အခန်း ၃၄၈

အခန်း ၃၄၈ ဧကရာဇ် တစ်ပါး၏ ခန့်ညားထည်ဝါမှု

"တကယ်ကို ထိပ်တန်း ပါရမီရှင်ပဲ... တကယ့်ကို ပထမအဆင့် ပါရမီရှင်ကြီးပဲကွာ"

"သူ နောက်ထပ် ဘယ်လောက်တောင် အံ့သြစရာတွေ ယူလာပေးဦးမလဲ... ဓား နယ်ပယ် ကိုတောင် လွှမ်းမိုး ထိန်းချုပ်လိုက်ပြီလား"

"ကျိုးဟန် ရဲ့ စွမ်းအားက ကြယ်တစ်ပွင့် အထွတ်အထိပ် အဆင့် အစွမ်းထက်သူ တွေထက် မနိမ့်လောက်တော့ဘူး"

"ဒါ... ဒါ တကယ်ကို ယုံနိုင်စရာ မရှိဘူးကွာ"

ဓား နယ်ပယ် ထွက်ပေါ်လာသည်ကို မြင်တွေ့လိုက်ရသောအခါ အထွတ်အထိပ် သခင်ကြီး များ အားလုံး ကျိုးဟန် ဘာကြောင့် သွေးနတ်ဆိုး ဓားဝိညာဉ် ကို အနိုင်ယူနိုင်ခဲ့သလဲ ဆိုသည်ကို နားလည် သဘောပေါက်သွားကြလေသည်။

ဓား နယ်ပယ် ဆိုသည်မှာ အလွန် နက်နဲသော အဆင့်အတန်း တစ်ခု ဖြစ်နေခဲ့ပြီ မဟုတ်ပါလား။ ဓား နက်နဲမှု ကို ရင်ဆိုင်ရခြင်းမှာ အဖေ က သား ကို ရိုက်သကဲ့သို့ ပင်ဖြစ်သည်။ အနည်းငယ်မျှပင် ဖိအား မရှိချေ။

ကျိုးဟန် ထုတ်ဖော်ပြသလိုက်သော စွမ်းအားများကြောင့် သူတို့ အလွန်အမင်း တုန်လှုပ်သွားကြလေသည်။

"ဟက်... ငါတို့က အရင်တုန်းက သူ့ကို တပည့်အဖြစ် လက်ခံချင်သေးတယ်... တကယ်ကို ရယ်စရာ ကောင်းတာပဲ"

ရှူလော အထွတ်အထိပ် သခင်ကြီး က သက်ပြင်းချကာ ပြောလိုက်ပြီး သူ၏ မျက်နှာပေါ်တွင် အနည်းငယ် ရှက်ရွံ့နေသော အမူအရာများ ထွက်ပေါ်နေလေသည်။

ကျိုးဟန် ထုတ်ဖော်ပြသလိုက်သော တိုက်ခိုက်ရေး စွမ်းအားမှာ အထွတ်အထိပ် အဆင့် သို့ ရောက်ရှိနေပြီ ဖြစ်ပြီး သူတို့နှင့် တူညီသော အဆင့်အတန်း တစ်ခုတည်းတွင် ရှိနေလေပြီ။

သူတို့က တပည့်အဖြစ် လက်ခံချင်သည် ဆိုသော်လည်း အရည်အချင်း ပြည့်မီပါရဲ့လား။ မည်သို့ပင်ဆိုစေ တူညီသော အဆင့်အတန်း ရှိသူများအဖြစ် သတ်မှတ်၍ ရနိုင်နေပြီ ဖြစ်ရာ တစ်ဖက်လူက အရူး တစ်ယောက်မှ မဟုတ်ဘဲ မင်းကို ဆရာတင်ပါ့မလား။

"ဟုတ်တယ်... တကယ်ကို ရှက်စရာ ကောင်းတာပဲ... ဒီကောင်လေးက တကယ်ကို ရေငုံ နှုတ်ပိတ် နေတတ်တာကိုး"

"သူ ဒါကို ဘယ်လို လုပ်ခဲ့တာလဲ... ဒြပ်စင် အမျိုးမျိုးကို ကျွမ်းကျင်ရုံတင် မကဘူး... ဒီလောက် အစွမ်းထက်တဲ့ တိုက်ခိုက်ရေး စွမ်းအားလည်း ရှိနေသေးတယ်"

"ဒါက မွေးရာပါ အရည်အချင်း ကြောင့်ပဲ ဖြစ်မှာပါ"

"ဟူး... ငါတို့ ဒီနှစ်သောင်းချီ အသက်ရှင်လာတာတွေက တကယ်ကို အလဟဿ ဖြစ်သွားပြီ"

စကားပြောနေရင်းဖြင့် အထွတ်အထိပ် သခင်ကြီး များ အားလုံး အနည်းငယ် စိတ်ဓာတ်ကျသွားကြလေသည်။ မည်သို့ပင်ဆိုစေ ကျိုးဟန် က ဤမျှ ငယ်ရွယ်နေသေးပြီး အသက် နှစ်ဆယ် ဝန်းကျင်ခန့်သာ ရှိသေးရာ တကယ်ကို ယုံနိုင်စရာ ကောင်းလွန်းလှပေသည်။

"သူ အစွမ်းကုန် မထုတ်သေးဘူးလို့ ငါ ခံစားမိနေတယ်... စောစောက တိုက်ပွဲမှာ သူ အမြဲတမ်း ပေါ့ပေါ့ပါးပါး နဲ့ တည်ငြိမ်နေခဲ့တာ"

"သေချာပေါက် သူ ဒီလောက် ယုံကြည်ချက် ရှိနေတာက အစွမ်းထက်တဲ့ စွမ်းအားတွေ ရှိနေလို့ပဲ နေမှာပါ"

လော်ဟန် အထွတ်အထိပ် သခင်ကြီး က ခွဲခြမ်းစိတ်ဖြာ၍ ပြောလိုက်လေသည်။ သူသည် စောစောကတည်းက ကျိုးဟန် ၏ မျက်နှာထားကို အာရုံစိုက် ကြည့်ရှုနေခဲ့ခြင်း ပင်ဖြစ်သည်။

ယခင်က ကျိုးဟန် မှာ ဟန်ဆောင်နေသည်ဟု ထင်မှတ်ခဲ့သော်လည်း ယခု တိုက်ပွဲ ရလဒ်ကို ကြည့်လိုက်သောအခါ သွေးနတ်ဆိုး ဓားဝိညာဉ် ကို လုံးဝ အရေးမစိုက်ခဲ့ကြောင်း သိသာ ထင်ရှားလှပေသည်။

"အိုး... မင်းတို့တွေ ကျိုးဟန် ရဲ့ အစစ်အမှန် စွမ်းအားကို မြင်ချင်ကြလား"

ဇီဖုန်း အထွတ်အထိပ် သခင်ကြီး ၏ မျက်လုံးများ အရောင်လဲ့သွားပြီး အကြံပြုလိုက်လေသည်။

"ဟီးဟီး... ကြည့်ရတာလည်း မဆိုးပါဘူး"

"အစစ်အမှန် အထွတ်အထိပ် အဆင့် အစွမ်းထက်သူ တစ်ယောက်ရဲ့ အရှေ့မှာ သူ ဘယ်လောက်အထိ လုပ်နိုင်မလဲ ဆိုတာကို မြင်ချင်တယ်"

မြင့်မြတ်သော သားရဲ အထွတ်အထိပ် သခင်ကြီး ကလည်း ထောက်ခံ ပြောဆိုလိုက်လေသည်။

မည်သို့ပင်ဆိုစေ အထွတ်အထိပ် အဆင့် အစွမ်းထက်သူ တစ်ယောက် နှင့် ယှဉ်နိုင်သော စွမ်းအား ရှိသော်လည်း အစစ်အမှန် အထွတ်အထိပ် အဆင့် အစွမ်းထက်သူ တစ်ယောက် နှင့် တိုက်ခိုက်ရခြင်းမှာ လုံးဝ မတူညီသော အခြေအနေ တစ်ခု ပင်ဖြစ်သည်။

ယခုအခါ သူတို့သည် ကျိုးဟန် ကို တပည့်အဖြစ် လက်ခံရန် မျှော်လင့်ချက် မရှိတော့ချေ။ ကျိုးဟန် ၏ ကန့်သတ်ချက်များ မည်သည့် နေရာတွင် ရှိနေသနည်း ဆိုသည်ကိုသာ သိရှိချင်ကြလေသည်။

မည်သို့ပင်ဆိုစေ မမျှော်လင့်သော ကိစ္စရပ်များ မဖြစ်ပေါ်လာပါက ပြိုင်ဘက်ကင်းသော ထိပ်တန်း အစွမ်းထက်သူ တစ်ယောက် ပေါ်ထွက်လာခြင်းကို သူတို့ မျက်မြင်ကိုယ်တွေ့ မြင်တွေ့ခွင့် ရကြမည် ဖြစ်ရာ ဤသည်မှာ မည်မျှ စိတ်လှုပ်ရှားစရာ ကောင်းပြီး ရင်ခုန်စရာ ကောင်းသော ကိစ္စရပ် တစ်ခု ဖြစ်မည်နည်း။

နှစ်ပေါင်းများစွာ ကြာပြီးနောက်တွင်လည်း အခြားသူများကို ကြွားဝါ၍ ရနိုင်သေးလေသည်။

'ကျိုးဟန် ဧကရာဇ်မင်း လား... ငါ သိတာပေါ့... သူ ကြီးပြင်းလာတာကို ငါ ကိုယ်တိုင် မျက်မြင်ကိုယ်တွေ့ မြင်ခဲ့ရတာ'

'ကျိုးဟန် ဧကရာဇ်မင်း ရဲ့ စမ်းသပ်မှု တွေကိုတောင် ငါတို့ လူအနည်းငယ်က အတူတူ လုပ်ပေးခဲ့တာလေ... ဒီဆက်ဆံရေးက သာမန် ဖြစ်နိုင်ပါ့မလား'

ထို့ကြောင့် ဤမျှ ကြီးမားသော စိတ်ဝင်စားမှု မျိုးကို ပြသနေကြခြင်း ပင်ဖြစ်သည်။

"ကောင်းပြီလေ... ဒါဆိုရင် ရွှမ်ယွမ် နန်းတော် ရဲ့ အခက်အခဲ ကို အမြင့်ဆုံး ကန့်သတ်ချက် အထိ တိုးလိုက်ကြစို့"

"မင်း ဆိုလိုတာက... အိပ်မက်ဆိုး အခက်အခဲ လား... ဒါက ကောင်းတယ်... ငါ သဘောတူတယ်... ဘာပဲဖြစ်ဖြစ် ကျိုးဟန် က ဒီလောက် အစွမ်းထက်နေမှတော့ အန္တရာယ် ဖြစ်မှာကို စိုးရိမ်နေစရာ မလိုပါဘူး"

"ရှီး... အိပ်မက်ဆိုး အခက်အခဲ ဟုတ်လား... ဒီလိုဆိုရင် အထပ် ကိုးဆယ့်ကိုး က နတ်ဆိုးအိုကြီး ထွက်လာတော့မှာပေါ့"

အဖွဲ့ထဲမှ အသစ်ရောက်လာသော ကြယ်နှစ်ပွင့် အဆင့်သာ ရှိသေးသည့် အထွတ်အထိပ် သခင်ကြီး တစ်ပါး၏ မျက်နှာထားမှာ အနည်းငယ် မကောင်းဖြစ်သွားလေသည်။ ကြောက်မက်ဖွယ်ကောင်းသော အရာတစ်ခုကို တွေးမိသွားသည့်ပုံ ပေါ်လေသည်။

"မှန်တယ်... အဲဒီ ကြေးမုံ နတ်ဆိုး ပဲ"

"ကျွတ်ကျွတ်ကျွတ်... ကျိုးဟန် နဲ့ ကြေးမုံ နတ်ဆိုး တို့ တိုက်ခိုက်တာကို မြင်ရဖို့ ငါ တော်တော်လေး မျှော်လင့်နေမိပြီ"

"ဟီးဟီး... အဲဒါမှ ပိုပြီး စိတ်ဝင်စားစရာ ကောင်းမှာပေါ့... ကျိုးဟန် ရဲ့ အစွမ်းထက်ဆုံး စွမ်းအားတွေကို အဲဒါကနေတစ်ဆင့် ထုတ်ပြလာအောင် ဖိအားပေးနိုင်လိမ့်မယ်"

"ရွှမ်ယွမ် ဧကရာဇ်မင်း မြင်ရင်လည်း သေချာပေါက် အရမ်း ပျော်သွားမှာပဲ"

"ဘာလို့လဲဆိုတော့ ရွေးချယ်ခံရတဲ့ ကိုယ်စားလှယ်လောင်း ရဲ့ စွမ်းအားက ဒီလောက် အစွမ်းထက်နေမှတော့ ဒီလို အခြေအနေမျိုးကို သေချာပေါက် မြင်ချင်မှာပဲလေ"

လူအနည်းငယ် အချိန်အနည်းငယ်မျှ စကားပြောဆိုပြီးနောက် အိပ်မက်ဆိုး အဆင့် အခက်အခဲ ကို တိုက်ရိုက် ဖွင့်လှစ်လိုက်ကြလေသည်။

...

"ဝှီး..."

"ဝှီး..."

ရုတ်တရက် လေတိုက်နှုန်း ပြောင်းလဲသွားပြီး ပိုမို ကြမ်းတမ်းလာကာ ဟိန်းဟောက်သံများ အဆက်မပြတ် ထွက်ပေါ်လာလေသည်။ လေဟာနယ် ထဲတွင် အမျိုးမျိုးသော အစွမ်းထက်သည့် လေဆင်နှာမောင်း များ ပြည့်နှက်လာပြီး ကျိုးဟန် ထံသို့ ရူးသွပ်ကြမ်းတမ်းစွာ ရိုက်ခတ် ဝင်ရောက်လာလေသည်။

[စနစ် အသိပေးချက် - သင်သည် ကောင်းကင် ငရဲ လေပြင်း ၏ တိုက်ခတ်မှုကို ခံရပြီး စက္ကန့်တိုင်းတွင် သွေးပမာဏ၏ ၂၀ ရာခိုင်နှုန်း ဆုံးရှုံးမည် ဖြစ်ပါသည်]

"ဟင်... လေပြင်း က ပိုကြမ်းလာပါလား"

လေပြင်း များမှာ ပိုမို ထက်ရှလာရုံသာမက အလွန် အေးစက်သော အရှိန်အဝါများပါ ရောနှော ပါဝင်လာပြီး အရိုးထဲထိ စိမ့်ဝင်သွားလောက်အောင် အေးစိမ့်သော ခံစားချက်ကို ပေးစွမ်းလေသည်။

စနစ် ၏ အသိပေးချက် အသံကို ကြားလိုက်ရပြီးနောက် ကျိုးဟန် အနည်းငယ် သံသယ ဖြစ်သွားလေသည်။ သို့သော် ရင်ထဲရှိ ခန့်မှန်းချက် အချို့ကိုမူ သူ ပိုမို သေချာသွားခဲ့လေသည်။ တစ်စုံတစ်ယောက်က သူ့ကို တိတ်တဆိတ် စောင့်ကြည့်နေသည်မှာ သေချာလှပေသည်။

ထိုသို့မဟုတ်ပါက ဤလေပြင်း မှာ အလွယ်တကူ ပြောင်းလဲသွားမည် မဟုတ်ချေ။

"ဒီနေရာမှာ အကြာကြီး နေလို့ မဖြစ်ဘူး"

ဤ ကောင်းကင် ငရဲ လေပြင်း မှာ တကယ်ကို အလွန် ကြောက်မက်ဖွယ် ကောင်းလှပေသည်။ လေ ၏ နက်နဲမှု ကို နားလည် သဘောပေါက်ထားသော ကျိုးဟန် ပင်လျှင် အလွန် ခက်ခဲနေသည်ဟု ခံစားရလေသည်။

အများကြီး စဉ်းစားမနေတော့ဘဲ မကြာမီက သတ်ဖြတ်လိုက်သော သွေးနတ်ဆိုး ဓားဝိညာဉ် ထံမှ ကျဆင်းလာသည့် ပစ္စည်း နှစ်ခုကို လှမ်းယူလိုက်လေသည်။ ဤအရာများမှာ သူ၏ ကံကြမ္မာ အခွင့်အရေး ဖြစ်ကြောင်း စနစ် ၏ အသိပေးချက် ထွက်ပေါ်လာလေသည်။

"လခွမ်း... မိုက်လှချည်လား"

"ဧကရာဇ်သွေး ကောင်းကင်ဖျက်ဆီးခြင်း ဓား က တကယ်ကြီး ငါ့ရဲ့ ကံကြမ္မာ အခွင့်အရေး ဖြစ်နေတာလား"

ကျိုးဟန် သည် အသေးစိတ် မစစ်ဆေးရသေးမီမှာပင် သူ၏ လက်ထဲရှိ သွေးရောင် ဓားရှည်ကြီး ကို မြင်တွေ့လိုက်ရလေသည်။ ဓားတစ်ကိုယ်လုံးမှာ သွေးရောင် ကျောက်စိမ်း များဖြင့် ပြုလုပ်ထားသည့်အလား ကြည်လင် တောက်ပနေပြီး ထူးခြားသော အလှအပ တစ်မျိုးကို ပိုင်ဆိုင်ထားလေသည်။

ပါးလွှာသော သွေးမြူ များက ဓားကိုယ်ထည် ပေါ်တွင် လွင့်မျောနေပြီး ၎င်းအတွင်း၌ ကြမ်းတမ်းသော အရှိန်အဝါများ ကိန်းအောင်းနေသည်ကို ခံစား သိရှိနိုင်ပေသည်။ အကယ်၍ ၎င်းသာ နိုးထလာပါက သေချာပေါက် သွေးချောင်းစီး ပြီး ဖြတ်သန်းသွားသော နေရာတိုင်းတွင် ရှိသမျှ အရာအားလုံးကို အကြွင်းမဲ့ ဖျက်ဆီး သတ်ဖြတ်ပစ်မည်မှာ အသေအချာပင် ဖြစ်လေသည်။

ကျိုးဟန် ၏ လက်က အနီးသို့ ရောက်ရှိသွားချိန်တွင်...

"ဝုန်း"

ပေါက်ကွဲသံကြီး တစ်သံ က လေဟာနယ် ထဲတွင် ပဲ့တင်ထပ်သွားလေသည်။

ကျိုးဟန် ၏ အစွမ်းထက်သော သွေးချီ စွမ်းအင် များကို ခံစား သိရှိလိုက်ရသည့်အလား [ဧကရာဇ်သွေး ကောင်းကင်ဖျက်ဆီးခြင်း ဓား] အတွင်းရှိ သတ်ဖြတ်လိုသော အငွေ့အသက် များ လုံးဝ လှုပ်နှိုးခံလိုက်ရပြီး ကျိုးဟန် ၏ ခန္ဓာကိုယ် ပေါ်သို့ အလိုအလျောက် ပူးကပ်သွားလေသည်။

"နောက်ဆိုရင် မင်းက ငါ့ရဲ့ အဓိက လက်နက် ပဲ"

ကျိုးဟန် က ပြုံး၍ ပြောလိုက်လေသည်။

ဓားအတွင်း၌ မှိန်ဖျော့သော ဝိညာဉ် တစ်ခု ကိန်းအောင်းနေသည်ကို သူ ခံစား သိရှိနိုင်လေသည်။

"ဝီ... ဝီ..."

ဓားကိုယ်ထည် လှုပ်ခတ်သွားပြီး ကျိုးဟန် ၏ စကားများကို ကြားလိုက်ရသဖြင့် အလွန် ဝမ်းသာနေသည့်ပုံ ပေါ်လေသည်။ မည်သို့ပင်ဆိုစေ ဓား နယ်ပယ် ကို လွှမ်းမိုး ထိန်းချုပ်ထားသော ကျိုးဟန် မှာ ၎င်း၏ သခင် ဖြစ်လာရန် အပြည့်အဝ အရည်အချင်း ပြည့်မီလှပေသည်။

ဤကဲ့သို့သော သခင် မျိုးနှင့်အတူ အနာဂတ်တွင် သေချာပေါက် အလွန် တောက်ပသော အောင်မြင်မှုများ ရရှိမည် ဖြစ်ပြီး ကမ္ဘာမြေကြီး တစ်ခုလုံးတွင် နာမည်ကျော်ကြားလာမည် ဖြစ်ရာ ၎င်းအနေဖြင့် သဘာဝကျကျပင် အလွန် စိတ်လှုပ်ရှားနေမိလေသည်။

"အရမ်းကောင်းတယ်... ကြည့်ရတာ မင်းလည်း အရမ်း သဘောကျနေပုံပဲ"

ကျိုးဟန် သည် ၎င်း၏ တုံ့ပြန်မှု ကို အလွန် ကျေနပ်နေပြီး ပြုံး၍ ပြောလိုက်လေသည်။

"မင်းကို အရင်ဆုံး အဆင့်မြှင့်တင်ပေးမယ်... မင်း ပိုပြီး အစွမ်းထက်လာအောင်လို့ပေါ့"

[စနစ် အသိပေးချက် - သင်သည် မွေးရာပါ စွမ်းရည် အဆုံးမဲ့ အဆင့်မြှင့်တင်ခြင်း ကို အသုံးပြုလိုက်ပါသည်... ကြယ်ငါးပွင့် အထွတ်အထိပ် အဆင့် [ဧကရာဇ်သွေး ကောင်းကင်ဖျက်ဆီးခြင်း ဓား] ကို (၁၀ ကြိမ်မြှင့်) ခြင်း အောင်မြင်သွားပါပြီ... အချက်အလက် အသစ်များကို အချက်အလက် မျက်နှာပြင် ပေါ်တွင် ဖော်ပြထားပြီ ဖြစ်သဖြင့် ကျေးဇူးပြု၍ စစ်ဆေးကြည့်ရှုပါ]

အဖြူရောင် အလင်းတန်းများ လှုပ်ရှားသွားပြီး အချက်အလက် အသစ်များ ထွက်ပေါ်လာလေသည်။

[ဧကရာဇ်သွေး ကောင်းကင်ဖျက်ဆီးခြင်း ဓား (၁၀ ကြိမ်မြှင့်)]

[အရည်အသွေး - ကြယ်ငါးပွင့် အထွတ်အထိပ် အဆင့်]

[အမျိုးအစား - ဓားရှည် အမျိုးအစား လက်နက်]

[ဖော်ပြချက် - ဧကရာဇ် တစ်ပါး၏ သွေးအနည်းငယ် စွန်းထင်းနေသည်ဟု ကောလာဟလ ထွက်ပေါ်နေသော လက်နက် ဖြစ်ပြီး အဆုံးအစမဲ့သော အစွမ်းအာနိသင်များ ကိန်းအောင်းနေပါသည်... တစ်ကိုယ်လုံး သွေးကဲ့သို့ နီရဲနေပြီး အစွမ်းထက်သော သတ်ဖြတ်လိုသည့် အငွေ့အသက်များ လွှမ်းခြုံနေပါသည်... သွေးကို သွေးဖြင့် ရပ်တန့်ကာ သတ်ဖြတ်ခြင်းကို သတ်ဖြတ်ခြင်းဖြင့် ရပ်တန့်ရမည်... သွေးစိမ်းရှင်ရှင်များသာလျှင် သတ်ဖြတ်ခြင်းကို အဆုံးသတ်နိုင်မည် ဖြစ်ပါသည်... တစ်ယောက်ကို သတ်လျှင် ရာဇဝတ်ကောင် ဖြစ်ပြီး သောင်းချီ၍ သတ်လျှင် သူရဲကောင်း ဖြစ်လာမည်... သန်းချီ၍ သတ်လျှင် နတ်ဘုရား ဖြစ်လာပြီး သန်းထောင်ချီ၍ သတ်ဖြတ်နိုင်ပါက ဧကရာဇ် တစ်ပါး ဖြစ်လာမည် ဖြစ်ပါသည်]

[အချက်အလက် - တိုက်ခိုက်မှု စွမ်းအားကို ဆယ်ဆ တိုးမြှင့်ပေးပြီး သွေးစုပ်ယူခြင်း အကျိုးသက်ရောက်မှုကို ၁၀၀ ရာခိုင်နှုန်း တိုးမြှင့်ပေးပါသည်... သွေးချီ စွမ်းအင် များကိုလည်း တစ်ဆ တိုးမြှင့်ပေးပါသည်]

[အထူး အကျိုးသက်ရောက်မှု - ဧကရာဇ် ခန့်ညားမှု (ဧကရာဇ် တစ်ပါး၏ သွေးများ နိုးထလာပြီး အဆုံးအစမဲ့သော ခန့်ညား ထည်ဝါမှု များကို ပြသပါသည်... ရင်ဆိုင်ရသော ပစ်မှတ် များမှာ ဧကရာဇ် ၏ ခန့်ညား ထည်ဝါမှု ကြောင့် ကြောက်လန့်သွားမည် ဖြစ်ပြီး တိုက်ခိုက်မှု စွမ်းအား ၅၀ ရာခိုင်နှုန်း နှင့် သွေးပြန်တက်ခြင်း အကျိုးသက်ရောက်မှု ၇၀ ရာခိုင်နှုန်း ကျဆင်းသွားမည် ဖြစ်ပါသည်)]

[သီးသန့် ခံစား ကျွမ်းကျင်မှုစွမ်းရည် - ဧကရာဇ် သွေး (ဧကရာဇ် အဆင့်အောက်ရှိသော ပစ်မှတ်များ အပေါ် ၃ ဆ ထပ်ဆောင်း ထိခိုက်မှု ဖြစ်စေပါသည်)]

[သီးသန့် ခံစား ကျွမ်းကျင်မှုစွမ်းရည် - သတ်ဖြတ်ခြင်း (ပစ်မှတ် တစ်ခုကို သတ်ဖြတ်လိုက်တိုင်း တိုက်ခိုက်မှု စွမ်းအား ၁ မှတ် တိုးလာမည် ဖြစ်ပြီး အမြင့်ဆုံး ကန့်သတ်ချက်မှာ သန်းတစ်ရာ ဖြစ်ပါသည်... ကန့်သတ်ချက်သို့ ရောက်ရှိသွားပြီးနောက် ပိုလျှံနေသော အချက်အလက်များမှာ ကာကွယ်မှု စွမ်းအား နှင့် သွေးပမာဏ အပေါ်သို့ စုပုံ ရောက်ရှိသွားမည် ဖြစ်ပါသည်)]