စိတ်ဝိညာဉ်နတ်ဘုရားစွမ်းအားပဉ္စမအဆင့်

"မင်းက ပြိုင်ဘက်ကင်းလို့ တကယ်ပဲ ထင်နေတာလား"

အရိုးသားဆုံးပြောရရင် တိုင်ဆန်က လီဖူချန်းကို ရင်ဆိုင်ရာမှာ ယုံကြည်ချက်မရှိပေမယ့် ဓားတစ်ချက်ကိုတော့ ခုခံနိုင်မယ်လို့ သူက ယုံကြည်ထားတယ်။

ငွေမြွေဓားဂိုဏ်းရဲ့အစစ်အမှန်တပည့်တစ်ယောက်အနေနဲ့ တိုင်ဆန်ရဲ့ခွန်အားက ရှန့်ချမ်ကြွယ်နဲ့ကွမ့်လန်တို့ထက် သေချာပေါက် အများကြီးပိုသန်မာတယ်။

သူက လိုချင်ရင် အကွက်သုံးဆယ်အတွင်းမှာ သူက ကွမ့်လန်နဲ့ရှန်ချမ်ကြွယ်တို့ကို အနိုင်ယူနိုင်တယ်။

"ငွေမြွေရိုက်ချက်"

တိုင်ဆန်ရဲ့ဓားတာအိုနတ်ဘုရားအတတ်တွေက အလွန်ရိုးရှင်းပြီး အလွန်ကြမ်းတမ်းတယ်။

ဓားတစ်လက်ထွက်လာတယ်၊ ငွေရောင်အလင်းတစ်ခုက လက်သွားပြီး ငွေမြွေတစ်ကောင်က လီဖူချန်းရဲ့အရှေ့မှာ ထွက်ပေါ်လာတယ်။

ဒီမြင်ကွင်းကို မြင်ပြီး အိုလီဗီယာနဲ့အခြားသူတွေက ခေါင်းညိတ်လိုက်ကြတယ်။ တိုင်ဆန်ရဲ့ဓားက တကယ်ကို မြန်တယ်၊ လီဖူချန်းက ဘယ်လိုရင်ဆိုင်မလဲမသိ။

တိုင်ဆိုင်ရဲ့ဓားက ဘယ်လောက်ပဲမြန်မြန်၊ လီဖူချန်းရဲ့ဓားလောက် မြန်ပါ့မလား။

ငွေရောင်မြွေက ထွက်ပေါ်လာချင်း လီဖူချန်းရဲ့လက်တွေက ထိုနေရာမှာ စောင့်နေပြီဖြစ်တယ်။

လှိုင်းတစ်ခုနဲ့အတူ ငွေမြွေက အနောက်သို့ ပြန်ဆုတ်သွားတယ်။

အား......

ငွေမြွေက ခန္ဓာကိုယ်ကို ဖြတ်ကျော်သွားပြီး တိုင်ဆန်က ကွမ့်လန်ရဲ့ခြေလှမ်းနောက်ကို လိုက်သွားတယ်။ နတ်ဘုရားစွမ်းအားအရိပ်အယောင်မျှသာ ကျန်ရှိတော့တယ်။

"ဒါက ကမ္ဘာရှိအရာအားလုံးက ဓားတစ်လက်ဖြစ်နိုင်တဲ့ဓားတာအိုဥပဒေသနယ်ပယ်လား"

ဒီတစ်ခါမှာတော့ အိုလီဗီယာနဲ့အခြားသူတွေက ဘာမှမတတ်နိုင်တော့ပါဘူး။ သူတို့က မှင်တက်ကာ တစ်ယောက်ကိုတစ်‌ယောက် ကြည့်လိုက်ကြတယ်။

ဒါကို ဘယ်လိုတိုက်ခိုက်ရမလဲ။

ရန်သူက ဘာမှ လုပ်ဖို့ မလိုပါဘူး၊ လက်ကို ဝှေ့ယမ်းလိုက်တာနဲ့ မင်းရဲ့တိုက်ခိုက်မှုက ပြန်ရောက်လာပြီး ရန်သူရဲ့တိုက်ခိုက်မှုတွေ ဖြစ်လာတယ်၊ တိုက်ခိုက်မှုရဲ့မြန်နှုန်းနဲ့ခွန်အားက ရုတ်တရက် အဆအနည်းငယ်ပိုတိုးလာပြီး မင်းက ရှောင်တိမ်းနိုင်မှာမဟုတ်တော့ဘူး။

သူတို့ရဲ့အမြင်အရ အဆင့်နိမ့်စိတ်ဝိညာဉ်နတ်ဘုရားတွေထဲမှာ လီဖူချန်းရဲ့ပြိုင်ဘက်ဆိုတာ မရှိပါဘူး။

မဟုတ်ဘူး၊ နှစ်ယောက်တော့ ရှိတယ်။

ဒီနှစ်ယောက်က အစစ်အမှန်ဓားဂိုဏ်းရဲ့ကျင့်ယန်နဲ့ကျီချမ်တို့ပါပဲ။

ကျင့်ယန်နဲ့ကျီချမ်တို့က အစစ်အမှန်ဓားဂိုဏ်းရဲ့အစစ်အမှန်တပည့်တွေ ဖြစ်ရုံသာမက အစစ်အမှန်ဓားဂိုဏ်းရဲ့နှစ်သန်းချီမှာ မြင်တွေ့ရတဲ့ ရှားပါးတဲ့ဓားသမားပါရမီရှင်တွေဖြစ်တယ်။

အထူးသဖြင့် ကျင့်ယန်ပဲ။

သူမက အစစ်အမှန်ဓားဂိုဏ်းရဲ့ဓားကျောက်စာတိုင်မှ ဓားတာအိုရဲ့စစ်မှန်တဲ့အဓိပ္ပါယ်ကို သင်ယူခဲ့ပြီး သူမရဲ့ကိုယ်ပိုင်အလယ်ဆင့်ဓားတာအိုစိတ်ဝိညာဉ်နတ်ဘုရားအတတ်ကို ဖန်တီးခဲ့တယ်လို့ ပြောကြတယ်။

နှစ်သန်းချီကြာမှာ သူမက ဒါမျိုးပြုလုပ်နိုင်တဲ့အစစ်အမှန်ဓားဂိုဏ်းရဲ့ဒုတိယမြောက်ပုဂ္ဂိုလ်ဖြစ်တယ်။

အသက်အရ သူမရဲ့အဆင့်က ပိုမြင့်တယ်။

အခုက သူ့အနေနဲ့ ထရပ်ဖို့ အချိန်ပဲဆိုတာ ကျီချမ်က သိတယ်။

သူက လီဖူချန်းကို လျော့တွက်ခဲ့တယ်လို့ ဝန်ခံရမှာပဲ။

ရန်သူက အရိပ်ပုံဆောင်ခဲမှာပြထားတဲ့စွမ်းအားထက် ပိုအားကောင်းပြီးပိုနက်နဲတယ်။

ဒါပေမယ့် အဲဒီလိုဆိုတော့ရော။

သူ၊ ကျီချမ်က သာမညမဟုတ်ဘူး။

သူက သူ့ရဲ့ကိုယ်ပိုင်အလယ်ဆင့်ဓားတာအိုစိတ်ဝိညာဉ်နတ်ဘုရားအတတ်ကိုတောင် ဖန်တီးခဲ့တယ်။

ဒါ့အပြင် သူက အစစ်အမှန်ဓားဂိုဏ်းရဲ့အဆင့်မြင့်ဓားတာအိုစိတ်ဝိညာဉ်နတ်ဘုရားအတတ်တစ်ခုကိုလဲ ကျင့်ကြံခဲ့တယ်။ ၎င်းရဲ့စွမ်းအားက အလယ်ဆင့်ဓားတာအိုစိတ်ဝိညာဉ်နတ်ဘုရားအတတ်တစ်ခုအနေနဲ့ ယှဉ်နိုင်တဲ့အရာမဟုတ်ပါဘူး။

ထရပ်လျက် ကျီချမ်က ပြောလိုက်တယ်"အစစ်အမှန်ဓားဂိုဏ်းရဲ့ကျီချမ်၊ မင်းရဲ့ဓားအတတ်ကို စမ်းသပ်ကြည့်ပါရစေ"

ဓားအလင်းက လှည့်ပတ်သွားပြီး ကျယ်ပြန့်တဲ့ကြယ်စုအရိပ်တစ်ခုအဖြစ် စုဆုံလာကြတယ်။

ကျီချမ်က သူဖန်တီးခဲ့တဲ့အလယ်ဆင့်ဓားတာအိုစိတ်ဝိညာဉ်နတ်ဘုရားအတတ်အပေါ် ယုံကြည်ချက်မရှိပါဘူး၊ ဒါကြောင့် သူက အစစ်အမှန်ဓားဂိုဏ်းရဲ့အဆင့်မြင့်ဓားတာအိုစိတ်ဝိညာဉ်နတ်ဘုရားအတတ်ဖြစ်တဲ့ရှင်းဟဲဓားအရိပ်ကို ရွေးချယ်ခဲ့တယ်။

လီဖူချန်းရဲ့မခန့်မှန်းနိုင်တဲ့ဓားတာအိုနယ်ပယ်နဲ့ ရင်ဆိုင်ရတဲ့အခါ အကြွင်းမဲ့စွမ်းအားကသာ ရန်သူကို ခြိမ်းခြောက်နိုင်မယ်လို့ ကျီချမ်က ခံစားမိတယ်။

ကံမကောင်းစွာနဲ့ ဒီတစ်ခါမှာတော့ လီဖူချန်းက စိတ်မရှည်တော့ပါဘူး။

ကျီချမ်ရဲ့ကြယ်စုဓားအရိပ်က ဖြစ်ပေါ်လာချင်း လီဖူချန်းက လက်ဦးယူကာ စတင်တိုက်ခိုက်လိုက်တယ်။

ဒါက လီဖူချန်းရဲ့ပထမဆုံးစတင်တိုက်ခိုက်မှုပါပဲ။

သူက အချိန်တိုင်းမှာ တန်ပြန်တိုက်ခိုက်နေရမှာလား။

ဒါက သူ့ရဲ့စတိုင်မဟုတ်ပါဘူး။

တန်ပြန်တိုက်ခိုက်တာပဲဖြစ်ဖြစ်ဒါမှမဟုတ်စတင်တိုက်ခိုက်တာပဲဖြစ်ဖြစ် လီဖူချန်းက အမြဲတမ်းကိုယ်ဟန်တစ်ခုပဲ ရှိတယ်၊ ဒါက သူ့လက်ကို ဝှေ့ယမ်းတာပဲ။

ဒါပေမယ့် ဒါက အဓိကအားဖြင့် ရန်သူက အားနည်းလွန်းလို့ပဲ။

အားနည်းလွန်းတယ်၊ သူက သူ့လက်ကို ဝှေ့ယမ်းဖို့ပဲ လိုအပ်ပြီး ဓားစွမ်းအားအနည်းငယ်ကပဲ လိုအပ်တယ်။

ဖုန်မှုန့်တွေ လွင့်မျောသွားပြီး အဝါရောင်ဓားချီတစ်ခုက ကြယ်စုအရိပ်နဲ့ကျီချမ်ရဲ့ခန္ဓာကိုယ်ကို ဆုတ်ဖြဲသွားခဲ့တယ်။

ကျီချမ်က ချက်ချင်းရှုံးနိမ့်သွားတော့တယ်။

ဒါကို မြင်ပြီး လူတိုင်းက မှင်တက်သွားကြတယ်၊ အမြဲတမ်းတည်ငြိမ်နေတဲ့ကျင့်ယန်ကတောင် မတည်ငြိမ်နိုင်တော့ပါဘူး။

သန်မာတယ်။

သန်မာပြီး ကြောက်စရာကောင်းတယ်။

ရှန့်ချမ်ကြွယ်၊ ကွမ့်လန်၊တိုင်ဆန်၊ ကျီချမ်။

မင်းက ဘယ်လောက်သန်မာအားနည်းနေပါစေ ရန်သူရဲ့လက်ထဲရှိဓားတစ်ကွက်ကိုတောင် မရင်ဆိုင်နိုင်ပါဘူး။

ဒီလူက ဘယ်လောက်တောင် သန်မာတာလဲ။

"ထွက်သွားတော့"

လီဖူချန်းက ဒီလူတွေနဲ့ ရစ်ပတ်ရလောက်တဲ့အထိ စိတ်မရှည်ပါဘူး။ အရေးကြီးဆုံးအရာကတော့ ဒီလူတွေက အားနည်းလွန်းတာပဲ။ ဒီလူတွေက အဆင့်မြင့်စိတ်ဝိညာဉ်နတ်ဘုရားတွေဆိုရင် သူက တိုက်ခိုက်ဖို့ စိတ်ဝင်စားအုံးမှာပါ။

သူ့လက်ကို ထပ်ဝှေ့ယမ်းလိုက်ရာ လေပြင်းတစ်ခုက မွေးဖွားလာပြီး အိုလီဗီယာနဲ့အခြားသူတွေကို ရိုက်ခတ်သွားတယ်။

လီဖူချန်းက အိုလီဗီယာအပါအဝင် လူတိုင်းကို ဖယ်ရှားဖို့ စီစဉ်ခဲ့တယ်။

မင်း သိပါတယ်၊ အိုလီဗီယာအပါအဝင် သူတို့အထဲမှာ အလယ်ဆင့်စိတ်ဝိညာဉ်နတ်ဘုရားငါးယောက်ရှိတယ်။

အိုလီ‌ဗီယာနဲ့အခြားအလယ်ဆင့်စိတ်ဝိညာဉ်နတ်ဘုရားငါးယောက်က ထိတ်လန့်သလို ဒေါသလဲ ထွက်သွားကြတယ်၊ လီဖူချန်းက မောက်မာလွန်းနေတာလေ။

လီဖူချန်းက အနည်းငယ်မောက်မာတယ်လို့ ကျင့်ယန်ကလဲ ခံစားမိတယ်။ ဒါက သူမကို အထင်သေးတာ တွေ့ကြုံရတဲ့ ပထမဆုံးအကြိမ်ပါပဲ။

"အာရုဏ်ဦးဖြတ်တောက်ခြင်း"

"မဟာအဆုံးသတ်လေဟာနယ်ဓားအဖြစ်သို့ ပြောင်းလဲခြင်း"

"ရွှေမြွေအက"

"ကောင်းကင်ဘုံနဲ့မြေကြီးဓား"

"စိတ်ဝိညာဉ်ဖြတ်စီးခြင်းဓား"

အလယ်ဆင့်စိတ်ဝိညာဉ်နတ်ဘုရားငါးယောက်က သူတို့ရဲ့ကိုယ်ပိုင်အဆုံးသတ်တိုက်ကွက်တွေကို တစ်ကွက်ပြီးတစ်ကွက် ဖော်ထုတ်လာခဲ့ကြတယ်။

အိုလီဗီယာရဲ့ဓားက အလင်းဓားမော့တစ်လက်ဖြစ်တယ်။ အလင်းဓားမော့ကို ဝှေ့ယမ်းလိုက်ရာ တောက်ပတဲ့ဓားအမှတ်အသားတွေက လျှပ်တစ်ပြက်အတွင်း ပျောက်ကွယ်သွားတယ်၊ တိုင်ဆန်ရဲ့ဓားထက် ဆယ်ဆပိုမြန်တယ်။

အခြားအလယ်ဆင့်စိတ်ဝိညာဉ်နတ်ဘုရားလေးယောက်ရဲ့အဆုံးသတ်တိုက်ကွက်တွေကလဲ အံ့မခန်းပါပဲ။

ဒါပေမယ့် တကယ်အံ့အားသင့်ရတာက ကျင့်ယန်ပဲ။

အစစ်အမှန်ဓားဂိုဏ်းရဲ့အစစ်အမှန်တပည့်တစ်ယောက်အနေနဲ့ ကျင့်ယန်ရဲ့ခွန်အားက ကျီချမ်ထက် အများကြီးပိုသန်မာတယ်။

အိုလိုဗီယာလို အလယ်ဆင့်စိတ်ဝိညာဉ်နတ်ဘုရားငါးယောက်ထက် ပိုအားမနည်းပါဘူး။

သူမရဲ့ဓားက အသက်ဝင်ပြီး အလွန်အမင်းပေါ့ပါးသလို ထင်ရပေမယ့် ဓားချီက အလွန်အမင်းလေးလံပြီး ပတ်ဝန်းကျင်ဟင်းလင်းပြင်က ဒီဓားချီရဲ့အရှေ့မှာ လုံးဝခိုင်မာသွားတယ်။

သူမက လီဖူချန်းရဲ့လေပြင်းကို အေးခဲစေချင်ခဲ့မှန်း သိသာခဲ့တယ်။

ဖူး.....

သွေးတွေက ပက်ဖျန်းသွားတယ်။

ပေါက်ဆီတွေလို ပုံရိပ်တစ်ဖွဲ့လုံးက ပျံသန်းထွက်သွားတယ်။

သာမန်လိုထင်ရတဲ့လေပြင်းနဲ့ရင်ဆိုင်အတွေ့မှာ အိုလီဗီယာနဲ့အခြားသူ‌တွေရဲ့အဆုံးသတ်တိုက်ကွက်တွေက ချက်ချင်း ပျက်ဆီးသွားတော့တယ်။

အိုလီဗီယာနဲ့အခြားသူတွေက ကြောက်ရွံ့သွားကြတော့တယ်။

အဆုံးမှာတော့ သူတို့က လီဖူချန်းကို အထင်သေးခဲ့မိတာပဲ။

တစ်ဖက်လူက အဆင့်နိမ့်စိတ်ဝိညာဉ်နတ်ဘုရားအဆင့်မှာ ပြိုင်ဘက်ကင်းရုံသာမက အလယ်ဆင့်စိတ်ဝိညာဉ်နတ်ဘုရားတွေကြားမှာလဲ ပြိုင်ဘက်ကင်းတယ်။

တစ်ကွက်နဲ့ သူတို့အားလုံးက ရှုံးနိမ့်သွားခဲ့တယ်။

‌သော့ချက်ကတော့ တစ်ဖက်လူက ခွန်အားဘယ်လောက်ထိ ထုတ်ဖော်ခဲ့သလဲကိုတောင် သူတို့မသိတာပဲ။

ငါးဆယ်ရာခိုင်နှုန်းလား။

သုံးဆယ်ရာခိုင်နှုန်းလား။

ဒီထက်တောင် နိမ့်နိုင်သေးတယ်။

"ဒီကမ္ဘာမှာ ဘယ်လိုလုပ်ပြီး ဒီလိုဓားသမားတစ်ယောက်ရှိနေရတာလဲ" ကျင့်ယန်က အနည်းငယ်စိတ်ရှုပ်ထွေးလာတော့တယ်။

လီဖူချန်းရဲ့တည်ရှိမှုက သူမရဲ့ခံစားချက်ကို အနည်းငယ်အားနည်းသွားစေခဲ့တယ်။

နတ်ဘုရားစွမ်းအားဆုံးရှုံးမှုက ပြင်းထန်တယ်။ အိုလီဗီယာနဲ့အခြားသူတွေက သူတို့ရဲ့နတ်ဘုရားစွမ်းအားကို ပြန်ဖြည့်ပြီးနောက် ရှက်ရွံ့မှုအပြည့်နဲ့ ထွက်ခွာလာခဲ့ကြတယ်။

ကြည့်ရတာ အလွန်သာမန်ဖြစ်ရပ်တစ်ခု ဖြစ်ပွားခဲ့သလိုပဲ။ လီဖူချန်းက ပျော်လဲမပျော်ဘူး၊ ဝမ်းလဲမနည်းဘူး၊ ဓားမြစ်ရဲ့အနက်ပိုင်းထဲရှိ ဓားဆန္ဒကို ဆက်လက်လေ့လာနေတော့တယ်။

……

နောက်ပိုင်းနေ့ရက်တွေမှာ တစ်ယောက်မှ လီဖူချန်းကို မနှောင့်ယှက်တော့ပါဘူး။

မိုင်နှစ်ထောင်ခုနှစ်ရာ။

မိုင်နှစ်ထောင်ရှစ်ရာ။

မိုင်သုံးထောင်။

လီဖူချန်းရဲ့နတ်ဘုရားစိတ်ဝိညာဉ်စွမ်းအားက ပိုပိုပြီး ငုပ်ဆင်းလာတယ်။

ဓားမြစ်ဓားဆန္ဒကြောင့် သူ့ရဲ့နတ်ဘုရားစိတ်ဝိညာဉ်က သိသိသာသာတိုးတက်လာတာကို လီဖူချန်းက တွေ့ရှိခဲ့တယ်။

ပြင်ပဖိအားက စိတ်ဝိညာဉ်ပြောင်းလဲမှုကို ပိုမြန်ဆန်စေမှန်း သိသာတယ်။

မိုင်သုံးထောင်တစ်ရာ၊ မိုင်သုံးထောင်နှစ်ရာ၊ မိုင်သုံးထောင်သုံးရာ......

မိုင်သုံးထောင်သုံးရာအနက်ကို ရောက်ရှိတဲ့အခါ ဓားတာအိုရဲ့အဓိပ္ပါယ်ထဲမှာပါဝင်တဲ့ဓားတာအိုဥပဒေသက အဆင့်မြင့်ဆန်းကြယ်နတ်ဘုရားအဆင့်ကို ရောက်ရှိနေပြီဖြစ်တယ်။

အုန်း......

လီဖူချန်းရဲ့ဓားတာအိုဥပဒေသနယ်ပယ်က မီးတောင်တစ်ခုပမာ အဟန့်အတားကို ချိုးဖြတ်သွားခဲ့ပြီး အဆင့်နိမ့်ဆန်းကြယ်နတ်ဘုရားစဦးအခြေအနေသို့ ရောက်ရှိလာခဲ့တယ်။

ဒီအချိန်မှာ ကောင်းကင်ဘုံနဲ့မြေကြီးကြားရှိဓားတာအိုဥပဒေသက မကြုံစဖူးရှင်းလင်းနေတယ်လို့ လီဖူချန်းက ခံစားမိတယ်။

သူ့ရဲ့ဓားတာအိုဥပဒေသနယ်ပယ်က အဆင့်နိမ့်ဆန်းကြယ်နတ်ဘုရားစဦးအခြေအနေသို့ ချိုးဖြတ်ခဲ့တာကြောင့် သူ့ခန္ဓာကိုယ်ထဲရှိဓားတာအိုစိတ်ဝိညာဉ်နတ်ဘုရားစွမ်းအားကလဲ လျင်မြန်စွာ ပြောင်းလဲလာတယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက ၁.၂ဘီလီယံ၊ ၁.၁ဘီလီယံ၊ ၁ဘီလီယံ၊ သန်း၉၀၀......

အချိန်တိုအတွင်းမှာ လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက ၁.၂ဘီလီယံမှ ၁ဘီလီယံအောက်အထိ လျော့ကျလာခဲ့တယ်။

ဟုတ်ပါတယ်၊ အကျပါ၊ အတက်မဟုတ်ပါဘူး။

ဒါနဲ့ ပတ်သက်ပြီး လီဖူချန်းက အံ့အားသင့်ခဲ့ပါတယ်။

သူ့ရဲ့ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက လျော့လာပေမယ့် သူ့ရဲ့စိတ်ဝိညာဉ်နတ်ဘုရားစွမ်းအားက တိုးလာတယ်။

သန့်စင်ပုံရတဲ့ဓားတာအိုစိတ်ဝိညာဉ်နတ်ဘုရားစွမ်းအားမှာ ဖယ်ရှားထားတဲ့အဆုံးမဲ့မသန့်စင်မှုတွေ ရှိတယ်။ တစ်ချိန်တည်းမှာ တင်းကျပ်ပုံရတဲ့ဓားတာအိုစိတ်ဝိညာဉ်နတ်ဘုရားစွမ်းအားက ပိုပိုသိပ်သည်းလာပြီး ဖွဲ့စည်းပုံက ပိုမဖျက်ဆီးနိုင်ဖြစ်လာတယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက သန်းရှစ်ရာအထိ လျော့ကျသွားတဲ့အခါ လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားက စတုတ္ထအဆင့်မှ ပဉ္စမအဆင့်ထိ တိုးလာခဲ့တယ်။

စိတ်ဝိညာဉ်နတ်ဘုရားစွမ်းအားပဉ္စမအဆင့်၊ ဒါက အဆင့်မြင့်စိတ်ဝိညာဉ်နတ်ဘုရားတွေကြားမှာ အသန်မာဆုံးပဲ။

စိတ်ဝိညာဉ်နတ်ဘုရားဆရာသခင်အများစုမှာ စိတ်ဝိညာဉ်နတ်ဘုရားစွမ်းအားဆဌမအဆင့်ရှိမှန်း သိရမယ်။

"အလယ်ဆင့်စိတ်ဝိညာဉ်နတ်ဘုရားကျောက်တုံးက လုံလောက်ပါ့မလား"

ဖျက်ဆီးခြင်းစိတ်ဝိညာဉ်နတ်ဘုရားစွမ်းအားချိုးဖြတ်တာနဲ့ ဓားတာအိုနတ်ဘုရားစွမ်းအားဆက်တိုက်ချိုးဖြတ်တာက လီဖူချန်းရဲ့အဆင့်နိမ့်နတ်ဘုရားကျောက်တုံးတွေအားလုံးနဲ့အလယ်ဆင့်နတ်ဘုရားကျောက်တုံးအမြောက်အများကို ကုန်ဆုံးစေခဲ့တယ်။ လက်ရှိလီဖူချန်းရဲ့ခန္ဓာကိုယ်ပေါ်မှာ အလယ်ဆင့်နတ်ဘုရာကျောက်တုံးတွေအများကြီးမရှိပါဘူး။ ဓားတာအိုနတ်ဘုရားစွမ်းအားအညွှန်းကိန်းကို ၁.၂ဘီလီယံကျော်ထိ မမြှင့်တင်နိုင်ဘူး။

လီဖူချန်းက စိုးရိမ်ခဲ့သလိုပဲ၊ ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက တစ်ဘီယံကျော်ထပ်တိုးလာတဲ့အခါ အလယ်ဆင့်နတ်ဘုရားကျောက်တုံးတွေက ကုန်ခန်းသွားတော့တယ်။

အခု လီဖူချန်းမှာ အညံ့စားနတ်ဘုရားကျောက်တုံးတွေပဲ အမြောက်များကျန်တော့တယ်။

အညံ့စားနတ်ဘုရား‌ကျောက်တုံးတွေနဲ့ ဘာလုပ်လို့ ရနိုင်မှာလဲ။

ဒါက လီဖူချန်းရဲ့အသက်အရည်အသွေးကို တိုးတက်စေနိုင်တဲ့ငွေကြေးတစ်ခုဖြစ်တယ်။ အဲဒါက လီဖူချန်းရဲ့ကျင့်ကြံခြင်းကို မကူညီပေးပါဘူး။

"ငါ နတ်ဘုရားကျောက်တုံးတွေရဖို့ နည်းလမ်းတစ်ခုကို ရှာရမယ်"

ဓားတာအိုဥပဒေသနယ်ပယ်က ဆက်လက်မတိုးတက်တော့တဲ့အချိန်မှာ သူ့အနေနဲ့ ဓားရွာမှ ထွက်ခွာဖို့ အချိန်ပဲလို့ လီဖူချန်းက ဆုံးဖြတ်ခဲ့တယ်။