အခန်း ၃၁၁

အခန်း (၃၁၁) တိုက်လေယာဉ် ဗုံးကြဲတိုက်ခိုက်မှု

စစ်ဘက်ဆိုင်ရာဌာန စစ်စခန်း။

ကိုယ်ပျောက်တိုက်လေယာဉ် အစင်းနှစ်ဆယ်သည် ကောင်းကင်ယံသို့ ပျံတက်သွားပြီး နိုင်ငံဆယ်ခု မဟာမိတ်တပ်ဆီသို့ ဦးတည်သွားလေ၏။

စစ်ဘက်ဆိုင်ရာဌာန၏ သိန်းနှင့်ချီသော တပ်ဖွဲ့ဝင်များသည်လည်း အသင့်ဖြစ်နေကြပေပြီ။

တိုက်ပွဲ စတင်သည်နှင့် တစ်ပြိုင်နက်။

ရန်သူ၏ ပစ်ခတ်မှုများကို အာရုံလွှဲရန် မြေပြင်တိုက်ခိုက်မှုများကိုလည်း စတင်မည် ဖြစ်သည်။

ယခုအချိန်တွင် ချန်ဖုန်းက တိုက်လေယာဉ်ကို မောင်းနှင်နေပြီး သူ၏ အနောက်တွင် အခြား တိုက်လေယာဉ် ဆယ့်ကိုးစင်းက အနီးကပ် လိုက်ပါလာခဲ့၏။

တိုက်လေယာဉ် တစ်စင်းစီတွင် စစ်သားတစ်ဦးစီ လိုက်ပါလာပြီး ချန်ဖုန်း၏ ဘေးတွင် ပင်မနတ်ဘုရား လဲ့ယန် ထိုင်နေပေသည်။

စနစ်မှတစ်ဆင့် စွမ်းရည်များကို သင်ယူပြီးနောက် ကိုယ်ပျောက်တိုက်လေယာဉ်များသည် အမှန်တကယ် ကိုယ်ပျောက်နေခြင်း မဟုတ်ဘဲ ရေဒါမှ ထောက်လှမ်းမိနိုင်ခြေကို လျှော့ချပေးနိုင်ရုံသာဖြစ်ကြောင်း သူ သဘောပေါက်သွားခဲ့လေ၏။

ထောက်လှမ်းမိနိုင်မည့် အကွာအဝေးကို တတ်နိုင်သမျှ အနည်းဆုံးဖြစ်အောင် လျှော့ချထားခြင်းပင်။

ထို့အပြင် သာမန် ရေဒါများသည် ကိုယ်ပျောက်တိုက်လေယာဉ်များကို ထောက်လှမ်းရန် ခက်ခဲပြီး ရေဒါ အမြောက်အမြား တစ်ပြိုင်နက်တည်း အလုပ်လုပ်မှသာ ၎င်းတို့ကို ထောက်လှမ်းနိုင်ပေသည်။

ချန်ဖုန်းနှင့် သူ၏အဖွဲ့သည် နိုင်ငံဆယ်ခု မဟာမိတ်တပ်၏ တပ်စခန်းနှင့် တစ်မိုင်ခန့် အကွာသို့ ရောက်ရှိလာခဲ့၏။

ထိုအခါမှသာ နောက်ဆုံးတွင် ၎င်းတို့ကို ရှာဖွေတွေ့ရှိသွားခဲ့လေပြီ။

"လေကြောင်းရန်... လေကြောင်းရန်လာနေပြီ..."

လူတစ်ဦးက ကောင်းကင်သို့ လက်ညှိုးထိုးကာ အံ့အားသင့်စွာ အော်ဟစ်လိုက်သည်။

အချိန်တိုအတွင်းမှာပင်။

မဟာမိတ်တပ်စခန်း တစ်ခုလုံး ကမောက်ကမ ဖြစ်သွားတော့၏။

လူတိုင်းက အလျင်အမြန် လှုပ်ရှားလိုက်ကြပြီး ၎င်းတို့၏ လက်နက်များကို ကောက်ကိုင်လိုက်ကြသည်။

အချို့က စခန်းအခြေစိုက် ဒုံးကျည်များကိုပင် နေရာချထားလိုက်ကြ၏။

၎င်းတို့က ကောင်းကင်ရှိ တိုက်လေယာဉ်များကို ပစ်ချချင်နေကြခြင်းပင်။

ပြောရမည်ဆိုလျှင် နိုင်ငံဆယ်ခု မဟာမိတ်တပ်၏ လှုပ်ရှားမှုမှာ မြန်ဆန်လှပေသည်။ တစ်မိနစ်အတွင်းမှာပင် လူတိုင်းက တန်ပြန်တိုက်ခိုက်ရန် အသင့်ဖြစ်နေကြလေပြီ။

ဒါပေမဲ့ ချန်ဖုန်းက သူတို့ကို အခွင့်အရေး ပေးမည်မဟုတ်ချေ။

"သူတို့ကို ပစ်... ပြင်းပြင်းထန်ထန် ပစ်ကြ..."

ချန်ဖုန်းက အမိန့်ပေးလိုက်၏။

တိုက်လေယာဉ် အစင်းနှစ်ဆယ်သည် နိုင်ငံဆယ်ခု မဟာမိတ်တပ်၏ တပ်စခန်းဆီသို့ ဒုံးကျည်များ ပစ်လွှတ်လိုက်ကြတော့သည်။

“ရွှီး…”

“ရွှီး…”

“ရွှီး…”

“ဝုန်းး…”

......

ပေါက်ကွဲသံများ ထွက်ပေါ်လာပြီးနောက် မရေမတွက်နိုင်သော စူးရှသည့် အော်ဟစ်သံများ ထွက်ပေါ်လာခဲ့လေသည်။

ဗုံးကြဲတိုက်ခိုက်မှုကြောင့် လူရာထောင်ချီ သေဆုံး သို့မဟုတ် ဒဏ်ရာရခဲ့ကြ၏။

ကွင်းပြင်တွင် ရပ်နားထားသော တိုက်လေယာဉ်များနှင့် အကြီးစားလက်နက် အချို့မှာလည်း တိုက်ရိုက် ဖျက်ဆီးခံလိုက်ရပေသည်။

ဟွာရှနိုင်ငံ စစ်ဘက်ဆိုင်ရာဌာနက ထိုးစစ်ဆင်လာလိမ့်မည်ဟု ၎င်းတို့ တကယ်ကို မထင်မှတ်ထားခဲ့ကြချေ။

ပြီးတော့ အဲဒါက လေကြောင်းတိုက်ခိုက်မှု ဖြစ်နေသည်။

"ချီးပဲ... တန်ပြန်တိုက်ခိုက်ကြ... အခုချက်ချင်း တန်ပြန်တိုက်ခိုက်စမ်း..."

"လေတပ်ဖွဲ့ဝင် အားလုံး... ရန်သူ့လေယာဉ်တွေကို အခုချက်ချင်း လိုက်လံတိုက်ခိုက်ကြ..."

"မြေပြင်မှ ဝေဟင်ပစ် ဒုံးကျည်တွေ... တရုတ်တိုက်လေယာဉ်တွေကို ကြားဖြတ်ဟန့်တားစမ်း..."

"ကြည်းတပ်... စုဝေးကြ... တိုက်ခိုက်..."

"......"

နိုင်ငံဆယ်ခု မဟာမိတ်တပ်သည် အမိန့်များကို တစ်ခုပြီးတစ်ခု ထုတ်ပြန်လိုက်လေ၏။

၎င်းတို့က လေထဲရှိ တိုက်လေယာဉ်များကို ပစ်ခတ်တိုက်ခိုက်နေစဉ်မှာပင် ဟွာရှနိုင်ငံ နယ်စပ်ကို အကြီးစား တိုက်ခိုက်မှုတစ်ခု စတင်လိုက်ကြတော့သည်။

ဤတစ်ကြိမ်တွင်

နိုင်ငံအသီးသီးမှ စေလွှတ်လိုက်သော အားကောင်းသည့် ပုဂ္ဂိုလ်များ ရောက်မလာသေးသော်လည်း။

ယခုအခါ ၎င်းတို့ ဆက်လက်စောင့်ဆိုင်း၍ မရနိုင်တော့ချေ။ အခြေအနေကို ပြောင်းပြန်လှန်ကာ အမြန်ဆုံး အစပြုတိုက်ခိုက်မှု ပြုလုပ်ရမည် ဖြစ်ပေသည်။

ဝုန်း…

နိုင်ငံဆယ်ခု မဟာမိတ်တပ်၏ တိုက်လေယာဉ်များသည် တစ်စင်းပြီးတစ်စင်း ပျံတက်သွားကြပြီး ချန်ဖုန်းနှင့် သူ၏အဖွဲ့မှ တိုက်လေယာဉ်များနှင့် ပြင်းထန်စွာ တိုက်ပွဲဝင်ကြလေ၏။

တစ်ချိန်တည်းမှာပင်။

နိုင်ငံဆယ်ခု မဟာမိတ်တပ်မှ ကျန်ရှိနေသော ဧကရာဇ်အဆင့် ကျွမ်းကျင်သူ ရှစ်ဦးသည်လည်း တိုက်ပွဲထဲသို့ ပြန်လည်ဝင်ရောက်လာကြသည်။

၎င်းတို့က လေကြောင်းတိုက်ပွဲများကို ဝင်ရောက်မပါဝင်နိုင်ချေ။

၎င်းတို့ လုပ်နိုင်သည်မှာ မြေပြင်တိုက်ပွဲများတွင် ရန်သူများ၏ အသက်ကို နှုတ်ယူရန်သာ ဖြစ်ပေ၏။

ဧကရာဇ်အဆင့် ကျွမ်းကျင်သူ ရှစ်ဦးက ဟွာရှနယ်စပ်ဆီသို့ ချီတက်ရန် ပြင်နေသည်ကို မြင်သောအခါ ချန်ဖုန်းက နောက်ထပ် အမိန့်တစ်ခု ထုတ်ပြန်လိုက်သည်။

"မြေပြင်တပ်တွေကို ဟန့်တားဖို့ တိုက်လေယာဉ် ရှစ်စင်း ချန်ထားခဲ့... ကျန်တဲ့သူတွေ ငါ့နောက်လိုက်ခဲ့ပြီး ရန်သူ့ပိတ်ဆို့မှုကို ထိုးဖောက်ကြ..."

အနောက်ဘက်ရှိ တိုက်လေယာဉ် ရှစ်စင်းသည် ရှေ့တိုးခြင်းကို ချက်ချင်း ရပ်တန့်လိုက်ပြီး ကောင်းကင်ယံတွင် ပျံဝဲနေလိုက်ကြ၏။

ထို့နောက် တောင်ပံ နှစ်ဖက်စလုံးရှိ စက်သေနတ်များက ရူးသွပ်စွာ ပစ်ခတ်နေကြတော့သည်။

မီးတောက်များက မြေပြင်ဆီသို့ ပစ်လွှတ်နေပြီး သာမန် မဟာမိတ်စစ်သည်များမှာ ရှောင်တိမ်းရန် နည်းလမ်းမရှိဘဲ ချက်ချင်း သေဆုံးသွားကြလေ၏။

ဧကရာဇ်အဆင့် ကျွမ်းကျင်သူ အများအပြားပင် မနေနိုင်ဘဲ မျက်မှောင်ကြုတ်သွားကြပေသည်။

၎င်းတို့က ဘယ်ညာ ရှောင်တိမ်းနေကြရပြီး အချိန်အတော်ကြာသည်အထိ ရှေ့သို့ မချီတက်နိုင်ခဲ့ကြချေ။

အဘယ်ကြောင့်ဆိုသော် တိုက်လေယာဉ်တိုင်းက ၎င်းတို့ကို မညှာမတာ ပစ်ခတ်နေသောကြောင့်ပင်။ ကျည်ဆန်များမှာ အလွန် ထူထပ်နေသဖြင့် တိုက်လေယာဉ်များ၏ ပိတ်ဆို့မှုကို ထိုးဖောက်ရန် အချိန်အနည်းငယ် ယူရပေလိမ့်မည်။

၎င်းတို့အတွက် တစ်မိနစ်ဆိုလျှင်ပင် အဖိုးတန်လှပေ၏။

သို့သော် ၎င်းတို့ သိပ်ပြီး စိုးရိမ်မနေခဲ့ကြချေ။

တိုက်လေယာဉ် တစ်စင်းစီတွင် ခဲယမ်းမီးကျောက် အရေအတွက် ကန့်သတ်ချက် ရှိပေသည်။ ၎င်းတို့ ခဲယမ်းမီးကျောက်များ ကုန်ခမ်းသွားသည်နှင့် တစ်ပြိုင်နက် သူတို့က ဆက်လက် ပြေးဝင်နိုင်မည် ဖြစ်လေ၏။

"နန်းတော်သခင်... ဒုံးကျည်တစ်စင်း လာနေပြီ..."

ရုတ်တရက် လဲ့ယန်က ရှေ့သို့ လက်ညှိုးထိုးပြလိုက်ရာ ရန်သူ့လေယာဉ်တစ်စင်းက ဒုံးကျည်တစ်စင်း ပစ်လွှတ်လိုက်လေ၏။

ချန်ဖုန်းက နောက်ထပ် အမိန့်တစ်ခု ထုတ်ပြန်လိုက်သည်။

"နှစ်ယောက်တစ်စုခွဲပြီး ရန်သူ့လေယာဉ်တွေကို ပစ်ချ... ပြီးရင် ငါ့အတွက် လမ်းရှင်းပေး..."

တစ်ချိန်တည်းမှာပင်။

သူက ရုတ်တရက် အပေါ်သို့ ဆွဲတင်လိုက်၏။

တိုက်လေယာဉ်များက ဒုံးကျည်များကို ရှောင်တိမ်းသွားကြသည်။

သို့သော် ဒုံးကျည်များက ချန်ဖုန်း၏ တိုက်လေယာဉ်ကို ပစ်မှတ်လော့ခ်ချထားပုံရပေသည်။

သူ မည်မျှပင် ရှောင်တိမ်းစေကာမူ ဒုံးကျည်များက သူ့ကို မညှာမတာ ထပ်ကြပ်မကွာ လိုက်ပါလာခဲ့၏။

ဘေးတွင် ထိုင်နေသော လဲ့ယန်မှာ အလွန်အမင်း ထိတ်လန့်သွားလေသည်။

"နန်းတော်သခင်... မြေပြင်မှာ တိုက်ခိုက်ရတာက ကျွန်တော်နဲ့ ပိုသင့်တော်တယ်လို့ အမြဲ ပြောခဲ့တယ်လေ... လေထဲမှာတော့ လုံခြုံမှု လုံးဝမရှိသလို ခံစားရတယ်..."

"တကယ်လို့ အထိခံရရင်တော့ အားလုံး ပြီးသွားပြီပဲ..."

လဲ့ယန်မှာ ငိုလုမတတ် ဖြစ်နေခဲ့ပေ၏။

ချန်ဖုန်း၏ တိုက်ခိုက်ရေးစွမ်းရည်များအပေါ် သူ ကြီးမားသော ယုံကြည်မှု ရှိလေ၏။ အနည်းဆုံးတော့ တစ်ယောက်ချင်း တိုက်ခိုက်ရမည့် အခြေအနေမျိုးတွင် ဧကရာဇ်အဆင့် ကျွမ်းကျင်သူတစ်ဦးက လုံးဝ ခြိမ်းခြောက်မှု မဖြစ်စေနိုင်ချေ။

ဒါပေမဲ့ လေထဲမှာ တိုက်ခိုက်ရတာက လုံးဝ ကွဲပြားခြားနားတယ်လေ။

အရာအားလုံးက လေယာဉ်မှူးရဲ့ စွမ်းရည်ပေါ်မှာ မူတည်နေတာ... တစ်ခါတလေကျရင် အကျွမ်းကျင်ဆုံး လေယာဉ်မှူးတောင်မှ အထိခံရနိုင်တာပဲ။

"ပါးစပ်ပိတ်ထားစမ်းပါ..."

ချန်ဖုန်းက သူ၏ တိုက်လေယာဉ်

ကို လေထဲတွင် ကျွမ်းကျင်စွာ မောင်းနှင်နေခဲ့၏။

ရန်သူ့လေယာဉ်က သူ့ဆီသို့ ပြေးဝင်လာသည်ကို မြင်သောအခါ သူက ချက်ချင်းပင် လေယာဉ်ကို ထိုးဆင်းကာ လှည့်ပတ်လိုက်ပြီး တစ်ဖက်လေယာဉ်၏ အနောက်တွင် ပေါ်လာခဲ့ပေသည်။

ရန်သူဘက်က တစ်ဖက်လူက တုံ့ပြန်နိုင်ခြင်း မရှိမီမှာပင် ဒုံးကျည်တစ်စင်းက ၎င်းတို့ဆီသို့ ပြေးဝင်လာသည်ကို မြင်တွေ့လိုက်ရတော့၏။

"မကောင်းတော့ဘူး..."

ထို့နောက်…နားကွဲမတတ် ပေါက်ကွဲသံကြီး ထွက်ပေါ်လာခဲ့သည်။

ရန်သူ့လေယာဉ် ဖျက်ဆီးခံလိုက်ရလေပြီ။

ချန်ဖုန်းက ကျည်တစ်တောင့်မျှ မပစ်ရဘဲ ရန်သူ့တိုက်လေယာဉ်များကို ဖျက်ဆီးပစ်လိုက်ခြင်းပင်။

စစ်ဘက်ဆိုင်ရာဌာနမှ အခြားသော လေယာဉ်မှူးများသည် ချန်ဖုန်းကဲ့သို့ ထူးခြားသော စွမ်းရည်များ မရှိသော်လည်း ဒုံးကျည်များကို ကြားဖြတ်ဟန့်တားရန်အတွက် မီးကျည်များကို အသုံးပြုနိုင်ခဲ့ကြပေသည်။

တစ်ချိန်တည်းမှာပင် အမြောက်များကလည်း ရူးသွပ်စွာ ပစ်ခတ်နေကြ၏။

၎င်းတို့အားလုံးမှာ စစ်ဘက်ဆိုင်ရာဌာန၏ အကောင်းဆုံး လေယာဉ်မှူးများထဲတွင် ပါဝင်ကြပြီး ချန်ဖုန်း၏ လမ်းညွှန်မှုဖြင့် ၎င်းတို့၏ စွမ်းရည်များလည်း တိုးတက်လာခဲ့ပေသည်။

ပြီးတော့ အခုက အငိုက်ဖမ်း တိုက်ခိုက်မှုတစ်ခု ဖြစ်နေသေးသည်။

မျက်စိတစ်မှိတ်အတွင်းမှာပင်

နိုင်ငံဆယ်ခု မဟာမိတ်တပ်သည် အရေးနိမ့်သော အခြေအနေသို့ ရောက်ရှိသွားခဲ့လေပြီ။

၎င်းတို့၏ တိုက်လေယာဉ် အများစုမှာ ဖျက်ဆီးခံလိုက်ရပြီး မြေပြင်ပေါ်ရှိ သံချပ်ကာ တင့်ကားများမှာလည်း တစ်စီးပြီးတစ်စီး ဖျက်ဆီးခံလိုက်ရပေ၏။

ဒက်... ဒက်... ဒက်...

စက်သေနတ်များကလည်း ရူးသွပ်စွာ ပစ်ခတ်နေကြသည်။

ချန်ဖုန်းက နိုင်ငံဆယ်ခု မဟာမိတ်တပ်၏ စခန်းဆီသို့ ချဉ်းကပ်သွားလေ၏။

"နန်းတော်သခင်... ခဲယမ်းမီးကျောက် သိုလှောင်ရုံက အဲဒီဘက်မှာ ဖြစ်ရမယ်..."

လဲ့ယန်က စခန်း၏ အနောက်ဘက်အကျဆုံး နေရာသို့ လက်ညှိုးထိုးပြလိုက်သည်။

ချန်ဖုန်းက မည်သည့် တုံ့ဆိုင်းမှုမျှ မရှိဘဲ ဒုံးကျည်နှစ်စင်း ပစ်လွှတ်လိုက်လေ၏။

ရွှီး…

ရွှီးး…

တစ်ချိန်တည်းမှာပင်။

ပိုမိုဝေးကွာသော နေရာမှ ဒုံးကျည်တစ်စင်း ပစ်လွှတ်လာပြီး အခြားဒုံးကျည်တစ်စင်းနှင့် လေထဲတွင် တိုက်ရိုက် ဝင်တိုက်မိသွားပေ၏။

ယင်းက ကြမ်းတမ်းသော ဟောက်သံကြီးနှင့်အတူ ပေါက်ကွဲထွက်သွားတော့သည်။

အခြားဒုံးကျည်တစ်စင်းမှာမူ ဟန့်တားခံရခြင်း မရှိဘဲ ပြုတ်ကျသွားလေ၏။

“ဘုန်းးး…”

ကြီးမားလှသော ငလျင်တစ်ခု လှုပ်ခတ်သွားသကဲ့သို့ ဖြစ်သွား၏။

တပ်စခန်း တစ်ခုလုံး မီးခိုးလုံးများအဖြစ် ပြောင်းလဲသွားပြီး မြေပြင်တွင် မရေမတွက်နိုင်သော တွင်းကြီးများ ဖြစ်ပေါ်လာခဲ့ပေသည်။

ပြင်းထန်သော ပေါက်ကွဲမှုက ခဲယမ်းမီးကျောက်များကိုပါ ပေါက်ကွဲသွားစေခဲ့သည်။

ပိုမိုကျယ်လောင်သော အသံကြီးက နောက်တစ်ကြိမ် ပေါက်ကွဲထွက်ပေါ်လာပြီး မီးတောက်များက ကောင်းကင်ယံကိုပင် လင်းထိန်သွားစေတော့၏။

"နန်းတော်သခင်...နိုင်ငံဆယ်ခု မဟာမိတ်တပ်ရဲ့ ခဲယမ်းမီးကျောက် သိုလှောင်ရုံတွေက ခွဲခြားထားတာ... ဒီတစ်ခုတည်း မဟုတ်ဘူး..."

လဲ့ယန်လည်း ပြဿနာကို တွေ့ရှိသွားခဲ့၏။

ယခုလေးတင် အဝေးမှ ပစ်လွှတ်လာသော ဒုံးကျည်များမှာ မဟာလင်းယုန်နိုင်ငံ၏ တပ်စခန်းမှ ဖြစ်ပေသည်။

ချန်ဖုန်းကလည်း ကျိန်ဆဲလိုက်သည်။ "အဲဒီခွေးကောင်က တကယ်ကို ကောက်ကျစ်တာပဲ... အဲဒီဘက်ကို သွားကြမယ်..."

မဟာလင်းယုန်နိုင်ငံတွင် အရန်အစီအစဉ် တစ်ခု ရှိနေပုံရပေ၏။

၎င်းတို့၏ တပ်ဖွဲ့ဝင်အချို့ကို ဤနေရာတွင် နေရာချထားခဲ့သည်။

ကျန်ရှိနေသော တပ်ဖွဲ့ဝင်များနှင့် ခဲယမ်းမီးကျောက် သိုလှောင်ရုံများမှာ ပိုမိုဝေးကွာသော နေရာတွင် တည်ရှိနေခြင်းပင်။

ဒါပေမဲ့ ဤတစ်ကြိမ်တွင် ချန်ဖုန်းသည် ရန်သူ၏ ခဲယမ်းမီးကျောက် တစ်ဝက်ကျော်ကို ဖျက်ဆီးနိုင်ခဲ့လေပြီ။

ဖျက်ဆီးခံရသော တိုက်လေယာဉ် အရေအတွက်မှာလည်း ငါးဆယ် သို့မဟုတ် ခြောက်ဆယ်ခန့် ရှိနေပေ၏။

ထိုစဉ် သူ၏အနောက်ရှိ ဟွာရှတိုက်လေယာဥ်

တစ်စင်းမှာ ကြီးမားသော ပေါက်ကွဲသံကြီးနှင့်အတူ ပေါက်ကွဲထွက်သွားခဲ့သည်။

အတွင်းရှိ လေယာဉ်မှူးများနှင့် စစ်သားများမှာ ချက်ချင်းပင် အပိုင်းပိုင်းအစစ ကြေမွသွားတော့၏။

“ချီးပဲ…”

လူအချို့ သေဆုံးနိုင်ကြောင်းကို ချန်ဖုန်း ထည့်သွင်းစဉ်းစားထားခဲ့ပြီး ဖြစ်၏။

သို့သော် တကယ်တမ်း ဖြစ်ပျက်လာချိန်တွင် ယင်းက သူ့ကို အနည်းငယ် မသက်မသာ ဖြစ်သွားစေဆဲပင်။

ချန်ဖုန်းက ချက်ချင်း အမိန့်ပေးလိုက်သည်။

"ဗုံးကြဲ... မဟာလင်းယုန်နိုင်ငံရဲ့ တပ်စခန်းတွေကို ဒုံးကျည်တွေ အကုန်လုံးနဲ့ ဗုံးကြဲပစ်လိုက်စမ်း..."