အခန်း ၇၆၆

အခန်း (၇၆၆)။

"ငါ့ဘဝမှာ ဒီလောက်များပြားတဲ့ လူအုပ်ကြီးကို တစ်ခါမှ မမြင်ဖူးခဲ့ဘူး။ ဒါက ကျိုင်းကောင် အုပ်ကြီးလိုပဲ။ အရာရာကို ဖျက်ဆီးမယ့် ကျူးကျော်သူ စစ်တပ်ကြီးပဲ။ အရင်းအမြစ်တွေ ပေါကြွယ်ဝပြီး အတိုင်းအဆမဲ့ ကျယ်ပြောလှတဲ့ မဟာကမ္ဘာလောကကြီးထဲကို သူတို့သာ ပြေးဝင်သွားရင်၊ ဘယ်လောက်တောင် ပျက်စီးဆုံးရှုံးမှုတွေ ဖြစ်လာမလဲဆိုတာ ငါ တွေးတောင် မတွေးရဲဘူး... ဒါပေမဲ့ ဒါက ပိုတောင် ကောင်းပါသေးတယ်။ ဒီလူအုပ်ကြီး မဟာကမ္ဘာလောကကြီးထဲကို ပြေးဝင်သွားတာက ရှိရင်းဆွဲ အခြေခံအုတ်မြစ်ဟောင်း အားလုံးကို အမြစ်ပြတ် ဖျက်ဆီးပစ်ဖို့ လုံလောက်တယ်။ အဲဒီနောက်မှာ ငါက ဒီရှုပ်အထွေး တွေကို ရှင်းလင်းပြီး ထာဝရတည်တံ့မယ့် အုတ်မြစ်အသစ် ပြန်လည် တည်ဆောက်ဖို့ အကောင်းဆုံး အခွင့်အရေး ရလာမှာပဲ... မူလ အခြေအနေက အရမ်းကို ကန့်သတ်ချက် တွေ အတားဆီးတွေ များလွန်းတယ်။ သွေးနဲ့မီးရဲ့ နှစ်ခြင်းကို မခံယူဘဲနဲ့တော့ စနစ်သစ် တစ်ခုကို တည်ထောင်ဖို့ ခက်ခဲလိမ့်မယ်။"

ယန်ဖန်သည် ဖန်ဆင်းခြင်းသင်္ဘော၏ အထက်ဆုံးထပ်ရှိ အဓိက ထိန်းချုပ်ရေးခန်းမ ဖြစ်သော 'ကောင်းကင်သလင်းခန်းမ' ထဲတွင် ရပ်နေရင်း၊ ဥမင်လှိုဏ်ခေါင်းမှတစ်ဆင့် သူ၏ သင်္ဘောထဲသို့ လူများ စီးဆင်းဝင်ရောက်လာသည်ကို ကြည့်ရူနေ၏။ သူ ဘာတွေးနေ သည်ကို မည်သူမျှ မသိနိုင်ပေ။

လူတွေက များပြားလွန်းလှသည်။ အောက်ခြေရှိ ကြယ်မျက်နှာပြင်ပေါ်တွင် လူပင်လယ် ကြီးကဲ့သို့ သိပ်သည်းစွာ ပြည့်နှက်နေ၏။ အတွေ့အကြုံရင့်ပြီး ဗဟုသုတကြွယ်ဝလှသော ယန်ဖန်ပင်လျှင် ဤမျှ များပြားသော လူအုပ်ကြီး တစ်နေရာတည်းတွင် စုဝေးနေသည်ကို တစ်ခါမျှ မမြင်ဖူးခဲ့ပေ။ တော်ဝင်ချန်အင်ပါယာတွင် လူဦးရေ သန်းတစ်ထောင် ရှိသော် လည်း၊ သူတို့အားလုံးကို တစ်နေရာတည်းတွင် တစ်ချိန်တည်း စုရုံးရန်မှာ မဖြစ်နိုင်သော အရာပင်။

ယန်ဖန် အရင်က မြင်ဖူးသမျှ အများဆုံး လူဦးရေမှာ ကျောက်စိမ်းမြို့တော်တွင် စုဝေးခဲ့ကြ သည့် လူသန်းဆယ်ဂဏန်းခန့်သာ ဖြစ်ပြီး၊ ထိုစဉ်ကပင် တောင်ပြိုကမ်းပြို၊ ပင်လယ်လှိုင်း ထသကဲ့သို့ ခမ်းနားလှသည်ဟု ထင်ခဲ့ဖူးသည်။

သို့သော်လည်း ယခု မြင်တွေ့နေရသည့် လူသန်းသုံးရာနှင့် နှိုင်းယှဉ်ပါက၊ ထိုအရာမှာ ပြောပလောက်စရာပင် မရှိတော့ပေ။ 'လူလှိုင်းသုံးတိုက်ခိုက်နည်း' စစ်ရေးဗျူဟာဆိုသည် မှာ အဘယ်နည်း၊ ယခု သူတို့ ရှေ့မှောက်တွင် မြင်တွေ့နေရသော မြင်ကွင်းမှာ ထိုစစ်ရေး ဗျူဟာ၏ ပြယုဂ်ပင် ဖြစ်သည်။

လူပေါင်း သန်းသုံးရာ ရှိပြီး၊ သူတို့တစ်ဦးချင်းစီမှာ ကြံ့ခိုင်သော ခန္ဓာကိုယ်နှင့် ခွန်အားကြီး မားသော သိုင်းပညာရှင်များ ဖြစ်ကြသည်။ အနိမ့်ဆုံးအဆင့်ရှိ စစ်သည်လေးများပင်လျှင် အထွက်အထိပ်အဆင့် သိုင်းစစ်သည်တော်နှင့် သိုင်းသခင်များ ဖြစ်ကြသည်။ မဟာကမ္ဘာ လောကကြီးတွင် တစ်ထောင်မှ တစ်ယောက်သာ ပေါ်ထွက်နိုင်သည့် ရှင်တန်သိုင်းသခင် များမှာ ဤနေရာတွင် မုန်လာဥ သို့မဟုတ် ဂေါ်ဖီထုပ်များကဲ့သို့ အလွယ်တကူ ပစ်ထား၍ ရသည့်အဆင့်သာ ဖြစ်သည်။

"အရင်က ဒိုင်ဇင်ဘုရားကျောင်းမှာ အထွက်အထိပ် ရှန်တင်သိုင်းသခင် ငါးရာ ရှိခဲ့ဖူးပြီး၊ သူတို့ကို 'ရွှေရဟန္တာငါးရာ' လို့ လူသိများခဲ့တယ်။ အားနည်းတဲ့ ရှင်တန်သိုင်းသခင်တွေ အားလုံးကို ပေါင်းလိုက်ရင်တောင် တစ်ထောင် မပြည့်ဘူး။ ဒါပေမဲ့ ဒီမှာတော့ ရှင်တန် သိုင်းသခင် ဆယ်သန်းကျော် ရှိနေတယ်။ ဒါ ဘယ်လို မြင်ကွင်းမျိုးလဲ။ သူတို့ထဲမှာ သိုင်းသူတော်စင်တွေလည်း အများကြီး ပါတယ်။ သူတို့ရဲ့ သွေးသားစွမ်းအင် အရှိန်အဝါ တွေက မီးခိုးတန်းတွေလို ကောင်းကင်ကို ထိုးတက်နေတယ်။... ဒိုင်ဇင်ဘုရားကျောင်း ပေါင်း တစ်သောင်း ပေါင်းလိုက်ရင်တောင် ဗဟိုကမ္ဘာရဲ့ ရွှီမိသားစုကို ယှဉ်နိုင်ဖို့ ခဲယဉ်း လိမ့်မယ်။ ဧကရာဇ်ဖန်က တကယ်ပဲ ဒီလိုကမ္ဘာမျိုးကို ဖန်တီးခဲ့တာလား။ ဒါက တကယ်ကို ကြောက်စရာကောင်းလွန်းတယ်။ တကယ်လို့ ငါသာ ဒီလူ သန်းသုံးရာရဲ့ သွေးစွမ်းအင်တွေ ကို စုပ်ယူနိုင်ရင်၊ ငါ့ကျင့်ကြံမှုက ဘယ်လိုဖြစ်သွားမလဲ၊ မဟုတ်ဘူး... ငါ တစ်ယောက် တည်း အကုန်လုံးကို မစုပ်ယူနိုင်ဘူး။ ဒါပေမဲ့၊ သူတို့ကို 'မိစ္ဆာနတ်ဘုရား အစောင့်အရှောက်' တွေ အများကြီး သန့်စင်ယူလို့ရတယ်။ ရှေးဦးမိစ္ဆာနတ်ဘုရား လျှို့ဝှက်ကျင့်စဉ်မှာပါတဲ့ 'ရုပ်သေးဖန်ဆင်းခြင်းပညာ' ထဲမှာ အစွမ်းထက်တဲ့ ရုပ်သေးအစောင့်ရှောက်တွေ အများကြီး ရှိတယ်"

ယန်ဖန်သည် ဤကြီးမားလှသော ပြောင်းရွှေ့မှုကြီးကို ကြည့်နေရင်း၊ ဧကရာဇ်ဖန်နှင့် ဧကရာဇ်ချန်ရှန်းတို့အပေါ် အလိုအလျောက် ရိုသေခန့်ညားစိတ်များ ဖြစ်ပေါ်လာသည်။

ပြောင်းရွှေ့လာသူများထဲတွင် ရှင်တန်သိုင်းသခင်များ၊ မဟာဆရာသခင်များနှင့် သိုင်း သူတော်စင်များ မည်မျှပါဝင်သည်ကို မည်သူသိနိုင်မည်နည်း။ 'လူသားအင်မော်တယ်' အရေအတွက်မှာ နည်းပါးသော်လည်း၊ မဟာကမ္ဘာလောကထက်စာလျှင် အဆပေါင်း များစွာ ပိုများနေသေးသည်။

သူတို့ထဲတွင် တာအိုကျင့်ကြံသည့် 'တစ္ဆေအင်မော်တယ်' များပင် ပါဝင်သည်။ အမျိုးသား၊ အမျိုးသမီး၊ လူကြီး၊ လူငယ် စသည်ဖြင့် ပုံစံအမျိုးမျိုးသော လူများ ပြည့်နှက်နေသည်။

လူဦးရေ အဆမတန် များပြားလွန်းလှခြင်းကြောင့် ယန်ဖန်ပင်လျှင် တစ်ချက်တစ်ချက်တွင် အကူအညီမဲ့သကဲ့သို့ ခံစားလိုက်ရသည်။

လူအင်အား သိန်းဂဏန်းရှိသော စစ်တပ်တစ်ခုအတွက် စားနပ်ရိက္ခာ၊ ရေနှင့် ဆား သုံးစွဲမှု ပမာဏမှာပင် အံ့အားသင့်ဖွယ်ရာ ကိန်းဂဏန်းဖြစ်နေရာ၊ သန်းသုံးရာအတွက် ဆိုသည်မှာ ပြောနေစရာပင် မလိုတော့ပေ။ အကယ်၍ လူသန်းသုံးရာ၏ သွေးများကိုသာ အသုံးပြု လိုက်ပါက၊ ကီလိုမီတာ ထောင်ချီ၍ ကျယ်ပြောသော အတိုင်းအဆမဲ့ သွေးပင်လယ်ကြီး တစ်ခုကိုပင် ဖန်တီးနိုင်ပေလိမ့်မည်။

သို့သော်လည်း နိဗ္ဗာနနယ်ပယ်များကို ဖြတ်ကျော်နိုင်သော နတ်ဘုရားလက်နက်ဘုရင် ဖြစ်သည့် ဖန်ဆင်းခြင်းသင်္ဘောသည် ဤအချိန်တွင် ၎င်း၏ ကြီးမားလှသော စွမ်းအားကို အမှန်တကယ် ပြသနေ၏။ ‘ကောင်းကင်ကိုးလွှာ၊ မြေကြီးကိုးဆင့်၊ အစွန်းရောက်ကိုးသွယ် သံလိုက်အစီအရင်’ အဖြစ် သန့်စင်ထားသော သင်္ဘောအတွင်းရှိ ဟင်းလင်းပြင်မှာ အဆုံးမ ရှိ လိမ်ရှုပ်နေပြီး၊ ၎င်းမှာ ယခုအခါ သူတော်စင်ပေါင်းစုံခန်းမနှင့် တစ်ထပ်တည်း တူညီနေ ပြီ။

သူတော်စင်ပေါင်းစုံခန်းမအတွင်းရှိ ထိုက်ကျိမိုးကြိုးရေကန် တစ်ခုတည်းပင် မိုင်ပေါင်း သောင်းချီ ကျယ်ဝန်းသော အဆုံးမဲ့ပင်လယ်ကြီးကဲ့သို့ ရှိနေပြီး ဟုန်ယွိက ထိုအထဲတွင် ကျွန်းစုများကိုပင် စီမံထားရာ တကယ့် ပင်လယ်ပြင်ကြီးနှင့် တူလှသည်။

ယခုအခါ ဖန်ဆင်းခြင်းသင်္ဘောသည် အပြည့်အဝ ပြန်လည်ကောင်းမွန်လာပြီဖြစ်ရာ၊ ရှေးဦးခေတ်က ၎င်း၏ ပုံပန်းသဏ္ဍာန်ကို အပြည့်အဝ ပြန်လည်ဖော်ထုတ်နေပြီ ဖြစ်သည်။ ရွှီယွိ၏ အကူအညီဖြင့် သင်္ဘောကြီးသည် လူသန်းသုံးရာကို တင်ဆောင်နိုင်ပြီး၊ ဟင်းလင်း ပြင်ကို ဖြတ်ကျော်ကာ 'နတ်ဘုရားကမ္ဘာ' ဟု ခေါ်ဆိုကြသည့် မဟာကမ္ဘာလောကသို့ ပို့ဆောင်ပေးနိုင်တော့မည်။

မူလက ယန်ဖန်၏ အင်အားဖြင့်ဆိုလျှင် သူသည် နေလဒီရေလှိုင်းများဆီသို့ သွားရောက် ကာ ပစ္စည်းများ စုဆောင်းရမည်ဆိုပါက တောင်ပုံရာပုံရှိသော ရတနာများနှင့် ကောင်းကင် ရတနာများကို စုဆောင်းပြီး ‘ကောင်းကင်ကိုးလွှာ၊ မြေကြီးကိုးဆင့်၊ အစွန်းရောက်ကိုးသွယ် သံလိုက်အစီအရင်’ ကို ဖော်ဆောင်နိုင်ရန် နှစ်ပေါင်းတစ်ထောင်ခန့် ကြာမြင့်ပေလိမ့်မည်။ သို့သော်လည်း ရွှီယွိက ရှန်းဧကရာဇ်နှင့် ယင်ဧကရာဇ်တို့၏ အကူအညီကို ရယူကာ လိုအပ်သော ပစ္စည်းအားလုံးကို ရရှိခဲ့သဖြင့် ယန်ဖန်အတွက် နှစ်ပေါင်းတစ်ထောင်စာ ကြိုးစားအားထုတ်မှုကို သက်သာစေခဲ့သည်။

သန်းသုံးရာသော ကျူးကျော်စစ်တပ်ကြီး သူ၏ နတ်ဘုရားသင်္ဘောကြီးအတွင်းသို့ တဖြည်း ဖြည်း ဝင်ရောက်လာသည်ကို မြင်ရသောအခါ၊ ယန်ဖန်လည်း ရင်ခုန်စိတ်လှုပ်ရှားမှုကို ခံစားလိုက်ရပြီး၊ ကြံစည်ထားသော လျှို့ဝှက်ချက်များ၏ လှိုင်းလုံးကြီးများကလည်း သူ၏ ရင်ထဲတွင် စတင် ရိုက်ခတ်လာတော့သည်...

"အားလုံးပဲ... မြန်မြန်လုပ်ကြ! သံချပ်ကာတွေ ဝတ်ဆင်ပြီး အသင့်ပြင်ထားကြ၊ အားလုံး 'အသက်ရှည်ဆေးလုံး' တွေ ယူလာကြရဲ့လား။ ပါရင် မျိုချလိုက်ကြတော့။ ထိုက်ပိုင်ကြယ် ကနေ မဟာကမ္ဘာ အင်မော်တယ်နယ်မြေဆီကို သွားတဲ့ ခရီးက ခုနစ်ရက်တိတိ ကြာလိမ့် မယ်။ ခရီးစဉ်အတွင်းမှာ အချိန်နဲ့ ဟင်းလင်းပြင်ရဲ့ အပြောင်းအလဲတွေကိုလည်း ခံစားရ လိမ့်မယ်။ ဒါက သေးငယ်တဲ့ ကိစ္စမဟုတ်ဘူး၊ ဒါကြောင့် အားလုံးပဲ သတိထားကြ။"

ကြယ်မျက်နှာပြင်ပေါ်ရှိ မြေပြင်တွင် မျက်စိတစ်ဆုံး ကျယ်ပြောလှသော လွင်ပြင်ကြီးတစ်ခု ရှိသည်။ ထိုလွင်ပြင်ပေါ်တွင် သန်းပေါင်းများစွာသော တဲကြီးများနှင့် အိမ်များ စုပုံနေသည်။ ၎င်းတို့မှာ ပြောင်းရွှေ့အခြေချမည့် စစ်တပ်ကြီး၏ နေအိမ်များ ဖြစ်သည်။

တပ်ဖွဲ့တစ်ခုတွင် စစ်သည်ပေါင်း သောင်းချီ၍ ပါဝင်သည်။ ခေါင်းဆောင်မှာ အဆင့်နိမ့် သိုင်းသူတော်စင် တစ်ဦး ဖြစ်သည်။ သူသည် နှင်းကဲ့သို့ ဖြူဖွေးသော သံချပ်ကာကို ဝတ်ဆင်ထားသည်။ ၎င်းမှာ အမှန်ပင် အစွမ်းထက်လှသော အရုဏ်ဦးအရိုးဖြူချပ်ဝတ်ပင် ဖြစ်သည်။ သူသည် မပျံသန်းနိုင်သော်လည်း၊ ဝေဟင်တွင် ပေပေါင်း ရာနှင့်ချီ၍ လွင့်မျော သွားလာနိုင်သည်။

ဤအဆင့်နိမ့် သိုင်းသူတော်စင်သည် သူ၏ လက်အောက်ရှိ သောင်းနှင့်ချီသော စစ်သည် များကို စုစည်းလိုက်ပြီး၊ သူတို့အားလုံးမှာ ဆီးသီးအရွယ်အစားရှိသော အဖြူရောင် ဆေးလုံး တစ်လုံးစီကို သောက်သုံးလိုက်ကြသည်။

ဤဆေးလုံးမှာ 'သက်ရှည်ဆေးလုံး' ဖြစ်သည်။ အသက်ရှည်ဆေးကို သောက်သုံးပြီးနောက် တစ်လတိုင်တိုင် လူတစ်ယောက်၏ ဇီဝကမ္မဖြစ်စဉ်ကို ထိန်းသိမ်းပေးထားနိုင်သည်။ တစ်နည်းအားဖြင့် ၎င်းကို သောက်သုံးပြီးပါက တစ်လတိုင်တိုင် ဘာမှမစား၊ ဘာမှ မသောက်ဘဲ နေသော်လည်း ခွန်အားနှင့် တက်ကြွမှုများ ပြည့်ဝနေမည် ဖြစ်သည်။ ထို့အပြင် ဆီး၊ ဝမ်း စသည့် အညစ်အကြေးများ စွန့်ထုတ်ရန်လည်း မလိုတော့ပေ။

၎င်းမှာ အကောင်းဆုံး 'အစာဖြတ်ဆေးလုံး' ထက်ပင် ပိုမို အစွမ်းထက်လှသည်။

မဟာကမ္ဘာလောကရှိ အတော်ဆုံးသော ဆေးပညာရှင်များပင်လျှင် ဤကဲ့သို့ အရာမျိုးကို မသန့်စင်နိုင်ကြပေ။

အကယ်၍ ဤကဲ့သို့သော 'သက်ရှည်ဆေးလုံး' တစ်လုံးကိုသာ မဟာကမ္ဘာလောကကြီး တွင် ရောင်းချမည်ဆိုပါက၊ အနည်းဆုံး ရွှေဒင်္ဂါးပေါင်း သောင်းချီပြီး စံအိမ်ပေါင်းများစွာနှင့် လဲလှယ်ရမည့် ရတနာတစ်ပါး ဖြစ်ပေလိမ့်မည်။ သို့သော်လည်း အလယ်ဗဟိုကမ္ဘာတွင်မူ ၎င်းမှာ မျိုးရိုးကြီး မိသားစုဝင် ကလေးငယ်များအတွက် သာမန် အစားအစာတစ်ခုမျှသာ ဖြစ်သည်။

"ကောင်းကင်သခင်ကျိုးယု... ကျွန်တော့်လက်အောက်က တပ်သားတွေ အားလုံး သက်ရှည်ဆေးလုံး သောက်ပြီးတဲ့နောက်မှာ စိတ်ဓာတ်တွေ အလွန် တက်ကြွနေကြပါ တယ်။ သူတို့တွေ အင်မော်တယ်ကမ္ဘာကို သိမ်းပိုက်ဖို့ အသင့်ဖြစ်နေပါပြီ၊ စိတ်ဓာတ်က လည်း အထွတ်အထိပ်ကို ရောက်နေပါပြီ"

သိုင်းသူတော်စင် တပ်မှူးသည် သူ၏တပ်သားများကို ဆေးလုံးတိုက်ပြီးနောက်၊ ချက်ချင်း ပင် စစ်စခန်းကြီးတစ်ခုဆီသို့ အပြေးသွားကာ 'လူသားအင်မော်တယ်' ကျွမ်းကျင်သူ တစ်ဦးထံ သတင်းပို့လိုက်သည်။

ဗဟိုကမ္ဘာတွင် 'လူသားအင်မော်တယ်' များကို 'ကောင်းကင်သခင်' ဟု ခေါ်ဆိုကြပြီး၊ လူတစ်သန်းရှိသော စစ်တပ်ကို ကွပ်ကဲပိုင်ခွင့် ရှိကြသည်။

"စိတ်ဓာတ်တွေ တက်ကြွနေတာ ကောင်းတယ်။ ငါ့ရဲ့ အမိန့်ကို လက်ဆင့်ကမ်းလိုက်! မင်းရဲ့လက်အောက်ငယ်သား ၅၈၀,၆၃၁ ယောက်စလုံး ဝင်သက်ထွက်သက်ပေါင်း ငါးရာ ပြည့်တာနဲ့ အနောက်ဘက်က အမှတ် ၁,၀၉၀ မြောက် လိုဏ်ခေါင်းကို ချီတက်ကြ"

လူတစ်သန်းကို ကွပ်ကဲရသော ဤကောင်းကင်သခင်ကျိုးယုသည် မုတ်ဆိတ်ဗလပွနှင့် သန်မာထွားကြိုင်းသော အမျိုးသားတစ်ဦး ဖြစ်သည်။ သူသည် အရပ်အလွန်မြင့်ပြီး သူ၏ ခန္ဓာကိုယ်ထဲတွင် အတိုင်းအဆမဲ့ ပေါက်ကွဲစွမ်းအင်များ ကိန်းအောင်းနေ၏။ သူ ဝတ်ဆင် ထားသော သံချပ်ကာမှာ 'အရုဏ်ဦးသံချပ်ကာ' ဖြစ်ပြီး၊ ၎င်းမှာ သူ့ကို ပျံသန်းနိုင်စေရန်၊ ပင်လယ်နက်အတွင်း ငုပ်လျှိုးနိုင်ရန်နှင့် မီးတောင်ချော်ရည်များအတွင်း ဝင်ရောက်နိုင်ရန် ကူညီပေးသည့်အပြင် အလွန်အစွမ်းထက်သော တိုက်ခိုက်ရေး စွမ်းရည်များကိုလည်း ပေးစွမ်းသည်။

"ကောင်းကင်သခင်လုံရန် ... ငါတို့ အင်မော်တယ်ကမ္ဘာကို ပြောင်းရွှေ့ရတာဟာ ဗဟို ကမ္ဘာမှာ နှစ်ပေါင်းသောင်းချီအတွင်း မကြုံစဖူးတဲ့ တော်လှန်ရေးကြီးတစ်ခုပဲ။ ကောလာ ဟလတွေအရ အင်မော်တယ်ကမ္ဘာဟာ ဒီလို ဂြိုဟ်သေးသေးလေးတွေထက် အဆပေါင်း ဘီလီယံချီပြီး ပိုချမ်းသာကြွယ်ဝတယ်တဲ့။ ငါတို့က ခေါင်းဆောင်နောက်ကို လိုက်ပြီး အရင်ဆုံး ရောက်တဲ့လူတွေ ဖြစ်ရမယ်။ အရင်းအမြစ် အားလုံးကို ငါတို့ သိမ်းပိုက်ရမယ်။ တခြားမိသားစုတွေ ရောက်လာတဲ့အခါကျရင် သူတို့က ငါတို့ချန်ထားတဲ့ အရိုးအရင်းတွေပဲ ကိုက်ရလိမ့်မယ်၊ ဟားဟားဟား..."

ကောင်းကင်သခင်ကျိုးယုက လှည့်ကြည့်ကာ ပန်းရောင်သံချပ်ကာ ဝတ်ဆင်ထားသည့် အမျိုးသမီး 'ကောင်းကင်သခင်' တစ်ဦးကို ပြောလိုက်သည်။

"သေချာတာပေါ့။ ငါတို့ ကောင်းကင်သခင် သုံးရာလုံးဟာ 'ရွှီ' ဆိုတဲ့ မျိုးရိုးကို ခံယူထားကြ သူတွေပဲ၊ ရွှီမိသားစုရဲ့ ဂုဏ်သိက္ခာကို ကာကွယ်ဖို့ ငါတို့ အစွမ်းကုန် ကြိုးစားကြမှာပါ။ ငါ့ရဲ့ 'လုံရန်စစ်တပ်' က အင်မော်တယ်ကမ္ဘာရဲ့ အစည်ကားဆုံး ဖြစ်တဲ့ ပြည်နယ် ကိုးဆယ့်ကိုးခု ကို သိမ်းပိုက်မှာ။"

ဤစစ်စခန်းကြီးအတွင်းတွင် လူပေါင်း သုံးရာကျော် ရှိနေပြီး၊ သူတို့အားလုံးမှာ 'ကောင်းကင်သခင်' များဖြစ်ကြကာ၊ လူတစ်သန်းရှိသော စစ်တပ်ကို အုပ်ချုပ်နေကြသူများ ဖြစ်သည်။ သူတို့မှာ ပြောင်းရွှေ့လာသည့် စစ်တပ်ကြီး၏ အဓိက ခေါင်းဆောင်များ ဖြစ်ကြ သည်မှာ ထင်ရှားလှသည်။

တစ်နည်းအားဖြင့် ဤကောင်းကင်သခင် သုံးရာလုံးသည် 'လူသားအင်မော်တယ်' များ ဖြစ်ကြသည်။

ကောင်းကင်သခင် 'လုံရန်' မှာ အမျိုးသမီးတစ်ဦး ဖြစ်ပြီး၊ သူမ၏ 'လုံရန်စစ်တပ်' တွင် လည်း အများစုမှာ အမျိုးသမီးများ ဖြစ်ကြသည်။ သူတို့တွင်လည်း ကျား၊ သစ်ကဲ့သို့ အလွန် ကြောက်မက်ဖွယ်ကောင်းသော တိုက်ခိုက်ရေးစွမ်းရည်များကို ပိုင်ဆိုင်ကြသည်။

"နေလကောင်းကင်သခင်၊ လော့တာအိုကောင်းကင်သခင်၊ ဆန်းကြယ်ကောင်းကင်သခင်၊ လေဟာနယ်ကောင်းကင်သခင်၊ အမှောင်ထုကောင်းကင်သခင်၊ မြေရိုင်းကောင်းကင် သခင်... အားလုံးပဲ စိတ်တူကိုယ်တူ ရှိကြစမ်း။ ခေါင်းဆောင်ကိုယ်တိုင် ငါတို့ကို မဟာ ကမ္ဘာလောကကြီးဆီ လိုက်ပါ ပို့ဆောင်ပေးလိမ့်မယ်။"

ထိုအချိန်တွင် မည်သည့် သံချပ်ကာမျှ မဝတ်ဆင်ထားဘဲ 'ရွှေရောင်အင်မော်တယ် ဝတ်ရုံ' ကိုသာ ဝတ်ဆင်ထားသည့် အရပ်ရှည်ရှည် အမျိုးသမီးတစ်ဦး ဝင်လာသည်။ ဤအမျိုးသမီး သည် ကောင်းကင်သခင် သုံးရာကျော်၏ နာမည်များကို တစ်ချက်မျှ အသက်မရှူဘဲ အစဉ်လိုက် ခေါ်ဆိုလိုက်ရာ၊ သူမမှာ အသက်ရှူရန် မလိုအပ်သော ရုပ်သေးတစ်ရုပ်ကဲ့သို့ ပင်။

"ဟုတ်ကဲ့ပါ၊ မမလေး ဝူဟွေ..."

လူသန်းပေါင်းများစွာကို ဦးဆောင်နေသော 'လူသားအင်မော်တယ်' နှင့် 'ကောင်းကင် သခင်' သုံးရာကျော်တို့က တစ်ပြိုင်နက်တည်း ပြန်လည် ထူးလိုက်ကြသည်။

"ဟင်၊ ဒါက အထွက်အထိပ်တန်း 'လူသားအင်မော်တယ်' တစ်ယောက်ပဲ၊ ဘယ်လောက် တောင် အစွမ်းထက်တဲ့ အရှိန်အဝါလဲ..."

ထိုက်ပိုင်ကြယ်ပေါ်ရှိ ပြောင်းရွှေ့စစ်တပ်ကြီး၏ အဓိကအဖွဲ့မှာ လူသားအင်မော်တယ်နှင့် ကောင်းကင်သခင် သုံးရာကျော်ဖြင့် ဖွဲ့စည်းထားကြောင်း ယန်ဖန်က သတိပြုမိသည်မှာ ကြာလှပြီ ဖြစ်သည်။ သူတို့မှာ အလွန် အစွမ်းထက်ကြသည်။ သို့သော်လည်း သူ၏ လက်ထဲ တွင် ဖန်ဆင်းခြင်းသင်္ဘော ရှိနေသောကြောင့် သူသည် သူတို့ကို သိပ်ပြီး မကြောက်ပေ။

သို့သော်လည်း နောက်ဆုံးတွင် သူတို့ရှေ့၌ ပေါ်လာသော မမလေး ဝူဟွေဟု ခေါ်သည့် အမျိုးသမီးကမူ ယန်ဖန်ကို စိုးရိမ်ထိတ်လန့်စေခဲ့သည်။ အဘယ်ကြောင့်ဆိုသော် မမလေး ဝူဟွေမှာ သိုင်းလမ်းစဉ်၏ အထွက်အထိပ်အဆင့် 'လူသားအင်မော်တယ်' တစ်ဦး ဖြစ်သော ကြောင့်ပင်။

တစ်နည်းအားဖြင့် သူမမှာ 'ဖန်ဆင်းရှင်နယ်ပယ်'နှင့် အလားသဏ္ဍာန်တူသော တည်ရှိမှုမျိုး ဖြစ်သည်။

ဤနယ်ပယ်တွင် ဖန်ဆင်းရှင်တစ်ဦးသာလျှင် အမြင့်ဆုံးသော တိုက်ခိုက်ရေးစွမ်းအား ဖြစ်ပြီး၊ ကမ္ဘာနှစ်ခုကြား တိုက်ပွဲ၏ ရလဒ်ကို အဆုံးအဖြတ်ပေးနိုင်သော စွမ်းအားမျိုးကို ပိုင်ဆိုင်ထားသည်။

"ဗဟိုကမ္ဘာနဲ့ နှိုင်းယှဉ်လိုက်ရင် ငါတို့ရဲ့ မဟာကမ္ဘာလောကကြီးက တကယ်ကို အရိုင်း အစိုင်း လူသားတွေလိုပဲ။ ဒီအမျိုးသမီးရဲ့ နာမည်က ဝူဟွေတဲ့၊ သူမဆီမှာ တကယ်ကို ဒီလို ကျွမ်းကျင်သူမျိုး ရှိနေတာလား။ ငါ သတိထားမှ ဖြစ်တော့မယ်။ ဒီတစ်ခါ ရွှီယွိက ရွှီမိသားစု ရဲ့ အမာခံတပည့်တွေကို ပြောင်းရွှေ့ဖို့ ငါနဲ့ ပူးပေါင်းခဲ့တာပဲ၊ ဒါပေမဲ့ ငါ့ရှေ့မှာတော့ 'ဖန်ဆင်းရှင်' အဆင့် ကျွမ်းကျင်သူတွေကို ထုတ်မပြသေးဘူး၊ လူသားအင်မော်တယ်နဲ့ တစ္ဆေအင်မော်တယ်တွေကိုပဲ ပြသေးတယ်။ ရွှီယွိက သူ့ရဲ့ အင်အားအစစ်အမှန်ကို ဝှက်ထားတုန်းပဲ။ ဒါပေမဲ့ ရွှီယွိ ဘယ်လောက်ပဲ အစွမ်းထက်ပါစေ၊ ငါ့မှာ ဘယ်လို ဝှက်ဖဲ တွေ ရှိလဲဆိုတာကိုတော့ သူ မခန့်မှန်းနိုင်ပါဘူး..." ယန်ဖန်က တွေးတောနေသည်။

"ဘာဖြစ်လို့လဲ ညီနောင် ဖန်... ဒါက ငါ့သမီး ရွှီဝူဟွေလေ။"

ယန်ဖန်တစ်ယောက် စိတ်ထဲတွင် တွက်ချက်နေစဉ်မှာပင် ရွှီယွိ၏ အသံက ထွက်ပေါ်လာ သည်။ သူ လှည့်ကြည့်လိုက်သောအခါ ရွှီယွိက ရွှေရောင်အင်မော်တယ် ဝတ်ရုံဝတ်ထား သည့် အမျိုးသမီးကို သူ၏ရှေ့သို့ ခေါ်ဆောင်လာသည်ကို တွေ့လိုက်ရသည်။

"ဝူဟွေ... ဝူဟွေ... ဒီတစ်ခါသွားရင် နောက်ပြန်မလှည့်တော့ဘူးပေါ့... သခင်မလေး ဝူဟွေ မှာ တကယ်ကို ထူးခြားတဲ့ အရှိန်အဝါတွေ ရှိနေတာပဲ။ အင်မော်တယ်ဖြစ်နိုင်ခြေတွေကို လှုံ့ဆော်ပြီး ဒီလိုနက်နဲတဲ့ နယ်ပယ်ထဲကို ဝင်ရောက်နိုင်ခဲ့တာဆိုတော့၊ အနာဂတ်မှာ မဟာတာအိုအတွက် မျှော်လင့်ချက် ရှိတာပေါ့။"

ယန်ဖန်သည် ရွှီယွိနှင့် ရွှီဝူဟွေတို့ကို ကြည့်လိုက်သည်။ သားအဖ နှစ်ယောက်တည်း ရှိနေ သကဲ့သို့ ထင်ရသော်လည်း၊ ခေါင်းဆောင်ဖြစ်သူ ရွှီယွိမှာ ထိုထက်မကသော လျှို့ဝှက်ချက် များစွာကို ဝှက်ထားသေးကြောင်း ယန်ဖန်၏ အာရုံက ပြောပြနေသည်။

"ချီးမွမ်းတာ များသွားပါပြီ၊ မဟာတာအိုနဲ့ အလှမ်းဝေးပါသေးတယ်။ ဖန်ဆင်းရှင်အဆင့် အထိ ကျင့်ကြံနိုင်ဖို့ဆိုတာ မိုင်ပေါင်း တစ်သိန်း ရှစ်သောင်းလောက် ကွာဝေးနေသေးသလို ပါပဲ၊ အခုက ခြေတစ်လှမ်းပဲ ရှိပါသေးတယ်။ ဒါပေမဲ့ သခင်ယန်ဖန်က ကျွန်မရဲ့ အစ်ကို 'ရွှီဝူယီ' ကို မတွေ့ရသေးဘူးထင်တယ်။ တကယ်လို့ သူ့ကိုသာ တွေ့လိုက်မယ်ဆိုရင်တော့၊ မဟာတာအိုအတွက် မျှော်လင့်ချက် ရှိတယ်ဆိုတာ ဘာလဲ၊ မဟာတာအိုနဲ့ ခြေ တစ်လှမ်းပဲ ကွာတော့တယ်ဆိုတာ ဘာလဲ သခင်ယန်ဖန် နားလည်သွားပါလိမ့်မယ်" ရွှီဝူဟွေက အနည်းငယ် ဦးညွှတ်ကာ ဆိုသည်။

"ဪ... ဒါဆိုရင်တော့ ငါကိုယ်တိုင် တွေ့ချင်မိတာပေါ့" ယန်ဖန်၏ စိတ်ထဲတွင် ထပ်မံ၍ လှုပ်ခတ်သွားပြန်သည်။ "ကောင်းပါပြီ၊ နောက်ထပ် ရက်အနည်းငယ်အတွင်းမှာ ဒီသန်းသုံး ရာသော ကျွမ်းကျင်သူတွေ အားလုံး ဖန်ဆင်းခြင်းသင်္ဘောပေါ်ကို ဟင်းလင်းပြင် နယ်မြေ အသီးသီးမှာ နေရာယူနိုင်ကြတော့မယ်။"

"ဒါဆိုရင် ခရီးစတင်ဖို့ ပြင်ဆင်ကြစို့..." ရွှီယွိက အေးဆေးစွာ ဆိုသည်။

နောက်ထပ် ခုနစ်ရက်နှင့် ခုနစ်ည ကြာပြီးနောက်၊ ထိုက်ပိုင်ကြယ် တစ်ခုလုံးမှာ ရဲတိုက် များနှင့် စစ်တန်းလျားများသာ ကျန်ရစ်ပြီး လူသူဆိတ်သုဉ်းသွားခဲ့သည်။ စစ်သည် သန်းသုံး ရာ၊ ရွှီမိသားစုဝင် အသီးသီးနှင့် အမျိုးမျိုးသော တည်ရှိမှုများ အားလုံးမှာ ဖန်ဆင်းခြင်း သင်္ဘောထဲသို့ ဝင်ရောက်သွားကြပြီ။

ဤနေ့တွင်...

ဖန်ဆင်းခြင်းသင်္ဘောထံမှ ဟိန်းသံကြီး တစ်ဟုန်ထိုး ထွက်ပေါ်လာသည်။ ၎င်းသည် မိုင်ပေါင်း တစ်သောင်း ပတ်လည်ရှိ ဟင်းလင်းပြင်ကို ဆွဲဖြဲလိုက်ပြီး အတိုင်းအဆမဲ့ မဟာ ကမ္ဘာလောကကြီးဆီသို့ ဦးတည် ခုတ်မောင်းသွားတော့သည်။

ဤခုတ်မောင်းမှုက ထိုက်ပိုင်ကြယ်၏ ကောင်းကင်ယံထက်တွင် ကြီးမားလှသော မုန်တိုင်း ကြီးတစ်ခုကို ဖြစ်ပေါ်စေခဲ့ပြီး၊ ကြယ်တစ်လုံးလုံးကို ထက်ပိုင်း ပြတ်ထွက်သွားစေခဲ့သည်။

"ရောက်လာပြီ။ ဟုန်ယွိ... အသင့်ပြင်ထားတော့၊ ငါတို့ စတင် လှုပ်ရှားတော့မယ်။"

လှိုင်းလေထန်နေသော ဟင်းလင်းပြင် မုန်တိုင်းအတွင်းတွင် ယန်နတ်ဘုရားနယ်ပယ်နှင့် အနီးစပ်ဆုံး ရောက်ရှိနေကြသော ကြီးမြတ်သည့် ကျွမ်းကျင်သူ နှစ်ဦးဖြစ်သည့် မုန့်ရှန်းကျီ နှင့် ဟုန်ယွိတို့သည် ဖန်ဆင်းခြင်းသင်္ဘောကြောင့် ဖြစ်ပေါ်လာသော မုန်တိုင်းက ထိုက်ပိုင် ကြယ်ကို ထက်ပိုင်းပိုင်းပစ်လိုက်သည်ကို မြင်တွေ့လိုက်ရသည်။ သူတို့ နှစ်ဦးစလုံး အသက် ကို ခပ်ဖြည်းဖြည်း ရှူလိုက်ကြသည်။

အဆုံးအဖြတ် တိုက်ပွဲကြီးမှာ စတင်တော့မည် ဖြစ်သည်။