အခန်း ၃၁၉

အခန်း ၃၁၉ မုန်တိုင်း နဂါးဘုရင်

ကျန်းရှောင်ပိုင်သည် ခန္ဓာကိုယ်အတွင်းမှ ပြည့်ဝလှသော စွမ်းအားများကို ခံစားလိုက်ရပြီး ဤ လေဟာနယ် အတွင်းရှိ ရွှေရောင် အလင်းစက်လေးများ နှင့် ဆက်စပ်ကာ အံ့သြ သံသယ ဖြစ်စွာဖြင့် ပြောလိုက်လေသည်။

"ဟုတ်တယ်... အစ်ကိုကြီး က ထူးခြားတဲ့ အခြေအနေ တစ်ခုကို ဖွင့်လှစ်လိုက်တာ ဖြစ်ရမယ်... ဒီ ရွှေရောင် အလင်းစက်လေး တွေက အကျိုးကျေးဇူး တွေ အများကြီး ပေးနိုင်တယ်..."

"ညီအစ်ကိုတို့ ဘာစောင့်နေကြသေးတာလဲ... မြန်မြန် ပေါင်းစပ်လိုက်ကြတော့လေ..."

လုပွန်ဝေ့ က သူ၏ ခန္ဓာကိုယ် အတွင်းရှိ အရှိန်အဝါ များကို တည်ငြိမ်စေပြီးနောက် အလျင်စလို ပြောလိုက်လေသည်။

သူသည် မိမိ၏ အတွေ့အကြုံ ကို မျှဝေပေးလိုက်ခြင်း ဖြစ်ပြီး... ဤ အလင်းစက်လေး များမှာ သေးငယ်သော်လည်း ၎င်းအတွင်း၌ ကိန်းအောင်းနေသော စွမ်းအားများမှာ အလွန် ကြီးမား ကျယ်ပြန့်ကြောင်းကို စုပ်ယူဖူးသူတိုင်း သိရှိကြလေသည်။

ဤမျှ ထူးခြား ဆန်းကြယ်သော နည်းလမ်းများကို ပိုင်ဆိုင်ထားသူမှာ သေချာပေါက် အထွတ်အထိပ် သခင်ကြီး အဆင့် ရှိရမည်ဟု သူ တွေးတောမိလေသည်။

"လခွမ်း... အရမ်း အစွမ်းထက်တာပဲ... အရမ်း ကြမ်းတမ်းတယ်ကွာ..."

အိုးဟွမ် သည်လည်း အလင်းစက် အတွင်းရှိ စွမ်းအားများကို ပေါင်းစပ်လိုက်ပြီး အလွန်အမင်း အံ့အားသင့်သွားကာ သူ၏ တိုက်ခိုက်ရေး စွမ်းအားများ လျင်မြန်စွာ မြင့်တက်လာသည်ကို မျက်မြင်ကိုယ်တွေ့ မြင်တွေ့လိုက်ရလေသည်။

"အစွမ်းထက်တယ်... တကယ်ကို အစွမ်းထက်လွန်းတယ်... ငါ့ရဲ့ သွေးတွေတောင် ဆူပွက်နေပြီ..."

"ဘာတွေ ဖြစ်နေတာလဲ... ငါ့ကိုယ်ပေါ်မှာ ရွှေရောင် တက်တူး တွေ ပေါ်လာတယ်... လခွမ်း... ဒါ... ဒါက အစစ်အမှန် နဂါး လား..."

"တကယ်ကြီးပဲ... ငါ အရင်က သတိမထားမိခဲ့ဘူး... ငါ့ဆီမှာလည်း ရှိတယ်... ဟားဟားဟား..."

လျင်မြန်စွာပင် နောက်လိုက်များ အားလုံး အလင်းစက်လေး များကို စုပ်ယူ ပြီးစီးသွားကြပြီးနောက် သူတို့၏ ကိုယ်ပေါ်တွင် ရွှေရောင် တက်တူး များ ထွက်ပေါ်လာလေသည်။ ၎င်းတက်တူးများ အပေါ်ရှိ နဂါးငယ် ပုံစံများမှာ အသက်ဝင်နေသကဲ့သို့ ရှိပြီး အဆုံးအစမဲ့သော နက်နဲမှုများနှင့် ပြည့်နှက်နေကာ ကြီးမား ကျယ်ပြန့်သော အရှိန်အဝါ များကို ဖြာထွက်နေသဖြင့် သူတို့၏ ကိုယ်နေဟန်ထား များကိုပါ ပြောင်းလဲသွားစေခဲ့လေသည်။

ယခင်က အနည်းငယ် အချိုးမကျသော နောက်လိုက်များ ဖြစ်သည့် ဝမ်မာဇီ ၊ လီကောက်တန် အစရှိသူတို့မှာ ကိုယ်နေဟန်ထား ကြီးမားစွာ ပြောင်းလဲသွားပြီး ချက်ချင်းပင် အရပ်ရှည် ချောမောသော သူများ အဖြစ်သို့ ရောက်ရှိသွားကြလေသည်။

ထို့အပြင် ချိုက်ခွန်း ကဲ့သို့သော အနည်းငယ် မိန်းမဆန်သူများ သည်လည်း ချက်ချင်းပင် ယောက်ျားပီသသော သူများ အဖြစ်သို့ ပြောင်းလဲသွားကြပြီး တစ်ကိုယ်လုံး အသွင်သစ် တစ်ခုကို ရရှိသွားကြလေသည်။

လူတိုင်းက နဂါး တစ်ကောင်အလား အလွန် အစွမ်းထက်လှပေသည်။

"ဒီလိုဆိုတော့... ငါတို့ရဲ့ အစစ်အမှန် နဂါး စွမ်းအား ကလည်း စတင် နိုးထလာပြီပေါ့..."

"နိုးထလာပြီ... စနစ် ရဲ့ အသိပေးချက် အရ ငါ့ရဲ့ သွေးမျိုးဆက် ပေါင်းစပ်မှု က ၀.၀၁ ရာခိုင်နှုန်း ပဲ ရှိသေးတယ်..."

ရှောင်ယန် က အနည်းငယ် စိတ်ပျက်လက်ပျက်ဖြင့် ပြောလိုက်လေသည် ထုတ်ဖော် အသုံးပြုနိုင်မည့် စွမ်းအားများ အလွန် ကြီးမားသော်လည်း ဤကိန်းဂဏန်းမှာ အနည်းငယ် နိမ့်ကျနေလေသည်။

"လခွမ်း... မင်းက ထပ်ပြီး ကြွားလုံးထုတ် နေပြန်ပြီ... ငါ့ရဲ့ သွေးမျိုးဆက် ပေါင်းစပ်မှု က ၀.၀၀၅ ရာခိုင်နှုန်း ပဲ ရှိတယ်..."

ရှဲ့ရွှန်း က ရှောင်ယန် ကို မကျေမနပ်ဖြင့် ကြည့်ကာ ပြောလိုက်လေသည်။ ဤမျှ မြင့်မားသော သွေးမျိုးဆက် ပြည့်ဝမှု ကို ရရှိထားပြီးမှ ဆင်းရဲချင်ယောင် ဆောင်နေခြင်းက အခြားသူများကို မည်သို့ အသက်ရှင် နေထိုင်စေမည်နည်း။

"ဟုတ်ပါ့ ရန်အစ်ကို... မင်းရဲ့ ဒီကြွားလုံးထုတ် တာကို ငါ အမှတ် ၈၂ မှတ် ပေးတယ်..."

"ငါ့ရဲ့ သွေးမျိုးဆက် ပြည့်ဝမှု က မင်းထက် နည်းနည်း လျော့တယ် ၀.၀၀၉ ရာခိုင်နှုန်း ပဲ ရှိတယ်..."

လင်းတုန်း က အနည်းငယ် စိတ်ပျက်စွာဖြင့် ပြောလိုက်လေသည်။ ရှောင်ယန် ထက် နိမ့်ကျနေသဖြင့် သူ၏ ရင်ထဲတွင် အနည်းငယ် မကျေမနပ် ဖြစ်နေလေသည်။

ထို့နောက် နောက်လိုက်များ အားလုံးသည် သူတို့၏ အစစ်အမှန် နဂါး သွေးမျိုးဆက် ပြည့်ဝမှု များ အကြောင်းကို အဆက်မပြတ် ဆွေးနွေး ပြောဆိုနေကြလေသည်။

နောက်ဆုံးတွင် ၀.၀၁ ရာခိုင်နှုန်း ထက် ကျော်လွန်သူ မရှိကြောင်း တွေ့ရှိလိုက်ရပြီး လက်ရှိတွင် ဤအဆင့်သို့ ရောက်ရှိနေသူများမှာ ရှောင်ယန် ၊ အိုးဟွမ် ၊ လုပွန်ဝေ့ ၊ ချိုက်ခွန်း ၊ ရန်တင်းထျန်း အစရှိသူတို့ အပါအဝင် စုစုပေါင်း လူဆယ်ယောက်ပင် မပြည့်ကြောင်း တွေ့ရှိလိုက်ရလေသည်။

"လခွမ်း... ငါက အစွမ်းထက်ဆုံး အုပ်စု ထဲမှာ ပါနေလိမ့်မယ်လို့ တကယ် မထင်ထားဘူး..."

ရှောင်ယန် သည် လက်နှစ်ဖက်ကို ဖြန့်ကာ ဤရလဒ်ကို သိရှိပြီးနောက် သူ လုံးဝ ထင်မှတ်မထားခဲ့ကြောင်း ပြသလိုက်လေသည်။

"ဟက်... ငါ မယုံဘူး... မင်းက အမြဲတမ်း ကြွားလုံးထုတ် တာကို အကြိုက်ဆုံးပဲ..."

မူချန် က ရှောင်ယန် ၏ အကျင့်စရိုက်ကို အသိဆုံး ဖြစ်ရာ တိုက်ရိုက်ပင် ဝေဖန်လိုက်လေသည်။

"ဟုတ်တယ်... ဒါက အစစ်အမှန် နဂါး သွေးမျိုးဆက် နော်... မင်းက ဂေါ်ဖီထုပ် လို့များ ထင်နေလား... ဘယ်လောက်တောင် အစွမ်းထက်ပြီး ရဖို့ ခက်ခဲလိုက်သလဲ..."

"အခုလောက် ပြည့်ဝမှု ရှိနေတာကိုက အရမ်းကို အံ့သြစရာ ကောင်းနေပြီ..."

လင်းတုန်း ကလည်း ထောက်ခံ၍ ပြောလိုက်လေသည်။ သူသည် မိမိ၏ အစစ်အမှန် နဂါး သွေးမျိုးဆက် ပြည့်ဝမှု ကို အတော်လေး ကျေနပ်နေပြီး ဤလူများထဲတွင် အဆင့်ဆယ် အတွင်း ဝင်နိုင်မည်ဟု ခန့်မှန်းမိလေသည်။

ထို့နောက် ထိုနေရာတွင် ရှိနေသော နောက်လိုက်များ အားလုံးသည် ရွှေရောင် အလင်းစက်များ ကို အောင်မြင်စွာ စုပ်ယူ ပြီးစီးသွားကြပြီး အစစ်အမှန် နဂါး စွမ်းအား များကို အောင်မြင်စွာ အသက်ဝင်သွားစေကာ

လူတိုင်းမှာ အသွင်သစ် တစ်ခုသို့ ပြောင်းလဲသွားပြီး အစွမ်းထက်သော သူများ ဖြစ်လာကြလေသည်။

သေချာပေါက် တစ်ယောက်တည်းသာ ချွင်းချက် ဖြစ်ပြီး သူမမှာ ကက်သရင်း ပင်ဖြစ်သည်။

ယခုအချိန်တွင် သူမ၏ ရင်ထဲ၌ မည်မျှအထိ နာကျင်နေမည်ကို သူမကိုယ်တိုင်သာ သိရှိနိုင်လေသည်။

ဤအရာများမှာ အစစ်အမှန် နဂါး စွမ်းအား များ ဖြစ်သော်လည်း သူမ၏ ခန္ဓာကိုယ် အတွင်း၌ အနည်းငယ်မျှပင် မရှိချေ။

ထို့ကြောင့် သူမ အနေဖြင့် နဂါးဝိညာဉ် အစီအရင်ကြီး ကို အသုံးပြု၍ ၎င်းအတွင်းရှိ စွမ်းအားများကို ရယူနိုင်စွမ်း မရှိချေ။

လူတိုင်း ဝမ်းသာအားရ ကခုန်နေချိန်တွင် သူမ တစ်ယောက်တည်းသာ အားကျ လေးစားမှု မျက်ရည်များ ကျဆင်းနေရလေသည်။

ယခင်က ကက်သရင်း သည် သူမ၏ မင်းမျိုးမင်းနွယ် သွေးမျိုးဆက် အတွက် အလွန် ဂုဏ်ယူ ဝင့်ကြွားနေခဲ့လေသည်။

မည်သို့ပင်ဆိုစေ မင်းမျိုးမင်းနွယ် ၏ သွေးမျိုးဆက် ဖြစ်ရာ သူမ၏ ရင်ထဲတွင် မသိမသာပင် သာလွန်မှု တစ်ခု ရှိနေခဲ့လေသည်။

နတ်ဘုရား နှင့် မိစ္ဆာ တိုက်ကြီး သို့ ရောက်ရှိလာသော်လည်း ဤအရိုးထဲအထိ စွဲမြဲနေသော မောက်မာမှုများမှာ ချက်ချင်း ပြောင်းလဲရန် အလွန် ခက်ခဲလှပေသည်။

သို့သော် ယခုအခါတွင် သူမ အမှန်တကယ်ပင် အရှိုက်ကို အထိုးခံလိုက်ရလေပြီ။

ဤ မင်းမျိုးမင်းနွယ် သွေးမျိုးဆက် ဆိုသည်မှာ အလကားသာ ဖြစ်ပြီး နဂါး ရဲ့ ဆက်ခံသူ များ နှင့် နှိုင်းယှဉ်လိုက်မည် ဆိုပါက လုံးဝ အသုံးမကျသော အရာသာ ဖြစ်ကြောင်း တွေ့ရှိလိုက်ရလေသည်။

...

"နှမြောစရာပဲ... ဒီ အလင်းစက် တွေကို တစ်ခုပဲ စုပ်ယူခွင့် ရတာ... အကယ်လို့ နောက်ထပ် အများကြီး ထပ်စုပ်ယူခွင့် ရရင် အရမ်း ကောင်းမှာပဲ..."

ရန်တင်းထျန်း က သက်ပြင်းချကာ ပြောလိုက်လေသည်။ သူ ထပ်မံ စုပ်ယူရန် ကြိုးစားသော်လည်း မဖြစ်နိုင်ကြောင်း တွေ့ရှိလိုက်ရလေသည်။

"အဓိက က ခန္ဓာကိုယ် ကန့်သတ်ချက် ကို ရောက်သွားလို့ပဲ... ငါတို့ရဲ့ ခန္ဓာကိုယ် ကြံ့ခိုင်မှု က အရမ်း အားနည်းလွန်းနေသေးတယ်..."

ကျန်းရှောင်ပိုင် ကလည်း အလွန် စိတ်ပျက်စွာဖြင့် ပြောလိုက်လေသည်။

"ဟုတ်ပါ့ နှမြောစရာပဲ..."

"လခွမ်း... မင်းတို့ မြန်မြန် ကြည့်ကြစမ်း... အဲဒီ ရွှေရောင် အလင်းစက် တွေ အစ်ကိုကြီး ရဲ့ ခေါင်းပေါ်မှာ အဆက်မပြတ် စုစည်းနေကြတယ်..."

"ဟင်... ဒါ... ဒါက အရမ်း ကြမ်းတမ်းလွန်းတယ်..."

လူတိုင်းက အထက်သို့ မော့ကြည့်လိုက်ရာ ယခုအခါ ရွှေရောင် အလင်းစက် များမှာ လေဆင်နှာမောင်း တစ်ခု အဖြစ်သို့ ပြောင်းလဲသွားပြီး...

ကျိုးဟန် ၏ ခေါင်းပေါ်မှတစ်ဆင့် အဆက်မပြတ် စီးဝင်နေကာ...

ရေများကို မျိုချနေသည့် ဝေလငါး တစ်ကောင်အလား မြောက်မြားစွာသော အလင်းစက် များကို ခန္ဓာကိုယ် အတွင်းသို့ စုပ်ယူနေလေသည်။

ဤမြင်ကွင်းက နောက်လိုက်များကို အလွန်အမင်း အံ့အားသင့်သွားစေလေသည်။

သူတို့မှာ အလင်းစက် တစ်ခုတည်းကိုသာ စုပ်ယူနိုင်သော်လည်း ကျိုးဟန် ၏ ဤ တစ်ကြိမ်တည်းသော စုပ်ယူမှုမှာ သောင်းဂဏန်းခန့် ရှိမည်ဟု ခန့်မှန်းရလေသည်။

ဤ လူနှင့် လူ အကြား ကွာဟချက်မှာ အလွန် ကြီးမားလွန်းလှပေသည်။

"ငါတို့နဲ့ အစ်ကိုကြီး ရဲ့ ကွာဟချက်က ဘာလို့ ဒီလောက်တောင် ပိုပို ဝေးကွာလာရတာလဲ..."

အိုးဟွမ် က အံ့သြစွာဖြင့် ပြောလိုက်လေသည်။

မူလက သူသည် ကျိုးဟန် ၏ အဆင့်သို့ ရောက်ရှိရန် မရည်မှန်းထားသော်လည်း ကွာဟချက် အနည်းငယ် ကျဉ်းမြောင်းသွားရန်သာ မျှော်လင့်ထားခဲ့လေသည်။ သူ၏ အထင်တွင် အဆင့်မြင့်မားသော အခြေအနေ တစ်ခုသို့ ရောက်ရှိသွားပါက တိုးတက်မှု အမြန်နှုန်းမှာ နှေးကွေးသွားမည်ဟု တွေးတောထားခဲ့လေသည်။

သို့သော် သူ မှားယွင်းသွားခဲ့လေပြီ။ ကျိုးဟန် ၏ တိုးတက်မှု အမြန်နှုန်းမှာ ယခင်ကထက်ပင် ပိုမို မြန်ဆန်နေသေးလေသည်။

ဤတစ်ကြိမ် တိုးတက်မှု ပြီးဆုံးသွားပါက တိုက်ခိုက်ရေး စွမ်းအား များမှာ အရည်အသွေးပိုင်း ဆိုင်ရာ အပြောင်းအလဲကြီး တစ်ခုကို သေချာပေါက် ရရှိလာမည် ဖြစ်လေသည်။

"ဒါက ငါတို့ရဲ့ အစ်ကိုကြီး ပဲ နတ်ဘုရားသတ်ဖြတ်ခြင်း နန်းတော် ရဲ့ ခေါင်းဆောင် ကြီးပဲ... လူတိုင်းက နဂါး တစ်ကောင်အလား ဆိုတဲ့ ကြီးမားတဲ့ ရည်မှန်းချက်ကြီး က အခု စတင် အကောင်အထည် ပေါ်လာပြီ... အချိန်တန်ရင် ငါတို့ နတ်ဘုရားသတ်ဖြတ်ခြင်း နန်းတော် ကြီး ဘယ်လောက်တောင် ခမ်းနား ကြီးကျယ်လာမလဲ ဆိုတာ တကယ်ကို မျှော်လင့်စရာပဲ..."

လုပွန်ဝေ့ က ပြုံးကာ ပြောလိုက်လေသည်။

ကျိုးဟန် သည် သူတို့၏ အကြီးမားဆုံးသော ကျောထောက်နောက်ခံ ဖြစ်ရာ သူ ပိုမို အစွမ်းထက်လာလေလေ သူတို့ အားလုံးအတွက် ပိုမို ကောင်းမွန်လေလေ ပင်ဖြစ်သည်။

"ဟုတ်ပါ့ အရမ်း အစွမ်းထက်တယ်..."

"မင်းတို့တွေ ပြောကြည့်ကြပါဦး... အစ်ကိုကြီး ရဲ့ သွေးမျိုးဆက် ပြည့်ဝမှု က ဘယ်အဆင့်လောက် ရောက်သွားပြီလဲ မသိဘူး..."

ရှဲ့ရွှန်း က စပ်စုလိုစိတ်ဖြင့် မေးမြန်းလိုက်လေသည်။

"ဒါတော့ သေချာ မပြောတတ်ဘူး... 1 ရာခိုင်နှုန်း လောက်တော့ ရှိမယ် ထင်တယ်..."

လီကောက်တန် က ခန့်မှန်း၍ ပြောလိုက်လေသည်။ ဤကိန်းဂဏန်းမှာ အလွန် ကြောက်မက်ဖွယ် ကောင်းနေပြီ ဖြစ်ပြီး သူတို့ထက် အနည်းဆုံး အဆတစ်ရာခန့် သာလွန်နေလေသည်။

"ဟက် မင်းက ငါတို့ အစ်ကိုကြီး ကို အရမ်း အထင်သေးလွန်းနေပြီ... ငါ ထင်တာတော့ 5 ရာခိုင်နှုန်း လောက် ရှိမယ် ထင်တယ်..."

ဝမ်မာဇီ က အနည်းငယ် မကျေမနပ်ဖြင့် ပြောလိုက်လေသည်။

"ဟင်... 5 ရာခိုင်နှုန်း တောင်... ဒါက နည်းနည်း လွန်ကဲနေသလား လို့..."

"ဒါ နည်းနည်း ယုံရခက်လွန်းတယ်..."

အစစ်အမှန် နဂါး သွေးမျိုးဆက် ကို ပေါင်းစပ်ဖူးမှသာ သွေးမျိုးဆက် ပြည့်ဝမှု ကို အနည်းငယ် မြှင့်တင်ရန်မှာ မည်မျှ ခက်ခဲကြောင်းကို သိရှိနိုင်လေသည်။

ကြီးမားလှသော စွမ်းအင် အထောက်အပံ့များ လိုအပ်ရုံသာမက အလွန် အစွမ်းထက်သော ခန္ဓာကိုယ် ကြံ့ခိုင်မှု လည်း လိုအပ်သေးလေသည်။

ဤအချက် နှစ်ချက်စလုံး ပြည့်စုံမှသာ အစစ်အမှန် နဂါး သွေးမျိုးဆက် ကို စုပ်ယူရန် အခြေအနေ ပြည့်မီမည် ဖြစ်လေသည်။

ထို့အပြင် ဤအချက်များ အနက်မှ ခန္ဓာကိုယ် ကြံ့ခိုင်မှု မှာ အခက်ခဲဆုံး ပင်ဖြစ်သည်။

ထို့ကြောင့် လူတိုင်း အနည်းငယ် အံ့အားသင့်နေခြင်းမှာ အကြောင်းပြချက် ခိုင်လုံလှပေသည်။

[စနစ် အသိပေးချက် - သင်၏ သိုလှောင်ခန်း အတွင်း၌ မုန်တိုင်း နဂါးဘုရင် ၏ နဂါးအကြေးခွံ ၁၀ ခု ရှိနေကြောင်း စစ်ဆေးတွေ့ရှိပါသည်... ၎င်းအတွင်း၌ မုန်တိုင်း နဂါးဘုရင် ၏ သွေးစွမ်းအင် များ ကိန်းအောင်းနေပြီး ဤတစ်ကြိမ် အစစ်အမှန် နဂါး သွေးမျိုးဆက် ကို ပေါင်းစပ်ရာတွင် အလွန် ကြီးမားသော အထောက်အကူ ဖြစ်စေမည် ဖြစ်ပါသည်... စုပ်ယူမည်လား]