အခန်း ၅၆

အခန်း ၅၆ - ဘယ်သူလာလာ အဆင်မပြေဘူး။

"မင်း ငါ့ရှေ့တင် ချူးဟန်ကို ထိုးရဲတယ်ပေါ့ကောင်းတယ် မင်း တကယ်ကို ရဲတင်းလွန်းတယ်။"

ရွှီကုန်း၏ မျက်လုံးများမှ မီးတောက်များ ထွက်လာသယောင် ဖြစ်နေသည်။ သူ၏ အရှိန်အဝါမှာ အလွန်အေးစက်ပြီး ရက်စက်နေကာ ယဲ့ချန်ကို သတ်ပစ်ချင်နေသည့်ပုံပင်။

"ငါ ရွှီကုန်း အာမခံတယ် ဒီနေ့ မင်း ဒီကနေ ထွက်သွားရတော့မှာ မဟုတ်ဘူး မင်း ဒီကို ရောက်လာမိတဲ့အတွက် မင်း နောင်တရသွားလိမ့်မယ်။"

"ဟုတ်လို့လား။"

ယဲ့ချန်မှာလည်း ဂရုစိုက်နေစရာ မလိုတော့ဟု ဆုံးဖြတ်လိုက်သည်။ ငြိမ်းချမ်းစွာ ဖြေရှင်း၍ မရတော့သည့်အတွက် တိုက်ပွဲကို အဆုံးထိ ဆက်လုပ်မည်ဟု ဆုံးဖြတ်လိုက်သည်။ တာဝန်များ ပိုမိုလုပ်ဆောင်ခြင်းဖြင့် ဆုလာဘ်များကို ဆက်တိုက် ရယူနိုင်သည်။

တီ...တာဝန် ထွက်ပေါ်လာသည်။

တာဝန်အကြောင်းအရာ- ရွှီကုန်းကို အကြမ်းဖက် ထိုးကြိတ်ပါ။ ဆုလာဘ်- စနစ်သည် တာဝန်၏ ခက်ခဲမှုကို ခွဲခြမ်းစိတ်ဖြာနေသည်။

နောက်တစ်စက္ကန့်တွင်။

ယဲ့ချန်မှာ လေပြင်းတစ်ချက်ကဲ့သို့ ရွှီကုန်းထံသို့ ရောက်သွားသည်။ အလွန်မြန်ဆန်လွန်းသဖြင့် ရွှီကုန်းမှာ တုံ့ပြန်ရန် အချိန်ပင် မရလိုက်ပေ။

ဖြောင်းးးး

ယဲ့ချန်၏ လက်ဝါးချက်က ရွှီကုန်း၏ ဘယ်ဘက်ပါးပြင်ကို ပြင်းထန်စွာ ရိုက်ချလိုက်သည်။ ရွှီကုန်းမှာ မြေပေါ်သို့ လဲကျသွားသည်။ သူ နာကျင်မှုကြောင့်ပင် မအော်နိုင်ဘဲ အိပ်မက်မက်နေသလို ဖြစ်နေသည်။

"အံ့အားသင့်နေတာလား လက်မခံနိုင်ဘူးလား။"

ယဲ့ချန်က မြေပေါ်တွင် လဲကျနေသော ရွှီကုန်းကို ကြည့်ပြီး သူ့ကို ပြန်ဆွဲမလိုက်သည်။

"ဒါဆို နောက်တစ်ချက် ထပ်ယူလိုက်။"

ဖြောင်းးး

နောက်ထပ် လက်ဝါးချက်တစ်ခုက ရွှီကုန်း၏ ညာဘက်ပါးပြင်ကို ရိုက်ချလိုက်ပြန်သည်။ သူသည် ၃၆၀ ဒီဂရီ လည်သွားပြီးနောက် ကြမ်းပြင်ပေါ်သို့ ပြိုလဲကျသွားသည်။ အခန်းတစ်ခုလုံး တိတ်ဆိတ်သွားသည်။ ယဲ့ချန်၏ ရက်စက်ပြီး ရူးသွပ်သော အပြုအမူကို ဘယ်သူမှ မယုံကြည်နိုင် ဖြစ်နေကြသည်။

"အားးး"

ရွှီကုန်းမှာ သတိပြန်ဝင်လာပြီး နတ်ဆိုးတစ်ကောင်ကဲ့သို့ ရူးသွပ်စွာ အော်ဟစ်လိုက်သည်။

သူ အထိုးခံလိုက်ရပြီ ဘယ်နှစ်နှစ်ရှိပြီလဲ သူ အထိုးမခံရတာ ဆယ်နှစ်လား အနှစ်နှစ်ဆယ်လား အရှက်ရခြင်း၊ ဒေါသထွက်ခြင်းနှင့် အငြိုးအတေးများ ပေါင်းစပ်ကာ ရွှီကုန်း၏ စိတ်ကို လောင်ကျွမ်းစေသည်။

သူ ယဲ့ချန်ကို သတ်ပစ်ချင်သည်။ ယဲ့ချန်ကို အပိုင်းပိုင်း ဆွဲဖြဲပစ်ချင်သည်။

တီ...ဂုဏ်ယူပါတယ်။ တာဝန်အကြောင်းအရာ- ရွှီကုန်းကို အကြမ်းဖက် ထိုးကြိတ်ခြင်း အောင်မြင်စွာ ပြီးဆုံးသည်။

ရရှိသော ကျွမ်းကျင်မှုစာအုပ်: နပန်းအတတ် (နိုင်ငံအဆင့် ချန်ပီယံ အဆင့်မြင့်) စနစ်၏ သိုလှောင်ခန်းထဲအလိုအလျောက် သိမ်းဆည်းထားသည်။

စနစ် ပြင်ဆင်မှု 1.3% ပြီးစီးပြီ။

'အို ဒီလောက်နဲ့ပဲ နပန်းအတတ် ကို နိုင်ငံချန်ပီယံအဆင့် ရောက်သွားတာလားညဟားဟား သိပ်ကောင်းတာပဲ။'

ယဲ့ချန်က ကျွမ်းကျင်မှုစာအုပ်ကို သင်ယူလိုက်သည်။ ထိုအချိန်တွင် ယဲ့ချန်၏ ဖုန်း မြည်လာသည်။ သူသည် စားပွဲမှာ ပြန်ထိုင်ပြီး စန်းယွီကို စိတ်မပူရန် မျက်လုံးဖြင့် အချက်ပြလိုက်သည်။ ဖုန်းခေါ်ဆိုသူမှာ မသိသော နံပါတ်တစ်ခုဖြစ်သည်။

"အစ်မယွီ ကျွန်တော် ဖုန်းအရင် ပြောလိုက်ဦးမယ်။"

ယဲ့ချန် ဖုန်းကိုင်လိုက်ရာ ထန်ကျိကွမ်၏ အသံကို ကြားရသည်။

"အစ်ကိုလေး။"

ထန်ကျိကွမ်၏ အသံမှာ စိတ်လှုပ်ရှားမှုနှင့် တုန်ယင်မှုတို့ဖြင့် ပြည့်နှက်နေသည်။

"ဟင် ကျွန်တော့် ဖုန်းနံပါတ်ကို ဘယ်လိုရတာလဲ။"

ယဲ့ချန် အံ့အားသင့်သွားသည်။

"အစ်ကိုလေး ကျွန်တော် အစ်ကိုလေးရဲ့ အိမ်ကို သွားပြီး မိဘတွေဆီကနေ တောင်းခဲ့တာပါ။ ကျွန်တော့်ကို ခွင့်လွှတ်ပါ။ ကျွန်တော့်မှာ အရေးပေါ် ကိစ္စရှိလို့ပါ။"

ထန်ကျိကွမ်က အောက်ကျို့စွာ ပြောသည်။

"အစ်ကိုလေး ဘယ်မှာလဲ ကျွန်တော် လာခေါ်မယ်။"

ယဲ့ချန်က မြေပေါ်တွင် လဲနေသော ရွှီကုန်းကို ကြည့်ပြီးJinjiang Grand Hotel ဟု ပြောလိုက်သည်။

"ကောင်းပြီ အစ်ကိုလေး စောင့်နေပါ၊ ကျွန်တော် အခုပဲ လာခဲ့မယ်။"

"လူခေါ်နေတာလား။"

ရွှီကုန်းက ယဲ့ချန်ကို သေလူတစ်ယောက်ကို ကြည့်သလို ကြည့်သည်။

"ဒီနေ့ မင်း ဘယ်သူ့ကို ခေါ်ခေါ် အဆင်မပြေဘူး။"

ရွှီကုန်း၏ ဖုန်းမှာလည်း မြည်လာသည်။

"ဖေဖေ ကျွန်တော် ဟိုတယ်မှာ။ ဟုတ်တယ် ဖေဖေ လာနေပြီလားဘဟုတ်တယ် သူငယ်ချင်းတွေလည်း အကုန်ရှိတယ်။ ဖေဖေ မြန်မြန်လာခဲ့ပါ ကျွန်တော့်ကို အထိုးခံလိုက်ရတယ်။"

ဖုန်းချပြီးနောက် ရွှီကုန်းက မတ်တပ်ထရပ်သည်။

"မင်း ကံကောင်းတယ် ငါ့ဖေဖေ ကိုယ်တိုင် လာနေပြီ။ နောက် ၁၀ မိနစ်နေရင် မင်း ဒီလောကကြီးကို ရောက်လာရတာ နောင်တရသွားလိမ့်မယ်။"

အခန်းထဲရှိ လူများမှာ အကြီးအကျယ် ထိတ်လန့်နေကြသည်။ ရွှီကုန်း၏ ဖခင်မှာ ရွှီမိသားစု၏ ခေါင်းဆောင်ဖြစ်သည်။ သူ လာရင်တော့ ယဲ့ချန်အတွက် အဆုံးသတ်ဖြစ်ပြီ။ စန်းယွီဘေးမှ အမျိုးသမီးများက စန်းယွီကို တီးတိုး ပြောဆိုကြသည်။

"ပြီးပြီ ရှောင်ယွီ မင်း ရည်းစား သေပြီပဲ။ ရွှီမိသားစုကို ရန်စတာက ပုရွက်ဆိတ်တစ်ကောင်ကို နင်းချေသလိုမျိုးပဲ။"

ချူးဟန်ကလည်း သွေးသံရဲရဲဖြင့် စန်းယွီအနား လျှောက်လာသည်။

"ရှောင်ယွီ အခုချက်ချင်း အဲ့ဒီကောင်စုတ်နဲ့ လမ်းခွဲလိုက် ရွှီခေါင်းဆောင်လေး လာတော့မယ် ငါ့မိန်းမ ဖြစ်လာမယ်ဆိုရင် မင်းကို ကာကွယ်ပေးမယ်။"

စန်းယွီက ချူးဟန်ကို တစ်ချက်မျှပင် မကြည့်ပါ။

"ရှောင်ချန် ဘာပဲဖြစ်ဖြစ် ကျွန်မ မင်းဘေးမှာပဲ ရှိနေမယ်။"

သူမသည် ယဲ့ချန်၏ လက်ကို ဆုပ်ကိုင်လိုက်ပြီး ပြောသည်။

"အစ်မယွီ အရမ်း စိတ်လှုပ်ရှားနေတာလား။ဘာမှ မဖြစ်ပါဘူး။"

ယဲ့ချန်က အေးဆေး ပြုံးသည်။

တီ...ဂုဏ်ယူပါတယ်။ တာဝန်အကြောင်းအရာ: အဖိုးအိုထန်၏ နာကျင်မှုကို သက်သာစေခြင်း အောင်မြင်စွာ ပြီးဆုံးသည်။

ရရှိသော နာကျင်မှုသက်သာစေသည့် အဆောင် ၁၀၀သွေးတိတ်စေသည့် အဆောင် ၁၀၀။

စနစ် ပြင်ဆင်မှု 1.4% ပြီးစီးပြီ။

'အော် ထန်ကျိကွမ်က ငါပေးလိုက်တဲ့ နာကျင်မှုသက်သာစေတဲ့ အဆောင်ကို သုံးလိုက်တာကိုး။'

ယဲ့ချန် နားလည်သွားသည်။ ထိုအချိန်တွင် ယဲ့ချန်နေထိုင်ရာ နေရာရှေ့တွင် ကားအစီးရေ များစွာ ရောက်ရှိနေသည်။ ထန်ကျိကွမ်က အားလုံးကို အော်ဟစ်လိုက်သည်။

"အားလုံး ချက်ချင်းလာခဲ့ကြ အစ်ကိုလေးကို တွေ့ပြီ။ Jinjiang Grand Hotel ကို အခုချက်ချင်း သွားမယ် မြန်မြန်။"