အခန်း ၁၁၂၈

အခန်း(၁၁၂၈)

“ဒီနေရာက မြောင်ကျင်း လျှို့ဝှက်နယ်မြေ ဖြစ်တယ်။ ဒီမှာ ကျင့်ကြံတဲ့ မိစ္ဆာသားရဲတွေက သွေးသားပြောင်းလဲနေကြတာ။ ခန္ဓာကိုယ် ဖွဲ့စည်းတည်ဆောက်ပုံ အရဆိုရင် သာမန်မိစ္ဆာသားရဲတွေနဲ့ မတူတော့ဘူး။ သူတို့ရဲ့ ရုပ်ပိုင်းဆိုင်ရာ အခြေအနေတွေပါ ပြောင်းလဲသွားခဲ့ပြီ။ သူတို့က မိစ္ဆာအနှစ်သာရလုံး မရှိရင်တောင် အစွမ်း တိုးတက်အောင် လုပ်နိုင်ကြတယ်၊ ဒါကြောင့် အချိန်အတော်များများမှာ ဘယ်မိစ္ဆာသားရဲမှ မိစ္ဆာအနှစ်သာရလုံးကို ကျင့်ကြံမထုတ်ကြဘူး” ဟု ကွီလင်းက ချင်ယွမ်ဖုန်းအား ဖြည်းညှင်းစွာ ရှင်းပြလိုက်သည်။

ချင်ယွမ်ဖုန်းသည် ထိုစကားကို ကြားသောအခါ သဘောပေါက်နားလည်သွားပြီး “ကောင်းပြီ၊ ဒီကောင်တွေကို ဂရုမစိုက်ဘဲ ထားလိုက်ရအောင်။ ချန်ယွီကို အရင်သွားရှာမယ်၊ ပြီးမှ ကျင့်ကြံဖို့ နေရာတစ်ခု ရှာတာပေါ့။ ဒီနေရာက နတ်ဘုရားဝိညာဉ်စွမ်းအင်တွေက တကယ်ကို သိပ်သည်းလွန်းတယ်” ဟု ပြောဆိုခဲ့သည်။

“ကောင်းပြီလေ” ဟု ကွီလင်းက ပြန်ပြောသည်။

၎င်းတို့နှစ်ဦးသည် ထွက်ခွာရန် ပြင်ဆင်လိုက်သော်လည်း ထိုခဏ၌ပင် ရုတ်တရက် ဟိန်းဟောက်သံကြီး တစ်ချက် ပေါ်ထွက်လာပြီးနောက် ဧရာမ အရိပ်မည်းကြီးတစ်ခု ကောင်းကင်ယံသို့ တိုက်ရိုက် ပျံသန်းလာကာ ၎င်းတို့၏ လမ်းကြောင်းကို လျှပ်တစ်ပြက် ပိတ်ဆို့လိုက်ချေသည်။

ချင်ယွမ်ဖုန်းနှင့် ကွီလင်းတို့၏ မျက်လုံးများ တစ်ပြိုင်နက်တည်း ပြူးကျယ်သွားကြပြီး ပေါ်လာသော ထိုသတ္တဝါသည် အခြားမဟုတ်ဘဲ မရဏကျားဘုရင် ဖြစ်နေသည်ကို ချက်ချင်းပင် ရှင်းလင်းစွာ မြင်တွေ့လိုက်ရသည်။

၎င်း၏ မျက်နှာထက်ရှိ ဒေါသအရှိန်အဝါကို မြင်ရရုံဖြင့် အန္တရာယ် ရောက်ရှိလာပြီဖြစ်ကြောင်း ထိုနှစ်ဦး စလုံး သိရှိလိုက်ကြသည်။

“ဒီနေရာကနေ ထွက်သွားဖို့ကတော့ လွယ်ကူမှာ မဟုတ်ဘူး ထင်တယ်” ဟု ချင်ယွမ်ကဖုန်းက ခါးသက်သက် အပြုံးဖြင့် ပြောလိုက်၏။

ကွီလင်းကလည်း “ဒီကောင်ရဲ့ အစွမ်းက သိပ်ကြီးမားတယ်၊ သူနဲ့ ထိပ်တိုက်မတွေ့အောင် ရှောင်တာ အကောင်းဆုံးပဲ” ဟု ဆိုသည်။

“ငါ တိုက်ခိုက်ဖို့ကလွဲလို့ အခြားရွေးချယ်စရာ မရှိတော့ဘူး” ချင်ယွမ်ဖုန်းသည် တစ်ဖက်လူ၏ အရှိန်အဝါက မိမိအား လွှမ်းမိုးထားပြီး အချိန်မရွေး ပြေးဝင်လာနိုင်သည့် အနေအထား ဖြစ်နေကြောင်း သိရှိသွားသည်။

ထို့ကြောင့် ချင်ယွမ်ဖုန်းသည် ဦးစွာ လက်ဦးမှု ရယူရန် ဆုံးဖြတ်လိုက်ပြီး ဓားချီတစ်ခုကို မရဏကျားဘုရင်ထံသို့ တိုက်ရိုက် စေလွှတ်လိုက်ချေသည်။

ကွီလင်းသည် ချင်ယွမ်ဖုန်း လှုပ်ရှားလိုက်သည်ကို မြင်သောအခါ သဘာဝအတိုင်း နောက်မှ လိုက်ပါသွားပြီး နောက်ကွယ်မှ ပြေးဝင်လာသော မရဏကျားများကို ချက်ချင်းပင် ဆီးကြို တိုက်ခိုက်လေသည်။

ဖြန်း။

ချင်ယွမ်ဖုန်း၏ ဓားချီ နီးကပ်လာသောအခါ မရဏကျားဘုရင်သည် ရုတ်တရက် လက်သည်းကို မြှောက်ကာ ပြင်းထန်စွာ ရိုက်ချလိုက်သည်။

ချက်ချင်းပင် သောင်းကျန်းလှသော စွမ်းအားတစ်ခုက လျှပ်တစ်ပြက် တုန်ခါသွားပြီး ဓားချီသည် ထိုစွမ်းအားကြောင့် အမှုန့်အဖြစ်သို့ ပျက်စီးသွားခဲ့ရသည်။

တစ်ချိန်တည်းမှာပင် မရဏကျားဘုရင်သည် ချင်ယွမ်ဖုန်းထံသို့ ပြေးဝင်လာပြီး ဖြစ်ကာ ၎င်း၏ ထက်မြက်ပြီး မာကျောလှသော လက်သည်းများဖြင့် ချင်ယွမ်ဖုန်း၏ ခန္ဓာကိုယ်ကို တိုက်ရိုက် ဆုပ်ကိုင်ရန် ကြိုးပမ်းသည်။

ချင်ယွမ်ဖုန်းသည် ဤလက်သည်းချက်က တောင်ကြီးတစ်လုံးကိုပင် ဖြိုခွဲနိုင်လိမ့်မည်ဟု ယုံကြည်မိကာ ထိုပြင်းထန်လှသော စွမ်းအားက သူ့အား အလွန် အေးစက်လှသော အရှိန်အဝါကို ခံစားရစေသည်။

ချင်ယွမ်ဖုန်းတွင် ကာကွယ်ရန် အချိန်မရှိသဖြင့် ကောင်းကင်ယံ၌ လျှင်မြန်စွာ ရှောင်တိမ်းကာ တစ်ဖက်လူ၏ တိုက်ခိုက်မှုကို ရှောင်ရှားလိုက်ရသည်။

သို့သော် သူ၏ ရင်ဘတ်တွင် ရုတ်တရက် နာကျင်မှုကို ခံစားလိုက်ရ၏။

သူ၏ ပုံရိပ် ရပ်တန့်သွားပြီးနောက် ရင်ဘတ်ပေါ်ရှိ အဝတ်အစားများ ဆုတ်ဖြဲခံထားရပြီး လတ်ဆတ်သော သွေးနီရောင် လက်သည်းရာ နှစ်ကြောင်း ထင်ကျန်နေသည်ကို ထိတ်လန့်ဖွယ် တွေ့ရှိလိုက်ရသည်။

ဒီကောင်ရဲ့ တိုက်ခိုက်ပုံက သရဲတစ္ဆေလို ဖြစ်နေလိမ့်မယ်လို့ သူ မထင်မှတ်ထားခဲ့ပေ။ သူ ရှင်းရှင်းလင်းလင်း ရှောင်တိမ်းနိုင်ခဲ့သော်လည်း တိုက်ခိုက်မှုကို ခံလိုက်ရဆဲ ပင်။

ဒဏ်ရာက ပြင်းထန်ခြင်း မရှိသော်လည်း ဤမရဏကျားဘုရင်၏ အစွမ်းကို ချင်ယွမ်ဖုန်း သဘောပေါက်သွားစေသည်။

ထိုအကြောင်းကို တွေးတောရင်း ချင်ယွမ်ဖုန်းသည် လက်ကို ဝှေ့ယမ်းကာ လွင့်မျောခြင်း ရှေးဟောင်းနဂါးကြီး၏ ကျင့်စဉ်ပညာရပ်ကို လှုံ့ဆော်လိုက်သည်။

ချက်ချင်းပင် သူ၏ ခန္ဓာကိုယ်ပတ်ပတ်လည်တွင် ဖောက်ထွင်းမြင်ရသော နဂါးအကြေးခွံကဲ့သို့သော ဒိုင်းကာတစ်ခု ပေါ်ထွက်လာပြီး မိမိကိုယ်ကို ကာကွယ်လိုက်ချေသည်။

ထို့နောက် သူသည် မရဏကျားဘုရင်ထံသို့ တိုက်ရိုက် တိုက်ခိုက်မှုကို စတင်လိုက်သည်။

ဓားချီအလင်းတန်းများသည် တစ်ဖက်လူထံသို့ လျှင်မြန်စွာ ပြေးဝင်သွားကြသည်။

မရဏကျားဘုရင်၏ ပုံရိပ်သည် အံ့သြဖွယ်ကောင်းလောက်အောင် ဖျတ်လတ်လှသည်။ ကောင်းကင်ယံ၌ ဆက်တိုက် ရှောင်တိမ်းပြီးနောက် ဓားချီအားလုံးကို မရှောင်ကွင်းနိုင်ခဲ့သော်လည်း နီးကပ်လာသော ဓားချီများကို ၎င်းက ချက်ချင်း ခြေမှုန်းပစ်ကာ ချင်ယွမ်ဖုန်း၏ ရှေ့မှောက်သို့ တစ်ဖန် ရောက်ရှိလာပြန်သည်။

၎င်းက ချင်ယွမ်ဖုန်းထံသို့ အခြား တိုက်ခိုက်မှုတစ်ခုကို ထပ်မံ ပြုလုပ်လိုက်ပြန်သည်။

စူးရှသော အသံတစ်ချက် မြည်ဟီးသွား၏။

ယခုအကြိမ်တွင် ချင်ယွမ်ဖုန်းသည် ရှောင်တိမ်းခြင်း မပြုတော့ပေ။

အစား သူသည် ဤအခိုက်အတန့်တွင် ထိုက်ရွှီဓားရှည်ကို တိုက်ရိုက် ထုတ်ယူလိုက်သည်။

တစ်ဖက်လူ၏ တိုက်ခိုက်မှု ကျရောက်လာသောအခါ သူသည် ထိုက်ရွှီဓားရှည်ကို တိုက်ရိုက် မြှောက်ကာ တစ်ဖက်လူ၏ လက်သည်းချက်ကို ပိတ်ဆို့လိုက်သည်။

ဗုန်းခနဲ အသံနှင့်အတူ မရဏကျားဘုရင်သည် ထိုက်ရွှီဓားရှည်၏ ခန့်မှန်းရခက်သော စွမ်းအားကြောင့် ချက်ချင်းပင် လွင့်ထွက်သွားပြီး ဒေါသတကြီး ဟိန်းဟောက်သံကို လွှတ်လိုက်ကာ ၎င်း၏ မျက်လုံးများထဲတွင် မယုံကြည်နိုင်မှုများ ပြည့်နှက်နေသည်။

အဆင့်မြင့်အဆင့် နတ်ဘုရား မျှသာ ရှိသေးသော ဤကောင်လေးက မိမိကို လွင့်ထွက်သွားအောင် လုပ်နိုင်လိမ့်မည်ဟု ၎င်း မထင်မှတ်ထားခဲ့ပေ။

ထို့နောက် ၎င်း၏ အကြည့်သည် ချင်ယွမ်ဖုန်း၏ လက်ထဲရှိ ထိုက်ရွှီဓားရှည်ပေါ်သို့ ကျရောက်သွားသည်။

၎င်းသည် မည်သည့်ဓားအမျိုးအစား ဖြစ်သည်ကို မသိသော်လည်း ယင်း၌ ပါရှိသော နတ်ဘုရားဓား၏ ထူးခြားသော အရှိန်အဝါက ၎င်းအား အလွန် တုန်လှုပ်သွားစေဆဲ ဖြစ်သည်။

ဤအခိုက်အတန့်တွင် ချင်ယွမ်ဖုန်းသည် တစ်ဖက်လူ နောက်ဆုတ်သွားသည်ကို အခွင့်ကောင်းယူကာ အမိအရ လိုက်လံ တိုက်ခိုက်တော့သည်။

ထိုက်ရွှီဓားရှည်သည် တစ်ဖက်လူထံသို့ ပျံသန်းသွားပြီး ပြင်းထန်လှသော ဓားချီက တစ်ဖက်လူကို ချက်ချင်း ထိမှန်သွားစေသည်။

တစ်ဖက်လူသည် အလွန် လျှင်မြန်စွာ ရှောင်တိမ်းနေသော်လည်း ဤဓားသည် နောက်ဆုံးတွင် ၎င်း၏ ရှေ့လက်ယာဘက် ခြေလက်ထဲသို့ နက်ရှိုင်းစွာ ထိုးဖောက်ဝင်ရောက်သွားသဖြင့် မရဏကျားဘုရင်သည် ချက်ချင်းပင် နာကျင်စွာ အော်ဟစ်လိုက်ရသည်။

၎င်း၏ ခန္ဓာကိုယ်ပေါ်ရှိ ဒေါသတကြီး တောက်လောင်နေသော မီးလျှံများသည် ချက်ချင်း ပေါက်ကွဲထွက်လာပြီး ချင်ယွမ်ဖုန်းထံသို့ ပြင်းထန်စွာ ပြေးဝင်လာသည်။

ချင်ယွမ်ဖုန်းသည် သူ၏ ယခင် လှုပ်ရှားမှုများတွင် ဤကောင်သည် စစ်မှန်သော နတ်ဘုရားနယ်ပယ်ရှိ နတ်ဘုရားတစ်ပါးနှင့် ယှဉ်ပြိုင်နိုင်သော်လည်း ၎င်း၏ စွမ်းအားက အနည်းငယ် ကွာဟချက် ရှိနေသေးပြီး စစ်မှန်သော နတ်ဘုရားနယ်ပယ်မှ ပညာရှင်ကြီးတစ်ဦးနှင့် မနှိုင်းယှဉ်နိုင်ကြောင်း သတိပြုမိထားသည်။

တစ်ဖက်လူ ပြေးဝင်လာစဉ် ချင်ယွမ်ဖုန်းသည် ရုတ်တရက် ထိုက်ရွှီဓားရှည်ကို ဝှေ့ယမ်းလိုက်ပြီးနောက် မီးလျှံစီးကြောင်း အစိမ်းရောင်ကို ထိုဓားထဲသို့ ထည့်သွင်းလိုက်ချေသည်။

ဓားခန္ဓာကိုယ်မှ စီးဆင်းလာသော ဓားချီသည် မီးလျှံစီးကြောင်း အစိမ်းရောင်နှင့် ချက်ချင်း ပေါင်းစပ်သွားသည်။

မရဏကျားဘုရင် နီးကပ်လာသောအခါ ချင်ယွမ်ဖုန်းသည် အေးစက်စွာ ပြုံးလိုက်ပြီး ချက်ချင်းပင် ဓားချီက မရဏကျားဘုရင်၏ ခန္ဓာကိုယ်ကို ဖောက်ထွင်းသွားစေသည်။

ဝူး။

ဟိန်းဟောက်သံနှင့်အတူ မရဏကျားဘုရင်သည် မူလက ဤဓားချီကို ရှောင်တိမ်းရန် ရည်ရွယ်ခဲ့သော်လည်း မမျှော်လင့်ဘဲ ၎င်း ရှောင်တိမ်းနေစဉ်အတွင်း ဤဓားချီက မျက်လုံးပါရှိနေသကဲ့သို့ ၎င်း ဆင်းသက်တော့မည့် နေရာသို့ တိုက်ရိုက် ပေါ်လာကာ ၎င်း၏ အရေးပါသော အစိတ်အပိုင်းကို တစ်ချက်တည်းဖြင့် ထိမှန်သွားစေသည်။

ဗုန်းခနဲ အသံနှင့်အတူ မရဏကျားဘုရင်သည် ဓားချီ၏ ထိုးဖောက်ခြင်းကို ခံလိုက်ရပြီး ၎င်း၏ ခန္ဓာကိုယ်တစ်ခုလုံးပေါ်ရှိ မရဏမီးလျှံ အများစုသည် ချက်ချင်း ငြိမ်းသတ်သွားခဲ့ရသည်။

တစ်ချိန်တည်းမှာပင် ၎င်း၏ ခန္ဓာကိုယ်သည်လည်း လွင့်ထွက်သွားခဲ့သည်။

ဤအခွင့်အရေးကို ဆုပ်ကိုင်လျက် ချင်ယွမ်ဖုန်းသည် တစ်ဖက်လူအား အသက်ရှူရန် အခွင့်အရေး မပေးဘဲ ထပ်မံ တိုက်ခိုက်လိုက်ကာ တစ်ဖက်လူ၏ နောက်ကွယ်တွင် တိုက်ရိုက် ပေါ်လာပြီး သူ၏ လက်ထဲရှိ ထိုက်ရွှီဓားရှည်ကို တစ်ဖန် ပြန်လည် ခုတ်ချလိုက်သည်။

ခန့်မှန်းရခက်သော ဓားသိုင်းပညာသည် ဒဏ်ရာရနေသော မရဏကျားဘုရင်အား ခုခံနိုင်စွမ်း မရှိအောင် ပြုလုပ်လိုက်ချေသည်။

ဖျတ်ခနဲ အသံနှင့်အတူ ထိုက်ရွှီဓားရှည် ကျရောက်သွားချိန်တွင် တစ်ဖက်လူ၏ ဦးခေါင်းသည် လွင့်ထွက်သွားခဲ့ပြီ ဖြစ်သည်။

ဝူး။

ချက်ချင်းပင် ရာပေါင်းများစွာသော မရဏကျားများသည် ထိတ်လန့်သွားကြပြီး ဟိန်းဟောက်သံများကို လွှတ်လိုက်ကြသည်။

၎င်းတို့သည် မရဏကျားဘုရင် ကွပ်မျက်ခံလိုက်ရလိမ့်မည်ဟု မထင်မှတ်ထားခဲ့ကြပေ။

ဤအခိုက်အတန့်တွင် ကွီလင်းသည် အခွင့်အရေးကို ဆုပ်ကိုင်ကာ မရဏကျားအုပ်စုကြားတွင် တိုက်ရိုက် သတ်ဖြတ်မှုကို စတင်လိုက်တော့သည်။

ခဏမျှအတွင်း ကျားအုပ်စု၏ အများစုမှာ ပျောက်ကွယ်သွားပြီး ကျန်ရှိနေသော မရဏကျားများသည် နောက်ဆုံးတွင် တစ်ခုခု မှားယွင်းနေကြောင်း သဘောပေါက်ကာ လျှင်မြန်စွာ ဆုတ်ခွာသွားကြသည်။

တစ်ချိန်တည်းမှာပင် ၎င်းတို့သည် မိမိတို့ရှေ့ရှိ နတ်ဘုရားနှစ်ပါးကို ကြောက်ရွံ့မှုများ ပြည့်နှက်နေသော မျက်နှာများဖြင့် ကြည့်ရှုနေကြသည်။

---

မရဏကျားဘုရင်ကို သတ်ဖြတ်ပြီးနောက် ချင်ယွမ်ဖုန်းသည် ရှေ့သို့ လှမ်းသွားကာ လက်ဝါးကို ဝှေ့ယမ်းပြီး ၎င်း၏ အလောင်းကို ချက်ချင်းပင် ခွဲလိုက်သည်။

ထို့နောက် အတွင်းမှ သွေးကဲ့သို့ ပျစ်ချွဲနေသော အစိမ်းရင့်ရောင် အရည်များ စီးထွက်လာသည်။

ချင်ယွမ်ဖုန်းသည် ယင်းကို သိပ်ပြီး ဂရုမစိုက်ခဲ့ပေ။ သူသည် ဤအရာကို မလိုအပ်ချေ။

သို့သော် ခဏအကြာတွင် မရဏကျားဘုရင်၏ ခန္ဓာကိုယ်အတွင်း၌ ချင်ယွမ်ဖုန်းသည် အစိမ်းရင့်ရောင် အလင်းတန်းများ လင်းလက်နေသော ပုတီးစေ့တစ်ခုကို တွေ့ရှိလိုက်ပြီး ၎င်းကို သူ၏ လက်ထဲသို့ တိုက်ရိုက် စုပ်ယူလိုက်သည်။

၎င်းသည် နွေးထွေးမှု အနည်းငယ် ရှိနေဆဲ ဖြစ်သည်။

ဤကျားဘုရင်တွင် အမြူတေတစ်ခု အမှန်ပင် ရှိနေကြောင်း ချင်ယွမ်ဖုန်းသည် စိတ်ထဲတွင် ပြုံးရင်း တွေးလိုက်သည်။

ထို့အပြင် ဤအမြူတေအတွင်း၌ ပါရှိသော စွမ်းအင်သည်လည်း အလွန် ကြီးမားလှသည်။

ချင်ယွမ်ဖုန်းသည် လျှောက်လှမ်းလာသော ကွီလင်းကို ကြည့်ကာ “ဘယ်လိုလဲ။ ဒါက သူ့ရဲ့ မိစ္ဆာအနှစ်သာရလုံး ဖြစ်ရမယ်၊ မဟုတ်ဘူးလား” ဟု မေးလိုက်သည်။