အခန်း (၁၁၉၁-၁၁၉၂)
Vol. 57 Ch. 1191-1192
အခန်း(၁၁၉၁) သီးခြားတည်နေရာ
ချီရန်၏ ရင်ဘတ်ထဲမှ နှလုံးသားမှာ ပြင်းထန်စွာ ခုန်လှုပ်နေခဲ့ပြီး ဖြစ်ရာ မိမိ၏ဖခင်ဖြစ်သူအား စိတ်မထိန်းနိုင်ဘဲ တံတွေးကို ခက်ခဲစွာ မျိုချလျက် မေးမြန်းလိုက်သည်။
“… နောက်တော့ ဘာဆက်ဖြစ်ခဲ့တာလဲ”
ချီရှောင်က ဖြည်းညင်းစွာဖြင့် ပြောကြားလိုက်သည်။
“နောက်တော့မှ အဲဒီမသေမျိုးနတ်ဘုရားရဲ့ ဂူသင်္ချိုင်းဟာ အထက်နဲ့ အောက် နှစ်ထပ် ခွဲခြားထားတာကို ငါတွေ့ရှိခဲ့ရတာပင်။ ငါဝင်ရောက်ခဲ့တာက အထက်အဆင့် ရေပြင်ညီလွှာမျှသာ ဖြစ်တယ်။ အောက်အဆင့် ရေပြင်ညီလွှာထဲမှာ ပုန်းကွယ်နေတဲ့ လျှို့ဝှက်ချက်တွေ အများကြီးရှိသေးတယ်ဆိုတာကို သူ့ရဲ့အမွေအနှစ် အနှစ်သာရသွေးကနေတစ်ဆင့် ငါသိရှိခဲ့ရတာ။ ဒါပေမဲ့ နတ်ဘုရားကြွေ လျှို့ဝှက်နယ်မြေရဲ့ မြေမျက်နှာသွင်ပြင်ဟာ အမြဲတမ်း ပြောင်းလဲနေခဲ့တာ ဖြစ်တယ်။ ကမ္ဘာ့မြေလွှာအတွင်းမှာ တည်ရှိနေတဲ့ အဲဒီမသေမျိုးနတ်ဘုရား ဂူသင်္ချိုင်းရဲ့ အဆင့်နှစ်ခုဟာ အပြီးတိုင် သီးခြားစီ ခွဲထွက်သွားခဲ့ပြီ။ ဒါကြောင့်မို့လို့ ငါဟာ အထက်အဆင့် ရေပြင်ညီလွှာရဲ့ အမွေအနှစ် အနှစ်သာရသွေးနဲ့ ကျင့်စဉ်အချို့ကိုပဲ ရရှိခဲ့တာ ဖြစ်ပြီးတော့ အရေးကြီးတဲ့ အရာတွေကတော့ ရောက်မလာသေးဘူး”
“ နောက်ပိုင်းမှာ အဲဒါကို ရှာဖွေဖို့ နောက်တစ်ကြိမ် ပြန်ဝင်သွားခဲ့တာလား”
ချီရန်က မေးမြန်းလိုက်သည်။
ချီရှောင်က ခေါင်းကို ညိတ်ပြလိုက်ပြီး ပြောဆိုလိုက်သည်။
“မင်းခန့်မှန်းတာ မှန်တယ်။ ငါ နောက်ထပ် အကြိမ်ပေါင်းများစွာ သွားရောက်ရှာဖွေခဲ့ပေမဲ့ အောက်အဆင့် ရေပြင်ညီလွှာကို ရှာမတွေ့ခဲ့ဘူး။ ဒါ့အပြင် အချိန်တွေ ကုန်လွန်လာတာနဲ့အမျှ ငါ အထဲကို ထပ်ပြီး ဝင်ရောက်လို့ မရတော့ဘူး။ ဘာလို့လဲဆိုတော့ ငါသာ အထဲကို ထပ်ဝင်ရင် ငါ့ရဲ့ ဇီဝအသက်စွမ်းအားတွေဟာ လျှင်မြန်စွာ ယုတ်လျော့ ကုန်ခမ်းသွားမှာမို့လို့ပဲ။ ဒါပေမဲ့ ကံကောင်းတာတစ်ခုက မင်းကတော့ အထဲကို ဝင်ရောက်နိုင်သေးတယ်၊ နောက်ပြီး ဆယ်စုနှစ်များစွာ သုတေသနပြုပြီးတဲ့နောက်မှာ အောက်အဆင့် ဂူသင်္ချိုင်းရဲ့ တိကျတဲ့ တည်နေရာကို ငါ နောက်ဆုံးတော့ တွက်ချက်ဖော်ထုတ်နိုင်ခဲ့ပြီ”
“ဗျာ”
ချီရန်မှာ အံ့အားသင့်သွားရသည်။
“အဲဒါထဲကနေ အဖေက တွက်ချက်ဖော်ထုတ်နိုင်ခဲ့တာလား”
“ဟွန်း”
ချီရှောင်က အေးစက်စွာ ပြုံးလိုက်သည်။
“စိတ်ဆန္ဒရှိတဲ့ လူတစ်ယောက်အတွက် မဖြစ်နိုင်တာ ဘာမှမရှိဘူး။ ငါ ဒါကို အချိန်အကြာကြီး လေ့လာခဲ့တာ၊ ငါ့ရဲ့ ပါရမီအရည်အချင်းနဲ့ ဆိုရင် ဒီလျှို့ဝှက်နယ်မြေရဲ့ ပုံသေနည်းတစ်ခုကို ရှာဖွေဖို့ ခက်ခဲလွန်းလို့လား။ ဟက်… ငါကိုယ်တိုင် ထပ်ပြီး မဝင်ရောက်နိုင်တော့ဘူး ဆိုပေမဲ့လည်း ဒီလျှို့ဝှက်ချက်ဟာ မင်းကို ငါ အခုလေးတင် ပေးလိုက်တဲ့ မြေပုံပေါ်မှာ ရှိနေပြီးတော့ ငါ အမှတ်အသား ပြုလုပ်ထားပြီးပြီ။ မင်း အထဲကို ရောက်တာနဲ့ ဒီနတ်ဘုရားတစ်ပိုင်းနယ်ပယ်ထဲမှာရှိတဲ့ မသေမျိုးနတ်ဘုိုင်း ဂူသင်္ချိုင်းရဲ့ အောက်အဆင့် လျှို့ဝှက်ချက်ကို မဖြစ်မနေ ရရှိအောင် ယူရမယ်”
ချီရန်မှာ မှင်သက်သွားရသည်။ မိမိ၏ ဖခင်ဖြစ်သူက မိမိအတွက် လမ်းကြောင်းကို ခင်းကျင်းပေးထားပြီးဖြစ်ကြောင်း ၎င်း မထင်မှတ်ထားခဲ့ပေ။
“မင်းသာ အမွေအနှစ်ကို ရရှိသွားရင် လျှင်မြန်စွာ ပျံတက်သွားနိုင်ပြီး ပျံသန်းခြင်း ကောင်းကင်မြို့တော်ရဲ့ စစ်မှန်တဲ့ ပါရမီရှင် ဖြစ်လာလိမ့်မယ်”
ချီရှောင်က ပြောကြားလိုက်သည်။
“ဒါ့အပြင် လောလောဆယ် ချင်ယွမ်ဖုန်းရဲ့ ကိစ္စကို စိတ်ပူမနေနဲ့ဦး။ အဲဒီကောင်က ဆောင်းဦးရာသီက ကျောက်ဆူးဆွဲကောင်လိုပဲ၊ သိပ်မကြာခင်မှာ ခုန်ပေါက်နိုင်တော့မှာ မဟုတ်ပါဘူး။ သူ့ကို ဘယ်လို ရင်ဆိုင်ရမလဲဆိုတာ ငါ စတင် စဉ်းစားနေပြီ”
“ဟုတ်ကဲ့ပါ”
ချီရန်က ခေါင်းညိတ်လိုက်သည်။
“ဥက္ကဋ္ဌကြီး…”
ထိုအချိန်မှာပင် အပြင်ဘက်မှ အဖွဲ့ဝင်တစ်ယောက်က ဝင်ရောက်တွေ့ဆုံခွင့် တောင်းခံလာခဲ့သည်။
စင်စစ်အားဖြင့် ထိုအချိန်၌
ချင်ယွမ်ဖုန်းသည် တျန်ပေါင်မျှော်စင်သို့ ပြန်လည်ရောက်ရှိသွားခဲ့ပြီး ယန်ကမူ လေလံပွဲအတွက် ပြင်ဆင်မှုများကို စတင်ပြုလုပ်နေခဲ့သည်။ ချင်ယွမ်ဖုန်းသည် မိမိ၏ ခရမ်းရောင်သလင်းကတ် ပိုင်ဆိုင်ထားသူများအတွက် သီးသန့်ဖယ်ချန်ထားသော အထူးဧည့်သည်တော် အခန်းသို့ တစ်ဦးတည်း သွားရောက်ခဲ့သည်။ အခြားလုပ်ဆောင်ရန် ကိစ္စမရှိသဖြင့် စောစောက ရရှိခဲ့သော လိပ်ပြာပုံစံ ရွှေ့ပြောင်းမြေပုံလိပ်ကို ထုတ်ယူလိုက်သည်။ ယင်းပေါ်ရှိ လက်မှတ်မှာ မြောင်ယင်း ဖြစ်နေသေးရာ သူမသည် မြောင်မိသားစု၏ အဖွဲ့ဝင်တစ်ဦး ဖြစ်ကြောင်း အတည်ပြုပေးနေပေသည်။
ဒါ့အပြင် ဒီပန်းချီကားထဲမှာ သူမ နားလည်သဘောပေါက်ထားတဲ့ ဓားအရှိန်အဝါ ပါဝင်နေပြီး ထိုက်ရွှီဓားသိုင်းကို ကျင့်ကြံထားတဲ့ ချင်ယွမ်ဖုန်း တောင်မှ အဲဒီထဲကနေ အထိုးအထွင်း နားလည်မှုများစွာ ရရှိနိုင်ပေသည်။
သို့သော်လည်း ထိုစဉ် အခန်းတံခါးမှာ ရုတ်တရက် ကန်ဖွင့်ခံလိုက်ရသည်။ ချင်ယွမ်ဖုန်း၏ မျက်ခုံးများ စတွန့်ကျိုးသွားရ၏။ ဤနေရာသည် ခရမ်းရောင်သလင်းကတ် ပိုင်ဆိုင်သည့် အထူးဧည့်သည်တော်များအတွက် သီးသန့်အခန်း ဖြစ်သည်။ ဤနေရာသို့ ရဲရဲဝံ့ဝံ့ ဝင်ရောက်လာရဲသည့် ဤသူမှာ မည်သူနည်း။ တျန်ပေါင်မျှော်စင်ကိုပင် မကြောက်ရွံ့တော့သည်လော။ မော့ကြည့်လိုက်ရာ ဓားကဲ့သို့ ထက်မြက်သော မျက်ခုံးများနှင့် တောက်ပသော မျက်လုံးများ ပိုင်ဆိုင်ထားသည့် လူငယ်တစ်ဦး ဝင်ရောက်လာသည်ကို တွေ့လိုက်ရပြီး ထိုသူ၏ အမူအရာမှာ ထောက်လွှတ်မောက်မာနေပေသည်။
“ငါ ဘယ်သူလဲဆိုတာ မင်း သိသလား”
ရောက်ရှိလာသူက ချင်ယွမ်ဖုန်း စကားမပြောနိုင်မီမှာပင် တိုက်ရိုက် မေးမြန်းလိုက်သည်။
ချင်ယွမ်ဖုန်းက စိတ်ပျက်လက်ပျက်ဖြင့် ခေါင်းကို ခါယမ်းလိုက်သည်။
တစ်ဖက်လူက အေးစက်စွာ လှောင်ပြုံးပြုံးလိုက်သည်။
“ငါ့ကိုတောင် မသိဘူးလား။ မင်းရဲ့ အမြင်က အရမ်းကျဉ်းမြောင်းတာပဲ”
ချင်ယွမ်ဖုန်းသည် ဤသူ၏ အသွင်အပြင်မှာ မြောင်ယီနှင့် အတန်ငယ် ဆင်တူနေသဖြင့် တစ်နေရာရာတွင် မြင်ဖူးသကဲ့သို့ ခံစားလိုက်ရသည်။ ထို့အပြင် ဤသူ၏ မောက်မာသည့် အပြုအမူကို မြင်တွေ့ရသောအခါ ချင်ယွမ်ဖုန်းသည် ထိုသူအား ဂရုစိုက်ရန် ပျင်းရိသွားပြီး ပြောဆိုလိုက်သည်။
“အခြားကိစ္စ မရှိဘူးဆိုရင် ထွက်သွားပါ၊ တျန်ပေါင်မျှော်စင်က လူတွေ ရောက်လာပြီး မင်းကို အပြင်ကို အတင်းအဓမ္မ မောင်းထုတ်တာမျိုး မဖြစ်ရအောင်လို့ပါ”
မြောင်ထျန်း၏ မျက်ခုံးများ ချက်ချင်း တွန့်ကွေးသွားခဲ့သည်။ ချင်ယွမ်ဖုန်းက မိမိအား မည်သို့ မထက်မဲ့မြင် ပြုရဲသနည်း။ မိမိသည် မြောင်မိသားစု၏ သားကြီးဖြစ်ပြီး အနာဂတ်၏ ဆက်ခံသူ ဖြစ်သည်။ ကျုံးကျဲကြယ်၏ ရှေးအကျဆုံး မိသားစုဖြစ်သည့်အလျောက် မြောင်မိသားစု၏ အာဏာစက်မှာ ကြယ်အရှင်သခင် ပင်လျှင် မိမိတို့အား လေးစားသမှု ပြသရပေသည်။ ချင်ယွမ်ဖုန်းက မိမိအား မည်သို့ မျက်နှာသာ မပေးဘဲ နေရဲသနည်း။
မြောင်ထျန်းသည် မိသားစု၏ သားကြီးဖြစ်ပြီး မျိုးနွယ်စုခေါင်းဆောင်၏ ဆက်ခံသူ ဖြစ်သင့်သော်လည်း မြောင်ယီ ပေါ်ထွက်လာခဲ့ရာ ၎င်း၏ ဓားလမ်းစဉ် နားလည်သဘောပေါက်မှုမှာ လွန်စွာ ထက်မြက်လွန်းလှသဖြင့် မြောင်ထျန်း၏ ကျော်စောမှုကို လုံးဝ ဖုံးလွှမ်းသွားခဲ့သည့်အတွက် မြောင်ထျန်းသည် ပိုမို မကျေမနပ် ဖြစ်လာခဲ့ရသည်။ ထို့အပြင် မိသားစုအတွင်းရှိ အဘိုးကြီးများ၏ အကဲခတ်မှုအရ ၎င်းတို့သည် မြောင်ယီအား ဆက်ခံသူအဖြစ် သတ်မှတ်လိုနေကြရာ ယင်းက မြောင်ထျန်းအား အလွန်ပင် မသက်မသာ ဖြစ်စေခဲ့ပေသည်။
သို့သော်လည်း ချင်ယွမ်ဖုန်း အမည်ရှိသော ကောင်လေးတစ်ယောက်က မြောင်ယီအား ပွဲသိမ်း အနိုင်ယူလိုက်သည်ဟု မကြာသေးမီက သတင်းကြားသိခဲ့ရသည်။
ယင်းက မြောင်ထျန်းအား လွန်စွာမှပင် ဝမ်းမြောက်ဝမ်းသာ ဖြစ်သွားစေခဲ့သည်။
မြောင်ထျန်းသည် ချင်ယွမ်ဖုန်း၏ နောက်ကြောင်းကို စုံစမ်းရန် စေလွှတ်ခဲ့ရာ ၎င်းသည် အထူးအဆက်အသွယ် မရှိသည့် သာမန်လူတစ်ဦး ဖြစ်ပြီး ပျံသန်းခြင်း ကောင်းကင်မြို့တော်တွင် ပြဿနာများစွာ ဖြစ်ပွားစေခဲ့သော်လည်း စွမ်းဆောင်ရည်မှာမူ အံ့ဩဖွယ်ရာ ကောင်းလှပေသည်။ မြောင်ထျန်းသည် ချင်ယွမ်ဖုန်းအား မိမိ၏ အောက်သို့ သိမ်းသွင်းရန် ချက်ချင်း ဆုံးဖြတ်လိုက်ရာ ယင်းက မြောင်ယီအား လက်နက်ကောင်းတစ်ခု ဖြစ်လာပေလိမ့်မည်။
ထို့အပြင် ချင်ယွမ်ဖုန်း၏ အကူအညီဖြင့် မိမိအနေဖြင့် မိသားစုအတွင်းရှိ မိမိ၏ ရာထူးနေရာကို ပြန်လည်ရရှိရန် အရမ်းကို လွယ်ကူသွားမည် မဟုတ်လော။
ထို့ကြောင့် ၎င်း ရောက်ရှိလာသည်နှင့် ချင်ယွမ်ဖုန်းအား ခြိမ်းခြောက်ရန် မိမိ၏ အရှိန်အဝါကို ထုတ်ဖော်ခဲ့ပြီး မိမိ၏ အဆင့်အတန်းမှာ ထူးခြားဆန်းကြယ်ကြောင်းနှင့် မိမိနောက်သို့ လိုက်ပါပါက တောက်ပသော အနာဂတ် ရှိလာမည်ဖြစ်ကြောင်း သိရှိစေခဲ့ခြင်း ဖြစ်သည်။
“မင်းက ဘယ်သူလဲ”
ချင်ယွမ်ဖုန်းက ပြုံးလျက် မေးမြန်းလိုက်သည်။
မြောင်ထျန်းက ရင်ဘတ်ကို ကော့လိုက်ပြီး ပြောလိုက်သည်။
“ငါ မင်းကို တစ်ကြိမ်ပဲ ပြောမယ်…”
၎င်း၏ အသံမှာ ဝေးကွာသွားခဲ့သည်။ ချင်ယွမ်ဖုန်းက အပြင်သို့ ချောင်းကြည့်လိုက်ရာ မြောင်ထျန်းအား တျန်ပေါင်မျှော်စင်မှ လူများက အပြင်သို့ မချီထုတ်သွားသည်ကို တွေ့လိုက်ရသည်။ ထို့နောက် ၎င်း၏ ကျယ်လောင်သော ဟောက်သံ ထွက်ပေါ်လာခဲ့၏။
“မင်းတို့ ဘာလုပ်ချင်တာလဲ”
တျန်ပေါင်မျှော်စင်၏ အစောင့်အရှောက်များမှာ ထိုသူသည် မြောင်ထျန်း ဖြစ်နေသည်ကို မြင်တွေ့လိုက်ရသောအခါ အံ့အားသင့်သွားကြသည်။ မြောင်မိသားစုသည် အဆင့်မြင့်မားသော ရာထူးနေရာကို ပိုင်ဆိုင်ထားပြီး မြောင်မိသားစု၏ ဘိုးဘေးကြီးသည် တျန်ပေါင်မျှော်စင်၏ အကြီးအကဲနှင့် ရင်းနှီးသော ဆက်ဆံရေး ရှိသည်ဟု ပြောဆိုကြသဖြင့် ထိုလူများသည် မြောင်ထျန်းအား မလိုလားဘဲ ပြန်လည် ချထားပေးခဲ့ရပြီး ပြောဆိုလိုက်ကြသည်။
“တောင်းပန်ပါတယ် သခင်လေးမြောင်၊ နောက်တစ်ကြိမ်မှာ အခုလို ပရမ်းပတာ မလုပ်ပါနဲ့တော့၊ ဒါက ငါတို့၏ အထူးဧည့်သည်တော်ကို အနှောင့်အယှက် ဖြစ်စေပါတယ်”
“ရပါတယ်”
ထိုအချိန်မှာပင် ချင်ယွမ်ဖုန်းသည် တံခါးဝတွင် ပေါ်ထွက်လာပြီး ၎င်းတို့အား လက်ဝေ့ယမ်းပြလျက် ပြောလိုက်သည်။
“သူ့ကို အထဲဝင်ခွင့် ပေးလိုက်ပါ”
“ဟွန်း”
မြောင်ထျန်းက အေးစက်စွာ နှာခေါင်းရှုံ့လိုက်ပြီး ပြောလိုက်သည်။
“အနည်းဆုံးတော့ မင်းမှာ အသိဉာဏ် ရှိသေးတာပဲ”
ထိုသို့ ပြောဆိုပြီးနောက် အခန်းထဲသို့ ပြန်လည်ဝင်ရောက်လာခဲ့ပြီး ချင်ယွမ်ဖုန်းအား ကြည့်ရှုလျက် ပြောဆိုလိုက်သည်။
“အခု ဖုံးကွယ်ထားစရာ မလိုတော့ဘူးဆိုတော့ ငါ မင်းကို ပြောပြမယ်၊ ငါက မြောင်မိသားစုရဲ့ သခင်လေး ဖြစ်ပြီးတော့ မြောင်မိသားစုရဲ့ အနာဂတ် မျိုးနွယ်စုခေါင်းဆောင်ပဲ”
ထိုသို့ ပြောဆိုပြီးနောက် အရှိန်အဝါများ ထွက်ပေါ်လာခဲ့ပြီး မျက်လုံးများထဲတွင် မောက်မာဝင့်ဝါသော အရှိန်အဝါများ တောက်ပသွားခဲ့ပေသည်။
ချင်ယွမ်ဖုန်းသည် အမှန်ပင် အမြင်ကျယ်သွားခဲ့ရသည်။
ဒီမြောင်မိသားစုဟာ တကယ်ကို ပါရမီရှင်တွေနဲ့ ပြည့်နှက်နေတာပဲ။ ပထမတစ်ယောက်က ကျားမ မကွဲပြားတဲ့ ဓားသိုင်းပါရမီရှင် မြောင်ယီ ဖြစ်တယ်။ နောက်တော့ ဓားသိုင်းနားလည်မှုမှာ မြောင်ယီထက် မနိမ့်ကျပေမဲ့ စိတ်နေသဘောထားက အလွန်ပင် ထူးဆန်းလွန်းတဲ့ မြောင်ယင်းနဲ့ ဆုံတွေ့ခဲ့ရတယ်။ အခုတော့ အနာဂတ် မျိုးနွယ်စုခေါင်းဆောင်လို့ ကိုယ့်ကိုယ်ကိုယ် ကြွေးကြော်နေတဲ့ မြောင်ထျန်းနဲ့ ဆုံတွေ့ရပြန်ပြီ…
မြောင်မိသားစုရဲ့ မောင်နှမတွေက တကယ်ကိုပဲ သူ့ရဲ့ အမြင်ကို ကျယ်ပြန့်သွားစေခဲ့ပေသည်။
“ဟမ်း”
မြောင်ထျန်းသည် ချင်ယွမ်ဖုန်း၏ ရှေ့တွင် မတ်မတ်ထိုင်လိုက်ပြီး အသက်ကြီးသော နဂါးနာရီကဲ့သို့ မြောင်မိသားစု၏ အထက်တန်းစား အရာရှိကြီးတစ်ဦး၏ အမူအရာကို ယူကာ ပြောလိုက်သည်။
“ချင်ယွမ်ဖုန်း… မင်းက တကယ်ကို ပါရမီရှင်တစ်ယောက်ပဲ၊ ဟင်း… မင်းက မြောင်ယီကို အနိုင်ယူနိုင်ခဲ့တာဟာ တကယ်ကို ချီးကျူးစရာပဲ”
ချင်ယွမ်ဖုန်းသည် တစ်ဖက်လူ၏ ချီးမွမ်းမှုကို ရရှိလိုက်သဖြင့် ကျေနပ်သွားပုံ ရပြီး ဝမ်းမြောက်စွာ ပြုံးပြလိုက်တော့၏။
အခန်း(၁၁၉၂)
ယင်းကို မြင်သော် မြောင်ထျန်းသည် ကိစ္ဆအဝအဝ အဆင်ပြေတော့မည်ဟု ထင်မှတ်လိုက်ချေသည်။ ထိုကောင်လေးသည် စိတ်ကြီးဝင်နေပြီပင်။ ထို့ကြောင့် သူက ဆက်လက်၍ -
" ငါ့ဘေးမှာ အရည်အချင်းရှိတဲ့သူ အသုံးလိုနေတာနဲ့ ကံအားလျော်စွာ ကြုံနေတာပဲ၊ မင်းရဲ့ ပါရမီက တော်တော်ကောင်းပြီး အလားအလာကြီးမားတယ်လို့ ငါထင်တယ်၊ နောက်တစ်ကြိမ် မြောင်ယီနဲ့ တွေ့ရင် မင်း သူ့ကို အနိုင်ယူနိုင်တဲ့ စွမ်းအားရှိသေးတယ်၊ ဒါကြောင့် ငါက မင်းကို အထူးလေ့ကျင့်ပေးဖို့ စီစဉ်ထားတာ၊ အနာဂတ်မှာ..."
"ငါ့နောက်ကို လိုက်ခဲ့မလားလို့ ပြောမလို့မလား" ချင်ယွမ်ဖုန်းက ပြုံးလျက် မေးလိုက်၏။
မြောင်ထျန်း၏ မျက်လုံးများ ပြူးကျယ်သွားသည် -
"ဟင်... မင်း ငါ့စကားတွေကို လုပြောလိုက်တာပဲ"
"သခင်လေးမြောင်... နိုးထဖို့ အချိန်တန်ပြီ" ချင်ယွမ်ဖုန်းက သက်ပြင်းချရင်း -
"နေ့ခင်းကြောင်တောင် အိပ်မက်မက်တာ မကောင်းဘူး"
မြောင်ထျန်း ဒေါသထွက်သွားချေပြီ။ ဒီကောင် သူ့ကို လှည့်စားလိုက်တာပဲ။ သူက စားပွဲကို မှောက်ခုံလှန်ပစ်ချင်သော်လည်း ထိုသူသည် အရည်အချင်းရှိသူ ဖြစ်သဖြင့် ရအောင် သိမ်းသွင်းရပေမည်။ ထို့ကြောင့် သူသည် အသက်ကို ပြင်းပြင်းရှူသွင်းကာ ဒေါသကို ထိန်းချုပ်လိုက်ပြီး ပုံမှန်လေသံဖြင့် ပြောလိုက်သည် -
"ချင်ယွမ်ဖုန်း... မင်း ဘယ်လောက်တောင် ပြဿနာအကြီးကြီး ရှာထားမိလဲဆိုတာ သိရဲ့လား၊ ရန်လုံအသင်းက မင်းကို လွှတ်ပေးမှာ မဟုတ်ဘူးလို့ ငါကြားတယ်၊ မင်းအခု ရွှေရောင်နဂါးအသင်းအောက်မှာ ရှိနေပေမဲ့ ဒီမသေမျိုးဂိုဏ်းတွေအားလုံးက ကြံရာပါတွေချည်းပဲ၊ ရွှေရောင်နဂါးအသင်းက မင်းကို ချီရှောင်ဆီ ဘယ်အချိန် လွှဲပေးမလဲဆိုတာ ဘယ်သူသိနိုင်မလဲ၊ ဒါကြောင့် မင်း မြောင်မိသားစုလိုမျိုး တခြားရွေးချယ်စရာတွေကို စစဉ်းစားသင့်တယ်"
ထိုနေရာသို့ ရောက်သော် မြောင်ထျန်းသည် ချင်ယွမ်ဖုန်း၏ မျက်နှာမူရာကို အကဲခတ်လိုက်ပြီး ဆက်လက်၍ -
"ငါတို့ မြောင်မိသားစုက ပျံသန်းခြင်း ကောင်းကင်မြို့တော်မှာ ခိုင်မာတဲ့ အင်အားမတည်ဆောက်ရသေးပေမဲ့ ငါတို့ ရောက်လာတာနဲ့ မဟာမသေမျိုးဂိုဏ်းကြီး လေးခုစလုံး ဖယ်ပေးရလိမ့်မယ်၊ မင်း ငါ့နောက်ကို လိုက်ဖို့ ဆန္ဒရှိပြီး ဒီသဘောတူညီချက်ကို လက်မှတ်ထိုးရင် ငါ့ရဲ့ ကိုယ်ရံတော် ဖြစ်လာလိမ့်မယ်၊ အဲဒီနောက် မင်းကို လေ့ကျင့်ပေးဖို့ အရင်းအမြစ်တွေ အများကြီး ထောက်ပံ့ပေးမယ်၊ မင်း ဘယ်လိုထင်လဲ"
စကားဆုံးသည်နှင့် သူသည် ချင်ယွမ်ဖုန်းထံ သဘောတူညီချက်စာချုပ်ကို အလွန်ကျွမ်းကျင်သည့် ပုံစံဖြင့် ကမ်းပေးလိုက်၏။
ချင်ယွမ်ဖုန်းက ထိုစာချုပ်ကို လှည့်ပင် မကြည့်ဘဲ ပြောလိုက်သည် -
"သခင်လေးမြောင်... ဒါက ဖြစ်နိုင်မယ်လို့ မင်းထင်လို့လား၊ ငါက ငါ့ကိုယ်ငါ ကျေးကျွန်အဖြစ် ရောင်းစားမယ့် စာချုပ်မှာ လက်မှတ်ထိုးပါ့မလား"
"ဘာ" မြောင်ထျန်း မျက်မှောင်ကြုတ်သွား၏။ ချင်ယွမ်ဖုန်းက သူ့ကို ငြင်းပယ်လိမ့်မည်ဟု သူ မမျှော်လင့်ထားပေ။ သူက အကောင်းဆုံး လေသံဖြင့် ပြောခဲ့သော်လည်း ထိုကောင်က အသိအမှတ်ပင် မပြုပေ။
"တောင်းပန်ပါတယ်... ငါက တစ်ကိုယ်တော် နေရတာ ကျင့်ကြံနေပြီ၊ တခြားသူရဲ့ ခွေးဖြစ်မခံချင်ဘူး" ချင်ယွမ်ဖုန်းက ပွင့်ပွင့်လင်းလင်းပင် ပြောလိုက်သည် -
"တခြားကိစ္စ မရှိရင် ပြန်ပါတော့"
"မင်း အကျိုးဆက်တွေကို စိစစ်မကြည့်တော့ဘူးလား" မြောင်ထျန်းက အေးစက်စွာ မေးလိုက်၏။
ချင်ယွမ်ဖုန်းက ခေါင်းခါပြလိုက်သည်။
မြောင်ထျန်းသည် ချက်ချင်း မတ်တပ်ထရပ်လိုက်ပြီး ချင်ယွမ်ဖုန်းကို လက်ညှိုးထိုးကာ -
"ငါ့စကားကို မှတ်ထား... ဒီနေ့ ငါ့စည်းကမ်းတွေကို မင်းမသဘောတူရင် ရန်လုံအသင်းကိုတင်မကဘူး ငါတို့ မြောင်မိသားစုကိုပါ စေတနာပျက်စေလိမ့်မယ်၊ နောက်ထပ် ရန်သူတစ်ယောက် တိုးချင်တယ်ဆိုရင်လဲ ငါက သဘောမတူစရာ မရှိဘူး"
ချင်ယွမ်ဖုန်းမှာ လုံးဝ စိတ်ပျက်သွားရသည်။ ဒီကောင်လေးက သူ့ကို ဒီလိုစကားတွေနဲ့ ခြိမ်းခြောက်ဖို့ ကြိုးစားရအောင် ဘယ်လောက်တောင် ခေါင်းမာနေသလဲ။ နားမကြားတာ မဟုတ်ရင် ထိုသူသည် မြောင်မိသားစုတွင် ဩဇာမရှိသလို သခင်လေး ရာထူးကလည်း မြောင်ယီကြောင့် ပို၍ပင် မရေမရာ ဖြစ်နေသည်။ သူ့ကို ခြိမ်းခြောက်စရာ ဘာရှိနိုင်မည်နည်း။
မြောင်ထျန်း အသက်ကို ပြင်းပြင်းရှူလိုက်၏။ တိုက်ခိုက်ချင်သော်လည်း မိမိ၏ အကန့်အသတ်ကို မိမိသိပေသည်။ သူသည် မြောင်ယီကိုပင် မယှဉ်နိုင်ရာ ရှေ့မှလူကို သာ၍ပင် မယှဉ်နိုင်ပေ။ ထို့ကြောင့် ဒေါသကို မြိုသိပ်လိုက်ရပြီး ချင်ယွမ်ဖုန်းကို လက်ညှိုးထိုးလျက် -
"ကောင်းပြီ... မင်း သတ္တိရှိတာပဲ၊ စောင့်ကြည့်နေလိုက်"
ထိုသို့ ပြောပြီးနောက် ဒေါသတကြီး ခြေဆောင့်ကာ အခန်းထဲမှ ထွက်သွားတော့သည်။
သူ ထွက်သွားသည်နှင့် ယန်ရှင့် ဝင်လာပြီး ချင်ယွမ်ဖုန်းကို စိုးရိမ်သည့် မျက်နှာပေးဖြင့် ကြည့်ကာ -
"မင်း ဒီလူကို စေတနာပျက်အောင် လုပ်လိုက်တာလား"
ချင်ယွမ်ဖုန်းက လက်ကို ပခုံးတွန့်ပြရင်း -
"ငါ ဘာမှ မတတ်နိုင်ဘူး"
"သက်ပြင်း" ယန်ရှင့်က ခါးသီးစွာ ပြုံးလိုက်ပြီး -
"မြောင်မိသားစုရဲ့ သခင်လေး ရောက်လာတယ်လို့ အစေခံတွေဆီက ငါကြားရုံပဲ ရှိသေးတယ်၊ ဒီလူက စေတနာပျက်အောင် လုပ်လို့မရတဲ့သူပါလို့ မင်းကို လာပြောချင်တာ၊ မင်း သူ့ကို စေတနာပျက်အောင် လုပ်မိလိမ့်မယ်လို့ မမျှော်လင့်ထားဘူး"
"ဘာမှ မဖြစ်ပါဘူး... မြောင်မိသားစုက သခင်လေးတစ်ယောက်ပါပဲ၊ ဒါ့အပြင် သူ့စွမ်းအားက ပုံမှန်ပဲ ရှိတာ၊ မြောင်ယီထက် အများကြီး လျော့ပါတယ်၊ အရူးပဲ သူတို့အတွက် အသက်စွန့်ဖို့ ငါ့ကို စည်းရုံးလိမ့်မယ်" ဟု ချင်ယွမ်ဖုန်းက ပြောလိုက်၏။
"ဒါလဲ ဟုတ်တာပဲ" ယန်ရှင့်သည် မြောင်မိသားစုအကြောင်း အနည်းငယ် သိထားရာ မြောင်ထျန်း၏ လက်ရှိ အနေအထားမှာ အနည်းငယ် အဆင်မပြေကြောင်း သိသော်လည်း ချင်ယွမ်ဖုန်းကို ကြည့်၍ -
"မင်း အနာဂတ်မှာ ကိုယ့်ကိုယ်ကို ဂရုစိုက်တာ ပိုကောင်းလိမ့်မယ်၊ ဘာပဲဖြစ်ဖြစ် သူ ဘယ်လောက်ပဲ အားနည်းနေပါစေ သူ့ရဲ့ အဆင့်အတန်းက အဆင့်အတန်းပါပဲ၊ မင်းက မြောင်မိသားစုတစ်ခုလုံးကို တိုက်ရိုက် စေတနာပျက်အောင် လုပ်လိုက်တာ"
ထိုသို့ ပြောပြီးနောက် သူ ထွက်သွား၏။
ချင်ယွမ်ဖုန်းက သာမန်မျှသာ ပြုံးလိုက်သည်။ သူ့တွင် စေတနာပျက်စရာ ရန်သူများစွာ ရှိနေပြီးဖြစ်ရာ နောက်တစ်ယောက် တိုးလာလျှင်လည်း ဘာထူးမည်နည်း။ သို့သော် တာဝန်ခံယန်သည် ချင်ယွမ်ဖုန်းကို သိပ်ဂရုမစိုက်တော့သည့် ပုံပင်။ ဒီကောင်လေးက ပြဿနာ ရှာလွန်းသည်။ တာဝန်ခံယန်သည် မူလက ထိုသူ့တွင် အကန့်အသတ်မရှိသော အလားအလာ ရှိသည်ဟု မြင်သောကြောင့် ဆက်ဆံရေး တည်ဆောက်ချင်ခဲ့ခြင်း ဖြစ်၏။ သို့သော် ထိုကောင်သည် အမြဲတမ်းလိုလို သေတွင်းတူးနေပေသည်။ အနာဂတ် ရှိနေလျှင်ပင် အသက်မရှိပါက ဘာကောင်းမည်နည်း။
သူသည် ချင်ယွမ်ဖုန်းပေါ်တွင် အချိန်မဖြုန်းချင်တော့ပေ။
ချက်ချင်းပင် တျန်ပေါင်မျှော်စင်၏ လေလံရုံ ပွင့်လှစ်သွားတော့သည်။
လေလံပစ္စည်း အတော်များများ လူအများကို အပူပေးပြီးနောက် ကျိန်းယွမ်ဆေးလုံး စင်ပေါ် ရောက်လာသည်ကို ချင်ယွမ်ဖုန်း တွေ့လိုက်ရ၏။ ယန်ရှင့်၏ မိတ်ဆက်ပေးချက်အရ ကျိန်းယွမ်ဆေးလုံးသည် အနန္တ ကောင်းကင်နှင့် မြေကမ္ဘာ၏ ရတနာများကို ပေါင်းစပ်ပြုလုပ်ထားခြင်း ဖြစ်သည်။ ယင်းက သိုင်းပညာရှင်များ သို့မဟုတ် မသေမျိုးများ၏ မိုးကြိုးဓာတ်စွမ်းအင် စုပ်ယူနိုင်စွမ်း အကန့်အသတ်ကို အလွန် တိုးတက်စေပြီး ခန္ဓာကိုယ်၏ ဝန်ခံနိုင်စွမ်းကို မြှင့်တင်ပေးနိုင်သလို ပိုမိုများပြားသော မိုးကြိုးစွမ်းအားကိုလည်း လှုံ့ဆော်ပေးနိုင်ပေသည်။
"ကျိန်းယွမ်ဆေးလုံး... အနိမ့်ဆုံး လေလံစျေး နတ်ဘုရားကျောက်တုံး ၁,၀၀၀၊ ဒီရတနာကို စိတ်ဝင်စားသူများ လေလံဆွဲနိုင်ပါပြီ၊ အနည်းဆုံး စျေးတိုးတာဟာ နတ်ဘုရားကျောက်တုံး ၁၀၀ ထက် မနည်းရပါဘူး" ယန်ရှင့်သည် အစီအစဉ်မှူးအဖြစ် ဒီရတနာအတွက် လေလံပွဲကို စတင်လိုက်ပြီ ဖြစ်၏။
"နတ်ဘုရားကျောက်တုံး နှစ်ထောင်" ချင်ယွမ်ဖုန်းက တိုက်ရိုက် အော်ဟစ်လိုက်သည်။
အခန်းထဲရှိ လူများ ခဏမျှ တုန်လှုပ်သွားကြ၏။ နတ်ဘုရားကျောက်တုံး နှစ်ထောင်သည် မဟာပမာဏ မဟုတ်သော်လည်း ထိုသို့ ထို့ထက်ပို၍ စျေးတိုးခြင်းမှာ အရှားပါးပင်။ ချင်ယွမ်ဖုန်းသည် ဒီရတနာကို ရအောင်ယူမည်ဟု ဆုံးဖြတ်ထားပုံရသည်။ ဘာပဲဖြစ်ဖြစ် သူသည် ဓားဝိညာဉ်မြက်ကို ဝယ်ယူစဉ်က နတ်ဘုရားကျောက်တုံး ထောင်ပေါင်းများစွာ သုံးစွဲခဲ့စဉ်ကပင် မျက်တောင်တစ်ချက် မခတ်ခဲ့ပေ။
ထိုအချိန်တွင် ချီရှောင်က သူ၏ သားဖြစ်သူအား -
"ဒီကောင်က ကြွားဝါချင်စိတ် ကြီးစိုးနေတာ၊ သူ မကြာသေးမီက ကိစ္စကြီးတစ်ခု လုပ်ခဲ့ပြီး မြောင်မိသားစုက တစ်ယောက်ယောက်ကို စေတနာပျက်အောင် လုပ်ခဲ့တယ်လို့ ငါကြားတယ်၊ ဟက်... ငါတို့ လက်ချောင်းလေးတစ်ချောင်းမှ မလှုပ်လိုက်ရဘဲ မြောင်မိသားစုကပဲ သူ့ကို သေဒဏ်ပေးနိုင်မယ့် ပုံပဲ"
ချီရန်က ရယ်မောလိုက်သည် -
"အဖေ... ဒီတစ်ကြိမ် နတ်ဘုရားကြွေ လျှို့ဝှက်နယ်မြေထဲ ချင်ယွမ်ဖုန်း ဝင်သွားရင် အဲဒီမှာ သေချာပေါက် သေလိမ့်မယ်လို့ ထင်ရတယ်၊ ဘာလို့လဲဆိုတော့ သူက ရန်သူတွေ အများကြီး ဖန်တီးထားလို့ပဲ"
ချီရှောင်က ဆက်လက်၍ -
"သူ့မှာ မူလက အခြေအနေကို အပြုသဘောဆောင်အောင် ပြောင်းလဲဖို့ အခွင့်အရေး ရှိခဲ့ပေမဲ့ ဒီကောင်က အကောင်းနဲ့ အဆိုးကို မသိဘူး၊ ဒုက္ခရှာဖို့ပဲ သိပြီး နောက်ဆုံးမှာ မီးနဲ့ဆော့ရင်း မီးလောင်ဒဏ်ရာ ရသွားတာပင်"
ချင်ယွမ်ဖုန်း၏ လေလံစျေးကို ကြားလျှင် ချီရန်သည် မဆိုင်းမတွပင် လေလံခလုတ်ကို နှိပ်လိုက်ပြီး -
"ကျိန်းယွမ်ဆေးလုံး ရုံတင် မဟုတ်ဘူးလား၊ မင်းလို ပြုတ်ပြုတ်ပြုန်းနေတဲ့ ကောင်က ဒီရတနာကို ရနိုင်မယ်လို့ ထင်နေတာလား၊ အဲဒါ စိတ္တဇ အိပ်မက်ပဲ၊ နတ်ဘုရားကျောက်တုံး သုံးထောင်"
လူတိုင်း အံ့အားသင့်သွားကြ၏။ ချီရန်သည် ချင်ယွမ်ဖုန်းကို ပစ်မှတ်ထားနေသည်မှာ ထင်ရှားလှပေသည်။
သို့သော် သူတို့ကို ပို၍ အံ့အားသင့်စေသည်မှာ လေလံခန်းမအတွင်းမှ အခြားအသံတစ်သံ ထွက်ပေါ်လာခြင်းပင် -
"ချင်ယွမ်ဖုန်း လိုချင်တဲ့အရာကို ငါ့ရှေ့မှာ ရနိုင်ပါ့မလား၊ နတ်ဘုရားကျောက်တုံး လေးထောင်"
ချင်ယွမ်ဖုန်း မျက်မှောင်ကြုတ်သွားပြီး -
"ကျိန်းယွမ်ဆေးလုံးက ငါ့အတွက် အလွန် အကျိုးရှိတယ်၊ မင်းတို့မှာ စွမ်းဆောင်ရည် ရှိရင် ဆက်လိုက်ခဲ့"
သူ့စကား ဆုံးသည်နှင့် သူ၏ ဟိန်းထွက်နေသော အသံကြီး ထွက်ပေါ်လာခဲ့သည် -
"နတ်ဘုရားကျောက်တုံး တစ်သောင်း"