အခန်း ၇၆၉

အခန်း (၇၆၉)။

ဧကရာဇ်ရှန်၏ နေနတ်ဘုရားနန်းတော်မှာ အလွန်ပင် အစွမ်းထက်လှပြီး၊ နတ်ဘုရား ဘိုးဘေးတောင်နှင့် ရင်ပေါင်တန်းနိုင်သော နတ်ဘုရားလက်နက်တစ်ခု ဖြစ်သည်။ ထိုနန်းတော်ထဲတွင် ကိုယ်ပိုင် သုခဘုံတစ်ခုနှင့် မိုးကြိုးရေကန်တစ်ခု ပါရှိသည်။ နေမင်းကြီး၏ စစ်မှန်သော မီးတောက်များ၊ ရှေးဦးရွှေကျီးကန်းများနှင့် ဖီးနစ်ငှက်တို့၏ သွေးများကို အသုံးပြုကာ နှစ်ပေါင်းတစ်သောင်းကျော်တိုင်အောင် အဆင့်ဆင့် သန့်စင် ကျင့်ကြံထားသော ရတနာလည်း ဖြစ်သည်။

တစ်လောကလုံးတွင် ဤ "နေနတ်ဘုရားနန်းတော်" ၏ စွမ်းအားကို ယှဉ်နိုင်သော မှော်ရတနာဟူ၍ အလွန်နည်းပါးသည်ဟု ဆိုနိုင်သည်။ ထို့အပြင် လျှို့ဝှက်ဆန်းကြယ်သော ဧကရာဇ်ရှန်သည် အမှောင်ဧကရာဇ်တာအိုသခင်နှင့် ဒိုင်ဇင်ဘုရားကျောင်းကို တည်ထောင် သူ 'ဇင်' တို့ထက်ပင် အတွေ့အကြုံ ရင့်ကျက်သူ ဖြစ်သည်။ သူ၏ မှော်စွမ်းအားမှာ ပို၍ပင် ခန့်ညားထည်ဝါပြီး ကိုယ်ပိုင်ကမ္ဘာတစ်ခုကို တည်ဆောက်ကာ အရာအားလုံးကို လွှမ်းမိုး ထားနိုင်သူ ဖြစ်သည်။

သို့သော် ယခုအခါ အင်မော်တယ်ကျောက်စာတိုင်မှ မှော်သင်္ကေတ သန်း ၄၈၀ ပါဝင်သော ဟုန်ယွိ၏ လက်သီးတစ်ချက်က နေနတ်ဘုရားနန်းတော်ကြီးကို တိုက်ရိုက် ရိုက်ခွဲပစ်လိုက် ပြီ။ ထိုစွမ်းအားမှာ အရပ်မျက်နှာ ရှစ်ခွင်၊ ဘုံသုံးပါး၊ လမ်းကြောင်း ခြောက်သွယ်နှင့် ဘဝ စက်ဝန်း တစ်ခုလုံးသို့ ပျံ့နှံ့သွားခဲ့သည်။

"မင်းက ငါ့နန်းတော်ကို ဖျက်ဆီးရဲတယ်ပေါ့၊ အေးစက်မီးလျှံဘုရင်၊ လောင်ကျွမ်းမီးလျှံ ဘုရင်၊ အဆိပ်မီးလျှံဘုရင်၊ ငါ့အမိန့်ကို နာခံကြ၊ ရွှေကျီးကန်း ဒဏ္ဍာရီမီးလျှံအစီအရင်ကို ဖော်ဆောင်စမ်း"

သူ၏ နန်းတော် ဖျက်ဆီးခံလိုက်ရသဖြင့် ဆန်းကြယ်လှသော ဧကရာဇ်ရှန်သည် သူ၏ စွမ်းအားကို စိန်ခေါ်ခံလိုက်ရသကဲ့သို့ ဒေါသအမျက် ချောင်းချောင်းထွက်သွားကာ ကမ္ဘာမြေကို တုန်ခါသွားစေလောက်သော ဟစ်အော်သံကြီးကို ထုတ်ဖော်လိုက်သည်။ သူ၏လက်များက ဟင်းလင်းပြင်ထဲတွင် ကခုန်နေပြီး နန်းတော်၏ အနက်ရှိုင်းဆုံးနေရာ၌ မှော်သင်္ကေတများစွာကို ရေးဆွဲလိုက်၏။ တစ်ချိန်တည်းမှာပင် သူသည် ဆည်တစ်ခုကို ဖွင့်ချလိုက်သကဲ့သို့ လက်သီးဖြင့် ထပ်မံ ထိုးနှက်လိုက်ရာ လျှို့ဝှက်နယ်မြေတစ်ခု ဝုန်းခနဲ ပွင့်ထွက်သွားတော့သည်။

ထိုလျှို့ဝှက်နယ်မြေ ပွင့်ထွက်သွားသည်နှင့် တစ်ပြိုင်နက် ပူပြင်းတောက်လောင်နေသော မီးတောက်များမှာ မီးတောင်ပေါက်ကွဲမှုထက် အဆပေါင်း ထောင်ချီ၍ ပြင်းထန်သော မီးလျှံ ရေစီးကြောင်းကြီးတစ်ခုအလား ဟုန်းဟုန်းတောက်လောင်ကာ ထွက်ပေါ်လာပြီး လေထု ၏ အစိတ်အပိုင်း အတော်များများမှာ လောင်ကျွမ်းသွားပြီး ပုံပျက်ယွင်းနေသော စွမ်းအင် နယ်ပယ်တစ်ခု ဖြစ်ပေါ်လာကာ အချိန်နှင့် အာကာသတို့လည်း လိုက်ပါ ပြောင်းလဲသွား သည်။ ထိုခဏ၌ ကမ္ဘာလောကကြီးတစ်ခုလုံး "မီးတောက်ခေတ်" ဆိုသည့် ခေတ်သစ် တစ်ခုသို့ ရောက်ရှိသကဲ့သို့ပင်။ ဤခေတ်တွင် မီးဝိညာဉ်များသာ ရှင်သန်နိုင်ပြီး ကျန်ရှိသမျှ အရာအားလုံးမှာ ပြာအဖြစ်သို့ ပြောင်းလဲသွားပေလိမ့်မည်။

တောက်လောင်နေသော ထိုမီးတောက် ရေစီးကြောင်းကြီးအတွင်း၌ ဟုန်ယွိသည် ခြေသုံး ချောင်း ရွှေကျီးကန်းပေါင်း ထောင်ချီ၍ ပျံသန်းနေသည်ကို မြင်လိုက်ရသည်။ ရွှေကျီးကန်း များမှာ အလွန်ကြီးမားပြီး အတောင်ပံဖြန့်လိုက်တိုင်း တောင်တန်းများကို လောင်ကျွမ်းစေ ကာ ပင်လယ်ပြင်များကို ဆူပွက်စေနိုင်သော မီးတောက်၊ လေပြင်းနှင့် မိုးကြိုးများကို သယ်ဆောင်လာကြသည်။

"ဧကရာဇ်ရှန်က ဒီလောက်များတဲ့ နတ်ဘုရားသားရဲတွေကို မွေးထားလိမ့်မယ်လို့ ငါ မထင် ထားခဲ့ဘူး။ အစွမ်းထက်တဲ့ ရွှေကျီးကန်းတွေပဲ။ ဒါပေမဲ့ ရွှေကျီးကန်းတွေဆိုတာ ယဉ်ပါး အောင်လုပ်ဖို့ ခက်ခဲတဲ့ သတ္တဝါတွေပဲ။ ဒီလောက်များတဲ့ ရွှေကျီးကန်းတွေကို သူ ဘယ်လို များ ယဉ်ပါးအောင် လုပ်ထားတာလဲ" ဟုန်ယွိ၏ စိတ်ထဲတွင် အနည်းငယ် လှုပ်ခတ်သွား သည်။ ရွှေကျီးကန်းမှာ နေမင်း၏ သားတော်ဖြစ်ပြီး သဘာဝအတိုင်း မီးတောက်များကို ထိန်းချုပ်နိုင်ကာ အလွန်ကြမ်းတမ်း၏။ နဂါး၊ ဖီးနစ်နှင့် ချီလင်တို့ကဲ့သို့ သူတော်စင်တာအို ၏ သင်္ကေတအဖြစ် အသိအမှတ် မပြုခံရသော်လည်း၊ ခွန်အားနှင့် ဖျက်ဆီးနိုင်စွမ်းအပိုင်း တွင်မူ ထိုနတ်ဘုရားသားရဲ သုံးမျိုးထက် အနည်းငယ်မျှ လျော့နည်းခြင်း မရှိပေ။

အမှန်စင်စစ်၊ အစစ်မှန် မီးတောက်များကို လောင်ကျွမ်းခြင်း အပိုင်းတွင်မူ သူတို့သည် အဆို ပါ သားရဲကြီးသုံးမျိုးထက်ပင် သာလွန်နေသေးသည်။

ယခုအခါ ဧကရာဇ်ရှန်သည် တိုက်ကွက်တစ်ခုတည်းဖြင့် လျှို့ဝှက်နယ်မြေကို ဖွင့်ပြီး ရွှေကျီးကန်း တစ်ထောင်ကို ထုတ်လွှတ်လိုက်သည်။ ဤစွမ်းအားမှာ ရှေးဟောင်းနဂါး သင်္ချိုင်းမှ နဂါးတစ်ထောင်ကို ပြန်လည် အသက်သွင်းလိုက်သကဲ့သို့ပင် အလွန်တရာ ကြီးမားသော မဟာအစီအရင်ကြီး ဖြစ်၏။

ဤအချက်တစ်ခုတည်းဖြင့်ပင် ကိုးကြိမ်မြောက် မိုးကြိုးကပ်ဘေးအဆင့် အထွတ်အထိပ်သို့ ရောက်ရှိနေသော ဤကျွမ်းကျင်သူကြီး၏ မူလစွမ်းအား မည်မျှ ကြီးမားကြောင်း သိသာလှ သည်။ ခမ်းနားထည်ဝါသော နတ်ဘုရား စွမ်းရည်၊ ကြွယ်ဝသော မူလစွမ်းအင်များ မရှိဘဲနှင့် သူတို့သည် ဟုန်ယွိကို လာရောက် သတ်ဖြတ်ရန် ကြိုးစားရဲမည် မဟုတ်ပေ။

"ဟုန်ယွိ... မင်း ငါ့ရဲ့မီးလျှံဘုရင် စစ်ရထားကို လုယူသွားခဲ့တာကို ငါ ဘယ်တော့မှ မမေ့ဘူး။ ကံကောင်းလို့ ငါ ဆုတ်ခွာနိုင်ခဲ့တာ။ ဒီအာဃာတကတော့ ပင်လယ်ငါးစင်း၊ သမုဒ္ဒရာ လေးစင်းက ရေတွေအားလုံးနဲ့ ဆေးကြောရင်တောင် ပြောင်စင်မှာ မဟုတ်ဘူး။ ဒီနေ့တော့ မင်းကို ရွှေကျီးကန်း အစီအရင်ထဲမှာ ပိတ်လှောင်ခံတဲ့ အရသာကို ခံစားစေရမယ်။ လွန်ခဲ့တဲ့ နှစ်ငါးထောင်က 'ကျိ'လို့အမည်ရတဲ့ သူတော်စင်တစ်ပါးတောင် ဒီအစီအရင်ထဲမှာ သုံးနှစ် လောက် ပိတ်မိပြီး မီးစာကုန်တဲ့ဆီးမင်းအလား သေလုနီးပါး ဖြစ်ခဲ့ရတာ။ မင်း ခံနိုင်ရည် ဘယ်လောက်ရှိမလဲ ကြည့်ကြသေးတာပေါ့"

အေးစက်မီးလျှံဘုရင် ရှန်ထျန်းဟယ်က အငြိုးတကြီးဖြင့် ပြောလိုက်သည်။ သူ၏ လက်ထဲ တွင် နီရဲတောက်လောင်နေပြီး လေ၊ တိမ်တိုက်၊ မီးတောက်နှင့် မိုးကြိုး မှော်သင်္ကေတများ ဖြင့် လွှမ်းခြုံထားသော "နေပစ်အလံ" တစ်ခု ရှိနေသည်။ ထိုအလံကို အနည်းငယ် ဝှေ့ယမ်း လိုက်ရုံဖြင့် ကောင်းကင်တုန်ဟည်းစေသော မိုးကြိုးသံကြီးနှင့်အတူ တောက်လောင်နေ သော မီးလျှံများ၊ မီးမြှားများနှင့် မီးလေးများ ထွက်ပေါ်လာသည်။ ထိုအထဲတွင် သန်မာလှ သော မီးတောက်ဘီလူးကြီး တစ်ကောင်၏ ပုံရိပ်ကို ဝိုးတဝါး မြင်တွေ့နေရသည်။

သူနှင့်အတူ အခြားသော လောင်ကျွမ်းမီးလျှံဘုရင်နှင့် အဆိပ်မီးဘုရင်တို့သည်လည်း အမိန့်ပေးအလံ တစ်ခုစီကို ကိုင်ဆောင်ထားကြသည်။ အလံသုံးခုစလုံးပေါ်တွင် မီးတောက် များကြားမှ ခွန်အားကြီး လူထွားကြီးတစ်ဦးက မီးလျှံလေးနှင့် မြှားကို ကိုင်ဆောင်ကာ ပစ်ခတ်တော့မည့် ပုံစံရှိနေသည်။ ဤပုံစံမှာ လေးအတတ်၏ အထွတ်အထိပ်သို့ ရောက်ရှိ နေသည့် အနေအထားပင်။

"နေပစ်အလံတော်... ထွက်ပေါ်လာစေ၊ ရွှေကျီးကန်း အပေါင်းတို့... ငါ့အမိန့်ကို နာခံကြ၊ အစီအရင်ကို တည်ဆောက်ကြ"

အလံသုံးခု ထွက်ပေါ်လာသည်နှင့် ရွှေကျီးကန်း တစ်ထောင်မှာ အလံပေါ်မှ လေးကိုင်ထား သော လူထွားကြီးကို မြင်လိုက်ရသည်။ ထိုလူထွားကြီးက မြှားဖြင့် ပစ်ခတ်ပြီး သူတို့ကို ဖျက်ဆီးပစ်မည်ကို ကြောက်ရွံ့နေကြသည့်အလား ရွှေကျီးကန်းများမှာ စနစ်တကျ တန်းစီ လိုက်ကြပြီး ဟုန်ယွိကို ပတ်ပတ်လည် ဝိုင်းရံထားလိုက်ကြသည်။

ရွှေကျီးကန်း တစ်ထောင်၏ စစ်မှန်သော မီးတောက်များ၊ မူလစွမ်းအင်များနှင့် စိတ်ဝိညာဉ် စွမ်းအင်များ ပေါင်းစပ်သွားရာ မည်သည့်အရာကိုမဆို လောင်ကျွမ်းစေနိုင်သော အစွမ်း ထက် မဟာအစီအရင်ကြီး ဖြစ်ပေါ်လာတော့သည်။ မီးလျှံလုံးများမှာ ကောင်းကင်နှင့် မြေပြင်ကို ဖုံးလွှမ်းသွားပြီး အရာအားလုံးကို လောင်ကျွမ်းပစ်တော့မည့်အလား ရှိ၏။

ဧကရာဇ်ရှန်က လျှို့ဝှက်နယ်မြေကို ဖွင့်ကာ ရွှေကျီးကန်းများကို လွှတ်လိုက်ချိန်မှစ၍၊ မီးတောက်ဘုရင်များက နေပစ်အလံတော်ဖြင့် အစီရင်စုကို ဖွဲ့စည်းလိုက်ချိန်အထိမှာ မျက်တောင်တစ်ခတ်အတွင်း ဖြစ်ပျက်သွားခြင်း ဖြစ်သည်။

"အထင်ကြီးစရာပဲ၊ ရွှေကျီးကန်း တစ်ထောင်ဆိုတာ လူသားအင်မော်တယ် တစ်ထောင်နဲ့ အဆင့်တူပဲ။ ဒါ့အပြင် ရွှေကျီးကန်းတွေက လူသားအင်မော်တယ် တွေထက် ပိုပြီး ဖျက်ဆီး နိုင်စွမ်း ရှိပေမဲ့ သူတို့ရဲ့စိတ်ဆန္ဒက လူသားအင်မော်တယ်တွေလို ကောင်းကင်နဲ့ မြေကြီး တစ်သားတည်း မကျသေးဘူး။ အခု အစီအရင်က တည်ဆောက်ပြီးသွားပြီဆိုတော့ ဟုန်ယွိ တော့ ဒုက္ခရောက်ပြီ။ ဧကရာဇ်ရှန်နဲ့ ဧကရီယင်တို့ ဟုန်ယွိကို ဘယ်လို တိုက်ခိုက်မလဲ ကြည့်ရတာပေါ့"

ယန်ဖန်းသည် ဖန်ဆင်းခြင်းသင်္ဘော၏ အမြင့်ဆုံးနေရာတွင် ရပ်ကြည့်နေသည်။ သူသည် ယခုအချိန်တွင် ဝင်ရောက် မတိုက်ခိုက်သေးဘဲ ဧကရီယင်၊ ဧကရာဇ်ရှန်နှင့် ရွှီယွိတို့ ဟုန်ယွိ ကို တိုက်ခိုက်နေသည်ကိုသာ စောင့်ကြည့်နေ၏။

သူက ဟုန်ယွိကို ဝိုင်းမတိုက်ချင်၍တော့ မဟုတ်ပေ။ သူ့အတွက်မူ ဟုန်ယွိသည် ပုန်ကန်မှု ကို စတင်ခဲ့ပြီး သူ့ကို ကျောက်စိမ်းမြို့တော်မှ မောင်းထုတ်ကာ လောက၏ နံပါတ်တစ် အရှင်သခင် နေရာမှ ဖယ်ရှားခဲ့သူ ဖြစ်ရာ အကြီးမားဆုံး ရန်သူပင် ဖြစ်သည်။ သို့သော် သူ၏ စိတ်ထဲတွင် စိုးရိမ်စရာအချို့ ရှိနေသည်။ ပထမအချက်မှာ ရွှီယွိတွင် လျှို့ဝှက်အစီအစဉ် ရှိနေခြင်းဖြစ်ပြီး၊ ဒုတိယအချက်မှာ မုန့်ရှန်းကျီက သူ့ကို မျက်ခြေမပြတ် စောင့်ကြည့်နေ ခြင်း ဖြစ်သည်။

သူနှင့် မုန့်ရှန်းကျီတို့သည် ရွှီယွိကို အတူတကွ သတ်ဖြတ်ရန် ကတိပြုထားကြသော်လည်း သူတို့ကြားတွင် ကွဲလွဲချက်အချို့ ရှိနေသည်။ ယန်ဖန်းက ဤသင်္ဘောပေါ်ရှိ လူများကို မဟာစကြဝဠာလောကထဲသို့ ခေါ်ဆောင်သွားပြီး ရှုပ်ထွေးမှုများ ဖန်တီးလိုသည်။ အကြောင်းမှာ ယခုအခါ ဤမဟာကမ္ဘာလောက၏ တရားဝင်မှုနှင့် အဆင့်အတန်း အားလုံး မှာ ဟုန်ယွိနှင့် ကျောက်စိမ်းဧကရာဇ်တို့၏ လက်ထဲတွင်သာ ရှိနေသောကြောင့်ပင်။ ကြီးမားသော ကပ်ဘေးနှင့် ရှုပ်ထွေးမှုများ ဖြစ်ပေါ်လာမှသာ သူ၏ အဆင့်အတန်းကို ပြန်လည် ထူထောင်နိုင်မည် ဖြစ်သည်။ ထို့ကြောင့် သူသည် မဟာကမ္ဘာလောကကြီး လုံးဝ ပျက်စီးရှုပ်ထွေးသွားသည်ကို မြင်လိုသည်။

မုန့်ရှန်းကျီကမူ ဤသင်္ဘောပေါ်ရှိ လူသန်းပေါင်း သုံးရာလုံးကို သတ်ဖြတ်ရန် ဆုံးဖြတ်ထား သည်။

ဟုန်ယွိကမူ သင်္ဘောပေါ်ရှိ လူသန်းပေါင်း သုံးရာကို မဟာကမ္ဘာလောက၏ 'ပြောင်းလဲခြင်း လမ်းစဉ်ကို လက်ခံစေကာ ထိုမှတစ်ဆင့် ငြိမ်းချမ်းစွာ အတူတကွ နေထိုင်ပြီး ကမ္ဘာကြီး ဖွံ့ဖြိုးတိုးတက်ဖို့ အတူတကွ တည်ဆောက်သွားရန် ရည်ရွယ်ထားသည်။

သူတို့သုံးဦးစလုံးတွင် မတူညီသော ရည်မှန်းချက်များ ရှိကြသော်လည်း သူတို့၏ ကိုယ်ပိုင် လမ်းစဉ်များကိုသာ အသီးသီး လျှောက်လှမ်းနေကြခြင်း ဖြစ်၏။

"ရွှေကျီးကန်း တစ်ထောင်နဲ့ တည်ဆောက်ထားတဲ့ အစီအရင်စုက တကယ်ကို ကြီးကျယ် ခန်းနားလှပါတယ်။ အရာအားလုံးကိုလည်း သန့်စင်ပစ်နိုင်စွမ်း ရှိပါတယ်။ ဒါပေမဲ့ ငါ့ကို ပိတ်လှောင်ထားဖို့ဆိုရင်တော့ အားနည်းလွန်းနေသေးတယ်။ ရှန်ထျန်းဟယ်... မင်းလို ပုရွက်ဆိတ်တစ်ကောင်က ငါ့ကို လက်စားချေဖို့ ကြံရွယ်ရဲတယ်ပေါ့။ လွန်ခဲ့တဲ့ ရက်ပိုင်းက မင်းရဲ့နောက်ကွယ်က လူကို သိချင်လို့ ငါ မင်းကို အသက်ချမ်းသာပေးခဲ့တာ။ မင်းရဲ့ စွမ်းရည်နဲ့ ငါ့လက်ထဲကနေ လွတ်မြောက်နိုင်မယ်လို့ တကယ်ပဲ ထင်နေတာလား။ စိတ်ကူး ယဉ်မနေစမ်းနဲ့... ပျက်စီးစမ်း"

ဟုန်ယွိသည် ရွှေကျီးကန်း အစီအရင်၏ ဝိုင်းရံခြင်းကို ခံထားရသော်လည်း သူသည် ကြောက်ရွံ့ခြင်း အနည်းငယ်မျှ မရှိပေ။ သူ၏ လက်များကို အနည်းငယ် လှုပ်ရှားလိုက်ရုံဖြင့် မြူခိုးတိမ်တိုက်တစ်ခုကို ဖန်တီးလိုက်သည်။ ဤမြူခိုးများမှာ ထူထပ်လှသော ရေဓာတ် အရှိန်အဝါများဖြစ်ပြီး သူ့ကို ကာကွယ်ပေးထားသည်။ အစီအရင်၏ မီးတောက်များမှာ ပြင်းထန်စွာ တောက်လောင်နေသော်လည်း ထိုဖြူလွလွ မြူတိမ်တိုက်များကို အနည်းငယ် မျှပင် အရည်မပျော်စေနိုင်ပေ။

"မဟာတိမ်ဖြူလက်ဝါး..."

ဟုန်ယွိ၏ ဤတိုက်ကွက်သည် ဗုဒ္ဓလက်ဝါးတံဆိပ်၏ အစိတ်အပိုင်းတစ်ခုဖြစ်ပြီး လောက ရှိ ရေဓာတ်အားလုံးကို ထိန်းချုပ်နိုင်သော စွမ်းအား ရှိသည်။ အခြားသော သိုင်းပညာရှင် များ ဖြစ်လျှင် ခုန်းကဲ့သို့ အစွမ်းထက်သူပင် ဖြစ်စေ သူတို့၏ ခန္ဓာကိုယ်မှာ အသားနှင့် သွေး ဖြင့် ဖွဲ့စည်းထားသဖြင့် မီးတောက်များဖြင့် သန့်စင်ခံရမည်ကို အကြောက်ဆုံး ဖြစ်သည်။ သို့သော် ဟုန်ယွိ၏ ခန္ဓာကိုယ်မှာ နတ်ဘုရားကျောက်တုံး ဝိညာဉ်သန္ဓေသား ဖြစ်ရာ ကျောက်သားလည်း မဟုတ်၊ သွေးသားလည်း မဟုတ်ဘဲ လောကတွင် ဆန်းကြယ်လှသည့် တည်ရှိမှု ဖြစ်သည်။ တစ်ချိန်တည်းမှာပင် သူ၏ ခန္ဓာကိုယ်မှာ အင်မော်တယ် ကျောက်စာ တိုင် နှစ်ခုနှင့် ပေါင်းစပ်ထားပြီး ဖြစ်ရာ နေမင်းကြီး၏ အလယ်ဗဟိုထဲသို့ တိုးဝင်လျှင်ပင် သူ့ကို မည်သူမျှ နာကျင်အောင် မလုပ်နိုင်ပေ။

မဟာတိမ်ဖြူလက်ဝါးက အစစ်မှန် မီးတောက်များကို ပိတ်ဆို့ထားစဉ်၊ ဟုန်ယွိသည် သူတော်စင်ပေါင်းစုံခန်းမ၏ စွမ်းအားကိုပင် အသုံးမပြုဘဲ မီးတောက်များကြားသို့ လက်ကို ဆန့်ထုတ်ကာ တိုးဝင်သွားပြီး အေးစက်မီးလျှံဘုရင် ရှန်ထျန်းဟယ်၏ လက်ကို လှမ်းဖမ်း လိုက်သည်။

နေပစ်အလံတော်မှာ ဤအစီအရင်ကို ထိန်းချုပ်သည့် သော့ချက်ဖြစ်ကြောင်း သူ ရိပ်မိ လိုက်သည်။

သူက ထိုရွှေကျီးကန်းများကို သတ်ပစ်ရန် အစီအစဉ် မရှိပေ။ အကြောင်းမှာ ၎င်းတို့မှာ အလွန်ရှားပါးသော ရှေးဦးသတ္တဝါများ ဖြစ်သောကြောင့်ပင်။ ဒဏ္ဍာရီများအရ ရွှေကျီးကန်း တစ်ကောင် ဖြစ်ပေါ်လာရန် နေမင်းကြီး၏ အနက်ရှိုင်းဆုံးနေရာတွင် နှစ်ပေါင်းတစ်သောင်း ခန့် အချိန်ယူရသည်။ ထို့ပြင် ၎င်းတို့မှာ ကိုယ်တိုင် မျိုးပွားနိုင်ခြင်း မရှိဘဲ နေမင်းကြီးထံမှ သာ မွေးဖွားလာနိုင်ခြင်း ဖြစ်သည်။

အကယ်၍ ဤရွှေကျီးကန်း တစ်ထောင်လုံးကို ဖမ်းဆီးပြီး သူတော်စင်ပေါင်းစုံခန်းမ အတွင်း၌ မွေးမြူထားနိုင်လျှင် ခန်းမအတွင်းရှိ ဟင်းလင်းပြင်တစ်ခုလုံးမှာ နေရောင်ခြည် များဖြင့် လွှမ်းခြုံကာ အသက်စွမ်းအားများဖြင့် ပြည့်နှက်သွားပေလိမ့်မည်။

"မကောင်းတော့ဘူး"

ရှန်ထျန်းဟယ်သည် ဟုန်ယွိက ရွှေကျီးကန်း အစီအရင်ကို ဖောက်ထွက်လာပြီး သူ၏ လက်ထဲမှ နေပစ်အလံတော်ကို လှမ်းဖမ်းသည်ကို မြင်သောအခါ ထိတ်လန့်သွားပြီး မျက်နှာတစ်ခုလုံး ဖြူလျော်သွားတော့သည်။ ဟုန်ယွိ၏ လက်ကြီးကို ရင်ဆိုင်ရသောအခါ သူသည် ခုခံရန်ပင် မစဉ်းစားနိုင်တော့ပေ။

"အဆိပ်မီးလျှံလက်ဝါး"

ထိုအခိုက်အတန့်တွင် အဆိပ်မီးလျှံဘုရင်က ရှန်ထျန်းဟယ် ဒုက္ခရောက်နေသည်ကို မြင်သောအခါ ဟုန်ယွိ၏ လက်ကို ရိုက်ချလိုက်သည်။ ထိုလက်ဝါးချက်မှာ ပြင်းထန်လှပြီး အလွန်အဆိပ်ပြင်းကာ စိတ်ဝိညာဉ်ကိုပင် လောင်ကျွမ်းစေနိုင်သော အစိမ်းရောင် အဆိပ် မီးလျှံများ ပါဝင်နေသည်။

ဧကရာဇ်ရှန်၏ လက်အောက်တွင် မီးတောက်ဘုရင် သုံးဦးရှိရာ အမျိုးသား နှစ်ဦးနှင့် အမျိုးသမီး တစ်ဦးတို့ ဖြစ်သည်။ အေးစက်မီးလျှံဘုရင် ရှန်ထျန်းဟယ်၊ ‌လောင်ကျွမ်း မီးလျှံဘုရင်တို့မှာ အမျိုးသားများဖြစ်ကာ၊ အဆိပ်မီးလျှံဘုရင်မှာမူ အမျိုးသမီး တစ်ဦး ဖြစ်သည်။ သူမသည် နီရဲသော ဝတ်ရုံနှင့် ရှည်လျားသော စကတ်ကို ဝတ်ဆင်ထားသော် လည်း သူမတစ်ကိုယ်လုံးမှာ အစိမ်းရောင် အရှိန်အဝါများ ဖုံးလွှမ်းနေသည်။ ထိုအစိမ်း ရောင် အရှိန်အဝါများမှာ ရေလှိုင်းများကဲ့သို့ လှုပ်ခတ်နေသော်လည်း အမှန်တကယ်တွင်မူ အလွန်အဆိပ်ပြင်းသော မီးလျှံများ ဖြစ်၏။

"ကလေးကစားစရာပဲ"

ဟုန်ယွိက ထိုအဆိပ်မီးလျှံလက်ဝါးကို လှည့်ပင်မကြည့်ဘဲ လက်ဖြင့် တစ်ချက်ဖိကာ ချေဖျက်ပစ်လိုက်ရာ အဆိပ်မီးလုံးကြီးမှာ လေထဲတွင် ပေါက်ကွဲသွားတော့သည်။ တစ်ချိန် တည်းမှာပင် သူသည် ကိုယ်နေဟန်မပျက်ဘဲ အေးစက်မီးလျှံဘုရင် ရှန်ထျန်းဟယ်ကို ဆက်လက် ဖမ်းဆီးလိုက်သည်။

"ဟုန်ယွိ... မင်းက ငါ့မျက်စိရှေ့မှာတင် လူဖမ်းရဲတယ်ပေါ့"

ထိုအခိုက်အတန့်တွင် အေးစက်စက် အသံတစ်သံ ထွက်ပေါ်လာပြီး၊ သူမမှာ လနန်းတော်၏ အရှင်သခင်မ ဆန်းကြယ်လှသော ဧကရီယင်ပင် ဖြစ်သည်။ သူမသည် ဧကရာဇ်ရှန်က ရွှေကျီးကန်းအစီအရင်ဖြင့် ဟုန်ယွိကို ပိတ်လှောင်ထားသည်ကို စောင့်ကြည့်နေခဲ့သော် လည်း ဟုန်ယွိက လွယ်ကူစွာ ဖောက်ထွက်လာသည်ကို မြင်သောအခါ ဝင်ရောက် တိုက်ခိုက်လိုက်ခြင်း ဖြစ်သည်။

ဧကရီယင် လှုပ်ရှားလိုက်သည်နှင့် တစ်ပြိုင်နက် ပတ်ဝန်းကျင်တစ်ခုလုံးမှာ အလွန်အမင်း အေးစက်သွားတော့သည်။ ဤအမျိုးသမီး၏ တာအိုပညာမှာ ကခုန်နေသကဲ့သို့ နူးညံ့လှပ သော်လည်း သူမ၏ စွမ်းအင်များမှာ ဟုန်ယွိ၏ ရှေ့သို့ လျှပ်တပြက် ရောက်ရှိလာသည်။

ဘုန်း…

ဟုန်ယွိသည် ထိုအေးစက်လှသော အရိပ်ပေါင်းများစွာကို ရင်ဆိုင်ရစဉ် နောက်သို့ အနည်း ငယ် ဆုတ်လိုက်သည်။ ထိုမြင်ကွင်းကို မြင်သောအခါ ဧကရီယင်က ကျေနပ်စွာ ရယ်မော လိုက်ပြီး "ဟုန်ယွိ... မင်းက ဒီလောက်ပဲလား။ ဒါကို ခံစားကြည့်စမ်း... သေမင်းတံစဉ် လမင်းသတ်ဖြတ်ခြင်း ဓားသွား"

သူမလက်ဝါးကို ဝေ့ယမ်းလိုက်ရာ ကီလိုမီတာ ထောင်ချီ ရှည်လျားသော ဓားအလင်းတန်း ကြီးသည် ရေခဲမြစ်တစ်ခုကဲ့သို့ ဟုန်ယွိထံသို့ တိုးဝင်သွားပြီး သူ့ကို အစီအရင်အတွင်းသို့ ပြန်လည် တွန်းပို့ရန် ကြိုးစားလိုက်သည်။

"တကယ်ကို ကိုယ့်အခြေအနေမသိတဲ့ လူတွေ ရှိနေသေးတာပဲ" ဧကရီယင်၏ တိုက်စစ်ကို ရင်ဆိုင်ရသော်လည်း ဟုန်ယွိက ဒေါသမထွက်ဘဲ ရယ်မောလိုက်သည်။ "ကျုပ် ခုနက ဆုတ်လိုက်တာက ခင်ဗျားကို အရှင်ဖမ်းချင်လို့ပဲ။ ခင်ဗျားက ဒါကိုတောင် သတိမထားမိဘဲ ကျုပ်ကို တိုက်ခိုက်ရဲသေးတယ်ပေါ့"

"စကားကြီး စကားကျယ်တွေ" ဧကရီယင်သည် ဟုန်ယွိ၏ စကားကို ဂရုမစိုက်ဘဲ သူမ၏ ဓားချက်ဖြင့် ဟင်းလင်းပြင်ကို ဖျက်ဆီးကာ ဆက်လက် တိုက်ခိုက်လိုက်သည်။

သို့သော် ထိုအချိန်တွင် ဟုန်ယွိ၏ လက်ဝါးထဲတွင် ဖိနှိပ်ထားသော ကြီးမားသည့် အရှိန်အဝါ တစ်ခု စတင် လှည့်ပတ်လာတော့သည်။

"ပျက်သုဉ်းခြင်း နတ်ဘုရားဘုရင်... မင်းက အင်မော်တယ် နတ်ဘုရားဘုရင်ရဲ့ တစ်စိတ် တစ်ပိုင်းကို စားသုံးပြီး မင်းရဲ့ စိတ်ဝိညာဉ်အမှတ်အသားကိုလည်း ဆေးကြောသန့်စင်ပြီးပြီ။ အရာအားလုံးကို ဖျက်ဆီးဖို့၊ အရာအားလုံးကို သတ်ဖြတ်ဖို့ ငါ့အမိန့်ကို ဘာလို့ အခုထိ မနာခံသေးတာလဲ။ အခုထက် ကောင်းတဲ့ အချိန် ဘယ်မှာ ရှိဦးမှာလဲ"

ဟုန်ယွိ၏ အသံ ဟိန်းထွက်သွားတော့သည်။

ဝုန်း၊ ဝုန်း၊ ဝုန်း၊

ရှေးဦးခေတ်မှ ဟိန်းဟောက်သံကြီးနှင့်အတူ၊ လူသားအင်မော်တယ် အထွက်အထိပ် ၂၇ ဦး နှင့် ကြယ်သခင်တို့၏ သွေးအနှစ်သာရ၊ အရှိန်အဝါ၊ ဝိညာဉ်များဖြင့် သွန်းလုပ်ထားသော ကမ္ဘာပေါ်တွင် အစွမ်းထက်ဆုံး ရုပ်သေးရုပ်ကြီးဖြစ်သည့် "ပျက်သုဉ်းခြင်း နတ်ဘုရား ဘုရင်" သည် ဟုန်ယွိလက်ထဲမှ ခုန်ထွက်လာခဲ့သည်။ သူက ဟုန်ယွိ၏ အမိန့်ကို အကြွင်းမဲ့ နာခံလိုက်ပြီး - "ကောင်းကင်သွေးမိုး၊ တစ္ဆေနတ်ဘုရား ငိုကြွေးသံ၊ မသေမျိုးဗုဒ္ဓတို့၏ အမျက်ဒေါသ" ဟူသော တိုက်ကွက်သုံးခုကို တစ်ပြိုင်နက်တည်း ထိုးနှက်လိုက်သည်။

ယခုအခါ ပျက်သုဉ်းခြင်း နတ်ဘုရားဘုရင်၏ စွမ်းအားမှာ အရင်ကထက်ပင် ပိုမိုမြင့်မားလာ ပြီ ဖြစ်သည်။

ထိုတိုက်ကွက် သုံးခုသည် ဧကရီယင်၏ ဓားသွားကို ရိုက်ခွဲပစ်လိုက်ပြီး၊ သူ၏ လက်သည်း မှာ နဂါးလက်သည်းအသွင် ပြောင်းလဲကာ သူမ၏ ရင်ဘတ်ဆီသို့ တိုက်ရိုက် ထိုးဖောက် သွားတော့သည်။

ဟုန်ယွိသည် အင်မော်တယ် နတ်ဘုရားဘုရင်၏ သွေးသားများကို အသုံးပြုကာ သွေးဖြင့် ယဇ်ပူဇော်ပြီး ပျက်သုဉ်းခြင်း နတ်ဘုရားဘုရင်ကို သူ၏ ကိုယ်ပိုင်ရုပ်သေးအဖြစ် လုံးဝ သန့်စင်ပြီးစီးသွားခဲ့ပြီ။ ထို့အပြင် သူသည် ပျက်သုဉ်းခြင်း နတ်ဘုရားဘုရင်၏ စွမ်းအားကို လည်း နောက်ထပ် အဆင့်တစ်ခုသို့ မြှင့်တင်ပေးလိုက်နိုင်ခဲ့သည်။