အဆင့်နိမ့်ဆန်းကြယ်နတ်ဘုရားအဆင့်သို့ ချိုးဖြတ်ခြင်း

"ခရမ်းရောင်တိမ်နတ်ဘုရားကမ္ဘာကို ရောက်ပြီးဆိုတော့ ငါ အဖိုးကြီးလဲ ထွက်သွားရတော့မှာပေါ့။ မင်းနဲ့ နောက်တစ်ကြိမ်ပြန်တွေ့ရဖို့ ငါ မျှော်လင့်ပါတယ်"

အစကနေအဆုံးထိ လူအိုကြီးက သူ့နာမည်ကို လီဖူချန်းကို မပြောပြခဲ့ပါဘူး။

သူက နေရာတစ်ခုကိုရှာဖွေပြီး ဘဝရဲ့စစ်မှန်တဲ့အဓိပ္ပါယ်ကို နားလည်ဖို့ စီစဉ်ထားတယ်။ သူက အကောင်းဆုံးနားလည်နိုင်ရင် သူ့ရဲ့သက်တမ်းက ဆယ်ဆတိုးလာနိုင်တယ်။ သူက အဲဒါကို နားမလည်နိုင်ရင် သူက ဘယ်သူကိုမှ အပြစ်တင်လို့မရပါဘူး။

လူအိုကြီးက ထွက်ခွာသွားသလို စစ်ခုန်းကျိုက်ရှင်းကလဲ သူ့ရဲ့ကိုယ်ပိုင်ဆုံးဖြတ်ချက်ကို ပြုလုပ်ခဲ့တယ်။ သူက ကြယ်လေးလုံးဂိုဏ်းဖြစ်တဲ့အမ်ရန်ဂိုဏ်းနဲ့ ပူးပေါင်းဖို့ ဆုံးဖြတ်ခဲ့တယ်။

ခရမ်းရောင်တိမ်နတ်ဘုရားကမ္ဘာက ဖရိုဖရဲဖြစ်ကာ အန္တရာယ်များတယ်။ သူက ရောက်ရှိကာစပဲ ရှိတာ၊ တစ်ယောက်တည်းကျင့်ကြံရင် သေခြင်းကို ရှာဖွေနေတာနဲ့ အတူတူပါပဲ။ ဂိုဏ်းတစ်ခုနဲ့ အရင်ပူးပေါင်းပြီး ဂိုဏ်းရဲ့အရင်းအမြစ်တွေကို သုံးကာ သူ့ရဲ့ခွန်အားကို တိုးတက်စေတာ ပိုကောင်းတယ်။

သူ့ရဲ့ပါရမီနဲ့ထိုးထွင်းသိမြင်မှုအရဆိုရင် သူ့ကို အမ်ရန်ဂိုဏ်းက သေချာပေါက်တန်ဖိုးထားမယ်လို့ သူက ယုံကြည်တယ်။

နောက်တစ်နေ့မှာ စစ်ခုန်းကျိုက်ရှင်းနဲ့ကြီးမားတဲ့လူအုပ်ကြီးတစ်ခုက အမ်ရန်ဂိုဏ်းကို ဦးတည်တဲ့ အာကာသယာဉ်ပေါ်သို့ တက်သွားခဲ့တယ်။

သူတစ်ယောက်တည်းပဲ အမ်ရန်ဂိုဏ်းကို ပူးပေါင်းချင်တာ မဟုတ်မှန်း သိသာတယ်။

"ရက်အနည်းငယ်လောက် အနားယူရမယ်၊ ပြီးရင်တော့ ချိုးဖြတ်ဖို့ နေရာတစ်ခုကို ရှာရမယ်"

လီဖူချန်းက နယ်ပယ်ကို ချိုးဖြတ်ဖို့ အလျင်မလိုပါဘူး၊ သူက ဒီရက်အနည်းငယ်ကို အသုံးချကာ ခရမ်းရောင်တိမ်နတ်ဘုရားကမ္ဘာနဲ့ပတ်သက်ပြီး ကောင်းကောင်းနားလည်အောင် လုပ်ရမယ်။

……

"အလတ်စားချီလီယိုခါဇန်နတ်ဘုရားကမ္ဘာဆိုတဲ့အတိုင်းပဲ"

အမ်ရန်မြို့ရဲ့အကောင်းဆုံးစားသောက်ဆိုင်ထဲမှာ လီဖူချန်းက ပြတင်းပေါက်ဘေးမှာ ထိုင်ကာ စိတ်အေးလက်အေးသောက်နေတယ်။

အမ်ရန်မြို့ရဲ့လူဦးရေက ရှစ်သန်းခန့်ရှိပြီး သူတို့ရဲ့ကိုးဆယ်ရာခိုင်နှုန်းက အလယ်ဆင့်နတ်ဘုရားတွေနဲ့အဆင့်မြင့်နတ်ဘုရားတွေဖြစ်ကြတယ်။ အစစ်အမှန်နတ်ဘုရားအရေအတွက်က တစ်သန်းအောက်ရှိပြီး စိတ်ဝိညာဉ်နတ်ဘုရားအရေအတွက်က ထောင်အနည်းငယ်ရှိတယ်။

ဒါက အဆင့်တစ်နတ်ဘုရားမြို့တစ်မြို့မျှပဲ။ အဆင့်တစ်နတ်ဘုရားမြို့အထက်မှာ အဆင့်၂နတ်ဘုရားမြို့နဲ့ အဆင့်သုံးနတ်ဘုရားမြို့တွေ ရှိတယ်။

အလယ်ဆင့်နတ်ဘုရားတွေနဲ့အဆင့်မြင့်နတ်ဘုရားတွေများတာကြောင့် အမ်ရန်မြို့ရဲ့သုံးစွဲမှုက အလွန်နိမ့်တယ်။ သာမန်တည်းခိုခန်းတစ်ခုမှာ တစ်ညတာအတွက် နတ်ဘုရား‌ကျောက်တုံးတစ်သောင်းမျှသာရှိတယ်၊ အဲဒါက အဆင့်နိမ့်အသုံးအဆောင်ပစ္စည်းတစ်ခုနဲ့ညီမျှတယ်။

ခရမ်းရောင်တိမ်နတ်ဘုရားကမ္ဘာမှာ အဆင့်နိမ့်အသုံးအဆောင်ပစ္စည်းတွေက လုံးဝအဖိုးမတန်ပါဘူး။ အသုံးအဆောင်ပစ္စည်းဆရာသခင်အလုပ်သင်တစ်ယောက်က အဆင့်နိမ့်အသုံးအဆောင်ပစ္စည်းတွေကို သန့်စင်နိုင်တယ်။ အသုံးအဆောင်ပစ္စည်းဆရာသခင်အလုပ်သင်တစ်ယောက်က အလယ်ဆင့်အသုံးအဆောင်ပစ္စည်းတွေကို သန့်စင်နိုင်တဲ့အခါ အဲဒါက တရားဝင်ကြယ်တစ်လုံးအသုံးအဆောင်ပစ္စည်းဆရာသခင်တစ်ယောက်ဖြစ်တယ်။

အမ်ရန်မြို့မှအနေအထားအရ ခရမ်းရောင်တိမ်နတ်ဘုရားကမ္ဘာက ပါရမီရှင်တွေနဲ့ ပြည့်နေတာကို လီဖူချန်းက မြင်နိုင်တယ်၊ ဒါကြောင့် ဈေးနှုန်းက နိမ့်ပါတယ်။

ဥပမာအားဖြင့် အဆင့်နိမ့်အသုံးအဆောင်ပစ္စည်းတစ်ခုက နတ်ဘုရားကျောက်တုံးတစ်သောင်း၊ အလယ်ဆင့်အသုံးအဆောင်ပစ္စည်းတစ်ခုက နတ်ဘုရားကျောက်တုံးတစ်သိန်း၊ အဆင့်မြင့်အသုံးအဆောင်ပစ္စည်းတစ်ခုက နတ်ဘုရားကျောက်တုံးတစ်သန်းသာ ရှိတယ်။

အဆင့်နိမ့်အစစ်အမှန်အသုံးအဆောင်ပစ္စည်းတစ်ခုဆိုရင်တောင် နတ်ဘုရားကျောက်တုံးသန်းရာအနည်းငယ်ပဲ ရှိတယ်။

လီဖူချန်းမှာ နတ်ဘုရား‌ကျောက်တုံးတွေ အမြောက်အများရှိတယ်။ အညံ့စားနတ်ဘုရားကျောက်တုံးတွေရဲ့အရေအတွက်က ဆယ်ထရီလီယံခန့်ရှိတယ်။

ဒါက အလွန်ကြီးမားတဲ့ပမာဏတစ်ခုပါပဲ။

လီဖူချန်းက အသေးစိတ်ကြည့်လိုက်တယ်။ အမ်ရန်မြို့ထဲရှိစိတ်ဝိညာဉ်နတ်ဘုရားအသုံးအဆောင်ပစ္စည်းတွေကို အဆင့်နိမ့်နတ်ဘုရားကျောက်တုံးတွေနဲ့ပဲ ဝယ်နိုင်တယ်။

လက်ရှိမှာ လီဖူချန်းရဲ့အဆင့်နိမ့်နတ်ဘုရားကျောက်တုံးတွေက အဆင့်မြင့်စိတ်ဝိညာဉ်နတ်ဘုရားအသုံးအဆောင်ပစ္စည်းရာကျော်ကို ဝယ်ယူနိုင်တယ်။

""ဧည့်သည်လေး၊ မင်းက နတ်ဘုရားကျောက်တုံး၉.၈သန်းကို သုံးစွဲခဲ့တာပဲ" လီဖူချန်းက ထွက်သွားတော့မှာကို မြင်ပြီး ဆိုင်စာရေးက အလောတကြီးရောက်လာတယ်။

"ရော့ ဒီမှာ၊ ကျန်တာတွေက မင်းအတွက် ဘောက်ဆူးပဲ"

လီဖူချန်းက တစ်ဖက်လူကို နောက်ကျောမှာသွေးအမှတ်အသားတစ်ခုနဲ့အတူဆယ်သန်းလို့သတ်မှတ်ထားတဲ့အနက်ရောင်ဒင်္ဂါးတစ်ခုကို ပေးလိုက်တယ်။

"ကျေးဇူးတင်ပါတယ်၊ ကျေးဇူးတင်ပါတယ်"

ဆိုင်အကူရဲ့မျက်လုံးတွေက လင်းလက်သွားတယ်၊ နတ်ဘုရားကျောက်တုံးနှစ်သိန်းက သူ့လစာရဲ့လနည်းငယ်စာရှိတာလေ။

လီဖူချန်းက ပြုံးလိုက်တယ်၊ သွေးစွန်းနန်းတော်က ပြဌာန်းထားတဲ့ သွေးစွန်းဒင်္ဂါးတွေက တကယ်ကို အဆင်ပြေတာပဲ။

သွေးစွန်းဒင်္ဂါးအကြောင်းပြောရင် ပထမဆုံးပြောရမှာက သွေးစွန်းနန်းတော်ပဲ။

ခရမ်းရောင်တိမ်နတ်ဘုရားကမ္ဘာမှာ တိုက်ကြီးခုနှစ်ခုရှိတယ်၊ တစ်ခုစီက ဂိုဏ်းကြီးခုနှစ်ဂိုဏ်းက အုပ်ချုပ်တယ်။

လီဖူချန်းနေထိုင်တဲ့တိုက်ကြီးကို သွေးစွန်းတိုက်ကြီးလို့ခေါ်ပြီး သွေးစွန်းနန်းတော်က အုပ်ချုပ်တယ်။

အရောင်းအဝယ်လုပ်ဖို့အတွက် သွေးစွန်းနန်းတော်က သွေးစွန်းဒင်္ဂါးတွေကို ပြဌာန်းထားခဲ့တယ်၊ အမည်အားဖြင့် အနက်ရောင်သွေးစွန်းဒင်္ဂါး၊ ကြေးညိုရောင်သွေးစွန်းဒင်္ဂါး၊ ငွေရောင်သွေးစွန်းဒင်္ဂါး၊  ရွှေရောင်သွေးစွန်းဒင်္ဂါး၊ အလားတူစွာပင် အဆင့်နိမ့်နတ်ဘုရားကျောက်တုံး၊ အလယ်ဆင့်နတ်ဘုရားကျောက်တုံး၊ အဆင့်မြင့်နတ်ဘုရားကျောက်တုံး၊ ထိပ်တန်းအဆင့်နတ်ဘုရားကျောက်တုံးတို့နဲ့ ညီမျှတယ်။

လီဖူချန်းက သွေးစွန်းဒင်္ဂါးတွေနဲ့ ပတ်သက်ပြီး သိပ်တော့ နားမလည်ပါဘူး။ အနက်ရောင်သွေးစွန်းဒင်္ဂါးကို နိမ့်ရာမှမြင့်ရာအထိ ခုနှစ်မျိုးခွဲခြားထားတယ်၊ တစ်သန်း၊ ဆယ်သန်း၊ သန်းတစ်ရာ၊ တစ်ဘီလီယံ၊ တစ်ဆယ်ဘီလီယံ၊ တစ်ရာဘီလီယံ၊ တစ်ထရီလီယံ။

ဒါက တကယ်ကို အဆင်ပြေတယ်လို့ လီဖူချန်းက ခံစားမိတယ်၊ ဒါကြောင့် သူက အဆင့်နိမ့်နတ်ဘုရားကျောက်တုံးတစ်ထရီလီယံကို အမ်ရန်မြို့ထဲရှိသွေးစွန်းနန်းတော်ရဲ့သွေးစွန်းဒင်္ဂါးစတိုးဆိုင်မှာ အပ်နှံခဲ့တယ်။

လမ်းတွေက လူတွေနဲ့ ပြာပန်းခတ်လှုပ်ရှားနေလေတယ်။

အမ်ရန်မြို့ကနေ ထွက်လျက် လီဖူချန်းက လူအပေါက်အရောက်နည်းပါးတဲ့ဦးတည်ဘက်တစ်ခုဆီ  ပျံသန်းသွားခဲ့တယ်။

……

ဒါက ကျတ်တီးတောင်တစ်ခုပဲ။ တောင်မှာ အသက်ဆိုတာ မရှိဘူး၊ ဒါပေမယ့် သတ္တုတူးတဲ့အရိပ်အယောင်တွေတော့ ရှိတယ်။

တောင်ထဲရှိရွာထဲမှာ လီဖူချန်းက တင်ပျဉ်ခွေထိုင်နေတယ်။

အုန်း.....

တစ်ဆို့မှုလုံးဝမရှိတာကြောင့် လီဖူချန်းရဲ့ဓားတာအိုစွမ်းအားက အတားအဆီးကို ချက်ချင်းချိုးဖြတ်ခဲ့ပြီး အဆင့်မြင့်အစစ်အမှန်နတ်ဘုရားမှ အဆင့်နိမ့်ဆန်းကြယ်နတ်ဘုရားသို့ မြင့်တက်လာနေတယ်။

"မလုံလောက်ဘူး"

လီဖူချန်းက အဆင့်နိမ့်နတ်ဘုရားကျောက်တုံးများစွာကို ယူထုတ်ခဲ့တယ်။

တစ်သန်း၊ ဆယ်သန်း၊ သန်းတစ်ရာ၊ တစ်ဘီလီယံ၊........

လီဖူချန်းရဲ့ခန္ဓာကိုယ်က အနက်ရောင်အပေါက်တစ်ခုပမာ နတ်ဘုရားကျောက်တုံးတွေထဲရှိချီ(အသက်အား)ကို ဝါးမျိုနေခဲ့တယ်။

လီဖူချန်းက မှတ်မိပါသေးတယ်၊ နောက်ဆုံးအကြိမ် ဓားတာအိုနတ်ဘုရားစွမ်းအားက အလယ်ဆင့်အစစ်အမှန်နတ်ဘုရားမှ အဆင့်မြင့်အစစ်အမှန်နတ်ဘုရားအထိ ချိုးဖြတ်ခဲ့တုန်းက အဆင့်နိမ့်နတ်ဘုရားကျောက်တုံးဆယ်သန်းကို သုံးစွဲခဲ့တယ်။ ပုံမှန်တိုးတက်မှုအရ အဆင့်မြင့်အစစ်အမှန်နတ်ဘုရားမှ အဆင့်နိမ့်စိတ်ဝိညာဉ်နတ်ဘုရားသို့ ချိုးဖြတ်တာက အများဆုံးအဆင့်နိမ့်နတ်ဘုရားကျောက်တုံးဘီလီယံအနည်းငယ်ပေပေါ့။

ဒါပေမယ့် ဒီတစ်ခါမှာတော့ အနေအထားက မတူပါဘူး။ ဒီတစ်ခါမှာတော့ လီဖူချန်းရဲ့ဓားတာအိုဥပဒေသအဆင့်က တိုးတက်တာ မြန်ဆန်လွန်းတယ်၊ သူက အဆင့်မြင့်စိတ်ဝိညာဉ်နတ်ဘုရားရဲ့စဦးအခြေအနေမှာ ရှိနေပြီးဖြစ်တယ်။

ထပ်ပြောရရင် ဓားတာအိုအနှစ်သာရမှာ အရည်အသွေးဆိုင်ရာချိုးဖြတ်မှုတစ်ခုရှိထားပြီဖြစ်တယ်။

ဆယ်သန်း၊ သန်းတစ်ရာ၊ တစ်ထရီလီယံ......

အဆင့်နိမ့်နတ်ဘုရားကျောက်တုံးတစ်ထရိီလီယံကျော်ကို သုံးစွဲပြီးနောက် လီဖူချန်းရဲ့ဓားတာအိုစွမ်းအားက ပြောင်းလဲ‌နေရာမှ ရပ်တန့်သွားခဲ့တယ်။

လက်ရှိအချိန်မှာ လီဖူချန်းရဲ့ဓားတာအိုနတ်ဘုရားစွမ်းအားအညွှန်းကိန်းက သန်းတစ်ရာ့လေးဆယ်မှ သန်းခြောက်ရာအထိ မြင့်တက်လာခဲ့တယ်။

ပုံမှန်အခြေအနေအောက်မှာ အဆင့်မြင့်စိတ်ဝိညာဉ်နတ်ဘုရားတွေရဲ့နတ်ဘုရားစွမ်းအားအညွှန်းကိန်းက သန်းငါးရာနဲ့တစ်ဘီလီယံကြားမှာ ရှိတယ်ဆိုတာ သိထားရမယ်။

"စိတ်ဝိညာဉ်စွမ်းအားက ဘယ်လောက်ထိ သန်မာနေမလဲ"

လီဖူချန်းက လူအိုကြီးပေးခဲ့တဲ့စိတ်ဝိညာဉ်စွမ်းအားပုံဆောင်ခဲကို ယူထုတ်လိုက်တယ်။

ဓားတာအိုစိတ်ဝိညာဉ်စွမ်းအားကို အထဲသို့ ထည့်သွင်းလိုက်တယ်။

အုန်း......

စိတ်ဝိညာဉ်စွမ်းအားအလင်းတန်းက တတိယစကေးအထိ တစ်ဟုန်ထိုးတက်သွားခဲ့တယ်။

လီဖူချန်းရဲ့စဦးစိတ်ဝိညာဉ်စွမ်းအားက တတိယအဆင့်ကို ရောက်ရှိနေပြီးလို့ဆိုလိုတယ်၊ ဒါက သာမန်အဆင့်မြင့်စိတ်ဝိညာဉ်နတ်ဘုရားတွေနဲ့ မကွာခြားတော့ပါဘူး။

"ဒီအဆင့်နိမ့်နတ်ဘုရားကျောက်တုံးတစ်ထရီလီယံကျော်က အလဟဿမဖြစ်ခဲ့ဘူးပဲ"

လီဖူချန်းက ပြုံးလိုက်တယ်။

လက်ရှိအချိန်မှာ သူ့ကို အဆင့်မြင့်စိတ်ဝိညာဉ်နတ်ဘုရားတစ်ယောက်လို့ပြောရင် မမှားပါဘူး၊ အကြောင်းကတော့ သူက သာမန်အဆင့်မြင့်စိတ်ဝိညာဉ်နတ်ဘုရားတွေထက် ကဏ္ဍအားလုံးမှာ အားမနည်းလို့ပဲ၊ အချို့ကဏ္ဍတွေမှာဆိုရင် သူကတောင် ပိုသန်မာတယ်။ ဥပမာအားဖြင့် သူက ထိပ်တန်းအဆင့်ဓားတာအိုဥပဒေသကို လေ့ကျင့်ခဲ့ပြီး ဓားတာအိုအနှစ်သာရက အရည်အသွေးဆိုင်ရာချိုးဖြတ်မှုတစ်ခုဖြစ်ခဲ့တယ်၊ ဒါက ဘယ်မွေးရာပါထိပ်တန်းအဆင့်ဥပဒေသတွေထက်မဆို မနိမ့်ကျပါဘူး။ အခြားအဆင့်မြင့်အစစ်အမှန်နတ်ဘုရားအများစုက သာမန်ဥပဒေသတွေကိုပဲ လေ့ကျင့်ထားကြတာ။

နတ်ဘုရားစွမ်းအားပြောင်းလဲမှုအပြင် လီဖူချန်းရဲ့နတ်ဘုရားစိတ်ဝိညာဉ်ကလဲ အဆင့်နိမ့်ဆန်းကြယ်နတ်ဘုရားမှအလယ်ဆင့်ဆန်းကြယ်နတ်ဘုရားအထိ မြင့်တက်ခဲ့တယ်။

အရင်ကဆိုရင် သူက စိတ်ဝိညာဉ်တာအိုမှာ အဆင့်နိမ့်စိတ်ဝိညာဉ်နတ်ဘုရားအဆင့်စိတ်ဝိညာဥ်ကျင့်ကြံသူတစ်ယောက်ကိုပဲ ယှဉ်ပြိုင်နိုင်ခဲ့တယ်၊ အခု သူက အလယ်ဆင့်စိတ်ဝိညာဉ်နတ်ဘုရားအဆင့်စိတ်ဝိညာဉ်ကျင့်ကြံသူတစ်ယောက်ကိူ ယှဉ်ပြိုင်နိုင်လောက်ပြီ။

"ငါက ဘယ်အချိန်မှ စိတ်ဝိညာဉ်တာအိုစိတ်ဝိညာဉ်နတ်ဘုရားအတတ်ဒါမှမဟုတ်စိတ်ဝိညာဉ်တာအိုစိတ်ဆန်းကြယ်နတ်ဘုရားအတတ်တစ်ခုကို ဘယ်အချိန်မှ ရမလဲမသိဘူး"

စွမ်းအင်မီးဘောလုံးက အဆင့်နိမ့်စိတ်ဝိညာဉ်တာအိုအစစ်အမှန်နတ်ဘုရားအတတ်တစ်ခုဖြစ်ပြီး သူ့ရဲ့စိတ်ဝိညာဉ်အားသာချက်တွေကိုအပြည့်အဝအသုံးချဖို့ မလုံလောက်ပါဘူး။

စိတ်ဝိညာဉ်တာနတ်ဘုရားအတတ်ကို ဖန်တီးဖို့ဆိုရင် အခက်အခဲက မြင့်မားလွန်းပြီး လိုအပ်တဲ့အချိန်က ကြာလွန်းတယ်။ အဲဒီလိုအချိန်ပမာဏဆိုရင် သူက ဓားတာအိုမှာ ပိုကြီးမားတဲ့အောင်မြင်မှုကို သူက ရရှိနိုင်တယ်။

ဓားတာအိုစွမ်းအားကို ချိုးဖြတ်ပြီးနောက် လီဖူချန်းရဲ့နေရာလပ်-အချိန်ဥပဒေသကလဲ ချိုးဖြတ်လာခဲ့တယ်။

အဆင့်နိမ့်နတ်ဘုရားကျောက်တုံးတစ်ဘီလီယံကို သုံးစွဲခဲ့ပြီး နေရာလပ်-အချိန်စိတ်ဝိညာဉ်စွမ်းအားက ပြောင်းလဲနေရာမှ ရပ်တန့်သွားခဲ့တယ်။

ဓားတာအိုနဲ့ယှဉ်ရင် နေရာလပ်-အချိန်စွမ်းအားက သန်းတစ်ရာကျော်ပဲရှိတယ်၊ ကွာဟချက်က ခြောက်‌ဆတောင်မှပဲ။

ယေဘုယျပြောရရင် နတ်ဘုရားစွမ်းအားအညွှန်းကိန်းကွာဟချက်က နှစ်ဆဆိုရင် နတ်ဘုရားစွမ်းအားကွာဟချက်က ငါးဆရှိတယ်။

နတ်ဘုရားစွမ်းအားအညွှန်းကိန်းကွာဟချက်က ခြောက်ဆဆိုရင် နတ်ဘုရားစွမ်းအားကွာဟချက်က အဆသုံးဆယ်ခန့်ရှိတယ်။

အဆင့်နိမ့်စိတ်ဝိညာဥ်နတ်ဘုရားတွေရဲ့နတ်ဘုရားစွမ်းအားအညွှန်းကိန်းက သန်းငါးဆယ်နဲ့သန်းတစ်ရာကြားမှာ ရှိတယ်။

အဆင့်မြင့်စိတ်ဝိညာဥ်််နတ်ဘုရားတွေရဲ့နတ်ဘုရားစွမ်းအားအညွှန်းကိန်းက သန်းငါးရာနဲ့တစ်ဘီလီယံကြားမှာ ရှိတယ်။

ဒါက ကြီးမားတဲ့အရေအတွက်တစ်ခုပါပဲ။

အဆင့်နိမ့်စိတ်ဝိညာဉ်နတ်ဘုရားတစ်ယောက်ရဲ့နတ်ဘုရားစွမ်းအားက စမ်းချောင်းတစ်ခုဆိုရင် အဆင့်မြင့်အစစ်အမှန်နတ်ဘုရားရဲ့နတ်ဘုရားစွမ်းအားက ရေတံခွန်တစ်ခုဖြစ်တယ်။

ဒါပေမယ့် နတ်ဘုရားစွမ်းအားက ခွန်အားရဲ့ရှုထောင့်တစ်ခုသာဖြစ်ပြီး ခွန်အားရဲ့ကြီးမားတဲ့အပိုင်းအတွက် မရေတွက်ပါဘူး။

နတ်ဘုရားစွမ်းအားအပြင် နတ်ဘုရားစိတ်ဝိညာဉ်ခွန်အားရှိတယ်။

နေရာလပ်-အချိန်စိတ်ဝိညာဉ်စွမ်းအားရဲ့ခွန်အားက ပထမအဆင့်သာရှိတယ်။

လီဖူချန်းက ဒီအပေါ် မကျေမနပ်ဖြစ်ခြင်းတော့ မရှိပါဘူးလေ။

နေရာလပ်-အချိန်နတ်ဘုရားစွမ်းအားက နတ်ဘုရားစွမ်းအားခွန်အားအပေါ် ဘယ်တော့မှ အလေးအနက်မထားပါဘူး၊ ၎င်းရဲ့အသုံးပြုမှုနဲ့လက္ခဏာရပ်တွေကိုပဲ အလေးအနက်ထားတာ။

မင်းရဲ့နတ်ဘုရားစွမ်းအားက ဘယ်လောက်ပဲ သန်မာပါစေ၊ မင်းက ငါ့ကို မရိုက်နိုင်ရင် ဘာအသုံးအဝင်မှာလဲ။

ဒါပေမယ့် ငါက နေရာလပ်-အချိန်ဥပဒေသကို သုံးပြီး မင်းကို အလွယ်တကူတိုက်ခိုက်နိုင်တယ်၊ မင်းရှိနေရာတဲ့နေရာလပ်-အချိန်ကိုတောင် ပြောင်းပြန်လုပ်နိုင်တယ်၊ မင်းရဲ့နတ်ဘုရားစွမ်းအားကို ပျက်ဆီးယိုယွင်းစေပြီး မင်းရဲ့စိတ်ဝိညာဉ်ကို ပြိုကွဲစေနိုင်တယ်။

အရင်တုန်းက လီဖူချန်းရဲ့ဓားတာအိုစွမ်းအားက အလွန်မြင့်မားခဲ့ပေမယ့် စစ်ဟိုင်ဝူယာရဲ့အချိန်စွမ်းအားနဲ့ ရင်ဆိုင်ရတဲ့အခါမှာတော့ လုံးဝနည်းလမ်းမရှိခဲ့ဘူး၊ သူ့ရဲ့စွမ်းအားကို အသုံးပြုဖို့နေရာမရှိခဲ့ဘူး။

ဒါပေမယ့် အခုတော့ မတူပါဘူး။ ဓားတာအိုက အသေးစားအောင်မြင်မှုနယ်ပယ်ကို ချိုးဖြတ်ထားခဲ့ပြီး ကမ္ဘာရှိအရာအားလုံးက ဓားတစ်လက်ဖြစ်နိုင်တဲ့အထိ လီဖူချန်းက အောင်မြင်ထားတယ်။ တစ်ဖက်ရဲ့ဥပဒေသကိုတောင် သူ့ရဲ့ဓားတာအိုဥပဒေသအဖြစ် ပြောင်းလဲနိုင်တယ်။ ဒီနည်းလမ်းအားဖြင့် အချိန်ဥပဒေသ၊ နေရာလပ်ဥပဒေသ ဒါမှမဟုတ် နေရာလပ်-အချိန်ဥပဒေသနဲ့ အခြားထိပ်တန်းအဆင့်ဥပဒေသတို့ကို ရင်ဆိုင်ရရင်တောင် လီဖူချန်းရဲ့ဓားတာအိုက တိုက်ခိုက်နိုင်ပါသေးတယ်။

ဒါပေမယ့် ဓားတာအိုက ထိပ်တန်းအဆင့်မွေးရာပါဥပဒေသတွေနဲ့ ယာယီပဲယှဉ်ပြိုင်နိုင်တယ်ဆိုတာ လီဖူချန်းက သိတယ်။ ‌နောက်ပိုင်းမှာ ဓားတာအိုဥဒေသနယ်ပယ်က ဆက်မတိုးတက်လာရင် အသာစီးမရမှုထဲသို့ ရောက်ရှိသွားရလိမ့်မယ်။

မွေးရာပါထိပ်တန်းအဆင့်ဥပဒေသတွေက မတူပါဘူး။ ဥပဒေသနယ်ပယ်တိုးတက်လာတာနဲ့အမျှ မွေးရာပါထိပ်တန်းအဆင့်ဥပဒေသတွေက ပိုပိုသန်မာလာလိမ့်မယ်။

ဒါက မွေးရာပါထိပ်တန်းအဆင့်ဥပဒေသတွေနဲ့ ကျင့်ယူရတဲ့ထိပ်တန်းအဆင့်ဥပဒေသတွေကြားခြားနားချက်ဖြစ်တယ်။

ရှေ့တစ်ခုကို လိုက်မီဖို့ နောက်တစ်ခုက ကြိုးစားအားထုတ်ဖို့ လိုအပ်တယ်။

ဒါပေမယ့် အရာအားလုံးမှာ အားသာချက်နဲ့အားနည်းချက်ရှိတယ်။ ကျင့်ယူရတဲ့ထိပ်တန်းအဆင့်ဥပဒေသတွေက အဆုံးစွန်းကို ရောက်ရင် သူတို့က မွေးရာပါထိပ်တန်းအဆင့်ဥပဒေသတွေကို ဖြတ်ကျော်နိုင်တဲ့အလားအလာရှိတယ်။