အခန်း ၇၅၁

အခန်း (၇၅၁)။

သူတော်စင်ရုပ်တု အတည်တကျ ဖြစ်သွားသည်နှင့်တပြိုင်နက် ဟုန်ယွိ၏ စိတ်အာရုံထဲ တွင် ပူဇော်ခန်းမဆောင်၌ သူတော်စင်တစ်ရာနှင့် ဘေးချင်းယှဉ် ရပ်နေသည့်ပုံရိပ်က ချက်ချင်းပင် လင်းလက်လာခဲ့သည်။ ထိုပုံရိပ်မှာ အလွန်တရာ နွေးထွေးပြီး လူသားလမ်းစဉ် ၏ ကြီးမြတ်သော သဘောတရားကို အမှန်တကယ် ဦးဆောင်နေခြင်း ဖြစ်သည်။

ဤသည်မှာ မိမိ၏ ရာထူးအဆင့်အတန်းကို တရားဝင်ဖြစ်စေသည့် 'ဘိသိက်ခံခြင်း' နှင့် တူလှသည်။ ရာထူးအဆင့်အတန်း တစ်ခုကို အခိုင်အမာ တည်ဆောက်ပြီးသွားသောအခါ အရာရာမှာ ယခင်နှင့် လုံးဝ ကွဲပြားသွားတော့သည်။

ရှေးခေတ်ကာလမှစ၍ အာဏာကို လက်ဝါးကြီးအုပ်ကာ ဧကရာဇ်ကို နန်းချပြီး နိုင်ငံတော် ၏ နတ်ဘုရားလက်နက်ကို ထိန်းချုပ်ခဲ့သည့် ဩဇာကြီးမားသော အမတ်ကြီးများနှင့် စစ်သူကြီးများစွာ ရှိခဲ့ကြသည်။ သို့သော်လည်း သူတို့သည် ဧကရာဇ်အဖြစ် ပလ္လင်ပေါ်သို့ မတက်လှမ်းနိုင်ခဲ့ကြဘဲ သစ္စာဖောက်များ၊ ပုန်ကန်သူများအဖြစ်သာ သမိုင်းတွင်ခဲ့ရသည်။ ဤသည်မှာ သူတို့၏ ရာထူးအဆင့်အတန်းကို တရားဝင် မတည်ဆောက်နိုင်ခဲ့ခြင်းကြောင့် ပင် ဖြစ်သည်။

လူသားလမ်းစဉ်အတွက် ပထမဆုံး လုပ်ဆောင်ရမည့်အရာမှာ မှန်ကန်သော ဘွဲ့အမည်ကို တည်ဆောက်ရန်ဖြစ်သည်။

ယခင်က ဟုန်ယွိကို လူအများက သူတော်စင်ယွိဟု ခေါ်ဝေါ်ခဲ့ကြသော်လည်း၊ ၎င်းမှာ လူထုကြားတွင် ပေးထားသည့် ဘွဲ့အမည်တစ်ခုမျှသာ ဖြစ်သည်။ ထိုသို့ခေါ်ခြင်း၏ တစ်ဝက်မှာ မြှောက်ပင့်ခြင်းဖြစ်ပြီး၊ ကျန်တစ်ဝက်မှာ သူ၏ အစွမ်းနှင့် နတ်ဘုရားတန်ခိုး စွမ်းအားများကို ကြောက်ရွံ့ခြင်းကြောင့် ဖြစ်သည်။ ထို့အပြင် သူ့ထံမှ အကျိုးအမြတ်ရရှိရန် မျက်နှာသာပေးကြခြင်းလည်း ပါဝင်နေသည်။

သို့သော် ယခုအခါ သူ၏သူတော်စင်ရုပ်တုမှာ စုစည်းသွားခဲ့ပြီး၊ သူတော်စင်တစ်ရာတို့၏ နိယာမများ၊ ဥပဒေသများ၏ တုံ့ပြန်မှုနှင့် အသိအမှတ်ပြုမှုကို ရရှိကာ သူတို့၏ အလင်း ရောင်နှင့် အတူယှဉ်တွဲ ရပ်တည်နိုင်ခြင်းမှာ မယိုင်လဲနိုင်သော အခြေခံအုတ်မြစ်ကြီး ဖြစ်သွားခဲ့ပြီ။ ဤသည်မှာ နောင်မျိုးဆက်ပေါင်း သောင်းချီတိုင်အောင် တည်တံ့မည့်၊ ဖြောင့်မတ်မှန်ကန်သော 'ဓမ္မလမ်းစဉ်' ပင် ဖြစ်ပြီး၊ ကောင်းကင်၌ ထွန်းလင်းနေသော နေနှင့်လကဲ့သို့ပင် ခိုင်မြဲတည်တံ့နေတော့မည်။

ဤအခိုက်အတန့်တွင် သူသည် တာအိုနှင့် အကြောင်းတရားကို အခိုင်အမာ ရရှိသွားပြီဟု ဆိုနိုင်သည်။

သူသည် အလွန်အရေးပါသော ခြေလှမ်းကို လှမ်းနိုင်ခဲ့ပြီ ဖြစ်သည်။

သူတော်စင်ရုပ်တုကို တည်ဆောက်ပြီး နတ်ဘုရားတာအိုကို တည်ထောင်လိုက်ခြင်းပင် ဖြစ်သည်။

သူတော်စင်ယွိ၏ အဆင့်အတန်းနှင့် 'ပြောင်းလဲခြင်းကျမ်း'၏ အဆင့်အတန်းမှာလည်း မလှုပ်ရှားနိုင်အောင် ခိုင်မာသွားခဲ့ပြီ။ လူသားလမ်းစဉ် တည်ရှိနေသရွေ့ သူတော်စင်ယွိမှာ သေဆုံးမည်မဟုတ်သလို၊ 'ပြောင်းလဲခြင်းကျမ်း' မှာလည်း ကွယ်ပျောက်သွားမည် မဟုတ် ပေ။

ထိုတစ်ချက်တည်းဖြင့် ဟုန်ယွိ၏ အတွေးစများမှာ တစ်ဖန် ပြန်လည် ကြည်လင်လာသည်။ သူ၏ သန့်စင်သောယန် ထိုက်ကျိမူလစိတ်ဝိညာဉ် အတွင်း၌ အတွေးစများစွာ လည်ပတ်နေ သည်။ အတွေးစမျိုးစုံမှာ ဆည်ကျိုးသည့် မြစ်တစ်စင်းကဲ့သို့ ဟစ်ကြွေးလျက် သမိုင်း ဘီးလုံးကြီးအလား လိမ့်ဆင်းလာနေသည်။

"လူတိုင်းဟာ နဂါးတစ်ကောင်လို ကျင့်ကြံပြီး လူကြီးလူကောင်းတွေ ဖြစ်လာဖို့ ငါ တစ်ခါ က မဟာဆန္ဒ ပြုခဲ့ဖူးတယ်။ အခုတော့ ပထမဆုံး ခြေလှမ်းကို ငါ လှမ်းနိုင်ခဲ့ပြီ။ ဒီနေ့ကစပြီး ဒီမဟာဆန္ဒဟာ ငါ့ရဲ့ ဦးဆောင်မှုအောက်မှာ ဆက်လက် အကောင်အထည် ပေါ်လာတော့ မယ်..."

ဟုန်ရွှန်ကျိကို အနိုင်ယူပြီးနောက် ရရှိခဲ့သော စိတ်ကြည်လင်မှုမှာ ပုဂ္ဂိုလ်ရေးအရ ကလဲ့စား ချေနိုင်ခြင်းကြောင့် ဖြစ်သော်လည်း၊ ယခု သူတော်စင်ရုပ်တုကို တည်ထောင်နိုင်ခြင်း ကြောင့် ရရှိသော စိတ်ကြည်လင်မှုမှာမူ အမြင့်ဆုံးသော 'ဓမ္မလမ်းစဉ်' ကြောင့် ဖြစ်ပေါ်လာ ခြင်း ဖြစ်သည်။

ဤကြည်လင်သော အတွေးစများကြားတွင် နတ်ဘုရားတန်ခိုး စွမ်းအားများ၊ မူလ စိတ်ဝိညာဉ်၊ မူလစွမ်းအင်၊ သူတော်စင်ပေါင်းစုံခန်းမ၏ စွမ်းအား၊ အနာဂတ်သခင်၊ မူလ တာအိုသခင်အစရှိသည့် အခြားသော စွမ်းအားအားလုံးမှာ စုစည်းသွားပြီး တစ်ခုတည်း အဖြစ် ပေါင်းစပ်သွားသည်။ ထို့နောက် သူက ပြင်းထန်သော တိုက်ကွက်တစ်ခုကို ထုတ်လွှတ်လိုက်သည်။

"ဟမ့်၊ မင်းက ငါ့ရဲ့ အင်မော်တယ် အစစ်မှန်ကြယ်ကို ဖျက်ဆီးချင်တာလား။ သူတော်စင် ရုပ်တု တည်ဆောက်နိုင်ရုံနဲ့ သူတော်စင်တစ်ရာနဲ့ ယှဉ်ရပ်နိုင်ရုံနဲ့ ဘာအသုံးကျမှာလဲ။ သူတို့ အားလုံးက ငါ့ရဲ့မျိုးဆက်သစ်လေးတွေပဲ။ လောကမှာရှိတဲ့ သက်ရှိအားလုံးအတွက် ယဉ်ကျေးမှုတွေ ဖန်တီးပေးချင်တဲ့ ငါ့ရဲ့မဟာဆန္ဒထက် မင်းတို့လူသားတွေရဲ့ ဆန္ဒက ဘယ်လိုလုပ် ပိုကြီးမားနိုင်မှာလဲ။ တာအိုရဲ့ တစ်စိတ်တစ်ပိုင်း... ငါ့ဆီ ပြန်လာခဲ့စမ်း"

ဟုန်ယွိက ဤတိုက်ခိုက်မှုအတွက် ပြင်ဆင်နေစဉ်၊ ဟုန်ယွိ၏ နတ်ဘုရားတန်ခိုးစွမ်းအား များ နောက်တစ်ကြိမ် တိုးမြှင့်လာသည်ကို အင်မော်တယ်နတ်ဘုရားဘုရင်လည်း ခံစားမိ လိုက်သည်။ သို့သော်လည်း သူက လုံးဝ ကြောက်ရွံ့ခြင်း မရှိပေ။ သူ၏ အမြီး ပြတ်တောက် သွားသော်လည်း သူ၏လက်ထဲတွင် လျှို့ဝှက်ဖဲချပ် ရှိနေသေးသည်။ ဟုန်ယွိက သူ့ကို မည်သို့ အနိုင်ယူနိုင်မည်နည်း။ ရှေးခေတ် ယန်နတ်ဘုရားပင် သူ့ကို အနိုင်မယူနိုင်ခဲ့ပေ။

သူသည် ဂါထာတစ်ပုဒ်ကို စတင် ရွတ်ဆိုလိုက်ရာ၊ လူးလွန့်နေသော အသားသွေးများမှာ သူ၏ ခန္ဓာကိုယ်အနှံ့ ပေါ်ထွက်လာသည်။ ထို့နောက် အသားနှင့် သွေးများက နိဗ္ဗာနပန်း များကဲ့သို့ ပွင့်လန်းလာပြီး မိစ္ဆာနတ်ဘုရားဘုရင် ထောင်ပေါင်းများစွာ မွေးဖွားလာကြ သည်။ ထိုအထဲတွင် အထီးကျန်မိစ္ဆာဘုရင်၊ အပြစ်သားမိစ္ဆာဘုရင်၊ လျှိုမိစ္ဆာဘုရင်၊ ချိုးဖြူ မိစ္ဆာဘုရင်၊ စုန်းမဘုရင်၊ ကျင့်ကြံခြင်းဘုရင်၊ ကရုဏာဘုရင်၊ စိန်ဘုရင်၊ ဒေါသဘုရင်၊ ရိုင်းစိုင်းဘုရင်၊ သွေးဘုရင်၊ အရိုးဖြူဘုရင်၊ နတ်ဆိုးဘုရင်၊ မှော်ဘုရင်၊ ကင်းခြေများဘုရင် နှင့် ပိုးနံသာဘုရင်တို့ ပါဝင်သည်။

ဤမိစ္ဆာဘုရင်များ အားလုံးမှာ နိဗ္ဗာနပန်းအတွင်းမှ ထွက်ပေါ်လာပြီး စတင် လောင်ကျွမ်း ကာ မီးလျှံအလုံးကြီးများအဖြစ် ပြောင်းလဲသွားကြသည်။ အဖြူရောင် မီးတောက်များ၊ အပြာရင့်ရောင် မီးတောက်များ၊ မီးခိုးရောင် မီးတောက်များ၊ အညိုရောင် မီးတောက်များ... စသဖြင့် မီးတောက်အရောင်ပေါင်း သန်းနှင့်ချီ စုစည်းသွားပြီး မီးတောက်တံတိုင်းကြီး တစ်ခုကို ဖွဲ့စည်းလိုက်သည်။ မီးတောက် ဟင်းလင်းပြင်၊ မီးတောက် ကမ္ဘာကြီးသည် ဟုန်ယွိ၏ တိုက်ခိုက်မှုကို အစွမ်းကုန် ပိတ်ဆို့ထားလိုက်သည်။

"ဘုရင်တစ်သောင်း သွေးပူဇော်ခြင်း... နတ်ဘုရားများ၏ နတ်ဘုရား... နတ်ဘုရားများ၏ နတ်ဘုရား..."

ထာဝရ မသေဆုံးနို၊ ထာဝရ မပျက်စီးနိုင်၊ ထာဝရမဖျက်စီးနိုင်သည့် အရှိန်ဝါတို့သည် အင်မော်တယ်နတ်ဘုရားဘုရင်၏ ခန္ဓာကိုယ်မှ ထွက်ပေါ်လာသည်။ တစ်ချိန်တည်းမှာပင် သူ၏ 'ဘုရင်တစ်သောင်း သွေးယဇ်ပူဇော်မှု' သည် ဟုန်ယွိ၏ တိုက်ကွက်ကို ခုခံရုံသာမက ပြန်လည် တိုက်စစ်ဆင်လာတော့သည်။

"ဒုက္ခပါပဲ၊ ဒါက ဘုရင်တစ်သောင်း သွေးပူဇော်ခြင်းပဲ၊ သူက ဘုရင်တစ်သောင်းကို ဖန်တီးဖို့ သူ့ကိုယ်ပိုင် အသားနဲ့သွေးကို အသုံးပြုနေတယ်။ ပြီးတော့ သူတို့ကို ယဇ်ပူဇော်တဲ့အနေနဲ့ တစ်ယောက်ချင်းစီ မီးရှို့နေတယ်။ ဒါက သူ့ရဲ့ အစွမ်းထက်ဆုံး တာအိုပညာရပ်ပဲ။ မဟာ ဧကရာဇ်ချန်ရှန်းတောင်မှ ရှောင်တိမ်းခဲ့ရတာ။ အားလုံး အမြန်ရှောင်ကြ၊ ဒါကို ထိပ်တိုက် မရင်ဆိုင်နိုင်ဘူး၊ ငါတို့ ကျောက်စိမ်းမြို့တော်ကို စွန့်လွှတ်မှ ရမယ်။"

ကော့လီနတ်ဘုရားဘုရင်မမှာ အလွန်တရာ ထိတ်လန့်ပြီး ဖြူရော်သွားသည်။ သူမ၏ စိတ်စွမ်းအားနှင့်ပင် တည်ငြိမ်မှုများ ပျောက်ဆုံးကာ ဆုတ်ခွာလိုစိတ်များ ပြင်းထန်စွာ ပေါ်ပေါက်လာသည်။

မဟာစကြဝဠာကြီး စတင်တည်ရှိချိန်မှ ယခုအထိ နှစ်ပေါင်း ဘီလီယံပေါင်းများစွာနှင့် ခေတ်ကာလ ပေါင်းများစွာကို ဖြတ်သန်းခဲ့ရသည်။ ထိုခေတ်ကာလများစွာကို ရှေးဦး နတ်ဘုရားများက ဦးဆောင်ခဲ့ကြသည်။ နှစ်ရာပေါင်း ဘီလီယံများအတွင်း မရေမတွက်နိုင် သော နတ်ဘုရားဘုရင်များ မွေးဖွားလာပြီး အချိန်မြစ်အတွင်း ပျောက်ကွယ်သွားခဲ့ကြ သည်။ ယခုမူ အင်မော်တယ် နတ်ဘုရားဘုရင်သည် သူ၏ သွေးသားများကို အသုံးပြုကာ ထိုနတ်ဘုရားဘုရင်များကို ပြန်လည်ဖော်ဆောင်ပြီး ခေတ်ကာလများစွာ၏ အပြောင်း အလဲများကို ပြန်လည်ရှင်သန်စေကာ ၎င်းတို့ကို ယဇ်ပူဇော်ပြီး အပြင်းထန်ဆုံးသော တိုက်ကွက်ကို ထုတ်ဖော်နေခြင်း ဖြစ်သည်။

'ဘုရင်တစ်သောင်း သွေးယဇ်ပူဇော်မှု' တိုက်ကွက်မှာ တားဆီးရန် မဖြစ်နိုင်သလောက်ပင် ဖြစ်ပြီး မည်သူမျှလည်း သင်ယူနိုင်ခြင်း မရှိပေ။ ဟုန်ယွိ၊ ရွှီဝူယွိ၊ မုန့်ရှန်းကျီ၊ ဟုန်ရွှန်ကျိနှင့် ယန်ဖန်ကဲ့သို့သော ပါရမီရှင်များပင် သင်ယူ၍ မရနိုင်ပေ။ အကြောင်းမှာ မည်သူမျှ အင်မော်တယ် နတ်ဘုရားဘုရင်ကဲ့သို့ မူလစွမ်းအင်များကို ပိုင်ဆိုင်ထားခြင်း မရှိသလို၊ တစ်ကြိမ်တစ်ခါ ယဇ်ပူဇော်ပြီးနောက်တွင်လည်း ထိခိုက်မှုမရှိဘဲ ကျန်ရစ်နိုင်သူ မရှိသော ကြောင့်ပင်။

အကယ်၍ ရွှီဝူယွိသာ ဤသွေးပူဇော်ခြင်းကို အသုံးပြုပါက၊ သူ၏စွမ်းအားမှာ ထက်ဝက်ခန့် ကျဆင်းသွားပြီး အထွတ်အထိပ် လူသားအင်မော်တယ် အဆင့်သို့ ပြန်ကျသွားလိမ့်မည်။ ဟုန်ယွိမှာမူ အနည်းငယ် ပိုကောင်းနိုင်သော်လည်း သူသည်လည်း သိုင်းဆန္ဒ အထည်ကိုယ် ဒြဗ်အသွင်စုစည်းခြင်း အဆင့်သို့ ပြန်ရောက်သွားပေလိမ့်မည်။

ကော့လီနတ်ဘုရားဘုရင်မသည် ဘုရင်တစ်သောင်း သွေးပူဇော်ခြင်း၏ အစွမ်းမှာ မည်မျှ ကြီးမားကြောင်း သိရှိထားသည်။ ထိုစဉ်က အင်မော်တယ်နတ်ဘုရားဘုရင် ဤတိုက်ကွက် ကို အသုံးပြုခဲ့စဉ် မဟာဧကရာဇ်ချန်ရှန်းပင် ဒဏ်ရာရခဲ့သည်။ အင်မော်တယ်နတ်ဘုရား ဘုရင်၏ အနှစ်သာရ မူလစွမ်းအင်မှာ ထိုစဉ်က၏ ၃၀ ရာခိုင်နှုန်းပင် မရှိတော့ဘဲ အိုမင်းနေ ပြီ ဖြစ်သော်လည်း ဤတိုက်ကွက်ကို တားဆီးနိုင်သူမှာ အလွန်နည်းပါးလှသည်။

ဟုန်ယွိ ဤတိုက်ကွက်ကို ခုခံနိုင်သည်ဆိုဦးတော့ သူ အပြင်းအထန် ဒဏ်ရာရလိမ့်မည်။ အထွတ်အထိပ်အဆင့် လူသားအင်မော်တယ် ငါးပါးစလုံး သေဆုံးသွားနိုင်ပြီး ကျောက်စိမ်း မြို့တော်လည်း ပျက်စီးသွားပေလိမ့်မည်။

ကော့လီနတ်ဘုရားဘုရင်မသည် ရှေးဦးခေတ်ကာလများတွင် လှည့်လည်သွားလာခဲ့ပြီး ကမ္ဘာမြေကို တုန်လှုပ်စေသော တိုက်ပွဲပေါင်း များစွာကို မြင်တွေ့ခဲ့ဖူးသည်။ သူမသည် ယန်နတ်ဘုရားများ၏ တိုက်ပွဲများကိုပင် အကြိမ်အနည်းငယ် မြင်တွေ့ခဲ့ဖူးရာ စွမ်းအားကို သဘာဝကျကျ ခန့်မှန်းနိုင်ပေသည်။

ထို့ကြောင့် သူမ၏ ပထမဆုံး တုံ့ပြန်မှုမှာ ဟုန်ယွိကို နောက်ဆုတ်ရန်နှင့် ကျောက်စိမ်း မြို့တော်ကို စွန့်လွှတ်ရန် ပြောခြင်းဖြစ်သည်။

အင်မော်တယ်နတ်ဘုရားဘုရင်သည် ဤတိုက်ကွက်ကို အသုံးပြုရန် သူ၏ အနှစ်သာရ မူလစွမ်းအင်ကို အသုံးပြုဖို့ တုံ့ဆိုင်းမနေခဲ့ဘဲ၊ သေသည့်တိုင် တိုက်ခိုက်ရန် သူ၏ သက်တမ်းကိုပါ အသုံးပြုခဲ့သည်။ သိသာထင်ရှားစွာပင် သူသည် အမှန်တကယ် ဒေါသ ထွက်နေခြင်း ဖြစ်သည်။ အကြောင်းမှာ ရှေးဦးခေတ်မှ ယနေ့အထိ သူ၏ အမြီးကို မည်သူမျှ မဖြတ်နိုင်ခဲ့ဖူးသကဲ့သို့၊ ဟုန်ယွိကဲ့သို့ သူ့ကို တံဆိပ်ခတ်ရန် ကြိုးစားသူလည်း မရှိခဲ့သော ကြောင့် ဖြစ်သည်။

နတ်ဘုရားတို့၏ ဘုရင်ဖြစ်သော အင်မော်တယ် နတ်ဘုရားဘုရင်မှာ အားနည်းနေသော် လည်း စော်ကား၍ ရသော တည်ရှိမှုမျိုး မဟုတ်ပေ။

သို့သော် ဤအခိုက်အတန့်တွင်၊ ဟုန်ယွိသည် အင်မော်တယ် နတ်ဘုရားဘုရင်၏ အရာ အားလုံးကို ဝါးမျိုမည့် မီးတောက် တန်ပြန်တိုက်ခိုက်မှု၊ ဘုရင်တစ်သောင်း သွေးပူဇော်ခြင်း ကို ရင်ဆိုင်ရာတွင် နောက်မဆုတ်ဘဲ ထိပ်တိုက် ရင်ဆိုင်လိုက်သည်။

တစ်ချိန်တည်းမှာပင် ဟုန်ယွိက စကားလုံးလေးလုံးကို ရွတ်ဆိုလိုက်သည်။ "ယန်နတ်ဘု ရား၊ အထွတ်အထိပ် တာအို"

ဤစကားလုံး လေးလုံးကို ရွတ်ဆိုပြီးနောက်၊ ဟုန်ယွိသည် သူ ယခုလေးတင် ရရှိခဲ့သော ဉာဏ်အလင်းပွင့်မှုနှင့်အတူ အံ့ဖွယ်ကောင်းသော အခြေအနေတစ်ခုသို့ ဝင်ရောက်သွားခဲ့ သည်။

သူတော်စင်ရုပ်တု၏ စွမ်းအားက သူ့ကို ဉာဏ်အလင်းပွင့်မှုများစွာ ပေးစွမ်းခဲ့ပြီး၊ ယခုအခါ အင်မော်တယ် နတ်ဘုရားဘုရင်နှင့် တိုက်ပွဲကို အသုံးပြုကာ၊ ထိုဉာဏ်အလင်းပွင့်မူကို ပိုမို နက်ရှိုင်းစွာ နားလည်လာခဲ့သည်။ ဤအခိုက်အတန့်တွင် အင်မော်တယ်နတ်ဘုရားဘုရင် သည် သူ၏ အကောင်းဆုံး ပြိုင်ဘက် ဖြစ်နေသည်။

ဘုရင်တစ်သောင်း သွေးပူဇော်ခြင်း၏ စွမ်းအားသည် တိုက်ခိုက်မှု သက်သက်ကို ကြည့် လျှင် နတ်ဘုရားလက်နက်ဘုရင်များ၏ တိုက်ခိုက်မှုထက်ပင် သာလွန်နေသေးသည်။ အနာဂတ်သခင် ရှီး၏ တွက်ချက်မှုများအရ ထိုတိုက်ကွက်မှာ ရွှီယွိ၏ လက်ထဲရှိ ယန် နတ်ဘုရား အတွေးစ ပေါက်ကွဲမှုနှင့်ပင် နှိုင်းယှဉ်နိုင်ကြောင်း ဟုန်ယွိ ရှင်းလင်းစွာ ခန့်မှန်း နိုင်ခဲ့သည်။

ထိုကဲ့သို့ အစွမ်းထက်သော တိုက်ခိုက်မှုကို ရင်ဆိုင်ရခြင်းသည် ဖိအားတစ်ခုဖြစ်သော် လည်း စိတ်ခွန်အားလည်း ဖြစ်သည်။

ဘုရင်တစ်သောင်း သွေးပူဇော်ခြင်း၏ စွမ်းအားများက ဟုန်ယွိ၏ ခန္ဓာကိုယ်ကို တိုက်ခိုက် လောင်ကျွမ်းစေကာ သူ၏ခန္ဓာကိုယ်နှင့် သူတော်စင်ပေါင်းစုံခန်းမ၏ မူလစွမ်းအင်များကို ပင် စတင်ဖျက်ဆီးလာချိန်တွင်၊ ဟုန်ယွိသည် ရုတ်တရက် မိမိကိုယ်ကို မေ့လျော့သွားသည့် အခြေအနေသို့ ရောက်ရှိသွားသည်။

အမှန်တကယ်တော့ ထိုအခိုက်အတန့်တွင် သူ၏အတွေးစများမှာ အဆုံးမဲ့ကောင်းကင်ယံ သို့ ပျံတက်သွားပြီး၊ ဟင်းလင်းပြင် လေဟာနယ်မုန်တိုင်းများကို ဖြတ်သန်းကာ အခြား ဟင်းလင်းပြင်တစ်ခုသို့ ရောက်ရှိသွားသည်ဟု ဟုန်ယွိ ခံစားလိုက်ရ၏။ သူသည် မီးတောက်အလုံးကြီးနှင့် ရေခဲအလုံးကြီးသဖွယ် ဖြစ်နေသော နေနှင့်လကို မြင်တွေ့လိုက်ရ သည်။ ၎င်းတို့သည် အဆုံးမဲ့ ယင်နှင့်ယန် စွမ်းအင်များကို ထုတ်လွှတ်နေသော်လည်း တစ်ခုနှင့်တစ်ခု အပြန်အလှန် ဖြည့်ဆည်းပေးလျက် လည်ပတ်နေကြသည်။ ယင်ကို ယန် က လွှမ်းမိုးထားပြီး ယန်ကို ယင်က အားဖြည့်ပေးထားသည်။ နေနှင့်လ၏ စွမ်းအားများမှာ အဆုံးအစမရှိ စီးဆင်းလာကာ သူ၏ မူလစိတ်ဝိညာဉ် အတွင်းသို့ စီးဝင်သွားသည်။ တစ်ချိန် တည်းမှာပင် ဟုန်ယွိသည် မဟာကမ္ဘာလောကကြီး တစ်ခုလုံး၏ ကျယ်ပြန့်လှသော အတွေးလှိုင်းများနှင့် နေ၊ လ၊ ကောင်းကင်အပြင်ပနယ်မြေရှိ ကြယ်တာရာတို့၏ ခမ်းနား ထည်ဝါသော အတွေးအာရုံများကိုပါ ခံစားသိရှိလိုက်ရသည်။

"ဪ... မဟာကမ္ဘာလောကကြီး တစ်ခုလုံးမှာလည်း ကိုယ်ပိုင်အတွေးတွေရှိပြီး သက်ရှိ ခန္ဓာကိုယ်ကြီးတစ်ခုပါလား။ နေ၊ လနဲ့ ကြယ်တွေကလည်း သက်ရှိတွေပဲ။ သူတို့ရဲ့ အတွေး တွေက အရမ်းကို နှေးကွေးလွန်းလို့ အတွေးတစ်ခု တွေးဖို့တောင် နှစ်ပေါင်း သန်းနဲ့ချီ အချိန်ယူရတာပဲ။ သူတို့ဟာ လူသားတွေနဲ့ရော တခြားသက်ရှိတွေနဲ့ပါ လုံးဝကွဲပြားခြားနား တယ်။ အဲဒီယန်နတ်ဘုရားအဆင့် ကျွမ်းကျင်သူတွေဟာ ကြယ်တွေအဖြစ် ပြောင်းလဲသွား တဲ့ အကြောင်းအရင်းကို ငါ အခုမှပဲ နားလည်သွားတော့တယ်။ ကြယ်တွေရဲ့ အတွေးတွေ က သက်တမ်းအရှည်ဆုံး ဖြစ်နေလို့ သူတို့ရဲ့ အသက်ကိုလည်း ရှည်စေနိုင်တာကိုး။"

ရုတ်တရက်၊ သူ၏ နှလုံးသားထဲတွင် ဉာဏ်အလင်းပွင့်မှု တစ်မျိုး ပေါ်ထွက်လာသည်။

"ဒါပေမဲ့ ဒီလိုပြောင်းလဲသွားတာက တကယ်ပဲ ထိုက်တန်ရဲ့လား။ အတွေးတစ်ခု လည်ပတ် ဖို့ကို နှစ်ပေါင်း သန်းနဲ့ချီ စောင့်နေရမှာလေ။" အတွေးတစ်ခု တွေးရန်၊ လက်တစ်ဖက် လှုပ်ရှားရန်အတွက် နှစ်ပေါင်း ထောင်ချီ၊ သောင်းချီ စောင့်ဆိုင်းရမည့် အခြေအနေကို ဟုန်ယွိ စိတ်ပင်မကူးနိုင်ပေ။

"ဒါပေမဲ့ မင်းက ငါးမှ မဟုတ်တာ၊ ငါးတွေရဲ့ ပျော်ရွှင်မှုကို မင်း ဘယ်လိုလုပ် သိနိုင်မှာလဲ။"

ဟုန်ယွိသည် ဉာဏ်အလင်းပွင့်သွားသော်လည်း နောက်ဆုတ်မသွားဘဲ ပိုမိုမြင့်မားသော အဆင့်အတန်းတစ်ခုဆီသို့ ဆက်လက်ချီတက်သွားသည်။ သူ၏ ခန္ဓာကိုယ်နှင့် မဟာကမ္ဘာ လောကကြီး၏ အတွေးအာရုံများမှာ တစ်သားတည်း ဖြစ်သွားခဲ့ပြီ။ ဤအခိုက်အတန့်တွင် သူသည် မဟာကမ္ဘာလောကကြီး ဖြစ်ပြီး မဟာကမ္ဘာလောကကြီးသည် သူပင် ဖြစ်သည်။ သူ၏ အတွေးစ စွမ်းအားများမှာ မူလစွမ်းအင်အတွင်းသို့ စီးဝင်သွားပြီး ဘုရင်တစ်သောင်း သွေးပူဇော်ခြင်း၏ မီးတောက်များကို တွန်းလှန်နိုင်သည့် အစွမ်းထက်သော အဟုန်တစ်ခု ကို ဖန်တီးလိုက်သည်။ ထိုမီးတောက်များမှာ သူ၏ ခန္ဓာကိုယ်အတွင်းသို့ ထပ်မံ ကျူးကျော် ဝင်ရောက်နိုင်ခြင်း မရှိတော့ပေ။

"မဟာကမ္ဘာလောကကြီးက ငါပဲ၊ နောက်ဆုတ်စမ်း" ဟုန်ယွိသည် သူ၏ ဉာဏ်အလင်းပွင့်မှု အသစ်ကို ပေါင်းစပ်ကာ အင်မော်တယ် နတ်ဘုရားဘုရင်အပေါ်သို့ ပြင်းထန်သော တိုက်ခိုက်မှုတစ်ခုကို ထုတ်လွှတ်လိုက်လေသည်။

ဝုန်း... ဝုန်း...

ဟုန်ယွိ၏ အတွေးစွမ်းအားများမှာ ဆက်လက် မြင့်တက်လာသည်။ ဤအခိုက်အတန့်တွင် သူ၏အတွေးများသည် မဟာကမ္ဘာလောကကြီး ၊ နေ၊ လ၊ ကြယ်တို့၏ အတွေးများနှင့် ထပ်တူကျသွားသည်။ ကော့လီနတ်ဘုရားဘုရင်မ၊ အထွတ်အထိပ် လူသားအင်မော်တယ် ငါးပါးနှင့် ကျောက်စိမ်းမြို့တော် မြေအောက်နက်ရှိုင်းသော နေရာများတွင် မြေကြီးကို ဖိနှိပ် ထားသော ပျက်သုဉ်းခြင်းနတ်ဘုရား ဆယ့်နှစ်ပါးတို့ အားလုံးသည် သူတို့၏ စွမ်းအားများ ကို မထိန်းချုပ်နိုင်တော့ဘဲ ဟုန်ယွိ၏ ခန္ဓာကိုယ်အတွင်းသို့ အဆက်မပြတ် စီးဝင်သွားကာ ဟုန်ယွိ၏ အသုံးချခြင်းကို ခံလိုက်ရသည်။

ယခု ဟုန်ယွိ စုဆောင်းထားသော စွမ်းအားသည် ဖန်ဆင်းရှင် ငါးဆယ်နှင့် ညီမျှနေပြီ။ ထို့ထက်ပင် ပိုနိုင်သေးသည်။

"ဟင်…၊ တစ်စုံတစ်ယောက်က ယန်နတ်ဘုရားအဆင့်ကို ချိုးဖျက်ဖို့ ကြိုးစားနေတာ လား" အမည်မသိ ကမ္ဘာတစ်ခု၏ နက်ရှိုင်းသော နေရာရှိ ထာဝရနိုင်ငံတော်အတွင်းတွင် မုန့်ရှန်းကျီ၏ အတွေးစများမှာ ကောင်းကင်မြေကြီးတို့နှင့် ပေါင်းစပ်သွားသည်။ သူ ချက်ချင်းပင် နားလည်လိုက်သည်။ "ဒါ ဟုန်ယွိများလား။ ဟုန်ယွိက ယန်နတ်ဘုရား အဆင့် ကို တက်လှမ်းဖို့ ကြိုးစားနေတာပဲ။ မဖြစ်နိုင်ဘူး၊ သူ့ရည်မှန်းချက်က အရမ်းကြီးလွန်း တော့ ယန်နတ်ဘုရား အဆင့်ကို ရောက်ဖို့ဆိုတာ အခက်ခဲဆုံးပဲ... ဒါပေမဲ့ အခု သူက တကယ်ပဲ ချိုးဖောက်နေပြီ။ တကယ်ကို အံ့ဩစရာပဲ။ မန်ပိုင်ယွန်... ငါ့ညီမ... မင်းရဲ့သားက ဒီအချိန်မှာ ယန်နတ်ဘုရား အဆင့်ကို လှမ်းတက်နေပြီဆိုတာ သိရင် မင်း ဘယ်လို ခံစားရ မလဲ။ ငါတောင်မှ ယန်နတ်ဘုရားအဆင့်ကို ရမ်းသန်းပြီး မတက်လှမ်းရဲဘူး။ ငါ့ရဲ့ အတွေးစ တွေ ကောင်းကင်နဲ့ မြေကြီးထဲ စုပ်ယူခံရပြီး နှစ်ပေါင်း သောင်းနဲ့ချီ လည်ပတ်နေရမယ့် တည်ရှိမှုတစ်ခု ဖြစ်သွားမှာကို ငါ အရမ်းကြောက်တယ်။ ဟုန်ယွိက မကြောက်ဘူးလား။"

"ယန်နတ်ဘုရားအဆင့်... သူ တကယ်ပဲ ယန်နတ်ဘုရား အဆင့်ကို ချိုးဖျက်နေပြီ။" ဗဟိုကမ္ဘာရှိ ဖန်ကြယ်ပေါ်မှ ဧရာမ စစ်ခံတပ်ကြီးအတွင်းတွင် ကောင်းကင်အပြင်ပနယ်မြေ ၏ ခေါင်းဆောင် ရွှီယွိသည် ရုတ်တရက် မျက်လုံးဖွင့်လာသည်။ သူသည်လည်း ကောင်းကင်နှင့်မြေကြီးကြားရှိ ထူးခြားသော လှုပ်ခတ်မှုများကို ခံစားလိုက်ရသည်။ "မဟာ ကမ္ဘာလောကထဲမှာ ဟုန်ယွိလို အစွမ်းထက်တဲ့လူမျိုး ဘယ်လိုလုပ် ရှိနေနိုင်မှာလဲ။ ဒါဆို ငါ ရွှီယွိက အစစ်မှန် 'ယွိ' မဟုတ်ဘူးပေါ့။ ဟုန်ယွိကမှ အစစ်မှန် 'ယွိ' လား။"

ယန်နတ်ဘုရားတစ်ပါး ပေါ်ထွက်လာခြင်းသည် မိုးကုတ်စက်ဝိုင်းမှ နေမင်းကြီး ထွက်ပေါ် လာသကဲ့သို့ တောက်ပလှပေသည်။ စကြဝဠာတစ်ခုလုံးရှိ ဖန်ဆင်းရှင် အဆင့်အထက်ရှိ ကျွမ်းကျင်သူအားလုံး၏ နှလုံးသားများ နိုးကြားသွားကြသည်။ မုန့်ရှန်းကျီနှင့် ရွှီယွိတို့ သာမ က ချန်ဧကရာဇ် ယန်ဖန်နှင့် အခြားသူများလည်း ၎င်းကို ရှင်းလင်းစွာ ခံစားလိုက်ရသည်။ "ဒါ ဟုန်ယွိပဲ ဖြစ်ရမယ်။ ဒုက္ခပါပဲ ရွှန်ကျိတော့... ဒုက္ခပဲ..."

တစ်ချိန်တည်းမှာပင် မဟာကမ္ဘာလောက၏ အထက်၊ နေနှင့်လကို သယ်ဆောင်ထားသော ဟင်းလင်းပြင်အတွင်းရှိ အားကောင်းသော အတွေးတစ်ခုကလည်း အံ့အားသင့်သွားသည်။ "မဟာကမ္ဘာလောကထဲမှာ တစ်စုံတစ်ယောက်က ယန်နတ်ဘုရား အဆင့်ကို တကယ်ပဲ ချိုးဖျက်နေတာလား... ဒါ ဘယ်လိုလုပ် ဖြစ်နိုင်မှာလဲ။ နေမင်းကြီးရဲ့ အတွေးတွေ တုန်ခါနေ တာကို ငါ ခံစားနေရတယ်... လမင်းကြီးရဲ့ ဗဟိုချက်မှာလည်း အတွေးတွေက ပုံမှန် မဟုတ်ဘဲ တုန်ခါနေတယ်။ ဘာတွေ ဖြစ်နေတာလဲ။"