆပေါင်းများစွာ ပိုမိုများပြားသော မည်းမှောင်နေသည့် ဓားစွမ်းအင်ကြီးများမှာ မိုးကြိုးများ၊ လျှပ်စီးများအလား အလွန်အမင်း လျင်မြန်သော အမြန်နှုန်းဖြင့် ကောင်းကင်ယံမှနေ၍ အပြင်းအထန် ခုတ်ချလာတော့သည်။

မြေကြီးမှာ ပြင်းထန်စွာ တုန်ခါသွားခဲ့ပြီး မျက်တောင်တစ်ခတ်အတွင်းမှာပင် ဤလျှို့ဝှက်ဆန်းကြယ်လှသော ပင်လယ်ရေသတ္တဝါကြီးများမှာ ချက်ချင်းဆိုသလို အပိုင်းပိုင်းအစစ ခုတ်ထစ်ခြင်း ခံလိုက်ရပြီး မြေကြီးပေါ်သို့ ဝုန်းခနဲ လဲကျသွားကာ အနည်းငယ်မျှပင် လှုပ်ရှားနိုင်စွမ်း မရှိတော့ချေ။

"ဒီနေရာက အတော်လေး ထူးဆန်းတယ်။ အားလုံးပဲ နှင်းမုန်တိုင်းကြီးရဲ့ မူလဇစ်မြစ်ကို မြန်မြန်ရှာဖွေပြီး ဖြေရှင်းပြီးရင် ချက်ချင်း ထွက်သွားကြစို့"

မိစ္ဆာဧကရာဇ် အဘိုးအို က ဤလျှို့ဝှက်ဆန်းကြယ်လှသော ပင်လယ်ရေသတ္တဝါကြီးများကို ကိုင်တွယ်ဖြေရှင်းပြီးသည်နှင့်တစ်ပြိုင်နက် လျင်မြန်စွာပင် ပြောလိုက်တော့သည်။

လူတိုင်းမှာ မျက်နှာအမူအရာ အလွန်တည်ကြည်လေးနက်စွာဖြင့် ခေါင်းညိတ်ပြလိုက်ကြသည်။ သို့သော် နောက်တစ်ခဏတွင် လူတိုင်း ထွက်ခွာသွားတော့မည့် အချိန်လေးအတွင်းမှာပင် အလွန်အထူးဆန်းလှသော ကိစ္စကြီးတစ်ခု ရုတ်တရက် ဖြစ်ပေါ်လာတော့သည်။

"ဝုန်း"

မိစ္ဆာဧကရာဇ်အဘိုးအို၏ သောင်းချီသော ဂန်ချီစွမ်းအင်မြားများဖြင့် မရေမတွက်နိုင်သော အပိုင်းအစများအဖြစ်သို့ ခုတ်ထစ်ခံထားရသော ပင်လယ်ရေသတ္တဝါကြီးများ၏ အလောင်းကောင် အပိုင်းအစများမှာ တစ်စုံတစ်ခု၏ ဆွဲငင်မှုကို ခံလိုက်ရသည့်အလား အေးစက်လှသော ရေခဲပြင်ပေါ်တွင် ရုတ်တရက် တုန်ခါလာတော့သည်။

မျက်တောင်တစ်ခတ်မျှ အချိန်လေးအတွင်းမှာပင် အလွန်အမင်း ကြီးမားလှသော စွမ်းအားကြီးတစ်ခုမှာ အရပ်လေးမျက်နှာမှနေ၍ ဤပင်လယ်ရေသတ္တဝါကြီးများ၏ အလောင်းကောင် အပိုင်းအစများ အတွင်းသို့ လျင်မြန်စွာ စီးဝင်သွားခဲ့ပြီး မျက်တောင်တစ်ခတ်အတွင်းမှာပင် ဤပင်လယ်ရေသတ္တဝါကြီးများ၏ အလောင်းကောင်များမှာ လျင်မြန်စွာ ကြီးထွားလာပြီး ဖောင်းပွလာတော့သည်။

ဆိုးရွားရက်စက်လှသော ဟိန်းဟောက်သံကြီး တစ်ခုနှင့်အတူ ဤအလောင်းကောင် အပိုင်းအစလေးများ မှနေ၍ ပင်လယ်ရေသတ္တဝါကြီး အသစ်များ တစ်ကောင်ပြီးတစ်ကောင် အဆက်မပြတ် ထွက်ပေါ်လာခဲ့ပြီး လူတိုင်း၏ မျက်စိရှေ့တွင် ရုတ်တရက် ပေါ်ထွက်လာတော့သည်။

မျက်တောင်တစ်ခတ်မျှ အချိန်လေးအတွင်းမှာပင် ဤရေခဲ ဟင်းလင်းပြင်နယ်မြေ အတွင်းရှိ ပင်လယ်ရေသတ္တဝါကြီးများ၏ အရေအတွက်မှာ ဆယ်ဆမက ရုတ်တရက် တိုးပွားလာခဲ့ပြီး တူညီသော ပင်လယ်ရေသတ္တဝါကြီး အကောင် ခုနစ်ဆယ်၊ ရှစ်ဆယ်ခန့်အထိ ရုတ်တရက် ပေါ်ထွက်လာတော့သည်။

ဤပင်လယ်ရေသတ္တဝါကြီးများမှာ ပေါ်ထွက်လာသည်နှင့်တစ်ပြိုင်နက် လူတိုင်းကို ကျားများအလား အသေအချာ စိုက်ကြည့်နေကြပြီး မျက်ဝန်းထဲ၌ အလွန်အမင်း ဆိုးရွားရက်စက်သော အရိပ်အယောင်များ အပြည့်အဝ ပြည့်နှက်နေတော့သည်။

လူတိုင်း ဝင်ရောက်မတိုက်ခိုက်မီ အချိန်လေးအတွင်းမှာပင် နောက်ထပ် ဟိန်းဟောက်သံကြီးတစ်ခု ထွက်ပေါ်လာပြန်သည်။ ပင်လယ်ရေသတ္တဝါကြီးများ အားလုံးမှာ ခန္ဓာကိုယ်တစ်ခုလုံးမှ နှင်းငွေ့များ ပြင်းထန်စွာ ထွက်နေကြကာ ကောင်းကင်ယံသို့ တိုက်ရိုက် ခုန်တက်သွားကြပြီး လူတိုင်းရှိရာအရပ်ဆီသို့ အပြင်းအထန် ပြေးဝင်လာကြတော့သည်။

ဤပင်လယ်ရေသတ္တဝါကြီးများ ပြေးဝင်လာသည့် မျက်တောင်တစ်ခတ်မျှ အချိန်လေးအတွင်းမှာပင်၊ ဝုန်းခနဲမြည်သံကြီးတစ်ခုနှင့်အတူ လူတိုင်း ဖြတ်သန်းလာခဲ့သော နောက်ကျောဘက်ရှိ လိုဏ်ခေါင်းကြီးမှာ ရုတ်တရက် ပိတ်သွားခဲ့သည်။ ထို့နောက် မမြင်ရသော ဟင်းလင်းပြင်နှင့် အချိန်၏ နံရံကြီးတစ်ခုမှာ လိုဏ်ခေါင်းဝ၏ ဘေးပတ်ဝန်းကျင်တွင် ရုတ်တရက် ပေါ်ထွက်လာတော့သည်။

သေချာစွာ ကြည့်ရှုမည်ဆိုပါက ထိုနံရံကြီးအပေါ်တွင် ကြီးမားသေးငယ်လှသော လျှို့ဝှက်ဆန်းကြယ်သည့် ဝင်္ကပါများစွာ ကပ်ငြိနေသည်ကို တွေ့ရှိရမည်ဖြစ်ပြီး၊ အပေါ်ရှိ စာလုံးများမှာမူ ဖားလောင်းလေးများအလား အဆက်မပြတ် လှုပ်ရှားနေတော့သည်။

ဤမျှသာမက လူတိုင်း၏ ရှေ့မှောက်ရှိ ရေခဲဟင်းလင်းပြင်နယ်မြေ၏ အခြားတစ်ဖက်ခြမ်းဆီမှ ကမ္ဘာတုန်ဟိန်းမတတ် ကျယ်လောင်လှသော ပေါက်ကွဲသံကြီးတစ်ခု ရုတ်တရက် ထွက်ပေါ်လာခဲ့သည်။ တစ်ချိန်တည်းမှာပင်၊ မူလက အလွန်အမင်း ပြင်းထန်လှသော ဟင်းလင်းပြင်နှင့် အချိန်၏ တုန်ခါမှုများမှာ တစ်စုံတစ်ခုသော အတားအဆီးများနှင့် တွေ့ရှိသွားသည့်အလား လျင်မြန်စွာ အားနည်းသွားတော့သည်။

"ဒုက္ခပဲ... လိုဏ်ခေါင်းဝကြီး ပိတ်သွားတော့မယ်"

ဝူရှန်းရွာသူကြီး၏ မျက်နှာအမူအရာမှာ ချက်ချင်း ပြောင်းလဲသွားခဲ့ပြီး ရုတ်တရက် အော်ဟစ်လိုက်တော့သည်။

အစောပိုင်းကတည်းကစ၍ ယခုအချိန်အထိ၊ လူတိုင်းမှာ နှင်းမုန်တိုင်းကြီး၏ မူလဇစ်မြစ်မှ ထွက်ပေါ်လာသော စွမ်းအင်အရှိန်အဝါများကို အဆက်မပြတ် ခံစားသိရှိနေခဲ့ရသည်။ သို့သော် ဤအခိုက်အတန့်၌ နှင်းမုန်တိုင်းကြီး၏ အရှိန်အဝါများ အားနည်းသွားခြင်းက၊ နှင်းမုန်တိုင်းကြီး၏ မူလဇစ်မြစ်ဆီသို့ သွားရောက်မည့် ထွက်ပေါက်မှာ ဖြတ်တောက်ခံလိုက်ရပြီဆိုသည်ကို သေချာပေါက် ဆိုလိုနေခြင်းပင် ဖြစ်သည်။

လူတိုင်းအတွက်မူ ဤအရာမှာ လုံးဝ သတင်းကောင်းတစ်ခု မဟုတ်ခဲ့ချေ။

"အချိန်မမီတော့ဘူး၊ ဒီနေရာကို ငါတို့ဆီသာ လွှဲအပ်ခဲ့လိုက်ပါ။ မင်းတို့က နှင်းမုန်တိုင်းကြီးရဲ့ မူလဇစ်မြစ်ထဲကို အမြန်ဆုံး ဝင်ရောက်သွားကြပါ"

ထိုအချိန်မှာပင် ဂိုဂူလျောဧကရာဇ် ယွန်းဂျယ်စိုးမွန်းက ရုတ်တရက် ပြောလိုက်တော့သည်။ အသံဆုံးသွားသည်နှင့်တစ်ပြိုင်နက် လျင်မြန်စွာပင် ခုန်ထွက်သွားခဲ့ပြီး၊ ပင်လယ်ရေသတ္တဝါကြီးများအနက်မှ တစ်ကောင်ဆီသို့ အပြင်းအထန် ပြေးဝင်သွားတော့သည်။

သူနှင့် ဝမ်ချောင်အကြားတွင် အမြဲတမ်း သိပ်ပြီး အဆင်ပြေလှသည် မဟုတ်သလို၊ ဂိုဂူလျောနှင့် မဟာထန်အကြားတွင်လည်း အလွန်အမင်း ကြီးမားလှသော ရန်ငြိုးရန်စများ ရှိနေကြသည်။ ဆွေ့မင်းဆက်ကတည်းကစ၍ နှစ်ဖက်အကြားတွင် အကြီးစား စစ်ပွဲကြီးများ အကြိမ်ပေါင်းများစွာ ဖြစ်ပွားခဲ့ဖူးသည်။ သို့သော် ဤအခိုက်အတန့်၌ ယွန်းဂျယ်စိုးမွန်းမှာ အနည်းငယ်မျှ တွန့်ဆုတ်နေခြင်း လုံးဝမရှိဘဲ ရုတ်တရက် ရှေ့သို့ ထွက်ရပ်လိုက်ခြင်းပင် ဖြစ်သည်။

"အားလုံးပဲ သတိထားကြပါ။ ငါတို့ရဲ့ ရည်ရွယ်ချက်က ဒီပင်လယ်ရေသတ္တဝါကြီးတွေကို တတ်နိုင်သမျှ အချိန်ဆွဲထားဖို့ပါ။ သူတို့ကို အပိုင်းပိုင်းအစစ ခုတ်ထစ်ပစ်တာမျိုး လုံးဝ မလုပ်ကြပါနဲ့"

"ငါတို့က မျိုးနွယ်ခြားဘုရင်တို့အတွက် တတ်နိုင်သမျှ အချိန်ဆွဲပေးရမယ်"

ယွန်းဂျယ်စိုးမွန်းမှာ လက်နှစ်ဖက်ဖြင့် ဓားနှစ်လက်ကို ဆွဲထုတ်လိုက်ပြီး၊ ပင်လယ်ရေသတ္တဝါကြီးအချို့ကို အပြင်းအထန် တိုက်ခိုက်နေရင်း လူတိုင်းကို အလျင်စလို ပြောလိုက်တော့သည်။

ပုံမှန်အခြေအနေမျိုးတွင်ဆိုပါက လူတိုင်း၏ စွမ်းရည်ဖြင့် ဤပင်လယ်ရေသတ္တဝါကြီးများကို လုံးဝအနိုင်ယူနိုင်စွမ်း ရှိမည်မဟုတ်ချေ။ သို့သော် သူတို့ကို အချိန်ဆွဲထားရုံ သက်သက်သာဆိုပါကမူ လုံးဝအဆင်ပြေလှပေသည်။

ဘာပဲဖြစ်ဖြစ် လူတိုင်း၏ ရည်ရွယ်ချက်မှာ ဤပင်လယ်ရေသတ္တဝါကြီးများကို အနိုင်ယူရန် သို့မဟုတ် သတ်ဖြတ်ရန်မဟုတ်ဘဲ နှင်းမုန်တိုင်းကြီးကို ဖြေရှင်းရန်သာလျှင် ဖြစ်ပေသည်။

ဤရည်ရွယ်ချက်ကို အောင်မြင်အောင် လုပ်ဆောင်နိုင်သရွေ့ အခြားသောအရာများအားလုံးမှာ လုံးဝ အရေးမကြီးပါချေ။

"မှန်တယ် မျိုးနွယ်ခြားဘုရင်။ မင်းနဲ့ မိစ္ဆာဧကရာဇ်အဘိုး၊ ဝူရှန်းရွာသူကြီးတို့ အရင်ထွက်သွားကြပါ။ ဒီနေရာကို ငါတို့ ကိုင်တွယ်ဖြေရှင်းလို့ ရပါတယ်"

ဤအခိုက်အတန့်၌ ဝူဆူမစ်ရှ်ခါဂန်း၊ ရှီဘုရင်မနှင့် အခြားသောလူများ အားလုံးကလည်း တစ်ယောက်ပြီးတစ်ယောက် အသီးသီး ပြောလိုက်ကြတော့သည်။

"ဝမ်ချောင်၊ မင်း အရင် မိစ္ဆာဧကရာဇ်သခင်ကြီးတို့နဲ့ ထွက်သွားလိုက်ပါ။ ဒီနေရာမှာ ငါနဲ့ ယွန်းဂျယ်စိုးမွန်းတို့ ရှိနေတဲ့အတွက် ဘာပြဿနာမှ လုံးဝ မရှိနိုင်ပါဘူး"

ထိုအချိန်မှာပင် ကျန်းချိုးကျန့်ချုံးကလည်း ပြောလိုက်တော့သည်။

တစ်ဖက်နှင့်တစ်ဖက် ရန်သူတော်ကြီးများ ဖြစ်ကြသည်ဆိုသော်ငြားလည်း၊ ဤအခိုက်အတန့်၌ ကျန်းချိုးကျန့်ချုံးနှင့် အခြားသောလူများမှာလည်း နိုင်ငံအသီးသီးမှ ဧကရာဇ်များအပေါ် လေးစားကြည်ညိုစိတ် အနည်းငယ် မသိမသာ ဖြစ်ပေါ်လာတော့သည်။ အခြားအရာများကို ဘေးဖယ်ထားလိုက်ဦး၊ အနည်းဆုံး ဤအခိုက်အတန့်၌ ဤလူများမှာ တကယ်ကို လေးစားထိုက်သူများပင် ဖြစ်သည်။

"ကောင်းပြီ"

ဝမ်ချောင်၏ ရင်ထဲ၌ အချိန်ခဏလေးအတွင်း လျင်မြန်စွာ ချိန်ဆလိုက်ပြီးနောက် ချက်ချင်း ခေါင်းညိတ်ပြလိုက်ကာ၊ ခန္ဓာကိုယ်ကို တစ်ချက်လှုပ်ရှားလိုက်ပြီး အဝေးရှိ နှင်းမုန်တိုင်းကြီး၏ မူလဇစ်မြစ်ဆီသို့ လျင်မြန်စွာ ပြေးထွက်သွားတော့သည်။

"ဂျွတ်"

ဝမ်ချောင် ခုန်ထွက်သွားသည့် အချိန်လေးအတွင်းမှာပင်၊ နောက်ကျောဘက်မှနေ၍ ထူးဆန်းလှသော ကြေမွသံများ အဆက်မပြတ် ထွက်ပေါ်လာပြန်သည်။

ယခင်က ဝမ်ချောင် ရိုက်ချိုးပစ်ခဲ့သော ပင်လယ်ရေသတ္တဝါရုပ်တုကြီးများ၏ အပိုင်းအစများမှာ မြေကြီးပေါ်တွင် ပြန့်ကျဲနေခဲ့ပြီး၊ ဤမျက်တောင်တစ်ခတ်မျှ အချိန်လေးအတွင်းမှာပင် ထိုအပိုင်းအစများမှာ အသက်ပြန်ဝင်လာကြသည့်အလား လှုပ်ရှားနေသော သွေးသားအပိုင်းအစလေးများအဖြစ်သို့ ပြောင်းလဲသွားခဲ့ကာ၊ သာမန်မျက်စိဖြင့် မြင်တွေ့နိုင်လောက်သည့် အမြန်နှုန်းဖြင့် အဆက်မပြတ် ကြီးထွားလာနေတော့သည်။

ဤပင်လယ်ရေသတ္တဝါကြီးများ၏ အန္တရာယ်ကြီးမားမှုမှာ လူတိုင်း တွေးတောမှန်းဆထားသည်ထက် များစွာပိုမို ကြီးမားလှပေသည်။ ဤအခြေအနေအတိုင်းသာ ဆက်လက်ဖြစ်ပေါ်နေမည်ဆိုပါက၊ နောက်ထပ် အချိန်အနည်းငယ်မျှ ကြာမြင့်သွားသည့်အခါ ဤရေခဲဟင်းလင်းပြင်နယ်မြေအတွင်းရှိ ပင်လယ်ရေသတ္တဝါကြီးများ၏ အရေအတွက်မှာ ပိုမို၍ များပြားလာမည်မှာ သေချာလှပေသည်။

သို့သော် ဝမ်ချောင်မှာမူ တစ်ချက်မျှပင် လှည့်မကြည့်ခဲ့ချေ။ အရေးတကြီး လုပ်ဆောင်ရမည့်ကိစ္စမှာ ဤပင်လယ်ရေသတ္တဝါကြီးများကို သတ်ဖြတ်ရန်မဟုတ်ဘဲ၊ နှင်းမုန်တိုင်းကြီး၏ မူလဇစ်မြစ်ကို ဖျက်ဆီးပစ်ရန် နည်းလမ်းရှာဖွေရေးသာလျှင် ဖြစ်ပေသည်။

ထို့ပြင် ကျန်းချိုးကျန့်ချုံးနှင့် အခြားလူများ၏ ကျင့်ကြံမှုအဆင့်များအရ အနိုင်မယူနိုင်လျှင်တောင်မှ၊ အချိန်အနည်းငယ်မျှ မိမိကိုယ်ကို ကာကွယ်ရန်အတွက်မူကား အဆင်ပြေလှပေသည်။

"ရွာသူကြီး၊ ချောင်အာ နောက်ကို လိုက်ခဲ့၊ သွားကြစို့"

တစ်ချိန်တည်းမှာပင် မိစ္ဆာဧကရာဇ်အဘိုးအို၏ မျက်နှာအမူအရာမှာ အလွန်အမင်း တည်ကြည်လေးနက်နေခဲ့သည်။ သူ၏အသံဆုံးသွားသည်နှင့်တစ်ပြိုင်နက် လင်းယုန်ငှက်ကြီးတစ်ကောင်အလား ကောင်းကင်ယံသို့ လျင်မြန်စွာ ပျံတက်သွားခဲ့ပြီး၊ ဝမ်ချောင်၏ နောက်မှ အနီးကပ် လိုက်ပါသွားကာ ဆိုးရွားကြမ်းတမ်းစွာ တိုက်ခတ်နေသော နှင်းမုန်တိုင်းကြီးများအတွင်းမှနေ၍ အဝေးတစ်နေရာဆီသို့ လျင်မြန်စွာ ပြေးထွက်သွားတော့သည်။

"ကောင်းပြီ"

လျင်မြန်စွာပင် ဝူရှန်းရွာသူကြီးမှာလည်း မြေကြီးမှနေ၍ ရုတ်တရက် ခုန်တက်သွားခဲ့ပြီး၊ သူတို့သုံးယောက်မှာ ဤဟင်းလင်းပြင်နယ်မြေကို လျင်မြန်စွာ ဖြတ်သန်းသွားခဲ့ကာ အဝေးတစ်နေရာသို့ လုံးဝ ပျောက်ကွယ်သွားတော့သည်။

ဝူရှန်းရွာသူကြီး၏ တွေးတောမှန်းဆချက်မှာ လုံးဝမမှားယွင်းခဲ့ချေ။ ဤရေခဲဟင်းလင်းပြင်နယ်မြေအတွင်းရှိ ပင်လယ်ရေသတ္တဝါရုပ်တုကြီးများ အသက်ပြန်ဝင်လာသည်နှင့်တစ်ပြိုင်နက်၊ ဟင်းလင်းပြင်နယ်မြေတစ်ခုလုံးအတွင်း၌ နတ်ဘုရားအဖွဲ့အစည်းကြီးက ချထားခဲ့သော အစွမ်းထက်လှသည့် ဝင်္ကပါများနှင့် တားဆီးပိတ်ပင်မှုများအားလုံးမှာ ချက်ချင်း စတင်အလုပ်လုပ်လာကြတော့သည်။

သူတို့သုံးယောက်မှာ လျင်မြန်စွာပင် ဤဟင်းလင်းပြင်နယ်မြေ၏ အဆုံးသို့ ရောက်ရှိသွားကြတော့သည်။

သူတို့သုံးယောက်မှာ အမြင့်တစ်နေရာမှနေ၍ အောက်ဘက်သို့ လှမ်းကြည့်လိုက်ရာ၊ ခိုင်မာလှသော ရေခဲပြင်ကြီး၏အပေါ်တွင် ဧရာမလေပွေကြီးတစ်ခုမှာ လျင်မြန်စွာ သေးငယ်သွားနေသည်ကို တစ်ချက်ကြည့်ရုံဖြင့် မြင်တွေ့လိုက်ရတော့သည်။

ဤနေရာမှာ ဟင်းလင်းပြင်နှင့် အချိန်၏ ဂိတ်ပေါက်တစ်ခုပင် ဖြစ်သည်။ အကယ်၍ တစ်ကြိမ် ပိတ်သွားခဲ့ပြီဆိုပါက၊ နတ်ဘုရားအဖွဲ့အစည်းကြီးက နောက်တစ်ကြိမ် ပြန်လည်မဖွင့်လှစ်ပေးဘူးဆိုလျှင် လူတိုင်းအနေဖြင့် ၎င်း၏အတွင်းသို့ ပြန်လည်ဝင်ရောက်နိုင်ရန် အလွန်အမင်း ခက်ခဲသွားမည်ဖြစ်သည်။

ထို့ပြင် တံခါးပေါက် ပိတ်သွားသည်နှင့်တစ်ပြိုင်နက် လူတိုင်းမှာ အဆုံးအစမရှိ၊ သတ်ဖြတ်၍ မရနိုင်သော ထိုလျှို့ဝှက်ဆန်းကြယ်သည့် ပင်လယ်ရေသတ္တဝါကြီးများကိုသာ ရင်ဆိုင်ရတော့မည်ဖြစ်သည်။

"မြန်မြန်ဝင်ကြ"

ဝမ်ချောင်၊ မိစ္ဆာဧကရာဇ်အဘိုးအို၊ ဝူရှန်းရွာသူကြီးတို့ သုံးယောက်၏ အမြန်နှုန်းမှာ လျှပ်စီးတန်းများအလား လေဟာနယ်အတွင်း၌ တစ်ချက် လက်သွားခဲ့ပြီး ဧရာမနှင်းလေပွေကြီး လုံးဝပျောက်ကွယ်မသွားမီ အချိန်လေးအတွင်းမှာပင် ၎င်း၏အတွင်းသို့ လျင်မြန်စွာ ဝင်ရောက်သွားကြတော့သည်။

ဝမ်ချောင်နှင့် ဝူရှန်းရွာသူကြီးတို့ အပါအဝင် သုံးယောက်သား ဖြတ်သန်းသွားပြီးနောက် ချက်ချင်းဆိုသလိုပင်၊ လိုဏ်ခေါင်းကြီး၏ အခြားတစ်ဖက်ခြမ်းတွင် အလွန်များပြားလှသော ဝတ်ရုံမည်းဝတ်အုပ်စုကြီးကို ရုတ်တရက် မြင်တွေ့လိုက်ရတော့သည်။ အဝေးသို့ လှမ်းကြည့်လိုက်မည်ဆိုပါက ဤနေရာတွင် စောင့်ဆိုင်းနေကြသော ဝတ်ရုံမည်းဝတ် အစွမ်းထက်သိုင်းပညာရှင်များ၏အတွင်း၌ နတ်ဘုရားအရှင်သခင် အမြောက်အမြားနှင့် "ကျား၊ သမင်၊ သိုး" အဆင့်ရှိ အစွမ်းထက်သိုင်းပညာရှင်များ အများအပြား ပါဝင်နေသည်ကို တွေ့ရှိရပေသည်။

ဤဝတ်ရုံမည်းဝတ်များ၏ မျက်ဝန်းထဲ၌ ဆိုးရွားရက်စက်ပြီး သွေးဆာနေသော အရိပ်အယောင်များ ထွက်ပေါ်နေခဲ့ရာ ကြည့်ရသည်မှာ သူတို့သည် ဤနေရာတွင် အလွန်အမင်း အချိန်အကြာကြီး စောင့်ဆိုင်းနေခဲ့ကြသည့်အလားပင်ဖြစ်နေတော့သည်။

ထို့ပြင် မြေကြီးပေါ်တွင်လည်း အလွန်အမင်း ရှုပ်ထွေးလှသော ဝင်္ကပါအမြောက်အမြားဖြင့် အပြည့်အဝ ဖုံးလွှမ်းနေပြီး၊ ဤဝတ်ရုံမည်းဝတ် အစွမ်းထက်သိုင်းပညာရှင်များ၏ ကိုယ်တွင်းရှိ ဂန်ချီစွမ်းအင်များနှင့် တစ်ခုနှင့်တစ်ခု အပြန်အလှန် ပဲ့တင်ထပ်နေကြတော့သည်။

ဝမ်ချောင်နှင့် အခြားသောလူများ ဤနေရာသို့ ဝင်ရောက်လာသည်နှင့်တစ်ပြိုင်နက်၊ ကိုယ်တွင်းရှိ ဂန်ချီစွမ်းအင်များမှာ ရေခဲအဖြစ်သို့ ပြောင်းလဲသွားသည့်အလား စီးဆင်းမှုများ များစွာ နှေးကွေးသွားသည်ကို ရှင်းလင်းစွာ ခံစားသိရှိလိုက်ရတော့သည်။

"ဟွန့်... နောက်ဆုံးတော့ ရောက်လာကြပြီပဲ။ ငါတို့ မင်းတို့ကို စောင့်နေတာ အတော်လေး ကြာနေပြီ"

ဝမ်ချောင်တို့ သုံးယောက်ကို မြင်တွေ့လိုက်ရသည့်အခါ ရှေ့ဆုံးတွင် ရပ်နေသော ဂူကောင်းကင်အဆင့်တစ်ဝက်သို့ ရောက်ရှိနေသည့် ဝတ်ရုံမည်းဝတ်ခေါင်းဆောင်က အေးစက်စက် လှောင်ပြောင်ရယ်မောလိုက်တော့သည်။

အသံဆုံးသွားသည်နှင့်တစ်ပြိုင်နက် မျက်တောင်တစ်ခတ်အတွင်းမှာပင် ရုတ်တရက် ဝင်ရောက်တိုက်ခိုက်လိုက်ကြတော့သည်။

"ဝုန်း... ဝုန်း... ဝုန်း..."

အနည်းငယ်မျှ တွန့်ဆုတ်နေခြင်း လုံးဝမရှိပါချေ။ ဝတ်ရုံမည်းဝတ်များအားလုံးမှာ ကိုယ်တွင်းရှိ ဂန်ချီစွမ်းအင်များကို အစွမ်းကုန် အသုံးပြုလိုက်ကြပြီး၊ အရာရာတိုင်းကို လျစ်လျူရှုထားသည့်ပုံစံမျိုးဖြင့် ဝမ်ချောင်နှင့် အခြားသောလူများကို ပြင်းထန်သော မုန်တိုင်းကြီးများအလား တိုက်ခိုက်လာကြရာ ကောင်းကင်နှင့် မြေကြီးကိုပင် ဖုံးလွှမ်းသွားခဲ့သည်။ တောင်ကြီးများ ပြိုကျလာသည့်အလား၊ ဖြစ်နေတော့ရာ ဝမ်ချောင်နှင့် အခြားသောလူများကို ရှောင်တိမ်းရန်အတွက် အနည်းငယ်မျှပင် နေရာ လုံးဝမချန်ထားခဲ့ချေ။

ကျယ်လောင်လှသော ပေါက်ကွဲသံကြီးတစ်ခုကိုသာ ကြားလိုက်ရပြီး၊ ပြောရမည်ဆိုလျှင် အလွန်အမင်း လျင်မြန်လွန်းလှပေသည်။ ထိုအချိန်တွင် ဟင်းလင်းပြင်နှင့် အချိန်၏ နံရံကြီးတစ်ခု ရုတ်တရက် ပေါ်ထွက်လာတော့သည်။

မျက်တောင်တစ်ခတ်မျှ အချိန်လေးအတွင်းမှာပင်၊ ဝတ်ရုံမည်းဝတ်များ၏ ပြင်းထန်သော မုန်တိုင်းကြီးများအလား တိုက်ခိုက်မှုများမှာ ထိုဟင်းလင်းပြင်နှင့်အချိန်၏ နံရံကြီးပေါ်သို့ ကျရောက်သွားခဲ့ပြီး၊ လုံးဝဖြိုခွင်း၍ မရနိုင်သော မြို့ရိုးကြီးတစ်ခုနှင့် တွေ့ရှိသွားသည့်အလား အားလုံးမှာ အပြည့်အဝ တားဆီးခြင်း ခံလိုက်ရတော့သည်။

တစ်ချိန်တည်းလိုလိုပင် ထိုဝတ်ရုံမည်းဝတ်များက ခန္ဓာကိုယ်တစ်ခုလုံးရှိ ခွန်အားများကို အစွမ်းကုန် ပေါက်ကွဲထွက်ပေါ်စေလိုက်သည့် မျက်တောင်တစ်ခတ်မျှ အချိန်လေးအတွင်းမှာပင်၊ အလင်းတန်းတစ်ချက် လက်သွားခဲ့ပြီး မိစ္ဆာဧကရာဇ်အဘိုးအိုနှင့် ဝူရှန်းရွာသူကြီးတို့ နှစ်ယောက်မှာ တစ်ပြိုင်နက်တည်း ဝင်ရောက်တိုက်ခိုက်လိုက်ကြတော့သည်။

"ဝုန်း ဝုန်း ဝုန်း"

"ထောင်သောင်းချီသော ဂန်ချီစွမ်းအင်မြားများ”

"နဂါးဖြူ လေဟာနယ် ပျံသန်းခြင်း”

အချိန်အခါနှင့် အခြေအနေများ ပြောင်းလဲသွားပြီဖြစ်သည်။ နဂါးဖြူ သိုင်းပညာရပ်နှင့် ထောင်သောင်းချီသော ဂန်ချီစွမ်းအင်မြားများ ပင်ဖြစ်သည်ဆိုသော်ငြားလည်း ယခုလက်ရှိ မိစ္ဆာဧကရာဇ် အဘိုးအိုနှင့် ဝူရှန်းရွာသူကြီးတို့မှာ ဂူကောင်းကင်အဆင့် တစ်ဝက်သို့ ရောက်ရှိနေကြပြီဖြစ်ရာ စွမ်းအားများမှာ ယခင်ကနှင့် လုံးဝနှိုင်းယှဉ်၍ မရနိုင်လောက်အောင် အစွမ်းထက်နေပြီ ပင်ဖြစ်သည်။

"ဝုန်း"

သောင်းချီသော ဂန်ချီစွမ်းအင်မြားများမှာ မိုးကြိုးများ၊ လျှပ်စီးများအလား အလွန်အမင်း လျင်မြန်သော အမြန်နှုန်းဖြင့် တောင်ကြီးများ ပြိုကျလာသည့်အလား ကောင်းကင်ယံမှနေ၍ အပြင်းအထန် ပစ်ချလာခဲ့ရာ ပြင်းထန်လှသော ပေါက်ကွဲသံကြီးများ အကြားတွင် မရေမတွက်နိုင်သော ဝတ်ရုံမည်းဝတ်များမှာ စူးစူးဝါးဝါး အော်ဟစ်လိုက်ကြသည်။ ဤကြောက်မက်ဖွယ်ကောင်းလှသော စွမ်းအားကြီး၏ ရိုက်ခတ်မှုကြောင့် အဝေးသို့ လွင့်စင်ထွက်သွားကြတော့သည်။

သို့သော် တိုက်ခိုက်မှု တစ်ချက် အောင်မြင်သွားခဲ့သည်ဆိုသော်ငြားလည်း ဝူရှန်းရွာသူကြီးနှင့် မိစ္ဆာဧကရာဇ်အဘိုးအိုတို့၏ မျက်ခုံးများမှာ ရုတ်တရက် တွန့်ကွေးသွားကြတော့သည်။

ဤတိုက်ခိုက်မှု၏ စွမ်းအားမှာ သူတို့ တွေးတောမှန်းဆထားသည်နှင့် များစွာကွာခြားနေခဲ့ပြီး တွေးတောမှန်းဆထားသည့် စွမ်းအားထက် များစွာ သေးငယ်နေခဲ့ခြင်း ပင်ဖြစ်သည်။

"ဒါက ဝင်္ကပါရဲ့ စွမ်းအားပဲ။ ဒီနေရာမှာ သူတို့က ကြီးမားလှတဲ့ ပိုင်နက်နယ်မြေရဲ့ အားသာချက်တွေကို ရရှိထားကြတယ်"

ဝမ်ချောင်၏အသံမှာ မိစ္ဆာဧကရာဇ် အဘိုးအိုနှင့် ဝူရှန်းရွာသူကြီးတို့၏ နားထဲသို့ ရုတ်တရက် ဝင်ရောက်လာတော့သည်။

"လူသုံးယောက်တည်းနဲ့ နတ်ဘုရားတွေနဲ့မိစ္ဆာတွေရဲ့ နယ်မြေထဲကို အတင်းအဓမ္မ ဝင်ရောက်လာချင်နေတာလား။ တကယ်ကို သေလမ်းရှာနေတာပဲ"

ထိုအချိန်မှာပင် ယခင်က လူတိုင်း၏ ရိုက်ခတ်ခြင်းကို ခံလိုက်ရပြီး လွင့်စင်ထွက်သွားကြသော ဝတ်ရုံမည်းဝတ်များမှာ အေးစက်စက် လှောင်ပြောင်ရယ်မောလိုက်ကြတော့သည်။

ဝမ်ချောင် ပြောဆိုခဲ့သည်မှာ လုံးဝ မမှားယွင်းပါချေ။ ဤနေရာမှာ သူတို့၏ ပိုင်နက်နယ်မြေကြီး ဖြစ်သည်မှာ သေချာလှပေသည်။ စကားပြောဆိုနေသည့် အချိန်တိုလေးအတွင်းမှာပင်၊ အလွန်အမင်း အစွမ်းထက်လှသော စွမ်းအားကြီးတစ်ခုမှာ သူတို့၏အောက်ဘက်ရှိ မြေကြီးမှနေ၍ ရုတ်တရက် ပေါက်ကွဲထွက်ပေါ်လာခဲ့ပြီး၊ ဤဝတ်ရုံမည်းဝတ်များ၏ ကိုယ်တွင်းသို့ အသီးသီး လျင်မြန်စွာ စီးဝင်သွားကြတော့သည်။

လျင်မြန်စွာပင် ဝမ်ချောင်၊ မိစ္ဆာဧကရာဇ်အဘိုးအိုနှင့် ဝူရှန်းရွာသူကြီးတို့ သုံးယောက်၏ အေးစက်လှသော အကြည့်များရှေ့မှာပင်၊ ဤဝတ်ရုံမည်းဝတ်များ၏ ကိုယ်ပေါ်ရှိ ဒဏ်ရာများမှာ အမြန်နှုန်းဖြင့် လျင်မြန်စွာ ပြန်လည်ကောင်းမွန်လာတော့သည်။

ဤမြင်ကွင်းကို မြင်တွေ့လိုက်ရသည့်အခါ ဝူရှန်းရွာသူကြီးပဲဖြစ်စေ၊ မိစ္ဆာဧကရာဇ်အဘိုးအိုပဲဖြစ်စေ မျက်နှာအမူအရာ ချက်ချင်း ပြောင်းလဲသွားကြတော့သည်။

ဤအခြေအနေအတိုင်းသာ ဆက်လက်ဖြစ်ပေါ်နေမည်ဆိုပါက၊ လူတိုင်းမှာ ယခင်ကကဲ့သို့ပင် ဤနေရာတွင် အချိန်အကြာကြီး ပိတ်မိနေတော့မည်မှာ သေချာလှပေသည်။

"အခြေအနေ မကောင်းဘူး။ သူတို့က ဒီလိုနည်းလမ်းမျိုးနဲ့ ငါတို့ကို အချိန်ဆွဲထားပြီး ငါတို့ရဲ့ စွမ်းအားတွေကို ဖြုန်းတီးပစ်ချင်နေတာပဲ"

မိစ္ဆာဧကရာဇ်အဘိုးအို၏ မျက်နှာအမူအရာမှာ အလွန်အမင်း တည်ကြည်လေးနက်နေခဲ့ပြီး ရုတ်တရက် ပြောလိုက်တော့သည်။

သူတို့၏ မျက်စိရှေ့ရှိ ဝတ်ရုံမည်းဝတ်များ၏ အရေအတွက်မှာ အလွန်အမင်း များပြားလွန်းလှပြီး ကျင့်ကြံမှုအဆင့်များမှာလည်း ဂူကောင်းကင်အဆင့်သို့ လုံးဝ ရောက်ရှိနေခြင်း မရှိကြရာ၊ သူတို့ကို ခြိမ်းခြောက်နိုင်စွမ်း မရှိဘူးဆိုသည်မှာ သေချာလှပေသည်။ သို့သော် ဤဝတ်ရုံမည်းဝတ်များအနေဖြင့် သူတို့ကို အနိုင်ယူရန် လုံးဝ မလိုအပ်ပါချေ။ သူတို့၏ စွမ်းအားများကို ဖြုန်းတီးပစ်ရန်သာ လိုအပ်ပြီး၊ လူတိုင်း နောက်တစ်ဆင့်သို့ ဝင်ရောက်သွားကာ ထိုထိုက်မျိုးဆက်မှ အစွမ်းထက်သိုင်းပညာရှင်များနှင့် အစစ်အမှန် ရင်ဆိုင်ရသည့် အချိန်ကျလျှင် စွမ်းအားများ အလွန်အမင်း ကုန်ခမ်းသွားခဲ့မည်ဆိုပါက သေချာပေါက် ရှုံးနိမ့်သွားမည်ဖြစ်သည်။

အကယ်၍ သူတို့သာ ရှုံးနိမ့်သွားခဲ့မည်ဆိုပါက၊ ဤနေရာသို့ ဝင်ရောက်လာသူများအားလုံးမှာ သေချာပေါက် အသက်သေဆုံးကြရမည်ဖြစ်သည်။ ဤမျှသာမက သူတို့နှင့်အတူတူ မြေကြီးပေါ်ရှိ လူသားများ၏ ကမ္ဘာကြီးတစ်ခုလုံးပါ ချက်ချင်း အဆုံးသတ်သွားတော့မည်ဖြစ်သည်။

"သူတို့ကို သတ်လိုက်ကြ၊ ဒီနေရာကို ဝင်ရောက်လာတဲ့သူ မှန်သမျှ သေလမ်းတစ်ခုတည်းပဲ ရှိတယ်"

ထိုအချိန်မှာပင် ရှေ့ဆုံးမှ ဝတ်ရုံမည်းဝတ်တစ်ယောက်မှာ ကြောက်မက်ဖွယ်ကောင်းလောက်အောင် ရယ်မောလိုက်ပြီး၊ ဝမ်ချောင်နှင့် အခြားသောလူများဆီသို့ လျင်မြန်စွာ ပြေးဝင်လာတော့သည်။

တစ်ချိန်တည်းမှာပင် သူ၏နောက်ကျောဘက်ရှိ မရေမတွက်နိုင်သော ဝတ်ရုံမည်းဝတ်များမှာလည်း အလွန်အမင်း ထက်မြက်လှသော သိုင်းကွက်အမျိုးမျိုးကို အသုံးပြုလျက်၊ ဝမ်ချောင်နှင့် အခြားသောလူများဆီသို့ လေပြင်းများအလား ပြေးဝင်လာကြတော့သည်။

အနည်းငယ်မျှ တွန့်ဆုတ်နေခြင်း လုံးဝမရှိဘဲ မိစ္ဆာဧကရာဇ်အဘိုးအိုနှင့် ဝူရှန်းရွာသူကြီးတို့၏ မျက်နှာအမူအရာများ ချက်ချင်း ပြောင်းလဲသွားကြသည်။ တစ်ချိန်တည်းမှာပင် ကိုယ်တွင်းရှိ ဂန်ချီစွမ်းအင်များ ပြင်းထန်စွာ တုန်ခါသွားခဲ့ကာ၊ ယခင်ကကဲ့သို့ပင် နောက်တစ်ကြိမ် ထပ်မံ၍ ဝင်ရောက်တိုက်ခိုက်ရန် ပြင်ဆင်လိုက်ကြတော့သည်။ သို့သော် ထိုအချိန်မှာပင် ဝမ်ချောင်က ရုတ်တရက် ပြောလိုက်တော့သည်။

"ကျွန်တော်ပဲ ကိုင်တွယ်လိုက်မယ်"

သူ၏ မျက်ဝန်းထဲ၌ အေးစက်သော အလင်းတန်းတစ်ခု လက်သွားခဲ့ပြီးနောက် ခြေထောက်ကို တစ်ချက်စောင့်ချလိုက်ကာ၊ မိစ္ဆာဧကရာဇ်အဘိုးအိုနှင့် ဝူရှန်းရွာသူကြီးတို့၏ နောက်ကျောဘက်မှနေ၍ လျင်မြန်စွာ ထွက်ရပ်လိုက်တော့သည်။

နောက်တစ်ခဏတွင် ဝမ်ချောင်က ညာဘက်လက်ကို ရုတ်တရက် ဆန့်ထုတ်လိုက်ပြီး၊ မျက်နှာချင်းဆိုင်ရှိ ဝတ်ရုံမည်းဝတ်များကို အဝေးမှနေ၍ ချိန်ရွယ်လိုက်တော့သည်။

တစ်ချိန်တည်းမှာပင် ဧရာမ စိတ်စွမ်းအင်ကြီးတစ်ခုမှာ ပြင်းထန်သော မုန်တိုင်းကြီးများအလား ဝမ်ချောင်၏ လက်ဝါးထဲမှနေ၍ ရုတ်တရက် ပေါက်ကွဲထွက်ပေါ်လာတော့သည်။

စိတ်စွမ်းအင်မုန်တိုင်း။

မျက်တောင်တစ်ခတ်မျှ အချိန်လေးအတွင်းမှာပင်၊ ဧရာမ စိတ်စွမ်းအင်ကြီးတစ်ခုမှာ ပတ်ဝန်းကျင်ကို ဖုံးလွှမ်းသွားခဲ့ပြီး ဝမ်ချောင်၏ ကိုယ်တွင်းမှနေ၍ ရုတ်တရက် ပေါက်ကွဲထွက်ပေါ်လာကာ ဟင်းလင်းပြင်နယ်မြေတစ်ခုလုံးကို အပြည့်အဝ လွှမ်းခြုံထားလိုက်တော့သည်။

******