အခန်း ၃၇၇

အခန်း (၃၇၇) သူပါလား

ယွမ်ဟိုင်လုပ်ငန်းစုသည် ကျင်းတူး၏ နည်းပညာအချက်အချာကျသော နေရာတွင် တည်ရှိပေသည်။

ထိုချိန်အားကစားကားတစ်စီးသည် ဖြည်းညင်းစွာ မောင်းနှင်ဝင်ရောက်လာခဲ့၏။ ၎င်းသည် ပတ်ဝန်းကျင်ရှိ အခြားသော စီးပွားရေးသုံး ယာဉ်များနှင့်မတူဘဲ ထင်ရှားပေါ်လွင်နေပေသည်။

ကားကို ရပ်နားပြီးနောက် လီကျန်းရှီးသည် တည်ငြိမ်စွာဖြင့် ဆင်းလာပြီး သူ၏ အဝတ်အစားများကို သပ်သပ်ရပ်ရပ် ဖြစ်အောင် ပြင်ဆင်လိုက်ကာ အထဲသို့ ဝင်ရောက်သွားလေ၏။

ဤအချိန်တွင် မန်နေဂျာ လီမေ့ကျူးနှင့် အခြားသူများမှာ ဤနေရာ၌ စောင့်ဆိုင်းနေနှင့်ပြီး ဖြစ်ပေသည်။

"အန်တီ... အရမ်းနောက်ကျမသွားဘူးမလား..."

"လမ်းမှာ အနည်းငယ် အနှောင့်အယှက်လေးတွေ ရှိခဲ့လို့ နည်းနည်း နောက်ကျသွားတယ်..." လီကျန်းရှီးက ပြောလိုက်၏။

"ရပါတယ်... သိပ်နောက်မကျသေးပါဘူး..." မန်နေဂျာ လီမေ့ကျူးက အချိန်ကို တစ်ချက်ကြည့်ကာ ပြောလိုက်သည်။

"ဒီစီးပွားရေး အပေးအယူနဲ့ ပတ်သက်ပြီး အရင်ဆုံး ငါ မင်းကို ပြောပြမယ်..."

"ဥက္ကဋ္ဌကြီးက ငါတို့တွေ Lithography စက် တစ်သုတ် ဝယ်ယူဖို့ လိုအပ်တယ်လို့ ပြောထားတယ်..."

"ငါတို့ရဲ့ ရန်ပုံငွေက တာ့ရှား(တရုတ်)ငွေ ယွမ် ၂၀ ဘီလီယံလောက် ရှိတယ်... ဒီညှိနှိုင်းမှုက အဓိကအားဖြင့် ဈေးနှုန်း ညှိနှိုင်းဖို့ပဲ..."

"ဒီအမှာစာကို ငွေကြေးပမာဏ အနည်းငယ်နဲ့ ရရှိနိုင်တာက သဘာဝကျကျ ကုမ္ပဏီအတွက် အရမ်းကို အကျိုးရှိစေမှာပဲ.." မန်နေဂျာ လီမေ့ကျူးက ပြောလိုက်၏။

"ကောင်းပါပြီ... ကျွန်တော် နားလည်ပါပြီ..."

"ကျွန်တော့်ရဲ့ စီးပွားရေး ပါရမီရှင်ဆိုတဲ့ အရည်အချင်းကို ကျွန်တော် အသုံးချပါ့မယ်..."

"ယွမ် ၂၀ ဘီလီယံ တန်ဖိုးရှိတဲ့ တာ့ရှား(တရုတ်)ပရောဂျက်ကို ရအောင် ကျွန်တော် ကြိုးစားပါ့မယ်..." လီကျန်းရှီးက ယုံကြည်မှုအပြည့်ဖြင့် ပြောလိုက်သည်။

"အင်း... မင်းမှာ ဒီလို ရည်ရွယ်ချက် ရှိတာ ကောင်းပါတယ်..."

"ဒါပေမဲ့ ငါတို့ရဲ့ ပြိုင်ဘက်တွေက အရမ်းကို အင်အားကြီးတယ်နော်..."

"သူက ယွမ်ဟိုင်လုပ်ငန်းစုရဲ့ ဥက္ကဋ္ဌပဲ..."

"ဒါပေမဲ့ သူက မင်းနဲ့ အသက်အရွယ်လောက်ပဲ ရှိဦးမှာ..."

"ဒါက ဘယ်လောက်တန်ဖိုးရှိလဲဆိုတာကို မင်း သိထားသင့်တယ်..."

"သူ့ပါးစပ်ထဲကနေ အသားတစ်ဖဲ့ ရအောင် ယူဖို့ဆိုတာ လုံးဝ လွယ်ကူတဲ့ ကိစ္စတော့ မဟုတ်ဘူး..." မန်နေဂျာ လီမေ့ကျူးက သတိပေးလိုက်ပေ၏။

"...အန်တီ... ကျွန်တော့်ကို အရမ်း အထင်သေးနေတာပဲ... စီးပွားရေး ပါရမီရှင်ဆိုတဲ့ ဂုဏ်ပုဒ်က ကိုယ့်ကိုယ်ကိုယ် ပေးထားတာ မဟုတ်ဘူး... ကိုယ့်ကြိုးစားမှုနဲ့ ရယူထားတာပါ..."

"ဒါက အနှစ်နှစ်ဆယ်ကျော် သည်းခံမှုနဲ့ သီးခံခြင်းကနေ စုဆောင်းရရှိထားတာတွေပါ..."

"ပျော်ဖို့သက်သက် ပြောနေတာ မဟုတ်ဘူးနော်... ကျွန်တော့်မှာ တကယ်ကို အရည်အချင်း ရှိပါတယ်..." လီကျန်းရှီးက ယုံကြည်မှုအပြည့်ဖြင့် ပြောလိုက်သည်။

"အင်း... အဲဒီလိုဆိုရင်တော့ အစွမ်းကုန် ကြိုးစားလိုက်ပါ..."

"ဒီလိုဆိုရင် မင်းအဖေ့ရှေ့မှာ အနည်းဆုံး မျက်နှာပန်းလှတာပေါ့..." မန်နေဂျာ လီမေ့ကျူးက ပြောလိုက်၏။

"စိတ်မပူပါနဲ့... ကျွန်တော် တာဝန်ယူပါတယ်..." လီကျန်းရှီးက ယုံကြည်မှုအပြည့်ဖြင့် လက်ဝှေ့ယမ်းပြလိုက်သည်။

ထိုအခိုက်အတန့်တွင် မာဂိုတန် ကားတစ်စီးသည် အဆောက်အအုံရှေ့သို့ ဖြည်းညင်းစွာ မောင်းနှင်လာခဲ့လေ၏။

လီကျန်းရှီး လှမ်းကြည့်လိုက်ရာ ထိုကားကို တစ်နေရာရာတွင် မြင်ဖူးသကဲ့သို့ အနည်းငယ် ရင်းနှီးနေသည်ဟု ရုတ်တရက် ခံစားလိုက်ရသည်။

သို့သော် ဤကားအမျိုးအစားသည် တာ့ရှား(တရုတ်)တွင် အလွန် အရောင်းသွက်သဖြင့် ယခင်က မြင်ဖူးနေခြင်းမှာ ပုံမှန်ကိစ္စသာ ဖြစ်ပေ၏။

"သူတို့ ရောက်လာကြပြီ..." မန်နေဂျာ လီမေ့ကျူးက ကားကို ကြည့်ရင်း ပြောလိုက်သည်။

"သူက ယွမ်ဟိုင်လုပ်ငန်းစုရဲ့ ဥက္ကဋ္ဌလား..." လီကျန်းရှီးက မေးလိုက်၏။

"ဟုတ်တယ်..."

"သူက ယွမ်ဟိုင်လုပ်ငန်းစုရဲ့ ဥက္ကဋ္ဌလေ..."

"တာ့ရှား(တရုတ်)မှာ Lithography စက် နည်းပညာကို အောင်မြင်အောင် လုပ်ဆောင်နိုင်ခဲ့တာ သူပဲ... တခြားသူတွေ ဆယ်စုနှစ်ချီပြီး အချိန်ယူရတဲ့ ကိစ္စကို သူ့အသက်အရွယ်လေးနဲ့ အောင်မြင်အောင် လုပ်နိုင်ခဲ့တာ... သူက တကယ်ကို လူတွေကြားထဲက နဂါးတစ်ကောင်ပဲ..."

"ပြီးတော့ ကင်ဆာကုသရေးအတွက် အဓိကနည်းပညာတွေကို ထောက်ပံ့ပေးခဲ့တာလည်း သူပဲလို့ ငါ ကြားထားတယ်..."

"သူက အခုဆို ပိုပြီးတောင် အစွမ်းထက်နေပြီ..." မန်နေဂျာ လီမေ့ကျူး၏ စကားများတွင် ထိုလူငယ် ဥက္ကဋ္ဌလေးအပေါ် ချီးကျူးဂုဏ်ပြုမှုများကို လုံးဝ ဖုံးကွယ်ထားခြင်း မရှိခဲ့ချေ။

အကယ်၍ Six Starလုပ်ငန်းစု၏ အနာဂတ် အမွေဆက်ခံသူများသည် သူ၏ အရည်အချင်း တစ်ဝက်ခန့်ကိုပင် ပိုင်ဆိုင်ထားပါက လုပ်ငန်းစုကြီးအတွက် ကြီးမားလှသော ကောင်းချီးမင်္ဂလာတစ်ရပ် ဖြစ်ပေလိမ့်မည်။

"နောက်မှ သူ ကားပေါ်ကနေ ဆင်းလာတဲ့အခါ မင်းက အောက်ကျို့တာမျိုး မာနထောင်လွှားတာမျိုး မလုပ်ဘဲ Six Starလုပ်ငန်းစုရဲ့ သဘောထားကို ပြသရမယ်နော်..."

"စုယွမ်က အရမ်း အရည်အချင်းရှိပေမဲ့ ငါတို့ Six Starလုပ်ငန်းစုကလည်း တခြားသူတွေထက် နိမ့်ကျနေလို့ မရဘူး... ငါတို့ ယုံကြည်မှုရှိရမယ်..." မန်နေဂျာ လီမေ့ကျူးက သူ့အား ထပ်မံ သတိပေးလိုက်လေသည်။

"သေချာတာပေါ့..." လီကျန်းရှီးက သဘောတူလိုက်စဉ်မှာပင် ရုတ်တရက် အေးခဲသွားတော့၏။

"ဟင်..."

"အန်တီ... ခုနက ဘာပြောလိုက်တာလဲ..."

"ဒီဥက္ကဋ္ဌ နာမည်ကလည်း စုယွမ်လား..." လီကျန်းရှီး၏ မျက်ခုံးများ နက်ရှိုင်းစွာ တွန့်ချိုးသွားခဲ့ပေသည်။

"ဟင်..." မန်နေဂျာ လီမေ့ကျူးက သူ့အား နားမလည်နိုင်သော အမူအရာဖြင့် ကြည့်ကာ မေးလိုက်၏။ "ဘာလဲ... မင်း မသိဘူးလား..."

"ဒီအချိန်တောအတွင်း မင်းက တာ့ရှား(တရုတ်)မှာပဲ ရှိနေတာ မဟုတ်ဘူးလား... ကမ္ဘာတစ်ဝန်းမှာ ဟိုးလေးတကြော် ဖြစ်စေခဲ့တဲ့ ဒီသတင်းက ဒီကနေပဲ စတင်ပျံ့နှံ့ခဲ့တာလေ... မင်းက ဒီမှာ အချိန်ပြည့် ရှိနေတာကို ဘာလို့ စုယွမ်ကို မသိရတာလဲ..."

မန်နေဂျာ လီမေ့ကျူး၏ မျက်လုံးများထဲတွင် နက်ရှိုင်းသော သံသယများ ပြည့်နှက်နေခဲ့လေသည်။

"မဟုတ်ဘူး... ဘယ်စုယွမ်လဲဆိုတာကို ကျွန်တော် မသိလို့ပါ..."

"စုယွမ်ဆိုတဲ့ နာမည်နဲ့ တခြားသူတွေကိုလည်း ကျွန်တော် သိထားလို့ပါ..."

လီကျန်းရှီးသည် အလျင်အမြန်ပင် ရှင်းပြချက်တစ်ခု ပေးလိုက်၏။

တာ့ရှား(တရုတ်)မှ တီထွင်လိုက်သော Lithography စက်အကြောင်း သတင်းကို သူ သေချာပေါက် သိရှိထားပေသည်။

ဒါပေမဲ့ အဲဒီအချိန်တုန်းက ငါက ပျော်ရွှင်မှုတွေထဲမှာ အရမ်း နစ်မြုပ်နေခဲ့တော့ ဒီအကြံဉာဏ်ကို တကယ်တမ်း ဘယ်သူ စဉ်းစားမိခဲ့တာလဲဆိုတာကို ဂရုမစိုက်မိခဲ့ဘူး…

အဲဒါက စုယွမ်ဖြစ်လိမ့်မယ်လို့ ငါ လုံးဝ မထင်မှတ်ထားခဲ့ဘူး…

ငါသိတဲ့ စုယွမ်တော့ မဖြစ်လောက်ပါဘူး… မဟုတ်ဘူးမလား…

သေချာပေါက် မဟုတ်လောက်ပါဘူး…

လီကျန်းရှီး တွေးတောနေစဉ်မှာပင် သူ၏အရှေ့ရှိ ကားတံခါး ပွင့်သွားသည်ကို ရုတ်တရက် မြင်တွေ့လိုက်ရလေ၏။

ယာဉ်မောင်းခုံမှ အလွန်ရင်းနှီးနေသော ပုံရိပ်တစ်ခု ဆင်းလာခဲ့သည်။

ထို့နောက် ကားနောက်ခန်းမှ စုယွမ် ထွက်ပေါ်လာခဲ့ပေ၏။

လီကျန်းရှီး၏ မျက်လုံးများ ချက်ချင်း ပြူးကျယ်သွားတော့သည်။

"တကယ်ကြီး သူပါလား..." သူ လုံးဝ အံ့အားသင့်သွားခဲ့ရပေ၏။

ဘယ်လိုလုပ် သူဖြစ်နေရတာလဲ။

ဘယ်လိုလုပ် သူဖြစ်နေရတာလဲ။

ဘာလို့ သူလဲ။

မေးခွန်းသုံးခုက သူ့အား ဆွံ့အသွားစေပြီး ထိုနေရာတွင်ပင် အမြစ်တွယ်သွားသကဲ့သို့ ရပ်တန့်နေစေခဲ့သည်။

"ဘာလဲ... မင်း သူ့ကို သိလို့လား..." မန်နေဂျာ လီမေ့ကျူးက ချက်ချင်းပင် ပြုံးလိုက်၏။

ငါ့တူက ဘာမှသုံးစားမရပေမဲ့ တကယ်တော့ စုယွမ်ကို သူ သိနေတာပဲ…

ဒါက နောက်လာမယ့် ဆွေးနွေးညှိနှိုင်းမှုတွေအတွက် သိသာထင်ရှားတဲ့ အားသာချက်တစ်ခု ရှိနေတာပဲ…

"ကျွန်တော်တို့ အချင်းချင်း သိတယ်လို့ ပြောလို့ရပါတယ်..." လီကျန်းရှီးက စိတ်ပျက်လက်ပျက်ဖြင့် ပြန်ဖြေလိုက်သည်။

"ဟားဟား... ကျန်းရှီး... မင်းက ငါ့ကို တကယ် စိတ်ပျက်အောင် မလုပ်ခဲ့ပါဘူး..."

"စိတ်မပူပါနဲ့... မင်းရဲ့ ဒီအောင်မြင်မှုအကြောင်းကို မင်းအဖေဆီ သေချာပေါက် သတင်းပို့ပေးပြီး သူ့ကို မင်းအတွက် သေချာ ချီးကျူးခိုင်းလိုက်ပါ့မယ်..." မန်နေဂျာ လီမေ့ကျူးက ပြုံးရင်း ပြောလိုက်၏။

"ဒါ.." လီကျန်းရှီးမှာ ချွေးများဖြင့် ဖုံးလွှမ်းနေခဲ့ပေပြီ။

သူ၏ ယခင်က ယုံကြည်မှုများနှင့် ဝင့်ကြွားမှုများမှာ လုံးဝ ပျောက်ကွယ်သွားခဲ့လေ၏။

ငါနဲ့ စုယွမ်က ရန်သူတွေလေ…

နောက်ကျရင် ဆွေးနွေးညှိနှိုင်းမှုတွေ လုပ်ရဦးမှာ…

အဲဒီအခါကျရင် ငါက သူ့ရဲ့ တိုက်ခိုက်မှုတွေအတွက် ပစ်မှတ်တစ်ခု ဖြစ်သွားမှာ မဟုတ်ဘူးလား…

ဒါပေမဲ့...

ဒါပေမဲ့ ဒါကို ပွင့်ပွင့်လင်းလင်း ပြောလို့မှ မရသေးတာ...

သို့သော် မျက်တောင်တစ်ခတ်အတွင်းမှာပင် စုယွမ်သည် သူတို့အနီးသို့ ရောက်ရှိလာခဲ့လေပြီ။

"ဥက္ကဋ္ဌစု... လူချင်း အခုလို တွေ့ရတာ ဝမ်းသာပါတယ်..."

"ကျွန်မက Six Starလုပ်ငန်းစုရဲ့ ဒုတိယ ညွှန်ကြားရေးမှူးနဲ့ မန်နေဂျာ လီမေ့ကျူးပါ... အရင်က ဖုန်းထဲမှာ ကျွန်မတို့ စကားပြောဖူးပါတယ်..." မန်နေဂျာ လီမေ့ကျူးက သူမကိုယ်သူမ မိတ်ဆက်လိုက်၏။

"အို... မင်္ဂလာပါ ညွှန်ကြားရေးမှူးလီ..."

"တွေ့ရတာ ဝမ်းသာပါတယ်..." စုယွမ်က ပြန်လည်ဖြေကြားလိုက်သည်။

"ဟားဟား... ကျွန်မတို့ အခု မိတ်ဆွေတွေ ဖြစ်သွားပြီလို့ သတ်မှတ်လို့ ရပါပြီ..."

"ဒီလူကိုတော့ ကျွန်မ အများကြီး မိတ်ဆက်ပေးစရာ မလိုတော့ဘူးလို့ ထင်ပါတယ်..." မန်နေဂျာ လီမေ့ကျူးက သူမဘေးရှိ လီကျန်းရှီးကို ကြည့်ကာ ပြောလိုက်၏။

စုယွမ် သူ့ကို တစ်ချက်ကြည့်လိုက်ပြီးနောက် ပြုံးကာ ပြောလိုက်သည်။ "ဪ... သခင်လေးလီကိုး..."

"ဒီနေ့ အစည်းအဝေးက သခင်လေးလီနဲ့ ကျွန်တော်လား ဒါမှမဟုတ် ညွှန်ကြားရေးမှူးလီနဲ့ ကျွန်တော်လားဆိုတာကို ကျွန်တော် သိချင်မိတယ်..." စုယွမ်က မေးလိုက်၏။

"ဟားဟား... ရှင်နဲ့ ကျန်းရှီးက မိတ်ဆွေဟောင်းတွေပဲလေ... ပြီးတော့ ကျွန်မတို့ အားလုံးက မိသားစုတစ်ခုတည်းကပဲဆိုတော့ သဘာဝကျကျ အတူတူ ဆွေးနွေးကြမှာပေါ့..." မန်နေဂျာ လီမေ့ကျူးက ရယ်မောလိုက်သည်။

"ကျန်းရှီး... ဥက္ကဋ္ဌစုက မင်းရဲ့ သူငယ်ချင်းကောင်းလေ... မင်းက ဘာလို့ ဘာမှမပြောဘဲ နေနေတာလဲ..." မန်နေဂျာ လီမေ့ကျူးက လီကျန်းရှီးကို တံတောင်ဖြင့် တွတ်ကာ ပြောလိုက်၏။

"ဒါ..." လီကျန်းရှီးသည် အနေခက်နေပုံပေါ်ပေသည်။

သူငယ်ချင်းကောင်းတဲ့လား...

ဒီစကားလုံးက ဒီနေရာနဲ့ လုံးဝ မကိုက်ညီဘူးလေ...

"ဥက္ကဋ္ဌစု..." လီကျန်းရှီးသည် ဘာပြောရမှန်း လုံးဝ မသိဖြစ်နေခဲ့၏။

"သခင်လေးလီ... ဒီလောက်မြန်မြန် ပြန်တွေ့ရလိမ့်မယ်လို့ ကျွန်တော် မထင်မှတ်ထားခဲ့ဘူး..."

"ခင်ဗျား တစ်ခါပြောခဲ့တာကို မှတ်မိနေသေးတယ်..."

"မြစ်အရှေ့ဘက်က အနှစ်သုံးဆယ် မြစ်အနောက်ဘက်က အနှစ်သုံးဆယ်..."

"ဒီအစည်းအဝေးအတွင်းမှာ ခင်ဗျားရဲ့ သာမန်ထက်လွန်ကဲတဲ့ စွမ်းရည်တွေကို မြင်တွေ့ခွင့်ရဖို့ မျှော်လင့်ပါတယ်..."