အခန်း ၁၂၀

အပိုင်း (၁၂၀) ခေါင်းဖြူ ခွေးတူဝက်တူကြီး။

ဒီလောက်တောင် သတ္တိကြောင်ရလား။

ဟုန်ရှောင်ပေါင်သည်လည်း ဆွံ့အသွားခဲ့၏။ သဘာဝအတိုင်းပင် သူက ရတနာဝက်ဝံကို သူနှင့်အတူ စစ်ပွဲဝင်မည့် မိစ္ဆာသားရဲ တစ်ကောင်အဖြစ် တစ်ခါမှ မသတ်မှတ်ခဲ့ဖူးချေ။ ဤသည်မှာ လုံးဝ ကံကောင်းစေသော အဆောင်လက်ဖွဲ့ တစ်ခုသာ ဖြစ်သည်။ ထို့ကြောင့် ရတနာဝက်ဝံကို ဘေးသို့ ဖယ်ထားလိုက်ပြီး နောက်သို့ လှည့်၍ မေးလိုက်၏။ "အင်း... ဘယ်လို ဝင်ရမလဲ။"

"ဟားဟားဟားဟား... အရင်ဆုံး ဒီစွမ်းရည် ရှိ ၊ မရှိ မပြောသေးဘူး။ ဒါပေမဲ့ မင်းရဲ့ ဒီရူးသွပ်တဲ့ အမူအရာကိုတော့ ငါ သဘောကျတယ်"

ချန်းရှူ က အသံကျယ်ကြီးဖြင့် ရယ်မောလိုက်သည်။ "လာခဲ့။"

ထိုသို့ပြောဆိုရင်း ဘယ်ဘက်လက်ရှိ လက်ကိုင်တစ်ခုကို အနောက်သို့ ဆွဲချလိုက်ရာ ထူထဲလေးလံသော သံတံခါးကြီးပေါ်တွင် သော့ခတ်ထားသော သွားစိပ်များ ပြုတ်ကျသွားခဲ့သည်။ ချန်းရှူ က သံတံခါးကြီးကို ချက်ချင်း တွန်းဖွင့်လိုက်ရာ ဟုန်ရှောင်ပေါင်က ကွင်းထဲ ဝင်မည့် လက်ဝှေ့သမား တစ်ယောက်ကဲ့သို့ လည်ပင်းကို ဘယ်ညာ လှုပ်ရှားလျက် ခုန်ဆွခုန်ဆွဖြင့် လိုဏ်ဂူထဲသို့ ဝင်ရောက်သွားခဲ့၏။

"ဝေါင်း... " ခ

ေါင်းဖြူ ခွေးတူဝက်တူကြီးသည် လူတိုင်းကို တစ်ချိန်လုံး စောင့်ကြည့်နေခဲ့ပြီး ဟုန်ရှောင်ပေါင် ဝင်ရောက်လာသည့်အချိန်တွင် မျက်စောင်းထိုး ကြည့်လိုက်ကာ တိုးညှင်းစွာ အော်မြည်လိုက်သော်လည်း အများကြီး ဂရုမစိုက်ချေ။

"ယိုး... မင်းက သခင်လေး ငါ့ကို အထင်သေးနေတာလား"

ဟုန်ရှောင်ပေါင်က ပျော်ရွှင်စွာ အော်ဟစ်လိုက်၏။ "ဟေး... ပင်းထိုကော... လာတိုက်ခိုက်ရဲလား။"

"ဝူး... "

ခေါင်းဖြူ ခွေးတူဝက်တူကြီးက ခေါင်းမော့လိုက်၏။ ဤတစ်ကြိမ်တွင်မူ ခြိမ်းခြောက်သည့် အဓိပ္ပာယ်က အများကြီး ပိုမို ပြင်းထန်လာခဲ့ပြီး ဟုန်ရှောင်ပေါင်ကို စူးစိုက်ကြည့်ရှုလျက် နှုတ်ခမ်းများ အနည်းငယ် လှုပ်ရှားသွားကာ အတွင်းရှိ ထက်မြက်သော သွားများကို ဖော်ပြလိုက်သည်။

"ဟားဟားဟားဟား... မင်းက... "

ဟုန်ရှောင်ပေါင်က ခေါင်းဖြူ ခွေးတူဝက်တူကြီးကို ဒေါသထွက်အောင် မည်သို့ စတင် လုပ်ဆောင်ရမလဲ ဟု တွေးတောနေစဉ်မှာပင် ရုတ်တရက် မျက်စိရှေ့တွင် အမည်းရောင် အရိပ်တစ်ခု လျှပ်တစ်ပြက် ပေါ်လာခဲ့၏။ ခေါင်းဖြူ ခွေးတူဝက်တူကြီးက ရုတ်တရက် ခုန်အုပ်လာခြင်းပင် ဖြစ်သည်။

ဘုန်း...

ပြင်းထန်သော ရိုက်ခတ်သံကြီး ထွက်ပေါ်လာပြီး ဟုန်ရှောင်ပေါင်က သတိမထားမိလိုက်သောကြောင့် တိုက်ရိုက် လွင့်ထွက်သွားကာ ကျောက်နံရံပေါ်သို့ ပြင်းထန်စွာ ဝင်တိုက်မိသွား၏။

"အာယိုး" ပင်းထိုကော ဤမျှလောက် တိုက်ရိုက် ဆန်လိမ့်မည်ဟု ဟုန်ရှောင်ပေါင် လုံးဝ မထင်ထားခဲ့ချေ။ မူးမေ့လဲကျလုနီးပါး ဖြစ်သွားပြီး မထရသေးမီမှာပင် မျက်စိရှေ့တွင် ကြီးမားသော အမည်းရောင် အရိပ်ကြီး တစ်ခု ထပ်မံ ရောက်ရှိလာခဲ့၏။

ဟုန်ရှောင်ပေါင် ထိတ်လန့်သွားပြီး လက်ကို မြေကြီးပေါ်တွင် အားသွန်ခွန်စိုက် ထောက်လိုက်ရာ ခန္ဓာကိုယ်က နှစ်မီတာခန့် တိုက်ရိုက် ခုန်တက်သွားခဲ့သည်။

ဘုန်း...

ခေါင်းဖြူ ခွေးတူဝက်တူကြီး၏ ခုန်အုပ်မှု လွဲချော်သွားပြီး ကျောက်နံရံပေါ်သို့ ပြင်းထန်စွာ ဝင်တိုက်မိသွား၏။ ဤတစ်ချက်က မပေါ့လှချေ။ သူက ခေါင်းကို အားရပါးရ ခါယမ်းပြီး ဟုန်ရှောင်ပေါင်ကို နောက်တစ်ကြိမ် လှမ်းကြည့်လိုက်၏။

ဤတစ်ကြိမ်တွင်မူ ဟုန်ရှောင်ပေါင်က ပိုမို ရှင်းလင်းစွာ မြင်တွေ့လိုက်ရ၏။ ဤအကောင်က ထူထဲသော အမွှေးအမျှင်များကို ဖုံးအုပ်ထားသော်လည်း ထိုအမွှေးအမျှင်များက သူ၏ အဖုအထစ် ထွက်နေသော ကြွက်သားများကို မဖုံးကွယ်နိုင်ချေ။ တစ်ချက် ကြည့်လိုက်ရုံဖြင့် ခွန်အား အပြည့်အဝ ရှိနေသည်ဟု ခံစားရစေသည်။

ဝေါင်း...

ပင်းထိုကောက နောက်တစ်ကြိမ် အသံကျယ်ကြီးဖြင့် ဟိန်းဟောက်လိုက်ပြီး လူဝံကြီး တစ်ကောင်ကဲ့သို့ ရင်ဘတ်ကို ပြင်းထန်စွာ ထုနှက်ကာ တိုက်ရိုက် ခုန်အုပ်လာခဲ့၏။

"မင်းကို ကြောက်မယ် ထင်နေလား" ဟုန်ရှောင်ပေါင်သည်လည်း ဒေါသထွက်သွားပြီး တိုက်ရိုက် ခုန်ဝင်သွားခဲ့သည်။

ဤအခိုက်အတန့်တွင် အပြင်ဘက်ရှိ ထူထဲသော သတ္တုပြတင်းပေါက်မှနေ၍ ကြည့်ရှုနေကြသော လူတိုင်း ကြက်သေ, သေသွားကြ၏။ သူတို့၏ စိတ်ထဲတွင် မယုံကြည်ရဲလောက်အောင် ဖြစ်စေသော အတွေးတစ်ခု ပေါ်လာခဲ့၏။ "ဒီကောင်... ခွန်အားချင်း ယှဉ်ပြိုင်တိုက်ခိုက်မလို့လား။"

ဘုန်း...

သို့သော် အသံကျယ်ကြီး တစ်သံကို ကြားလိုက်ရပြီး ခေါင်းဖြူ ခွေးတူဝက်တူကြီးနှင့် ဟုန်ရှောင်ပေါင်တို့ ပြင်းထန်စွာ ဝင်တိုက်မိသွားကြ၏။ တောရိုင်း ကျွဲရိုင်းကြီး နှစ်ကောင် အချင်းချင်း ဝင်တိုက်မိသကဲ့သို့ပင် ဖြစ်ပြီး လိုဏ်ဂူ တစ်ခုလုံးရှိ ဖုန်မှုန့်များပင် အနည်းငယ် လွင့်စင်သွားခဲ့သည်။

ဟုန်ရှောင်ပေါင်၏ သွေးလေများ ဆူပွက်သွားခဲ့ပြီး လက်မောင်းနှစ်ဖက်ပေါ်တွင် ယခင်က တစ်ခါမှ မခံစားဖူးခဲ့သော ထုံကျဉ်သည့် ခံစားချက် တစ်ခု ထွက်ပေါ်လာခဲ့၏။ ခန္ဓာကိုယ်သည်လည်း နောက်သို့ ခြေလှမ်းအနည်းငယ် ဆုတ်သွားရသည်။

ခေါင်းဖြူ ခွေးတူဝက်တူကြီး ဘက်တွင်မူ အနည်းငယ်သာ ရပ်တန့်သွားပြီး အသံကျယ်ကြီးဖြင့် အော်ဟစ်ကာ နောက်တစ်ကြိမ် ပြင်းထန်စွာ ဝင်တိုက်လာခဲ့၏။

ယုတ္တိဗေဒအရဆိုလျှင် ဤအချိန်မျိုးတွင် ပုံမှန် တွေးခေါ်နိုင်စွမ်း ရှိသူတိုင်းက ရှောင်တိမ်းရမည် ဖြစ်သည်။ သို့သော်ငြား ဟုန်ရှောင်ပေါင်၏ ခေါင်းမာမှုက နောက်တစ်ကြိမ် လှုံ့ဆော်ခြင်း ခံလိုက်ရပြီး အသံကျယ်ကြီးဖြင့် ကြုံးဝါးကာ နောက်တစ်ကြိမ် ပြေးဝင်သွားခဲ့ပြန်သည်။

"ရူးနေပြီလား။"

လွီဆုချင်းက အံ့အားသင့်သကဲ့သို့ ဒေါသလည်း ထွက်သွား၏။ "အသက် မလိုချင်တော့ဘူးလား။"

တစ်ချိန်လုံး သူတစ်ပါး ဒုက္ခရောက်သည်ကို ဝမ်းသာနေခဲ့သော ယွမ်လဲ့ရွှေသည် သူတို့ နှစ်ယောက် ပြင်းထန်စွာ ဝင်တိုက်မိသည်ကို ကြည့်ပြီး သူကိုယ်တိုင်ပင် အံ့အားသင့်၍ ကြက်သေ,သေနေခဲ့၏။ လှောင်ပြောင် ပြောဆိုရန်ပင် စိတ်ကူးမရှိတော့ချေ။

ဟုန်ရှောင်ပေါင်က သိသာထင်ရှားစွာ အရေးနိမ့်နေသော်လည်း ထိုအရာက ခေါင်းဖြူ ခွေးတူဝက်တူကြီး အပေါ်တွင် ဖြစ်သည်။ ခေါင်းဖြူ ခွေးတူဝက်တူကြီး က ဘာအကောင်နည်း။ အဆင့်နိမ့်... အလယ်အလတ်အဆင့် ကျင့်ကြံသူများကြားတွင်ပင် လူတိုင်းကြောက်ရွံ့ကြသော မည်သို့မျှ စည်းရုံးလို့ မရသည့် အကောင်မျိုး မဟုတ်ပါလား။

ဟုန်ရှောင်ပေါင်က ထိုအကောင်နှင့် ခွန်အားချင်း ယှဉ်ပြိုင် တိုက်ခိုက်နေသည်လား။ ယခုလေးတင်က သူနှင့် ဟုန်ရှောင်ပေါင်တို့ ခွန်အားချင်း ယှဉ်ပြိုင်ခဲ့သည်ကို ပြန်လည် တွေးတောကြည့်လိုက်မှသာ တစ်ဖက်လူက အားမသုံးခဲ့ကြောင်း ရုတ်တရက် နားလည်သွားတော့၏။

တစ်ချိန်လုံး တုန်ယင်နေခဲ့သော ဘောလုံးလေး အဖြစ် လုံးထွေးနေသည့် ရတနာဝက်ဝံသည် ပြင်းထန်စွာ တုန်ယင်နေရင်းမှ မတ်တပ်ရပ်လာခဲ့၏။ သိသာထင်ရှားစွာ အရေးနိမ့်နေသော ဟုန်ရှောင်ပေါင်ကို အလွန် စိုးရိမ်တကြီး ကြည့်ရှုနေပြီး မျက်လုံးသူငယ်အိမ်များက အဆက်မပြတ် ကျုံ့လိုက် ၊ ကျယ်လိုက် ဖြစ်နေကာ ရုန်းကန်နေပုံရသည်။ သို့သော်ငြား ခဏအကြာတွင် ဦးခေါင်းကို ဘောလုံးလေး အဖြစ် ပြန်လည် ရုပ်သိမ်းသွားခဲ့ပြန်သည်။

ဘုန်း...

လိုဏ်ဂူထဲရှိ ဟုန်ရှောင်ပေါင်နှင့် ခေါင်းဖြူ ခွေးတူဝက်တူကြီးတို့ နောက်တစ်ကြိမ် ပြင်းထန်စွာ ဝင်တိုက်မိသွားကြပြန်၏။

ဟုန်ရှောင်ပေါင်က ခြေလှမ်း ခုနစ်လှမ်း ရှစ်လှမ်းခန့် နောက်ဆုတ်သွားရပြီး အလွန်အမင်း အရှက်ကွဲသွား၏။ ခေါင်းဖြူ ခွေးတူဝက်တူကြီးကမူ ယခင်ကကဲ့သို့ပင် အနည်းငယ်သာ ရပ်တန့်သွားပြီး နောက်တစ်ကြိမ် ပြင်းထန်စွာ ဝင်တိုက်လာခဲ့ပြန်သည်။

"ဒါ... "

ဦးလေးချင် ၏ မျက်နှာအမူအရာ ချက်ချင်း ပြောင်းလဲသွား၏။ "ဒုက္ခရောက်တော့မှာလား။"

ချန်းရှူ လည်း အံ့အားသင့်နေသော မျက်နှာအမူအရာ ဖြစ်နေ၏။ သူသည် ဤနေရာတွင် စောင့်ကြပ်နေသည်မှာ ဆယ်စုနှစ် အနည်းငယ် ရှိနေပြီ ဖြစ်ပြီး သားရဲယဉ်ပါးရေး နည်းလမ်းများစွာကို မြင်တွေ့ခဲ့ဖူးသော်လည်း ဤကဲ့သို့ ခွန်အားသတ်သတ်ဖြင့် တိုက်ခိုက်သည်ကို တစ်ခါမှ မမြင်ဖူးခဲ့ချေ။ ဤတစ်ကြိမ် ယဉ်ပါးအောင် မွေးမြူရမည့် ပစ်မှတ်မှာ တတိယအဆင့် မိစ္ဆာသားရဲများအနက် နာမည်ကြီးသော ၊ မည်သို့မျှ စည်းရုံး၍ မရသည့် အကောင်မျိုး ဖြစ်ကြောင်းကို သိထားသင့်သည်။

ဟုန်ရှောင်ပေါင်က ထိုအကောင်နှင့် ခွန်အားချင်း ယှဉ်ပြိုင် တိုက်ခိုက်နေသည်လား။

ဘေးနားရှိ ယွမ်လဲ့ရွှေ၏ မျက်နှာအမူအရာမှာမူ ရှုပ်ထွေးနေခဲ့ပြီ ဖြစ်၏။ လူတစ်ယောက်၏ ခန္ဓာကိုယ်က မိစ္ဆာသားရဲ တစ်ကောင်ကဲ့သို့ သန်မာလိမ့်မည်ဟု သူ တကယ်ကို တွေးတော၍ မရနိုင်ချေ။ ထို့အပြင် မိစ္ဆာသားရဲများအနက် ထိပ်တန်း ဘယ်လိုမှ စည်းရုံးလို့ မရသည့် အကောင်မျိုး ဖြစ်နေသေးသည် မဟုတ်ပါလား။

ရတနာဝက်ဝံတစ်ကိုယ်လုံး တုန်ယင်နေသော်လည်း ပြန်လည် မတ်တပ်ရပ်လာခဲ့ပြန်၏။ အလွန် စိုးရိမ်တကြီးဖြင့် အရေးနိမ့်နေသော ဟုန်ရှောင်ပေါင်ကို ကြည့်ရှုနေပြီး ၎င်း၏ ခန္ဓာကိုယ်ပေါ်ရှိ အမွှေးအမျှင်များ ထောင်မတ်နေကာ လည်ချောင်းထဲမှ "အု အု" ဟူသော ခြိမ်းခြောက်သည့် အသံ တိုးတိုးလေးများ ထွက်ပေါ်နေပြီး အသံဖြင့် ခြိမ်းခြောက်နေပုံရသည်။

ဝူး ...

ခေါင်းဖြူ ခွေးတူဝက်တူကြီးက နောက်တစ်ကြိမ် ခုန်အုပ်လာခဲ့ပြန်၏။ ဟုန်ရှောင်ပေါင်သည် ခေါင်းဖြူ ခွေးတူဝက်တူကြီး၏ ယခုလေးတင်က ဝင်တိုက်မှုကြောင့် မတ်တပ်ရပ်၍ မငြိမ်သေးမီမှာပင် ခေါင်းဖြူ ခွေးတူဝက်တူကြီး၏ ဤကဲ့သို့ ပြင်းထန်သော ဝင်တိုက်မှုကို ထပ်မံ ခံလိုက်ရသောကြောင့် ချက်ချင်း ခန္ဓာကိုယ် ထိန်းချုပ်မှု ကင်းမဲ့သွားကာ တိုက်ရိုက် လွင့်ပျံသွားခဲ့၏။

ဘုန်း ဟူသော အသံကျယ်ကြီးနှင့်အတူ ကျောက်နံရံပေါ်သို့ ပြင်းထန်စွာ ဝင်တိုက်မိပြီးနောက် ပြင်းထန်စွာ ပြုတ်ကျလာခဲ့သည်။ ခေါင်းဖြူ ခွေးတူဝက်တူကြီးကမူ ဟုန်ရှောင်ပေါင်ကို ဤမျှဖြင့် လွှတ်ပေးရန် ဆန္ဒမရှိကြောင်း သိသာထင်ရှားလှပြီး ချက်ချင်းပင် ကိုယ်ကို လှည့်၍ လိုက်ပါလာခဲ့သည်။