ချိုးဖြတ်ခြင်း

နတ်ဘုရားစိတ်ဝိညာဉ်စွမ်းအားက တည်နေရာပြအသုံးအဆောင်ပစ္စည်းမှ ပြန်ထွက်လာပြီး‌နောက် လီဖူချန်းက ပြုံးလိုက်လေတယ်။

ကံကောင်းစွာနဲ့ သူ့ခွန်အားက စစ်ဟိုင်ဝူယာထက် ပိုသန်မာလို့၊ သို့မဟုတ်ရင် ဒီပစ္စည်းကောင်းတွေက တစ်ဖက်လူရဲ့လက်ထဲကို ရောက်သွားလောက်ပြီ။

ဒီတည်နေရာပြနတ်ဘုရားအသုံးအဆောင်ပစ္စည်းက အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတစ်ခုဖြစ်ပြီး နီလာကိရိယာငယ်လို့ ခေါ်တယ်။

ယေဘုယျပြောရရင် တည်နေရာပြနတ်ဘုရားအသုံးအဆောင်ပစ္စည်းရဲ့အဆင့်က ပိုမြင့်လေ၊ အထဲရှိနေရာလပ်အတုက ပိုတည်ငြိမ်ပြီးပိုကြီးလေပဲ။

ခရမ်းရောင်တိမ်နတ်ဘုရားကမ္ဘာရဲ့ထိပ်တန်းဂိုဏ်းတွေထဲမှာ ခရမ်းရောင်တိမ်နတ်ဘုရားကမ္ဘာတစ်ခုလုံးကို ထည့်သွင်းထားတဲ့ တည်နေရာပြနတ်ဘုရားအသုံးအဆောင်ပစ္စည်းတွေတောင် ရှိတယ်လို့ ပြောကြတယ်။

"မိုးကြိးသွားရှိရာကိုတော့ ရောက်လာပြီ"

လီဖူချန်းက နီလာကိရိယာငယ်ပေါ်ရှိပထမဆုံးအလင်းစက်နဲ့ သိပ်မဝေးတော့ပါဘူး။ နေ့တစ်ဝက်လောက်မှာ လီဖူချန်းက အဆုံးမဲ့မိုးကြိုးတွေပြည့်နေတဲ့နတ်ဘုရားကြယ်တစ်လုံးကို မြင်ခဲ့တယ်။

နီလာကိရိယာငယ်ရဲ့အတွင်းပိုင်းရှိ မိုးကြိုးသွားကြယ်အတုနဲ့ ကွဲပြားစွာပင်၊ နတ်ဘုရားဟင်းလင်းပြင်ထဲရှိမိုးကြိုးသွားကြယ်က အလွန်စစ်မှန်ပြီး အလွန်သန်မာတယ်။ လီဖူချန်းရဲ့လက်ရှိခွန်အားနဲ့ဆိုရင်တောင် သူက အလွယ်တကူမချဉ်းကပ်ရဲပါဘူး။

"အဲမှာ တစ်ယောက်ယောက်ရှိနေတာပဲ"

နေရာလပ်-အချိန်စွမ်းအားက စိတ်ဝိညာဉ်စွမ်းအားနဲ့ ပေါင်းစပ်ထားတယ်။ မိုးကြိုးသွားကြယ်ရဲ့မျက်နှာပြင်ပေါ်မှာ ပုံရိပ်အချို့ထိုင်ပြီး မိုးကြိုးနဲ့လျှပ်စီးဥပဒေသတွေ နားလည်နေတာကို လီဖူချန်းက ရေးတေးတေးမြင်တွေ့ခဲ့တယ်။

ထိုလူတွေရဲ့ချီတည်ရှိမှုကို မခံစားနိုင်ပေမယ့် ဒီလူတွေက စိတ်ဝိညာဉ်နတ်ဘုရားတွေဆိုတာ လီဖူချန်းက သေချာတယ်၊ အနည်းဆုံး သူတို့က စိတ်ဝိညာဉ်နတ်ဘုရားတွေထဲမှာ အသန်မာဆုံးဖြစ်မယ်။

အကြာကြီးမနေရဲဘဲ လီဖူချန်းက ငွေရောင်တောင်ပံအာကာသယာဉ်ကို ထိန်းချုပ်ကာ လျင်မြန်စွာ ထွက်လာခဲ့တယ်။

……

"ငါ့ရဲ့အသက်နယ်ပယ်နဲ့ကျင့်ကြံခြင်းနယ်ပယ်က နိမ့်လွန်းနေသေးတယ်၊ ငါ သူတို့ကို အဆင့်မြင့်အစစ်အမှန်နတ်ဘုရားအဆင့်ကို ဖြစ်နိုင်သမျှ မြှင့်တင်ရမယ်"

အသက်နယ်ပယ်က လီဖူချန်းရဲ့အားနည်းချက် အမြဲတမ်းဖြစ်နေတယ်။ အသက်နယ်ပယ်က တိုးတက်လာတာနဲ့ လီဖူချန်းရဲ့ကျင့်ကြံခြင်းနယ်ပယ်က ချက်ချင်း တိုးတက်သွားနိုင်တယ်။

ဒီတစ်ကြိမ်အရင်းအမြစ်ခန်းမထဲမှာ လီဖူချန်းက နတ်ဘုရားဆေးတစ်သောင်းလောက်ကို ရရှိခဲ့တယ်၊ သူတို့အထဲမှာ ကြယ်နှစ်လုံးအဆင့်နိမ့်နတ်ဘုရားဆေးဖြစ်တဲ့အစစ်အမှန်သွေးဆေး၊ ကြယ်နှစ်လုံးအလယ်ဆင့်နတ်ဘုရားသွေးဆေးဖြစ်တဲ့သွေးသက်တံဆေးတို့သာမက ကြယ်နှစ်လုံးအဆင့်မြင့်နတ်ဘုရားဆေးဖြစ်တဲ့အစစ်အမှန်သွေးကြောဆေးနဲ့ ကြယ်သုံးလုံးအဆင့်နိမ့်နတ်ဘုရားဆေးဖြစ်တဲ့စိတ်ဝိညာဉ်ခြင်ဆီဆေးတို့လို ထိပ်တန်းအဆင့်ဆေးတွေလဲ ပါတယ်။

"အစစ်အမှန်သွေးဆေးက ကြယ်နှစ်လုံးအဆင့်နိမ့်ထိပ်တန်းအဆင့်နတ်ဘုရားဆေးပဲ။ ၎င်းက အဆင့်နိမ့်အစစ်အမှန်နတ်ဘုရားရဲ့အသက်နယ်ပယ်ကို တိုးတက်ဖို့ သက်ရောက်မှုကောင်းတစ်ခုရှိတယ်၊ ဒါပေမယ့် ငါ့အတွက် ဆေးစွမ်းက နည်းနည်းနိမ့်တယ်။ ပထမဆုံး ကြယ်နှစ်လုံးအလယ်ဆင့်ထိပ်တန်းအဆင့်ဆေးဖြစ်တဲ့သွေးသက်တံဆေးကို ဝါးမျိုရမယ်။ လာစမ်း........"

သွေးသက်တံဆေးက ပုံဆောင်ခဲလို ကြည်လင်ပြီး သန့်စင်တဲ့အနီရင့်ရောင်အလင်းကို ထုတ်လွှတ်နေတယ်။ ဆေးမျက်နှာပြင်ကို ပြီးပြည့်စုံတဲ့အနီရင့်ရောင်ဆေးစက်ဝိုင်းတစ်ခုက ဝန်းရံထားတယ်၊ ၎င်းက သာမန်အရည်အသွေးနတ်ဘုရားဆေးလို့ ဆိုလိုတယ်။

သွေးသက်တံဆေးကို ကိုင်လျက် လီဖူချန်းက ပါးစပ်ထဲသို့ ပစ်သွင်းလိုက်တယ်။

‌‌သွေးသက်တံဆေးက အရည်ပျော်ကျသွားပြီး အပူစီးကြောင်းတစ်ခုအဖြစ်သို့ ပြောင်းလဲကာ လီဖူချန်းရဲ့ခြေလက်နဲ့အရိုးတွေဆီ ပြန့်ကျဲပြီး သွေးထဲသို့ ဝင်လာတယ်။

ဘယ်လောက်ကြာသလဲကို မသိ၊ လီဖူချန်းက သူ့မျက်လုံးတွေ ဖွင့်လိုက်တယ်။

"သွေးသက်တံဆေးဆိုတဲ့အတိုင်းပဲ၊ အပိုင်းအစတစ်ခုက ငါ့အသက်နယ်ပယ်ကို ပမာဏတစ်ခုအထိ တိုးစေခဲ့တာပဲ"

လီဖူချန်းက ဒုတိယဆေးကို စတင်ဝါးမျိုခဲ့တယ်။

အလယ်ဆင့်အစစ်အမှန်နတ်ဘုရားနှောင်းပိုင်းအခြေအနေ။

အလယ်ဆင့်အစစ်အမှန်နတ်ဘုရားအထွတ်အထိပ်။

အဆင့်မြင့်အစစ်အမှန်နတ်ဘုရားစဦးအခြေအနေ။

သွေးသက်တံဆေးတစ်ပုလင်းကို ဝါးမျိုပြီးနောက် လီဖူချန်းရဲ့အသက်နယ်ပယ်က အဆင့်မြင့်အစစ်အမှန်နတ်ဘုရားနယ်ပယ်သို့ ရုတ်တရက် ခြေချလာခဲ့တယ်။

ဒီအချိန်မှာ လီဖူချန်းရဲ့နတ်ဘုရားစွမ်းအားကျင့်ကြံခြင်းအဆင့်က မတိုးတက်သေးပေမယ့် သူ့ရဲ့အသက်နယ်ပယ်တိုးတက်မှုက သူ့ရဲ့နတ်ဘုရားစိတ်ဝိညာဉ်နဲ့သွေးမျိုးဆက်တို့ကို ပြောင်းလဲမှု‌တွေ ကြုံတွေ့လာစေတယ်။

အဆင့်မြင့်အစစ်အမှန်နတ်ဘုရားစဦးအထွတ်အထိပ်။

အဆင့်မြင့်အစစ်အမှန်နတ်ဘုရားပျမ်းမျှအခြေအနေ။

လီဖူချန်းက သွေးသက်တံဆေးကို ဆက်လက်ဝါးမျိုခဲ့တယ်။

အသက်နယ်ပယ်က အဆင့်မြင့်အစစ်အမှန်နတ်ဘုရားပျမ်းမျှအခြေအနေကို ရောက်ရှိလာတဲ့အခါ သွေးသက်တံဆေးရဲ့အစွမ်းက အလွန်အားနည်းစွာ လျော့ကျလာခဲ့တယ်။

သက်ပြင်းချလျက် လီဖူချန်းက ရပ်လိုက်တယ်။

သူ့ရဲ့အသက်နယ်ပယ်ကို ဆက်လက်တိုးတက်စေချင်ရင် သူက အစစ်အမှန်သွေးကြောဆေးဒါမှမဟုတ်စိတ်ဝိညာဉ်ခြင်ဆီဆေးကိုပဲ အသုံးပြုနိုင်တော့တာကို သူ သိတယ်။

ဒါပေမယ့် ကိစ္စမရှိဘူး၊ သူ့မှာ အစစ်အမှန်သွေးကြောဆေးနဲ့စိတ်ဝိညာဉ်ခြင်ဆီဆေးတွေ အများကြီးမရှိပေမယ့် သူ့ရဲ့အသက်နယ်ပယ်ကို စိတ်ဝိညာဉ်နတ်ဘုရားနောက်တစ်ဆင့်ကို မြှင့်တင်ဖို့ လုံလောက်တယ်။

တစ်ခုတည်းသောပြဿနာကတော့ နတ်ဘုရားဟင်းလင်းပြင်မှာ စိတ်ဝိညာဉ်နတ်ဘုရားအဆင့်ကို ချိူးဖြတ်ဖို့ မဖြစ်နိုင်တာပဲ၊ ချိုးဖြတ်ဖို့အတွက် ခရမ်းရောင်တိမ်နတ်ဘုရားကမ္ဘာကို သွားဖို့ပဲ ရှိတယ်။

လီဖူချန်းက သွေးသက်တံဆေးကို သိမ်းပြီးနောက် အစစ်အမှန်သွေးကြောဆေးကို ယူထုတ်လိုက်တယ်။

အစစ်အမှန်သွေးကြောဆေးရဲ့ကိုယ်ထည်က အဝါရောင်တောက်ပတယ်။

သွေးသက်တံဆေးနဲ့  အလားတူစွာ အစစ်အမှန်သွေးကြောဆေးကို တောက်ပတဲ့အဝါရောင်ဆေးအင်းကွက်စက်ဝိုင်းတစ်ခုက ဝန်းရံထားပြီး ၎င်းက သာမန်အရည်အ‌သွေးကြယ်နှစ်လုံးအဆင့်မြင့်နတ်ဘုရားဆေးလို့ ဆိုလိုတယ်။

အစစ်အမှန်သွေးကြောဆေးက အဝင်မှာတင် အရည်ပျော်ကျသွားပြီး စိတ်ဝိညာဉ်ဆေးစွမ်းအားအပြည့်ရှိတယ်။ ၎င်းက ခြေလက်နဲ့အရိုးတွေဆီ မပြန့်ကျဲဘဲ နှလုံးထဲသို့ စီးဆင်းသွားတယ်၊ ပြီးနောက် နှလုံးကို ဗဟိုထားကာ သွေးကြောတွေထဲသို့ ကူးပြောင်းသွားတော့တယ်။

ဒီခံစားချက်က မှင်တက်စရာပဲ၊ သူ့ရဲ့ခန္ဓာကိုယ်က လွင့်မျောတော့မယ့်အတိုင်း ခံစားရတယ်၊ အလွန်သက်သောင့်သက်သာရှိလှတယ်။

အဆင့်မြင့်အစစ်အမှန်နတ်ဘုရားပျမ်းမျှအထွတ်အထိပ်။

အဆင့်မြင့်အစစ်အမှန်နတ်ဘုရားနှောင်ပိုင်းအခြေအနေ။

အဆင့်မြင့်အစစ်အမှန်နတ်ဘုရားနှောင်းပိုင်းအခြေအနေအထွတ်အထိပ်။

အဆင့်မြင့်အစစ်အမှန်နတ်ဘုရားပြီးပြည့်စုံခြင်း။

အစစ်အမှန်သွေးကြောဆေးခုနှစ်လုံးနဲ့ လီဖူချန်းရဲ့အသက်နယ်ပယ်က အဆင့်မြင့်အစစ်အမှန်နတ်ဘုရားပြီးပြည့်စုံခြင်းနယ်ပယ်ကို ရောက်ရှိလာခဲ့တယ်။

သူက ဆက်လက်တိုးတက်နိုင်တယ်လို့ လီဖူချန်းက ခံစားမိတယ်။

အစစ်အမှန်‌‌သွေးကြောဆေးရှစ်လုံး၊ ကိုးလုံး၊ ဆယ်လုံး၊ ဆယ့်လေးလုံး။

အစစ်အမှန်သွေးကြောဆေးခုနှစ်လုံးကျော်ကို ဝါးမျိုပြီးနောက် လီဖူချန်းက အဆင့်မြင့်အစစ်အမှန်နတ်ဘုရားပြီးပြည့်စုံခြင်းအခြေအနေမှာ ရှိနေသေးပေမယ့် သူ့အသက်နယ်ပယ်ရဲ့အုတ်မြစ်က ပိုခိုင်မာလာပြီး အလွယ်တကူမထိခိုက်တော့ပါဘူး။

ဆယ့်ငါးလုံး၊ ဆယ့်ခြောက်လုံး၊ ဆယ့်ခုနှစ်လုံး.....

အစစ်အမှန်သွေးကြော‌ဆေးနောက်ဆုံးသုံးလုံးပဲ ကျန်တော့တဲ့အခါ လီဖူချန်းရဲ့အသက်နယ်ပယ်တစ်ဆို့မှုက ပွင့်ထွက်သွားပြီး အသက်အားက ရေစီးကြောင်းတစ်ခုအလား ပိုမြင့်မားတဲ့အဆင့်တစ်ခုစီ လိမ့်တက်လာတယ်။

"ဒါ အဆင့်နိမ့်စိတ်ဝိညာဉ်နတ်ဘုရားတစ်ယောက်ရဲ့အသက်နယ်ပယ်လား"

သူ့ရဲ့စိတ်ဝိညာဉ်နဲ့သွေးမျိုးဆက်က လုံးဝသိမ်မွေ့လာတယ်လို့ လီဖူချန်းက ခံစားမိတယ်။

အရင်က အသက်နယ်ပယ်က အလယ်ဆင့်အစစ်အမှန်နတ်ဘုရားမှ အဆင့်မြင့်အစစ်အမှန်နတ်ဘုရားသို့ ချိုးဖြတ်ခဲ့ပြီး စိတ်ဝိညာဉ်နဲ့သွေးမျိုးဆက်က ဖြည်းဖြည်းချင်းသာ တိုးတက်လာခဲ့တယ်။ စိတ်ဝိညာဉ်က အဆင့်မြင့်စိတ်ဝိညာဉ်နတ်ဘုရားအဆင့်သို့ မြင့်တက်ဖို့ သိပ်မကြာဘူးလို့ သူက ယုံကြည်ထားတယ်။

အခု လီဖူချန်းရဲ့အသက်နယ်ပယ်က အဆင့်မြင့်အစစ်အမှန်နတ်ဘုရားမှ အဆင့်နိမ့်စိတ်ဝိညာဉ်နတ်ဘုရားထိ ချိုးဖြတ်ခဲ့ပြီး မီးထဲကို မီးစာထည့်လိုက်သလို စိတ်ဝိညာဉ်နဲ့သွေးမျိုးဆက်က လျင်မြန်စွာ တိုးတက်ပြောင်းလဲလာနေတယ်။

စိတ်ဝိညာဉ်က ပထမမှာ လုံးဝအဝါရောင်ပြောင်းသွားတယ်၊ ပြီးနောက် အဝါရောင်က လိ‌မ္မော်ဖျော့ရောင်တွေနဲ့ ပေါင်းစပ်လာခဲ့တယ်၊ တစ်ဆယ်ရာခိုင်နှုန်းလိမ္မော်ဖျော့ရောင်၊ သုံးဆယ်ရာခိုင်နှုန်းလိမ္မော်ဖျော့ရောင်၊ ငါးဆယ်ရာခိုင်နှုန်းလိမ္မော်ဖျော့ရောင်၊ ခုနှစ်ဆယ်လိမ္မော်ဖျော့ရောင်၊ ကိုးဆယ်ရာခိုင်နှုန်းလိမ္မော်ဖျော့ရောင်။

နောက်ဆုံးမှာ လီဖူချန်းရဲ့စိတ်ဝိညာဉ်က လုံးဝလိမ္မော်ဖျော့ရောင်ဖြစ်လာခဲ့တယ်။

လိမ္မော်ရောင်နတ်ဘုရားစိတ်ဝိညာဉ်က ဆန်းကြယ်နတ်ဘုရားအဆင့်နတ်ဘုရားစိတ်ဝိညာဉ်ဆိုတာ သိထားရမယ်။

နတ်ဘုရားစိတ်ဝိညာဉ်ကူးပြောင်းမှုက ယူဆောင်လာတဲ့ ပြောင်းလဲမှုတွေကို ခံစားဖို့ နောင်ကျလွန်းတယ်။ လီဖူချန်းက လုံးဝမပြင်ဆင်ထားတဲ့အချိန်မှာ လီဖူချန်းရဲ့နတ်ဘုရားစွမ်းအားကျင့်ကြံခြင်းက အလိုအလျောက် ချိုးဖြတ်ခဲ့တယ်။

လီဖူချန်းမှာ နတ်ဘုရားစွမ်းအားကျင့်ကြံခြင်းချိုးဖြတ်မှုက ဖြစ်ပေါ်စေတဲ့ သုံးစွဲမှုကို ထောက်ပံ့ဖို့ နတ်ဘုရားကျောက်တုံးတွေ အလုံအလောက်မရှိရင် ဒီတစ်ကြိမ်နတ်ဘုရားစွမ်းအားကျင့်ကြံခြင်းတိုးတက်မှုက ကျရှုံးသွားမှာ ဖြစ်ပြီး သူ့ရဲ့အနာဂတ်ကျင့်ကြံမှုအပေါ် သက်ရောက်မှုအချို့ ရှိလာပါလိမ့်မယ်။

ကံကောင်းစွာနဲ့ ဒီလိုဖြစ်လာစရာအကြောင်းမရှိပါဘူးလေ။

သူ့လက်ကို ဝှေ့ယမ်းလိုက်ရာ အဆင့်နိမ့်နတ်ဘုရားကျောက်တုံးတွေက ထွက်ပေါ်လာပြီး လီဖူချန်းက အဆင့်နိမ့်နတ်ဘုရားကျောက်တုံးတွေထဲရှိ အသက်အား(မူလချီ)ကို စတင်စုပ်ယူခဲ့တယ်။

အလယ်ဆင့်နတ်ဘုရားကျောက်တုံးတွေကတော့ သူက အစစ်အမှန်နတ်ဘုရားတစ်ယောက်သာ ဖြစ်သေးတဲ့သူလိုလူအတွက် အရည်အသွေးက မြင့်မားလွန်းပြီး အသုံးပြုဖို့ မလိုအပ်ပါဘူး။

သံသယရှိစရာမလိုဘူး၊ လီဖူချန်းရဲ့ဓားတာအိုစွမ်းအားက အဆင့်မြင့်အစစ်အမှန်နတ်ဘုရားအဆင့်သို့ ချက်ချင်း ချိုးဖြတ်ခဲ့တယ်။

နတ်ဘုရားစွမ်းအားအညွှန်းကိန်းက ဆယ့်နှစ်သန်း၊ ဆယ့်ငါးသန်း ဆယ့်ရှစ်သန်း၊ သန်းနှစ်ဆယ်၊ နှစ်ဆယ့်ရှစ်သန်း။

ဓားတာအိုနတ်ဘုရားစွမ်းအားအညွှန်းကိန်းက နှစ်ဆယ့်ငါးသန်းကို ရောက်ရှိတဲ့အချိန်မှာ လီဖူချန်းရဲ့အဆင့်နိမ့်နတ်ဘုရားကျောက်တုံးအရေအတွက်က ဆယ်သန်းအထိ လျော့ကျသွားခဲ့တယ်။

မပြောင်းလဲတဲ့တစ်ခုတည်းသောအရာကတော့ နတ်ဘုရားစိတ်ဝိညာဉ်နဲ့နတ်ဘုရားစွမ်းအားပေါင်းစပ်မှုအဆင့်ဖြစ်ပြီး တစ်ရာခိုင်နှုန်းကို မရောက်ရှိသေးဘဲ ကိုးဆယ်ရာခိုင်နှုန်းမှာပဲ တစ်နေတယ်။

တစ်ဆို့နေရာမှ အလိုအလျောက်ချိုးဖြတ်လာတဲ့ နောက်တစ်ခုကတော့ ဖျက်ဆီးခြင်းနတ်ဘုရားစွမ်းအားပါပဲ။

အစမှာ ဖျက်ဆီးခြင်းနတ်ဘုရားစွမ်းအားက အဆင့်နိမ့်အစစ်အမှန်နတ်ဘုရားမှ အလယ်ဆင့်အစစ်အမှန်နတ်ဘုရားအဆင့်အထိ ချိုးဖြတ်ခဲ့ပြီး အဆင့်နိမ့်နတ်ဘုရားကျောက်တုံးဆယ်သန်းကျော်ကို သုံးစွဲခဲ့တယ်။

အခု အလယ်ဆင့်အစစ်အမှန်နတ်ဘုရားမှ အဆင့်မြင့်အစစ်အမှန်နတ်ဘုရားသို့ ချိုးဖြတ်မယ်ဆိုရင် တစ်ဘီလီယံခန့်က လုံလောက်မယ်လို့ လီဖူချန်းက ထင်ခဲ့တယ်။

ဒါပေမယ့် သူက ဖျက်ဆီးခြင်းနတ်ဘုရားစွမ်းအားကို အထင်သေးခဲ့တာပဲ။

သုံးဘီလီယံ......

ဖျက်ဆီးခြင်းနတ်ဘုရားစွမ်းအားက အဆင့်မြင့်အစစ်အမှန်နတ်ဘုရားသို့ ချိုးဖြတ်ခဲ့ပြီး အဆင့်နိမ့်နတ်ဘုရားကျောက်တုံးသုံးဘီလီယံကို သုံးစွဲခဲ့တယ်၊ ဒါက ဓားတာအိုနတ်ဘုရားစွမ်းအားရဲ့အဆသုံးရာခန့်ရှိတယ်။

ဒါတောင် ဖျက်ဆီးခြင်းဥပဒေသနယ်ပယ်က ဓားတာအိုဥပဒေသနယ်ပယ်လောက် မမြင့်မားသေးပါဘူး။ ဖျက်ဆီးခြင်းဥပဒေသနယ်ပယ်ကလဲ အဆင့်မြင့်အစစ်အမှန်နတ်ဘုရားနှောင်းပိုင်းနယ်ပယ်ကို ရောက်ရှိနိုင်မယ်ဆိုရင် အဆင့်နိမ့်နတ်ဘုရားကျောက်တုံးအရေအတွက်က ငါးသန်းကျော်သွားမယ်လို့ ခန့်မှန်းထားတယ်။

အလယ်ဆင့်အစစ်အမှန်နတ်ဘုရားမှ အဆင့်မြင့်အစစ်အမှန်နတ်ဘုရားအဆင့်သို့ ချိူးဖြတ်ဖို့ အဆင့်နိမ့်နတ်ဘုရား‌ကျောက်တုံးဘီလီယံအနည်းငယ်လိုအပ်တယ်ဆိုရင် အဆင့်နိမ့်စိတ်ဝိညာဉ်နတ်ဘုရားအဆင့်ကို ချိုးဖြတ်ဖို့ အဆင့်နိမ့်နတ်ဘုရား‌ကျောက်တုံးတစ်ရာဘီလီယံလိုအပ်လောက်မယ်။

မဟုတ်ဘူး၊ မှားနေပြီ။

နယ်ပယ်ကြီးမြင့်တက်တာက နယ်ပယ်သေးမြင့်တက်တာနဲ့ မတူဘူး။ အဆင့်မြင့်အစစ်အမှန်နတ်ဘုရားမှ အဆင့်နိမ့်စိတ်ဝိညာဉ်နတ်ဘုရားအဆင့်ထိ ချိုးဖြတ်ဖို့ဆိုရင် အဆင့်နိမ့်နတ်ဘုရားကျောက်တုံးအရေအတွက်က ထရီလီယံအထိ ရောက်ရှိသွားဖို့ များတယ်။

လီဖူချန်းအတွက်တောင် ဒါက မှင်တက်စရာကောင်းတဲ့အရာတစ်ခုပါပဲ။

ဖျက်ဆီးခြင်းနတ်ဘုရားစွမ်းအားက အဆင့်မြင့်အစစ်အမှန်နတ်ဘုရားအဆင့်ကို ရောက်ရှိခဲ့တာ‌ကြောင့် သူ့ရဲ့ဖျက်ဆီးခြင်းနတ်ဘုရားစွမ်းအားရဲ့အရှေ့မှာ ရှင်သန်နိုင်မယ့် အဆင့်မြင့်အစစ်အမှန်နတ်ဘုရားလက်နက်တစ်ခုမှ မရှိဘူးလို့ လီဖူချန်းက တွေးမိလာတယ်။ ထိတွေ့မိရုံနဲ့ ချက်ချင်းပျက်ဆီးသွားလောက်တယ်။

ဒါကို သက်သေပြဖို့အတွက် လီဖူချန်းက အဆုံးစွန်းအဆင့်မြင့်အစစ်အမှန်နတ်ဘုရားအသုံးအဆောင်ပစ္စည်းတစ်ခုကို အနည်းငယ်ခေါင်းကိုက်စွာနဲ့ ယူထုတ်ခဲ့တယ်။

ဝှစ်......

၎င်းက ဖျက်ဆီးခြင်းနတ်ဘုရားစွမ်းအားနဲ့ ထိ‌တွေ့မိတာနဲ့ ဒီအဆုံးစွန်းအဆင့်မြင့်နတ်ဘုရားအသုံးအဆောင်ပစ္စည်းက အနည်းငယ်တုန်ခါသွားပြီး ပြာအဖြစ် ပြောင်းကာ မြေပြင်ပေါ်သို့ ပြန့်ကျဲသွားတော့တယ်။

"ဟားဟားဟား"

လီဖူချန်းရဲ့ခေါင်းကိုက်မှုက ပျောက်သွားတော့တယ်။

"နောက်တစ်ခုနဲ့ ထပ်စမ်းကြည့်ရမလား"

လီဖူချန်းက တစ်ခဏ တုံ့ဆိုင်းခဲ့တယ်၊ ပြီးနောက် သာမန်အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတစ်ခုကို ယူထုတ်ဖို့ ဆုံးဖြတ်ခဲ့တယ်။

ဒီတစ်ခါမှာတော့ အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းကို တိုက်ရိုက်မဖျက်ဆီးခဲ့ပေမယ့် အက်ကြောင်းတွေက အရင်ဆုံး ပြည့်သွားတယ်။

အုန်း......

အသက်ရှုချိန်အနည်းငယ်ပြီးနောက် အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းက ပေါက်ကွဲထွက်သွားပြီး အပိုင်းအစတွေအဖြစ် ကြေမွသွားတော့တယ်။

"အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတွေကိုတောင် ဖျက်ဆီးနိုင်တယ်၊ ဒါပေမယ့် သူတို့က သာမန်အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတွေပဲ"

ဖျက်ဆီးခြင်းနတ်ဘုရားစွမ်းအားရဲ့အကန့်အသတ်က ထူးကဲအဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းကို ဖျက်ဆီးနိုင်တာပဲလို့ လီဖူချန်းက ခန့်မှန်းထားတယ်။

ဒါပေမယ့် အဲဒါက ဘယ်သူမှ မထိန်းချုပ်တဲ့ အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတစ်ခုပဲ ဖြစ်ရမယ်။

တစ်ယောက်ယောက်က ထိန်းချုပ်ထားရင် အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းတစ်ခုကိုအသာထား၊ အဆင့်မြင့်အစစ်အမှန်နတ်ဘုရားအသုံးအဆောင်ပစ္စည်းတစ်ခုကိုတောင် လီဖူချန်းရဲ့ဖျက်ဆီးခြင်းနတ်ဘုရားစွမ်းအားက ချက်ချင်းဖျက်ဆီးနိုင်မှာမဟုတ်ဘူး။ တကယ်တော့ နတ်ဘုရားစွမ်းအားထည့်သွင်းထားတဲ့နတ်ဘုရားအသုံးအဆောင်ပစ္စည်းတစ်ခုနဲ့နတ်ဘုရားစွမ်းအားမထည့်သွင်းထားတဲ့နတ်ဘုရားအသုံးအဆောင်ပစ္စည်းတစ်ခုဆိုတာက မတူညီတဲ့အရာနှစ်ခုပါပဲလေ။

ဓားတာအိုနတ်ဘုရားစွမ်းအားနဲ့ဖျက်ဆီးခြင်းနတ်ဘုရားစွမ်းအားတို့က တစ်ခုပြီးတစ်ခု ချိုးဖြတ်ခဲ့ပေမယ့် မီးနတ်ဘုရားစွမ်းအားနဲ့နေရာလပ်-အချိန်နတ်ဘုရားစွမ်းအားက မချိုးဖြတ်ခဲ့ပါဘူး။

အဓိကအကြောင်းကတော့ လီဖူချန်းရဲ့မီးတာအိုဥပဒေသနဲ့နေရာလပ်-အချိန်ဥပဒေသတွေက အဆင့်မြင့်အစစ်အမှန်နတ်ဘုရားနယ်ပယ်ကို မရောက်ရှိသေးလို့ပါပဲ။ လက်ရှိမှာ မီးတာအိုနဲ့နေရာလပ်အချိန်တာအိုဥပဒေသနှစ်ခုလုံးက အလယ်ဆင့်အစစ်အမှန်နတ်ဘုရားအထွတ်အထိပ်နယ်ပယ်မှာရှိပြီး အဆင့်မြင့်အစစ်အမှန်နတ်ဘုရားနယ်ပယ်နဲ့ ခြေတစ်လှမ်းသာ ကွာဝေးတော့တယ်။

***