အခန်း ၁၀၅၇

အခန်း (၁၀၅၇) မဟာနတ်ဘုရားစွမ်းအားရည် သိုင်းဝိဇ္ဇာသူတော်စင်။ လူသူကင်းမဲ့သော တောရိုင်းဒေသ။ (၁)

မိစ္ဆာသားရဲသည် ပင်လယ်ရေအောက် နက်ရှိုင်းရာသို့ မျောပါသွားပြီး သူ၏ အကူအညီတောင်းခံသံမှာ ကြောက်ရွံ့မှုများဖြင့် ပြည့်နှက်နေသည်။

"နတ်ဘုရားတမန်တော်.. တခြားသူတွေ ရှိသေးတာလား"

မိစ္ဆာသားရဲ၏ အော်ဟစ်သံကို ကြားလိုက်ရသောအခါ စူးချန်ခုန်းမှာ မျက်မှောင်ကြုတ်လိုက်ပြီး စိတ်ထဲတွင် သတိထားမှုများ တိုးပွားလာသည်။

မိစ္ဆာသားရဲနှင့် ကျန်းယွမ်ဝူတို့အပြင် ရှေးဟောင်းပင်လယ်ပြင်တွင် တတိယမြောက် ရန်သူ ရှိနေသေးသလား။

စူးချန်ခုန်း၏ မူလဝိညာဉ်မှာ ပတ်ဝန်းကျင်ကို အမြဲတမ်း စောင့်ကြည့်နေသော်လည်း ထူးခြားမှု တစ်စုံတစ်ရာ မတွေ့ရှိရပေ။ ထို့ပြင် မိစ္ဆာသားရဲမှာ သူ့ကို ကြောက်ရွံ့အောင် လုပ်ရန်အတွက်သာ လိမ်ပြောနေခြင်း ဖြစ်နိုင်ချေကိုလည်း မငြင်းဆိုနိုင်ပေ။

"နတ်ဘုရားတမန်တော်... သူ ပေါ်လာဖို့ဆိုတာ မဖြစ်နိုင်ဘူး"

ပါးစပ်နှင့် နှာခေါင်းမှ သွေးများ စီးကျနေသော မိစ္ဆာသားရဲမှာ ပြင်းထန်သော စိတ်ပျက်အားငယ်မှုများကို ခံစားနေရသည်။

နတ်ဘုရားတမန်တော်မှာ သူ့အတွက်နှင့် အန္တရာယ်ပြုကာ ပေါ်လာမည်မဟုတ်ဘဲ သူသေဆုံးသည်ကိုသာ ရပ်ကြည့်နေလိမ့်မည်ဟု သူကောင်းကောင်း သိထားသည်။

"သေစမ်း... မိစ္ဆာသားရဲ ရှုံးသွားပြီ"

ကျန်းယွမ်ဝူ၏ မျက်နှာမှာ တွန့်ချိုးနေလျက်။

မိစ္ဆာသားရဲ သေဆုံးသွားပါက စူးချန်ခုန်းမှာလည်း သူ့ကို ဝိုင်းဝန်းတိုက်ခိုက်သူများအထဲ ပါဝင်လာမည်ဖြစ်သည်။

ထိုသို့သော စွမ်းအားကြီးမားသည့် စူးချန်ခုန်းနှင့်အတူ ပြိုင်ဘက် လေးဦးကို ရင်ဆိုင်ရမည်ဆိုပါက အောင်နိုင်ရန် မဖြစ်နိုင်တော့ဘဲ ထွက်ပြေးခြင်းမှာသာ အကောင်းဆုံး လုပ်ဆောင်ချက် ဖြစ်သည်။

သူ၏ စွမ်းအားဖြင့် လွတ်မြောက်နိုင်သော်လည်း သူ၏ ကြိုးပမ်းမှုများမှာ အချည်းနှီး ဖြစ်သွားပြီး မိစ္ဆာသားရဲအဖြစ် အသွင်ကူးပြောင်းရန် ခက်ခဲသွားမည်ဖြစ်သည်။

ထို့ပြင် မိမိ၏ အနွယ်နှင့် လူသားမျိုးနွယ်ကို သစ္စာဖောက်ခဲ့သည့်အတွက် ကျန်းမိသားစုမှာ သူ၏ အရင်းအမြစ်အားလုံးကို အသုံးပြုကာ လိုက်လံသတ်ဖြတ်လိမ့်မည်။

သူသည် မြင့်မြတ်သော ရှေးဟောင်း နိုင်ငံတော်တွင်ပင် ခိုလှုံနိုင်လိမ့်မည်ဟု မထင်ဘဲ ပေးဆပ်ရမည့် တန်ဖိုးမှာ အလွန်ပင် ကြီးမားလှသည်။

ကျန်းယွမ်ဝူ အကျပ်ရိုက်သွားပြီး "ဒါတွေအားလုံး ဒီကောင်လေးကြောင့်... ဒီစူးချန်ခုန်းကြောင့်ပဲ။ သူက ဘာကောင်လဲ" ဟု ညည်းတွားလိုက်သည်။

နတ်ဘုရားမျိုးစေ့အဆင့် သိုင်းဝိဇ္ဇာသူတော်စင်တစ်ဦးက ဤမျှ ကြောက်စရာကောင်းလိမ့်မည်ဟု မည်သူက ထင်မှတ်ထားမည်နည်း။

"သတ်"

စူးချန်ခုန်းသည် ပင်လယ်ကြမ်းပြင်တွင် လဲလျောင်းနေပြီး ပြင်းထန်သော ဒဏ်ရာများဖြင့် တိုက်ခိုက်နိုင်စွမ်း မရှိတော့သော မိစ္ဆာသားရဲကို ရင်ဆိုင်လိုက်သည်။

သူသည် မဆိုင်းမတွဘဲ ၎င်းကို အပြီးတိုင် သတ်ဖြတ်ရန် ပြင်ဆင်လိုက်သည်။

ဘုန်း…

စူးချန်ခုန်း၏ ခန္ဓာကိုယ်ပတ်လည်တွင် နတ်ဘုရားသွေးများ ဆူပွက်နေပြီး သူ၏ ညာလက်သီးမှာ နေလုံးငယ်တစ်ခုအလား ပေါက်ကွဲနိုင်သော စွမ်းအားများဖြင့် ပြည့်နှက်ကာ မိစ္ဆာသားရဲ၏ ဦးခေါင်းကို ရိုက်ချေရန် အသင့်ဖြစ်နေသည်။

သွေးရောင်အလင်းတန်းမှာ ကြောက်ရွံ့မှုကြောင့် ပုံပျက်နေသော မိစ္ဆာသားရဲ၏ မျက်နှာပေါ်သို့ ကျရောက်လာသည်။

သို့သော် လက်သီးချက် ကျရောက်ခါနီးတွင် စူးချန်ခုန်း၏ မျက်လုံးများ ကျဉ်းမြောင်းသွားပြီး ရပ်တန့်သွားသည်။

စူးချန်ခုန်းတင်မကဘဲ ကျန်းယွမ်ဝူကို တိုက်ခိုက်နေသော ကျန်းယောင်၊ ကျန်းဖော့နှင့် ကျန်းယွီတို့လည်း ရုတ်တရက် ရပ်တန့်သွားကြသည်။

အကြောင်းမှာ စူးချန်ခုန်း အပါအဝင် အားလုံးသည် အဝေးမှနေ၍ စောင့်ကြည့်ခံနေရသည့် ကြောက်မက်ဖွယ် ခံစားချက်ကို ရရှိလိုက်သောကြောင့် ဖြစ်သည်။

ကြောက်ရွံ့ခြင်း… သူတို့၏ ခန္ဓာကိုယ်ရှိ ဆဲလ်တိုင်းမှာ တုန်ယင်နေသည်။

ထိုခံစားချက်မှာ ကြောက်စရာကောင်းလွန်းလှသည်။

"ဘယ်လို... ဘယ်လိုလုပ် ဖြစ်နိုင်မှာလဲ။ ငါ ကြောက်နေတာလား၊ ငါ့ခန္ဓာကိုယ်ထဲက နတ်ဘုရားမျိုးစေ့နဲ့ နတ်ဘုရားအမှတ်အသားတွေက သဘာဝအတိုင်း ကြောက်နေတာလား"

ကျန်းဖော့မှာ မယုံနိုင်စွာ မျက်လုံးများ ပြူးကျယ်နေလျက်။

ကျန်းဖော့သည် နတ်ဘုရားခန္ဓာကိုယ်အဆင့်သို့ အစောပိုင်းကတည်းက ရောက်ရှိထားသူဖြစ်ပြီး စိတ်ပိုင်းဆိုင်ရာနှင့် ရုပ်ပိုင်းဆိုင်ရာတွင် အလွန် ခိုင်မာသူ ဖြစ်သည်။

သို့သော် သူ၏ ဓားကို ကိုင်ထားသော လက်မှာ မထိန်းနိုင်ဘဲ တုန်ယင်နေသည်။

"ဘာလို မိစ္ဆာမျိုးက ငါ့ကို ကြည့်နေတာလဲ။ ဒါက... အဆင့်မြင့်တဲ့ အတိုင်းအတာတစ်ခုကနေ လာတာလား"

စူးချန်ခုန်းမှာလည်း ကြောက်ရွံ့မှုများဖြင့် ပြည့်နှက်နေပြီး အာရုံကြောများမှာ တင်းမာနေသည်။

သူ၏ ဝိညာဉ်နယ်ပယ်အတွင်းရှိ မူလဝိညာဉ်မှာ မျက်လုံးဖွင့်လိုက်ပြီး ထိုကြောက်မက်ဖွယ် အကြည့်၏ ရင်းမြစ်ကို ရှာဖွေနေသော်လည်း မတွေ့ရှိပေ။

ထိုလျှို့ဝှက်စွာ စောင့်ကြည့်နေသူမှာ နတ်ဘုရားခန္ဓာကိုယ်အဆင့်ထက်ပင် သာလွန်နေသည်။

"ဒါဆိုရင်... ငါတို့ကို ကြည့်နေတာက မိစ္ဆာသားရဲ ပြောတဲ့ နတ်ဘုရားတမန်တော် ဖြစ်နေမလား"

စူးချန်ခုန်း၏ စိတ်ထဲတွင် အတွေးတစ်ခု ပေါ်လာသည်။

ထိုနတ်ဘုရားတမန်တော် ထုတ်လွှတ်လိုက်သော ကြောက်မက်ဖွယ် အရှိန်အဝါမှာ စိတ်ကူးယဉ်၍ပင် မရနိုင်ပေ။

"နတ်ဘုရားတမန်တော်... ဒါက နတ်ဘုရားတမန်တော်ပဲ။ သူက တကယ်ပဲ ငါ့ကို ကယ်တင်ဖို့ လှုပ်ရှားတော့မှာလား"

မိစ္ဆာသားရဲမှာလည်း မယုံနိုင်စွာ မျက်လုံးများ ပြူးကျယ်သွားသည်။

နတ်ဘုရားတမန်တော်မှာ အလွန် ကြောက်မက်ဖွယ်ကောင်းသော တည်ရှိမှုဖြစ်ပြီး သူကိုယ်တိုင်ပင် ထိုမျှ အန္တရာယ် မယူဝံ့ပေ။

ထို့ကြောင့် မိစ္ဆာသားရဲမှာ အကူအညီတောင်းချိန်က သူသေဆုံးသည်ကိုသာ ရပ်ကြည့်လိမ့်မည်ဟု ထင်မှတ်ထားသည်။

သို့သော် သူသည် မိမိ၏ စွမ်းအားကို ထုတ်ဖော်လိမ့်မည်ဟု မမျှော်လင့်ထားပေ။

"ဒါက... ဒါက သူပဲ"

ကျန်းယွမ်ဝူမှာ တုန်လှုပ်ရွှင်လန်းနေပြီး သူ့ကို မိစ္ဆာသားရဲအဖြစ် အသွင်ကူးပြောင်းရန် ကူညီနိုင်သူမှာ ဤသူပင် ဖြစ်ကြောင်း နားလည်လိုက်သည်။

တိတ်ဆိတ်မှု… ကြောက်စရာကောင်းလောက်အောင် တိတ်ဆိတ်သွားသည်။

ဤပင်လယ်ရေအောက်တွင် အားကောင်းသော တိုက်ခိုက်သူများ၏ တိုက်ပွဲမှာ ကမ္ဘာပျက်မည့်အလား ဖြစ်နေသော်လည်း ရုတ်တရက် တိတ်ဆိတ်သွားသည်။

"ဒါက... မဟာနတ်ဘုရားစွမ်းအား သိုင်းဝိဇ္ဇာသူတော်စင်လား" ကျန်းဖော့မှာ ချွေးများဖြင့် စိုရွှဲနေ၏။

ကျန်းမိသားစု၏ ထိပ်တန်း သိုင်းပညာရှင်တစ်ဦးအနေဖြင့် မဟာနတ်ဘုရားစွမ်းအားရှိ သိုင်းဝိဇ္ဇာသူတော်စင်များနှင့် တွေ့ဆုံဖူးသော်လည်း ဤမျှ ဖိအားမပေးခဲ့ပေ။

ယခုမူ လျှို့ဝှက်သော တည်ရှိမှုမှာ ကြည့်လိုက်ရုံဖြင့် ချွေးများ စီးကျစေသဖြင့် မဟာနတ်ဘုရားစွမ်းအားအဆင့် ကျွမ်းကျင်သူ တစ်ဦးပင် ဖြစ်သည်။

"မင်း... အရမ်းတော်တယ်... ငါတို့ဘက်ကို လာဖို့ အရည်အချင်း ရှိတယ်"

ရုတ်တရက် အသံတစ်ခုမှာ စူးချန်ခုန်း၏ စိတ်ထဲတွင် ပဲ့တင်ထပ်သွားသည်။

ထိုအသံမှာ ကျယ်လောင်ပြီး ဂုဏ်သိက္ခာရှိကာ အဆင့်မြင့်သော အခြားသော အတိုင်းအတာတစ်ခုမှ လာသကဲ့သို့ ဖြစ်သည်။

စူးချန်ခုန်း၏ မျက်လုံးများ ကျဉ်းမြောင်းသွားသည်။

ထိုအသံမှာ သူ၏ ဝိညာဉ်နယ်ပယ်အတွင်း တိုက်ရိုက် ကြားလိုက်ရသဖြင့် မူလဝိညာဉ်မှာ အလိုအလျောက် တောက်ပလာပြီး ရွှေရောင် သတ္တုဝိညာဉ်ဓာတ်များမှာ သူ၏ ခန္ဓာကိုယ်ကို ကာကွယ်ပေးသည်။

"မင်းရဲ့ ဝိညာဉ်နယ်ပယ်ထဲမှာ မိစ္ဆာသားရဲ ဝိညာဉ်တံဆိပ်တစ်ခု ရှိနေတယ်... ဒါက နတ်ဘုရားတွေရဲ့ အလိုဆန္ဒပဲ"

ထိုအသံမှာ ချီးကျူးစကားများဖြင့် ပြည့်နှက်နေ၏။

"ဝီ ဝီ ဝီ"