အခန်း ၇၇၇

အခန်း (၇၇၇)။

ကောင်းကင်မိုးကြိုးစင်မြင့် ကိုးခု ပေါ်ထွက်လာသည်နှင့်တစ်ပြိုင်နက် ယိုယွင်းနေသော တိုက်ပွဲ အခြေအနေမှာ လုံးဝ ပြောင်းပြန်ဖြစ်သွားသည်ဟု ဆိုနိုင်ပြီး ဟုန်ယွိ၏ ပြင်းထန်လှ သော အရှိန်အဟုန်ကို ခေတ္တမျှ ဟန့်တားထားနိုင်ခဲ့သည်။

သခင်လေးရှူ၊ ရွှီယွိ၊ မန်ပိုင်ရှင်းနှင့် ‘မဟာအိပ်မက်နိုးထခြင်း’ နတ်ဘုရားစွမ်းရည်ကို အမြင့်ဆုံး နယ်ပယ်အထိ ကျင့်ကြံထားသည့် မန်မိသားစု ခေါင်းဆောင် မန်ဝူဟန်အပါ အဝင် ဝန်ကြီးခုနစ်ပါး ရှိနေသည်။

ဤကျွမ်းကျင်သူများထဲတွင် ဖန်ဆင်းရှင်တစ်ဦး၊ မိုးကြိုးကပ်ဘေး ရှစ်ကြိမ် ဖြတ်သန်းထား သော ကျွမ်းကျင်သူရှစ်ဦးနှင့် မိုးကြိုးကပ်ဘေး ကိုးကြိမ်အဆင့်နှင့် ညီမျှသော ‘ရှင်း’ ဟု ခေါ်သည့် သွေးတစ်စက်မှပြန်လည်မွေးဖွားခြင်းအဆင့် တည်ရှိမှုတစ်ဦးလည်း ပါဝင်သည်။

ဤမျှများပြားသော ကျွမ်းကျင်သူများနှင့်အတူ မဟာကောင်းကင်မိုးကြိုးစင်မြင့် ကိုးခုနှင့် မှော်ရတနာများပေါင်းများစွာ ပေါ်ထွက်လာမှုကြောင့် ဟုန်ယွိ၏ စွမ်းအားမှာ ချက်ချင်းပင် ပိတ်ဆို့ခံလိုက်ရသည်။

ကောင်းကင်မိုးကြိုးစင်မြင့် ကိုးခု ပေါင်းစပ်လိုက်သော စွမ်းအားမှာ နတ်ဘုရားလက်နက် ဘုရင်များနှင့်ပင် ယှဉ်နိုင်လုနီးပါး ဖြစ်သည်။

ယန်နတ်ဘုရား အတွေးစတစ်ခုပါ ပေါင်းထည့်လိုက်သောအခါ ထိုစွမ်းအားမှာ နတ်ဘုရား လက်နက်ဘုရင်တစ်ခုနှင့် အမှန်တကယ်ပင် တန်းတူ ဖြစ်သွားပေလိမ့်မည်။

သို့သော် ယခုအခါ ဤယန်နတ်ဘုရားအတွေးစ တစ်ဝက်မှာ ဟုန်ယွိ၏ လက်ထဲတွင် ရှိနေ ပြီး ကျန်တစ်ဝက်မှာ မန်ဝူဟန်၏ လက်ထဲတွင် ရှိနေသည်။ ဟုန်ယွိ၏ တိုက်ခိုက်မှု ပေါက်ကွဲထွက်လာပြီး သူသည် ကောင်းကင်မိုးကြိုးစင်မြင့်များဆီသို့ လက်သီးကိုးချက် ဆက်တိုက် ပစ်သွင်းလိုက်သလို၊ ပိုမိုပြင်းထန်သော တိုက်ခိုက်မှုတစ်ခုကို သူ၏ ခန္ဓာကိုယ် ဖြင့် အပြင်းအထန် ခုခံကာ၊ ယန်နတ်ဘုရားအတွေးစကို တွန်းလှန်ပြီး မန်ဝူဟန်ထံသို့ ဝင်တိုက်သွားသည်။

ဟုန်ယွိသည် ဟင်းလင်းပြင်ကို ဖျက်ဆီးကာ မိုင်ထောင်ချီအကွာမှ ဖန်ဆင်းရှင်တစ်ဦးကိုပင် သတ်ဖြတ်နိုင်သော လက်သီးစွမ်းအားဖြင့် လေထုကို ထိုးခွဲလိုက်၏။ သူသည် ဖန်ဆင်းရှင် တစ်ဦး၊ အထွက်အထိပ် လူသားအင်မော်တယ် ကျွမ်းကျင်သူတစ်ဦးကို ချေမှုန်းလိုက်သည်။ သူ၏ ‘ခန္ဓာကိုယ်ချေမှုန်းခြင်း တိုက်ခိုက်မှု’ မှာ ပို၍ပင် ကြမ်းတမ်း၏။ ထိုတိုက်ခိုက်မူက ဖန်ဆင်းခြင်းသင်္ဘောနှင့်ပင် ယှဉ်နိုင်ပြီး၊ ကြီးမားသော စွမ်းအားက ကြယ်တစ်ပွင့်ကိုပင် တိုက်ရိုက် ပြိုကွဲသွားစေနိုင်သည်။

ဘုန်း…၊ ဘုန်း….၊ ဘုန်း…၊ ဘုန်း… ဘုန်း…၊

ဆက်တိုက်ထွက်ပေါ်လာသော လက်သီးကိုးချက်၏ စွမ်းအားများသည် ဟင်းလင်းပြင် အတွင်း၌ လှိုင်းလုံးကြီးများအဖြစ် စုစည်းသွားကာ ကောင်းကင်မိုးကြိုးစင်မြင့်များကို အဆက်မပြတ် လည်ပတ်သွားစေသည်။ ကောင်းကင်မိုးကြိုး စင်မြင့်တိုင်းမှာ အဆုံးအစမဲ့ သော မိုးကြိုးလျှပ်စီး ထွက်ပေါ်လာပြီး၊ ဤဟင်းလင်းပြင် လေဟာနယ်မုန်တိုင်းကို မိုးကြိုး ကမ္ဘာတစ်ခုအဖြစ် ပြောင်းလဲပစ်လိုက်ရာ၊ တောရိုင်းကန္တာရနယ်မြေမှ ‘ရိုင်းစိုင်းမိုးကြိုး နယ်မြေ’ ကြီး ဤနေရာသို့ အတင်းကျပ် ရွှေ့ပြောင်းလာသကဲ့သို့ပင်။

သခင်လေးရှူ ထိန်းချုပ်ထားသော ကောင်းကင်မိုးကြိုးစင်မြင့်မှာ ပြင်းထန်စွာ တုန်ခါသွား ပြီး မိုင်ပေါင်းဆယ်ချီ ဝေးရာသို့ လွင့်စင်သွားခဲ့သည်။

“မန်ဝူဟန်၊ ခင်ဗျား ယန်နတ်ဘုရား အတွေးစကို လုံးဝ မထိန်းချုပ်နိုင်ဘူး။ ကျုပ်ကို ပေးလိုက်စမ်း” ဟုန်ယွိက ဟစ်အော်လိုက်ပြီး၊ သူ့ခန္ဓာကိုယ်ဖြင့် ဝင်တိုက်လိုက်ရာ ယန်နတ်ဘုရား အတွေးစမှာ သူ့လက်ထဲသို့ တစ်လက်မချင်း စီးဝင်လာပြီးနောက် ထက်ဝက်ကျော်ခန့်မှာ ဝါးမျိုခံလိုက်ရသည်။

ဤသည်မှာ ထူးဆန်းသော ဖြစ်စဉ်တစ်ခုပင်။ ဟုန်ယွိ၏ ခန္ဓာကိုယ်မှာ အဆုံးမရှိသော တွင်းနက်ကြီးတစ်ခု၊ ကန့်သတ်ချက်မဲ့သော တွင်းနက်ကြီးအဖြစ် ပြောင်းလဲသွားသကဲ့သို့ ပင်။ သူနှင့်ထိတွေ့သမျှ အရာအားလုံးမှာ ရွှံ့ညွန်ထဲ ကျွံကျသွားသကဲ့သို့ နစ်မြုပ်ပြီး မျိုချခံ လိုက်ရသည်။

"မကောင်းတော့ဘူး၊ ဟင်းလင်းပြင်ဖျက်ဆီးခြင်း စွမ်းအားက အရမ်းကြီးမားလွန်းတယ်။ ကောင်းကင်မိုးကြိုးစင်မြင့်က ငါ့ကို နည်းနည်းပဲ ကာကွယ်ပေးနိုင်တယ်။ မဟာအိပ်မက် နိုးထခြင်း နတ်ဘုရားစွမ်းရည်ကတောင် ဟုန်ယွိကို ဘာမှမလုပ်နိုင်ဘူး။ သူ့ကို ငါတို့ ဘယ်လို ဒဏ်ရာရအောင် တိုက်ခိုက်မလဲ"

မန်မိသားစုခေါင်းဆောင် မန်ဝူဟန်၊ 'အိပ်မက်များ' ၏ အရှင်သခင်၊ ရှေးဦးယန်နတ်ဘုရား ၏ အမွေခံဆက်ခံသူ၊ ရွှီယွိ၏ ယောက္ခထီးနှင့် ဗဟိုကမ္ဘာရှိ ရှေးအကျဆုံး မိသားစု၏ ခေါင်းဆောင်မှာ ဟုန်ယွိကဲ့သို့ အစွမ်းထက် တည်ရှိမှုမျိုးနှင့် ရင်ဆိုင်ရချိန်တွင် ဘာလုပ်ရ မှန်း မသိဖြစ်နေသည်။

ဟုန်ယွိ၏ ခန္ဓာကိုယ်နှင့် တိုးဝင်တိုက်ခိုက်မှုကို ခံလိုက်ရသောအခါ သူသည်လည်း မတွန်း လှန်နိုင်တော့ကြောင်း သိလိုက်သဖြင့် အမြန်နောက်ဆုတ်လိုက်ရပြီး ယန်နတ်ဘုရား အတွေးစကို စွန့်လွှတ်လိုက်ကာ ဟုန်ယွိ၏ ခန္ဓာကိုယ်ထဲသို့ တဖြည်းဖြည်း ဝါးမျိုသွားစေ ရန် ခွင့်ပြုပေးလိုက်ရသည်။

...

ဝူး... ဝူး... ဝူး...

ယန်နတ်ဘုရား အတွေးစသည် ဟုန်ယွိ၏ ခန္ဓာကိုယ်ထဲသို့ ဝါးမျိုခံလိုက်ရသည်နှင့် ချက်ချင်းဆိုသလိုပင် ပြောင်းလဲသွားသည်။ ဟင်းလင်းပြင် ဖျက်ဆီးခြင်း၏ ကြီးမားလှသော စွမ်းအားကြောင့် အမှုန့်အဖြစ် ကြေမွသွားမည့်အလား ဟုန်ယွိ၏ စိတ်ဝိညာဉ်နှင့် ပေါင်းစပ် သွားသည်။

သို့သော် ဤအရေးကြီးသော အခိုက်အတန့်တွင် ဧကရာဇ်ဖန်၏ ယန်နတ်ဘုရား အတွေးစ မှာ ပြင်းထန်စွာ လှုပ်ခတ်သွားပြီး၊ အားကောင်းသော တုန်ခါမှုတစ်ခုကို ထုတ်လွှတ်လိုက် ကာ ဟုန်ယွိ၏ သန့်စင်မှုနှင့် စိတ်ဝိညာဉ်အတွင်း ပေါင်းစပ်မှုကို ငြင်းဆန်နေသကဲ့သို့ပင်။

ယန်နတ်ဘုရား အတွေးစ၏ အနက်ရှိုင်းဆုံး အစိတ်အပိုင်းမှ တုန်ခါမှုမှာ မှော်ပညာရပ်များ မဟုတ်ဘဲ န့်ညားထည်ဝါလှသော မေးခွန်းများပင် ဖြစ်သည်။

"အားကြီးသူက အားနည်းသူကို နှိပ်စက်ခြင်းက ကောင်းကင်နဲ့ မြေကြီးကြားရှိ အမှန် တရားလား။ လူသားလမ်းစဉ်နဲ့ ကောင်းကင်လမ်းစဉ်တို့ကို ပြောင်းပြန်လှန်လို့ ရနိုင်ပါသ လား။ ရေဆန်ကို ဆန့်ကျင်ခြင်းက မသေမျိုးအဖြစ်ကို ရရှိနိုင်ပြီး၊ ရေစုန်နောက် စီးမျောခြင်း က ကရုဏာတရား ရရှိနိုင်ပါသလား။ မျိုးဆက်အဆက်ဆက်အတွက် ထာဝရငြိမ်းချမ်းမှုကို ဘယ်လို တည်ဆောက်နိုင်မလဲ။ လောကကြီးထဲက သက်ရှိအားလုံးမှာ မကောင်းတဲ့ အတွေးကိုယ်စီ ရှိတတ်ကြတယ်။ လူသားတို့ ပင်ကိုယ်သဘာဝက မွေးဖွားလာစဉ်ကတည်း က အကောင်းလား။ ဒါမှမဟုတ် အဆိုးလား။ ကောင်းကင်က မြင့်မားပြီး မြေကြီးက ထုထည်ကြီးမားပေမယ့် လူသားတို့ စိတ်နှလုံးသားထဲမှာရော ကန့်သတ်ချက်တွေ ရှိနေ လား။ ဒီလောကကြီးမှာ ဆင်းရဲနွမ်းပါးသူတွေအတွက် အစစ်မှန် လွတ်လပ်မှုက ဘာလဲ။ လူကောင်းတွေက ဆိုးကျိုးခံစားရပြီး၊ လူဆိုးတွေက ကောင်းကျိုး ခံစားနေကြရတယ်။ ကောင်းကင်နဲ့ မြေကြီးရဲ့ မဟာတာအိုမှာ တရားမျှတမှု တကယ်ရော ရှိပါရဲ့လား"

...

ကြီးကျယ်ခမ်းနားသော မေးခွန်းပေါင်းရာထောင်ချီတို့သည် "ကောင်းကင်ဘုံသို့ မေးခွန်း ထုတ်သည့် တေးကဗျာ" ကဲ့သို့ပင် ဟုန်ယိ၏ စိတ်နှလုံးနှင့် သူ၏ ဝိညာဉ်အနက်ရှိုင်းဆုံးရှိ တာအိုနှလုံးသားကို အဆက်မပြတ် စစ်ဆေးမေးမြန်းနေတော့သည်။

မေးခွန်းတစ်ခုစီသည် လောကရှိ မည်သည့် ပြင်းထန်သော တိုက်ခိုက်မှုမျိုးထက်မဆို ပို၍ ကျယ်ပြောလှသည်။ ၎င်းတို့သည် ကောင်းကင်နှင့် မြေကြီး၏ အခြေခံမူများကို ရှာဖွေနေ ပြီး၊ လူသားလမ်းစဉ်၏ အကန့်အသတ်၊ ထာဝရ တည်တံ့ခြင်း နည်းလမ်းနှင့် ‘နိဗ္ဗာန နယ်ပယ်’ တို့ကို ရှာဖွေစူးစမ်းနေသကဲ့သို့ပင်။

တစ်ခုစီတိုင်းမှာ နှစ်ထောင်ပေါင်းများစွာတိုင်အောင် နားလည်ရန် ခက်ခဲခဲ့သော မေးခွန်း များ ဖြစ်သည်။ တိကျသေချာသော အဖြေမရှိသည့် မေးခွန်းများကို ယခုအခါ လူတို့၏ နှလုံးသားများကို စစ်ဆေးမေးမြန်းရန် အသုံးပြုနေခြင်း ဖြစ်သည်။ မှန်ကန်သော အဖြေကို ရရှိမှသာ ဤယန်နတ်ဘုရား အတွေးစကို သန့်စင်ခွင့် ပေးမည့်အလား ရှိနေသည်။

"အံ့ဩစရာပဲ... ဒီမေးခွန်းတွေက ဧကရာဇ်ဖန် ဒီယန်နတ်ဘုရား အတွေးစထဲမှာ ချန်ထား ရစ်ခဲ့တဲ့ မေးခွန်းထုတ် စစ်ဆေးမှုတွေပဲ။ သူကိုယ်တိုင်တောင် တိကျသေချာတဲ့ ကောက်ချက်တစ်ခု မချနိုင်ခဲ့လို့ နောက်မျိုးဆက်တွေက သူ့အတွက် အဖြေပေးဖို့ မျှော်လင့် ထားခဲ့တာပဲ။ ဒီလောက်များတဲ့ မေးခွန်းတွေကို ငါတောင် အခုလောလောဆယ်မှာ မှန်ကန် တဲ့ အဖြေတွေ မပေးနိုင်သေးဘူး။ ဒါတွေကို တစ်ခုချင်းစီ ဘေးဖယ်ထားပြီး နောက်မှပဲ ဖြေရတော့မယ်။"

ယန်နတ်ဘုရားအတွေးစကို သူ၏ စိတ်ဝိညာဉ်ထဲသို့ အပြည့်အဝ ပေါင်းစပ်ရန် ခက်ခဲကြောင်း မြင်တွေ့ရသောအခါ ဟုန်ယွိက ထပ်မံ ကြိုးစားခြင်း မပြုတော့ဘဲ ဤအတွေးစကို ‘ထိုက်ကျိမိုးကြိုးရေကန်’ ၏ အနက်ရှိုင်းဆုံး အစိတ်အပိုင်းတွင် တိုက်ရိုက် ဖိနှိပ်ထားလိုက်သည်။ တစ်ချိန်တည်းမှာပင် သူက ခြေလှမ်းကျယ်ကြီး လှမ်းကာ ဖန်ဆင်း ခြင်းသင်္ဘော၏ အထက်သို့ တိုက်ရိုက် ရောက်ရှိသွားသည်။ သူ၏ လက်ချောင်းငါးချောင်း က ထပ်မံ ဆုပ်ကိုင်လိုက်ကာ ဖန်ဆင်းခြင်းသင်္ဘော၏ ဗဟိုချက်အထိ ထိုးဖောက် ဝင်ရောက်ပြီး မန်ရှန်းကျီနှင့် ယန်ဖန်တို့ကို တိုက်ခိုက်လိုက်သည်။

"မုန့်ရှန်းကျီ၊ ယန်ဖန်... ခင်ဗျားတို့ ဒီလိုလုပ်နေတာက လူသားစိတ်နှလုံးသားရဲ့ စစ်ဆေး မေးမြန်းခံရမှာ မကြောက်ကြဘူးလား" ဟုန်ယွိ၏ ဖမ်းဆုပ်မှုနှင့်အတူ သူ၏ စွမ်းအားများ မှာ တိုးထွက်လာခဲ့ရာ ဖန်ဆင်းခြင်းသင်္ဘောတစ်ခုလုံး တုန်ခါ ခုန်တက်သွားရသည်။

"ရှင်ခြင်းနဲ့ သေဆုံးခြင်းဆိုတာ ထင်ယောင်ထင်မှား ပုံရိပ်ယောင်မျှသာ ဖြစ်ပြီး၊ ပျက်စီး လွယ်တဲ့ ရေပွက်ပမာလိုပဲ။ ဒါက ကောင်းကင်တာအိုပဲလေ။ ဟုန်ယွိ၊ တကယ်လို့ မင်းသာ ဟင်းလင်းပြင် ဖျက်ဆီးခြင်းအဆင့်ကို မရောက်ခဲ့ဘူးဆိုရင် ရွှီယွိက ဒီလူပေါင်းသန်း ၃၀၀ ကို မကာကွယ်နိုင်တာမျိုး ဖြစ်လာမှာမဟုတ်ဘူး။ ဒါဆိုရင် ငါတို့က သူတို့ကို ယဇ်ပူဇော်လို့ ရမှာ မဟုတ်ဘူး။ ဒါကြောင့် သူတို့ကို သတ်တဲ့ တရားခံက မင်းပဲ"

ဟုန်ယွိ၏ ထိုးဖောက်လာသော ဖမ်းဆုပ်မှုကို ရင်ဆိုင်ရင်း မုန့်ရှန်းကျီက သူ၏ ခန္ဓာကိုယ်ကို လှုပ်ရှားလိုက်သည်။ ‘ထာဝရနိုင်ငံတော်’ က ထီးပုံသဏ္ဌာန် အလင်းဒိုင်းတစ်ခုအဖြစ် ပြောင်းလဲသွားကာ သူ့ကို ဖုံးလွှမ်းသွားပြီး ဟုန်ယွိ၏ ဟင်းလင်းပြင်ဖျက်ဆီးခြင်းစွမ်းအား တိုက်ခိုက်မှုကို ပိတ်ဆို့လိုက်သည်။

အမှန်တကယ်ပင်၊ မူလက ရွှီယွိသည် ယန်ဖန်နှင့် မုန့်ရှန်းကျီတို့၏ အမျိုးမျိုးသော လှုပ်ရှား မှုများကို သတိထားနေခဲ့သော်လည်း ဟုန်ယွိက ရုတ်တရက် ဟင်းလင်းပြင် ဖျက်ဆီးခြင်း အဆင့်သို့ တက်လှမ်းလိုက်ပြီး ကျွမ်းကျင်သူ အများအပြားကို အသက်ဆုံးရှုံးလုနီးပါးအထိ ရိုက်နှက်ခဲ့သောကြောင့် ရွှီယွိသည် လူသန်း ၃၀၀ ကို မကာကွယ်နိုင်ခဲ့ခြင်း ဖြစ်သည်။

သို့သော် ယခုအခါတွင် မုန့်ရှန်းကျီက စကားတစ်လုံးတည်းဖြင့် လူသန်းပေါင်းများစွာကို ယဇ်ပူဇော်ခဲ့သည့် အပြစ်ကို ဟုန်ယိအပေါ်သို့ လွှဲချလိုက်လေသည်။

သို့သော်လည်း ဟုန်ယွိ၏ စိတ်ခံစားချက်မှာ အနည်းငယ်မျှပင် ပြောင်းလဲခြင်း မရှိပေ။ "မုန့်ရှန်းကျီ၊ ဒီနေ့ ခင်ဗျားရဲ့ ဉာဏ်ကစားတဲ့ အကြောင်းအကျိုးမဲ့ စကားတွေကို ကျုပ် ဂရုမစိုက်ဘူး။ ခင်ဗျားက လူပေါင်းများစွာကို သန့်စင်ပြီး ယဇ်ပူဇော်ခဲ့တယ်။ ဒီနေ့ ခင်ဗျားရဲ့ အပြစ်တွေအတွက် ‘ထာဝရနိုင်ငံတော်’ ကို သုံးပြီး ကျုပ် ပြန်ပေးဆပ်ခိုင်းမယ်"

"ဒီလူတွေက ဧကရာဇ်ဖန်ရဲ့ စမ်းသပ်ခံတွေ သက်သက်ပဲ။ သူတို့က သွေးစွန်းတဲ့ မုန်တိုင်း တွေကို ဖန်တီးဖို့ မဟာကမ္ဘာလောကကြီးဆီ ရောက်လာကြတာ။ ငါတို့က ဘာလို့ သူတို့ကို အကုန်မသတ်ရမှာလဲ။ ဟုန်ယွိ၊ မင်းက ဒီနေရာမှာ တရားမျှတသူ တစ်ယောက်လို ဟန်ဆောင်မနေပါနဲ့။" ယန်ဖန်က အူလှိုက်သည်းလှိုက် ရယ်မောလိုက်ပြီး ဖန်ဆင်းခြင်း သင်္ဘော၏ စွမ်းအားကို အသက်သွင်းကာ ဟုန်ယွိကို ပြင်းပြင်းထန်ထန် တိုက်ခိုက်လိုက် သည်။

ရှေးဦးခေတ်ကာလကတည်းက တည်ရှိခဲ့သော နတ်ဘုရားလက်နက်များ၏ ဘုရင်နှစ်ပါး ဖြစ်သည့် ‘ထာဝရနိုင်ငံတော်’ နှင့် ‘ဖန်ဆင်းခြင်းသင်္ဘော’ တို့သည် ပူးပေါင်းလိုက်ကြပြီး၊ သူတို့၏ ထက်မြက်သော အစွယ်များနှင့် လက်သည်းများကို ထုတ်ဖော်ကာ ‘သူတော်စင် ပေါင်းစုံခန်းမ’ ကို တိုက်ခိုက်လိုက်ကြသည်။

ဟုန်ယွိသည် နေရာတွင်ပင် ရပ်နေရင်း နတ်ဘုရားလက်နက် ဘုရင်နှစ်ပါးဆီးသို့ တိုက်ရိုက် ဘယ်ပြန်ညာပြန် လက်သီးနှစ်ချက် ထိုးချလိုက်သည်။ ပြင်းထန်သော မူလစွမ်းအားများ အပြင်းထန် တိုက်မိသွားကာ ဟင်းလင်းပြင်များ အဆက်မပြတ် ပြိုကျပျက်စီးသွားလေ သည်။

နတ်ဘုရားလက်နက်ဘုရင်နှစ်ပါးမှာ လက်ရှိတွင် သူတို့၏ အမြင့်ဆုံး အထွတ်အထိပ်တွင် ရှိနေသည်။ ထို့အပြင် ယခုလေးတင် ပြုလုပ်ခဲ့သော သွေးယဇ်ပူဇော်ခြင်းက သူတို့၏ စွမ်းအားများကို ပို၍ပင် တိုးပွားစေခဲ့သည်။ ယခုအခါ သူတို့ ပူးပေါင်းလိုက်သောအခါတွင် ဟုန်ယွိ၏ တိုက်ခိုက်မှုကို အမှန်တကယ်ပင် ခုခံနိုင်ခဲ့ကြသည်။

ပို၍ အရေးကြီးသည်မှာ ဟုန်ယွိသည် သူ၏ တာအိုနှလုံးသားကို အဆက်မပြတ် မေးခွန်း ထုတ်နေသော ယန်နတ်ဘုရားအတွေးစကို ‘ထိုက်ကျိမိုးကြိုးရေကန်’ ထဲတွင် ဖိနှိပ်ထားရန် လိုအပ်နေဆဲ ဖြစ်သည်။

တစ်ချိန်တည်းမှာပင် ဗဟိုကမ္ဘာမှ အစွမ်းထက်သော အင်အားစုများ၏ တိုက်ခိုက်မှုများကို လည်း ကာကွယ်ရဦးမည်။ ဤအာရုံနောက်စရာများကြောင့် သူသည် နတ်ဘုရား လက်နက် ဘုရင်နှစ်ခု၏ ကာကွယ်ရေးကို ချက်ချင်း ထိုးဖောက်ရန် သူ၏အတွက် မဖြစ်နိုင်ပေ။ အခြေအနေမှာ လိပ်ခဲတည်းလည်း ဖြစ်နေတော့သည်။

...

"ယောက္ခထီး၊ အခု ကျွန်တော်တို့ ထာဝရနိုင်ငံတော်နဲ့ ဖန်ဆင်းခြင်းသင်္ဘောကို တိုက်ခိုက် သင့်လား၊ ဒါမှမဟုတ် ဟုန်ယွိကို အရင် တိုက်ခိုက်သင့်လား"

ဤအခြေအနေကြောင့် ဗဟိုကမ္ဘာမှ ဗဟိုကမ္ဘာမှ လူအားလုံး စုစည်းသွားကြသည်။ ရွှီယွိသည် ဟုန်ယွိက မုန့်ရှန်းကျီနှင့် ယန်ဖန်တို့ကို တိုက်ခိုက်နေသည်ကို မြင်သောအခါ ယခုအချိန်တွင် မည်သို့ လုပ်ဆောင်သင့်ကြောင်း မန်ဝူဟန်ကို ချက်ချင်း စိတ်အာရုံလှိုင်းပို့၍ မေးမြန်းလိုက်သည်။

ဟုန်ယွိကို သတ်ဖြတ်ခြင်းက မုန့်ရှန်းကျီနှင့် ယန်ဖန်တို့ကို ကူညီရာရောက်သည်။ သို့သော် မုန့်ရှန်းကျီနှင့် ယန်ဖန်တို့ကို သတ်ဖြတ်ခြင်းကလည်း ဟုန်ယွိကို ကူညီရာရောက်နေသည်။

အကောင်းဆုံးနည်းလမ်းမှာ မည်သည့်ဘက်ကိုမျှ မကူညီဘဲ သူတို့အချင်းချင်း တိုက်ခိုက် နေသည်ကို ကြည့်နေရန်ပင် ဖြစ်သည်။ သို့သော်လည်း ဤကိစ္စက ရွှီမိသားစုဝင် သန်း ၃၀၀ ပျက်စီးဆုံးရှုံးမှုနှင့်လည်း သက်ဆိုင်နေပြန်သည်။

ဤအရာအားလုံးမှာ မည်သူ့အတွက်မဆို ကိုင်တွယ်ဖြေရှင်းရန် ခက်ခဲလှသည်။

"ဝူယွိက ဟင်းလင်းပြင် ဖျက်ဆီးခြင်းအဆင့်ကို ဘယ်အချိန်မှာ ချိုးဖောက်နိုင်မလဲ ငါတို့ မသိတာ နှမြောစရာပဲ။ သူက မျှော်လင့်ချက်အရှိဆုံးလူပဲ။ သူသာ ချိုးဖောက်နိုင်ခဲ့ရင် ဟုန်ယွိရဲ့ စွမ်းအားကို ခုခံနိုင်လိမ့်မယ်။" မန်ဝူဟန်နှင့် ရွှီယွိတို့သည် ယှဉ်တွဲရပ်နေကြ သည်။ "ဒီနတ်ဘုရားလက်နက် ဘုရင်သုံးပါးလုံးကို ငါတို့ ဝိုင်းထားလိုက်ကြစို့"

ဗဟိုကမ္ဘာမှ လူများဖြစ်သည့် ဧကရာဇ်ရှန်၊ ဧကရီယင်၊ ခုန်း၊ ရှင်းနှင့် အမှောင်ဧကရာဇ် တာအိုသခင်တို့ အပါအဝင် အားလုံး စုဝေးလာကြပြီး ဧရိယာတစ်ခုလုံးကို ဖုံးလွှမ်းသွားစေ မည့် ကြီးမားသော ချိတ်ပိတ်ခြင်း အစီအရင်တစ်ခုကို တည်ဆောက်လိုက်ကြသည်။

"ဖန်ဆင်းရှင် နှစ်ဆယ့်သုံးဦးနဲ့ ကော့လီနတ်ဘုရားဘုရင်မ၊ မင်းတို့ရဲ့ စွမ်းအားတွေကို ချိတ်ဆက်ပြီး ငါ့ကို ကူညီကြစမ်း"

ဤအခိုက်အတန့်တွင် ဟုန်ယွိ၏ အတွေးများက ကျောက်စိမ်းမြို့တော်ရှိ ဖန်ဆင်းရှင် နှစ်ဆယ့်သုံးဦးနှင့် ကော့လီနတ်ဘုရားဘုရင်မတို့၏ စိတ်ထဲသို့ ရောက်ရှိသွားသည်။ သူတို့ ကြားသိလိုက်ပြီးနောက် မမြင်နိုင်သော ဟင်းလင်းပြင်မှတစ်ဆင့် သူတို့၏ စွမ်းအား အားလုံးကို ‘သူတော်စင်ပေါင်းစုံခန်းမ’ ထံသို့ မျက်တောင်တစ်ခတ်အတွင်း ချက်ချင်း ပေးပို့လိုက်ကြသည်။

ဟုန်ယွိ၏ စွမ်းအားများ ကောင်းကင်ယံသို့ ထိုးတက်သွားတော့သည်။

သို့သော်လည်း ကျောက်စိမ်းမြို့တော်ရှိ ဖန်ဆင်းရှင် နှစ်ဆယ့်သုံးဦးနှင့် ကော့လီနတ်ဘုရား ဘုရင်မတို့က သူတို့၏ စွမ်းအားများကို ထုတ်လွှတ်လိုက်သည့် အခိုက်အတန့်တွင် အလွန် ပေါ့ပါးသော လေပြေလေးတစ်ခုက ‘မန်ပိုင်ယွန်ဗိမာန်’ အတွင်းသို့ တိုက်ခတ် ဝင်ရောက် လာပြီး ဟုန်ရွှန်ကျိ၏ ခန္ဓာကိုယ်ကို ရစ်ပတ်သွားလေတော့သည်။ (ရှေ့မှာတုန်းက မန်ပိုင်ယွန်ကျောင်းဆောင်ဟု ပြန်ဆိုခဲ့သည်။ နောက်ပိုင်းများတွင် ‘မန်ပိုင်ယွန်ဗိမာန်’ ပြန်ဆိုပါမည်။)