အခန်း ၃၁

အခန်း (၃၁) ဟင်းလင်းပြင် လက်ဝါး

"မလန့်ကြနဲ့၊ မလန့်ကြနဲ့၊ သရဲမဟုတ်ပါဘူး"

ရှောင်ဖန်းသည် ပြောရင်းနှင့် ဖန်ချင်းယွီ၏ ကျောပြင်ကို ပုတ်ပေးလိုက်၏။

"ကြည့်နေကြ၊ ငါ မင်းတို့ကို နောက်ထပ် မျက်လှည့်တစ်ခု ပြဦးမယ်"

ရှောင်ဖန်းက ဆန်းကြယ်သော အပြုံးဖြင့် ပြောလိုက်သည်၊၊

အမျိုးသမီးသုံးဦး၏ သံသယဝင်နေသော အကြည့်များအောက်တွင် ခုနက ပျောက်ကွယ်သွားသော သစ်သီးပန်းကန်သည် လေထဲ၌ တွဲလောင်းဆွဲလျက် သူတို့ရှေ့တွင် ပြန်လည် ပေါ်လာ၏။

လေထဲတွင် မျောနေသော သစ်သီးပန်းကန်ကို မြင်လိုက်ရသောအခါ အမျိုးသမီးသုံးဦးသည် တစ်ပြိုင်နက်တည်း အော်ဟစ်လိုက်ကြပြန်သည်၊၊

"အား၊ သရဲရှိတယ်၊ ကြောက်စရာကြီး"

အမျိုးသမီးသုံးဦးစလုံး ရှောင်ဖန်းလှမ်းဖက်ကာ သူ့ကို တင်းကျပ်စွာ ဖက်ထားကြ၏။

သူ့ကိုယ်ပေါ်သို့ နွေးထွေးပြီး နူးညံ့သော အထိအတွေ့များကြောင့်ရှောင်ဖန်းသဘောတကျရယ်လိုက်၏။

ဒါက တကယ်ကို နတ်စည်းစိမ်ပင် ဖြစ်၏။

"ဆင်းကြဦး၊ မကြောက်ကြနဲ့၊ ဒါက ငါ့ရဲ့ စွမ်းရည်ပဲ"

ထို့နောက် အမျိုးသမီးသုံးဦး၏ အံ့အားသင့်နေသော မျက်ဝန်းများရှေ့တွင်ပင် လေထဲ၌ မျောနေသော သစ်သီးပန်းကန်သည် ရုတ်တရက် ထပ်မံ ပျောက်ကွယ်သွားပြန်၏။

ထို့နောက် ၎င်းက သူတို့ရှေ့ရှိ စားပွဲခုံပေါ်တွင် ပြန်လည်ပေါ်လာသည်၊၊

ရှောင်ဖန်းက ပြုံးလျက် ပန်းကန်ထဲမှ စပျစ်သီးတစ်လုံးကို ယူကာ ပါးစပ်ထဲသို့ ထည့်လိုက်၏။

၎င်းကို မြင်သောအခါ ယွမ်ချင်းမေနှင့် အခြားသူများလည်း လက်လှမ်း၍ သစ်သီးတစ်ဖတ်စီ ယူကာ မြည်းစမ်းကြည့်ကြသည်၊၊

"စားလို့ရတယ်"

ဖန်ချင်းယွီက အံ့သြတကြီး ရေရွတ်လိုက်၏။

"သေချာပေါက် စားလို့ရတာပေါ့၊ ဒါက မင်း ယူလာပေးတဲ့ သစ်သီးပန်းကန်ပဲဥစ္စာ" ရှောင်ဖန်းက စနောက်လိုက်သည်၊၊

"အို၊ အဘိုးကြီးရှောင်၊ ဒါ ဘာဖြစ်တာလဲဆိုတာ မြန်မြန်ပြောပြပါဦး"

ဖန်ချင်းယွီက ရှောင်ဖန်း၏လက်မောင်းကို ကိုင်လှုပ်ကာ ပူဆာလိုက်၏။

"ဒါက ငါ နိုးထလာတဲ့ ဟင်းလင်းပြင် လက်ဝါး လို့ ခေါ်တဲ့ စွမ်းရည်တစ်ခုပဲ"

ယခုအချိန်တွင် ထိုအမျိုးသမီးသုံးဦး၏ ရှောင်ဖန်းအပေါ် နှစ်သက်မှုက ၁၀၀ ရာခိုင်နှုန်းသို့ ရောက်ရှိနေပြီဖြစ်ရာ သူ့အပေါ် လုံးဝ သစ္စာရှိကြသဖြင့် ရှောင်ဖန်းအနေဖြင့် သူတို့ထံမှ ဘာမှ ဖုံးကွယ်ထားရန် မလိုတော့ချေ။

"ဒါ့အပြင် ငါ့မှာ သိုလှောင်မှုဟင်းလင်းပြင်လည်း ရှိတယ်၊ ဒါကြောင့် ဒီသစ်သီးပန်းကန်ကို အဝေးကနေ သိုလှောင်မှုဟင်းလင်းပြင်ထဲ သိမ်းဆည်းပြီးမှ ပြန်ထုတ်လိုက်တာ" ရှောင်ဖန်းက ဆက်လက် ရှင်းပြသည်၊၊

အမျိုးသမီးသုံးဦးသည် ရှောင်ဖန်း၏ ရှင်းပြချက်ကို သိပ်နားမလည်ကြသော်လည်း အချက်တစ်ချက်ကိုတော့ နားလည်လိုက်ကြ၏၊၊ ၎င်းက သူတို့၏ အမျိုးသားသည် ပို၍အစွမ်းထက်လာခြင်း ဖြစ်သည်၊၊

ဒါက သူတို့အတွက် ကောင်းမွန်သောအချက်ပင် ဖြစ်၏။

"စွမ်းရည်တစ်ခု ဟုတ်လား၊ ကျွန်မတို့လည်း စွမ်းရည်တစ်ခုခု နိုးထလာဖို့ ဖြစ်နိုင်မလား" ယွမ်ချင်းမေက မေးလိုက်သည်၊၊

"သေချာပေါက်ပေါ့၊ မင်းတို့လည်း စွမ်းရည်တစ်ခုခု သေချာပေါက် နိုးထလာမှာပါ၊ အချိန်ပဲ လိုတာ"

မိမိတို့လည်း စွမ်းရည် နိုးထလာနိုင်ကြောင်း ကြားလိုက်ရသောအခါ ယွမ်ချင်းမေနှင့် ယွဲ့ဟွာတို့သည် စိတ်လှုပ်ရှားစွာဖြင့် ချက်ချင်းပင် ခုန်ပေါက် ပျော်ရွှင်သွားကြသည်၊၊

တစ်ချိန်တည်းတွင် ဖန်ချင်းယွီသည် ရှောင်ဖန်း၏ ဘေးတွင် ငြိမ်သက်စွာ ထိုင်နေပြီး သူ့ကို မှီထား၏။

ဖန်ချင်းယွီ ဤကဲ့သို့ ဖြစ်နေသည်ကို မြင်ပြီး ရှောင်ဖန်းသည် စူးစမ်းလိုစိတ် ဖြင့်မေးလိုက်၏။

"ဘာဖြစ်လို့လဲ၊ စွမ်းရည် နိုးထလာမှာကို မပျော်ဘူးလား"

ဖန်ချင်းယွီက ရှောင်ဖန်းကို ညှို့ဓာတ်ပြင်းသော အပြုံးတစ်ခုဖြင့်

"ကျွန်မကတော့ အရေးမကြီးဘူးလို့ ထင်တယ်၊ ရှင့်ရဲ့ အနားမှာပဲ နေနိုင်ရင် အဆင်ပြေပါတယ်၊ ကျွန်မကို ကာကွယ်ပေးဖို့ ရှင်ရှိနေတာပဲ မဟုတ်ဘူးလား"

အမှန်ပင် ရင့်ကျက်သော အမျိုးသမီးတစ်ဦးက ညှို့ဓာတ်ပြင်းပြီး ဆွဲဆောင်မှု ရှိလှသည်၊၊ ရိုးရှင်းသော စကားတစ်ခွန်းကပင် အမျိုးသားတစ်ဦး၏ ကာကွယ်လိုစိတ်ကို ချက်ချင်း လှုံ့ဆော်ပေးနိုင်၏။

အမျိုးသမီးသုံးဦးနှင့် ခဏမျှ ထပ်မံ စကားပြောပြီးနောက် ရှောင်ဖန်းသည် ဟင်းလင်းပြင် လက်ဝါး၏ အမျိုးမျိုးသော အသုံးပြုပုံများကို စမ်းသပ်တော့သည်၊၊

ထပ်မံ စမ်းသပ်စစ်ဆေးပြီးနောက် ရှောင်ဖန်းသည် သူ့စွမ်းရည်ကို လုံးဝ နားလည်သွားခဲ့ပြီ ဖြစ်၏။

နှစ်မီတာ အကွာအဝေးအတွင်း ဟင်းလင်းပြင် လက်ဝါးသည် သူ့စိတ်ကူးအတိုင်း ဘယ်နေရာမှာမဆို ပေါ်လာနိုင်ပြီး နံရံများကိုပင် အဟန့်အတားမရှိ ဖြတ်သန်းနိုင်သည်၊၊

ထို့အပြင် သူ့ခန္ဓာကိုယ်၏ အစိတ်အပိုင်းတစ်ခုကဲ့သို့ ဖြစ်ပြီး သိုလှောင်မှုဟင်းလင်းပြင် အတွင်းရှိ ပစ္စည်းများကိုလည်း ယူဆောင်နိုင်၏။

သို့သော်လည်း ဆယ်ကြိမ် ဆက်တိုက် အသုံးပြုပြီးနောက် ပင်ပန်းသွားပြီး ပြန်လည် နာလန်ထူရန် အနားယူဖို့ လိုအပ်၏၊၊

သူ့စွမ်းရည်ကို နားလည်သွားပြီးနောက် ရှောင်ဖန်းသည် ပို၍ ယုံကြည်မှု ရှိလာ၏။

သူ နိုးထလာသော စွမ်းရည်က တိုက်ခိုက်ရေး စွမ်းရည် မဟုတ်သော်လည်း အသုံးပြုနိုင်မည့် အခြေအနေများစွာ ရှိပြီးတိုက်ခိုက်ရေး စွမ်းရည်ထက် ပိုမို စွမ်းအားကြီးကာ လက်တွေ့ကျလှသည်၊၊

ထို့နောက် ရှောင်ဖန်းသည် ကျန်ရှိနေသော သူ့ရမှတ် ၁၈ မှတ်လုံးကို အသုံးပြုလိုက်၏။

သူသည် ခွန်အားထဲသို့ ၁၀ မှတ် ထည့်လိုက်သဖြင့် သူ့ခွန်အား အရည်အသွေးက ၂၅ မှတ်သို့ ရောက်ရှိသွားသည်၊၊

ကျန်ရှိသော ၈ မှတ်ကိုတော့ အစားအစာ၊ နေ့စဉ်သုံး ပစ္စည်းများနှင့် ရေတို့ဖြင့် လဲလှယ်လိုက်၏။

သူသည် အစားအစာ ပြတ်လပ်နေ၍ လဲလှယ်ခြင်း မဟုတ်ချေ၊ ရှောင်ဖန်း၏ သိုလှောင်မှုဟင်းလင်းပြင်ထဲရှိ အစားအစာများသည် လက်ရှိတွင် ကုန်နိုင်ဖွယ် မရှိချေ။

သို့သော်လည်း ယခင်က ပစ္စည်းများကိုမျိုးစုံရရှိခဲ့ခြင်းကြောင့် ခေါက်ဆွဲခြောက်ထုတ်ကဲ့သို့သော အသင့်စား အစားအစာများစွာ ရှိနေသည်၊၊

စနစ်ရှိနေသဖြင့် ရှောင်ဖန်းသည် ၎င်းတို့ကို စိတ်မဝင်စားတော့ဘဲ အစားကောင်းများကိုသာရွေးချယ်စားသောက်ချင်သည်။ ထို့ကြောင့်ပင် အစားအစာအချို့ကိုထပ်မံရွေးချယ် လဲလှယ်ခြင်း ဖြစ်သည်၊၊

နောက်ထပ်တစ်ချက်မှာစနစ်စတိုးကို အဆင့်မြှင့်တင်ရန် ဖြစ်သည်၊၊စနစ်စတိုးကို အဆင့်မြှင့်တင်ရန်အတွက် ရမှတ် အချို့ကို သုံးစွဲရန် လိုအပ်သည်၊၊

ဝမ်ပေါင်၏ အိမ်တွင် ဖြစ်၏။

ပြီးခဲ့သည့်အကြိမ်က ဝမ်ပေါင်သည် ခေါက်ဆွဲခြောက်များနှင့် ပေါင်မုန့်အချို့ကို ထုတ်ကြွားခဲ့သော်လည်း မည်သည့် အမျိုးသမီးကိုမျှ ဆွဲဆောင်နိုင်ခြင်း မရှိခဲ့ချေ။

၎င်းကဝမ်ပေါင်ကို ပထမအချက်အနေဖြင့် ထိုအမျိုးသမီးများ မဆာလောင်သေးခြင်းကြောင့် ဖြစ်ပြီး ဒုတိယအချက်အနေဖြင့် သူက လုံလောက်သော ခွန်အားကို မပြသနိုင်ခြင်းကြောင့် ဖြစ်နိုင်သည်ဟု ထင်သွားစေ၏။

ထို့ကြောင့်ပင် ဝမ်ပေါင်က သူ့ဟင်းလင်းပြင်ထဲမှ ခေါက်ဆွဲခြောက်၊ ပေါင်မုန့်၊ ဝက်အူချောင်း၊ ဂျုံမှုန့်နှင့် ဆန်အမြောက်အမြားကို ထုတ်ယူကာ နံရံဘေးတွင် စုပုံလိုက်သည်၊၊

ထို့နောက်လူအများအပြား တစ်နှစ်ထက်မက စားသုံးနိုင်သောအစားအစာများကို ဝမ်ပေါင်က ရှုထောင့်ပေါင်းစုံမှ ဓာတ်ပုံရိုက်လိုက်၏။

ထို့နောက် သူသည်ဓာတ်ပုံများကို အိမ်ပိုင်ရှင်များအဖွဲ့ထဲသို့ တင်လိုက်ပြီး ပြီးခဲ့သည့်အကြိမ်က စာသားအတိုင်း ရေးသားကာ ယွမ်ချင်းမေ အပါအဝင် အိမ်ရာဝင်းအတွင်းရှိ အလှပဂေး အချို့ကိုလည်းတဂ်တွဲလိုက်သည်၊၊

ထိုဓာတ်ပုံများကို အိမ်ပိုင်ရှင်များအဖွဲ့ထဲသို့ တင်လိုက်သည်နှင့်ရုတ်ရုတ်သဲသဲ ဖြစ်သွားကြ၏။

အမျိုးသားရော အမျိုးသမီးပါ ဝမ်ပေါင်ထံသို့ဖုန်းစာတိုများ အလုအယက်ပို့လာကြသည်၊၊

အများစုက ဝမ်ပေါင်ထံမှ အစားအစာ အနည်းငယ် မျှဝေပေးရန် တောင်းပန်နေကြခြင်းဖြစ်၏။

၎င်းတို့အထဲတွင် အမျိုးသမီး အတော်များများက ဝမ်ပေါင်၏ တောင်းဆိုချက်အတိုင်း ဓာတ်ပုံများ ပို့လာကြသည်၊၊

သူတို့ထဲမှ အနည်းငယ်က ဝမ်ပေါင် တဂ်တွဲထားသော အမျိုးသမီးများလောက် မလှပသော်လည်း ကြည့်ကောင်းသည်ဟု သတ်မှတ်နိုင်ကာ အနည်းဆုံး ရမှတ် ခုနစ်ဆယ်ကျော် ရှိကြသည်၊၊

၎င်းက ဝမ်ပေါင်၏ စိတ်ကို အလွန် ကျေနပ်စေပြီး သူ့ကို မကျေမနပ် ဖြစ်စေသည့် တစ်ခုတည်းသော အချက်မှာသူ တဂ်တွဲထားသော အမျိုးသမီးတစ်ဦးမျှ သူ့ထံ ဖုန်းစာတို မပို့ခြင်း ဖြစ်သည်၊၊

ဝမ်ပေါင်သည် ထိုသူများ အငတ်ဘေးဆိုက်ပြီး သေဆုံးသွားကြပြီလားဟုပင်တွေးမိသွား၏။

ဝမ်ပေါင်က ထိုအမျိုးသမီးများ ပို့ထားသော ဓာတ်ပုံများကို ကြည့်ရင်း သေချာ ရွေးချယ်နေစဉ် အိမ်ပိုင်ရှင်များအဖွဲ့ထဲ၌ လူအားလုံးကို တဂ်တွဲထားသော နောက်ထပ် စာတစ်စောင် ပေါ်လာပြန်သည်၊၊

ဝမ်ပေါင်က နှိပ်ကြည့်လိုက်ရာ ဓာတ်ပုံ အချို့ကိုလည်း မြင်လိုက်ရ၏။

ဓာတ်ပုံများထဲတွင် အမျိုးသားတစ်ဦးသည် အေးခဲထားသော အသားပုံကြီးတစ်ခု ရှေ့တွင် ပြုံးလျက် ရပ်နေသည်၊၊

ဓာတ်ပုံများနှင့်အတူ ပါရှိသော စာသားတွင် ရေးထားသည်မှာကျွန်တော့်မှာ စားစရာတွေ အများကြီး ရှိပါတယ်၊ လူတိုင်းအတွက် လုံလောက်တဲ့ အသားတွေ ရှိပါတယ်။ ဒီခက်ခဲတဲ့ အချိန်တွေကို အတူတူ ဖြတ်ကျော်ဖို့အတွက် အဖော်ပြုပေးမယ့် အမျိုးသမီးငယ် အချို့ကို ရှာဖွေနေပါတယ်ဟုဖြစ်သည်။

ပြိုင်ဘက်တစ်ဦး ဝင်ရောက်လာသည်ကို မြင်ရသဖြင့် ဝမ်ပေါင်သည် ဒေါသ အနည်းငယ် ထွက်သွားရ၏။

တစ်ဖက်လူ၏ ကိုယ်ရေးအချက်အလက်ကို စစ်ဆေးလိုက်ရာ၎င်းက အဆောက်အအုံ (၄) မှ ထျန်းကျဲ ဟု ခေါ်သော အရပ်ရှည်ရှည် ပိန်ပိန်နှင့် လူဖြစ်ကြောင်း တွေ့လိုက်ရသည်၊၊

ဝမ်ပေါင်၏ အထင်တွင် ထိုလူက ပုံမှန်အားဖြင့် တစ်ယောက်တည်း နေတတ်သူတစ်ဦး ဖြစ်၏။ သူက ဘယ်လိုလုပ် အသားတွေ အများကြီး ရှိနေရတာလဲ။

သူက ပြန်လည်မွေးဖွားလာသူများ ဖြစ်နေမလား။

ဝမ်ပေါင်ကဓာတ်ပုံများကို သေချာ ထပ်ကြည့်လိုက်၏။ ဓာတ်ပုံများထဲတွင် သူ့မျက်နှာကို ပြသထားရုံတင်မကဘဲ ထျန်းကျဲသည် အခြားနေရာ အားလုံးကို တင်းကျပ်စွာ ထုပ်ပိုးထားပြီး သူ့အိမ်၏ နေရာအတော်များများတွင် နှင်းခဲများပင် တွဲကျနေသည်ကို တွေ့ရသည်၊၊

ဒါက တစ်ဖက်လူ၏ အိမ်တွင် အလွန် အေးစက်နေကြောင်း ပြသနေခြင်းဖြစ်၏။

တကယ်လို့ သူက ပြန်လည်မွေးဖွားလာသူ ဖြစ်ပါက အစားအစာများကိုသိုလှောင်ရုံတင်မကဘဲ သူ့အိမ်ကို ပိုမို နွေးထွေးအောင် ပြုပြင်မွမ်းမံထားလိမ့်မည် ဖြစ်သည်၊၊ထျန်းကျဲက ထိုသို့ လုပ်ဆောင်ထားခြင်း မရှိချေ။

ဒီလူက တစ်ယောက်တည်း နေတတ်သူ ဖြစ်လို့ အိမ်မှာ အစားအစာတွေ ပိုပြီး ပြင်ဆင်ထားတာ နေမှာပါဟုသာဝမ်ပေါင် တွေးတော လိုက်၏။

ထိုအချိန်တွင် ရှောင်ဖန်း၏ အိမ်၌ရှောင်ဖန်းနှင့် အမျိုးသမီးသုံးဦးသည် ဧည့်ခန်း ဆိုဖာပေါ်တွင် ထိုင်ရင်း အိမ်ပိုင်ရှင်များအဖွဲ့ထဲမှ ဇာတ်လမ်းကို စောင့်ကြည့်နေကြသည်၊၊

"အဘိုးကြီးရှောင်၊ ဝမ်ပေါင်က စားစရာတွေ အများကြီး ရှိနေသေးတာပဲ၊ ဒီလူက တော်တော်လေး ပြင်ဆင်ထားပုံရတယ်၊ ပြီးတော့ ဒီထျန်းကျဲကလည်း အိမ်မှာ အသားတွေ အများကြီး ရှိနေတာဆိုတော့ သူလည်း မရိုးရှင်းဘူးပဲ"

ယွမ်ချင်းမေက အဖွဲ့ထဲမှ ဓာတ်ပုံများကို ကြည့်ရင်း ပြောလိုက်၏။

"ချင်းမေ၊ အဲဒီ ပစ္စည်းတွေက ငါတို့အိမ်မှာ ရှိတာတွေနဲ့ ဘယ်လို လာနှိုင်းယှဉ်လို့ ရမှာလဲ"

ဖန်ချင်းယွီက ဖုန်းကြည့်နေသော ရှောင်ဖန်း၏ ပါးစပ်ထဲသို့ အခွံနွှာထားသော စပျစ်သီးတစ်လုံး ခွံ့ပေးရင်း ပြောလိုက်သည်၊၊

"ဒါတော့ ဟုတ်တယ်၊ ငါတို့မှာ အဘိုးကြီးရှောင် ရှိတာပဲ၊ ဘာမှ စိတ်ပူစရာ မလိုဘူး၊ ဟုတ်တယ်မလား အဘိုးကြီးရှောင်"

၎င်းကို ပြောပြီးနောက် ယွမ်ချင်းမေက ရှောင်ဖန်း၏ ပါးကို ရွှတ်ခနဲ နမ်းလိုက်၏။

"မဟုတ်ဘူး၊ ထျန်းကျဲရဲ့ အသားတွေက တစ်ခုခု မှားနေတယ်၊ ဒါက လူ့အသားတွေနဲ့ တူနေတယ်"

ယွဲ့ဟွာက ထျန်းကျဲ၏ ဓာတ်ပုံကို ကြည့်ရင်း အလေးအနက်စဉ်းစားနေ၏။

*********