အခန်း ၂၇၅

အခန်း ၂၇၅ အကုန်မြင်သွားပြီ

"ဒါက..."

ကက်သရင်း အနည်းငယ် တွေဝေသွားလေသည်။ အကယ်၍ သူမက သားရဲထိန်းချုပ်ရေး ကြာပွတ် ကို အသုံးပြုလိုက်ပါက တိုက်ခိုက်မှု စွမ်းအား ထပ်ဆောင်းများမှာ အလွန် ကောင်းမွန်လာမည် ဖြစ်သော်လည်း ကျိုးဟန် တကယ်ပင် တောင့်မခံနိုင်တော့ပါက မည်သို့ လုပ်မည်နည်း။

"မလုပ်တာပဲ ကောင်းမယ် ထင်တယ်... အခုလို အခြေအနေက တော်တော်လေး အဆင်ပြေနေပြီ မဟုတ်လား"

ကက်သရင်းက ပြောလိုက်လေသည်။

"လာပါကွာ... ဘာမှမဖြစ်ပါဘူး ငါ တောင့်ခံနိုင်တယ်... အခုလို ထိခိုက်မှုခံနိုင်ရည် ရမှတ်တွေ အများကြီး ရနိုင်မယ့် အခွင့်အရေးမျိုးကို ငါက ဘယ်လိုလုပ် လက်လွတ်ခံနိုင်မှာလဲ"

ကျိုးဟန်က ဂရုမစိုက်ဟန်ဖြင့် ပြောလိုက်လေသည်။ သူ့ရင်ထဲတွင် အခြေအနေကို ကောင်းစွာ သဘောပေါက်ထားလေသည်။ ဤနည်းအားဖြင့် အချိန်တိုအတွင်း ထိခိုက်မှုခံနိုင်ရည် ရမှတ် ကုဋေတစ်သောင်း အထိ ရောက်ရှိရန်မှာ အချိန်ကုန်သက်သာမည် ဖြစ်ပြီး အချိန်ဆိုသည်မှာ အရင်းအမြစ်ပင် ဖြစ်သည်။

ထို့အပြင် ဓားနယ်ပယ် ၏ အစွမ်းထက်မှုကိုလည်း စောစီးစွာ ခံစားနိုင်မည် ဖြစ်ရာ ဤသို့ လုပ်ဆောင်ရန်မှာ လိုအပ်လှပေသည်။

"ဒါဆို... ငါ့ရဲ့ သားရဲထိန်းချုပ်ရေး ကြာပွတ် ကို သုံးလိုက်တော့မယ်နော်"

ကက်သရင်းက ထပ်မံ အတည်ပြု မေးမြန်းလိုက်လေသည်။

"မြန်မြန် လုပ်စမ်းပါ... မိန်းမသားပီပီ အရမ်း နှေးကွေးလွန်းတယ်ကွာ"

ကျိုးဟန်က အလျင်စလို ပြောလိုက်လေသည်။

"ဟွန့်... ရှင်ကတော့လေ..."

"ငါ့ရဲ့ ဝိညာဉ်သားရဲ တွေ... သူ့ကို အစွမ်းပြလိုက်ကြစမ်း"

ကက်သရင်း၏ မျက်နှာလေး ရှုံ့မဲ့သွားလေသည်။ ဤလူမှာ တကယ်ကို အခြေအနေ မသိတတ်သူပင်။ သူမက စိုးရိမ်ပေးနေသည်ကိုပင် ဤကဲ့သို့ ပြောဆိုရက်လေသည်။

ထို့ကြောင့် သူ၏ ဆန္ဒအတိုင်းသာ လုပ်ပေးလိုက်မည်။ ခဏနေ အရိုက်ခံရမှ ဘယ်လို ဆက်ပြီး လေလုံးထွားနိုင်ဦးမလဲ ကြည့်ရသေးသည်ပေါ့။

ကက်သရင်းသည် စကားပြောနေရင်း လက်ထဲရှိ သားရဲထိန်းချုပ်ရေး ကြာပွတ် ကို ရမ်းကာ ဧကရာဇ်အဆင့် ဝိညာဉ်သားရဲ အကောင် တစ်ရာဆီသို့ လှမ်းရိုက်လိုက်လေသည်။

သွေးကဲ့သို့ နီရဲသော စွမ်းအင်လှိုင်းများ ပေါက်ကွဲထွက်လာပြီး ဝိညာဉ်သားရဲ များ၏ ခန္ဓာကိုယ်ထဲသို့ အလုံးအရင်း ဝင်ရောက်သွားလေသည်။

မျက်စိဖြင့် မြင်နိုင်သော အမြန်နှုန်းဖြင့် ၎င်းတို့၏ ခန္ဓာကိုယ်များ လျင်မြန်စွာ ကြီးထွားလာပြီး မျက်လုံးများမှာ သွေးရောင်လွှမ်းသွားကာ ရက်စက် ကြမ်းတမ်းသော သွေးညှီနံ့များ ထွက်ပေါ်လာလေသည်။

ဤသည်မှာ သားရဲထိန်းချုပ်ရေး ကြာပွတ် မှ ယူဆောင်လာပေးသော ရူးသွပ်ခြင်း အကျိုးသက်ရောက်မှု ဖြစ်ပြီး ဝိညာဉ်သားရဲ များ၏ တိုက်ခိုက်ရေးစွမ်းအားကို ထိုးတက်သွားစေလေသည်။

"လာတာ အတော်ပဲ"

ကျိုးဟန်မှာ ဤအကျိုးသက်ရောက်မှုအပေါ် အလွန် ကျေနပ်သွားလေသည်။

[- ၈.၆၃ သန်း]

[- ၇.၅ သန်း]

[- ၃.၃၃ သန်း]

[- ၃.၁၆ သန်း]

တိုက်ပွဲ အချက်အလက် မျက်နှာပြင် ပေါ်တွင် အဆက်မပြတ် ရွေ့လျားနေသော တိုက်ပွဲဝင် သတင်းအချက်အလက်များက ကျိုးဟန်၏ စိတ်ကို အလွန်အမင်း ရွှင်လန်းသွားစေလေသည်။

[ပိုင်ရှင်သည် ကြယ်ခုနစ်ပွင့် ဧကရာဇ်အဆင့် ဝိညာဉ်သားရဲ ဧရာမ ကျောက်မြွေ ၏ တိုက်ခိုက်မှုကို ခံလိုက်ရပြီး ၉.၃၂ သန်း ထိခိုက်သွားပါသည်]

[ပိုင်ရှင်၏ ကြမ်းတမ်းသော ဝိညာဉ် ဓားအရိုး သည် ထိခိုက်မှုခံနိုင်ရည် ရမှတ် ၉.၃၂ သန်း ရရှိပါသည်]

[ပိုင်ရှင်၏ ခေတ်အဆက်ဆက် ဂုဏ်ကျက်သရေ ဝတ်စုံသည် အမြင့်ဆုံး သွေးပမာဏ ၏ ၈ ရာခိုင်နှုန်းကို ပြန်လည် ဖြည့်တင်းပေးလိုက်ပြီး သွေးပမာဏ ၇.၂ သန်း ရရှိပါသည်]

[ပိုင်ရှင်သည် ကြယ်ခြောက်ပွင့် ဧကရာဇ်အဆင့် ဝိညာဉ်သားရဲ မိုးကြိုးမြည် ငှက် ၏ တိုက်ခိုက်မှုကို ခံလိုက်ရပြီး ၇.၉၄ သန်း ထိခိုက်သွားပါသည်]

[ပိုင်ရှင်၏ ကြမ်းတမ်းသော ဝိညာဉ် ဓားအရိုး သည် ထိခိုက်မှုခံနိုင်ရည် ရမှတ် ၇.၉၄ သန်း ရရှိပါသည်]

[ပိုင်ရှင်၏ ခေတ်အဆက်ဆက် ဂုဏ်ကျက်သရေ ဝတ်စုံသည် အမြင့်ဆုံး သွေးပမာဏ ၏ ၈ ရာခိုင်နှုန်းကို ပြန်လည် ဖြည့်တင်းပေးလိုက်ပြီး သွေးပမာဏ ၇.၂ သန်း ရရှိပါသည်]

[ပိုင်ရှင်သည် ကြယ်သုံးပွင့် ဧကရာဇ်အဆင့် ဝိညာဉ်သားရဲ မီးလျှံစွန် သားရဲ ၏ တိုက်ခိုက်မှုကို ခံလိုက်ရပြီး ၄.၁၂ သန်း ထိခိုက်သွားပါသည်]

[ပိုင်ရှင်၏ ကြမ်းတမ်းသော ဝိညာဉ် ဓားအရိုး သည် ထိခိုက်မှုခံနိုင်ရည် ရမှတ် ၄.၁၂ သန်း ရရှိပါသည်]

[ပိုင်ရှင်၏ ခေတ်အဆက်ဆက် ဂုဏ်ကျက်သရေ ဝတ်စုံသည် အမြင့်ဆုံး သွေးပမာဏ ၏ ၈ ရာခိုင်နှုန်းကို ပြန်လည် ဖြည့်တင်းပေးလိုက်ပြီး သွေးပမာဏ ၇.၂ သန်း ရရှိပါသည်]

[ပိုင်ရှင်သည် ကြယ်တစ်ပွင့် ဧကရာဇ်အဆင့် ဝိညာဉ်သားရဲ လေဟာနယ် ဖြတ် သားရဲ ၏ တိုက်ခိုက်မှုကို ခံလိုက်ရပြီး ၃.၁၇ သန်း ထိခိုက်သွားပါသည်]

[ပိုင်ရှင်၏ ကြမ်းတမ်းသော ဝိညာဉ် ဓားအရိုး သည် ထိခိုက်မှုခံနိုင်ရည် ရမှတ် ၃.၁၇ သန်း ရရှိပါသည်]

[ပိုင်ရှင်၏ ခေတ်အဆက်ဆက် ဂုဏ်ကျက်သရေ ဝတ်စုံသည် အမြင့်ဆုံး သွေးပမာဏ ၏ ၈ ရာခိုင်နှုန်းကို ပြန်လည် ဖြည့်တင်းပေးလိုက်ပြီး သွေးပမာဏ ၇.၂ သန်း ရရှိပါသည်]

ထင်သည့်အတိုင်းပင် ရူးသွပ်သွားသော ဝိညာဉ်သားရဲ များ၏ တိုက်ခိုက်နိုင်စွမ်းမှာ ပို၍ ကြမ်းတမ်းလာလေသည်။ ဝိညာဉ်သားရဲ အကောင် တစ်ရာ၏ တိုက်ခိုက်မှု တစ်ကြိမ် အပြီးတွင် ထိခိုက်မှု ပမာဏ သန်းငါးရာကျော် ရရှိနိုင်သဖြင့် ပိုမို အစွမ်းထက်လာခဲ့လေသည်။

သေချာပေါက် သွေးပမာဏ ပြန်လည်ပြည့်ဝမှုမှာ ထိုမျှ မမြန်ဆန်နိုင်ပေ။

သို့သော် ဝတ်စုံ၏ အထူးအာနိသင် အမျိုးမျိုး အသက်ဝင်လာမှု အောက်တွင် ကျိုးဟန်အနေဖြင့် ကြီးမားသော ဖိအားများကို မခံစားရချေ။ မည်သို့ပင်ဆိုစေ အသက်ကယ်နိုင်သော နည်းလမ်းများစွာ ရှိနေပြီး ကျိုးဟန် ထံတွင် အဆငါးဆယ်သော သွေးပမာဏ ကို တိုးမြှင့်ပေးနိုင်သည့် ရွှေခေါင်းလောင်း အကာအကွယ် - စစ်မှန်သော နဂါး ဒေါသ ကိုပင် အသုံးမပြုရသေးချေ။

သို့သော် လောလောဆယ်တွင် သူ အသုံးမပြုသေးပေ။ အကြောင်းမှာ ယခု ရွှေခေါင်းလောင်း အကာအကွယ် သည် ပြန်လည် တိုက်ခိုက်မှုများကို ပြုလုပ်နိုင်စွမ်း ရှိနေပြီဖြစ်ရာ အကယ်၍ ပြန်လည် တိုက်ခိုက်လိုက်ပါက ဤဝိညာဉ်သားရဲများကို သတ်ပစ်မိမည်ကို စိုးရိမ်သောကြောင့် ဖြစ်သည်။

ထို့ကြောင့် သူသည် မိုးပေါက်များအလား ကျဆင်းလာသော ကြမ်းတမ်းသည့် တိုက်ခိုက်မှုများ၏ သာယာမှုကိုသာ တိတ်တဆိတ် ခံစားနေလိုက်လေသည်။

'ဟီးဟီး... မကြာခင်မှာပဲ ငါ့ရဲ့ ထိခိုက်မှုခံနိုင်ရည် ရမှတ်တွေ လုံလောက်သွားတော့မှာပဲ'

ကျိုးဟန်က ရင်ထဲတွင် ပျော်ရွှင်စွာ တွေးလိုက်လေသည်။

ဘေးနားရှိ ကက်သရင်းမှာမူ အစပိုင်းက စိုးရိမ်နေခဲ့သော်လည်း တဖြည်းဖြည်းနှင့် အံ့အားသင့်လာပြီး ထိုမှတစ်ဆင့် တုန်လှုပ်သွားကာ နောက်ဆုံးတွင် တည်ငြိမ်သွားလေတော့သည်။

"တကယ်ကို ထူးဆန်းတဲ့ကောင်ပဲ... သူက ဘယ်လောက်တောင် အစွမ်းထက်နေတာလဲကွာ"

ကက်သရင်း၏ လှပသော မျက်လုံးလေးများတွင် လှိုင်းဂယက်များ ထသွားပြီး အလွန်အမင်း အံ့သြစွာ ပြောလိုက်လေသည်။

သူမ၏ စိုးရိမ်မှုများမှာ လုံးဝ အပိုသာ ဖြစ်ခဲ့ရလေသည်။ သူမ လေ့လာကြည့်ရှုမိသလောက် ကျိုးဟန်သည် အလွန် သတိထားတတ်ပြီး အသေးစိတ်ကို ဂရုစိုက်သူ တစ်ယောက် ဖြစ်သည်။

ပုံမှန်အားဖြင့် သေချာမှု မရှိသော ကိစ္စများကို သူ လုံးဝ ပြုလုပ်မည် မဟုတ်ချေ။

ထို့ကြောင့် ကျိုးဟန်က သားရဲထိန်းချုပ်ရေး ကြာပွတ် ကို အသုံးပြုရန် တောင်းဆိုခြင်းမှာ သေချာပေါက် သူ၏ ကိုယ်ပိုင် စွမ်းအားများအပေါ် အပြည့်အဝ ယုံကြည်မှု ရှိနေခြင်းကြောင့်သာ ဖြစ်ရမည်။

"ဗြိ"

ကျိုးဟန် တစ်ယောက် အဆက်မပြတ် မြင့်တက်လာနေသော ထိခိုက်မှုခံနိုင်ရည် ရမှတ်များကို ခံစားနေစဉ် ရုတ်တရက် ပေါင်ကြားမှ အေးစက်စက် ခံစားမှုတစ်ခု ဖြစ်ပေါ်လာသဖြင့် လန့်ဖျပ်သွားလေသည်။

'လခွမ်း... ဒါ ဘာအခြေအနေကြီးလဲ'

'ငါ့ရဲ့ ဘောင်းဘီက ဝိညာဉ်သားရဲ တွေရဲ့ ဆွဲချွတ်တာ ခံလိုက်ရတာလား'

ကျိုးဟန် ရင်ထဲ ထိတ်လန့်သွားပြီး သေချာ ကြည့်ရှုလိုက်လေသည်။

မူလက နတ်ဆိုး ခွေးအ တစ်ကောင် ဖြစ်နေပြီး ၎င်း၏ တိုက်ခိုက်ရေး နည်းလမ်းကို မြင်တွေ့လိုက်ရချိန်တွင် ကျိုးဟန်ပင် အနည်းငယ် ကြက်သီးထသွားလေသည်။

'ဝိညာဉ်သားရဲ တွေထဲမှာ ဒီလို ထူးဆန်းတဲ့ အကောင်မျိုး ဘယ်တုန်းက ရောက်နေတာလဲ'

နတ်ဆိုး ခွေးအ မှာ ကျိုးဟန်အား သိသာထင်ရှားသော ထိခိုက်မှု မပေးနိုင်သော်လည်း ၎င်းအနေဖြင့် သူ့အပေါ် ဤကဲ့သို့သော လုပ်ရပ်မျိုးကို ပြုလုပ်လာမည်ကိုတော့ ကျိုးဟန် လုံးဝ ခွင့်မပြုနိုင်ပေ။

"ငါ့အတွက် သေပေးလိုက်စမ်း... လခွမ်း"

မူလက သာယာနေသော စိတ်အခြေအနေမှာ ဤ နတ်ဆိုး ခွေးအ ကြောင့် အနှောင့်အယှက် ဖြစ်သွားသဖြင့် ကျိုးဟန်သည် လက်ညှာမနေတော့ဘဲ တစ်ချက်တည်း ရိုက်သတ်ပစ်လိုက်လေသည်။

ဧကရာဇ်အဆင့် ဝိညာဉ်သားရဲ တစ်ကောင်၏ တိုက်ခိုက်မှု လျော့ကျသွားခြင်းမှာ ပြဿနာ မဟုတ်သော်လည်း အဓိက အချက်မှာ ဤသတ္တဝါသည် အလွန် ရွံရှာဖွယ် ကောင်းလွန်းသဖြင့် မဖြစ်မနေ သတ်ပစ်ရမည် ဖြစ်လေသည်။

"အိုးမိုင်ဂေါ့"

ကက်သရင်းသည် ကျိုးဟန်၏ လှုပ်ရှားမှုတိုင်းကို သေချာစွာ စောင့်ကြည့်နေစဉ် ရုတ်တရက် ဤမြင်ကွင်းကို မြင်တွေ့လိုက်ရသဖြင့် မျက်နှာလေး နီရဲသွားကာ အံ့သြတကြီး ရေရွတ်လိုက်လေသည်။

"ဒါက အရမ်းကို..."

"တောင့်ခံနိုင်ပါ့မလား"

စက္ကန့်အနည်းငယ် ကြာပြီးနောက်မှ ကက်သရင်း သတိဝင်လာကာ မျက်လုံးများကို လက်ဖြင့် အုပ်လိုက်လေသည်။ သို့သော် လက်ချောင်းလေးများ ကြားရှိ ဟာနေသော နေရာမှာ အလွန် ကြီးမားနေပြီး သူမသည် မနေနိုင်ဘဲ ခိုးကြည့်နေမိလေသည်။

သူမ၏ မျက်ဝန်းများမှာ လှိုင်းထနေပြီး မဖွယ်မရာ မြင်ကွင်း တစ်ခုခုကို တွေးတောမိသွားသည့်အလား သွယ်လျသော ခြေတံများကို အလိုအလျောက် ပူးကပ်လိုက်လေသည်။

သို့သော် ကျိုးဟန်က အခွင့်အရေး များများ မပေးတော့ဘဲ လျင်မြန်စွာပင် ဘောင်းဘီ အသစ်တစ်ထည်ကို လဲလှယ် ဝတ်ဆင်လိုက်လေသည်။

'လခွမ်း... အရှုံးကြီး ရှုံးတာပဲ... ဒီနိုင်ငံခြားသူမ ကြီးဆီမှာ အကုန် အမြင်ခံလိုက်ရပြီ'

ကက်သရင်းက ခိုးကြည့်နေသော်လည်း ကျိုးဟန်က သာမန်လူ ဟုတ်ပါသလား။

သူသည် ပတ်ဝန်းကျင်ရှိ အငွေ့အသက် အပြောင်းအလဲများကို ခံစားသိရှိနိုင်စွမ်း ရှိပြီး ကက်သရင်း၏ အသက်ရှူသံများ ရှုပ်ထွေး လှုပ်ရှားလာသည်ကို သိသာစွာ ခံစားလိုက်ရသည်။ ထိုအရာက ဘာကို ဆိုလိုသနည်း ဆိုသည်မှာ ပြောနေရန်ပင် မလိုတော့ချေ။

'ဘယ်အချိန် အခွင့်အရေး ရမလဲ... အဲဒီကျရင် ပြန်ကြည့်ပစ်ရမယ်'

ကျိုးဟန်က အရှုံးခံမည့်သူ မဟုတ်သဖြင့် အရှုံးကို ပြန်လည် ဆယ်ယူရမည် ဖြစ်သည်။

သေချာပေါက် ဤသည်မှာ မထင်မှတ်ထားသော အဖြစ်အပျက် အသေးအမွှားလေး တစ်ခုသာ ဖြစ်ပြီး လျင်မြန်စွာပင် ကျိုးဟန်သည် ထိခိုက်မှုခံနိုင်ရည် ရမှတ်များ စုဆောင်းရသည့် ပျော်ရွှင်မှုထဲသို့ ပြန်လည် နစ်မြောသွားလေတော့သည်။

သုံးမိနစ် ကြာပြီးနောက်...

"ကျိုးဟန်... မြန်မြန် လုပ်ပါကွာ... ရပြီလား ငါ တောင့်မခံနိုင်တော့ဘူး"

ကက်သရင်းက မကျေမနပ်ဖြင့် ပြောလိုက်လေသည်။

"မပြီးသေးဘူး... ခဏလေး ထပ်စောင့်ဦး"

ကျိုးဟန်က ပြုံးကာ ပြောလိုက်လေသည်။

"ဘယ်လောက်တောင် ကြာဦးမှာလဲ... ငါ အားမရှိတော့ဘူး"

"မြန်ပါတယ်ကွာ"

မည်သို့ပင်ဆိုစေ အချိန်ကြာမြင့်စွာ အဆက်မပြတ် တိုက်ခိုက်နေရသဖြင့် ဝိညာဉ်သားရဲများမှာ အလွန် ပင်ပန်းနွမ်းနယ် နေကြလေပြီ။

ထို့အပြင် ဝိညာဉ်သားရဲများ၏ ပိုင်ရှင်ဖြစ်သော ကက်သရင်း အနေဖြင့်လည်း သူမ၏ ခန္ဓာကိုယ် အတွင်းရှိ စွမ်းအင်များ အမြောက်အမြား ကုန်ဆုံးနေသဖြင့် ယခု ထိန်းချုပ်ရသည်မှာ အလွန် ခက်ခဲနေလေသည်။

ဤသည်မှာလည်း ဆင့်ခေါ်သူ များ၏ ကန့်သတ်ချက် တစ်ခု ဖြစ်လေသည်။ ဆင့်ခေါ် သတ္တဝါများကို ထိန်းချုပ်ရခြင်းမှာ စွမ်းအင် အလွန် ကုန်ခမ်းစေပြီး ထိုသို့မဟုတ်ပါက တကယ်ပင် ပြိုင်ဘက်ကင်း ဖြစ်သွားမည် မဟုတ်ပါလား။