အခန်း ၁၁၇၅

အခန်း ၁၁၇၅ - ရုတ်တရက် နိုးထလာခြင်း

“ဒါက…”

ယီယွင်မှာ ဖြစ်ပျက်နေသည်များကို ကြည့်ပြီး အံ့ဩမိသည်။ မြစိမ်းနတ်ဘုရားသစ်ပင်သည် ကြေးဝါဧရာမရုပ်ကြီးများကို ထိန်းချုပ်နိုင်သည်ဟု သူသိထားသော်လည်း ယခုကဲ့သို့ မကောင်းဆိုးဝါးကျွန်များကို အသက်ဝိညာဉ်စွမ်းအင်အဖြစ် ပြောင်းလဲကာ လုံးဝ စုပ်ယူနိုင်လိမ့်မည်ဟု မထင်ထားခဲ့ပေ။

မြစိမ်းနတ်ဘုရားသစ်ပင်၏ မူလဇစ်မြစ်မှာ အဘယ်နည်း။ ယီယွင်က နဖူးတွင် အနီရောင်ကြာပန်းပုံစံ ရှိသော ထိုလျှို့ဝှက်ဆန်းကြယ်သည့် အမျိုးသမီးသည် ဤသစ်ပင်ကို ရှေးဦးကမ္ဘာတစ်ခုခုမှ ယူဆောင်လာခဲ့ခြင်း ဖြစ်မည်ဟု ခန့်မှန်းလိုက်သည်။ ၎င်းမှာ ကြေးဝါဧရာမရုပ်ကြီးများနှင့် သူတို့၏ကျွန်များအတွက် အဓိက ရန်သူတော် ဖြစ်သည်။

ယီယွင်သည် သူ၏ နတ်အမြုတေ ထဲရှိ မြစိမ်းနတ်ဘုရားသစ်ပင်ကို လေ့လာလိုက်သည်။ ၎င်းမှာ အပင်ပေါက်လေးမှ ၂၀ ပေခန့်ရှိသော သစ်ပင်လေးအဖြစ် ကြီးထွားလာပြီး အရွက်များတွင်လည်း မဟာဥပဒေသ ပုံစံများ ထွင်းထုထားသကဲ့သို့ ရှိသည်။

ဆုံးဖြတ်ချက်ချပြီးနောက် ယီယွင်သည် အခြားသော သင်္ချိုင်းဂူတစ်ခုကို ဓားဖြင့် ဖောက်ကြည့်လိုက်သည်။ သို့သော် အတွင်းရှိ သွေးခဲများမှာ လွတ်လပ်နေသည်။ ၎င်းမှာ အလွတ်ဖြစ်နေသည်။ ယီယွင် အခြားဂူအချို့ကို ဆက်ဖွင့်ကြည့်ရာ အားလုံးမှာ အလွတ်များ ဖြစ်နေသည်။ ဒေါင်ရှောင်ဝမ် ဒီနေရာကို ရောက်လာတုန်းက မကောင်းဆိုးဝါးတစ်ကောင်သာ နိုးထခဲ့သည်မဟုတ်ပေ။ အချို့မှာ နိုးထပြီး ထွက်သွားကြပြီ ဖြစ်သည်။

ယီယွင်၏ စိတ်ထဲတွင် စိုးရိမ်မှုများ ဝင်လာသည်။ အချိန်ကြာလာသည်နှင့်အမျှ မကောင်းဆိုးဝါးများ ပိုမိုနိုးထလာပြီး အပြင်လောကတွင် ဒုက္ခပေးလိမ့်မည်။

“သူတို့ အင်အား ပြန်မရခင်မှာ ငါ ရှင်းပစ်ရမယ်”

ယီယွင် ဂူတစ်ခုကို ဖောက်လိုက်ရာ မကောင်းဆိုးဝါးတစ်ကောင် တွေ့သည်။ ယီယွင်ကို မြင်သည်နှင့် ၎င်းမှာ အော်ဟစ်သော်လည်း မလုပ်ဆောင်နိုင်မီမှာပင် ယီယွင်၏ လှောင်အိမ်ထဲတွင် ပိတ်မိသွားသည်။ မြစိမ်းနတ်ဘုရားသစ်ပင်မှာ ချက်ချင်း ပေါ်လာပြီး မကောင်းဆိုးဝါးကို စုပ်ယူလိုက်သည်။

“နောက်တစ်ခု”

ယီယွင်၏ မျက်လုံးများမှာ အရောင်တောက်နေသည်။ မကောင်းဆိုးဝါးပေါင်း ၁၀၀ ကျော်ကို စုပ်ယူပြီးနောက် ရုတ်တရက် အန္တရာယ်ရှိသည်ဟု ခံစားလိုက်ရသည်။ သူ နောက်သို့ ခြေတစ်လှမ်း ဆုတ်လိုက်စဉ် သူ့ရှေ့တွင် မည်းမှောင်နေသော မုန်တိုင်းတစ်ခု ဖြစ်ပေါ်လာသည်။

သူ၏ စွမ်းအားဖြင့် မြင်ကွင်းတွင် မကောင်းဆိုးဝါးများမှာ တစ်ကောင်ပြီးတစ်ကောင် မျက်လုံးများ ပွင့်လာကြပြီး အနီရောင် အလင်းတန်းများ ပစ်လွှတ်နေသည်။

“ဖောက် ဖောက် ဖောက်”

မြေအောက်ရှိ သွေးခဲများမှာ တစ်ခုပြီးတစ်ခု ပေါက်ကွဲကုန်ပြီး မကောင်းဆိုးဝါး ၂ သောင်းမှ ၃ သောင်းခန့်မှာ မြေကြီးထဲမှ ထွက်ပေါ်လာကြသည်။

ယီယွင်မှာ စိတ်ဓာတ်ကျသွားသည်။ သို့သော် သူ၏ စွမ်းအားဖြင့် ကြည့်လိုက်သောအခါ ၎င်းတို့မှာ အသစ်နိုးထလာသော ကလေးငယ်များကဲ့သို့ အလွန်အားနည်းနေသည်ကို တွေ့လိုက်ရသည်။ ထို့ပြင် သူတို့မှာ ယီယွင်ကို အလွန် ကြောက်ရွံ့နေကြသည်။

“ဟိန်း.......ဝူး..........”

ထိုအချိန်တွင် မကောင်းဆိုးဝါးတစ်ကောင်က ဟိန်းဟောက်လိုက်သည်။ ၎င်းမှာ အခြားကောင်များထက် ပိုမိုကြီးမားသည်။ ရုတ်တရက် ထိုမကောင်းဆိုးဝါးမှာ အခြား အားနည်းသော မကောင်းဆိုးဝါးတစ်ကောင်ကို ကိုက်စားလိုက်သည်။

ထိုအခါ အခြား မကောင်းဆိုးဝါးများလည်း အားနည်းသူများကို ကိုက်စားကာ အပြန်အလှန် သတ်ဖြတ်ကြတော့သည်။ မကောင်းဆိုးဝါးပေါင်း သောင်းဂဏန်းမှာ ၈ ထောင်မှ ၉ ထောင်ခန့်သာ ကျန်ရှိတော့သည်။ ၎င်းမှာ အင်အားကို အမြန်ဆုံး စုစည်းသည့် နည်းလမ်း ဖြစ်သည်။

“သေစမ်း”

ယီယွင်က သူတို့ကို အင်အား ပိုမိုကြီးထွားခွင့် မပေးနိုင်တော့ပေ။ သူသည် ဓားကို ဆွဲထုတ်ကာ အလင်းတန်းများ ဖြာထွက်စေသည်။ မြစိမ်းနတ်ဘုရားသစ်ပင်၏ စွမ်းအားကို ဓားထဲသို့ ထည့်သွင်းလိုက်သည်။

“အား....ဝူး.....ဝူး.......”

မကောင်းဆိုးဝါးများမှာ အော်ဟစ်ကာ ထွက်ပြေးရန် ကြိုးစားသည်။

ယီယွင်မှာ မြစိမ်းနတ်ဘုရားသစ်ပင်ကို နောက်ကျောတွင် ပေါ်ပေါက်စေကာ မကောင်းဆိုးဝါးများကြားထဲသို့ ထိုးဖောက် ဝင်ရောက်သွားသည်။ မြစိမ်းနတ်ဘုရားသစ်ပင်၏ အကိုင်းအခက်များမှာ အစိမ်းရောင် ကြိမ်လုံးများကဲ့သို့ ပျံသန်းလာပြီး မကောင်းဆိုးဝါးများကို ခွဲစိတ်ပစ်လိုက်သည်။

မကောင်းဆိုးဝါးများ ပေါက်ကွဲပြီး ထွက်ပေါ်လာသော အလင်းတန်းများကို မြစိမ်းနတ်ဘုရားသစ်ပင်က စုပ်ယူလိုက်သဖြင့် သစ်ပင်မှာ ပိုမို တောက်ပလာသည်။