အခန်း ၅၆၃

Vol. 57 Ch. 563

အခန်း (၅၆၃)

" အင်ပါယာဆရာ အဆင်ပြေရဲ့လား။ " ကျောက်ဖုန်းက ကွေ့ကူကျိကို ကြည့်ပြီး မေးလိုက်သည်။

" အရှင်မင်းသားရောက်လာတာ ကံကောင်းတယ်။ မဟုတ်ရင် ကျွန်တော်မျိုး ကျဆုံးသွားလောက်ပြီ။ " ကွေ့ကူကျိက ပြုံး၍ ပြောလိုက်သည်။

ကျောက်ဖုန်း၏ စွမ်းအားက ပိုမိုသန်မာလာခဲ့ပြီဖြစ်သည်။ သူက ဗုဒ္ဓကိုယ်ပွားကိုပင် သတ်နိုင်ခဲ့သည်။ သိုင်းတာအို၏ တိုက်ခိုက်ရေးစွမ်းအားက အင်မော်တယ်လမ်းစဉ်ထက် တစ်ဆင့်သာလွန်သော်လည်း ကျောက်ဖုန်းကတော့ တစ်ဆင့်သာ သာလွန်နေခြင်းမဟုတ်ပေ။

" ဗုဒ္ဓကျင့်ကြံသူတွေရဲ့ နည်းစနစ်တွေကို အထင်သေးမီတဲ့ပုံပဲ။ သူတို့က ယဇ်ပူဇော်တဲ့ နည်းစနစ်တွေနဲ့ အင်မော်တယ်ဘုံက ဗုဒ္ဓရဲ့ ကိုယ်ပွားကိုတောင် တိုက်ရိုက်ပင့်ဖိတ်နိုင်တယ်။ အင်ပါယာဆရာခုခံနိုင်ခဲ့လို့ မဟုတ်ရင် ချင်စစ်သည်တွေ အကြီးအကျယ် ဆုံးရှုံးရလိမ့်မယ်။ " ကျောက်ဖုန်းက ပြုံး၍ ပြောလိုက်သည်။

" အရှင်မင်းသားက ဗုဒ္ဓရဲ့ ကိုယ်ပွားကို သတ်ဖြတ်လိုက်တော့ ဗုဒ္ဓဂိုဏ်းက ချင်နဲ့ ရန်သူဖြစ်သွားပြီ။ နောက်ကို ပိုပြီး သတိထားရလိမ့်မယ်။ ဗုဒ္ဓဂိုဏ်းရဲ့ နည်းစနစ်တွေက အင်မော်တယ်ဘုံမှာ ကြောက်စရာအကောင်းဆုံးထဲမှာ ပါတယ်။ " ကွေ့ကူကျိက စိုးရိမ်သော အမူအရာဖြင့် ပြောလိုက်သည်။

" အင်ပါယာဆရာ ဒီနေ့ ကျုပ်က ရန်တန်ဗုဒ္ဓရဲ့ ကိုယ်ပွားကို မသတ်ခဲ့ရင်တောင် ဗုဒ္ဓဂိုဏ်းက ချင်ကို လွှတ်ပေးလိမ့်မယ်လို့ ထင်နေတာလား။ " ကျောက်ဖုန်းက ပြုံး၍ မေးလိုက်သည်။

" ဒါက..." ကွေ့ကူကျိက ဘာပြောရမှန်းမသိဖြစ်သွားသည်။

အင်မော်တယ်များနှင့် ဗုဒ္ဓများက ချင်နှင့် ရှန်းကျိုးကို ခွဲဝေစားသောက်မည့် အသားတုံးအဖြစ် ရှုမြင်နေကြပြီး ချင်က ခုခံသည်ဖြစ်စေ မခုခံသည်ဖြစ်စေ ပြောင်းလဲသွားမည်မဟုတ်ပေ။

" ဒါကြောင့် သူတို့ ကျူးကျော်လာရင် သူတို့ကို အမြစ်ပြတ်သုတ်သင်ရမယ်။ လာသမျှ အကုန်သတ်ပစ်မယ်။ လက်ရှိလူသားဘုံမှာ ချင်က အာဏာအရှိဆုံးပဲ။ " ကျောက်ဖုန်းက အေးစက်စွာ ရယ်မောပြီး ပြောလိုက်သည်။

ဤတစ်ကြိမ်တွင် သူက ရန်တန်ဗုဒ္ဓ၏ ကိုယ်ပွားကို သတ်ဖြတ်ခဲ့ပြီး အကျိကးအမြတ်များ ရရှိခဲ့သောကြောင့် သူက အင်မော်တယ်များနှင့် နတ်ဘုရားများ ဆင်းသက်လာရန်ပင် မျှော်လင့်နေသည်။

" ကောင်းပြီ။ အင်ပါယာဆရာ ဒီဗုဒ္ဓဘုရားကျောင်းက ဘယ်လိုပုံစံလဲဆိုတာ သွားကြည့်ရအောင်။ " ကျောက်ဖုန်းက ပြုံး၍ ပြောလိုက်ပြီး ကောင်းကင်မှ ဆင်းသက်သွားသည်။

ကွေ့ကူကျိက နောက်မှ လိုက်ပါသွားပြီး သူတို့က ဘုရားကျောင်းထဲသို့ ဝင်ရောက်သွားကြသည်။ ဘုရားကျောင်းက အလွန်ခမ်းနားပြီး အကောင်းဆုံး ပစ္စည်းများကို အသုံးပြုထားသည်။ ချင်စစ်သည်များကလည်း ဘုရားကျောင်းထဲသို့ ဝင်ရောက်လာကြပြီး ဘုရားကျောင်းထဲတွင် အစေခံများစွာ ကျန်ရှိနေသေးသည်။

" ခေါင်းတုံးနဲ့ကောင်တွေကို အကုန်သတ်ပစ်။ " ကျောက်ဖုန်းက အေးစက်စွာ အမိန့်ပေးလိုက်သည်။

" ဟုတ်ကဲ့။ " ချင်စစ်သည်များက စတင်သတ်ဖြတ်ကြပြီး ဘုရားကျောင်းတစ်ခုလုံး သွေးများဖြင့် စွန်းထင်သွားသည်။

ကျောက်ဖုန်းနှင့် ကွေ့ကူကျိတို့က ဘုရားကျောင်း၏ ခန်းမသို့ ရောက်ရှိလာကြပြီး ထိုနေရာတွင် ဗုဒ္ဓအမျိုးမျိုးကို ရည်စူး၍ ဆောက်လုပ်ထားသော ရုပ်တုများရှိနေသည်။

" အငြိုးဓာတ်တွေ ပြင်းထန်လှချည်လား။ " ကျောက်ဖုန်းက ဖြည်းညင်းစွာ ပြောလိုက်သည်။

" မှန်တယ်။ " ကွေ့ကူကျိက ခေါင်းညိမ့်လိုက်သည်။

ထို့နောက် ကျောက်ဖုန်းက အတွင်းခန်းမဆီသို့ လျှောက်သွားသည်။ ရှေ့ခန်းမတွင် ရွှေရောင်ဗုဒ္ဓရုပ်ပွားတော်များဖြင့် ပြည့်နှက်နေသော်လည်း နောက်ခန်းမတွင် အလောင်းတောင်နှင့် သွေးပင်လယ်ဖြစ်နေသည်။ သူတို့၏ သေဆုံးပုံများက အလွန်ဆိုးရွားလှပြီး ခန္ဓာကိုယ်မှ အတွင်းအင်္ဂါများ ထုတ်ယူကာ အသားများကိုလည်း ကြာပွင့်များအဖြစ် ပြုလုပ်ထားကြသည်။

" အရှင်မင်းသား ဒီလိုအရာတွေက အင်မော်တယ်ဘုံမှာ သာမန်ပါပဲ။ နတ်ဆိုးတွေနဲ့ ယှဉ်ရင် ဗုဒ္ဓဂိုဏ်းနဲ့ ကောင်းကင်ဘုံက ပိုဆိုးတယ်။ သူတိူ့က အပြင်ပန်းမှာ သန့်ရှင်းပြီး ဂရုဏာကြီးမားပုံပေါက်ပေမယ့် သူတို့ သတ်ပစ်ရမယ်လို့ ပြောနေတဲ့ နတ်ဆိုးတွေကတော့ တကယ်နတ်ဆိုးတွေမဟုတ်ဘဲ သူတို့အဖွဲ့အစည်းကို မဝင်တဲ့ သီးခြားကျင့်ကြံသူတွေဖြစ်နေတတ်တယ်။ "

" နတ်ဆိုးတွေက လူတွေကို စားသောက်ကြပေမယ့် သူတို့က ဒါကို ဖုံးကွယ်ဖို့လည်း မကြိုးစားကြဘူး။ ဒီနေ့ခေတ် အင်မော်တယ်တွေနဲ့ ဗုဒ္ဓတွေက နတ်ဆိုးတွေနဲ့ မခြားပါဘူး။ " ကွေ့ကူကျိက ဖြည်းညင်းစွာ ပြောလိုက်သည်။ ယ

" အင်ပါယာဆရာ အင်မော်တယ်ဘုံမှာ ရှိတဲ့အရာတွေကို ပြောင်းလဲပစ်ချင်သလား။ " ကျောက်ဖုန်းက ကွေ့ကူကျိကို မေးလိုက်သည်။

ထိုစကားများကို ကြားသောအခါ ကွေ့ကူကျိက တုန်လှုပ်သွားပြီး ကျောက်ဖုန်းကို အံ့အားသင့်စွာ ကြည့်လိုက်သည်။ " အရှင်မင်းသား ဒါက ခက်တယ်။ မဖြစ်နိုင်သလောက်ပဲ။ အမှန်အတိုင်းပြောရရင် ကျွန်တော်မျိုးက ချင်ကို ဝင်လာပြီးတဲ့နောက်မှာတောင် အင်မော်တယ်တွေနဲ့ ဗုဒ္ဓတွေကို ဆန့်ကျင်ဖို့ ဘာမျှော်လင့်ချက်မှမထားဘူး။ ချင်က သူတို့ကို အနိုင်ရဖို့ အခွင့်အရေးမရှိဘူး။ ကျွန်တော်မျိုးလိုချင်တာကတော့ ဘဝမှာ နောင်တမရှိဘဲ သေသွားဖို့ပါပဲ။ "

၎င်းကို ကြားသောအခါ ကျောက်ဖုန်းက ဒေါသမထွက်ပေ။ ကွေ့ကူကျိကို ဖတ်ခေါ်စဉ်ကတည်းက သူက ကွေ့ကူကျိ၏ အတွေးများကို ခန့်မှန်းမိပြီးသားဖြစ်သည်။ ကွေ့ကူကျိက အင်မော်တယ်ဘုံမှ ဆင်းသက်လာသူဖြစ်သောကြောင့် အင်မော်တယ်ဘုံမှ ကောင်းကင်ဘုံနှင့် ဗုဒ္ဓဂိုဏ်း၏ စွမ်းအားကို ပိုသိပြီး ချင်အင်ပါယာက အင်မော်တယ်များနှင့် ဗုဒ္ဓများအား ခုခံနိုင်မည်မဟုတ်သည်ကိုလည်း သူသိထားသည်။

" အင်ပါယာဆရာ အနာဂတ်က ခန့်မှန်းလို့မရပါဘူး။ အင်မော်တယ်တွေနဲ့ ဗုဒ္ဓတွေက ချင်ကို သားကောင်လို့ မြင်ပြီး ရှန်းကျိုးက သက်ရှိတွေကို သွေးအစာလို့ မြင်ရင် ချင်ကရော အင်မော်တယ်တွေနဲ့ ဗုဒ္ဓတွေကို သားကောင်လို့ မြင်လို့မရဘူးလား။ ချင်ရဲ့ တိုးတက်မှုအတွက် အင်မော်တယ်တွေနဲ့ ဗုဒ္ဓတွေကို လှေကားထစ်အဖြစ် မသုံးနိုင်ဘူးလား။ အင်မော်တယ်ဘုံက အင်မော်တယ်တွေနဲ့ ဗုဒ္ဓတွေရဲ့ စည်းမျဉ်းအောက်မှာ ရှိနေတယ်။ ဒါပေမယ့် ချင်က ကောင်းကင်နဲ့ မြေကြီးရဲ့ စည်းမျဉ်းတွေကို ပြန်ရေးပြီး ပြန်တည်ဆောက်မယ်။ " ကျောက်ဖုန်းက တည်ငြိမ်စွာ ပြောလိုက်သည်။

" ကျွန်တော်မျိုးက ချင်ကို ဝင်လာပြီးသားပါ။ အနာဂတ်မှာ ဘာပဲဖြစ်ဖြစ် ချင်နဲ့အတူ ရပ်တည်သွားမယ်။ " ကွေ့ကူကျိက လေးနက်စွာ ပြောလိုက်သည်။

" အင်မော်တယ်တွေနဲ့ ဗုဒ္ဓတွေက ကောင်းကင်နဲ့ မြေကြီးကို ထိန်းချုပ်နိုင်ပေမယ့် အနာဂတ်ကို ဘယ်သူခန့်မှန်းနိုင်မှာလဲ။ " ကျောက်ဖုန်းက ရယ်မော်လိုက်ပြီး ခန်းမအပြင်ဘက်သို့ လှမ်းခေါ်လိုက်သည်။ " ဝမ်ပင်း၊ တုဆွေ "

" အရှင်မင်းသား " ဝမ်ပင်းနှင့် တုဆွေတို့က ဝင်လာပြီး ဦးညွှတ်လိုက်ကြသည်။

" ဒီဘုရားကျောင်းထဲက ဗုဒ္ဓကျမ်းစာတွေအကုန် ရှင်းပစ်လိုက်။ အနာဂတ်မှာ ချင်က သိုင်းတာအိုနဲ့ အင်မော်တယ်လမ်းစဉ်အပြင် ဗုဒ္ဓလမ်းစဉ်နဲ့ပါ တိုးတက်လာလိမ့်မယ်။ အင်မော်တယ်ဘုံမှာရှိတဲ့ အရာအားလုံးကို အစားထိုးပစ်မယ်။ " ကျောက်ဖုန်းက ကျယ်လောင်စွာ ပြောလိုက်သည်။

" အမိန့်အတိုင်းပါ။ " ဝမ်ပင်းနှင့် တုဆွေတို့က ချက်ချင်း ပြန်ဖြေလိုက်ကြသည်။

ရှန်းယန်မြို့တော်၊ နံနက်ခင်းညီလာခံခန်းမ။

ကျောက်ဖုန်းက ဟင်းလင်းပြင်ကို ဖြတ်ကျော်ပြီး ပြန်ရောက်လာခဲ့သည်။

" ဖုန်းအာ ဘယ်လိုလဲ။ " ပလ္လင်ပေါ်မှ ရင်ကျန့်က ကျောက်ဖုန်းပြန်ရောက်လာသည်ကို မြင်သောအခါ ချက်ချင်း မေးလိုက်သည်။

" ပြီးသွားပြီ။ အနောက်ဘက်နယ်မြေမှာ အတားအဆီးတွေ မရှိတော့ဘူး။ တစ်လအတွင်း အနောက်ဘက်နယ်မြေကို သိမ်းပိုက်နိုင်လိမ့်မယ်။ " ကျောက်ဖုန်းက ပြုံး၍ ပြောလိုက်သည်။

" အင်မော်တယ်ဆရာတောင် မခုခံနိုင်တာ ဘယ်လိုရန်သူမျိုးလဲ။ " ရင်ကျန့်က သိလိုစိတ်ဖြင့် မေးလိုက်သည်။

" ဗုဒ္ဓ " ကျောက်ဖုန်းက စကားတစ်ခွန်းသာ ပြန်ဖြေလိုက်သည်။

" ဗုဒ္ဓလား။ " ရင်ကျန့်အပါအဝင် အရာရှိများအားလုံးက မျက်လုံးပြူးသွားကြသည်။ သူတို့အားလုံးက အင်မော်တယ်များနှင့် ဗုဒ္ဓများအကြောင်း ကြားဖူးပြီးသားဖြစ်သည်။

" အင်မော်တယ်တွေ အောက်ဘုံကို ဆင်းလာလို့မရဘူးဆို ဘာလို့ဗုဒ္ဓတစ်ပါးက ရောက်လာတာလဲ။ " ရင်ကျန့်က မျက်မှောင်ကြုတ်ပြီး မေးလိုက်သည်။

" တကယ်ဆင်းသက်လာတာမဟုတ်ပါဘူး။ စိတ်အသိမျှင်တစ်ခုပါပဲ။ ဗုဒ္ဓကျင့်ကြံသူတစ်ယောက်က သွေးနဲ့ ပူဇော်ပြီး ဗုဒ္ဓကိုယ်ပွားကို ပင့်ဖိတ်လိုက်တာ။ " ကျောက်ဖုန်းက ပြုံး၍ ပြောလိုက်သည်။ ဆင်းသက်လာသော ဗုဒ္ဓက အတိတ်ဗုဒ္ဓရန်တန်ဖြစ်သည်ကိုတော့ သူမပြောခဲ့ပေ။

" အင်ပါယာဆရာရဲ့ စွမ်းအားက ဒီလောက်သန်မာတာတောင် ကိုယ်ပွားတစ်ခုကို ရင်ဆိုင်ဖို့ ခက်ခဲနေတယ်ဆိုတော့ ဆင်းသက်လာတဲ့ဗုဒ္ဓက အတော်အဆင့်မြင့်တဲ့သူတစ်ယောက်ဖြစ်ရမယ်။ " ရင်ကျန့်က စိတ်ထဲမှ တွေးလိုက်သည်။

" ခမည်းတော် ဆွေးနွေးတာ ဘယ်ရောက်သွားပြီလဲ။ " ကျောက်ဖုန်းက မေးလိုက်သည်။

" ခမည်းတော် ဒီလတွေအတွင်းမှာ အနောက်ဘက်နယ်စပ်က စခန်းနှစ်ခုအပြင် အခြားစခန်းလေးခုက ရှန်းထျန်းအဆင့် စစ်သည်တွေကို ပြောင်းရွှေ့ပြီး ရှန်းယန်အပြင်ဘက်မှာ တပ်စွဲထားပါတယ်။ ဒါ့အပြင် ဆေးပညာခန်းမ၊ ရတနာသန့်စင်ခြင်းခန်းမနဲ့ အစီအရင်ခန်းမတို့ကလည်း လူတစ်ထောင်စီ ရွေးချယ်ထားပါတယ်။ အင်ပါယာကျောင်းတော်က လူတစ်သောင်း ရွေးချယ်ထားပါတယ်။ အားလုံးကို မြို့ပြင်မှာ နေရာချပြီးပါပြီ။ " ကျောက်ချီက ပြောလိုက်သည်။

" ဒါဆို ညီလာခံပြီးရင် ငါသူတို့ကို ကျင့်ကြံခြင်းနေရာကို ပို့ပေးလိုက်မယ်။ " ကျောက်ဖုန်းက ပြောလိုက်သည်။

" ခမည်းတော် တတိယညီ၊ စတုတ္ထညီနဲ့ ပဉ္စမညီတို့ကိုလည်း သူတို့ထဲမှာ ထည့်ထားပါတယ်။ ပြီးတော့ ဦးရီးတော်တွေရဲ့ သားသမီးတွေလည်း ပါပါတယ်။ ညီမငယ်တွေကိုတော့ စိတ်ဝိညာဉ်ဆေးပင်တွေစိုက်ပျိုးဖို့ စိတ်ဝိညာဉ်ဆေးပင်ဥယျာဉ်မှာ ထားထားပါတယ်။ " ကျောက်ချီက ပြောလိုက်သည်။

" အင်း " ကျောက်ဖုန်းက ခေါင်းညိမ့်လိုက်သည်။ ထိုကိစ္စနှင့် ပက်သက်၍ သူက ဘာမှမပြောပေ။ သူ၏ ကလေးများက ကြီးပြင်းလာပြီဖြစ်ပြီး အင်ပါယာမိသားစုဝင်များဖြစ်သောကြောင့် အရင်းအမြစ်များကိုလည်း ရရှိမည်ဖြစ်ပြီး ချင်အင်ပါယာကိုလည်း ထောက်ပံ့ပေးရမည်ဖြစ်သည်။

" ဧကရာဇ်မင်းမြတ်နဲ့ အရှင်မင်းသားကို လျှောက်တင်ပါတယ်။ အင်ပါယာကျောင်းတော်ကို တည်ထောင်တာ သုံးနှစ်ရှိပါတယ်။ စတင်တည်ထောင်ချိန်ကတည်းက အခုအချိန်ထိ အောင်မြင်မှုတွေ ရရှိခဲ့ပါတယ်။ ဝန်ကြီးနှစ်ယောက်နဲ့ ဆွေးနွေးပြီးတဲ့နောက်မှာ အကြံဉာဏ်အသစ်အချို့ ရရှိလာပါတယ်။ " လွီပုဝေက လေးနက်သော အမူအရာဖြင့် ပြောလိုက်သည်။

" ကျုံးဖု အသေးစိတ်ပြောပါဦး။ " ရင်ကျန့်က ပြုံး၍ ပြောလိုက်သည်။

စစ်မြေပြင်မှ ထာဝရရှင်သန်ခြင်းဆီသို့