အခန်း ၁၀၁၈

အခန်း (၁၀၁၈) နတ်ဘုရားခန္ဓာကိုယ် ပျက်စီးခြင်း၊ သံအပိုင်းအစ။ (၃)

တိုက်ပွဲမှာ လျင်မြန်စွာပင် ပြီးဆုံးသွားပြီး လေသန့်တောင်တန်းကြီး၏ ကောင်းကင်ယံမှာ ငြိမ်းချမ်းသွားပြန်သည်။ တောင်တန်းများနှင့် သစ်တောများမှာ ပြာအဖြစ် ပြောင်းလဲသွားခြင်းမှာ ဤနေရာတွင် ပြင်းထန်သော တိုက်ပွဲတစ်ခု ဖြစ်ပွားခဲ့ကြောင်း သက်သေပင် ဖြစ်သည်။

"အကြီးအကဲစူး"

ယခုအချိန်တွင် စူးချန်ခုန်းမှာ စုရုံးရာနေရာသို့ ပြန်လည် ရောက်ရှိလာပြီ ဖြစ်သည်။ စူးချန်ခုန်း ပြန်လာသည်ကို မြင်သောအခါ ကျန်းယောင်၏ မျက်နှာမှာ ဝမ်းသာအားရ ပြုံးရွှင်သွားသည်။

ကုမင် ရုတ်တရက် ရောက်ရှိလာခြင်းမှာ ကျန်းယောင်အတွက် အလွန် အန္တရာယ် ရှိခဲ့သော်လည်း စူးချန်ခုန်းက ဝင်ရောက် တိုက်ခိုက်ပေးခဲ့သဖြင့် သွေးမြစ်ဂိုဏ်းမှာ ရှုံးနိမ့်သွားကာ ခရီးစဉ်မှာ အလွန် အောင်မြင်ခဲ့သည်။

"အရင်ဆုံး ပြန်ကြရအောင်။"

စူးချန်ခုန်းက အချိန်မဆွဲလိုသည့်အတွက် အကြံပြုလိုက်သည်။

"အင်း အရင်ဆုံး ပြန်ကြတာပေါ့။"

ကျန်းယောင်ကလည်း ခေါင်းညိတ် သဘောတူသည်။ ယွဲ့ရှင်းနှင့် အခြားသူတို့ကို စုရုံးကာ တိုက်ပွဲနယ်မြေကို ရှင်းလင်းပြီးနောက် ကောင်းကင်သင်္ဘောဖြင့် ကောင်းကင်မီးလျှံမြို့တော် ကောင်းကင် သူတော်စင်တောင်သို့ ပြန်လာခဲ့ကြသည်။

လမ်းတစ်လျှောက်တွင် ကျန်းယောင်က စူးချန်ခုန်းထံသို့ အသံပို့လွှတ်၍ "အကြီးအကဲစူး၊ သွေးမြစ်ဂိုဏ်းကို အနိုင်ယူနိုင်တာ အကြီးအကဲစူးကြောင့်ပါ။ အကြီးအကဲစူးရဲ့ မူလဝိညာဉ်… တကယ်ကို ထူးခြားတာပဲ" ဟု ပြောလိုက်သည်။

"ဘာမှ မဟုတ်ပါဘူး… ကျွန်တော် လုပ်သင့်တာကို လုပ်ခဲ့တာပါ။"

စူးချန်ခုန်း ခေါင်းခါလိုက်သည်။ စူးချန်ခုန်းမှာ ကျန်းယောင်နှင့် ကျန်းမိသားစု၏ ကျေးဇူးကို ပြန်ဆပ်လိုခြင်းနှင့် နတ်ဘုရားခန္ဓာကိုယ် ပိုင်ရှင်တစ်ဦးကို သတ်ဖြတ်ခြင်းမှ ရရှိမည့် အကျိုးကျေးဇူးများကြောင့် လုပ်ဆောင်ခဲ့ခြင်း ဖြစ်သည်။

ရွှယ်ယွိထောင်မှာ နတ်ဘုရားခန္ဓာကိုယ် ပိုင်ရှင်များထဲတွင် အားနည်းသော်လည်း သူ၏ သိုလှောင်ရာနေရာတွင် ရတနာများစွာ ရှိနေမည်မှာ အသေအချာပင်။

"ငါ့ရဲ့ နတ်ဘုရားခန္ဓာကိုယ်ကို မြန်မြန် ဖော်ဆောင်မှ ဖြစ်မယ်… ငါသာ ဖော်ဆောင်နိုင်ရင် ကုမင်တောင် ငါ့ကို မယှဉ်နိုင်တော့ဘူး။"

ကျန်းယောင်၏ စိတ်ထဲတွင် အရေးတကြီး ခံစားချက်များ ဖြစ်ပေါ်လာသည်။ ကျန်းမိသားစုတွင် ကျန်းယောင်မှာ ထိပ်တန်း တပည့်တစ်ဦး ဖြစ်သော်လည်း စူးချန်ခုန်း၏ စွမ်းဆောင်ရည်မှာ သူ့ကို ဖိအားပေးနေသည်။ နတ်ဘုရားခန္ဓာကိုယ်ကို ဖော်ဆောင်ပြီးနောက် သူ၏ တိုက်ခိုက်ရေး စွမ်းအားမှာ များစွာ မြင့်တက်လာလိမ့်မည်။

"အကြီးအကဲစူးက ဘယ်လို ပုဂ္ဂိုလ်မျိုးလဲ။ တောင်သခင်က ဘာကြောင့် သူ့ကို ဒီလောက်တောင် အလေးထားရတာလဲဆိုတာ နားလည်သွားပြီ။"

ယွဲ့ရှင်းနှင့် အခြားသူတို့မှာ အံ့အားသင့်နေကြသည်။ နတ်ဘုရားမျိုးစေ့ သိုင်းဝိဇ္ဇာသူတော်စင် တစ်ဦးက သွေးစိမ်းခန်းမမှ လူတစ်ယောက်ကို သတ်ဖြတ်နိုင်ခြင်းမှာ အမှန်တကယ်ပင် အံ့ဩစရာ ဖြစ်သည်။

သူတို့အဖွဲ့သည် ကောင်းကင်သူတော်စင်တောင်သို့ တိတ်တဆိတ် ပြန်လည် ရောက်ရှိလာသည်။

"ရွှယ်ယိထောင်မှာ ဘာရတနာတွေ ရှိလဲ ကြည့်ရအောင်။"

စူးချန်ခုန်းမှာ သူ၏ အခန်းထဲတွင် ရွှယ်ယိထောင်၏ ရတနာများကို စစ်ဆေးနေသည်။ ရွှယ်ယိထောင်၏ ခန္ဓာကိုယ်မှ ရရှိသော လက်စွပ်ထဲတွင် အဖိုးတန် ပစ္စည်းများစွာ ရှိနေသည်။

"ဒါက သွေးမြစ် နတ်ဘုရားဆေးလား။"

စူးချန်ခုန်းသည် ပုလင်းငယ်တစ်ခုကို ထုတ်ယူကာ အဖုံးဖွင့်လိုက်သည်။ အထဲတွင် သွေးရောင် ကျောက်စိမ်းဖြင့် ပြုလုပ်ထားသော ဆေးလုံးများ ရာနှင့်ချီ ရှိနေသည်။ ၎င်းမှာ သွေးမြစ်ဂိုဏ်း၏ အသက်သွေးကြော ဖြစ်သည်။

သို့သော်လည်း စူးချန်ခုန်းက ၎င်းဆေးလုံးများမှာ အဆိပ်အတောက်များ ပါဝင်နေပြီး ကျင့်စဉ်ကို ထိခိုက်စေနိုင်ကြောင်း သိသွားသည်။

"ဒီ ဆေးလုံးတွေရဲ့ စွမ်းအားက မသန့်စင်ဘူး။ အများကြီး စားသုံးရင် အခြေခံကို ထိခိုက်လိမ့်မယ်။"

စူးချန်ခုန်းသည် ၎င်းတို့ကို သိမ်းဆည်းထားလိုက်သည်။ ထို့အပြင် သွေးမြစ် နတ်ဘုရားဆေး ဖော်စပ်နည်းကိုလည်း တွေ့ရှိခဲ့သည်။ သို့သော် သူ၏ ရည်ရွယ်ချက်မှာ အပြစ်မဲ့သူများကို သတ်ဖြတ်ပြီး ဆေးဖော်စပ်ရန် မဟုတ်သဖြင့် ၎င်းမှာ သူအတွက် အသုံးမဝင်ပေ။

သိုလှောင်လက်စွပ်ထဲတွင် မူလအရည် နှစ်ထောင်ကျော် တွေ့ရှိခဲ့သည်။

“ဟင်..ဒီလောက်ပဲလား။”

စူးချန်ခုန်း အနည်းငယ် စိတ်ပျက်သွားသည်။ နတ်ဘုရားခန္ဓာကိုယ် ပိုင်ရှင်တစ်ဦးအတွက်မူ ဤမျှသာ ရှိခြင်းမှာ အလွန်နည်းပါးသည်ဟု သူ တွေးမိသည်။

သို့သော်လည်း ဒါက ပုံမှန်ပါပင်။

"ဟင်၊ ဒါက ဘာလဲ။"

ရုတ်တရက် စူးချန်ခုန်း၏ စိတ်ထဲတွင် တစ်စုံတစ်ခုကို ခံစားလိုက်ရသည်။ လက်စွပ်ထဲမှ ထူးခြားသော အရာတစ်ခုကို သူ ထုတ်ယူလိုက်သည်။ ၎င်းမှာ လက်ဖဝါးအရွယ်အစားရှိသော ပုံပျက်နေသည့် သံအပိုင်းအစ တစ်ခုဖြစ်သည်။

"ဒီအရာက… စာအုပ် တစ်အုပ်ရဲ့ စာမျက်နှာလိုပဲ၊ ဒါပေမဲ့ ပျက်စီးနေတယ်။"

သံအပိုင်းအစမှာ အနက်ရောင်ဖြစ်ပြီး ပုံစံမမှန်ပေ။ ၎င်းကို မည်သည့်ပစ္စည်းဖြင့် ပြုလုပ်ထားသည်ကို မသိရှိရပေ။ ထိုသံအပိုင်းအစပေါ်တွင် စာသားများနှင့် တူညီသော ကြမ်းတမ်းသည့် အစင်းကြောင်းများ ရှိနေသည်။ စူးချန်ခုန်းက ထိုအစင်းကြောင်းများကို အာရုံစိုက်လိုက်သောအခါ သူ၏ မျက်လုံးများမှာ ပြူးကျယ်သွားပြီး ပြင်းထန်သော အန္တရာယ်ကို ခံစားလိုက်ရသည်။

"ရှူး"

သံအပိုင်းအစပေါ်ရှိ အစင်းကြောင်းများမှာ အသက်ဝင်လာပြီ နတ်ဘုရားလက်နက် ဓားသွားများအဖြစ် ပြောင်းလဲကာ စူးချန်ခုန်းကို အရူးအမူး စတင် တိုက်ခိုက်တော့သည်။