အခန်း ၁၂၂

အခန်း(၁၂၂) ဓားဖြင့် တာအိုကိုဝင်စား၊ ငါသည် အနိုင်မရှိ။

အချိန်ကား တစ်နာရီမျှသာ ကြာမြင့်သွားချေသည်။

ရှောင်ပီလီ၏ ခန္ဓာကိုယ်မှ အဆက်မပြတ် မြင့်တက်လာနေသော အရှိန်အဝါတို့မှာ ဖြည်းဖြည်းချင်း ငြိမ်သက်သွား၏။

ယခုအခါတွင် သူ၏ချီစွမ်းအင်တို့မှာ ဤလောကနှင့် အချိန်တိုင်း ချိတ်ဆက်နေပြီး အသက်ရှူတိုင်းတွင် မူလချီစွမ်းအင် အမြောက်အမြားတို့မှာ သူနှင့်အတူ လှိုင်းထန်နေသည်။

“အခုမှပဲ စစ်မှန်တဲ့ ကောင်းကင်လူသား ဆိုတာ ဘာလဲဆိုတာ ငါသိတော့တယ်”

ရှောင်ပီလီ ထရပ်လိုက်သည်။

အက်... အက်...

သူ၏ ခန္ဓာကိုယ်ထဲမှ အရိုးတို့ ပွတ်တိုက်သံ ထွက်ပေါ်လာ၏။

ကောင်းကင်လူသား နယ်ပယ်သို့ ရောက်ရှိပြီးနောက် မိမိ၏ သေးငယ်သော ကမ္ဘာကို အသုံးပြု၍ ပတ်ဝန်းကျင်ရှိ ကြီးမားသော ကမ္ဘာနှင့် ပဲ့တင်ရိုက်ခတ်နိုင်ပြီး ကောင်းကင်နှင့် မြေကြီး၏ စွမ်းအားကို ငှားရမ်းကာ မိမိ၏ သိုင်းပညာကို အစွမ်းကုန် ထုတ်ဖော်နိုင်ပေသည်။

ကောင်းကင်လူသား နယ်ပယ်သို့ ရောက်ရှိနေသော်လည်း ကောင်းကင်နှင့် လူသား တစ်လုံးတစ်ဝတည်း ဖြစ်သည့် အခြေအနေမျိုးကို တက်ကြွစွာ ဝင်ရောက်ဖို့ လိုအပ်နေသေးသည်။

သို့သော်လည်း ကောင်းကင်လူသား နယ်ပယ်၏ အထွတ်အထိပ်သို့ ရောက်ရှိသွားသောအခါ ပတ်ဝန်းကျင်ရှိ လောကနှင့် အမြဲတစေ အထူးအခြေအနေတစ်ခုတွင် ရှိနေတော့သည်။

“ကွေ့ယွမ်ကျမ်း ကို ဒီအဆင့်ထိ ကျင့်ကြံတာက ကွေ့ယွမ်နယ်ပယ်ရဲ့ လိုအပ်ချက်ကို ပြည့်မီဖို့အတွက် လုံလောက်သင့်တယ်”

“ဒါပေမဲ့ အခုတော့ ကွေ့ယွမ်နယ်ပယ်နဲ့ပတ်သက်တဲ့ ခံစားချက် ဘာမှမရှိဘူး။ ဒီလောကရဲ့ အမြင့်ဆုံးအဆင့်က ဟွမ်ယီ ဝတ္ထုထဲက လောကထက် ပိုမြင့်နေတာများလား”

ရှောင်ပီလီ ဂရုတစိုက် တွေးတောရင်း ကျယ်လောင်စွာ ရေရွတ်လိုက်သည်။

သို့သော်လည်း သူ အသေအချာ မပြောနိုင်ပေ။ ဟွမ်ယီ၏ ဝတ္ထုထဲတွင် ခို နှင့် ရှု တို့သာလျှင် ချန်ရှန့်ကျင့်စဉ် ကို ကျင့်ကြံခဲ့သည်။ သူတို့နှစ်ယောက်မှာလည်း ပုံစံတစ်ခုကိုသာ ကျင့်ကြံခဲ့ပြီး သူတို့၏ အောင်မြင်မှုမှာ သိုင်းဆရာကြီး နှင့် မဟာဆရာသခင်ကြီး အဆင့်မျှသာ ဖြစ်သဖြင့် သူ့၏ လက်ရှိအခြေအနေနှင့် လုံးဝ မနှိုင်းယှဉ်နိုင်ပေ။

ချန်ရှန့်ကျင့်စဉ် နှင့် ရုပ်ခန္ဓာကို ချန်ရစ်ခဲ့သော ကွမ်ချန်ကျီ အကြောင်းမှာလည်း ဒဏ္ဍာရီထဲက လူပုဂ္ဂိုလ်များနှင့် ဆက်စပ်နေသဖြင့် ဆက်စပ်တွေးတောရန် ခက်ခဲလှသည်။

သို့သော်လည်း ချန်ရှန့်ကျင့်စဉ် ကို အထွတ်အထိပ်အထိ ကျင့်ကြံပြီးသော်လည်း ဤလောကတွင် ကွေ့ယွမ်နယ်ပယ်သို့ ရောက်ရှိရန် အလွန်ခက်ခဲလိမ့်မည်ဟု သူ အသေအချာ ယုံကြည်နေသည်။

“အခု ငါ့ရဲ့ဓားကို နားလည်မှုက လက်ရှိ နယ်ပယ်နဲ့ မထိုက်တန်သေးဘူး”

ရှောင်ပီလီ ခပ်အုပ်အုပ် သက်ပြင်းချလိုက်သည်။

ထိုစဉ်က သူသည် ရွှယ်ကျိုး ထက် အဆင့်အနည်းငယ် နိမ့်ကျနေသော်လည်း အဆင့်(၅) ကျွမ်းကျင်သူများကြားတွင် လွတ်လပ်စွာ သွားလာနိုင်သော ကြံ့ခိုင်မှု သိုင်းပညာနှင့် သူ၏ ဓားသိုင်းကို အားကိုးကာ ရွှယ်ကျိုးကို သတ်ဖြတ်နိုင်ခဲ့သည်။

သိုင်းလောကတွင် နာမည်ကြီးသော ကောင်းကင်လူသား ကျွမ်းကျင်သူများထဲတွင် နှစ်ပေါင်း ဆယ်ဂဏန်း သို့မဟုတ် ရာဂဏန်းမျှ မိမိကိုယ်ကို ပုံသွင်းပြီးမှသာ အဆင့်(၂) ကောင်းကင်လူသား နယ်ပယ်သို့ ဝင်ရောက်လာသူများ မည်သူရှိသနည်း။

သူတို့၏ သိုင်းပညာတို့မှာ အထွတ်အထိပ်သို့ ရောက်ရှိနေပြီဖြစ်ပြီး တချို့ဆိုလျှင် ဓားတာအိုတွင် သူထက် ပိုမိုမြင့်မားသော အောင်မြင်မှုများပင် ရှိကြသည်။

“ကံကောင်းတာက ကောင်းကင်ဓား ကျင့်စဉ်(၈)ရပ် နဲ့ အအေးဒဏ်အံတု ကျင့်စဉ်(၆)ရပ် ကို အဆင့်မြှင့်လို့ ရသေးတယ်”

“ကောင်းကင်ဓား ကျင့်စဉ်(၈)ရပ်ရဲ့ နောက်ဆုံးဓားက စစ်မှန်တဲ့ ကောင်းကင်ဓားလို့ ခေါ်ဆိုနိုင်ပြီး အတွေ့အကြုံ အများကြီး မလိုလောက်ဘူး”

“ကောင်းကင်ဓား ကျင့်စဉ်(၈)ရပ် ကို အဆင့်မြှင့်ဖို့အတွက် ကျင့်ကြံမှုအမှတ် ငါးသောင်း သုံးလိုက်မယ်”

သူ၏ လက်ရှိ ဓားတာအို အောင်မြင်မှုဖြင့်ဆိုလျှင် ကောင်းကင်ဓား ကျင့်စဉ်(၈)ရပ် ကို ကိုယ်တိုင် ကျင့်ကြံသော်လည်း အမြန်ဆုံး တိုးတက်လာနိုင်သည်။ မိမိကိုယ်တိုင် ကျင့်ကြံရာတွင် အခက်အခဲနှင့် ကြုံမှသာ ကျင့်ကြံမှုအမှတ်ကို အသုံးပြု၍ အဆင့်မြှင့်ခြင်းမှာ အထိရောက်ဆုံး ဖြစ်ပေလိမ့်မည်။

သို့သော် သူ့တွင် ကျင့်ကြံမှုအမှတ် ရှိနေသဖြင့် သူစိတ်ကြိုက် လုပ်ဆောင်မည်။

တကယ်လို့ အဆင်မပြေဘူးဆိုရင် ဧရာမဝိညာဉ်ဂိုဏ်း ကို သွားပြီး ဖျက်ဆီးပစ်ရုံပဲ။

ဧရာမဝိညာဉ်ဂိုဏ်း က ကမ္ဘာ့ဂိုဏ်းကြီး ၆ ဂိုဏ်း ထဲက တစ်ခု ဖြစ်သော်လည်း အဆင့်(၂) အထွတ်အထိပ် ကျွမ်းကျင်သူ တစ်ယောက်သာ ရှိသည်။

အခုဆိုရင် သူတို့သာလျှင် ကြောက်ရွံ့နေရမည့် အချိန်ဖြစ်သည်မှာ သေချာသည်။

【ကောင်းကင်ဓား ကျင့်စဉ်(၈)ရပ် (၅၅/၁၀၀)】

ဘုန်း။

ချက်ချင်းပင် ကောင်းကင်ဓား ကျင့်စဉ်(၈)ရပ် နှင့် ပတ်သက်သော ကျင့်ကြံမှု အတွေ့အကြုံ အမြောက်အမြားတို့မှာ ရှောင်ပီလီ၏ စိတ်ထဲသို့ စီးဝင်လာပြီး သူ၏ နားလည်သဘောပေါက်မှုတို့မှာ အလျင်အမြန် တိုးတက်လာသည်။

သူသည် ဓားတာအိုနှင့် ပတ်သက်ပြီး ကွဲပြားသော နားလည်မှုကိုပင် ရရှိသွား၏။

ခဏအကြာတွင် ရှောင်ပီလီ ခေါင်းခါလိုက်သည်။

“ကောင်းကင်ဓား ကျင့်စဉ်(၈)ရပ် ကို အဆင့်မြှင့်ဖို့အတွက် ကျင့်ကြံမှုအမှတ် လေးသောင်းငါးထောင် သုံးလိုက်မယ်”

【ကောင်းကင်ဓား ကျင့်စဉ်(၈)ရပ် (အထွတ်အထိပ်)၊ ဓားဖြင့် တာအိုကိုဝင်စား။】

ဘုန်း။

ကောင်းကင်ဓား ကျင့်စဉ်(၈)ရပ် သည်အထွတ်အထိပ် အဆင့်သို့ ရောက်ရှိသွားသောအခါ ရှောင်ပီလီ၏ ခန္ဓာကိုယ်မှ ပြတ်သားသော ဓားစိတ်ဆန္ဒတို့ ပေါ်ထွက်လာသည်။ သို့သော်လည်း ဤဓားစိတ်ဆန္ဒတို့မှာ သူ၏ ခန္ဓာကိုယ်ပတ်လည်တွင်သာ စုစည်းနေပြီး ပြန့်မသွားချေ။

တူညီသော ခြံဝင်းအတွင်းရှိ သွေးဝတ်ရုံခန်းမဆောင်မှ လုပ်ကြံသတ်ဖြတ်သူများပင်လျှင် ဤပြတ်သားသော ဓားစိတ်ဆန္ဒကို မသတိထားမိလိုက်ကြပေ။

ရှောင်ပီလီ၏ ခန္ဓာကိုယ်ပေါ်မှ ဓားစိတ်ဆန္ဒတို့မှာ ဆက်တိုက် စုစည်းလာပြီးနောက်။

ရှောင်ပီလီသည် ဓားတစ်လက်ကဲ့သို့ တံခါးကို ဖောက်ထွက်ကာ လျှိုဟွာကန် ဆီသို့ ဦးတည်သွားတော့သည်။

နောက်တွင်မူ တွေဝေနေသော သွေးဝတ်ရုံခန်းမဆောင်မှ လုပ်ကြံသတ်ဖြတ်သူ အနည်းငယ်သာ ကျန်ရစ်ခဲ့သည်။

---

ထိုအချိန်တွင်။

ကျန်းရွှမ်မင်၏ ရွှေဖလားနှင့် လက်ဆေးအငြိမ်းစားယူခြင်း အခမ်းအနားတွင် ဖြစ်ပျက်ခဲ့သော အကြောင်းအရာတို့မှာ မန်ဟွာခရိုင် တစ်ခုလုံးသို့ ပျံ့နှံ့သွားပြီဖြစ်သည်။

မန်ဟွာခရိုင် မှ မြင်းမြန်များ၊ စာပို့ခိုများမှာ အရပ်မျက်နှာ အသီးသီးသို့ ပျံနှံ့သွားကာ သတင်းများကို ပို့ဆောင်နေကြသည်။

ကျန်းနန်ပြည်နယ် တစ်ခုလုံး တုန်လှုပ်ချောက်ချားသွား၏။

ဧရာမဝိညာဉ်ဂိုဏ်းမှ အဆင့်(၂) ကောင်းကင်လူသား ကျွမ်းကျင်သူ၊ “စွမ်းအားရှင် ဝဇီရာ” ကျန်းယဲ့ မှာ သေဆုံးသွားပြီဖြစ်သည်။

ပြီးတော့ သွေးဝတ်ရုံခန်းမဆောင်မှ လုပ်ကြံသတ်ဖြတ်သူ တစ်ယောက်၏ လက်ချက်ဖြင့် သေဆုံးသွားခြင်းမှာ မယုံနိုင်စရာပင်။

“သွေးဝတ်ရုံခန်းမဆောင် က ကမ္ဘာ့နံပါတ် (၁) လုပ်ကြံသတ်ဖြတ်ရေး အဖွဲ့အစည်း ဆိုတဲ့ ဂုဏ်ပုဒ်နဲ့အညီ တကယ်ပဲ ကျွမ်းကျင်သူတွေ ရှိနေသေးတာပဲ”

“ဧရာမဝိညာဉ်ဂိုဏ်း က ကိုးဂိုဏ်းနှင့် ခြောက်ဂိုဏ်းစု ထဲမှာ သွေးဝတ်ရုံခန်းမဆောင် ကို စတင် တိုက်ခိုက်တဲ့ ဂိုဏ်းပဲ။ အခုတော့ အကြီးအကျယ် ဆုံးရှုံးသွားပြီ”

“ဟုတ်တယ်၊ အဆင့်(၂) ကျွမ်းကျင်သူ တစ်ယောက် ဆုံးရှုံးလိုက်ရတာ တန်ဖိုးအရမ်းကြီးတယ်”

“ဘာက တန်ဖိုးကြီးလို့လဲ။ နန်းတော်ရဲ့ မျက်စိကျခြင်းကို ခံလိုက်ရရင် ဧရာမဝိညာဉ်ဂိုဏ်း ခေါင်းဆောင် ကို အဆင့်(၁) သို့ ရောက်ရှိဖို့အတွက် ဆေးဝါးတွေတောင် ပေးအပ်နိုင်တယ်လေ”

“အဆင့်(၁) ကျွမ်းကျင်သူတွေက ဘယ်လောက်များများ ရှိလို့လဲ။ ကိုးဂိုဏ်းနှင့် ခြောက်ဂိုဏ်းစု ထဲမှာ စန်းယွမ်ဓားဂိုဏ်း ခေါင်းဆောင် တစ်ယောက်ပဲ အဆင့်(၁) သို့ ရောက်ရှိနိုင်တယ်လို့ ကြားတယ်”

“ဟဲဟဲ၊ မင်းတို့ ဘာသိလို့လဲ။ အဲ့ဒီ အဘိုးကြီးတွေက သူတို့ရဲ့ စွမ်းအားတွေကို ဖုံးကွယ်ထားကြတာ။ တကယ် တိုက်ခိုက်ပြီဆိုရင် အဆင့်(၁) ကျွမ်းကျင်သူ နှစ်ယောက် သုံးယောက်လောက် ထွက်လာနိုင်တယ်”

“ဟုတ်တယ်၊ လွန်ခဲ့တဲ့ နှစ်ပေါင်းကိုးဆယ်ကလည်း နန်းတော်က သွေးဝတ်ရုံခန်းမဆောင် မှာ အဆင့်(၁) ကျွမ်းကျင်သူ တစ်ယောက်ပဲ ရှိတယ်လို့ ပြောခဲ့တာပဲ”

“...”

လူအများအပြားမှာ ရွှေဖလားနှင့် လက်ဆေးအငြိမ်းစားယူခြင်း အခမ်းအနားတွင် ဖြစ်ပျက်ခဲ့သည့် အကြောင်းအရာများကို ဆွေးနွေးနေကြသည်။

သို့သော်လည်း ဆွေးနွေးမှု အများစုမှာ “စွမ်းအားရှင် ဝဇီရာ” ကျန်းယဲ့ သေဆုံးခြင်းနှင့် ပတ်သက်နေသည်။

မည်သို့ဆိုစေ အဆင့်(၂) ကောင်းကင်လူသား နယ်ပယ်မှ ကျွမ်းကျင်သူ တစ်ယောက် သေဆုံးခြင်းမှာ သိုင်းလောက တစ်ခုလုံးကို တုန်လှုပ်စေရန် လုံလောက်နေပြီဖြစ်သည်။

“တိုက်ခိုက်လိုက်တဲ့သူက လူငယ်တစ်ယောက်ပဲလို့ ကြားတယ်။ သူက သွေးဝတ်ရုံခန်းမဆောင် ရဲ့ နောက်ထပ် ကျွမ်းကျင်သူ “နတ်ဆိုးဓား” ရှောင်ပီလီ ထက် ပိုတော်ပါ့မလား”

“သေချာပေါက် သူက ပိုတော်မှာပေါ့။ “နတ်ဆိုးဓား” ရှောင်ပီလီ က ဘယ်လောက်ပဲ သန်မာပါစေ သူက မဟာဆရာသခင် တစ်ယောက်ပဲ။ အခုတစ်ယောက်က အဆင့်(၂) ကောင်းကင်လူသား ကို သတ်နိုင်တဲ့ သူရဲကောင်းပဲ”

“သွေးဝတ်ရုံခန်းမဆောင် က ကျဆင်းနေပြီလို့ လူတိုင်း ပြောနေကြပေမဲ့ အခုလို ကျွမ်းကျင်သူ နှစ်ယောက် ပေါ်လာတော့ ကျဆင်းတဲ့ လက္ခဏာ တစ်ခုမှ မရှိတော့ဘူး”

“ဟုတ်တယ်၊ ဒီလူကလည်း သိပ်ရက်စက်တယ်။ ပန်းပွင့်စိမ်းအိမ်တော်၊ ကျန်းအိမ်တော်၊ နောက်ပြီး ကျန်းနန်ပြည်နယ် ရဲ့ အရှေ့ဘက်စခန်း အထိတောင် ဖျက်ဆီးခံလိုက်ရတယ်လို့ ကြားတယ်”

“...”

---

ဤအချိန်တွင်။

လျှိုဟွာကန်။

ဧရာမဝိညာဉ်ဂိုဏ်း၏ ပင်မ ခံတပ်။

ကိုးဂိုဏ်းနှင့် ခြောက်ဂိုဏ်းစု ထဲက တစ်ခု ဖြစ်သော်လည်း ဧရာမဝိညာဉ်ဂိုဏ်း၏ အမွေအနှစ်မှာ နှစ်ပေါင်း သုံးလေးရာသာ ရှိသေးသည်။

သို့သော်လည်း ထိုနှစ်ပေါင်း သုံးလေးရာ အတွင်းတွင် အဆင့်(၂) ကောင်းကင်လူသား ကျွမ်းကျင်သူ အများအပြားကို မွေးထုတ်ပေးနိုင်ခဲ့ပြီး ဂိုဏ်းခြောက်ဂိုဏ်းစု ထဲတွင် ခိုင်မာသော နေရာတစ်ခုကို ရရှိထားသည်။

ကမ္ဘာ့ဂိုဏ်းကြီး ၆ ဂိုဏ်းမှာ ဂိုဏ်းကိုးဂိုဏ်း နှင့် မတူပေ။ ဂိုဏ်းကိုးဂိုဏ်းမှာ နှစ်ပေါင်း ထောင်ချီသော အမွေအနှစ် ရှိပြီး အခြေခံကောင်းသော ဂိုဏ်းများဖြစ်သည်။ ဂိုဏ်းမှ ကျွမ်းကျင်သူများ အကုန်မသေဆုံးသရွေ့၊ အမွေအနှစ် မပြတ်တောက်သရွေ့ သူတို့မှာ ကျဆင်းရန် ခက်ခဲသည်။

သို့သော်လည်း ကမ္ဘာ့ဂိုဏ်းကြီး ၆ ဂိုဏ်း ထဲတွင် ဆားဂိုဏ်း မှလွဲ၍ ကျန်သူများမှာမူ သိုင်းပညာတွင် ကျွမ်းကျင်ပြီး နောက်လိုက်များစွာကို ဆွဲဆောင်နိုင်သော ခေါင်းဆောင်တစ်ယောက်ကို အားကိုးကာ ပေါ်ပေါက်လာခြင်းဖြစ်သည်။ ခေါင်းဆောင်မှာ တစ်စုံတစ်ရာ ဖြစ်လာပါက သူတို့မှာ အလွယ်တကူပင် ပြိုကွဲသွားတတ်သည်။

ထို့ကြောင့်လည်း နှစ်ပေါင်းရာချီတိုင်းတွင် ဂိုဏ်းသစ်များ ပေါ်ပေါက်လာပြီး ဂိုဏ်းဟောင်းများကို အစားထိုးလေ့ ရှိကြသည်။

“စွမ်းအားရှင် ဝဇီရာ ကျန်းယဲ့ က ရွှေဖလားနှင့် လက်ဆေးအငြိမ်းစားယူခြင်း အခမ်းအနားမှာ တကယ်ပဲ သေဆုံးသွားတာလား”

“သွေးဝတ်ရုံခန်းမဆောင်”

“သွေးဝတ်ရုံခန်းမဆောင်”

ဧရာမဝိညာဉ်ဂိုဏ်း ခေါင်းဆောင် ယွီဖုန်း သည် သူ၏ လက်ထဲမှ ရရှိထားသော လင်းယုန် စာပို့သတင်းကို ကြည့်ရင်း သူ၏ မျက်နှာမှာ အလွန်ပင် မည်းမှောင်နေသည်။

လက်ရှိတွင် ဧရာမဝိညာဉ်ဂိုဏ်း တွင် သူနှင့် စွမ်းအားရှင် ဝဇီရာ ကျန်းယဲ့ ဆိုပြီး အဆင့်(၂) ကောင်းကင်လူသား ကျွမ်းကျင်သူ နှစ်ယောက်သာ ရှိသည်။ ဧရာမဝိညာဉ်ဂိုဏ်း နှင့် အနီးဆုံး ဖြစ်သော ဆားဂိုဏ်း နှင့် ယှဉ်လျှင်ပင် သူတို့မှာ နည်းနည်းလေး အားနည်းနေသည်။ အခုတော့ စွမ်းအားရှင် ဝဇီရာ ကျန်းယဲ့ သေဆုံးသွားသဖြင့် ဧရာမဝိညာဉ်ဂိုဏ်းမှာ သူ့တစ်ယောက်တည်းကိုသာ အားကိုးနေရတော့မည်။

အိုယန်မိသားစုမှ ကိုယ်စားလှယ် ရောက်လာပြီးနောက် ဧရာမဝိညာဉ်ဂိုဏ်း ကို သူ အလွယ်တကူ သဘောတူမိခဲ့သည်ကိုပင် သူ နောင်တရမိသည်။

အစပိုင်းတွင် အိမ်ရှေ့မင်းသား (ခြောက်) ၏ ပေါင်ကို ဖက်တွယ်ထားခြင်းက ဧရာမဝိညာဉ်ဂိုဏ်း အတွက် အနာဂတ်တွင် ပိုမိုကောင်းမွန်သော ဖွံ့ဖြိုးတိုးတက်မှုများ ရရှိလိမ့်မည်ဟု သူ ထင်ခဲ့သည်။

သို့သော်လည်း သွေးဝတ်ရုံခန်းမဆောင် ၏ စွမ်းအားကို သူ လျှော့တွက်မိခဲ့ခြင်းပင်။