ဝှက်ဖဲများ

အခန်း (၃၉၆) : ဝှက်ဖဲများ

သူ့ အခြေအနေအသစ်က ကိုယ်ထည်မဲ့စွမ်းအားကို ချီးမြှင့်လာသည်။ ဆိုလိုသည်မှာ သူက သဘာဝကမ္ဘာရှိ စွမ်းအားများဖြင့် မထိနိုင်တော့ပေ။ ထိုအရာက စကြဝဠာကို အုပ်စိုးသည့် စည်းမျဉ်းစွမ်းအားလည်း အပါအဝင် ဖြစ်၏။

ထို့ကြောင့် ထိုစွမ်းအား တိုးမြှင့်လာသည့်အခါ သူက တိထျန်းဆီ မကြောက်မရွံ့ ပြေးသွားလိုက်သည်။ သူက လက်ကို ဝှေ့ကာ တိုက်ခိုက်လိုက်သည်။

မရဏ ကံကြမ္မာ

ထိုစဉ် ကောင်းကင်ဆီမှ ကြိုးမျှင်များဖြင့် ပြုလုပ်ထားသည့် ဧရာမမီးခိုးရောင် လက်ဝါးကြီးက တိထျန်းဆီ ကျဆင်းလာသည်။ ထိုလက်ဝါးချပ်တွင် ကံကြမ္မာစွမ်းအားနှင့်အတူ တည်ရှိမှုထဲ အရာအားလုံး၏ အဆုံးသတ် ကံကြမ္မာဖြစ်သည့် သေခြင်းတရားစွမ်းအား ပါဝင်နေသည်။

ထိုတိုက်ကွက်က သူ့ဆီ ကျရောက်ရလာသည့်အခါ တိထျန်းက မျက်မှောင်ကြုတ်လိုက်၏။ ထိုနည်းစနစ်သည် သူ့ သေခြင်းရှင်ခြင်းဖလှယ်ခြင်း တိုက်ကွက်အပေါ် မူတည်ထားသည့် နည်းစနစ် တစ်ခုဖြစ်ကြောင်း ခံစားမိလေသည်။ သူက သေခြင်းရှင်ခြင်းကို ထိန်းချုပ်ဖို့ ပြန်လည်ဝင်စားခြင်း စွမ်းအားကို အသုံးပြုစဉ် ထိုနည်းစနစ်ကမူ သေခြင်းရှင်ခြင်းကို ထိန်းချုပ်ဖို့ ကံကြမ္မာစွမ်းအားကို အသုံးပြုလေသည်။ တူညီသည့်ရလဒ်ကို နည်းလမ်းအမျိုးမျိုး အသုံးပြုခြင်းသာ ဖြစ်၏။

တကယ်ကို ကြောက်ဖို့ကောင်းတဲ့ နားလည်နိုင်စွမ်းပဲ

သူက တွေးလိုက်မိသည်။ သူက ဝမ်ဝေ့၏ အလားအလာကို အနည်းငယ် ဖမ်းဆုပ်မိလိုက်၏။ သူ့ သံသရာကိုးပါး လက်သီး၏ တိုက်ကွက်များအားလုံးက သူ့စွမ်းဆောင်ရည် သို့မဟုတ် နားလည်နိုင်စွမ်း၏ အထွတ်အထိပ်များ ဖြစ်ကြသည်။

ထိုအရာတစ်ခုချင်းစီကို အထွတ်အထိပ်သို့ ရောက်ရှိဖို့အတွက် ဆယ်ဘဝ အချိန်ယူခဲ့ရသည်။ ပြန်လည်ဝင်စားတိုင်း နားလည်နိုင်စွမ်းများဖြင့် အတွေ့အကြုံအသစ်များကို သူ့ကျမ်းဆီ ပေါင်းတတ်ခဲ့သည်။ သို့သော်လည်း ဝမ်ဝေ့ကမူ ထိုအရာကို တစ်ခါ မြင်တွေ့ပြီးသည့်နောက်တွင် သူ့တိုက်ကွက်တစ်ခုကို ၇၀ရာခိုင်နှုန်းကျော် အလွယ်တကူ ပုံတူပွားနိုင်လိုက်သည်။

ဒီလိုမျိုး နားလည်နိုင်စွမ်း သူ့ ထူးခြားတဲ့ ဝိညာဉ်ကြောင့် ဖြစ်လာတာလား…

တိထျန်းက တွေးလိုက်မိပြီးနောက် ထိုမီးခိုးရောင်လက်အား လက်သီးဖြင့် ထိုးကာ ဖျက်ဆီးပစ်လိုက်သည်။

သူက တကယ်ကို ပုံသေ မဟုတ်ဘူး။ သူ့ကို ဆက်ပြီး အသက်ရှင်ခွင့်ပေးလို့ မဖြစ်တော့ဘူး။ ဒီမျိုးဆက်မှာ တာအိုသက်သေပြတာကို ဘယ်သူမှ ငါ့ကို တားခွင့်မရစေရဘူး။ ဒါက ငါ့ရဲ့ နောက်ဆုံးအခွင့်အရေးပဲ။

သူက ဝမ်ဝေ့ဆီ အရှိန်ပြင်းပြင်းဖြင့် ပြေးသွားလိုက်သည်။ ဤတစ်ကြိမ် ကံကြမ္မာမြစ်ကြောင်းပင် အမှီမလိုက်နိုင်တော့ပေ။

သူက သူ့ကျမ်းမှ ပထမလက်သီးဖြင့် ထိုးချလိုက်သည်။

နောက်ဆုံးထွက်သက်

ဤသည်က စကြဝဠာထဲရှိ အရာအားလုံးကို ဖျက်ဆီးပစ်ပြီး ထိတွေ့မိသမျှ အရာအားလုံးကို ဖြိုခွင်းပစ်နိုင်သည့် နည်းစနစ် ဖြစ်ပေသည်။ ထိုနည်းစနစ်တွင် သေခြင်းတရား၏ သဘောတရားသာမက ဖျက်ဆီးခြင်း သဘောတရားလည်း ပါဝင်နေသည်။

ဝုန်း…

အားကောင်းသည့် လက်သီးချက်က ဝမ်ဝေ့ဆီ ကျရောက်သွားကာ အားကောင်းသည့် လှိုင်းများအား ဖြစ်ပေါ်လာစေသည်။ သို့သော်လည်း သူက အကောင်းအတိုင်း ရှိနေသေး၏။ သူ့လက်ရှိ အနေအထားဖြင့် စည်းမျဉ်းအပါအဝင် မည်သည့်အရာကမှ သူ့အား ထိပ်တိုက်မထိတွေ့နိုင်ပေ။

ကိုယ်ထည်မဲ့လား

သူ့ဝိညာဉ်တောင်မှ ဒီလိုအခြေအနေမှာ ရှိနေတာပဲ… ငါက သူ့ကို အဲဒီအခြေအနေကနေ ဖယ်ရှားပစ်ဖို့ စွမ်းအားကြီးကြီးကို အသုံးပြုခဲ့ပေမဲ့ သူက ထပ်ပြီး ကြာကြာ တောင့်မခံနိုင်တော့ဘူးဆိုတော့ ထပ်စောင့်တာ ကောင်းလိမ့်မယ်။

တိထျန်းက တွေးလိုက်မိသည်။

ထိုအစီအစဉ် ချမှတ်ပြီးသည်နှင့် သူက အကြောင်းအရင်းတချို့ကြောင့် မျက်မှောင်ကြုတ်လိုက်မိသည်။ မည်သို့ပင်ဆိုစေကာမူ သူက အကြံအစည်ကို အကောင်အထည် ဖော်လိုက်သေးသည်။

သူက အကြွင်းမဲ့အရှိန်ဖြင့် ဝမ်ဝေ့၏ တိုက်ကွက်များကို ရှောင်ရှားလိုက်သည်။

ထိုစဉ် ဝမ်ဝေ့က သူကိုယ့်သူ အခြေအနေ ဆိုးရွားနေကြောင်း သိလိုက်၏။ သူ မည်မျှပင် တိုက်ခိုက်စေကာမူ အသုံးမဝင်ပေ။ ထို့အပြင် သူ့ ကိုယ်ထည်မဲ့ အခြေအနေက အလျင်အမြန် ယုတ်လျော့လာပြီ ဖြစ်သည်။ ပြောရလျှင် သူက ယခုလေးမှ သင်ယူထားပြီး မတည်ငြိမ်သေးပေ။ ထိုတိုက်ပွဲအတွင်း ဝမ်ဝေ့က အမှန်တရားတစ်ခုကို သင်ယူခဲ့ရသည်။

သူ့ကံကြမ္မာစွမ်းရည်က အားကောင်းသည့်သူနှင့် ထိပ်တိုက်ရင်ဆိုင်သည့်အခါ ကန့်သတ်ချက် ရှိနေလေသည်။ ထိုမျှပင် မကဘဲ သူတို့က ဘက်စုံအသုံးပြုနိုင်စွမ်းလည်း ကင်းမဲ့နေသည်။

အကြောင်းအရင်းတစ်ချက်မှာ ကံကြမ္မာစွမ်းအား၏ အပြည့်အဝကို ထုတ်ဖော်ဖို့ စည်းမျဉ်းစွမ်းအားကို လိုအပ်နေကြောင်း သိလိုက်သည်။ မည်သို့ပင်ဆိုစေကာမူ ထိုအရာက လစ်ဟာနေသေး၏။ သူက ထိုတိုက်ပွဲအတွင်း ဖြေရှင်းဖို့ နည်းလမ်းတစ်ခုကို တွေ့ရှိခဲ့သည်။ ထိုတိုက်ပွဲအတွင်း သူက ရှင်သန်ခြင်း၊ သေဆုံးခြင်း၊ ပြန်လည်ဝင်စားခြင်းနှင့် အချိန်သည်လည်း ကံကြမ္မာ၏ အစိတ်အပိုင်းတစ်ခု ဖြစ်ကြောင်း သဘောပေါက်သွားသည်။ လူများက မွေးဖွားလာပြီး အသက်အရွယ်ကြီးရင့်ကာ သေဆုံးကြလေသည်။ ဤသည်က ကံကြမ္မာ၏ အစိတ်အပိုင်းတစ်ခု ဖြစ်၏။

ထို့ကြောင့် သူက ထိန်းချုပ်နိုင်လေသည်။ ထိုကံကြမ္မာမှတဆင့် ထိုတာအိုများသည် သူတို့ကို တစ်ဦးချင်းစီ လေ့လာကြည့်စရာ မလိုဘဲ ကံကြမ္မာမှတဆင့် ထိုတာအိုများကို ထိန်းချုပ်နိုင်လေသည်။ သူက ထိုကံကြမ္မာသည် တာအိုအားလုံး ပါဝင်နေသည့် ဟွင်သွမ်းတာအိုနှင့် ယှဉ်လိုက်လျှင် မနိမ့်ကျကြောင်း သင်ယူလိုက်ရ၏။

ထို့ကြောင့် ဝမ်ဝေ့က သူသာ ဤတိုက်ခိုက်မှုတွင် အသက်ရှင်နိုင်မည့်နည်းလမ်းကို ရှာတွေ့နိုင်သရွေ့ တိုက်ပွဲတစ်ခုလုံးကို ပြန်လည်သုံးသပ်ကာ တိထျန်း၏ သေခြင်းရှင်ခြင်းတာအို အသုံးပြုမှုကို စုပ်ယူလေ့လာနိုင်လိမ့်မည်။

တစ်မိနစ်ကြာမြင့်ပြီးသည့်နောက်တွင် သူ၏ ကိုယ်ထည်မဲ့အခြေအနေက အဆုံးသတ်သွားလေသည်။ ဝမ်ဝေ့က ဖြည်းဖြည်းချင်း ပေါ်ထွက်လာ၏။ သူ့ခန္ဓာကိုယ်က မည်မျှအားကောင်းစေကာမူ  ထိုအခြေအနေ၏ သက်ရောက်မှုက ရှိနေသေးသည်။

ကြည့်ရတာ ငါ့ဝှက်ဖဲကို သုံးရတော့မဲ့ အချိန်ပဲ။ ဒီ အော်ငိုသံတွေက တားဆီးဖို့ ပိုပိုခက်လာပြီ။ ပြီးတော့ အနံ့ပြင်းပြင်းရောပဲ

သူက သိုလှောင်လက်စွပ်အတွင်းမှ အဆောင်တစ်ခုကို ထုတ်ယူကာ မူလအဆီအနှစ်ဖြင့် အသက်သွင်းလိုက်သည်။ သို့သော်လည်း မည်သည့်အရာမှ ဖြစ်မလာခဲ့ပေ။

ဘယ်လိုဖြစ်တာလဲ။ ဒါက သူ့ရဲ့ လှပပြီး အားကောင်းတဲ့ ဇနီးလေးက ပေးထားတာလေ။

“ မင်း ဘာလုပ်လိုက်တာလဲ” ဝမ်ဝေ့က မေးလိုက်သည်။

“ သူမက မင်းရဲ့ အကောင်းဆုံး ထောက်ပံ့ပေးသူဖြစ်နေမှန်း သိနေမှတော့ ငါက ဘာလို့ ကြိုတင်ကာကွယ်မှုတွေ မလုပ်ထားဘဲ နေရမှာလဲ”

တိထျန်းက ပြောလိုက်သည်။ သူက ဧကရီဝူ၏ လက်အောက်တွင် ရှုံးနိမ့်သွားပြီးနောက် သူမအပေါ် အတော်လေး စွဲလမ်းသွားမိသည်။ သူမ၏ အလှတရားကြောင့် မဟုတ်ဘဲ သူမ၏ အင်အားကြောင့် ဖြစ်၏။

ထို့ကြောင့် တိထျန်းက ပြန်လည်ဝင်စားခြင်းဖြင့် သူမနှင့် တိုက်ပွဲအကြောင်း သုံးသပ်ကာ သူ၏ ရှုံးနိမ့်ခြင်းမှ သင်ယူခဲ့ပြီး နောက်တစ်ချိန် အခွင့်အရေးရလာပါက သူမနှင့် မည်သို့ရင်ဆိုင်ရမည်ကိုပါ စီစဉ်ထားခဲ့သည်။

ထိုအခြေအနေအပေါ် မူတည်၍ သူမက သူ့အား အနိုင်ယူကာ မိစ္ဆာခန္ဓာကိုယ်၏ စွမ်းရည်နှင့် စွမ်းအားကို စုပ်ယူပြီးသွားသည့်နောက်တွင် သူမ၏ စွမ်းအားက ပြန်လည်ဝင်စားခြင်း ဘဝ ရှစ်ခုနီးပါးလောက်အထိ ရောက်ရှိသွားသည်။ ထိုဗဟုသုတအပေါ် အခြေခံ၍ တိထျန်းက သူ့လက်ရှိအနေအထားသည် ထိုဧကရီဝူကို အလွယ်တကူ အနိုင်ယူနိုင်ကြောင်း သိထားလေသည်။

ကိုးဘဝ ပြန်လည်ဝင်စားခြင်းက ရှစ်ဘဝနှင့် ကမ္ဘာခြားလောက်တောင် ကွာခြားပေသည်။ ပြောရလျှင် ထိုရှစ်ခု ပေါင်းစပ်ထားခြင်းထက် ကိုးဘဝ အင်အားက အတော်လေး များပြားသည်။

ယခင်ဘဝ၏ ကျင့်ကြံဆင့်များကို စုပ်ယူဖို့အတွက် အထွတ်အထိပ်အဆင့် ရောက်ရှိဖို့ လိုအပ်သည့် တခြား ပြန်လည်ဝင်စားခြင်းလို မဟုတ်ဘဲ ကိုးကြိမ်မြောက် ပြန်လည်ဝင်စားခြင်းကမူ ကျင့်ကြံဆင့် တစ်ခုချင်းစီတွင် အပြောင်းအလဲ ဖြစ်လာသည်။

တိထျန်း မှတ်မိသလောက် သူသည် အံ့ဖွယ်ပလ္လင်သို့ ဝင်ဝင်ချင်း အထွတ်အထိပ်အဆင့် ကျင့်ကြံသူ၏ စွမ်းအားကို ရရှိနေပြီ ဖြစ်၏။ အထွတ်အထိပ်တွင် သူက ဧကရာဇ်တစ်ပိုင်းအဆင့် အင်အားလောက် ရရှိနေလေပြီ ဖြစ်သည်။

သို့သော် ယခုတွင် ကမ္ဘာဦးစိတ်ဝိညာဉ်အဆင့်တွင်မူ သူက မည်မျှအားကောင်းကြောင်း မသိတော့ပေ။ ထို့ကြောင့် ထို့အပြင် အစီအရင်နှင့် ဧကရာဇ်အသုံးအဆောင်များ၏ စွမ်းအားကိုပါ ထည့်ပေါင်းလိုက်လျှင် ဝူဟုန်ကို နှစ်များစွာ လေ့လာထားပြီးသည့်နောက် သူမ၏ နည်းလမ်းကို တားဆီးဖို့အတွက် အလွန်လွယ်ကူလှသည်။

ဝမ်ဝေ့က ဘာမှမပြောဘဲ အဆောင်ကို ထည့်သိမ်းလိုက်ပြီးနောက် သူ့နဖူးအထက် တတိယမျက်လုံး ပေါ်ထွက်လာသည်။ ဤသည်က ကံကြမ္မာကောင်းကင် မျက်လုံး ဖြစ်၏။

ဤသည်က သူ တတိယချက္ကရကို ဖွင့်လှစ်ပြီးသည့်နောက် ရရှိလာသည့် စွမ်းရည် ဖြစ်သည်။ ထိုစွမ်းရည်က သူ့ကံကြမ္မာရုပ်သေးဆရာ ရုပ်ခန္ဓာနှင့် သက်ဆိုင်နေပြီး သူ့အား ကံကြမ္မာမြစ်ကြောင်း၏ ပုံရိပ်ယောင်ကို ဆင့်ခေါ်ဖို့အတွက် ခွင့်ပြုပေးထားသည်။

သို့သော်လည်း ဤကမ္ဘာတွင် ဝမ်ဝေ့က အမှန်တကယ် အရာကို ဆင့်ခေါ်နိုင်လေသည်။ ထို့အပြင် သူက လျှို့ဝှက်ကောင်းကင်မျှော်နန်း၏ ပါကွားလိပ်ခွံကို အသုံးပြုကာ ထိုမျက်လုံး၏ စွမ်းရည်ကို မြှင့်တင်လိုက်သည်။

ထို့နောက်တွင် ကံကြမ္မာမြစ်ကြောင်းက ထူးထူးဆန်းဆန်း အမူအရာရှိနေသည့် တိထျန်းဆီ ပြေးဝင်သွားလေသည်။ သူက ထိုမြစ်ကြောင်းသာ သူ့ကို ဆေးကြောသွားလျှင် မည်သို့ဖြစ်နေမည်မှန်း သိနေသည့်အလား ဖြစ်၏။

သူက သူ့တည်ရှိမှုက ဆေးကြောခံလိုက်ရ၍ အပြီးတိုင် ပျောက်ကွယ်သွားကာ သမိုင်းကြောင်းမှ ဖျောက်ဖျက်ခံရလိမ့်မည်။ သူ့ကို မှတ်မိသူတိုင်းလည်း သူတို့၏ မှတ်ဉာဏ်က ပြက်ပျယ်သွားကာ သူ ဘယ်တော့မှ မတည်ရှိဖူးသကဲ့သို့ ဖြစ်သွားလိမ့်မည်။

ထိုမြစ်ကြောင်းမှ အဆုံးသတ်ခံရလျှင် ကွဲပြားသည့် တစ်စုံတစ်ယောက်အဖြစ် ပြောင်းလဲသွားမည်ဖြစ်ပြီး သူ့ ကံကြမ္မာကလည်း အတင်းအကြပ် ပြောင်းလဲခံလိုက်ရလိမ့်မည်။ ဤသည်က တစ်စုံတစ်ယောက်အဖြစ် ပြောင်းလဲလိုက်ခြင်း ဖြစ်၏။

မည်သို့ပင်ဆိုစေကာမူ အကယ်၍ ထိုအတိုင်း ဖြစ်သွားခဲ့လျှင် တိထျန်းက သူ အရာအားလုံး ဆုံးရှုံးမည်မှန်း သိလိုက်သည်။ သူ့ပါရမီ၊ စွမ်းအား၊ အိပ်မက်၊ ရည်မှန်းချက်နှင့် ရည်ရွယ်ချက်များကိုပါ ဆုံးရှုံးလိုက်ရလိမ့်မည်။ သူက သူကိုယ်တိုင် မဟုတ်တော့ပေ။

ကံကြမ္မာမြစ်ကြောင်း၏ နောက်ထပ် သက်ရောက်မှုတစ်ချက်မှာ ပြည်နှင်ခံရသည့်ပုံစံဖြင့် အထဲတွင် ပိတ်မိနေခြင်း ဖြစ်ပေသည်။ အကယ်၍ ထိုသို့ဖြစ်ပျက်ခဲ့လျှင် သူသည် သူ့စွမ်းအားဖြင့်ပင် ကြာကြာ အသက်ရှည်နိုင်မည် မဟုတ်ကြောင်း သိလေသည်။ ထိုအရာက မပျက်သုဉ်းခင် အချိန်တစ်ခုမျှသာ ကြာမြင့်လိမ့်မည်။

မြစ်ကြောင်းက သူ့ဆီ ချဉ်းကပ်လာသည့်အခါ တိထျန်းက အလျင်အမြန် လေ့လာပြီးသည့်နောက်တွင် ရည်ရွယ်ချက်ကို ပြောနိုင်ခဲ့သည်။ ထိုတိုက်ကွက်က သူ့အား အထဲတွင် စည်းပိတ်ဖို့ ဖြစ်ပြီး ကံကြမ္မာစွမ်းအားနှင့် ဧကရီဝူ၏ စည်းပိတ်ခြင်းစွမ်းရည်ကို ပေါင်းစပ်ထားခြင်း ဖြစ်သည်။

သူ့လက်တစ်ချက်အဝှေ့တွင် တိထျန်းဝန်းကျင်တွင် ပုံရိပ်ယောင် မြစ်ကြောင်းတစ်ခု ပေါ်ထွက်လာပြီး ကာကွယ်ပေးထားသည်။ ဤမြစ်ကြောင်းက တလက်လက်ဖြင့် အဖြူရောင်ဖြစ်ကာ ကြယ်တာရာများထက် တောက်ပနေသည်။

ဝမ်ဝေ့က ထိုမြစ်ကြောင်းကို မြင်သည့်အခါ သူ့ဘဝအကြောင်း ဖျတ်ခနဲ ပြန်မြင်လာမိ၏။ ပြောရလျှင် သူသည် ကမ္ဘာမြေပေါ်တွင် ဖြစ်ပျက်ခဲ့သမျှ အရာအားလုံးနှင့် ဤကမ္ဘာတွင် မွေးဖွားလာစဉ်ကတည်းက နှစ်တစ်ထောင်ကြာ ကျင့်ကြံဆင့်အတွင်း သူ လုပ်ခဲ့သည့် အရာအားလုံး အပါအဝင် ဖြစ်၏။

ထိုအရာက လက်ရှိအနေအထားသို့ ရောက်ရှိသည်နှင့် ဝမ်ဝေ့က ချက်ချင်းဆိုသလို ဖြတ်တောက်လိုက်သည်။ သူက ဆက်ကြည့်နေလျှင် တစ်စုံတစ်ခု ဆိုးဆိုးရွားရွား ဖြစ်လာမည်မှန်း ခံစားချက်ရနေမိသည်။

ထို့နောက် သူက ရေရွတ်လိုက်၏ “ အချိန်မြစ်ကြောင်း”

အချိန်မြစ်ကြောင်း၏ ပုံရိပ်ယောင် ပေါ်ထွက်လာသည်နှင့် ထိုအရာက ဝမ်ဝေ့၏ ကံကြမ္မာမြစ်ကြောင်းကို အလွယ်တကူ ပိတ်ဆို့လိုက်သည်။ ရလဒ်ကို မြင်တွေ့ပြီးသည့်နောက်တွင် ဝမ်ဝေ့က သက်ပြင်းချဖို့ အချိန်မရှိပေ။ သူ့တွင် အချိန်ပြတ်လပ်နေပြီမှန်း သိလိုက်၏။

ကံကြမ္မာမြစ်ကြောင်းက တိထျန်းကို တိုက်ခိုက်ရုံသာမက ကမ္ဘာကို ဝန်းရံနေသည့် အစီအရင်ကိုလည်း တိုက်ခိုက်နေသည်။ ကံဆိုးစွာဖြင့် ထိုအစီအရင်က သူ ထင်ထားသည်ထက် အားကောင်းနေပြီး တိုက်ကွက်အား အလွယ်တကူ ခုခံထားလေသည်။

ထိုတိုက်ပွဲအတွင်း ဝမ်ဝေ့က သတင်းအချက်အလက်များအား စုစည်းကာ အားနည်းချက်ကို ရှာနိုင်ကာ ချိုးဖောက်နိုင်မည်လားဟု သိချင်မိသည်။ ကံဆိုးစွာဖြင့် သူက ဝိညာဉ်၊ စိတ်နှင့် စိတ်ဝိညာဉ်ကိုသာ အာရုံစိုက်ထားမိ၏။

သူ့ စိတ်ဝိညာဉ်အမှုန် အားလုံးဖြင့်ပင် သူက ထိုသတင်းအချက်အလက်ကို လေ့လာဖို့ စိတ်ကို မပိုင်းခြားနိုင်သေးပေ။ သူက လမ်းစဉ်ရှာဖွေရေး ကျောက်တုံးနှင့် လုပ်ဆောင်စဉ်အခါက အလောင်းအစား ပြုလုပ်လိုက်ခြင်းဖြစ်ပြီး သူ့အသက်ကို စွန့်စားလိုက်ခြင်းသာ ဖြစ်၏။

ဝမ်ဝေ့က သူ့တိုက်ကွက် ထပ်မံ ကျရှုံးသွားသည်ကို မြင်သည့်အခါ လက်ဝှေ့လိုက်သည်။ ထိုစဉ် မီးခိုးရောင် သတ္တုလုံးနှစ်ခုက သူ့ရှေ့ ထွက်ပေါ်လာ၏။

ဒီတိုက်ကွက်သာ ကျရှုံးသွားမယ်ဆိုရင် ငါတော့ ဒီအခြေအနေကနေ အသက်ရှင်ရဖို့ ကံကောင်းမှုကိုပဲ မှီခိုရတော့မယ်…