အခန်း ၃၁၂

အခန်း ၃၁၂ လက်ရပစ္စည်းများအား စစ်ဆေးရေတွက်ခြင်း

ဤခွေးကောင်ကြောင့် သူ အလွန် အရှက်ကွဲခဲ့ရပြီး အလကား အာချောင်ခဲ့မိလေသည်။ သူတို့ကို သေချာပေါက် ပညာပေးရမည် ဖြစ်လေသည်။

"ကျွန်တော် ဘာလုပ်လို့လဲ "

ထို အဖွဲ့ဝင် မှာ ပါးကို အုပ်ကာ အလွန် ကြောင်အမ်းအမ်း ဖြစ်နေပြီး ဒေါသထွက်သော်လည်း မပြောရဲချေ။

"မင်းက ပြန်ပြောရဲသေးတာလား..."

"အဆင့်သတ်မှတ်ချက် စာရင်း ကို သေချာ ကြည့်စမ်း..."

ဒန်နီရယ် ၏ မျက်လုံးများ ပြူးကျယ်နေပြီး ၎င်းအတွင်း၌ ဒေါသမီးလျှံများ အဆက်မပြတ် လောင်ကျွမ်းနေလေသည်။

"ကျွန်တော် ခုနလေးတင် ကြည့်တာ ဘာပြဿနာမှ မရှိပါဘူး..."

"ဂိုဏ်းချုပ်ကြီး က ပထမ နေရာမှာလေ... တစ်ခုခု အမှားအယွင်းများ..."

"အို ဖာ့ခ်..."

ထို အဖွဲ့ဝင် သည် အဆင့်သတ်မှတ်ချက် စာရင်း ကို မြင်တွေ့လိုက်ရချိန်တွင် တစ်ကိုယ်လုံး မှင်သက်သွားပြီး အနည်းငယ် မယုံကြည်နိုင် ဖြစ်နေလေသည်။

ကျိုးဟန် ၏ ရမှတ်မှာ တစ်ဆယ့်လေးသန်း ကျော်သာ ရှိသည်ကို သူ ရှင်းလင်းစွာ မှတ်မိနေပြီး ဤမျှ ကြီးမားသော အပြောင်းအလဲကြီး တစ်ခု ရုတ်တရက် မည်သို့ ဖြစ်ပေါ်လာသနည်း။

ရုတ်တရက်ကြီး အပေါ်သို့ ပြန်လည် ရောက်ရှိသွားခြင်းမှာ အဘယ်ကြောင့်နည်း။

အခြား အဖွဲ့ဝင်များ သည်လည်း ဤအခြေအနေကို မြင်တွေ့လိုက်ရသဖြင့် အနည်းငယ် ထူးဆန်းနေပြီး အားလုံးမှာ အဆင့်သတ်မှတ်ချက် စာရင်း ကို အလျင်စလို ဖွင့်လှစ် ကြည့်ရှုလိုက်ကြလေသည်။

ထို့နောက် သူတို့ အားလုံး၏ နှုတ်မှ တူညီစွာဖြင့် ဖာ့ခ် ၊ အိုး ဘုရားရေ အစရှိသော အံ့သြ တုန်လှုပ်ဖွယ်ရာ စကားလုံးများ အဆက်မပြတ် ထွက်ပေါ်လာလေတော့သည်။

"နဂါး နိုင်ငံ က ကျိုးဟန် တကယ်ကို ကြောက်စရာ ကောင်းတာပဲ..."

"တကယ်ကို လွန်လွန်းတယ် လျှို့ဝှက်နယ်မြေ ရမှတ် နှစ်ဆယ့်ငါးသန်း တဲ့လား..."

"ဒီလောက်တောင် ရုတ်တရက်ကြီး ပြောင်းလဲသွားတာ သေချာပေါက် ငါးမိနစ် ပြည့်သွားလို့ အဆင့်သတ်မှတ်ချက် အသစ် ပြန်လည် ပြသလိုက်တာ ဖြစ်ရမယ်..."

အဖွဲ့ဝင် တစ်ယောက်က ပြောလိုက်လေသည်။ သူလည်း ခုနလေးတင် အဆင့်သတ်မှတ်ချက် စာရင်း ကို ကြည့်ခဲ့ရာ ဒန်နီရယ် သည် ပထမ နေရာတွင် ရှိနေသည်မှာ သေချာလှပေသည်။

သို့သော် သူသည် ပထမ နေရာတွင် စက္ကန့်အနည်းငယ်မျှသာ ထိုင်လိုက်ရပြီး ဖင်ပင် မပူသေးမီမှာပင် ငါးမိနစ် တစ်ကြိမ် အသစ်ပြန်လည် ပြသချိန်သို့ ရောက်ရှိသွားကာ သူ့ကို ချက်ချင်းပင် အောက်သို့ ဆွဲချလိုက်ခြင်း ဖြစ်လေသည်။

"သေချာပေါက် ဒီလိုပဲ ဖြစ်ရမယ် ဒါပေမဲ့ ငါးမိနစ် အတွင်းမှာ လျှို့ဝှက်နယ်မြေ ရမှတ် ဆယ်သန်းကျော် တိုးလာတယ် ဆိုတာကတော့ အရမ်းကို လွန်ကဲလွန်းတယ်..."

"နဂါး နိုင်ငံ က ဒီကောင်က တကယ်ကို အစွမ်းထက်တာပဲ..."

"စကား နည်းနည်း လျှော့ပြောကြစမ်းပါ ဂိုဏ်းချုပ်ကြီး ဒန်နီရယ် ရဲ့ မျက်နှာထား မကောင်းတာ မမြင်ဘူးလား..."

"ဟုတ်ပါ့ ပထမ နေရာမှာ စက္ကန့်ပိုင်းလောက်လေးပဲ ထိုင်လိုက်ရပြီး အောက်ကို ရောက်သွားတော့ ဘယ်သူပဲ ဖြစ်ဖြစ် စိတ်အခြေအနေ ကောင်းမှာ မဟုတ်ဘူးလေ..."

အဖွဲ့ဝင် အချို့က တိုးတိတ်စွာ ဆွေးနွေး ပြောဆိုနေကြလေသည်။

"နဂါး နိုင်ငံ က ကျိုးဟန် ငါနဲ့ မတွေ့ပါစေနဲ့လို့ ဆုတောင်းထား... မဟုတ်ရင်တော့..."

ဒန်နီရယ် ၏ မျက်နှာထား မှာ အလွန် ဆိုးရွားနေပြီး မျက်နှာ အလွန် ပျက်သွားခဲ့ရသဖြင့် ကျိုးဟန် အပေါ် အလွန် ပြင်းထန်သော အမုန်းတရားများ ဖြစ်ပေါ်လာလေသည်။

မောက်မာသော အကျင့်စရိုက် ရှိသည့် သူသည် နယ်မြေ တစ်ခု၏ ဂိုဏ်းချုပ် တစ်ယောက် ဖြစ်ရာ ဤရှက်ဖွယ်ကောင်းမှုကို သေချာပေါက် ပြန်လည် ခြေဖျက်ရမည် ဖြစ်လေသည်။

ထိုသို့ လုပ်ဆောင်ရန် အကောင်းဆုံး နည်းလမ်းမှာ ကျိုးဟန် ကို မျက်နှာချင်းဆိုင် တိုက်ခိုက် အနိုင်ယူခြင်း ပင်ဖြစ်သည်။

ဤသို့ဆိုပါက အဖွဲ့ဝင်များ၏ ယုံကြည်မှုကို ပြန်လည် ရရှိစေနိုင်မည့်အပြင် ပထမ နေရာသို့လည်း ပြန်လည် တက်လှမ်းနိုင်မည် ဖြစ်ရာ တကယ်ကို တစ်ချက်ခုတ် နှစ်ချက်ပြတ် ဖြစ်သော နည်းလမ်းကောင်း တစ်ခု ပင်ဖြစ်သည်။

ကျိုးဟန် ကို အနိုင်ယူနိုင်မည်လား ဟူသော ကိစ္စအတွက်မူ သူ အနည်းငယ်မျှပင် စိုးရိမ် ပူပန်ခြင်း မရှိချေ။ မည်သို့ပင်ဆိုစေ သူ့ထံတွင် လျှို့ဝှက်ချက် အချို့ ရှိနေပြီး ပုံမှန် အခြေအနေမျိုးတွင် အလွယ်တကူ ထုတ်ဖော် အသုံးပြုမည် မဟုတ်ချေ။ သို့သော် ကျိုးဟန် ကို သတ်ဖြတ်နိုင်မည် ဆိုပါက ဤ လျှို့ဝှက်ချက် များကို အသုံးပြုရခြင်းမှာ လုံးဝ တန်သည်ဟု သူ ခံစားရလေသည်။

...

[စနစ် အသိပေးချက် - သင်၏ အဖွဲ့ဝင် ကျိုးဟန် သည် အထူး ကိုဩဒိနိတ် နေရာ တစ်ခုကို နင်းမိသွားပြီး အဆတစ်ရာ လျှို့ဝှက်နယ်မြေ ရမှတ် တိုးပွားခြင်း ကို ရရှိပါသည် - ဤ ဝိညာဉ် ဖိနှိပ်ရေး မျှော်စင် အတွင်း၌ ရရှိသမျှ လျှို့ဝှက်နယ်မြေ ရမှတ် များ အားလုံး အဆတစ်ရာ တိုးလာမည် ဖြစ်ပါသည်]

"လခွမ်း... ဒီလောက်တောင် အစွမ်းထက်တာလား အစ်ကိုကြီး ကျွန်တော့်ရဲ့ ဒူးနှစ်ဖက်စလုံးကို လက်ခံပေးပါ..."

အိုးဟွမ် က အလွန်အမင်း အံ့အားသင့်စွာဖြင့် ပြောလိုက်ပြီး တစ်ကိုယ်လုံး မှင်သက်သွားလေသည်။

သေချာပေါက် သူတစ်ယောက်တည်း သာမက အဖွဲ့၏ တိုက်ပွဲဝင် အချက်အလက် မျက်နှာပြင် ပေါ်ရှိ သတိပေးချက်ကို မြင်တွေ့လိုက်ရသော အဖွဲ့ဝင်များ အားလုံးလည်း မှင်သက်သွားကြလေသည်။ ဤငါးမိနစ် အတွင်း ကျိုးဟန် ၏ စွမ်းဆောင်ရည် က သူတို့၏ ကမ္ဘာကြီး အပေါ် အမြင်ကို လုံးဝ ပြောင်းလဲသွားစေခဲ့ပြီး ဤမျှ ကံကောင်းသော သူမျိုး ရှိလိမ့်မည်ဟု တစ်ကြိမ်တစ်ခါမျှ မထင်မှတ်ထားခဲ့ချေ။

"မိုက်တယ်ကွာ အဆတစ်ရာ ရမှတ် တိုးပွားခြင်း ဆိုတော့ အရမ်း လွန်လွန်းတယ်..."

"ကြောက်စရာ ကောင်းလိုက်တာ လျှို့ဝှက်နယ်မြေ ရမှတ် အဆင့်သတ်မှတ်ချက် မှာ တခြားသူတွေကို အဝေးကြီး ချန်ထားခဲ့ပြီ..."

"အခု ရမှတ် ဘယ်လောက်တောင် ရှိနေပြီလဲ ဒီလောက် မြန်မြန် တက်နေတာ..."

ငါးမိနစ် ပြည့်၍ အဆင့်သတ်မှတ်ချက် စာရင်း အသစ် ပြန်လည် ပြသလာချိန်တွင် အဖွဲ့ဝင်များ အားလုံး အဆင့်သတ်မှတ်ချက် ကို ကြည့်ကာ အသက်ရှူမှားသွားကြလေသည်။ ငါးမိနစ် အချိန်တိုလေး အတွင်းမှာပင် ရမှတ် ဆယ်သန်းကျော် တိုးလာခြင်းမှာ တကယ်ကို အံ့သြစရာ ကောင်းလွန်းလှပေသည်။

သို့သော် ကျိုးဟန် သည် ရပ်တန့်မသွားခဲ့ချေ အဘယ်ကြောင့်ဆိုသော် ခေါင်းထဲရှိ အသိပေးချက် အသံတွင် ရေတွက်နေသော အချိန်များ ရှိနေပြီး အချိန် ကုန်ဆုံးခါနီး ဖြစ်နေကြောင်းကို ဖော်ပြနေသဖြင့် သူ အစွမ်းကုန် ကြိုးပမ်း၍ နောက်ဆုံး ရိတ်သိမ်းမှု တစ်ခုကို ပြုလုပ်ရန် လိုအပ်လေသည်။

မည်သို့ပင်ဆိုစေ ကောင်းကင် ကံကြမ္မာ မှော်ဆေးလုံး ကဲ့သို့သော အရာမျိုးမှာ ရရှိရန် အလွန် ခက်ခဲလွန်းလှပြီး အခွင့်အရေးကို လွတ်သွားပါက နောက်ထပ် ရနိုင်မည် မဟုတ်ချေ။

ထို့ကြောင့် ဤ အခွင့်အရေးကောင်း ကို သေချာပေါက် အမိအရ ဆုပ်ကိုင်ထားရမည် ဖြစ်လေသည်။

[စနစ် အသိပေးချက် - ကောင်းကင် ကံကြမ္မာ မှော်ဆေးလုံး ၏ ကံကောင်းခြင်း အကျိုးသက်ရောက်မှု မှာ နောက်ထပ် ဆယ်စက္ကန့် သာ ကျန်ရှိပါတော့သည် - ဆယ်စက္ကန့် ပြည့်ပါက ကံကောင်းခြင်း အခြေအနေ ပျောက်ကွယ်သွားမည် ဖြစ်ပြီး သုံးလ အတွင်း အလားတူ ပစ္စည်းမျိုးကို ထပ်မံ အသုံးပြု၍ မရနိုင်ပါ]

[စနစ် အသိပေးချက် - ကောင်းကင် ကံကြမ္မာ မှော်ဆေးလုံး ၏ ကံကောင်းခြင်း အကျိုးသက်ရောက်မှု မှာ နောက်ထပ် ကိုးစက္ကန့် သာ ကျန်ရှိပါတော့သည် - ဆယ်စက္ကန့် ပြည့်ပါက ကံကောင်းခြင်း အခြေအနေ ပျောက်ကွယ်သွားမည် ဖြစ်ပြီး သုံးလ အတွင်း အလားတူ ပစ္စည်းမျိုးကို ထပ်မံ အသုံးပြု၍ မရနိုင်ပါ]

[စနစ် အသိပေးချက် - ကောင်းကင် ကံကြမ္မာ မှော်ဆေးလုံး ၏ ကံကောင်းခြင်း အကျိုးသက်ရောက်မှု မှာ နောက်ထပ် ရှစ်စက္ကန့် သာ ကျန်ရှိပါတော့သည် - ဆယ်စက္ကန့် ပြည့်ပါက ကံကောင်းခြင်း အခြေအနေ ပျောက်ကွယ်သွားမည် ဖြစ်ပြီး သုံးလ အတွင်း အလားတူ ပစ္စည်းမျိုးကို ထပ်မံ အသုံးပြု၍ မရနိုင်ပါ]

စနစ် ၏ အသိပေးချက် နှင့်အတူ ကျိုးဟန် သည် နောက်ဆုံး အချိန်လေး အတွင်း ဧကရာဇ်အဆင့် အရည်အသွေးရှိသော မှော်ဆေးလုံး ဆယ်လုံးကို ထပ်မံ ရယူနိုင်ခဲ့ပြီး ကံကောင်းသော ငါးမိနစ် ကို ပြီးဆုံးသွားစေခဲ့လေသည်။

"ဟူး..."

"တကယ်ကို သာယာတာပဲ အရည်အသွေးမြင့် ပစ္စည်း တွေကို ဒီလောက် အများကြီး ပထမဆုံး အကြိမ် ရဖူးတာပဲ..."

ပြီးဆုံးသွားပြီးနောက် ရရှိလာသော အကျိုးအမြတ်များကို စစ်ဆေးကြည့်ရှုကာ ကျိုးဟန် သည် ပျော်ရွှင်စွာ ပြုံးလိုက်လေသည်။ ဤ ရိတ်သိမ်းမှုများမှာ သူ့ကိုပင် အံ့အားသင့်စေခဲ့ပြီး မသိမသာ ဤမျှ ကြောက်မက်ဖွယ်ကောင်းသော ရိတ်သိမ်းမှု မျိုးကို ပြုလုပ်နိုင်ခဲ့လိမ့်မည်ဟု သူ လုံးဝ ထင်မှတ်မထားခဲ့ချေ။

"မင်းတို့တွေ လာကြစမ်း ဒီပစ္စည်းတွေကို စစ်ဆေးပြီး အမျိုးအစား ခွဲလိုက်ကြ..."

အရေအတွက် အလွန် များပြားသဖြင့် ကျိုးဟန် သည် သဘာဝကျကျပင် ကိုယ်တိုင် စစ်ဆေးရန် ပျင်းရိနေပြီး အဖွဲ့ဝင် အချို့ကို ခေါ်ယူကာ အမျိုးအစား ခွဲခြားခိုင်းလိုက်လေသည်။

"ဟုတ်ကဲ့ပါ အစ်ကိုကြီး..."

"လခွမ်း... ဒီပစ္စည်းတွေ အားလုံးက ဘုရင်အဆင့် အရည်အသွေး တွေချည်းပဲလား..."

"တကယ်ကို ရူးသွပ်စရာ ကောင်းတာပဲ အားလုံးက အဆင့်မြင့် ပစ္စည်းတွေချည်းပဲ..."

"အစ်ကိုကြီး ဆိုတဲ့အတိုင်းပဲ... တကယ်ကို အစွမ်းထက်တာပဲ..."

အဖွဲ့ဝင်များ မှာ အလွန် စိတ်လှုပ်ရှားနေကြလေသည် ဤ အဆင့်မြင့် ပစ္စည်း များကို စစ်ဆေး ရေတွက်ရခြင်းမှာ သူတို့ ပိုင်ဆိုင်ခြင်း မဟုတ်သော်လည်း အလွန် သာယာ ကြည်နူးစရာ ကောင်းလှပေသည်။

မည်သို့ပင်ဆိုစေ ဤပစ္စည်းများမှာ ပုံမှန် အခြေအနေမျိုးတွင် သူတို့ ထိတွေ့ခွင့် မရနိုင်သော အဆင့်အတန်းများ ဖြစ်ကြပြီး မြင်တွေ့ရန်ပင် အလွန် ခက်ခဲလှလေသည်။

ယခုအခါတွင် သူတို့၏ မျက်စိရှေ့၌ လင်းလက် တောက်ပနေပြီး မျက်စိပသာဒ ဖြစ်စေကာ အဝတ်ဗလာ နှင့် အလှဘုရင်မ တစ်ပါးအလား အလွန် ဆွဲဆောင်မှု ရှိနေလေသည်။

"ဒါက ဧကရာဇ်အဆင့် အရည်အသွေး ရှိတဲ့ သွေးစွမ်းအင် ဆေးရည် ပဲ သောက်လိုက်ရင် တိုက်ခိုက်မှု စွမ်းအား ငါးဆ တိုးလာမယ် တဲ့ ဒါကတော့ တကယ်ကို ကြောက်စရာ ကောင်းတာပဲ..."

အဖွဲ့ဝင် တစ်ယောက်က အံ့သြတကြီး အော်ဟစ်လိုက်ပြီး အကျိုးသက်ရောက်မှုကို မြင်တွေ့လိုက်ရချိန်တွင် မျက်နှာ အမူအရာ ပြောင်းလဲသွားလေသည်။

"မင်းကလည်း အမြင်ကျဉ်းလိုက်တာ ငါ့ဆီမှာ နတ်ဘုရားအဆင့် အရည်အသွေး ရှိတဲ့ ဝိညာဉ် သစ်သီး တစ်လုံးတောင် ရှိသေးတယ် အခြေခံစွမ်းရည် အားလုံးကို တိုးစေတာ ပိုပြီး လွန်ကဲသေးတယ်..."

အခြား အဖွဲ့ဝင် တစ်ယောက်က အလွန် တည်ငြိမ်စွာဖြင့် ပြောလိုက်လေသည် သူသည် လက်ထဲရှိ အရောင်သုံးမျိုး တောက်ပနေသော ဝိညာဉ် သစ်သီး ကို လှုပ်ရမ်းပြလိုက်ရာ အလွန် မျက်စိကျိန်းစရာ ကောင်းလှပေသည်။

၎င်းအတွင်းမှ ပြင်းထန်သော ဝိညာဉ်စွမ်းအင် များ လွင့်ပျံလာပြီး ထိုနေရာရှိ လူတိုင်းကို ၎င်း၏ အဆုံးအစမဲ့သော ထူးခြား ဆန်းကြယ်မှုများကို ခံစားသိရှိသွားစေလေသည်။

သူတို့ အားလုံးသည် မသိမသာပင် တံတွေး မြိုချမိသွားကြပြီး ဤကဲ့သို့ အရည်အသွေး မျိုးကိုသာ စားသုံးခွင့် ရမည် ဆိုပါက တကယ်ကို ကောင်းကင် ပျံတက်သွားမည် သာ ဖြစ်လေသည်။

လျင်မြန်စွာပင် အဖွဲ့ဝင်များ၏ ကြိုးပမ်းမှုဖြင့် ဤငါးမိနစ် အတွင်း ရရှိလာသော အကျိုးအမြတ်များကို စစ်ဆေး ရေတွက် ပြီးစီးသွားခဲ့လေသည်။

"အစ်ကိုကြီး ကျွန်တော် စစ်ဆေးထားတဲ့ ပစ္စည်းတွေ ကတော့ ဝတ်စုံတွေ ပါ စုစုပေါင်း ဘုရင်အဆင့် ဝတ်စုံ တစ်သိန်းတစ်သောင်း၊ ဧကရာဇ်အဆင့် ဝတ်စုံ တစ်ထောင့်သုံးဆယ် နဲ့ နတ်ဘုရားအဆင့် ဝတ်စုံ ငါးခု ပါ..."

"တကယ်ကို ကြောက်စရာ ကောင်းတာပဲ..."

အဖွဲ့ဝင် တစ်ယောက်က သတင်းပို့လိုက်လေသည်။