အခန်း ၅၇၆

အခန်း (၅၇၆)

" ဒီကမ္ဘာရဲ့ စိတ်ဝိညာဉ်စွမ်းအားက ရှန်းကျိုးထက်တောင် ပိုထူထပ်သေးတယ်။ ထျန်းရွှမ်ကြေးမုံကနေ ဆေးလုံးတွေနဲ့ အရင်းအမြစ်တွေကို အဆက်မပြတ် ထောက်ပံ့ပေးနိုင်တာ အံ့ဩစရာမရှိပါဘူး။ ချင်ရဲ့ အရင်းအမြစ်အားလုံးက ဒီကလာတာပဲ။ ဖုန်းအာ ချင်က မင်းကို ဝန်ထုပ်ဝန်ပိုး ဖြစ်စေခဲ့ပြီ။ " ရင်ကျန့်က ခံစားချက်များဖြင့် ပြောလိုက်သည်။

" ဘယ်လိုလုပ်ဝန်ထုပ်ဝန်ပိုးလို့ ခေါ်လို့ရမှာလဲ။ ချင်သာမရှိရင် သားတော်လည်း ဒီအဆင့်ကို ရောက်လာမှာမဟုတ်ဘူး။ " ကျောက်ဖုန်းက ပြောလိုက်သည်။

" ငါဘာလုပ်ပေးရမလဲ။ " ရင်ကျန့်က တိုက်ရိုက်မေးလိုက်သည်။

" အခုလောလောဆယ်တော့ ဘာမှလုပ်စရာမရှိသေးပါဘူး။ အင်မော်တယ်ဘုံကို တိုက်ခိုက်မယ်ဆိုတာကလည်း လုံလောက်တဲ့ စစ်သည်တွေ လိုအပ်သေးတယ်။ ပြင်ဆင်မှုတွေ လုပ်ရဦးမယ်။ ကောင်းကင်ဘုံမှာ တစ်ရက်က လူသားဘုံမှာတစ်နှစ်။ သားတော် စစ်သည်ငါးထောင်ကို ရွေးချယ်ပြီး ကမ္ဘာငယ်ထဲ ဝင်ခိုင်းမယ်။ ရှန်းကျိုးရဲ့ အချိန်နဲ့ နှစ်အတော်ကြာ ကျင့်ကြံပြီးမှ အင်မော်တယ်ဘုံကို သွားမယ်။ " ကျောက်ဖုန်းက ပြောလိုက်သည်။

" မင်းရဲ့ အစီအစဉ်အတိုင်းပဲလုပ်ပါ။ မင်းရဲ့ ယောက္ခမကို စစ်သည်ငါးသိန်း စုစည်းခိုင်းပြီး ကမ္ဘာငယ်ထဲ စေလွှတ်လိုက်မယ်။ " ရင်ကျန့်က ခေါင်းညိမ့်လိုက်သည်။

" ဒါ့အပြင် ခမည်းတော် ကမ္ဘာငယ်ထဲကို ဝင်နိုင်မယ့် ကောင်းကင်တာအိုအာဏာကို ပေးလိုက်မယ်။ ဒါဆို သားတော် အင်မော်တယ်ဘုံရောက်လို့ လူအင်အားလိုရင်လည်း ကမ္ဘာငယ်ထဲကနေ တိုက်ရိုက်ခေါ်သုံးလို့ရတယ်။ "

ကျောက်ဖုန်းက အာကသမျိုးစေ့ကို မရခင် ဝင်ပေါက်ဖွင့်ခွင့်ကို အခြားသူအား မပေးနိုင်ခဲ့ပေ။ အာကာသနိယာမမျိုးစေ့ကို ရရှိပြီးနောက် ကမ္ဘာငယ်က အာကာသနိယာမကို ပိုင်ဆိုင်သွားမှသာ ထိုအခွင့်အာဏာကို ရရှိခဲ့သည်။ ထိုအချက်ကြောင့် ကမ္ဘာငယ်က ပို၍ အသုံးဝင်လာခဲ့သည်။

" ကောင်းပြီ။ " ရင်ကျန့်က ခေါင်းညိမ့်လိုက်သည်။

ကမ္ဘာငယ်မှ ထွက်လာပြီးနောက် ကျောက်ဖုန်းက ရင်ကျန့်ကို ကမ္ဘာငယ်ဖွင့်ခွင့်အာဏာကို ပေးလိုက်သည်။

အိမ်ရှေ့စံနန်းတော်။

" အလယ်အလတ်အဆင့် အင်ပါယာမင်းဆက်ကို ရောက်သွားပြီဆိုတော့ ရွှမ်ငှက်ရဲ့ နောက်ထပ်စွမ်းရည်တစ်ခုကို ရွေးလို့ရပြီ။ " ကျောက်ဖုန်းက ပြန်ရောက်လာပြီးနောက် ထိုအချက်ကို တွေးမိလိုက်သည်။

စစ်သည် - အင်ပါယာကံကြမ္မာစွမ်းအား၏ ကောင်းချီးအောက်တွင် စစ်သည်များ၏ တိုက်ခိုက်ရေးစွမ်းအားက ၈၀ ရာခိုင်းနှုန်း တိုက်တက်စေသည်။

ရာသီဥတု - အင်ပါယာအတွင်း ရာသီဥတုသာယာပြီး သီးနှံအထွက်နှုန်း ၈၀ ရာခိုင်နှုန်း တိုးတက်စေမည်။

ကျင့်ကြံမှု - အင်ပါယာအတွင်း ပြည်သူအားလုံး၏ ကျင့်ကြံမှုကို ၈၀ ရာခိုင်နှုန်း တိုးမြှင့်ပေးသည်။ (ရွေးချယ်ပြီး)

စိတ်ဝိညာဉ် - အင်ပါယာအတွင်း မွေးလာသော ကလေးများ၏ အရည်အချင်းကို ၈၀ ရာခိုင်နှုန်းတိုးမြှင့်ပေးသည်။ (ရွေးချယ်ပြီး)

" ချင်အင်ပါယာအတွင်းမှာ ရာသီဥတုက သာယာနေပြီးသား။ ဒီတစ်ခုကို ထားလိုက်လို့ရတယ်။ ဒါကြောင့် ဒီတစ်ခါ စစ်သည်တွေရဲ့ တိုက်ခိုက်ရေးစွမ်းအား ၈၀ ရာခိုင်နှုန်းတိုးတက်လာတာကို ရွေးချယ်မယ်။ ငါကိုယ်တိုင် စစ်တပ်ကို ဦးမဆောင်ရင်တောင် တိုက်ခိုက်ရေးစွမ်းအားကို သိသိသာသာ တိုးမြှင့်ပေးနိုင်တယ်။ " ကျောက်ဖုန်းက စစ်သည်ကို ရွေးချယ်လိုက်သည်။

စစ်သည်များအပြင် ကျင့်ကြံမှုကလည်း ချင်နယ်မြေအတွင်းမှ ပြည်သူများ၏ ကျင့်ကြံမှုကို ၈၀ ရာခိုင်နှုန်းအထိ တိုးမြှင့်ပေးနိုင်သည်။ ပို၍ အရေးပါသည်မှာ မွေးကင်းစကလေးများ၏ ကျင့်ကြံမှုအရည်အချင်းကို ၈၀ ရာခိုင်နှုန်း တိုးမြှင့်ပေးခြင်းဖြစ်သည်။ နောင်တစ်ချိန်တွင် ချင်အင်ပါယာအတွင်း မွေးဖွားလာသော ကလေးတိုင်းက ကျင့်ကြံနိုင်မည်ဖြစ်သည်။

" ​ဆုလာဘ်တွေ ရယူမယ်။ " ကျောက်ဖုန်းက ပြောလိုက်သည်။

" ချင်က အင်ပါယာမင်းဆက်အဖြစ်သို့ တက်လှမ်းပြီး အဆင့်ခြောက်ရတနာသေတ္တာကို ရရှိပါတယ်။ လူသားတာအို၏ တုန့်ပြန်မှု စွမ်းရည်အားလုံး ၅၀၀၀၀၀ မှတ်ရရှိပါတယ်။ ရယူလိုပါသလား။ " စနစ်မှ အသိပေးချက် ထွက်ပေါ်လာသည်။

ထိုမျှများပြားသော စွမ်းရည်မှတ်များကို ကျောက်ဖုန်းက အံ့ဩခြင်းမရှိပေ။ ကံကြမ္မာမင်းဆက်အဆင့်တက်တိုင်း ကြီးမားသော ဆုလာဘ်များကို ရရှိသည်။ ချင်က အင်ပါယာမင်းဆက်ဖြစ်နေပြီး နောက်တစ်ဆင့်တက်လျှင် လူသားဘုံ၏ အထွတ်အထိပ်ဖြစ်သော ကောင်းကင်မင်းဆက်အဆင့်သို့ ရောက်မည်ဖြစ်သည်။ ကံကြမ္မာမင်းဆက်အဆင့်တက်တိုင်း ကျောက်ဖုန်းက လူသားတာအိုမှ ပေးသော စွမ်းရည်များကို ရရှိနိုင်သည်။

" ရယူမယ်။ " ကျောက်ဖုန်းက ပြောလိုက်သည်နှင့် ရွှေရောင်အလင်းတန်းတစ်ခုက သူ့ဆီသို့ ရောက်လာပြီး ကိုးဆင့်ပြောင်းလဲခြင်းသိုင်းတာအိုကျင့်စဉ်က စတင်လည်ပတ်လာသည်။ ကောင်းကင်နှင့် မြေကြီး၏ စိတ်ဝိညာဉ်စွမ်းအားများက သူ၏ ခန္ဓာကိုယ်ထဲသို့ ဝင်ရောက်လာပြီး သူ၏ စွမ်းရည်များက လျင်မြန်စွာ တိုးတက်လာသည်။

ကျင့်စဉ်ကို တစ်ရက်ကျင့်ကြံခြင်းကလည်း သူ၏ စွမ်းရည်များကို ၃၀၀ တိုးတက်စေသည်။ တစ်နှစ်ကျင့်ကြံပြီးနောက် သူ၏ စွမ်းရည်များက တစ်သိန်းကျော် တိုးတက်လာခဲ့သည်။ ​

နောက်ဆုံးတွင် စွမ်းရည်အားလုံးက ကျောက်ဖုန်း၏ ခန္ဓာကိုယ်နှင့် ပေါင်းစပ်သွားသည်။ သူ၏ ခန္ဓာကိုယ်မှ ဖရိုဖရဲနိယာမစွမ်းအားများ စီးဆင်းလာပြီး ဓာတ်ငါးမျိုး၊ အချိန်၊ အာကာသ၊ မိုးကြိုး၊ ဝိညာဉ်၊ အသက် နိယာမမျိုးစုံက လည်ပတ်နေသည်။ ထို့အပြင် သူ၏ ရုပ်ခန္ဓာကလည်း ကြောက်စရာကောင်းအောင် တိုးတက်လာသည်။

နာမည် - ကျောက်ဖုန်း

အသက် - ၃၇ နှစ်

အထူးစွမ်းရည်....

နိယာမယွမ်စွမ်းအား - ၈၁၃၄၅၃ မှတ်

အစစ်အမှန်နဂါးစွမ်းအား - ၈၀၅၅၆၀ မှတ်

နတ်ဘုရားအလင်း - ၈၀၄၃၄၅ မှတ်

ဟောက်ထျန်းတာအိုခန္ဓာ - ၈၀၃၉၄၅ မှတ်

နတ်ဘုရားအာရုံ - ၈၁၂၃၄၅ မှတ်

နိယာမမူလစိတ်ဝိညာဉ် - ၈၃၈၅၄၇ မှတ်

သက်တမ်း - ၂၀၀၈၆၄ နှစ်

ကုသိုလ် - ၅၀၂၃၀၄ မှတ်

ကံကြွေး - ၁၀၂၀၃ မှတ်

သိုလှောင်နေရာ - ၈သန်း ကု​ဗမီတာ

ကျင့်စဉ် - ကိုးဆင့်ပြောင်းလဲခြင်းသိုင်းတာအိုကျင့်စဉ်

" စွမ်းရည်အားလုံး ရှစ်သိန်းကျော်သွားပြီး တစ်သန်းရောက်ရင်တော့ အဆင့်တစ်ခု မြင့်တက်သွားလိမ့်မယ်။ ငါ့ရဲ့ လက်ရှိစွမ်းအားနဲ့ မဟာရွှေအင်မော်တယ်ကိုတောင် အလွယ်တကူ သတ်နိုင်တယ်။ ခြေတစ်လှမ်းနဲ့ မိုင်ရှစ်သိန်းရောက်နိုင်တော့ ကျွမ်းတစ်ချက်ပစ်ရင် မိုင်တစ်သိန်းကျော်ရောက်နိုင်တဲ့ ကျွမ်းပစ်တိမ်တိုက်က ဟာသတစ်ခု ဖြစ်သွားပြီ။ " ကျောက်ဖုန်းက ကျေနပ်စွာ ပြုံးလိုက်သည်။

" စွမ်းရည်အားလုံး ရှစ်သိန်းကျော်သွားပြီး အဆင့်ခြောက်ရတနာသေတ္တာငါးလုံးကို ရရှိပါတယ်။ " စနစ်မီ အသိပေးချက် ထွက်ပေါ်လာသည်။

" ဒီငါးလုံးနဲ့ဆို ရတနာသေတ္တာခြောက်လုံးဖြစ်သွားပြီ။ ကဲ ဆုကြီးတွေပေါက်စမ်း။ " ကျောက်ဖုန်းက မျှော်လင့်ချက်များဖြင့် ရတနာသေတ္တာများကို ဖွင့်လိုက်သည်။

" အဆင့်ခြောက်ရတနာသေတ္တာတွေကို ဖွင့်နေပါပြီ။ "

" ဟောက်ထျန်းအဆင့် အဆင့်မြင့် ကိုးဆင့်အနက်ရောင်ကြာပန်းကို ရရှိပါတယ်။ "

" ရှန်ထျန်းအဆင့် အဆင့်နိမ့် အင်မော်တယ်ချည်နှောင်ခြင်းကြိုးကို ရရှိပါတယ်။ "

" ဟောက်ထျန်းအဆင့် အဆင့်​မြင့် ကိုးဆင့်အနီရောင်ကြာပန်းကို ရရှိပါတယ်။ "

" နတ်စွမ်းရည် ကောင်းကင်လျို့ဝှက်ချက်များကို တွက်ချက်ခြင်းကို ရရှိပါတယ်။ "

" ရှန်ထျန်း အဆင့်နိမ့် စိတ်ဝိညာဉ်ရတနာ နတ်ဆိုးချုပ်နှောင်မျှော်စင်ကို ရရှိပါတယ်။ "

" အဆင့်မြင့်စိတ်ဝိညာဉ်သွေးကြောကို ရရှိပါတယ်။ "

" ဒါက တကယ်ကို ကိုးဆင့်ကြာပလ္လင်ကို ဖျက်ဆီးလိုက်တာပဲ။ အရင်က အစိမ်းရောင်ကြာပန်းရတယ်။ အခု အနက်ရောင်ကြာပန်းနဲ့ အနီရောင်ကြာပန်းထပ်ရတယ်။ ဒီလိုသာ ဆက်ပြီးတိုးတက်လာရင် တလျိုရွှေအင်မော်တာ်တွေတောင် ငါ့ရဲ့ ကာကွယ်ရေးကို ထိုးဖောက်ဖို့ ခက်လိမ့်မယ်။ ရှန်ထျန်းစိတ်ဝိညာဉ်ရတနာ အင်မော်တယ်ချည်နှောင်ကြိုး ဒါက တကယ်အစစ်ပဲ။ ပြီးတော့ ဒီနတ်ဆိုးချုပ်နှောင်မျှော်စင်က ရှန်ထျန်းအဆင့်ရောက်နေတော့ အင်မော်တယ်ဘုံထဲဝင်တဲ့အခါအသုံးဝင်လိမ့်မယ်။ အဆင့်မြင့်စိတ်ဝိညာဉ်သွေးကြော မဆိုးဘူး။ ဒါကို ကမ္ဘာငယ်ထဲက ကျင့်ကြံခြင်းနယ်မြေမှာ သုံးလို့ရတယ်။ " ကျောက်ဖုန်းက အကျိုးအမြတ်များကို စစ်ဆေးနေသည်။

ကောင်းကင်ဘုံ၊ တောင်ဘက်ကောင်းကင်တံခါး။

ကောင်းကင်ဧကရညဇ်၏ မျက်နှာက ဒေါသများဖြင့် ပြည့်နှက်နေသည်။ သူ၏ ရှေ့မှ တိမ်တိုက်များပေါ်တွင် ကောင်းကင်စစ်သည်တစ်သိန်းက စုဝေးနေကြသည်။ သူတို့က အင်မော်တယ်ဘုံမှ နတ်ဆိုးများကိ နှိမ်နင်းလာသူများဖြစ်သောကြောင့် သူတို့၏ ခန္ဓာကိုယ်မှ သတ်ဖြတ်ခြင်းအရှိန်အဝါများ ပြည့်နှက်နေသည်။ ထိုစစ်သည်တစ်သိန်းထဲတွင် ကောင်းကင်အင်မော်တယ် ၁၀၀၀၊ ရွှေအင်မော်တယ် ၁၀၀နှင့် မဟာရွှေအင်မော်တယ်တစ်ယောက် ပါဝင်သည်။

" ဧကရာဇ်မင်းမြတ် စစ်သည်တစ်သိန်းကို စုစည်းပြီးပါပြီ။ အောက်ဘုံကို ဆင်းပြီး လူသားတွေကို ချေမှုန်းဖို့ အဆင်သင့်ပါပဲ။ " မဟာရွှေအင်မော်တယ်က ပြောလိုက်သည်။

" ဝမ်လင်းကွမ်း မင်းရဲ့ ကျင့်ကြံမှုက သန်မာတယ်။ လူသားဘုံက မင်းရဲ့ စွမ်းအားကို မခံနိုင်ဘူး။ မင်းတိုက်ခိုက်ပြီးရင် လူသားဘုံမှာ ကြာကြာမနေနဲ့။ မင်းကို နတ်ဆိုးနှိမ်နင်းဓားကို ပေးလိုက်မယ်။ မင်း တစ်ချက်တည်းနဲ့ အဲ့ဒီနတ်ဆိုးကို ဖျက်ဆီးပစ်ရမယ်။ " ကောင်းကင်ဧကရာဇ်က ဝမ်လင်းကွမ်ကို ကြည့်ပြီး ပြောလိုက်သည်။

" ဧကရာဇ်မင်းမြတ်ကို စိတ်မပျက်စေရပါဘူး။ ဒီခရီးစဉ်က ချင်ကို ချေမှုန်းနိုင်မှာပါ။ ကောင်းကင်ဘုံကို တားဆီးသူတိုင်း သေရမယ်။ " ဝမ်လင်းကွမ်းက နတ်ဆိုးနှိမ်နင်းဓားကို ကိုင်ပြီး လေးနက်စွာ ပြောလိုက်သည်။

ကောင်းကင်ဧကရာဇ်က ခေါင်းညိမ့်ပြီး ခွန်လွန်ကြေးမုံကို ထုတ်လိုက်သည်။ သူက အင်မော်တယ်စွမ်းအားများဖြင့် ကြေးမုံကို ဟင်းလင်းပြင်ထဲသို့ ပစ်လွှတ်ပြီး အာကာသလမ်းကြောင်းကို ဖွင့်လိုက်သည်။

" ကောင်းကင်စစ်သည်တို့ တက်ကြ။ " ဝမ်လင်းကွမ်းက အာကာသလမ်းကြောင်းကို ညွှန်ပြပြီး အော်ဟစ်လိုက်သည်။

စစ်သည်တစ်သိန်းက တပ်မှူးများ၏ ဦးဆောင်မှုအောက်တွင် အာကာသလမ်းကြောင်းထဲသို့ ဝင်ရောက်သွားကြသည်။ ထို့နောက် ကောင်းကင်ဧကရာဇ်က သူ၏ စွမ်းအားများကို ရုပ်သိမ်းလိုက်ပြီး အာကာသလမ်းကြောင်းလည်း ပိတ်သွားသည်။

" ဒီတစ်ခါ ဘာအမှားအယွင်းမှ မဖြစ်ဖို့ မျှော်လင့်ရမှာပဲ။ " ကောင်းကင်ဧကရာဇ်က ရေရွတ်လိုက်သည်။

" ဧကရာဇ်မင်းမြတ် ဒီတစ်ခါ ကျွန်တော်မျိုးတို့ ချင်အင်ပါယာကို သေချာပေါက် ချေမှုန်းနိုင်မှာပါ။ " လီကျင်းက ရိုသေစွာ ပြောလိုက်သည်။

လီကျင်း၏ ဘေးတွင် လှံရှည်ကို ကိုင်ဆောင်ထားသော လူငယ်တစ်ယောက်က သူ့ကို မုန်းတီးစွာ ကြည့်နေသည်။ သို့သော် လီကျင်း၏ လက်ထဲမှ မျှော်စင်ကို မြင်သောအခါ သူ၏ မျက်လုံးများထဲတွင် ကြောက်ရွံ့မှုများပေါ်လာသည်။

" အဲ့လိုပဲ မျှော်လင့်ရမှာပဲ။ " ကောင်းကင်ဧကရာဇ်က လက်ဝှေ့ရမ်းပြီး လင်း​ရှောင်နန်းတော်သို့ ပြန်သွားရန် လှည့်လိုက်သည်။

" ဒီတစ်ခါ လူသားဘုံကို မချေမှုန်းနိုင်ရင်တော့ လူသားဘုံမှာ မဟာတန်ခိုးရှင်တစ်ယောက်ရှိတာ သေချာသွားပြီ။ ဒါဆို လူသားဘုံကို ဖြေရှင်းဖို့ ခက်လိမ့်မယ်။ အဲ့လိုသာဆိုရင် အရှင်လောင်ဇီဆီသွားရဦးမှာပဲ။ အခြားနည်းလမ်းမရှိရင် တထာဂတကိုပဲ အကျိုးခံစားခွင့် ပေးရတော့မှာပဲ။ ရှန်းကျိုးကို အင်မော်တယ်ဘုံကို ပြန်ဆွဲခေါ်နိုင်မှ လူသားဘုံကို ထိန်းချုပ်နိုင်လိမ့်မယ်။ " ကောင်းကင်ဧကရာဇ်က တွေးလိုက်သည်။

စစ်မြေပြင်မှ ထာဝရရှင်သန်ခြင်းဆီသို့