အိမ်မက်တွေ အမှန်တကယ်ဖြစ်လာပြီ

"နေရာလပ်-အချိန်ဥပဒေသနယ်ပယ်က အဆင့်မြင့်အစစ်အမှန်နတ်ဘုရားနှောင်းပိုင်းအခြေအနေကို ချိုးဖြတ်သွားပြီ၊ ဒါပေမယ့် အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်က တစ်ခုတစ်လေတောင် ရှိမနေဘူး။ ဖြုန်းတီးမှုတစ်ခုပါပဲလား"

လီဖူချန်းက ပျံသန်းလင်းယုန်ကုန်သွယ်ရေးခန်းမမှာ အစစ်အမှန်နေရာလပ်အချိန်နတ်ဘုရားအတတ်ငါးခုကို ဖလှယ်ခဲ့တယ်၊ သူတို့အားလုံးကို ကျင့်ကြံတာလဲ အောင်မြင်သွားပြီ၊ အခု သူက အဆင့်မြင့်နေရာလပ်-အချိန်အစစ်အမှန်နတ်ဘုရားတစ်ခုကို လိုအပ်နေတယ်။

လီဖူချန်းက သူကိုယ်တိုင်ဖန်တီးဖို့ ရည်ရွယ်လိုက်တယ်။

ဒါ ဟုတ်တယ်လေ၊ လက်ရှိသူ့ရဲ့ထိုးထွင်းသိမြင်မှုနဲ့ဆိုရင် အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်တွေကို မဖန်တီးနိုင်စရာလား၊ အချိန်ဘယ်လောက်ကြာမယ်ဆိုတာပဲ မသေချာတာ။

"ငါကိုယ်တိုင် အလုံးစုံဖန်တီးတာက အချိန်ဖြုန်းတာပဲ၊ အရင်က ငါလေ့ကျင့်ထားတဲ့နေရာလပ်-အချိန်နတ်ဘုရားအတတ်တွေကို ပေါင်းစပ်၊ အနှစ်သာရကို ယူ၊ ငါ့ရဲ့ကိုယ်ပိုင်ထိုးထွင်းသိမြင်မှုနဲ့ ပေါင်းစပ်ပြီး ပိုလက်တွေ့ကျတဲ့အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်တစ်ခုကို ဖန်တီးနိုင်တာပဲ"

ဒါကို စဉ်းစားမိပြီး လီဖူချန်းက သူလေ့ကျင့်ခဲ့တဲ့နေရာလပ်-အချိန်နတ်ဘုရားအတတ်တွေကို စတင်ရွေးထုတ်ခဲ့တယ်။

ဘယ်နတ်ဘုရားအတတ်တစ်ခုကို လစ်လျူရှုထားလို့မရဘူး။ တကယ်တော့ အဲဒါတွေကို နတ်ဘုရားကမ္ဘာဥပဒေသက အသိအမှတ်ပြုထားတာ။

ရွေးထုတ်ပြီးနောက် လီဖူချန်းက ဈာန်ဝင်စားခြင်းအမြောက်အများ ရရှိလာခဲ့တယ်။

……

"မဟုတ်ဘူး၊ လမ်းကြောင်းမှားနေပြီ၊ စဉ်းစားပုံစဉ်းစားနည်းမှားနေတာပဲ"

"မဟုတ်ဘူး၊ ပင်မအနှစ်သာရက မှားနေတယ်"

"ဒါ ငါလိုချင်တဲ့ နေရာလပ်-အချိန်နတ်ဘုရားအတတ်မဟုတ်ဘူး"

"နေရာလပ်-အချိန်ဥပဒေသတွေက ဟန်ချက်မညီနေဘူး'

……

လီဖူချန်းရဲ့နားလည်မှုက အရမ်းမြင့်မားပေမယ့် အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်တစ်ခုကို ဖန်တီးရတာ လွယ်ကူတဲ့အရာတစ်ခု မဟုတ်ပါဘူးလေ။

အဓိကအကြောင်းကတော့ လီဖူချန်းရဲ့လိုအပ်ချက်က မြင့်မားလွန်းလို့ပဲ။

တစ်နှစ်ကြာပြီးနောက် လီဖူချန်းက အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်တစ်ခုကို ဖန်တီးဖို့ အခွင့်အရေးတစ်ခုတောင် မရှိတာတော့ မဟုတ်ဘူး။ အဲဒီနေရာလပ်-အချိန်နတ်ဘုရားအတတ်တွေက လီဖူချန်းရဲ့စိတ်ကူးထဲကနဲ့ မကိုက်ညီနေလို့ပဲ။

လီဖူချန်းက လိုချင်တာ သာမန်အဆင့်မြင့်အစစ်အမှန်နတ်ဘုရားအတတ်မဟုတ်ဘူး၊ အနိမ့်ဆုံးထူးကဲအဆင့်မြင့်အစစ်အမှန်နတ်ဘုရားအတတ်တွေ ဖြစ်ရမယ်။

ဒါကြောင့် တောင်းဆိုမှုအလွန်မြင့်မားနေရတာပေါ့၊ အကြိမ်ကြိမ် ငြင်းပယ်နေခဲ့ရတယ်။

မျက်စိတစ်မှိတ်အတွင်း နောက်တစ်နှစ်က ကုန်ဆုံးသွားလေတော့တယ်။

"နောက်ဆုံးတော့ စစ်မှန်တဲ့ခံစားချက်ကို တွေ့ရှိပြီ"

လီဖူချန်းက စိတ်သက်သာရာရစွာ ပြုံးလိုက်တော့တယ်။

စစ်မှန်တဲ့ခံစားချက်ကို ရှာ။ ပြီးနောက် လီဖူချန်းရဲ့ဖန်တီးမှုဖြစ်စဉ်က ပိုပိုချောမွေ့လာတယ်၊ တိုးတက်မှုက နေတိုင်းနီးပါးဖြစ်လာတယ်။

အုန်း.....

ဒီနေ့မှာ ငွေရောင်တောင်ပံအာကာသယာဉ်က ဥက္ကာခဲဧရိယာတစ်ခုသို့ ရောက်ရှိလာခဲ့တယ်။

ဒီဥက္ကာခဲဧရိယာက ကြီးမားကျယ်ပြန့်တယ်၊ မင်းက ကွေ့ပတ်သွားချင်ရင် နှစ်အနည်းငယ်သွားရလောက်တယ်။

အရှိန်က မြန်တယ်၊ ထိန်းချုပ်မှုက မရှိတာကြောင့် ငွေရောင်တောင်ပံအာကာသယာဉ်ရဲ့အရှိန်က မလျော့ကျဘဲ  မီတာအချို့အရွယ်အစားရှိတဲ့ဥက္ကာခဲတစ်ခုနဲ့ ရိုက်မိတယ်။

ဥက္ကာခဲက အရမ်းမာတာ၊ ငွေရောင်တောင်ပံအာကာသယာဉ်က အလယ်ဆင့်စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးဖြစ်တယ်။ ဒီအရှိန်နဲ့ဆိုရင် အဆင့်နိမ့်စိတ်ဝိညာဉ်နတ်ဘုရားတွေကတောင် အပြင်းအထန် ဒဏ်ရာရသွားမှာ၊ အားနည်းတဲ့အဆင့်နိမ့်စိတ်ဝိညာဉ်နတ်ဘုရားတွေဆိုရင် သူတို့ရဲ့နတ်ဘုရားစွမ်းအားက တိုက်ရိုက်ချေမှုန်းခံသွားရနိုင်တယ်၊ ဒါပေမယ့် ဒီဥက္ကာခဲက အပိုင်းအစအနည်းငယ်ပဲ ပဲ့ထွက်သွားခဲ့တယ်။

အားကောင်းတဲ့သက်ရောက်မှုနဲ့ အတွေ့မှာ ငွေရောင်တောင်ပံအာကာသယာဉ်ရဲ့အရှိန်က လျင်မြန်စွာ လျော့ကျသွားပြီး ဒီအချိန်အတောအတွင်း ၎င်းက ဥက္ကာခဲအချို့နဲ့ တိုက်မိသွားခဲ့တယ်။

ကုန်းပတ်ပေါ်မှာ လီဖူချန်းက နက်ရှိုင်းတဲ့နားလည်မှုအခြေအနေတစ်ခုမှာ နစ်မြုပ်နေတယ်။

အုန်း အုန်း အုန်း......

ဥက္ကာခဲဇုန်ထဲရှိ ဥက္ကာခဲတွေက အလွန်ထူထပ်သိပ်သည်းတယ်၊ အချိန်ခဏလေးတိုင်းမှာ ငွေရောင်တောင်ပံအာကာသယာဉ်က ဥက္ကာခဲတစ်ခုဒါမှမဟုတ်နှစ်ခုနဲ့ တိုက်မိနေလေတယ်။

တဖြည်းဖြည်းနဲ့ ငွေရောင်တောင်ပံအာကာသယာဉ်ရဲ့အရှိန်က အလွန်ဆိုးဝါးတဲ့အဆင့်တစ်ခုသို့ လျော့ကျလာခဲ့တယ်။

ဘယ်အဆင့်မြင့်အစစ်အမှန်နတ်ဘုရားတစ်ယောက်မဆို ငွေရောင်တောင်ပံအာကာသယာဉ်ထက် ပိုမြန်မယ်လို့ လီဖူချန်းက ခန့်မှန်းထားခဲ့တယ်။

ဒီဥက္ကာခဲဧရိယာကို ဝုရာမိုက်ဥက္ကာခဲအုပ်စုလို့ ခေါ်တယ်။

၎င်းက အနီးနားရှိအသေးစားချီလီယိုခါဇန်နတ်ဘုရားကမ္ဘာရာထောင်ကြားမှာ အရမ်းကျော်ကြားတယ်။

ကျော်ကြားတဲ့အကြောင်းရင်းကတော့ ဝုရာမိုက်ဥက္ကာခဲအုပ်စုက ကြီးမားတဲ့ဧရိယာတစ်ခုကို ဖုံးလွှမ်းထားတာလို့တော့မဟုတ်။

ဝုရာမိုက်ဥက္ကာခဲအုပ်စုမှာ သတ္တုကြယ်ဝုရာမိုက်တစ်ခုရှိတယ်လေ။

ဝုရာမိုက်သတ္တုကြယ်က ကြယ်လေးလုံးအဆင့်နိမ့်နတ်ဘုရားအဆင့်သတ္တုဖြစ်တဲ့ အဖြိုက်နက်သတ္တုကြောတွေ ကြွယ်ဝတယ်။

ကြယ်လေးလုံးအဆင့်နိမ့်သတ္တုတစ်ခုဖြစ်တဲ့အဖြိုက်နက်သတ္တုက အဆင့်နိမ့်ဆန်းကြယ်နတ်ဘုရားအသုံးအဆောင်ပစ္စည်းတွေကို သန့်စင်ဖို့အတွက် အကောင်းဆုံးပစ္စည်းတွေထဲကတစ်ခုဖြစ်တာကြောင့် အပိုင်းအစတစ်ခုကို ရရုံနဲ့တင် ဘယ်အဆင့်မြင့်အစစ်အမှန်နတ်ဘုရားတစ်ယောက်ကိုမဆို ချက်ချင်းကြွယ်ဝစေဖို့ လုံလောက်တယ်။

ဒါပေမယ့် အခွင့်အလမ်းက ပိုကြီးမားလေလေ၊ အန္တရာယ်က ပိုကြီးလေပဲ။

ဝုရာမိုက်ဥက္ကာခဲအုပ်စုကို ကံစမ်းဖို့ လာကြတဲ့ အဆင့်မြင့်အစစ်အမှန်နတ်ဘုရားတွေ အများကြီးရှိတယ်၊ တိုက်ခိုက်မှုတွေက မကြာခဏဖြစ်ပွားနေတာ။

အပေါက်ဒါဇင်ကျော်ရှိတဲ့ပျားတူအုံတစ်ခုနဲ့တူတဲ့ဥက္ကာခဲတစ်ခုအထဲမှာ ဦးချိုတစ်ချောင်း၊မျက်လုံးတစ်လုံးနဲ့အဆင့်မြင့်အစစ်အမှန်နတ်ဘုရားတစ်ယောက်က ကျင့်ကြံနေတယ်။ သူ့ဘေးနားရှိမြေပြင်ပေါ်မှာ အရိုးတွေအစုလိုက်အပုံလိုက်ရှိနေတယ်။ ကိုက်ဖြတ်စားသောက်ထားတဲ့လက္ခဏာတွေမှန်း သိသာတယ်။

ရှာဒီယာ၊ သားရိုင်းနတ်ဘုရားကမ္ဘာရဲ့အဆင့်မြင့်အစစ်အမှန်နတ်ဘုရား။

သူက သေဆုံးသွားတဲ့ရန်သူတွေရဲ့အရိုးတွေကို စားသောက်တဲ့အလေ့အထတစ်ခုရှိတယ်။

သေသွားတဲ့ရန်သူက ပိုသန်မာလေ၊ သူ့ရဲ့စားချင်စိတ်က ပိုသန်မာလေပဲ။

"ဟမ်၊ ဘာသံလဲ"

ရှာဒီယာက သူ့ရဲ့မျက်လုံးတစ်လုံးကို ဖွင့်လိုက်တယ်၊ သူ့ရဲ့နတ်ဘုရားစွမ်းအားက တိုးချဲ့လာတယ်။

မကြာမီမှာပဲ သူက နတ်ဘုရားအသုံးအဆောင်ပစ္စည်းသင်္ဘောတစ်စင်းကို မြင်တွေ့ခဲ့တယ်။

အဲဒါက ငွေရောင်နတ်ဘုရားအသုံးအဆောင်ပစ္စည်းအာကာသယာဉ်တစ်ခု။ အာကာသယာဉ်ရဲ့ကုန်းပတ်ပေါ်မှာ ငယ်ရွယ်တဲ့အဆင့်မြင့်အစစ်အမှန်နတ်ဘုရားတစ်ယောက်က တင်ပျဉ်ခွေကာ ထိုင်နေတယ်။ သူက အပြင်ကမ္ဘာနဲ့ ပတ်သက်ပြီး ဘာမှ မသိပုံပဲ။ အာကာသယာဉ်က ဥက္ကာခဲတစ်ခုကို တိုက်မိတဲ့အချိန်မှာ တစ်ဖက်လူက နိုးတောင် မနိုးဘူး။

"ဒါ စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စင်းများလား"

မျက်လုံးက သင်္ဘောထံ ရွှေ့ပြောင်းနေရင်း ရှာဒီယာက ထိတ်လန့်တုန်လှုပ်နေမိတော့တယ်။

ဒီဥက္ကာခဲတွေက ဘယ်လောက်တောင် မာကျောသလဲကို သူ အတိအကျ သိတယ်။

သာမန်အစစ်အမှန်နတ်ဘုရားအသုံးအဆောင်ပစ္စည်းအာကာသယာဉ်က တိုက်မိတယ်ဆိုရင် ဘယ်လောက်ထိခိုက်သွားမလဲကို ဖော်ပြစရာမလိုပေမယ့် အရှိန်က ဆိုးဝါးတဲ့အဆင့်တစ်ခုအထိ အနည်းဆုံး လျော့ကျသွားမှာ၊ နောက်ဆက်တွဲဖြစ်ရပ်တွေတောင် ဖြစ်လာမှာပဲ။

အခြားတစ်ဖက်မှာတော့ ဒီငွေရောင်အာကာသယာဉ်ရဲ့အရှိန်က ပိုပိုနှေးလာနေပေမယ့် ရှေ့ကို အားကောင်းကောင်းနဲ့ ရွေ့လျားနေတုန်းပဲ၊ ၎င်းရဲ့ဦးတည်ဘက်ကတောင် အများကြီးပြောင်းလဲမသွားဘူး။

"ဒါ စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးပဲဖြစ်ရမယ်"

ရှာဒီယာရဲ့မျက်လုံးတွေက လင်းလက်သွားတယ်။

I

လီဖူချန်းက နိုးထ‌နေရင် သူက ဘယ်လုပ်ရဲပါ့မလဲ။

သူ အခုထိ အသက်ရှင်နေတာပဲ ကြည့်လေ။ ပထမ၊ သူက အဆင့်မြင့်အစစ်အမှန်နတ်ဘုရား‌တွေကြားမှာ အရမ်းအားကောင်းတယ်။ ဒုတိယ၊ သူက အနေအထားကို ကြည့်တယ်၊ သူက မပိုင်ရင် ခြင်တောင် ရိုက်တဲ့သူမျိုးမဟုတ်။

အခု အခွင့်အလမ်းကောင်းတစ်ခု ဆိုက်ရောက်လာမှတော့ သူက သေချာပေါက် အမိအရဆုပ်ကိုင်ရမှာပေါ့။

လီဖူချန်းက ဘာကြောင့် အပြင်ကမ္ဘာနဲ့ပတ်သက်ပြီး ဘာတစ်ခုမှ မသိသလဲဆိုတာကို သူ မသိဘူး။  လီဖူချန်းက ပြဿနာတစ်ခုခုဖြစ်နေတယ်လို့ပဲ သူက ခန့်မှန်းထားတယ်၊ ရုတ်တရက်မတော်တဆမှုတစ်ခုဖြစ်သွားတာမျိုးပေါ့၊ ဒါကြောင့် ဘာတစ်ခုမှ ကြိုတင်ပြင်ဆင်ထားတာတွေ မရှိတာပေါ့။

ရှာဒီယာက ရုတ်တရုတ် တိုက်ခိုက်လိုက်တယ်။

"သားရိုင်းဆုတ်ဖြဲကောင်းကင်လက်သည်း......"

အာကာသယာဉ်နဲ့ မနီးကပ်ခင် ရှာဒီယာက သူ့ရဲ့အစစ်အမှန်နတ်ဘုရားအတတ်ကို ထုတ်လွှတ်လိုက်တော့တယ်။

ဟင်းလင်းပြင်ထဲမှာ သွေးစွန်းလက်သည်းတစ်ခုက အာကာသယာဉ်ထဲသို့ ခုတ်ပိုင်းလိုက်တော့တယ်။

အုန်း......

သင်္ဘောအကာအကွယ်က မလှုပ်မလျက်ရှိနေလျက်ပါပဲ။

"ဘယ်လိုတောင် ခိုင်မာတဲ့အကာအကွယ်တစ်ခုလဲ"

သင်္ဘောအကာအကွယ်ကို မတုန်ခါနိုင်ခဲ့ပေမယ့် ရှာဒီယာက ရယ်လိုက်မိလေတယ်။

သူက အာကာသယာဉ်ကို အခုလို တိုက်ခိုက်ခဲ့တာ တောင် ကုန်းပတ်ပေါ်ရှိအဆင့်မြင့်အစစ်အမှန်နတ်ဘုရားက မနိုးလာဘူး၊ တစ်ဖက်လူက တစ်ခုခုဖြစ်ပျက်ခဲ့တယ်ဆိုတာ သေချာတယ်။

ပြဿနာတစ်ခုပဲ၊ သူက အကာအကွယ်ကို ချိုးဖြတ်ရမယ်၊ ပြီးရင် ဘယ်သူမှ မတွေ့ခင် အာကာသယာဉ်ကို သန့်စင်ရမယ်။

အသက်ကို ခပ်ပြင်းပြင်းရှုသွင်းလျက် ရှာဒီယာက အာကာသရဲ့အကာအကွယ်ကို ကသုတ်ကရက် တိုက်ခိုက်နေတော့တယ်။

တစ်ရက်၊ သုံးရက်၊ ဆယ်ရက်......

"ဘာဖြစ်တာလဲ"

ဆယ်ရက်ဆက်တိုက်ထိ အာကာသယာဉ်ရဲ့အကာအကွယ်ကို ချိုးဖြတ်ဖို့ ကျဆုံးခဲ့တယ်၊ ဒါက ရှာဒီယာကို အနည်းငယ်မလွယ်ကူသလို ခံစားမိစေတယ်။

ပုံမှန်အားဖြင့် ပြောရရင် ဘယ်သူ့ရဲ့ထိန်းချုပ်မှုမရှိတဲ့အနေအထားမှာ အာကာသယာဉ်ရဲ့အကာအကွယ်ရဲ့ခွန်အားက အဆင့်တစ်ခုရဲ့တစ်ဝက်လောက် လျော့ကျရမှာပဲ။ ဒါက အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးဆိုရင် ဘယ်သူမှမထိန်းချုပ်ထားတဲ့အနေအထားမှာ ဆယ်ရက်ကျော်ရင် အကာအကွယ်ကို ချိုးဖြတ်နိုင်သင့်ပါပြီ။

"ဒါက အဆင့်နိမ့်စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စင်းမဟုတ်ဘဲ အလယ်ဆင့်စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စင်းများလား"

ရှာဒီယာက ရဲတင်းစွာ ခန့်မှန်းချက်တစ်ခု ပြုလိုက်တယ်။

ရှာဒီယာရဲ့မျက်လုံးတွေက ရုန်းကန်မှုနဲ့လောဘတို့ လွန်ဆွဲနေတော့တယ်။

"ကဲ၊ ဘယ်လိုလဲ"

ရှာဒီယာက အံကြိတ်လိုက်မိတယ်၊ သူ့မျက်နှာက ရက်စက်မှုတွေအပြည့်ဖြစ်နေလျက်။

ကြွယ်ဝမှုအတွက်ဆိုရင် သတ်သင့်ရင် သတ်ရမှာပဲ။ အလယ်ဆင့်စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စင်းက သူ့ကို အရူးအမူးဖြစ်စေဖို့ လုံလောက်ပါတယ်လေ။

"ဟားဟား၊ ရှာဒီယာ၊ မင်း ငါတို့စုံတွဲကို ဒီလိုပစ္စည်းကောင်းတစ်ခုအတွက် ဘာလို့ မခေါ်တာလဲ"

မနီးမဝေးမှ ပုံရိပ်နှစ်ခုက ဥက္ကာခဲတစ်ခုပေါ်မှာ ထွက်လာတယ်။

ပုံရိပ်နှစ်ခု၊ အမျိုးသားတစ်ယောက်နဲ့အမျိုးသမီးတစ်ယောက်၊ အမျိုးသားရဲ့ဆံပင်က ခြောက်ကပ်ကာ အဝါရောင်သမ်းနေတယ်၊ သူ့မျက်လုံးတွေက ခရမ်းရောင်ရှိတယ်၊ အမျိုးသမီးရဲ့အသွင်အပြင်က ပထမတန်းစားပဲ၊ ဒါပေမယ့် ရှည်လျားကျဉ်းမြောင်းတဲ့မျက်လုံးတွေက အလှတစ်ခုလုံးကို ဖျက်ဆီးပစ်ခဲ့တယ်။

"အဆိပ်အရိပ်အသူရာ"

ရှာဒီယာရဲ့မျက်နှာက အရုပ်ဆိုးသွားတော့တယ်၊ သူ အစိုးရိမ်ဆုံးအရာဖြစ်လာခဲ့ပါပြီ။

အဆိပ်အရိပ်အသူရာက ယောင်္ကျားလူဆိုး၊ မိန်းမသူခိုးလို့ကျော်ကြားတဲ့ စုံတွဲပါပဲ။ တစ်ယောက်ဆိုရင် ရှာဒီယာက ဂရုမစိုက်ပါဘူး၊ ဒါပေမယ့် နှစ်ယောက်ဆိုရင်တော့ သူက ထိတ်လန့်မိပါတယ်။

သူ့မျက်လုံးတွေက နတ်ဘုရားအသုံးအဆောင်ပစ္စည်းအာကာသယာဉ်အပေါ် ကျရောက်သွားတယ်၊ အနှီလူက ပြောလိုက်တယ်"ရှာဒီယာ၊ ငါ ထင်တာ မမှားရင် ဒါက စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်ပဲ ဖြစ်ရမယ်၊ မဟုတ်ရင် မင်း ဒီလောက်အရူးအမူးဖြစ်နေစရာမလိုဘူးလေ"

"အဲ့တော့ ဘာဖြစ်လဲ"

ရှာဒီယာက သင်္ဘောရဲ့အကာအကွယ်ကို တိုက်ခိုက်နေတာကို ရပ်ထားတာ ကြာပါပြီ။

ရွှေရောင်(အဝါရောင်)ဆံပင်နဲ့လူက ပြုံးလိုက်တယ်"ဒိီလိုလုပ်ကြမလား၊ အိမ်မက်ဆိုးတွေများလာမှာကို ရှောင်ရှားဖို့ ငါတို့တွေ အာကာသယာဉ်ရဲ့အကာအကွယ်ကို အတူတကွ တိုက်ခိုက်ကြရအောင်။ အကာအကွယ်ချိုးဖြတ်ပြီးရင် ကိုယ့်ရာကိုယ် အကောင်းဆုံးလုပ်ကြတာပေါ့"

"ကောင်းပြီလေ" ရှာဒီယာက တစ်ခဏစဉ်းစားလိုက်တယ်၊ ဒါက အကောင်းဆုံးအဖြေပဲလို့ တွေးမိတယ်။

တကယ်တော့ သူတစ်ယောက်တည်းဆိုရင် အာကာသယာဉ်ရဲ့အကာအကွယ်ကို အချိန်တိုအတွင်းမှာ မချိုးဖြတ်နိုင်ဘူးလေ။

ပြီးတော့ရော၊ သူက သူ့ကိုယ်သူ ယုံကြည်ချက်ရှိတယ်။ အဆိပ်အရိပ်အသူရာရဲ့ဂုဏ်သတင်းက ကြီးမားပေမယ့် သူက သေတဲ့အထိ တိုက်ခိုက်ချင်ရင် အဆုံးမှာ အသက်ရှင်ကျန်ရစ်မှာ သူပဲလို့ ရှာဒီယာက ခံစားမိလေတယ်။

ဒီလိုနဲ့ သူတို့သုံးယောက်က သ‌င်္ဘောရဲ့အကာအကွယ်ကို ပူးပေါင်းတိုက်ခိုက်ကြတော့တယ်။

ကုန်းပတ်ပေါ်မှာ လီဖူချန်းက မသိမသာမျက်မှောင်ကြုတ်လိုက်တယ်။

အဆင့်မြင့်အစစ်အမှန်နေရာလပ်-အချိန်နတ်ဘုရားအတတ်တစ်ခုကို ဖန်တီးဖို့ ခြေတစ်လှမ်းပဲ လိုတော့တယ်၊ ဒါပေမယ့် အပြင်ဘက်မှာ ယင်ကောင်တွေက အမြဲတမ်း တဝီဝီမြည်နေတယ်၊ ဒါက တကယ်စိတ်အနှောင့်အယှက်ဖြစ်စရာပဲ။

တကယ်တော့ ငွေရောင်တောင်ပံအာကာသယာဉ်က ဥက္ကာခဲကို တိုက်တာပဲဖြစ်ဖြစ် ဒါမှမဟုတ် ရှာဒိီယာက အာကာသယာဉ်အကာအကွယ်ကို တိုက်ခိုက်တာပဲဖြစ်ဖြစ်၊ သူ သိတယ်၊ သူက အာရုံစိုက်ရမှာ ပျင်းနေလို့ပဲ။

အကာအကွယ်ပေါ်မှာ သူထားထားတဲ့ စိတ်ဝိညာဉ်စွမ်းအားက ဘယ်လိုအခြေအနေမဆို သူ့ကို အာရုံခံမိစေတယ်။ လက်ရှိလှုပ်ရှားမှုတွေက သေရေးရှင်ရေးတော့မဟုတ်ဘူးပေါ့၊ ဒါပေမယ့် ဒုက္ခအသေးစားလေးတစ်ခုပဲ။

နောက်ထပ်ဆယ်ရက်ကြာပြီးနောက် အာကာသယာဉ်ရဲ့အကာအကွယ်ကိုတိုက်ခိုက်တဲ့လူအရေအတွက်က သုံးယောက်မှ ခုနှစ်ယောက်အထိ ရှိလာတယ်။

ရှာဒီယာ၊ အဆိပ်အရိပ်အသူရာနဲ့သူ့ဇနီး၊ ခါးကုန်းကြီးတစ်ယောက်၊ သမန်းဝံပုလွေတစ်ယောက်၊ နဖူးပေါ်မှာ လိမ်ခွေနေတဲ့ဦးချိုတစ်စုံနဲ့ အဆင့်မြင့်အစစ်အမှန်နတ်ဘုရားတစ်ယောက်၊ အစိမ်းရောင်အရေပြားနဲ့ကြွက်သားအမြောင်းမြောင်းရှိတဲ့နှာခေါင်းချွန်ချွန်မွန်းစတားတစ်ကောင်။

ဒီလူခုနှစ်ယောက်ထဲမှာ အားအနည်းဆုံးက အဆင့်မြင့်အစစ်အမှန်နတ်ဘုရားတွေအကြားမှာ ပထမတန်းစားဖြစ်ပြီး အသန်မာဆုံးက နတ်ဆိုးကလန်ရဲ့အဆင့်မြင့်အစစ်အမှန်နတ်ဘုရားသေမင်းနတ်ဆိုးပါပဲ။

"‌ကောင်းပြီ"

ကုန်းပတ်ပေါ်မှာ လီဖူချန်းက နောက်ဆုံးမှာ ဈာန်ဝင်စားခြင်းအနည်းငယ်ရရှိလာပြီး အဲဒါကို ဖန်တီးခြင်းအောင်မြင်ဖို့ ခြေတစ်လှမ်းပဲ လိုတော့တဲ့ နေရာလပ်-အချိန်အဆင့်မြင့်အစစ်အမှန်နတ်ဘုရားအတတ်ထဲသို့ ပေါင်းစပ်ခဲ့တယ်။

အုန်း........

မမြင်နိုင်တဲ့အလင်းတစ်ခု၊ လီဖူချန်းကို ဗဟိုပြုလျက် ဦးတည်ဘက်တိုင်းကို ပျံ့နှံ့လာတယ်။

ရှာဒိယာတို့က တုံ့ပြန်ဖို့ အချိန်မရှိခဲ့ဘူး၊ တိုက်ရိုက်လွှမ်းခြုံသွားတော့တယ်။

အကြောင်းပြချက်မရှိစွာနဲ့ ရှာဒီယာတို့ခုနှစ်ယောက်နဲ့ငွေရောင်တောင်ပံအာကာသယာဉ်ကြား အကွအဝေးက ပိုပိုပြီးကြီးမားလာတယ်။

ကြောက်စရာအကောင်းဆုံးအရာကတော့ သူတို့ရဲ့အရေပြားနဲ့ဆံပင်တွေက ခြောက်သွေ့လာတာပဲ။

ရှာဒီယာတို့ခုနှစ်ယောက်လုံးက ထိတ်လန့်တုန်လှုပ်သွားကြတယ်။

သူတို့ဘယ်နေရာမှာ ရောက်ရှိနေသလဲကို သူတို့မသိတော့၊ သူတို့ကို လီဖူချန်းရဲ့နေရာလပ်-အချိန်နတ်ဘုရားအတတ်က ဖမ်းထားတာကိုး။

ဒါက အလွန်အမင်းကြောက်စရာကောင်းတဲ့နေရာလပ်-အချိန်နတ်ဘုရားအတတ်တစ်ခုပဲ၊ သူတို့နေထိုင်ရာဟင်းလင်းပြင်က အလွန်ကျယ်ပြောလာတယ်၊ အချိန်စီးဆင်းမှုကလဲ အဆမရေမတွက်များစွာ တိုးလာတယ်။

မဟုတ်ဘူး၊ အချိန်စီးဆင်းမှု အဆမရေမတွက်များစွာ တိုးလာတာ မဟုတ်ဘူး။

ရန်သူရဲ့စွမ်းရည်နဲ့ဆိုရင် အချိန်စီးဆင်းမှုက အဆဒိီလောက်အများကြီး တိုးဖို့က မဖြစ်နိင်သေးဘူး။

တစ်ဖက်လူက သူတို့ရဲ့သက်တမ်းကို ရိတ်သိမ်းနေတာပဲ။

အသက်တစ်ခါရှုချိန်တစ်ဝက်တောင် မပြည့်ခဲ့ဘဲ ခါးကုန်းကြီးက ပထမဆုံးလဲကျသွားလေတယ်။ သူ မလဲကျခင် အခိုက်အတန့်မှာ သူ့ကို ကြည့်ရတာ အရမ်းအိုလွန်းနေတယ်၊ သူ့ရဲ့စိတ်ဝိညာဉ်အရိပ်အယောင်တစ်ခုပဲ ကျန်ရစ်တော့တယ်။

ဒုတိယမြောက်က သမန်းဝံပုလွေ၊ တတိယက အဆိပ်အရိပ်အသူရာစုံတွဲမှရွှေရောင်ဆံပင်နဲ့လူ၊ စတုတ္ထက ရွှေရောင်ဆံပင်နဲ့လူရဲ့ဇနီး၊ ပဉ္စမက ရှာဒီယာ၊ ဆဌမက နှာခေါင်းချွန်မွန်းစတား။

ဒီအချိန်မှာ အသက်တစ်ခါရှုချိန်တစ်ဝက်ပဲ ကုန်ဆုံးခဲ့တယ်။

"ဒါက နေရာလပ်-အချိန်ပိုင်နက်အစစ်အမှန်နတ်ဘုရားအတတ်ပဲ"

သေမင်းနတ်ဆိုးက နောက်ဆုံးလဲကျသွားသူပေါ့။

တကယ်တမ်းတော့ သူက အငယ်ဆုံးမဟုတ်သလို သက်တက်အရှည်ဆုံးလဲမဟုတ်။

ဒါပေမယ့် သူက သေခြင်းဥပဒေသကို လေ့ကျင့်ထားတယ်။

အဆင့်မြင့်ဥပဒေသတွေထဲကတစ်ခုအနေနဲ့ သေမင်းဥပဒေသက အလွန်အားကောင်းတယ်၊ ဒါကြောင့် သူက အဆုံးထိ အသက်ရှင်နိုင်တယ်။

ကံမကောင်းစွာနဲ့ စစ်မှန်တဲ့ထိပ်တန်းအဆင့်နေရာလပ်-အချိန်ဥပဒေသနဲ့ ရင်ဆိုင်အတွေ့မှာတော့ သေခြင်းဥပဒေသက အားနည်းလွန်းပါသေးတယ်။

ထပ်ပြောရရင် ရန်သူအသုံးပြုနေတာက သာမန်နေရာလပ်-အချိန်အစစ်အမှန်နတ်ဘုရားအတတ်တစ်ခုမဟုတ်ဘဲ နေရာလပ်-အချိန်ပိုင်နက်အစစ်အမှန်နတ်ဘုရားအတတ်တစ်ခုပဲလေ။

ခေါင်းပေါ်ရှိဦးချိုက ကျသွားတယ်၊ သေမင်းနတ်ဆိုးရဲ့စိတ်ဝိညာဉ်က လုံးဝ‌ပျောက်ကွယ်သွားတယ်၊ ခန္ဓာကိုယ်ကလဲ ချက်ချင်း ပြာဖြစ်သွားတော့တယ်။

သူ့မျက်လုံးတွေဖွင့်လျက် လီဖူချန်းက ထရပ်လိုက်တယ်။

"မင်းကို အိမ်မက်တစ်ခုပမာဘဝစီး‌မျောခြင်းလို့ အမည်ပေးလိုက်မယ်"

လီဖူချန်းက ဒီ‌‌ နေရာလပ်-အချိန်အဆင့်မြင့်အစစ်အမှန်နတ်ဘုရားအတတ်ကို အိမ်မက်ပမာဘဝစီး‌မျောခြင်းလို့ အမည်မှည့်ခဲ့တယ်။

ဆိုလိုတာ‌ကတော့ အသက်က အိမ်မက်ပမာ တို‌တောင်းသွားရတယ်လေ။

ငွေရောင်တောင်ပံအာကာသယာဉ်ကို တိုက်ခိုက်‌ခဲ့တဲ့လူခုနှစ်ယောက်က မရိုးရှင်းဘူးဆိုတာ လီဖူချန်းက မြင်နိုင်တယ်။ ဒီဥက္ကာခဲဧရိယာထဲမှာ သူတို့က ကျော်ကြားသူတွေပဲဖြစ်မယ်။

ဒါပေမယ့် အသက်တစ်ခါရှုချိန်တောင် မရှိလိုက်ဘဲ သူတို့က သူတို့ရဲ့အသက်တွေကို ဆုံးရှုံးသွားခဲ့ရတယ်။

လီဖူချန်းကတောင် သက်ပြင်းချမိသွားလေတယ်။

***