အခန်း ၃၃၁

အခန်း ၃၃၁ ဤသူက မည်သူနည်း

"ခွေးအိုကြီးတွေ... ဒီလောက်တောင် အခြေအနေမသိမှတော့ ဒီမှာပဲ တစ်သက်လုံး နေခဲ့ကြတော့..."

ရှောင်ယန်က အပိုစကားများ မပြောတော့ဘဲ သူ၏ တစ်ကိုယ်လုံးရှိ စွမ်းအင်များကို လှုံ့ဆော်လိုက်လေသည်။ ရူးသွပ်ကြမ်းတမ်းသော မီးတောက်များက သူ၏ ခန္ဓာကိုယ်ပေါ်တွင် လျင်မြန်စွာ လှည့်ပတ်သွားပြီး ဖျက်ဆီးခြင်း စွမ်းအားများဖြင့် ပြည့်နှက်နေလေသည်။

မည်သို့ပင်ဆိုစေ သူ၏ အနောက်ဘက်တွင် အစ်ကိုကြီး ကျိုးဟန်က သူ၏ စွမ်းဆောင်ရည်ကို စောင့်ကြည့်နေသည် မဟုတ်ပါလား။ ဤကဲ့သို့ နေရာရှင်းလင်းသည့် ကိစ္စသေးသေးလေးကိုမျှ သေချာ မလုပ်နိုင်ပါက အစ်ကိုကြီးကို များစွာ စိတ်ပျက်သွားစေမည် ဖြစ်သည်။

ထို့ကြောင့် ရှောင်ယန်က စကားပိုမပြောတော့ဘဲ စကားနားမထောင်သူ အားလုံးကို သတ်ပစ်ရန် ဆုံးဖြတ်လိုက်ခြင်း ဖြစ်သည်။

"သေချင်နေတဲ့ ကောင်လေး..."

"ဒီအဘိုးကြီးက ပြဿနာ မရှာပေမယ့် ပြဿနာကိုလည်း မကြောက်ဘူးကွ..."

"မင်းက ဒီအဘိုးကြီးကို အောင်မြင်စွာ ဒေါသထွက်စေခဲ့ပြီ... ဒီနေ့ မင်းတင်မကဘူး မင်းတို့ နတ်ဘုရားသတ်ဖြတ်ခြင်း နန်းတော် တစ်ခုလုံး အကုန် ပျက်စီးရမယ်..."

ရှောင်ယန်၏ ခွေးအိုကြီး ဟူသော အခေါ်အဝေါ်ကို ကြားလိုက်ရချိန်တွင် ထိုတစ္ဆေနယ်မြေမှ အစွမ်းထက်သူများမှာ ဆက်လက်၍ သည်းမခံနိုင်တော့ချေ။

တစ်ယောက်ပြီး တစ်ယောက် ကောင်းကင်သို့ ထိုးတက်သွားမတတ် ဒေါသများ ပေါက်ကွဲထွက်လာကြသည်။ ယခင်က သာမန်သာ ရှိနေခဲ့သော အရှိန်အဝါများမှာ ရုတ်တရက် ထိုးတက်သွားပြီး ဧကရာဇ်အဆင့် စွမ်းအားများ အထင်အရှား ပေါ်လွင်လာလေတော့သည်။

"ဟိုး... ဧကရာဇ်အဆင့် အစွမ်းထက်သူတွေ အများကြီးပါလား... တစ္ဆေနယ်မြေက မိစ္ဆာအိုကြီးတွေက တော်တော်လေး ပုန်းကွယ်နိုင်တာပဲ..."

"ဒီတစ်ခါတော့ ပွဲကောင်း ကြည့်ရတော့မယ်... နတ်ဘုရားသတ်ဖြတ်ခြင်း နန်းတော် က အရမ်း မောက်မာလွန်းနေတာကိုး..."

"အရမ်းကောင်းတယ်... ဧကရာဇ်အဆင့် အစွမ်းထက်သူ ဆယ်ယောက်ကျော်ကို ဘယ်လို ရင်ဆိုင်မလဲ ကြည့်ကြသေးတာပေါ့..."

"သူတို့ကို သတ်ပစ်... ဒီ အမုန်းစရာကောင်းတဲ့ နဂါးနိုင်ငံ က ကစားသမားတွေကို သတ်ပစ်ကြ..."

မထွက်ခွာရသေးသော ကစားသမားများ အားလုံး၏ မျက်နှာပေါ်တွင် စိတ်လှုပ်ရှား ဝမ်းသာနေသော အပြုံးများ ထွက်ပေါ်လာကြသည်။

အဓိကအားဖြင့် သူတို့၏ ရင်ထဲ၌ မကျေမနပ် ဖြစ်နေကြသောကြောင့် ပင်ဖြစ်သည်။ ယခုအခါ ဧကရာဇ်အဆင့် အစွမ်းထက်သူ ဆယ်ယောက်ကျော်က ရှောင်ယန်ကို ဝိုင်းဝန်း တိုက်ခိုက်မည်ကို မြင်တွေ့လိုက်ရသောအခါ သူတို့၏ ရင်ထဲ၌ သူတစ်ပါး ဒုက္ခရောက်သည်ကို ဝမ်းသာနေမိကြလေသည်။

မည်သို့ပင်ဆိုစေ မိမိကိုယ်တိုင် အခြေအနေ မကောင်းချိန်တွင် မိမိထက် ပို၍ အခြေအနေဆိုးနေသူကို မြင်တွေ့ရခြင်းက အလွန် ကျေနပ်စရာ ကောင်းသည် မဟုတ်ပါလား။ ဧကရာဇ်အဆင့် အစွမ်းထက်သူ ဆယ်ယောက်ကျော် ဆိုသည်မှာ သူတို့အမြင်တွင် အလွန် ကြမ်းတမ်းသော စွမ်းအားစု တစ်ခု ဖြစ်ပြီး နတ်ဘုရားသတ်ဖြတ်ခြင်း နန်းတော် မှာ သေချာပေါက် ပျက်စီးရတော့မည်ဟု မှတ်ယူထားကြလေသည်။

"မောက်မာနေသေးလား... ဆက်ပြီး မောက်မာကြည့်ပါဦးလား..."

"နောက်ဆက်တွဲ မြင်ကွင်းက သေချာပေါက် ရင်ထဲက အမုန်းတွေကို ဖြေဖျောက်ပေးနိုင်မှာပဲ... ကောင်းတယ်... အရမ်းကို ကောင်းတယ်..."

ဤကဲ့သို့ နိုင်ငံခြား ကစားသမားများ၏ မျှော်လင့်တကြီး စောင့်ကြည့်နေမှု အောက်တွင် တိုက်ပွဲကြီး တစ်ရပ်မှာ ပေါက်ကွဲထွက်ပေါ်လာတော့မည် ဖြစ်လေသည်။

"ဗုဒ္ဓ ဒေါသ ကြာပန်းစိမ်း..."

"မီးလျှံ ခွဲဖြာ လှိုင်းမျိုချ ပေတံ..."

"သုံးထောင် မီးလျှံ ဓား..."

[စနစ် အသိပေးချက် - သင်၏ အသင်းဖော် ရှောင်ယန် သည် ကြယ်နှစ်ပွင့် ဧကရာဇ်အဆင့် သွေးကျောက်ဆောင် တစ္ဆေ အရှင်သခင် အား အောင်မြင်စွာ သတ်ဖြတ်နိုင်ခဲ့ပါသည်]

[အသင်းအတွက် အတွေ့အကြုံရမှတ် နှစ်သောင်း နှင့် လျှို့ဝှက်နယ်မြေ အမှတ် ရှစ်ရာ ရရှိပါသည်]

[လက်ရပစ္စည်းများ ကျဆင်းလာပါသည်]

[စနစ် အသိပေးချက် - သင်၏ အသင်းဖော် ရှောင်ယန် သည် ကြယ်သုံးပွင့် ဧကရာဇ်အဆင့် တောင်နက် တစ္ဆေအိုကြီး အား အောင်မြင်စွာ သတ်ဖြတ်နိုင်ခဲ့ပါသည်]

[အသင်းအတွက် အတွေ့အကြုံရမှတ် နှစ်သောင်းကိုးထောင် နှင့် လျှို့ဝှက်နယ်မြေ အမှတ် တစ်ထောင့်သုံးရာ ရရှိပါသည်]

[လက်ရပစ္စည်းများ ကျဆင်းလာပါသည်]

[စနစ် အသိပေးချက် - သင်၏ အသင်းဖော် ရှောင်ယန် သည် ကြယ်နှစ်ပွင့် ဧကရာဇ်အဆင့် အမှောင် တစ္ဆေ ဝိညာဉ် အား အောင်မြင်စွာ သတ်ဖြတ်နိုင်ခဲ့ပါသည်]

[အသင်းအတွက် အတွေ့အကြုံရမှတ် နှစ်သောင်းတစ်ထောင် နှင့် လျှို့ဝှက်နယ်မြေ အမှတ် ကိုးရာ ရရှိပါသည်]

[လက်ရပစ္စည်းများ ကျဆင်းလာပါသည်]

[စနစ် အသိပေးချက် - သင်၏ အသင်းဖော် ရှောင်ယန် သည် ကြယ်လေးပွင့် ဧကရာဇ်အဆင့် အေးစက်သော မရဏ တစ္ဆေ ဆရာသခင် အား အောင်မြင်စွာ သတ်ဖြတ်နိုင်ခဲ့ပါသည်]

[အသင်းအတွက် အတွေ့အကြုံရမှတ် သုံးသောင်းကိုးထောင် နှင့် လျှို့ဝှက်နယ်မြေ အမှတ် တစ်ထောင့်ငါးရာ ရရှိပါသည်]

[လက်ရပစ္စည်းများ ကျဆင်းလာပါသည်]

ထို့နောက် လူတိုင်း၏ မျှော်လင့်ချက်များ အထွတ်အထိပ်သို့ ရောက်ရှိနေချိန်တွင် စက္ကန့်ပိုင်းမျှပင် မကြာလိုက်ဘဲ တိုက်ပွဲ ပြီးဆုံးသွားခဲ့လေသည်။

"ဘာ... ဒါ ဘယ်လိုမှ မဖြစ်နိုင်ဘူး..."

"လခွမ်း... ဘယ်လိုလုပ် ဒီလောက်တောင် အစွမ်းထက်နေရတာလဲ..."

"ဒါ အစစ်အမှန် မဟုတ်ဘူး မလား..."

"အိုး နိုး... ဘုရားရေ..."

သူတို့ အားလုံး လုံးဝ အံ့အားသင့် ထိတ်လန့်သွားကြလေသည်။ ရလဒ်က ဤသို့ ဖြစ်လာလိမ့်မည်ဟု ဘယ်တုန်းကမှ မထင်မှတ်ထားခဲ့ကြချေ။

ဧကရာဇ်အဆင့် အစွမ်းထက်သူ ဆယ်ယောက်ကျော်ကို မျက်စိတစ်မှိတ်အတွင်း သတ်ဖြတ်နိုင်ရန် မည်မျှတောင် အစွမ်းထက်ရန် လိုအပ်မည်နည်း။ ဤအရာက သူတို့၏ သိမြင်နားလည်မှု များကို လုံးဝ ပြောင်းပြန်လှန်ပစ်လိုက်လေသည်။

မည်သို့ပင်ဆိုစေ သူတို့၏ ဒေသများမှ ခေါင်းဆောင်များမှာ ဘုရင်အဆင့် ကြယ်တစ်ရာ စွမ်းအားလောက်သာ ရှိကြပြီး ကြယ်တစ်ပွင့် ဧကရာဇ်အဆင့် နှင့်ပင် များစွာ ကွာဟနေသေးသည် မဟုတ်ပါလား။ ကြယ်လေးပွင့် ကြယ်ငါးပွင့် ဧကရာဇ်အဆင့် အစွမ်းထက်သူများမှာမူ ပြောနေစရာပင် မလိုတော့ဘဲ ရှောင်ယန် ၏ လက်ချက်ဖြင့် အားလုံး သေဆုံးသွားခဲ့ကြပြီ ဖြစ်လေသည်။

"ဟားဟားဟား... ဒါလေးပဲလား..."

"ဘယ်သူ မကျေနပ်သေးတာ ရှိလဲ..."

ရှောင်ယန်က ကောင်းကင် ဖြိုခွင်းရေး ဓားမည်းကြီး ကို ပခုံးပေါ် ထမ်းကာ လွတ်လပ် ပေါ့ပါးစွာ ရယ်မောလိုက်ပြီး သူ၏ မျက်ဝန်းများက လျှပ်စီးတန်းများအလား လူတိုင်းကို မထီမဲ့မြင် ကြည့်ရှုနေလေသည်။

ခုနက သူသည် အစွမ်းထက်သော သိုင်းကွက် အကြီးစား သုံးခုကို တိုက်ရိုက် ထုတ်ဖော်လိုက်ပြီး တစ်ဖက်လူများကို တစ်ဟုန်ထိုး သုတ်သင်ပစ်လိုက်နိုင်ရာ အလွန် အံ့မခန်း ဖြစ်သော စွမ်းဆောင်ရည်ကို ပြသနိုင်ခဲ့သည်ဟု ဆိုရပေမည်။

'အစ်ကိုကြီးတော့ ငါ့ရဲ့ စွမ်းဆောင်ရည် ကို သေချာပေါက် သဘောကျနေလောက်ပြီ...'

သို့သော် သူ မသိရှိခဲ့သည်မှာ ကျိုးဟန် သည် ဟန်ချင်ရွှယ်၊ မေအောက်ရွှယ် နှင့် ကက်သရင်း တို့ကဲ့သို့သော မိန်းမလှလေးများ နှင့် ချစ်ကြည်နူးနေသဖြင့် သူ၏ စွမ်းဆောင်ရည်ကို ကြည့်ရှုရန် အချိန်မရခဲ့ကြောင်း ပင်ဖြစ်သည်။

ရှောင်ယန် တစ်ယောက် ဘဝင်မြင့်နေချိန်တွင် ပိုမို ရူးသွပ်ကြမ်းတမ်းသော အရှိန်အဝါ တစ်ခုက လှိမ့်တက် ဝင်ရောက်လာလေသည်။ ထိုစွမ်းအား၏ အစွမ်းထက်မှုကြောင့် ရှောင်ယန်၏ မျက်နှာထား ပြောင်းလဲသွားပြီး အလောတကြီးဖြင့် ကောင်းကင် ဖြိုခွင်းရေး ဓားမည်းကြီး ကို အရှေ့တွင် ကာကွယ်လိုက်လေသည်။

နောက်တစ်စက္ကန့်တွင် သူ၏ ခန္ဓာကိုယ်မှာ အဝေးသို့ လွင့်စင်ထွက်သွားရလေတော့သည်။

"ဘာတွေ ဖြစ်သွားတာလဲ..."

"မသိဘူးလေ... အရမ်း မြန်လွန်းတယ်... ငါ သတိပြန်ဝင်လာတဲ့ အချိန်ကျတော့ နတ်ဘုရားသတ်ဖြတ်ခြင်း နန်းတော် က လူ လွင့်ထွက်သွားပြီ..."

"ကြည့်ရတာ ပုန်းကွယ်နေတဲ့ အစွမ်းထက်သူ ရှိနေသေးပုံပဲ..."

"ဘုရားရေ... ကြယ်ကိုးပွင့် ဧကရာဇ်အဆင့် အစွမ်းထက်သူ ကြီးပဲ... နတ်ဘုရားအဆင့် ရောက်ဖို့ တစ်လှမ်းပဲ လိုတော့တာ... တကယ်ကို ကြောက်စရာ ကောင်းလွန်းတယ်..."

"ဒီတစ်ခါတော့ နတ်ဘုရားသတ်ဖြတ်ခြင်း နန်းတော် တကယ် ပျက်စီးရတော့မယ် ထင်တယ်..."

"ဒါပေါ့... အဲဒီ အစွမ်းထက်ဆုံး လူတောင် လွင့်ထွက်သွားပြီပဲ... လုံးဝ ယှဉ်နိုင်မှာ မဟုတ်ဘူး..."

ရှောင်ယန်၏ အစွမ်းထက်သော စွမ်းဆောင်ရည်ကို မြင်တွေ့ခဲ့ရသဖြင့် ထိုနေရာတွင် ရှိနေသော လူတိုင်းက သူသည်သာ နတ်ဘုရားသတ်ဖြတ်ခြင်း နန်းတော် ၏ အစွမ်းထက်ဆုံး လူဟု သဘာဝကျကျပင် ထင်မှတ်ထားကြလေသည်။

ယခုအခါ သူ ရှုံးနိမ့်သွားပြီ ဖြစ်ရာ နတ်ဘုရားသတ်ဖြတ်ခြင်း နန်းတော် မှာလည်း ပျက်စီးရတော့မည် ပင်ဖြစ်သည်။ သို့သော် သူတို့ ထပ်မံ၍ စိတ်ပျက်ရဦးမည်မှာ သေချာလှသည်။

အဘယ်ကြောင့်ဆိုသော် ကျိုးဟန် ၏ အကြည့်များက ထိုနေရာသို့ ရောက်ရှိလာပြီ ဖြစ်သောကြောင့် ပင်ဖြစ်သည်။ ရန်သူမှာ ကြယ်ကိုးပွင့် ဧကရာဇ်အဆင့် အစွမ်းထက်သူ ဆိုသည်မှာ မှန်ကန်ပေသည်။ လက်ရှိ ရှောင်ယန် အနေဖြင့် အမှန်တကယ်ပင် ရင်ဆိုင်နိုင်စွမ်း မရှိချေ။ သို့သော် သူ၏ မီးလျှံ ကောင်းကင် ကျင့်စဉ် ကို သေချာစွာ လေ့ကျင့်ပြီးသွားပါက ကြယ်ကိုးပွင့် ဧကရာဇ်အဆင့် အစွမ်းထက်သူ များကို သတ်ဖြတ်ရန်မှာ အလွန် လွယ်ကူသော ကိစ္စရပ် တစ်ခု ဖြစ်လာမည် ဖြစ်လေသည်။

"ဟင်... မင်းလား..."

"ဝိညာဉ် တံခွန် ကို ထုတ်ပေးစမ်း... မင်းကို အသက်ရှင်ခွင့် ပေးမယ်..."

ပြင်းထန်သော မီးတောက် တစ္ဆေ အရှင်သခင် လည်း ကျိုးဟန်၏ အကြည့်များကို ခံစားသိရှိသွားပြီး ကျိုးဟန်၏ မည်သူမည်ဝါ ဖြစ်ကြောင်းကို လျင်မြန်စွာ မှတ်မိသွားလေသည်။

ရွှမ်ယွမ် နန်းတော် ၏ ဝင်ပေါက် နေရာတွင် ကျိုးဟန် ဝိညာဉ် တံခွန် ကို အသုံးပြုခဲ့သည်ကို သူ မြင်တွေ့ခဲ့ဖူးလေသည်။ သူသည် ဤ မှော်လက်နက် အပေါ် အလွန် တပ်မက်နေခဲ့သည်မှာ ကြာမြင့်ပြီ ဖြစ်သော်လည်း ယခင်က ကျိုးဟန် ၏ အမြန်နှုန်းမှာ လွန်ကဲလွန်းလှသဖြင့် သူ လိုက်ဖမ်းချင်လျှင်ပင် မဖြစ်နိုင်ခဲ့ချေ။

ယခုအခါ ပြန်လည် ဆုံတွေ့ရလိမ့်မည်ဟု သူ လုံးဝ မထင်မှတ်ထားခဲ့ဘဲ ဤသည်မှာ တကယ့်ကို ဖိနပ်ပေါက်သည်အထိ ရှာဖွေရခက်သော အရာက အားစိုက်စရာ မလိုဘဲ အလိုလို ရောက်ရှိလာခြင်းပင် ဖြစ်ပြီး ကောင်းကင်က သူ့ကို ကူညီနေခြင်း ဖြစ်သည်ဟု မှတ်ယူလိုက်လေသည်။

'ဒီလောက် အစွမ်းထက်တဲ့ မှော်လက်နက် က မကြာခင် ငါ့ရဲ့ ပစ္စည်း ဖြစ်လာတော့မှာပဲ...'

ပြင်းထန်သော မီးတောက် တစ္ဆေ အရှင်သခင် ၏ မျက်နှာပေါ်တွင် စိတ်လှုပ်ရှား ဝမ်းသာနေသော အပြုံးများ ထွက်ပေါ်လာပြီး ကြောက်မက်ဖွယ်ကောင်းသော အနက်ရောင် စွမ်းအင်များက ဧရာမ လက်ကြီး တစ်ဖက် အဖြစ် ပြောင်းလဲသွားကာ ကျိုးဟန် ထံသို့ လှမ်းဆွဲလာလေတော့သည်။

"သွေးသတ်ဖြတ်မှု မြင်ကွင်း... သေစမ်း..."

ကျိုးဟန် ၏ မျက်ဝန်းများ ကျုံ့ဝင်သွားပြီး ထက်မြက်လှသော စွမ်းအင် လှိုင်းများက ပြင်းထန်စွာ ပစ်လွှတ် ထွက်ပေါ်လာလေသည်။

"ဝုန်း"

အနက်ရောင် ဧရာမ လက်ကြီးမှာ ရူးသွပ်ကြမ်းတမ်းသော ရိုက်ခတ်မှုနှင့် ရင်ဆိုင်လိုက်ရချိန်တွင် အပိုင်းပိုင်းအစစ အဖြစ်သို့ ပြိုကွဲသွားလေတော့သည်။

"ဘာ... မင်း..."

ပြင်းထန်သော မီးတောက် တစ္ဆေ အရှင်သခင် ၏ မျက်နှာထား ပြောင်းလဲသွားပြီး နဖူးပေါ်တွင် ချွေးစေးများ ပျံ့နှံ့လာလေသည်။ သူသည် ချက်ချင်း ကိုယ်ကို လှည့်ကာ အနည်းငယ်မျှပင် တုံ့ဆိုင်းမနေဘဲ အစွမ်းကုန် ထွက်ပြေးရန် ကြိုးစားတော့သည်။

ဤတစ်ကြိမ် ထိပ်တိုက် တွေ့ဆုံမှုတွင် အလွန် နက်နဲပြီး ခန့်မှန်း၍ မရနိုင်သော စွမ်းအား တစ်ရပ်ကို သူ ချက်ချင်း ခံစားသိရှိလိုက်ရလေသည်။ ထိုစွမ်းအား၏ အောက်တွင် သူကိုယ်တိုင်မှာ ပုရွက်ဆိတ် တစ်ကောင်အလား သေးငယ်လွန်းနေသဖြင့် လုံးဝ ကြောက်ရွံ့ တုန်လှုပ်သွားကာ မည်သည့် တွန့်ဆုတ်မှုမျှ မရှိဘဲ ထွက်ပြေးရန်သာ ရွေးချယ်လိုက်ခြင်း ဖြစ်သည်။

အဘယ်ကြောင့်ဆိုသော် အနိုင်ရရှိနိုင်မည့် အခွင့်အရေး အနည်းငယ်မျှပင် မရှိသောကြောင့် ပင်ဖြစ်သည်။ သို့တိုင်အောင် ထွက်ပြေး လွတ်မြောက်ရန် ဆိုသည်မှာ လုံးဝ မဖြစ်နိုင်သော ကိစ္စရပ်တစ်ခု ပင်ဖြစ်သည်။

"လခွမ်း... အကြည့်နဲ့တင် လူသတ်လို့ ရတာလား..."

"တစ်ချက် ကြည့်လိုက်ရုံနဲ့ ကြယ်ကိုးပွင့် ဧကရာဇ်အဆင့် အစွမ်းထက်သူ ကြီး ပြာကျသွားတာလား..."

"မယုံနိုင်စရာပဲ... တကယ်ပဲ ဒီလောက် အစွမ်းထက်တဲ့သူ ရှိနေတာလား... ပြီးတော့ သူက ကစားသမား တစ်ယောက်ပဲ ရှိသေးတာလေ..."

"နတ်ဘုရား တစ်ပါးရဲ့ စွမ်းအားတွေလိုပဲ... တကယ်ကို ကြောက်စရာ ကောင်းလွန်းတယ်..."

"ဒီလူက တကယ်တော့ ဘယ်သူများလဲ..."

ဤရိုးရှင်းသော လက်ကွက် တစ်ချက်ကြောင့် လူတိုင်း လုံးဝ မှင်သက်သွားကြလေသည်။

သူတို့၏ ရင်တွင်း၌ မုန်တိုင်းများ ထန်လာသကဲ့သို့ အလွန်အမင်း အံ့အားသင့် တုန်လှုပ်နေကြပြီး ယခုအချိန်တွင် ကျိုးဟန် ပြသလိုက်သော အစွမ်းထက်သည့် နည်းလမ်းများမှာ သူတို့အမြင်တွင် နတ်ဘုရား တစ်ပါးနှင့် အနည်းငယ်မျှပင် ကွာခြားခြင်း မရှိတော့ချေ။

"ဟက်... မင်းတို့က အကဲခတ်နိုင်စွမ်း နည်းနည်းလေးတောင် မရှိကြဘူးပဲ... သူက ကျိုးဟန် လေ... အဆင့်သတ်မှတ်ချက် ဇယား မှာ နံပါတ်တစ် နေရာ ယူထားတဲ့ သူပဲ..."

"ငါတို့ နဂါးနိုင်ငံ ရဲ့ ဂုဏ်ယူစရာ... ပြိုင်ဘက်ကင်း အစွမ်းထက်သူ ကြီးကွ..."

လုံအောက်က ဂုဏ်ယူ ဝင့်ကြွားစွာဖြင့် ကျယ်လောင်စွာ အော်ဟစ်လိုက်လေတော့သည်။