အခန်း ၄၈၃

အခန်း။ ၄၈၃

"သေရမှာကို မင်းတို့လည်း ကြောက်နေတာလား"

ချန်ကျီရှင်းက စာအုပ်ကို ဖတ်ရင်း အေးဆေးစွာ မေးလိုက်သည်။

"ချန်မိသားစုက လူငယ်လေး မင်း အရမ်းလွန်နေပြီနော်"

ဧရာမ အပြာရောင်ငါးကြီးက အငြိုးတကြီးဖြင့် ပြောသည်။

ချန်ထျန်းယွမ်ကိုယ်တိုင်တောင် သူတို့ကို ထိုမျှအထိ မညှဉ်းပန်းခဲ့ဖူးချေ။

"သေရမှာ ကြောက်ရင်တော့ စွမ်းအင်တွေကို ငြိမ်ငြိမ်လေး စုပ်ယူလိုက်ပါ။ ဖွဲ့စည်းပုံက မင်းတို့ကို အသက်မဲ့သွားအောင် စုပ်ယူလိုက်ရင် ငါ့ကို မအပြစ်တင်နဲ့"

ချန်ကျီရှင်းမှာ စာဖတ်ခြင်းကိုသာ ဆက်လုပ်နေသည်။

ငါးကြီး၏ မျက်လုံးများတွင် အငြိုးတရားများ တောက်လောင်နေသော်လည်း ပတ်ဝန်းကျင်ရှိ ချန်မိသားစုသားများ၏ အရိပ်ပေါင်းရာချီကို မြင်လိုက်ရသည့်အခါ သူသည် ရေကန်၏ အနက်ရှိုင်းဆုံးနေရာသို့ ပြန်လည်ဆုတ်ခွာသွားရသည်။

စာဖတ်နေသော ချန်ကျီရှင်းမှာမူ ပြုံးစစဖြင့် "မင်းတို့ ထွက်ပြေးဖို့ ကြိုးစားဦးမလား။ ငါ အိမ်မှာမရှိတဲ့အချိန်မှာ အသက်စွန့်ပြီး တိုက်ခိုက်ကြည့်ပါလား" ဟု လှောင်ပြောင်လိုက်သည်။

အိမ်ခေါင်မိုးပေါ်မှ ပီရှူးရုပ်တုမှာမူ အရှက်တကွဲမဖြစ်စေရန် မျက်လုံးများကိုသာ မှိတ်ထားလိုက်သည်။

သူတို့သည် နှစ်ပေါင်း နှစ်ထောင်ကျော် စိတ်ရှည်စွာ သည်းခံခဲ့ကြသူများဖြစ်ရာ ယခုလို ကလေးတစ်ယောက်၏ ရူးသွပ်သော လုပ်ရပ်ကြောင့် အသက်ပေးရန် မလိုပေ။

"ဟုတ်တယ်လေ။ မင်းတို့က နှစ်ပေါင်းထောင်ချီ သည်းခံနိုင်ခဲ့တာပဲ။ အသက်အန္တရာယ် မရှိသရွေ့တော့ ဘာမဆို သည်းခံနိုင်မှာပေါ့။ သည်းမခံနိုင်တဲ့သူတွေကတော့ လွန်ခဲ့တဲ့ နှစ်ပေါင်းနှစ်ထောင်ထဲမှာတင် အကုန်သေကုန်ကြပြီ"

ချန်ကျီရှင်း၏ စကားမှာ အလွန်ပင် ထိရှလှသည်။

"ကောင်လေး မင်းရဲ့ ဘိုးဘေး ချန်ချန်ဖုန်းတောင် ဒီလိုစကားမျိုး မပြောခဲ့ဘူး"

အရိပ်ထဲမှ အသံတစ်သံ ထွက်ပေါ်လာသည်။

"မင်း ငါတို့ကို တကယ် အသက်စွန့်တိုက်ခိုက်အောင် ဖိအားပေးရင် ဒီဇီဝေနယ်မြေကြီး ပျက်စီးသွားလိမ့်မယ်"

"ငါ အဲဒါကိုပဲ မျှော်လင့်နေတာ"

စာဖတ်နေသော ပညာရှိပုံစံ ချန်ကျီရှင်းမှာ ဆက်ပြုံးနေသည်။

သူ၏ အပြုအမူများက မိစ္ဆာကြီးများကို ပိုမို ဒေါသထွက်စေသည်။

သူတို့သည် ချန်ထျန်းယွမ်၏ ရိုက်နှက်ခြင်းကိုပင် လွမ်းဆွတ်လာကြသည်။

အနည်းဆုံးတော့ ထိုလူအိုကြီးက သူတို့၏ ရိုးတွင်းခြင်ဆီအထိ စုပ်ယူခြင်း မပြုခဲ့ပေ။

ထိုအချိန်တွင် အိမ်ခေါင်မိုးပေါ်မှ စာငှက်ကလေးတစ်ကောင်က ခေါင်းထွက်ကာ ကြည့်လိုက်သည်။ ၎င်းက ချန်ကျီရှင်း၏ ကျင့်စဉ်ကို သံသယဝင်နေသည်။

ဒီကလေးက သူ့ကျင့်စဉ်လမ်းကြောင်းအကြောင်း သိရဲ့လား။ ချန်ချန်ဖုန်းရဲ့ ငါးမျိုးဆက် ကျင့်စဉ်က သာမန်ထာဝရအသက်ရှည်ခြင်း ကျင့်စဉ်ပဲ။ သူ ဒီထက်မကတဲ့ အဆင့်တွေအကြောင်း မသိဘူး။ ငါတို့ သူ့ကို သတိပေးသင့်မလား။ ဒီအတိုင်းဆက်သွားရင် သူ သေချာပေါက် ကျဆုံးလိမ့်

မယ်။

စာငှက်က ထိုသို့ တွေးနေမိသည်။

ချန်ကျီရှင်းသည် ထိုစာငှက်ကို မော့ကြည့်ကာ ပြုံးလိုက်သည်။

"မင်း ငါ့ကို ဘယ်လို လှည့်စားဖို့ ကြံနေတာလဲ"

စာငှက်မှာ ကြောက်လန့်တကြား ပုန်းကွယ်သွားသည်။

ချန်ကျီရှင်းသည် ထိုအရာများကို ဂရုမစိုက်ဘဲ ပြန်လည်မြှုပ်နှံခြင်းစာအုပ်ကိုသာ အေးဆေးစွာ ဖတ်ရှုနေသည်။ သူခွဲထုတ်ထားသော စိတ်စွမ်းအားများမှာလည်း သူတို့တာဝန်ကို ကိုယ်စီကျေပွန်စွာ ထမ်းဆောင်နေကြသည်။

သူသည် ဇီဝေ နတ်ဘုရား တားမြစ်ဇုန်၏ စွမ်းအားကို အပြည့်အဝ ပိုင်ဆိုင်ထားသူဖြစ်ရာ ထိုမိစ္ဆာများမှာ သူ့ကို ဘာမျှမလုပ်နိုင်ပေ။

သူသည် ဆံညှပ်နေရာတွင် အပြာရောင် ချိုးငှက်ဓားငယ်လေးကို တပ်ဆင်ထားသည်။ သူ၏လက်ထဲတွင် ရွှမ်ထျန်းမသေမျိုး မှန်ချပ်ကို ကိုင်ထားရင်း မှန်ထဲတွင် ပေါ်နေသော သူ၏ပုံရိပ်ကို ငေးကြည့်နေသည်။

မှန်ထဲတွင် ပေါ်နေသည်မှာ လူမဟုတ်ဘဲ မည်းမှောင်သော မီးတောက်များဖြင့် လောင်ကျွမ်းနေသည့် ပရမ်းပတာ စွမ်းအင်အစုအဝေးကြီးပင်။

"ဒီမှန်က တဖြည်းဖြည်းနဲ့ ပိုပြီး ထူးဆန်းလာပြီ"

ရွှမ်ထျန်းမှန်မှာ သာမန်လက်နက်မဟုတ်ဘဲ မသေမျိုးတို့၏ အသက်ကို စုပ်ယူပြီး ပြောင်းလဲနေသော အရာဖြစ်သည်။ ၎င်းကို အပြည့်အဝ ပြုပြင်မွမ်းမံပြီးပါက အဆင့်မြင့်မားသော အတားအဆီးများကို ကျော်ဖြတ်နိုင်မည်ပင်။

ချန်ကျီရှင်းမှာ နောက်ထပ် (၁၀) နှစ်အတွင်း ၎င်းကို အပြည့်အဝ ပိုင်ဆိုင်နိုင်လိမ့်မည်ဟု ယုံကြည်နေသည်။

"အထွတ်အထိပ်အဆင့် (၇) ရောက်ရင်တော့ ငါ သေချာပေါက် မသေမျိုး ဖြစ်လာလိမ့်မယ်။ အဲဒီအခါကျရင် မသေမျိုး စစ်စစ်တစ်ယောက် ဖြစ်လာမှာပဲ"

ထာဝရအသက်ရှည်ခြင်းခြင်း၏ အဆင့်များကို ကျော်ဖြတ်ရန်မှာ ခက်ခဲလှသည်ဟု သူတို့ ပြောကြသော်လည်း ချန်ကျီရှင်းအတွက်မူ ထိုအဆင့်မှာ အဓိက မဟုတ်ပေ။

သူ၏ လမ်းကြောင်းမှာ ရှင်းလင်းနေပြီး သူသည် မည်သည့်အခါမျှ အထွတ်အထိပ်အဆင့်၌ ရပ်တန့်နေမည် မဟုတ်ကြောင်း ယုံကြည်စိတ်ချစွာပင် တွေးတောနေသည်။

နွေဦးပေါက်ပြီး ဆောင်းဦးရောက်လာကာ အချိန်များမြန်ဆန်စွာ ကုန်လွန်သွားခဲ့ပြီး တစ်နှစ်တာကာလကို မျက်စိတစ်မှိတ်အတွင်းမှာပင် ဖြတ်သန်းခဲ့ရသည်။

ထိုတစ်နှစ်အတွင်းတွင် ချင်ကျန်းကျန်း၏ ဆရာဖြစ်သူ ချင်ရီမှာ အလွန်ပင် လှုပ်ရှားကာ တက်ကြွနေသည်။

ကမ္ဘာသစ်ကူးပြောင်းမှုဟု အကြောင်းပြကာ တောင်ပိုင်းဒေသရှိ ငါးမျိုးစုံဂိုဏ်း၊ ကျီယမ်ဂိုဏ်း၊ ကောင်းကင်နှလုံးသားဂိုဏ်း၊ နတ်ဘုရားကြောင်ဂိုဏ်းနှင့် သံဓားဂိုဏ်း စသည့် ဂိုဏ်းပေါင်းများစွာကို စုစည်းခဲ့သည်။

သူမသည် အင်မော်တယ် တာအို စုဝေးပွဲဟုခေါ်သော အစီအစဉ်တစ်ခုကို ကျင်းပပြီး ဂိုဏ်းငယ်များကို စုစည်းကာ အပြန်အလှန် အကြံဉာဏ်များ ဖလှယ်စေခဲ့သည်။

ထိုအကြောင်းကြောင့်ပင် ချင်ကျန်းကျန်းသည် သူတော်စင်နန်းတော်၏ အစီအစဉ်တစ်ခုဖြစ်သည့် အင်မော်တယ် စုဝေးပွဲအတွက် လိုအပ်သော စိတ်ကြည်နူးမှု ဝိညာဉ်ဆေးလုံးကို ရရှိရန် ဇီဝေတောင်သို့ အထူးလာရောက်ခဲ့သည်။

ထိုမိန်းကလေးငယ်က လဲလှယ်ပေးခဲ့သည်မှာ ကျင့်ကြံသူတို့၏ စိတ်ကို ငြိမ်သက်စေပြီး ဝိညာဉ်ကို သန့်စင်ပေးနိုင်သော နှစ်ပေါင်း တစ်သောင်းသက်တမ်းရှိ နွေးထွေးသော ကျောက်စိမ်းဖြစ်သည်။

၎င်းသည် မှော်စွမ်းအားကို သန့်စင်ပေးနိုင်သလို ခန္ဓာကိုယ်တွင်းရှိ အဆိပ်အတောက်များကို ပြေပျောက်စေသော အာနိသင်လည်း ရှိသည်။

ထိုနွေးထွေးသော ကျောက်စိမ်းကို ချန်ကျီရှင်းက သူ၏ဖခင် ချန်ထျန်းလျန်ထံ ပေးအပ်လိုက်သည်။ ချန်ထျန်းလျန်၏ ကျင့်ကြံမှုအရည်အချင်းမှာ မညံ့လှပေ။ ဒဏ်ရာများ ပျောက်ကင်းပြီးနောက် နှစ်ပေါင်းများစွာ ဆေးဝါးများ လုံလောက်စွာ ရရှိခဲ့သဖြင့် သုံးလအကြာတွင် နိဗ္ဗာနအဆင့်သို့ အောင်မြင်စွာ ကျော်ဖြတ်နိုင်ခဲ့သည်။

သူသည် ဇီဝေတောင်ပေါ်တွင် ချန်အမည်ရှိသော စတုတ္ထမြောက် နိဗ္ဗာနအဆင့် ကျင့်ကြံသူ ဖြစ်လာခဲ့သည်။

ချန်ကျီရှင်း၊ ချန်ကျောက်ရှင်း၊ ချန်ထျန်းလျန်နှင့် ချန်ချိုးအာတို့ပင်။

ချန်ချိုးအာ၏ ကျင့်ကြံမှုမှာလည်း နိဗ္ဗာနအဆင့်သို့ ရောက်ရှိသွားခဲ့သည်။

ဤသတင်းကို ကြားရသောအခါ ချန်ကျီရှင်းပင် အံ့အားသင့်သွားခဲ့သည်။ ချန်ချိုးအာမှာ မှော်အတတ်ဆိုးများကို ကျင့်ကြံနေသူ ဖြစ်ကာ ထိုသို့သော ကျင့်စဉ်မျိုးတွင် နိဗ္ဗာနအဆင့်မှာ အခက်ခဲဆုံး အတားအဆီးတစ်ခုဖြစ်ပြီး လူအများစုမှာ စစ်မှန်သောကိုယ်ပိုင်နယ်ပယ်အဆင့် ကိုးဆင့်မျှသာ ရောက်ရှိနိုင်ကြသည်။

ချန်ကျီရှင်းက သူ့ကို နိဗ္ဗာနအဆင့် တစ်ဝက်မျှသာ မျှော်လင့်ထားခဲ့သော်လည်း သူက အမှန်တကယ်ပင် ကျော်ဖြတ်နိုင်ခဲ့သည်။

ဤသတင်းကြောင့် ချန်ကျီရှင်း ဝမ်းသာသွားပြီး မီးလျှံပန်းစေ့များစွာကို သူတော်စင်နန်းတော်သို့ ပို့ဆောင်ကာ စိတ်ကြည်နူးမှု ဝိညာဉ်ဆေးလုံးများ ထုတ်လုပ်စေခဲ့သည်။

နိဗ္ဗာနအဆင့် အစောပိုင်းတွင် အခြားသူများမှာ အစာမကြေဖြစ်တတ်သော်လည်း ချန်ချိုးအာမှာမူ ထိုပြဿနာမျိုး မရှိပေ။

သူခံစားရသည့် နာကျင်မှု များလေလေ သူ၏ ကျင့်စဉ်တိုးတက်မှု မြန်လေလေ ဖြစ်သည်။ နာကျင်မှုကြောင့် ကိုယ်တွင်းကြောများ ပေါက်ပြဲခြင်းမှာ နိဗ္ဗာနအဆင့်ရောက်နေသည့် ချန်ချိုးအာအတွက် ခြိမ်းခြောက်မှု မဟုတ်တော့ပေ။

ချန်ချိုးအာ နိဗ္ဗာနအဆင့်သို့ ရောက်သောအခါ ချန်ကျီရှင်းက လမ်းညွှန်မှုအချို့ ပေးခဲ့သည်။ ထိုသူမှာ သာမန် နိဗ္ဗာနအဆင့်ရှိသူတို့၏ သွေးသားပြန်လည်မွေးဖွားခြင်းထက်ပင် သတ်ရခက်ကြောင်း တွေ့ရှိခဲ့ရသည်။

နာကျင်လေ ပိုသန်မာလေဖြစ်ပြီး နိဗ္ဗာနအဆင့်တွင် သွေးတစ်စက်မျှရှိနေလျှင်ပင် ပြန်လည်မွေးဖွားနိုင်သည်။

ချန်ကျီရှင်းမှာ သူ၏ ခွန်အားကို ချန်ကျောက်ရှင်းနှင့် မခြားနားဘူးဟု သတ်မှတ်လိုက်သည်။ "တကယ်ကို ကြောက်စရာကောင်းတဲ့ ကောင်ပဲ" ဟု သူက ရေရွတ်လိုက်သည်။

သူ့ရဲ့ တိုးတက်မှုနှုန်းကတော့ တကယ့်ကို အဆုံးအစမရှိတာပဲ။

ငါ့ရဲ့ ခန့်မှန်းချက်အရဆိုရင် ချန်ချိုးအာသာ နိဗ္ဗာနအဆင့် (၄) ဒါမှမဟုတ် အဆင့် (၅) ကို ရောက်သွားခဲ့ရင် သူ့ရဲ့ အဆုံးစွန်သော စွမ်းအားတွေကို အပြည့်အဝ ထုတ်လွှတ်နိုင်လိမ့်မယ်။

ဒါပေမဲ့... ချန်ချိုးအာအနေနဲ့ နောင်တစ်ချိန်မှာ အထွတ်အထိပ်အဆင့်ကို လှမ်းတက်ပြီး ဒီ နာကျင်မှုလမ်းစဉ်နဲ့ပဲ ထာဝရအသက်ရှည်ခြင်းလမ်းကြောင်းကို တကယ် ကျော်လွန်သွားနိုင်ပါ့မလား။

သူက ခေါင်းကို ဖြည်းညှင်းစွာ ခါယမ်းရင်း သက်ပြင်းချကာ ရေရွတ်လိုက်မိသည်။

"ဒီဘက်ခေတ်ကြီးထဲမှာ... နာကျင်မှုလမ်းစဉ်ကို ကျင့်ကြံပြီး ထာဝရအသက်ရှည်ခြင်းလမ်းကြောင်းကို ကျော်လွန်နိုင်ခဲ့တဲ့သူမျိုးက တကယ်ပဲ မရှိသလောက်ကို ရှားပါးသွားပြီပဲ..."ဟု သူက တွေးမိသည်။

ထိုအချက်ကြောင့် ချန်ကျီရှင်းမှာ ချန်ချိုးအာ၏ ကျင့်ကြံမှုအတွက် အရင်းအမြစ်များကို ရက်ရက်ရောရော ရင်းနှီးမြှုပ်နှံတော့သည်။

သူ၏ဖခင် ချန်ထျန်းလျန်ပင်လျှင် ချန်ကျီရှင်းက သူ၏ဖခင်ကို တခြားသူနှင့် မှားနေသလားဟု နောက်ပြောင်ပြောဆိုလာသည်အထိပင်။

ချန်ကျီရှင်းကမူ ရယ်မော၍သာ တုံ့ပြန်လိုက်သည်။

ဇီဝေချန်မိသားစုမှာ အခုအချိန်မှာ အထွတ်အထိပ်အဆင့်ရှိတဲ့ တိုက်ခိုက်သူတစ်ယောက် အရေးပေါ် ပိုလိုအပ်နေတာ။

ချန်ထျန်းယွမ်ကလည်း ဘယ်တော့ပြန်လာမလဲ မသိရသေးသလို ချန်တောက်ယန်ဆီကလည်း ဘာသတင်းမှ မကြားရဘူး။

ချန်ကျောက်ရှင်းကလည်း အထွတ်အထိပ်အဆင့်ကို ရောက်ဖို့ဆိုရင် အနည်းဆုံး အနှစ် ၃၀ ဒါမှမဟုတ် ၄၀ လောက် လိုသေးတာ။

ဒီလို အခြေအနေမျိုးမှာ... ချန်ချိုးအာကို အားမကိုးလို့ ဘယ်သူ့ကို သွားအားကိုးရမှာလဲ။ ဟို မြွေကြီးကို သွားအားကိုးရမှာလား... မဖြစ်နိုင်တာ။

တတိယမြောက် တောင်ထိပ်ရှိ ကြာကန်ဘေးတွင် လက်ဖက်ရည်သောက်နေသော ချန်ကျီရှင်းထံသို့ မြွေဖြူတစ်ကောင် ရေထဲမှ ရုတ်တရက် ပေါ်လာသည်။

"အဟမ်း ငါလည်း အထွတ်အထိပ်အဆင့်ကို ရောက်တော့မယ်။ အဲဒီဆေးလုံးတွေထဲက တစ်လုံးလောက် ရနိုင်မလား"

ချန်ကျီရှင်း "…"

အံ့ဩစရာကောင်းလိုက်တာ...

အထွတ်အထိပ်အဆင့်ကို ရောက်ခါနီးနေတဲ့သူတွေက ငါ လုံးဝမျှော်လင့်မထားတဲ့သူတွေချည်းပဲ ဖြစ်နေကြတာလား။

လီရွှမ်းနဲ့ ရှဲ့ပေါ်တို့တောင် နောက်ထပ် ၄၅ နှစ်လောက် သွေးချွေးကျအောင် ကြိုးစားရဦးမယ်လို့ ပြောနေကြတာကို ဟိုမြွေကြီးကကျတော့ အခုချက်ချင်း အဆင့်တက်တော့မယ်တဲ့လား။

မရပါဘူး... ငါက ဘာဖြစ်လို့ ပေးရမှာလဲ။ လုံးဝမပေးနိုင်ဘူး

သူ၏ အကြည့်မှာ မနှစ်မြို့ကြောင်း သိလိုက်သည်နှင့် မြွေဖြူမလေးမှာ ကန်ထဲသို့ ပြန်ဆုတ်သွားသည်။

"ထွက်မပြေးနဲ့"

မြွေဖြူမလေး "အား….ဒီအကောင်ကတော့……."

"မင်း အထွတ်အထိပ်အဆင့် ရောက်တော့မယ်လို့ ပြောလိုက်တာလား"

မြွေဖြူ၏ ခေါင်းကြီးက အမြန်ညိတ်ပြပြီး အမြီးကို ဝှေ့ယမ်းကာ "ချီးကျူးပါ ချီးကျူးပါ" ဟု ပြောနေသယောင်ပင်။

ချန်ကျီရှင်း "….."

ကံဆိုးလိုက်တာ…

သူသည် ဆေးပုလင်းတစ်လုံးကို ပစ်ပေးလိုက်သည်။

မြွေဖြူမလေးက တစ်လုံးချင်းမျိုချပြီးနောက် ချန်ကျီရှင်း သက်ပြင်းချလိုက်သည်။

"ပြီးရင် မင်း ဘာလုပ်ဖို့ စီစဉ်ထားလဲ"

မြွေဖြူမလေး "…."

သူမသည် ကန်ထဲသို့ ပြန်ဆုတ်သွားပြီး ဇီဝေတောင်ပေါ်တွင်ပင် မနေချင်တော့သလို ဖြစ်နေသည်။

"ငါ မင်းရဲ့ စောင်အောက်ကို တွားသွားမှာ မဟုတ်ဘူး ဒါကြောင့် ငါ့ကို လှောင်မထားနဲ့"

ချန်ကျီရှင်း "….."

ချန်ကျီရှင်းက စိတ်ရှုပ်ထွေးစွာ ကြည့်လိုက်ပြီး အတင်းပြုံး၍ ပြောလိုက်သည်။

"ငါ ဘာလို့ မင်းကို အကြောင်းမဲ့ လှောင်ထားရမှာလဲ။ ငါမေးတာက မင်း အထွတ်အထိပ်အဆင့် ရောက်ပြီးရင် ဘာဆက်လုပ်မလဲလို့။ တောင်အောက်ဆင်းပြီး ကျင့်ကြံမလား ဒါမှမဟုတ် မြောက်ပိုင်းဒေသကို ပြန်ပြီး တောင်ပိုင်ရှင် ပြန်လုပ်မလား"

ငါ့ကို မလှောင်ထားဘူးဆိုတာ သေချာလား။

“…..”

“ဒါဆို ငါ ဒီတောင်ပေါ်မှာပဲ နေတော့မယ်"

"ဟင်"

ချန်ကျီရှင်း အံ့ဩသွားသည်။

"ဒီမှာနေရတာ သက်သောင့်သက်သာ ရှိတယ်။ ရန်သူတွေ လာတိုက်ရင်တော့ ငါ ပြေးမှာပေါ့"

ချန်ကျီရှင်း "……"